చీకటి పడక ముందే...
"దీపం" వెలిగించుకోవాలి...
బొందిలో ప్రాణముండగానే...
భక్తితో "దైవాన్ని" ధ్యానించాలి

ఈ భూమిపై బ్రతికి ఉండగానే...
అమ్మ నాన్నలను...ఆదరించాలి
ప్రేమించాలి గౌరవించాలి పూజించాలి
ఆప్యాయంగా చిరునవ్వుతో పలకరించాలి

జీవితంలో ఒక్కసారైనా ఆ ప్రత్యక్ష
దైవాల పవిత్రమైన పాదాలపై పడక...
ఆ పాదాలను కన్నీటితో కడగక...
"సాష్టాంగ నమస్కారం" చేయక...

నీవు ఏడుకొండలెక్కినా...
ఎన్ని కొబ్బరి కాయలు కొట్టినా...
ఎన్నిసార్లు ఆ కోనేటిరాయునికి మ్రొక్కినా...
దక్కదు ఈ సమాజంలో నీకు...ఏ గౌరవం ...
చిక్కదు...ఈ జన్మలో...నీకు ఏ పుణ్యం‌......