మృత్యువునెప్పుడూ
ముద్దు పెట్టుకోకు
అది ఎంత అందమైనదైనా...
అందాలు చెందే
అతిలోకసుందరియైనా...

కానీ ఏదో ఒక రోజు
వద్దు వద్దు అన్నా
మృత్యువే నిన్ను
గాఢంగా...
ముద్దు పెట్టుకుంది...
తెగ మురిసి పోతుంది...

అప్పుడు నీవు
నీ కనురెప్పలు
మూయవలసిందే...

భూలోకంలో
నీ అద్దెఇంటిని
ఖాళీ చేయవలసిందే...

నీ ఆస్తికి...నీ అధికారానికి
నీ అందానికి...నీ అనుబంధానికి
శాశ్వతంగా స్వస్తి పలకవలసిందే...

నావి నావి అనున్నవేవీ
నీవికావని తెలిసి
ఆర్జించినవన్నీ మూటకట్టి
ఆస్తికలతో పాటుగా...
గంగలో నిమజ్జనం చేయవలసిందే...

ఏది నీ వెంట రాదు...
ఎవరూ నీ వెంటరారు...
ఒంటరిగానే నీవు తిరిగిరాని
లోకాలకు తరలి పోవలసిందే...