నేను అడవిని ఆరగిస్తాను
నేను సముద్రాన్ని మింగేస్తాను
నేను కొండలను పిండి చేస్తాను

నేను ఎత్తైన
పర్వతాలను ఎక్కేస్తాను
నేను అహంకారులను
అధఃపాతాళానికి తొక్కేస్తాను
నేను విషంగ్రక్కేపాములోనున్న
ఆ పరమాత్మకు మొక్కేస్తాను

నేను విధిని ఎదిరించగలను
దాని గుండెల్లో నిదురించగలను
మృత్యువును ముక్కల్ చేయగలను

నేను ఓటమికి భయపడను
శక్తి సంకల్పం నాలో అనంతం
నేను పిరికివాడిని కానేకాదు 

నేను ఒక పులిని...
నేను ఒక సింహాన్ని...
నేనొక మదపుటేనుగును...

నేను పిల్లిలా పారిపోను...
ఊసరవెల్లిలా మారిపోను...
చివరి శ్వాస వరకు పోరాడుతాను...
ఆ పరమాత్మ ప్రసాదించిన
ఈ మానవజన్మను సార్ధకం‌ చేసుకుంటాను