ఈ రియల్ ఎస్టేట్ రంగమంటేనే అర్థం
రంగులుమార్చే ఊసరవెళ్ళని తెలుసుకో మిత్రమా!
అణుక్షణం అతిజాగ్రత్తగా మసలుకో మిత్రమా!

ఇందులో మనకు పరిచయమయ్యే
ప్రతివ్యక్తి ప్రాణమిత్రుడిలా వుంటాడు పైకి మాత్రమే
కాని వాడొక బద్దశత్రువని తెలుసుకో మిత్రమా!
అణుక్షణం అతిజాగ్రత్తగా మసలుకో మిత్రమా!

కనిపిస్తేచాలు వాడు కాళ్లకు నమస్కారం చేస్తాడు
కాని వాడే రేపు కడుపులో కత్తులుంచుకొని కౌగలించుకుంటాడని తెలుసుకో మిత్రమా!
అణుక్షణం అతిజాగ్రత్తగా మసలుకో మిత్రమా!

ఇందులో మాయమాటల మాంత్రికులు
అరచేతిలో స్వర్గం చూపెట్టే అఖండులు
నమ్మించి నట్టేటముంచే నయవంచకులు
నీ చుట్టే వుంటారని తెలుసుకో మిత్రమా!
అణుక్షణం అతిజాగ్రత్తగా మసలుకో మిత్రమా!

ఇందులో ఆశబోతులు అబద్ధికులు
సిగ్గూ లజ్జలేనివాళ్ళు వుంటారని
మానవత్వమన్న పదానికి అర్థంతెలియని
మూర్ఖులు ముసుగులు వేసుకొని నీప్రక్కనే
నక్కల్లా నక్కి వుంటారని తెలుసుకో మిత్రమా!
అణుక్షణం అతిజాగ్రత్తగా మసలుకో మిత్రమా!