నిజంగా నిన్నటి మనందరి కలయిక
అపూర్వమైన...ఓ ఆత్మీయ కలయిక
మనందరి హృదయాలలో...వెలిగేది
మనలోని...స్వచ్చమైన స్నేహదీపం
అందరి ముఖాలలో...చెరగని చిరునవ్వులే

కబుర్లు...కబుర్లు...కబుర్లు...
కాలమలా...ఐస్ క్రీంలా కరిగిపోయింది
కమ్మని కబుర్లతో... తీపి జ్ఞాపకాలతో ...
అందరి మది మురిసి ముద్దైపోయె
పరమానందంతో పరవశించిపోయె
ఆ ఆనందం ఆ సంతోషం వర్ణణాతీతం

ఆహా ఓహో ఏమా ! ప్రేమపూర్వకమైన
పలకరింపులు...పకపక నవ్వులు

ఎదనిండా ఏవో తెలియని
కలవరింతలు...పులకరింతలు

హృదినిండా ఏన్నో.. ఎన్నెన్నో
...సంతోషాల సరిగమలు
...పరమానందపు పరిమళాలు
అదిగో అందరి ముఖాలలో కురిసేను
...చిరునవ్వుల చిరుజల్లులు

జంటలు జంటలు...
....తనివితీరా...కనుల పంటలు
జంటలు జంటలు
...మ్రోగేనులే...గతజ్ఞాపకాల జేగంటలు
అందరి మదిని దోచాయి చట్నీలోని
...నోరూరించే రుచికరమైన వంటలు
అన్నదాతకు ఆరోగ్య ప్రాప్తిరస్తు
సిరిసంపదలు సుఖశాంతులు సిద్ధిరస్తు