పచ్చగడ్డి
మేసిన ఆవు
చిక్కని పాలిస్తుంది
కూడు తినే కుక్కకు
అదే పచ్చగడ్డి వేస్తే
బక్కచిక్కిచచ్చిపోతుంది

గులాబీలతో వంట...?

గులాబీ టమాటా కన్న
మిన్నగా గుభాళించవచ్చు
కానీ వంటగదిలో ఏ వనిత
గులాబీలతో కూరను వండలేదు

పరులకిచ్చిన వరాలు ..?

భగవంతుడు పరులకిచ్చిన
వరాలను చూసి అసూయచెందకు
నీకిచ్చిన అనంతమైన శక్తిసామర్థ్యాలకు
భక్తిశ్రద్ధలతో భగవంతున్ని
నోరారా స్తుతించు...
మనసారా కృతజ్ఞతలు చెల్లించు...

ఆటలో...? ఆ వేటలో...?

సింహం తిమింగలం రెండు
ఆటలో వేటలో ఆరితేరినవే...
కానీ సముద్రంలో సింహం
అడవిలో తిమింగలం ఆటలు సాగవు
కానీ కాలం కలిసి వస్తే తమ
సామ్రాజ్యాంలో తాము రాజులే...
వీరవిహారం చేసే వీరాధివీరులే...