ఎండాకాలంలో చెప్పులు కొనాలి
వర్షాకాలంలో గొడుగు కొనాలి
చలికాలంలో దుప్పటి కొనాలి
కోట్లు ఆర్జించాలంటే మాత్రం
రేట్లు పెరగకముందే ప్లాట్లు కొనాలి
అన్న పోలన్న సుభాషితం విన్న మీకు శుభోదయం

చిన్నవయసులోనే పొదుపు చేయాలి
ఉద్యోగంలో చేరగానే పదవీవిరమణకు
ఫండ్ ను ఏర్పాటు చేసుకోవాలి
పెళ్లి కాగానే హనీమూన్ కి వెళ్ళాలి
పిల్లలు పుట్టగానే వారి బంగారు
భవిష్యత్తుకు ప్రణాళికలు సిద్ధం చేసుకోవాలి
అన్న పోలన్న సుభాషితం విన్న మీకు శుభోదయం

చీకటి పడకముందే దీపం వెలిగించుకోవాలి
దీపం ఆరకముందే ఇల్లు చక్కదిద్దు కోవాలి
వయసు ముదరక ముందే ఇన్సూరెన్స్ చేసుకోవాలి
అన్న పోలన్న సుభాషితం విన్న మీకు శుభోదయం

ఆరోగ్యంగా వుండాలంటే వ్యాయామం చెయ్యాలి
అవసరాలు తీరాలంటే అప్పులు చేయాలి
ఆస్తులు ఆర్జించాలంటే వ్యాపారం చెయ్యాలి
అన్న పోలన్న సుభాషితం విన్న మీకు శుభోదయం

మూడో వ్యక్తితో ముచ్చట లాడరాదు
మనసులో అనుమానం వుంచుకోరాదు
కడుపులో కక్షను పెంచుకోరాదు,కోపంతో
రెచ్చిపోయి పిచ్చిపిచ్చిగా మాట్లాడరాదు
పచ్చని కాపురంలో చిచ్చు పెట్టుకోరాదు
అన్న పోలన్న సుభాషితం విన్న మీకు శుభోదయం

ఎన్నిసార్లు పోటీలో పాల్గొన్నామన్నదికాదు ముఖ్యం
కప్పు గెలిచామా లేదా అన్నదే ముఖ్యం
ఎన్ని సార్లు పరీక్షలు వ్రాశామన్నది కాదు ముఖ్యం
ఫస్ట్ ర్యాంక్ కొట్టామా లేదా అన్నదే ముఖ్యం
ఎన్ని ఇంటర్వ్యూ లకు అటెండ్ అయ్యామన్నదికాదు
ముఖ్యం ఉద్యోగంలో చేరామా లేదా అన్నదే ముఖ్యం
అన్న పోలన్న సుభాషితం విన్న మీకు శుభోదయం

సుఖపడాలంటే సుర్యునికంటే ముందులెయ్యాలి
షష్టి పూర్తి చేసుకోవాలనుకుంటే
పుష్టికరమైన ఆహారం పుచ్చుకోవాలి
కష్టపడి ఆర్జించిన తర్వాత కన్నుమూసేదాక
నిత్యం ఆ భగవంతుని స్మరించాలి
నిస్వార్థంగా నిరుపేదలకు సేవ చేయాలి
అన్న పోలన్న సుభాషితం విన్న మీకు శుభోదయం