ఏ గుడి బడిగంట !

మ్రోగదు...తనకై తాను 

...మనం మ్రోగించనిదే

ఏ దీపం !

వెలగదు...తనకై తాను 

...మనం వెలిగించనిదే

ఏ ఫ్యాను !

తిరగదు... తనకై తాను  

...మనం స్విచ్ వేయనిదే

ఏ చెట్టు ! 

ఎదగదు... తనకై తాను 

...మనం విత్తనం నాటనిదే

ఏ బిడ్డా ! 

జన్మించదు...తనకై తాను  

...అమ్మ నాన్నలు జత కూడనిదే 

ఏ ఉద్యోగి !

ఎదగలేడు...ఉన్నతంగా తనకై తాను   

...మరో ఆత్మీయుని ఆదరణలేనిదే  

ఏ పంట !

పచ్చగా పెరగదు‌... తనకై తాను 

...మనం దుక్కిదున్ని సాగుచేయనిదే

ఏ పసిబాలుడూ !

నడవలేడు...ఎంతో దూరం  

...అమ్మ ఎత్తుకోనిదే ఎదకు హత్తుకోనిదే

ఏ విద్యార్థి !

ఆర్జించలేడు...విజ్ఞానాన్ని‌ తనకై తాను  

...ఏగురువు దగ్గరైనా శిష్యరికం చేయనిదే

ఆ గురువు !

ఇంట్లో అమ్మ కావచ్చు మననాన్న కావచ్చు 

ప్రాణమిత్రులు కావచ్చు..ప్రపంచం కావచ్చు 

ఎవరూ పోటీలో గెలవలేరు ఒకరు ఓడనిదే

ఎవరూ రాణించలేరు ఒకరు పతనం కానిదే

ఎవరూ జన్మించలేరు మరొకరు మరణించనిదే

ఔను మనం పాత్రధారులం ఆ సృష్టికర్తే సూత్రధారి