గతాన్ని గమనించనివారు
గతించినవారి నుండి గుణపాఠాలు
నేర్చుకోనివారు బ్రతుకును మార్చుకోనివారు
స్వచ్ఛమైన జీవితాన్ని స్వాగతించనివారు
బయటపడని మానసిక వ్యాధులకు బలైపోతారు

ఒంటరిగా రేయింబవళ్ళు ఏడ్చిఏడ్చి
కడవలు కడవలు కన్నీరు కార్చికార్చి
కునుకేలేక కంటికి కుమిలిపోతారు
బయటపడని మానసిక వ్యాధులకు బలైపోతారు

తెలిసి తాము చేసిన తప్పే
తమని రోజు చెంపమీద కొడుతుంటే
నిలువునా నిప్పులా దహించివేస్తుంటే
తట్టుకోలేక పోతారు తల్లడిల్లిపోతారు
వ్యధలతో బాధలతో మదనపడి మదనబడి
క్రుంగిపోతారు కృషించి నశించిపోతారు
బయటపడని మానసిక వ్యాధులకు బలైపోతారు
తస్మాత్ జాగ్రత్త తప్పుచేస్తే తక్షణమే ఒప్పుకోండి
కార్చిచ్చులా కాల్చి మిమ్ము బూడిదచేయకముందే

ఆపై ఒక్కరే ఒంటరిగా బ్రతకునీడ్చలేక
మానని గాయాలతో మతిభ్రమించి
మాయమైపోతారు చిట్టచివరికి మట్టిలో
కలిసిపోతారు మాయనిమచ్చగా మిగిలిపోతారు