ప్రపంచ ప్రఖ్యాత బిలియనీర్, దిగ్గజ ఇన్వెస్టర్ వారిన్ బఫెట్ జీవనశైలికి సంబంధించిన ఒక ఆసక్తికరమైన  విస్తుపోయే విషయం ప్రస్తుతం ఇంటర్నెట్‌లో తెగ వైరల్ అవుతోంది. సాధారణంగా ప్రతి మనిషి ఆరోగ్యంగా ఉండాలంటే రోజూ తగిన మోతాదులో నీరు తాగాలని వైద్యులు సూచిస్తుంటారు. కానీ, ఇతరులకు భిన్నంగా ఆలోచించే బఫెట్ గత నాలుగు దశాబ్దాలకు పైగా మంచినీటి వైపే చూడలేదని సమాచారం.

ప్రముఖ హెడ్జ్ ఫండ్ మేనేజర్ బిల్ అక్మాన్ ఇటీవల వెల్లడించిన వివరాల ప్రకారం, ఈ విచిత్రమైన ఆహారపు అలవాటు బయటపడింది. కొద్ది సంవత్సరాల క్రితం బఫెట్‌ను తన ఇంటికి విందుకు ఆహ్వానించినప్పుడు అక్మాన్ ఈ విషయాన్ని స్వయంగా తెలుసుకున్నారు. విందు సమయంలో సాధారణ మంచినీరు లేదా స్పార్కింగ్ వాటర్ కావాలా అని అక్మాన్ అడగగా, బఫెట్ సున్నితంగా తిరస్కరించారు.

అతిథి నీరు తాగకపోవడంపై ఆశ్చర్యపోయిన అక్మాన్, అసలు మీరు నీళ్లు తాగరా అని ప్రశ్నించారు. దీనికి బఫెట్ బదులిస్తూ తాను దాదాపు 48 సంవత్సరాలుగా మంచినీటిని ముట్టలేదని తేల్చిచెప్పారు. నీళ్లకు బదులుగా తాను రోజూ కూల్ డ్రింక్స్‌పైనే ఎక్కువగా ఆధారపడుతున్నట్లు ఆయన అప్పట్లో స్పష్టం చేశారు.   

నీటికి బదులుగా బఫెట్ ‘చెర్రీ కోక్’ (Cherry Coke) కూల్ డ్రింక్‌ను నిత్యం సేవిస్తుంటారని తేలింది. రోజూ క్రమం తప్పకుండా సుమారు ఐదు డబ్బాల కోకోకోలా ఉత్పత్తులను తాగడం ఆయన దినచర్యలో భాగం. తన శరీరానికి కావలసిన క్యాలరీలలో దాదాపు నాలుగో వంతు కేవలం ఈ శీతల పానీయాల ద్వారానే అందుతాయని ఆయన గతంలో సరదాగా వ్యాఖ్యానించారు.   

కేవలం డ్రింక్స్ మాత్రమే కాకుండా ఆయన ఇష్టపడే ఆహారపు అలవాట్లు కూడా చాలా సాధారణంగా భిన్నంగా ఉంటాయి. ఫాస్ట్ ఫుడ్స్, బర్గర్లు, ఫ్రెంచ్ ఫ్రైస్, ఐస్‌క్రీమ్‌లు అంటే ఆయనకు ఎంతో మక్కువ. తాను ఎంతటి బిలియనీర్ అయినప్పటికీ తన అభిరుచులను మార్చుకోకుండా, దశాబ్దాలుగా అవే సాధారణ తిండి అలవాట్లను కొనసాగిస్తున్నారు.

అయితే, నీళ్లు తాగకుండా కేవలం శీతల పానీయాలతోనే ఇన్ని దశాబ్దాలుజీవించడం సాధ్యమేనా అనే చర్చ ప్రస్తుతం నెటిజన్ల మధ్య హాట్ టాపిక్‌గా మారింది. ఒకవైపు ఇది ఆశ్చర్యం కలిగిస్తుంటే, మరోవైపు ఇటువంటి అనారోగ్యకరమైన అలవాట్లు ఉన్నప్పటికీ ఆయన ఈ వయసులో కూడా అత్యంత చురుగ్గా ఉండటం విశేషమని పలువురు చర్చించుకుంటున్నారు.

భవిష్యత్తులోనూ తన టేస్ట్ అండ్ ట్రెండ్‌ను మార్చుకునే ప్రసక్తే లేదని బఫెట్ నిరూపిస్తున్నారు. ఆరోగ్య నిపుణులు హెచ్చరికలను పక్కనపెట్టి, తనదైన వినూత్న శైలిలో జీవిస్తున్న ఈ లెజెండరీ ఇన్వెస్టర్ ఆహారపు అలవాట్లు రాబోయే రోజుల్లోనూ సోషల్ మీడియాలో తీవ్ర చర్చకు దారితీసే అవకాశం ఉంది.

 

 

 

[ Warren Buffett, Billionaire Investor, Warren Buffett Diet, Drinking Habits, Diet Secrets, Coca-Cola, Investment Legend, Viral News, Cherry Coke, Bill Ackman, Berkshire Hathaway, Investment Legend]