భారతీయ పేస్ బౌలింగ్‌లో తనకంటూ ఒక ప్రత్యేక గుర్తింపు తెచ్చుకున్న అనుభవజ్ఞుడైన ఫాస్ట్ బౌలర్ ఉమేశ్ యాదవ్ జీవితం ఎన్నో కష్టనష్టాలు, అంకితభావం నిండిన ఒక అద్భుతమైన ప్రయాణం. ఇటీవల ఓ ప్రత్యేక ఇంటర్వ్యూలో ఉమేశ్ యాదవ్ తన క్రికెట్ ప్రయాణం, ఎదురైన సవాళ్లు మరియు వ్యక్తిగత జీవితానికి సంబంధించిన ఎన్నో ఆసక్తికరమైన విషయాలను పంచుకున్నారు. ఒకవైపు క్రికెట్ కెరీర్ ప్రమాదంలో పడిన సందర్భాలు, మరోవైపు తన తండ్రి జీవితాంతం పడిన శ్రమను గుర్తుచేసుకుంటూ ఆయన చేసిన  ప్రస్తుతం సోషల్ మీడియాలో వైరల్ అవుతున్నాయి. ఉమేశ్ యాదవ్ తండ్రి తిలక్ యాదవ్ వాల్ని కోల్ మైన్స్ (బొగ్గు గనుల్లో) ఉద్యోగం చేస్తూ కుటుంబాన్ని పోషించారు. గనుల లోపల ప్రాణాలను పణంగా పెట్టి కష్టపడితేనే కానీ తన పిల్లలను చదివించి, పెద్దలను చేయలేని క్లిష్ట పరిస్థితుల్లో ఆయన పనిచేశారు. తండ్రి పడిన ఆ కష్టమే తనను ఈ స్థాయికి తీసుకువచ్చిందని ఉమేశ్ యాదవ్ ఎప్పుడూ కృతజ్ఞతతో గుర్తుచేసుకుంటూ ఉంటారు.

ఉమేశ్ యాదవ్ తన క్రికెట్ ప్రయాణంలో కేవలం మైదానంలోనే కాకుండా మైదానం బయట కూడా ఎన్నో ఒడిదుడుకులను ఎదుర్కొన్నారు. గాయాల కారణంగా సుమారు రెండేళ్ల పాటు ఆటకు దూరంగా ఉండాల్సి రావడం తన కెరీర్‌ను తీవ్రంగా ప్రభావితం చేసిందని ఆయన తెలిపారు. విదర్బ తరఫున ఆడిన గత సీజన్ తర్వాత, ఈ ఏడాది పంజాబ్ జట్టుకు మారిన ఉమేశ్ యాదవ్ అస్సాంతో జరిగిన మ్యాచ్‌లో అద్భుతమైన ఐదు వికెట్ల ప్రదర్శనతో (5-wicket haul) ఘనమైన పునరాగమనం చేశారు. అయితే, గత రెండు సంవత్సరాలుగా ఐపీఎల్ (IPL) వేలంలో రెండుసార్లు అమ్ముడుపోకుండా (Unsold) మిగిలిపోవడం తనను ఎంతగానో బాధిచిందని ఆయన ఆవేదన వ్యక్తం చేశారు. ఒక సంవత్సరం తీవ్రమైన గాయం కారణంగా ఆటకు దూరమవ్వగా, ఆ తర్వాత ఏడాది స్థానిక కోచ్‌లు మరియు సెలెక్టర్ల తీరు వల్ల తాను ఆడాల్సిన విలువైన సమయాన్ని, ఒక సంవత్సరాన్ని కోల్పోవాల్సి వచ్చిందని ఆయన వెల్లడించారు.

ఈ కష్టకాలంలో భారత జట్టు ప్రధాన కోచ్ గౌతమ్ గంభీర్ తనకు అందించిన మద్దతును ఉమేశ్ యాదవ్ ప్రత్యేకంగా గుర్తుచేసుకున్నారు. "గంభీర్‌తో మాట్లాడినప్పుడు, రంజీ ట్రోఫీ ఆడి ప్రదర్శన చేస్తే తిరిగి భారత జట్టులోకి పునరాగమనం చేసే అవకాశం ఉంటుందని ఆయన స్పష్టం చేశారు" అని ఉమేశ్ తెలిపారు. ఫ్రాంచైజీలు ఎప్పుడూ ఆటగాళ్ల ఫిట్‌నెస్ మరియు భవిష్యత్తు ప్రణాళికల గురించే ఆలోచిస్తాయని, మధ్యలో గాయపడితే తమ వ్యూహాలు తారుమారవుతాయనే భయంతోనే ఫ్రాంచైజీలు తనను ఎంచుకోవడానికి వెనుకాడాయని ఆయన విశ్లేషించారు. ఏదేమైనప్పటికీ, పట్టువదలని విక్రమార్కుడిలా దేశీయవాప్తంగా మళ్లీ బౌలింగ్ ప్రావీణ్యాన్ని చాటుకుంటూ, తన సత్తా ఏమిటో నిరూపించడానికి ఉమేశ్ యాదవ్ సిద్ధమవుతున్నారు. బొగ్గు గనుల్లో తండ్రి పడిన చెమట చుక్కలను ఆదర్శంగా తీసుకుని ముందుకు సాగుతున్న ఉమేశ్ యాదవ్ ప్రయాణం యువ క్రికెటర్లకు ఎప్పటికీ ఒక గొప్ప స్ఫూర్తిదాయకం.

 

 

 

[Umesh Yadav, Umesh Yadav Cricket Career, Tilak Yadav, Gautam Gambhir, Indian Fast Bowlers, Umesh Yadav Comeback, Ranji Trophy, IPL Auction Unsold Players, Punjab Domestic Cricket Team, Indian Domestic Cricket]