ఒంగోలు సమీపంలో రోడ్డు ప్రమాదం: నలుగురు దుర్మరణం.!
Published on: Sat Nov 21, 2026 9:21AM
.webp)
ప్రకాశం జిల్లాలో జరిగిన ఘోర రోడ్డు ప్రమాదంలో నలుగురు మృత్యువాత పడ్డారు. మరో ఇద్దరు గాయపడ్డారు. తిరుపతి నుంచి బాపట్లకు ఆరుగురు వ్యక్తులు కారులో వెడుతుండగా శనివారం (నవంబర్ 21) ఉదయం ఈ ప్రమాదం జరిగింది. వారు ప్రయాణిస్తున్న వాహనం ఒంగోలు సమీపంలోని పెళ్లూరు వద్ద డ్రైవర్ నియంత్రణ కోల్పోయి కల్వర్టును ఢీకొని కాలువలో పడిపోయింది.
ఈ ఘటనలో కారు డ్రైవర్ ప్రవీణ్తో పాటు వెంకట్రావు, సుజాత, సీతామహాలక్ష్మి సంఘటనా స్థలంలోనే ప్రాణాలు కోల్పోయారు. కారులో ప్రయాణిస్తున్న నూతన దంపతులు శ్రీతేజ, కైవల్య స్వల్ప గాయాలతో ప్రమాదం నుంచి బయటపడ్డారు. డ్రైవర్ నిద్రమత్తు కారణంగానే ఈ ప్రమాదం జరిగినట్లు ప్రాథమికంగా భావిస్తున్నారు.
[Road accident, Prakasam district, Pelluru, Fourdead, Tirupati , Bapatla, TeluguOne]


