ఏపీ ఎమ్మెల్సీ, తెలుగుదేశం సీనియర్ రాజకీయ నాయకుడు సి.రామచంద్రయ్య పాతిక లక్షల రూపాయలకు బురిడీ కొట్టించాడొక మాయగాడు. హైదరాబాద్ రియల్ ఎస్టేట్ మోసాలలో  మరో మోసంగా దీనిని పరిశీలకులు అభివర్ణిస్తున్నాడు. ఏపీ ఎమ్మెల్సీ, సీనియర్ పొలిటీషియన్ నే భూమి పేరిట బురిడీ కొట్టించడం సంచలనంగా మారింది. హైదరాబాద్ మాదాపూర్ లో  విలువైన భూమిని విక్రయిస్తామంటూ నమ్మించి ఆంధ్రప్రదేశ్ ఎమ్మెల్సీ సి. రామచంద్రయ్య నుంచి రూ.25 లక్షలు తీసుకున్నాడా వ్యక్తి.  ఐదున్నర ఎకరాల స్థలం తమదేనంటూ ఓ వ్యక్తి, అతని కుమారుడు వచ్చి.. సి. రామచంద్రయ్య నుంచి అడ్వాన్స్ గా పాతిక లక్షలు తీసుకున్నారు. ఆ తరువాత పత్రాలు చూపించకుండా తప్పించుకున్నారు. సి.రామచంద్రయ్య ఫిర్యాదు మేరకు  ఆధారంగా జూబ్లీహిల్స్ పోలీసులు కేసు నమోదు చేసి దర్యాప్తు చేపట్టారు.   ఐటీ కారిడార్‌  మాదాపూర్‌లో భూమి కొనుగోలు వ్యవహారం ఏకంగా ప్రజాప్రతినిధినే పోలీస్ స్టేషన్ మెట్లు ఎక్కేలా చేసింది. మాదాపూర్ 100 ఫీట్ రోడ్డులో సుమారు ఐదున్నర ఎకరాల స్థలాన్ని తక్కువ ధరకే విక్రయిస్తామంటూ తనను నమ్మించారని ఎమ్మెల్సీ సి. రామచంద్రయ్య తన ఫిర్యాదులో పేర్కొన్నారు.  

  పేరూరి తులసీగోపాల్, ఆయన కుమారుడు గిరిధర్   సదరు స్థలాన్ని విక్రయించేందుకు రామచంద్రయ్యను సంప్రదించారు. భూమి న్యాయ వివాదంలో ఉన్నందున తక్కువ ధరకు విక్రయించేందుకు సిద్ధంగా ఉన్నట్లు సి. రామచంద్రయ్యను నమ్మించారు. మాదాపూర్ వంటి కీలక ప్రాంతంలో భూమి కొనుగోలు చేసే అవకాశం ఉందని భావించి ఆయన సై అన్నారు.  ఈ క్రమంలో టోకెన్ అడ్వాన్స్‌గా  పాతిక లక్షలు చెల్లించాలని కోరడంతో రామచంద్రయ్య ఆ మొత్తాన్ని ఆర్టీజీఎస్ ద్వారా బదిలీ వారి అక్కౌంట్ కు బదిలీ చేశారు. 

అయితే, అడ్వాన్స్ చెల్లించిన తర్వాత భూమికి సంబంధించిన అసలు యాజమాన్య పత్రాలను న్యాయవాదికి చూపించి పరిశీలించాలని రామచంద్రయ్య కోరినట్లు తెలుస్తోంది. అయితే.. సంబంధిత వ్యక్తులు పత్రాలను అందించకుండా కాలయాపన చేశారు. దీంతో సి.రామచంద్రయ్య   భూమి యాజమాన్య వివరాలపై ఆరా తీశారు. విచారణలో ఆ స్థలానికి సంబంధించి తమకు యాజమాన్య హక్కులు ఉన్నట్లు చెప్పిన వ్యక్తుల వాదనపై సందేహాలు తలెత్తాయి. దీంతో   మోసపోయినట్లు భావించిన రామచంద్రయ్య పోలీసులను ఆశ్రయించారు.  రామచంద్రయ్య ఫిర్యాదు మేరకు జూబ్లీహిల్స్ పోలీసులు పేరూరి తులసీగోపాల్, గిరిధర్‌తో పాటు మరికొందరిపై   కేసు నమోదు చేశారు. డబ్బులు ఎలా వసూలు చేశారు? భూమి అసలు యజమానులు ఎవరు? ఈ వ్యవహారంలో మరెవరైనా ఉన్నారా? అనే అంశాలపై పోలీసులు విచారణ చేస్తున్నారు.   

[Real Fraud in Madhapur, MLC CRamachandraiah,  Rs 25 Lakh Fraud, Jubilee Hills, Real Estate,   Telugu One]