హిమాలయాల ఒడిలో ఉన్న నేపాల్ దేశంలో వర్షాలు ఉగ్రరూపం దాలుస్తున్నాయి. దేశవ్యాప్తంగా నైరుతి రుతుపవనాలు తీవ్ర స్థాయిలో విరుచుకుపడుతుండటంతో కట్మండు సహా పశ్చిమ, మధ్య, తూర్పు నేపాల్ ప్రాంతాలు జలమయమవుతున్నాయి. ఎడతెరిపి లేకుండా కురుస్తున్న భారీ వర్షాల కారణంగా దేశంలోని ప్రధాన నదులలో నీటి మట్టాలు ప్రమాదకర స్థాయిని దాటి ప్రవహిస్తుండటంతో అధికారులు అత్యవసర హెచ్చరికలు జారీ చేశారు. సెప్టెంబరు 2న ఉదయం 6:00 గంటల సమయానికి అందిన సమాచారం ప్రకారం, సింధులి జిల్లాలోని సున్ కోషి నది, గోర్ఖా జిల్లాలోని బుధి గండకి నది మరియు దదేల్ధురా జిల్లాలోని మహాకాళి నదిలో నీటి మట్టాలు అలర్ట్ లెవెల్స్‌ను దాటి ప్రవహిస్తున్నాయి.

మరొకవైపు, లామ్‌జంగ్ జిల్లాలోని మార్స్యాంగ్ది నదిలో సెప్టెంబరు 1 రాత్రి 11:15 గంటల సమయంలో భుకుండేబెసి వాటర్ లెవల్ మోనిటరింగ్ సెంటర్ వద్ద నీటి ప్రవాహం ప్రమాదకర స్థాయిని దాటిపోయింది. హైడ్రాలజీ అండ్ మీటియోరాలజీ డిపార్ట్‌మెంట్ ఫ్లడ్ ఫోర్‌కాస్టింగ్ డివిజన్ వెల్లడించిన తాజా నివేదికల ప్రకారం మార్స్యాంగ్ది నదిలో నీటి ఉధృతి నిమిష నిమిషానికి తీవ్రంగా పెరుగుతోంది. దీంతో దిగువ ప్రాంతాల్లో ఫ్లాష్ ఫ్లడ్స్ లేదా అకస్మాత్తుగా విరుచుకుపడే వరదల ముప్పు గణనీయంగా పెరిగిపోయింది. నదీ తీర ప్రాంతాల్లో నివసించే వేలాది మంది ప్రజలు తీవ్ర భయాందోళనలకు గురవుతున్నారు.

ఈ భయానక పరిస్థితుల నేపథ్యంలో నేపాల్ నేషనల్ డిజాస్టర్ రిస్క్ రిడక్షన్ అండ్ మేనేజ్‌మెంట్ అథారిటీ (NDRRMA) రంగంలోకి దిగింది. నదుల దిగువ ప్రాంతాలలో మరియు తీర ప్రాంతాల్లో నివసిస్తున్న ప్రజలు అత్యంత జాగరూకతతో ఉండాలని ప్రత్యేక హెచ్చరికలు జారీ చేసింది. ఉప్పొంగుతున్న వరద నీరు ఎప్పుడైనా ఇళ్లను ముంచెత్తే అవకాశం ఉండటంతో, ప్రజలు వెంటనే సురక్షిత ప్రాంతాలను గురుతించి అటువైపు తరలిపోవాలని అధికారులు విజ్ఞప్తి చేస్తున్నారు. స్థానిక పరిపాలనా యంత్రాంగం మరియు సహాయక బృందాలు పరిస్థితిని నిరంతరం సమీక్షిస్తూ, అత్యవసర సహాయం అందించడానికి సిద్ధంగా ఉన్నాయి.

 

 

 

nepal floods alert three major rivers overflow,marsyangdi sun koshi river floods nepal,nepal disaster management issues flood alert.