పుష్కర స్నానం చేస్తుండగా..పాము కాటు
Published on: Mon Aug 15, 2016 7:51PM

విజయవాడ కృష్ణాపుష్కర ఘాట్ వద్ద మధ్యాహ్నం కలకలం రేగింది. దుర్గా ఘాట్ వద్ద కొందరు భక్తులు స్నానం చేస్తుండగా పాములు కొట్టుకువచ్చాయి. ఆ సమయంలో స్నానం చేస్తున్న ఒక యువకుడిని పాము కాటు వేసింది. అతన్ని ఆసుపత్రికి తరలించగా, పరిస్థితి విషమంగా ఉన్నట్లు వైద్యులు తెలిపారు. వెంటనే అప్రమత్తమైన గజఈతగాళ్లు పామును పట్టుకున్నారు. దీంతో భక్తులు స్నానం చేయడానికి భయపడుతున్నారు. ఎగువ ప్రాంతాల నుంచి వరద నీరు భారీగా వస్తుండటంతో ఆ నీటిలో పాములు కొట్టుకువస్తున్నట్టు అధికారులు తెలిపారు. కాగా పాము కాటుకు గురైన బాధితుడిని గుంటూరు కొత్తపేటకు చెందిన సుమంత్గా గుర్తించారు.


