ఈ రోజుల్లో వయసుతో సంబంధం లేకుండా చిన్నా పెద్దా అనే తేడా లేకుండా చాలామంది జాయింట్ పెయిన్స్, ఆర్థరైటిస్ మరియు మోకాళ్ల నొప్పుల సమస్యలతో తీవ్రంగా బాధపడుతున్నారు. ఏమాత్రం కదలకుండా ఉండే జీవనశైలి, మారిన ఆహారపు అలవాట్ల కారణంగా ఈ సమస్య రోజురోజుకూ పెరిగిపోతోంది. అయితే ఏదైనా సమస్య వచ్చిన తర్వాత దానికి హాస్పిటల్స్ చుట్టూ తిరగడం, ట్రీట్మెంట్లు తీసుకోవడం కంటే అసలు ఆ రోగం బారిన పడకుండా ముందే జాగ్రత్త పడడం చాలా ఉత్తమమైన పద్ధతి అని ఆరోగ్య నిపుణులు స్పష్టం చేస్తున్నారు. భవిష్యత్తులో కూడా కీళ్ల నొప్పుల సమస్యలు దరిచేరకుండా ఉండాలంటే కొన్ని కీలకమైన జీవనశైలి మార్పులు పాటించడం తప్పనిసరి.   

మన శరీర బరువు మోకాళ్ల ఆరోగ్యంపై అత్యంత తీవ్రమైన ప్రభావాన్ని చూపుతుందని ప్రముఖ న్యూరాలజిస్ట్ డాక్టర్ హారతి స్పష్టం చేస్తున్నారు. మీ శరీరం బరువు ఎంతైనా ఉండనివ్వండి, మీరు కనుక కేవలం 1 కేజీ బరువు తగ్గినట్లయితే దాని అర్థం మీ మోకాళ్ల జాయింట్స్ పై నుంచి దాదాపు 4 కేజీల అదనపు ఒత్తిడిని పూర్తిగా దించేస్తున్నారని అర్థం. దీనినే 1:4 మ్యాజిక్ అని పిలుస్తారు. సరైన పద్ధతిలో బరువును అదుపులో ఉంచుకోవడం వల్ల కీళ్లపై పడే అనవసరమైన భారం తగ్గి, నొప్పుల నుంచి శాశ్వత ఉపశమనం లభిస్తుందని నిపుణులు వెల్లడిస్తున్నారు.

శరీరానికి తగినంత కదలిక (Movement) ఉండటం అనేది జాయింట్ హెల్త్ కి అత్యంత ముఖ్యమైన ప్రాథమిక అంశం. ఎలాంటి కదలికలు లేకపోతే ఇనుప యంత్రాలైనా, మన శరీర కీళ్లైనా ఇట్టే బిగుసుకుపోతాయి. మీరు ఎంత యాక్టివ్‌గా కదులుతూ ఉంటే, కీళ్ల మధ్య రాపిడిని పూర్తిగా నివారించే సహజమైన గుజ్జు లేదా జిగురు అంత మెరుగ్గా ఉత్పత్తి అవుతుంది. ఇందుకోసం క్రమం తప్పకుండా వారానికి కనీసం 3 సార్లు కండరాలను బలోపేతం చేసే స్ట్రెంగ్తెనింగ్ వ్యాయామాలు చేయాలి.

వ్యాయామాలతో పాటు స్విమ్మింగ్, సైక్లింగ్ వంటి సరదా కార్యకలాపాలను కూడా మీ దినచర్యలో భాగం చేసుకోవడం వల్ల మోకాళ్ల నొప్పులు ఎప్పటికీ దరిచేరవని డాక్టర్ హారతి వివరిస్తున్నారు. కేవలం వ్యాయామమే కాకుండా తీసుకునే ఆహారంలో కూడా సరైన మార్పులు చేసుకోవడం చాలా అవసరం. కీళ్ల ఆరోగ్యానికి ఏది ఉత్తమమైన డైటో దానిని ఖచ్చితంగా అనుసరించాలని సూచిస్తున్నారు.

ఇది కూడా చదవండి:టీ, కాఫీలు ఏ ఉష్ణోగ్రతలో తాగితే ఆరోగ్యానికి సురక్షితం?

కీళ్లలో ఎలాంటి మంట, వాపు రాకుండా సురక్షితంగా ఉండాలంటే ఒమేగా 3 ఫ్యాటీ యాసిడ్లు సమృద్ధిగా ఉండే వాల్‌నట్లు, ఫ్రెష్ బెర్రీలు, ఆకు కూరలు మరియు ప్రతిరోజూ 1 స్పూన్ ఎక్స్ ట్రా వర్జిన్ ఆలివ్ ఆయిల్ తీసుకోవాలని డాక్టర్ హారతి గట్టిగా సిఫార్సు చేస్తున్నారు. వీటితో పాటు శరీరానికి ఎముకల బలాన్ని ఇచ్చే విటమిన్ డి కూడా చాలా చాలా ముఖ్యమని ఆమె గుర్తు చేస్తున్నారు.

ఈ చిన్నచిన్న ఆరోగ్య సూత్రాలను, జీవనశైలి నియమాలను మీ దినచర్యలో క్రమం తప్పకుండా పాటిస్తే వృద్ధ్యాప్యంలో కూడా మీ కీళ్లు ఎలాంటి నొప్పులు లేకుండా పదిలంగా ఉంటాయి. మోకాళ్ల నొప్పుల భయం లేకుండా హాయిగా నడవడానికి, చురుగ్గా జీవించడానికి ఈ నివారణ పద్ధతులు ఎంతగానో సహాయపడతాయి కాబట్టి వీటిని నేటి నుంచే పాటించడం ప్రారంభించండి.

మీకు నచ్చవచ్చు:హార్ట్ అటాక్ లక్షణాలు కనిపిస్తే ప్రాణాలు కాపాడే అత్యవసర ప్రథమ చికిత్స టిప్స్!

               బర్నింగ్ ఫీట్ సిండ్రోమ్, అంటే ఏమిటి? రాత్రి వేళ పాదాల మంటకు అసలు కారణాలు ఇవే!

 

 

Increase Joint Fluid, Prevent Arthritis Naturally, Joint Cartilage Foods, Bone And Joint Health Tips, Joint Pain Relief Guide, Doctor Health Advice, Health Tips In Telugu.