ఫోటో ఎడిటింగ్, గ్రాఫిక్ డిజైనింగ్, మరియు క్రియేటివ్ ప్రాజెక్ట్స్ అనగానే అందరికీ ముందుగా గుర్తుకువచ్చే ఏకైక పాపులర్ సాఫ్ట్‌వేర్ అడోబ్ ఫోటోషాప్. అయితే, దీని సబ్‌స్క్రిప్షన్ ఛార్జీలు సాధారణంగా చాలా ఖరీదైనవిగా ఉంటాయి. ముఖ్యంగా కాలేజీ విద్యార్థులకు ప్రతినెల లేదా ప్రతి సంవత్సరం వేల రూపాయిలు చెల్లించి ఈ ఒరిజినల్ సాఫ్ట్‌వేర్ వాడటం కాస్త భారంతో కూడుకున్న విషయమే. కానీ ఇప్పుడు భారతీయ విద్యార్థుల కోసం అడోబ్ సంస్థ ఒక అద్భుతమైన సర్‌ప్రైజ్ ఆఫర్‌‌ను అందుబాటులోకి తెచ్చింది. పండుగల సీజన్ సందర్భంగా దేశంలోని అర్హులైన విద్యార్థులందరికీ పూర్తి ఒక సంవత్సరం పాటు ఉచితంగా అడోబ్ ఫోటోషాప్ సబ్‌స్క్రిప్షన్‌ను అందిస్తోంది. డిజైనింగ్, డిజిటల్ ఆర్ట్, ఫోటో ఎడిటింగ్ నేర్చుకోవాలనుకునే ప్రతీ ఒక్క కాలేజీ విద్యార్థికి ఇది నిజంగా ఒక లక్కీ ఛాన్స్ అని చెప్పవచ్చు.

ఈ ప్రత్యేకమైన ప్రమోషనల్ ఆఫర్ కింద సాధారణంగా రూ. 1,999 వార్షిక ధర కలిగిన అడోబ్ ఫోటోషాప్ వార్షిక ప్రీపెయిడ్ ప్లాన్ పై ఏకంగా 100 శాతం డిస్కౌంట్ లభిస్తుంది. అంటే మొదటి 12 నెలల కాలానికి చెల్లించాల్సిన అసలు బకాయి మొత్తం ఖచ్చితంగా రూ. 0 గా మారుతుంది. విద్యార్థులు రూపాయి కూడా ఖర్చు చేయకుండా ఆఫిషియల్ సాఫ్ట్‌వేర్‌ను నేరుగా వారి కంప్యూటర్లలో ఉపయోగింవచ్చు. అయితే ఈ ఉచిత ప్రయోజనాన్ని పొందడానికి అడోబ్ కొన్ని ప్రాథమిక నిబంధనలను విధించింది. వినియోగదారులు అడోబ్ అధికారిక వెబ్‌సైట్ ద్వారా తమ కాలేజీ వివరాలను నమోదు చేయాల్సి ఉంటుంది. ఇది కేవలం ప్రస్తుతం చదువుకుంటున్న కాలేజీ విద్యార్థుల కోసం ఉద్దేశించిన ఆఫర్ కాబట్టి సాధారణ ఖాతాదారులకు ఈ ఆఫర్ వర్తించదు.

ఈ ఆఫర్‌ను పొందడానికి చాలా సులువైన ప్రక్రియ ఉంది. ముందుగా విద్యార్థులు అడోబ్ అధికారిక వెబ్‌సైట్‌లోని ఫోటోషాప్ స్టూడెంట్ ఆఫర్ పేజీని సందర్శించి చెక్‌అవుట్ ప్రక్రియను ప్రారంభించాలి. ఆ తర్వాత మీ అధికారిక అడోబ్ ఖాతాతో లాగిన్ అవ్వాలి, ఒకవేళ మునుపే ఖాతా లేకపోతే మీ ఈమెయిల్ ఐడీతో కొత్తగా క్రియేట్ చేసుకోవచ్చు. చెక్‌అవుట్ పేజీలో పేమెంట్ ఆప్షన్లలో యూపీఐ (UPI) ని ఎంచుకుని, అక్కడ మీ కళాశాల లేదా కాలేజీ వివరాలను సమర్పించాల్సి ఉంటుంది. ఆ తర్వాత మీ మొబైల్ యూపీఐ యాప్ ద్వారా యూపీఐ ఆటోపే (UPI AutoPay) మాండేట్‌ను ఆమోదించాలి. మాండేట్ సెటప్ కోసం ఒక చిన్న టోకెన్ మొత్తం రూ. 2 మాత్రమే ప్రాసెస్ కోసం కట్ అవుతుంది. ఈ ప్రక్రియ విజయవంతంగా పూర్తయిన వెంటనే రాబోయే 12 నెలల పాటు ఉచిత ఫోటోషాప్ సబ్‌స్క్రిప్షన్ మీ ఖాతాలో ఆటోమేటిక్‌గా యాక్టివేట్ అవుతుంది. ఆపై మీరు డెస్క్‌టాప్‌లోని అడోబ్ క్రియేటివ్ క్లౌడ్ యాప్ ద్వారా ఫోటోషాప్‌ను డౌన్‌లోడ్ చేసుకుని వాడుకోవచ్చు.

అయితే ఈ ప్లాన్ క్లెయిమ్ చేసుకునేటప్పుడు ఒక ముఖ్యమైన విషయాన్ని విద్యార్థులు గుర్తుంచుకోవాలి. మొదటి సంవత్సరం ప్రమోషనల్ పీరియడ్ పూర్తిగా ఉచితంగా లభించినప్పటికీ, 12 నెలల ప్రమోషన్ ముగిసిన తర్వాత ఈ ప్లాన్ ఆటోమేటిక్‌గా రూ. 1,999 వార్షిక ధరకు రెన్యూ అవుతుంది. కాబట్టి ఉచిత గడువు ముగిసిన తర్వాత పేయిడ్ సబ్‌స్క్రిప్షన్ కొనసాగించకూడదు అనుకునే విద్యార్థులు తమ అడోబ్ ఖాతా సెట్టింగ్స్‌లోకి వెళ్లి వార్షిక గడువు పూర్తికాకముందే రెన్యూవల్‌ను రద్దు చేసుకోవాల్సి ఉంటుంది. అదనంగా, ఈ సర్‌ప్రైజ్ ఆఫర్‌ను ముందస్తు సమాచారం లేకుండానే అడోబ్ ఎప్పుడైనా ముగించే అవకాశం ఉంది. కాబట్టి చెక్‌అవుట్ పేజీలో రూ. 0 ధర కనిపిస్తున్నప్పుడే వెంటనే ఈ ఆఫర్‌ను క్లెయిమ్ చేసుకోవడం చాలా ఉత్తమం.

 

 

 

[Adobe Photoshop, Adobe Student Offer, Photoshop Free Subscription, Adobe Creative Cloud, Photoshop Student Plan, Free Photoshop India, Adobe Photoshop Offer, College Students, UPI AutoPay, Adobe India]