సెప్టెంబర్ 30, 2026 న జరిగిన ఒక షాకింగ్ ఘటన అంతర్జాతీయ విమానయాన రంగంలో తీవ్ర కలకలం రేపింది. దుబాయ్ నుండి ఇజ్రాయెల్‌లోని టెల్ అవీవ్ వెళ్తున్న ఫ్లైదుబాయ్ ఫ్లైట్ FZ1073 (బోయింగ్ 737 MAX 8) విమానంలో కో-పైలట్ చేసిన ఆత్మాహుతి దాడి కుట్రను అధికారులు ఎట్టకేలకు అధికారికంగా వెల్లడించారు. ఈ విమానంలో మొత్తం 174 మంది ప్రయాణికులు, సిబ్బంది ఉన్నారు. విమానం గాల్లో ఉండగా, 29 ఏళ్ల ఓమానీ జాతీయుడైన కో-పైలట్ హమామ్ అల్-హమ్మామి అకస్మాత్తుగా కాక్‌పిట్‌లోకి ప్రవేశించి, అత్యవసర గొడ్డలితో కెప్టెన్ స్మిత్ మచ్ఛార్‌పై కిరాతకంగా దాడి చేశాడు. 

ఈ ఊహించని దాడిలో కెప్టెన్‌కు తీవ్ర తలగాయాలై రక్తమోడారు. కో-పైలట్ ఉద్దేశపూర్వకంగానే విమానాన్ని నిలువుగా కిందికి దూకించి, ఇజ్రాయెల్‌లోని ప్రధాన బెన్ గురియన్ విమానాశ్రయ టెర్మినల్ భవనంపైకి దూసుకెళ్లాలని ప్లాన్ చేసినట్లు యూఏఈ అటార్నీ జనరల్ డాక్టర్ హమద్ సైఫ్ అల్ షమ్సీ వెల్లడించారు. 2001 సెప్టెంబర్ 11 అమెరికా దాడుల (9/11) స్ఫూర్తితోనే ఈ ఆత్మాహుతి దాడికి పథకం పన్నినట్లు విచారణలో తేలింది.

ఈ ప్రమాదకర సమయంలో కాక్‌పిట్‌లో జరిగిన పెనుగులాటలో విమానం కేవలం 30 సెకన్ల వ్యవధిలోనే సుమారు 14,000 నుండి 16,000 అడుగుల ఎత్తును కోల్పోయి అత్యంత ప్రమాదకరమైన నిలువు దివానికి (Steep Descent) లోనైంది. ఈ విపరీతమైన వేగం వల్ల విమానం యొక్క చుక్కాని (rudder) తీవ్రంగా దెబ్బతిన్నది. అయినప్పటికీ, తీవ్ర గాయాలపాలైన కెప్టెన్ స్మిత్ మచ్ఛార్ అద్భుతమైన ధైర్యాన్ని ప్రదర్శిస్తూ అత్యవసర సంకేతాలు పంపి, కాక్‌పిట్ డోర్ తెరిచారు. అదే సమయంలో విమానంలో ప్రయాణిస్తున్న ఇతర పైలట్లు, క్యాబిన్ సిబ్బంది మరియు ప్రయాణికులు అప్రమత్తమై కో-పైలట్‌ను సకాలంలో బంధించారు. ఈ సాహసోపేత చర్య వల్ల 174 మంది ప్రయాణికుల ప్రాణాలు తృటిలో నిలిచిపోయాయి. ఆ తర్వాత రిజర్వ్ పైలట్లు విమానాన్ని సురక్షితంగా సౌదీ అరేబియాలోని తబుక్ విమానాశ్రయానికి మళ్లించి ల్యాండ్ చేశారు.

యూఏఈ పబ్లిక్ ప్రాసిక్యూషన్ వెల్లడించిన వివరాల ప్రకారం, ఈ కో-పైలట్ 2017లో ఆస్ట్రేలియాలో చదువుతున్న సమయంలోనే తీవ్రవాద భావజాలానికి ఆకర్షితుడయ్యాడని తేలింది. ఒమన్ ఎయిర్‌లో 2020 నుంచి 2024 వరకు, రాయ్ అల్ మోరోచ్‌లో 2025లో పనిచేసిన ఇతను, 2026 జనవరిలో ఫ్లైదుబాయ్‌లో చేరాడు. టెల్ అవీవ్‌కు వెళ్లే రెండు మునుపటి విమానాలను కూడా రూట్  ఎయిర్‌పోర్ట్ గురించి తెలుసుకోవడానికి రెక్కీలా ఉపయోగించుకున్నాడు. దాడికి ముందు శారీరకంగా, మానసికంగా సిద్ధం కావడానికి బాక్సింగ్ శిక్షణ కూడా తీసుకున్నట్లు తేలింది. అయితే రిక్రూట్‌మెంట్ సమయంలో సమర్పించిన గుడ్ కండక్ట్ సర్టిఫికెట్  ఇతర భద్రతా తనిఖీల్లో ఇతని ఉగ్రవాద భావాలు బయటపడలేదని అధికారులు తెలిపారు. ప్రస్తుతం గాయపడిన కెప్టెన్ అబుదాబిలో చికిత్స పొందుతుండగా, ఈ కుట్ర వెనుక ఎవరెవరి ప్రమేయం ఉందనే దానిపై అధికారులు సమగ్ర దర్యాప్తు జరుపుతున్నారు.

 

 

 

[ Flydubai flight plot, Tel Aviv airport attack, cockpit axe attack, Flight FZ1073 incident, Ben Gurion airport suicide plot, aviation news 2026,  Captain Smith Machar ]