ప్రపంచవ్యాప్తంగా మధుమేహం లేదా డయాబెటిస్ వ్యాధి కోట్లాది మంది ప్రజల జీవితాలను నరకప్రాయంగా మారుస్తోంది. ప్రస్తుతం ప్రపంచవ్యాప్తంగా దాదాపు 53 కోట్ల మంది మధుమేహంతో తీవ్ర అవస్థలు పడుతుండగా, రాబోయే 2050 నాటికి ఈ సంఖ్య ఏకంగా 85 కోట్ల మార్కును దాటిపోతుందని నిపుణులు ఆందోళన వ్యక్తం చేస్తున్నారు. ప్రతిరోజూ క్రమం తప్పకుండా బిళ్లలు వేసుకోవడం, వేళకు ఇన్సులిన్ ఇంజెక్షన్లు పొడుచుకోవడం డయాబెటిస్ రోగులకు నిత్యకృత్యమైపోయింది. ఈ నిరంతర నరకయాతన నుంచి మధుమేహ బాధితులకు విముక్తి కలిగించేందుకు చైనాకు చెందిన శాస్త్రవేత్తలు ఒక విప్లవాత్మక ఆవిష్కరణ చేశారు. కేవలం ఒక కప్పు పెరుగు రూపంలో ఉండే  స్మార్ట్  ప్రోబయోటిక్‌ను తీసుకోవడం ద్వారా డయాబెటిస్‌ను పూర్తిగా అదుపులో ఉంచుకోవచ్చని వారు నిరూపించారు. ఈ పరిశోధన విజయవంతమైతే రాబోయే రోజుల్లో ఇన్సులిన్ సూదుల అవసరమే ఉండకపోవచ్చు.

చైనాలోని ఈస్ట్ చైనా నార్మల్ యూనివర్సిటీ పరిశోధకులు  గిఫ్ట్  (GIFT) అనే పేరుతో జన్యుపరంగా మార్పు చేసిన ఒక  స్మార్ట్  ప్రోబయోటిక్‌ను అభివృద్ధి చేశారు. ఈ ప్రోబయోటిక్ బ్యాక్టీరియా మన శరీరంలో ఒక రహస్య గూఢచారిలాగా అత్యంత తెలివిగా పనిచేస్తుంది. రక్తంలో చక్కెర స్థాయిలు సాధారణంగా ఉన్నంతవరకు ఈ బ్యాక్టీరియా శరీరంలో నిస్తేజంగా సైలెంట్‌గా ఉంటుంది. కానీ, ఎప్పుడైతే రక్తంలో గ్లూకోజ్ స్థాయిలు ప్రమాదకరంగా పెరుగుతాయో, వెంటనే ఈ స్మార్ట్ బ్యాక్టీరియా అప్రమత్తమై మేల్కొంటుంది. అలా మేల్కొన్న వెంటనే రక్తంలో గ్లూకోజ్ స్థాయిలను వేగంగా తగ్గించే GLP 1 (గ్లూకోగాన్లై క్ పెప్టైడ్ 1) అనే హార్మోన్‌ను విడుదల చేస్తుంది. ప్రస్తుతం ప్రపంచవ్యాప్తంగా డయాబెటిస్, ఊబకాయం చికిత్సలో సంచలనం సృష్టిస్తున్న  ఓజెంపిక్  మందు ఏ సూత్రం ఆధారంగా పనిచేస్తుందో, ఈ ప్రోబయోటిక్ కూడా అదే తరహాలో పనిచేయడం విశేషం.

ఈ విప్లవాత్మక పరిశోధనకు సంబంధించిన పూర్తి వివరాలు అంతర్జాతీయంగా పేరుగాంచిన  నేచర్  (Nature) సైన్స్ జర్నల్‌లో ప్రచురితమయ్యాయి. శాస్త్రవేత్తలు ఇప్పటికే కోతులు, ఎలుకలపై నిర్వహించిన ముందస్తు ప్రయోగాల్లో ఈ స్మార్ట్ ప్రోబయోటిక్ అద్భుతమైన మరియు ఆశాజనక ఫలితాలను ఇచ్చింది. ఈ ఆవిష్కరణ వెనుక లీడ్ సైంటిస్ట్  యే హైఫెంగ్  దశాబ్దాల కష్టం దాగి ఉంది.

 

 

 

Gift smart probiotic diabetes treatment breakthrough,insulin free diabetes probiotic supplement launch.