మన దైనందిన ఆహారంలో నిత్యం ఉపయోగించే కూరగాయలలో క్యాప్సికమ్ లేదా బెల్ పెప్పర్ ఒకటి. సాధారణంగా లభించే పచ్చటి క్యాప్సికమ్‌తో పోలిస్తే ఎరుపు, పసుపు రంగుల్లో ఉండే క్యాప్సికమ్‌లు వంటకాలకు మరింత ఆకర్షణీయమైన రంగును, రుచిని అందిస్తాయి. అయితే ఇవి కేవలం రుచికే పరిమితం కాకుండా, అత్యంత తీవ్రమైన క్యాన్సర్ వంటి ప్రాణాంతక వ్యాధులను నివారించడంలో కీలక పాత్ర పోషిస్తాయని పోషకాహార నిపుణులు స్పష్టం చేస్తున్నారు. ఎరుపు మరియు పసుపు వర్ణాల్లో లభించే ఈ క్యాప్సికమ్‌లలో అత్యంత శక్తివంతమైన యాంటీఆక్సిడెంట్లు, విటమిన్లు పుష్కలంగా లభిస్తాయి. ముఖ్యంగా ఎరుపు రంగు క్యాప్సికమ్‌లో  లైకోపీన్  అనే శక్తివంతమైన కాంపౌండ్ సమృద్ధిగా ఉంటుంది. ఈ లైకోపీన్ పురుషులలో వచ్చే ప్రోస్టేట్ క్యాన్సర్ మరియు ఊపిరితిత్తుల క్యాన్సర్లు వచ్చే ప్రమాదాన్ని గణనీయంగా తగ్గించడంలో అద్భుతంగా సహాయపడుతుంది.

అదేవిధంగా పసుపు రంగు క్యాప్సికమ్‌లో లూటీన్, జెగ్జాంతిన్ మరియు బీటా కరోటిన్ వంటి కెరోటినాయిడ్లు చాలా ఎక్కువగా ఉంటాయి. ఇవి మన శరీరంలోని ఆక్సిడేటివ్ స్ట్రెస్‌ను తగ్గించడమే కాకుండా, హానికర కణాల అనియంత్రిత ఎదుగుదలను సమర్థవంతంగా అడ్డుకుంటాయి. విటమిన్ సీ విషయానికి వస్తే ఒక మధ్యస్థ పరిమాణంలో ఉండే ఎర్రటి క్యాప్సికమ్ మన శరీరానికి ఒక రోజుకు అవసరమయ్యే దానికి కంటే ఏకంగా 3 రెట్లు ఎక్కువ విటమిన్ సీని అందిస్తుంది. ఈ అధిక విటమిన్ సీ శరీరంలో రోగనిరోధక శక్తిని విశేషంగా పెంచి, ప్రమాదకరమైన క్యాన్సర్ కణాలతో శక్తివంతంగా పోరాడేలా శరీరాన్ని సిద్ధం చేస్తుంది. క్యాన్సర్ నివారణతో పాటు ఇవి కళ్ల ఆరోగ్యానికి కూడా ఎంతగానో మేలు చేస్తాయి. పసుపు క్యాప్సికమ్‌లోని విటమిన్ ఏ, లూటీన్ వంటి పోషకాలు రేచీకటి, క్యాటరాక్ట్ వంటి కంటి సమస్యల నుండి మన కళ్లను రక్షిస్తాయి.

అంతేకాకుండా, ఇవి శరీరంలోని చెడు కొలెస్ట్రాల్ స్థాయిలను తగ్గించి, రక్తప్రసరణను మెరుగుపరుస్తాయి. చర్మంలో కొల్లాజెన్ ఉత్పత్తిని పెంచడం ద్వారా వృద్ధాప్య ఛాయలు త్వరగా రాకుండా అడ్డుకుంటాయి. అయితే ఈ క్యాప్సికమ్‌ల నుండి గరిష్ఠ పోషకాల ప్రయోజనాలను పొందాలంటే వాటిని తీసుకునే విధానం అత్యంత కీలకమని నిపుణులు సూచిస్తున్నారు. ఎరుపు, పసుపు క్యాప్సికమ్‌లను పచ్చిగా సలాడ్లలో, డిప్స్‌తో లేదా స్నాక్స్‌గా నేరుగా తీసుకోవడం ద్వారా వాటిలోని విటమిన్ సీ నాశనం కాకుండా పూర్తిగా శరీరానికి అందుతుంది. వీటిని ఎక్కువసేపు నూనెలో వేయించడం లేదా అధిక ఉష్ణోగ్రత వద్ద ఉడకబెట్టడం వల్ల వాటిలోని యాంటీఆక్సిడెంట్లు నశిస్తాయి. కాబట్టి తేలికగా స్టీమింగ్ చేయడం, సాల్టే చేయడం లేదా గ్రిల్ చేయడం శ్రేయస్కరం. క్యాప్సికమ్‌లలోని విటమిన్ ఏ, విటమిన్ ఈ కొవ్వులో కరిగే లక్షణాన్ని కలిగి ఉంటాయి కాబట్టి, వీటిని కొద్దిగా ఆలివ్ ఆయిల్ లేదా విత్తనాలు, గింజలతో కలిపి తీసుకుంటే పోషకాలు త్వరగా శోషించబడతాయి. రోజువారీ ఆహారంలో వీటిని భాగం చేసుకోవడం ద్వారా దీర్ఘకాలిక వ్యాధుల నుండి సులభంగా రక్షణ పొందవచ్చు.

 

 

 

How to eat capsicum for maximum nutrition, capsicum health benefits, nutrition expert tips.