నేటి ఉరుకులు పరుగుల ఆధునిక జీవనశైలిలో శారీరక ఆరోగ్యం మాత్రమే కాకుండా మానసిక ప్రశాంతత కూడా కరువవుతోంది. ఉదయాన్నే పార్కులు లేదా ఖాళీ ప్రదేశాల్లోని పచ్చటి గడ్డిపై చెప్పులు లేదా బూట్లు లేకుండా నడవడం ఆరోగ్యానికి ఎంతో మేలు చేస్తుందని ఆరోగ్య నిపుణులు సూచిస్తున్నారు. ఇంగ్లీషులో దీనిని 'బేర్‌ఫుట్ వాకింగ్' లేదా 'గ్రౌండింగ్' అని పిలుస్తారు. ప్రతిరోజూ కేవలం 15 నుంచి 30 నిమిషాల పాటు పచ్చగడ్డిపై ఒట్టి పాదాలతో నడవడం వల్ల శారీరకంగా, మానసికంగా ఎన్నో అద్భుతమైన మార్పులు సంభవిస్తాయని అధ్యయనాలు వెల్లడిస్తున్నాయి. ఈ చిన్న అలవాటు మన దినచర్యలో భాగం చేసుకుంటే అనేక దీర్ఘకాలిక సమస్యలకు సులభంగా చెక్ పెట్టవచ్చు.

నేటి బిజీ లైఫ్‌లో టెన్షన్లు, ఆందోళనలు సర్వసాధారణం అయిపోయాయి. రోజూ కనీసం 15 నుంచి 30 నిమిషాల పాటు పచ్చగడ్డిపై నడవడం వల్ల ఒత్తిడి, ఆందోళనలను పెంచే కార్టిసాల్ హార్మోన్ అదుపులోకి వస్తుంది. పచ్చని గడ్డిపై చెప్పులు లేకుండా నడవడం వల్ల ప్రకృతితో అనుబంధం ఏర్పడి మనసు ప్రశాంతంగా మారుతుంది. శరీరం నేరుగా భూమిని తాకడం వల్ల నాడీ వ్యవస్థ శాంతిస్తుంది. అలాగే, చాలా మందిని వేధించే ప్రధాన సమస్య నిద్రలేమి. రోజూ గడ్డిపై చెప్పులు లేకుండా నడవడం వల్ల భూమి నుంచి వచ్చే సహజ ఎలక్ట్రాన్లు శరీరంలోకి ప్రవేశిస్తాయి. ఇవి నిద్రను నియంత్రించే మెలటానిన్ హార్మోన్ ఉత్పత్తిపై సానుకూల ప్రభావం చూపుతాయి. ఫలితంగా రాత్రిళ్లు చక్కటి, గాఢమైన నిద్ర పడుతుంది.

మరోవైపు, గడ్డి మెత్తటి ఉపరితలం కావడం వల్ల పాదాల కండరాలు, లిగమెంట్స్, చీలమండల కదలికలు మెరుగవుతాయి. అరికాళ్ల నొప్పులు తగ్గుతాయి. అలాగే శరీరంలో వాపులను తగ్గించి, రోగనిరోధక శక్తిని పెంపొందించడంలోనూ ఇది సహజమైన ఔషధంలా పనిచేస్తుంది. మానసిక ప్రశాంతతతో పాటు పాదాల ఆరోగ్యం, శరీర సమతుల్యత కూడా పెరుగుతాయి. పాదాల భాగంలో ఉండే సుమారు 29 రకాల కండరాలు, నరాల ఫ్లెక్స్ పాయింట్లు యాక్టివ్ అవుతాయి. ఇవి శరీరమంతా మెరుగైన రక్త ప్రసరణ, ఆక్సిజన్ సప్లై, శక్తి ప్రవాహానికి సహాయపడతాయి. కాబట్టి మీ బిజీ షెడ్యూల్‌లో కొద్ది సమయం కేటాయించి పచ్చగడ్డిపై నడకను అలవాటు చేసుకోండి.

 

 

Walking Barefoot On Grass, Earthing Benefits, Grounding Health Benefits, Barefoot Walking Benefits, Morning Walk On Green Grass, Natural Stress Relief, Eye Health Improvement.