ఉమ్మడి ఆంధ్రప్రదేశ్ ప్రభుత్వంలో పరిశ్రమలు, వాణిజ్య శాఖ, గనుల శాఖ కార్యదర్శిగా బాధ్యతలు నిర్వర్తించిన రిటైర్డ్ ఐఏఎస్ అధికారి బీ. కృపానందం ప్రాసిక్యూషన్ కు రాష్ట్ర ప్రభుత్వం అనుమతిచ్చింది. మనీ ల్యాండరింగ్ నిరోధక చట్టం (పీఎంఎల్ ఏ) కింద ఎన్ఫోర్స్మెంట్ డైరెక్టరేట్  నమోదు చేసినఈసీఐఆర్  కేసుకు సంబంధించి, ఈడీ జాయింట్ కలెక్టర్  కృపానందం విచారణకు అనుమతి కోరారు. 

ఆయన అభ్యర్థనను రాష్ట్ర ప్రభుత్వం మన్నిస్తూ కృపానందం విచారణకు అనుమతి మంజూరు చేసింది. ఈ మేరకు అధికారిక ఉత్తర్యులు జారీ అయ్యియి.  మాజీ ముఖ్యమంత్రితో పాటు ఇతర నిందితులతో కుమ్మక్కై కృపానందం తన  అధికారాన్ని దుర్వినియోగం చేశారన్న ఆరోపణలున్నాయి.   మైనింగ్ లీజు కేటాయింపుల ప్రక్రియలో నిబంధనలకు విరుద్ధంగా భారతీ సిమెంట్స్కు లబ్ధి చేకూర్చేలా వ్యవహరించారని కేసు నమోదైంది. పీఎంఎల్ఏ  కింద నేరపూరిత చర్యల ద్వారా లభించిన ఆస్తులు, నిధులను  చట్టబద్ధమైన ఆదాయంగా మార్చడంలో కృపానందం పరోక్షంగా సహకరించారన్నది ఈడీ ప్రధాన ఆరోపణ. 

ఇప్పుడు కృపానందం విచారణకు ప్రభఉత్వం అనుమతించడంతో ఆయనపై   న్యాయపరమైన చర్యలు తీసుకునే అవకాశాలున్నాయి.  ఒక సీనియర్ సివిల్ సర్వెంట్ ప్రాసిక్యూషన్ కు ప్రభుత్వం గ్రీన్ సిగ్నల్ ఇవ్వడంతో..  ఈ కేసులో తదుపరి పరిణామాలు ఎలా ఉండబోతున్నాయనే అంశంపై రాజకీయ,   అధికార వర్గాల్లో ఉత్కంఠ నెలకొంది.  

[AP Government Green Signal procecute Retired IAS Krupanandam, ED, PMLA Case, Bharathi Cements Mining Lease Controversy, Telugu One]