అమెరికాలోని ఫ్లోరిడా (Florida) రాష్ట్రంలో చోటుచేసుకున్న ఒక విస్తుపోయే సంఘటన ప్రస్తుతం ప్రపంచవ్యాప్తంగా తీవ్ర సంచలనం సృష్టిస్తోంది. హియాలియా (Hialeah) ప్రాంతంలో ఒక చిన్న మేక పిల్ల ఒంటి నిండా డాలర్ల నోట్లను టేపులతో అంటించుకుని రోడ్లపై పరుగులు తీసిన వీడియో సోషల్ మీడియాలో తెగ వైరల్ అయింది. అయితే, ఆ వీడియో సంచలనం సృష్టించిన కొద్ది గంటలకే ఆ మూగజీవం వివిశకరమైన రీతిలో మృతి చెందడం స్థానికంగా తీవ్ర విషాదాన్ని, ఆగ్రహాన్ని నింపింది. వెస్ట్ ల్యాండ్ మోల్ (Westland Mall) సమీపంలో జరిగిన ఈ ఘటనపై జంతు ప్రేమికులు తీవ్ర ఆందోళన వ్యక్తం చేస్తున్నారు.   

వైరల్ అయిన ఆ దృశ్యాలలో, వాలార్ (Valor) అని పిలువబడే ఆ లేగ మేక పిల్ల భయంతో వణికిపోతూ రద్దీగా ఉండే రోడ్లు  కార్ల మధ్యలో పరుగులు పెట్టడం చూపరులను కలిచివేసింది. దాని శరీరంపై ఎవరూ ఊహించని విధంగా డాలర్లను అంటించి వదిలేయడంతో అది ప్రాణభయంతో పరుగులు తీసింది. అయితే కొద్దిసేపటి తర్వాత అదే ప్రాంతంలో ఆ మేక పిల్ల వాహనం ఢీకొనడం వల్ల విగతజీవిగా పడిఉన్నట్లు పోలీసులు గుర్తించారు. ఈ అనూహ్య పరిణామంతో సోషల్ మీడియా వేదికగా నెటిజన్లు తీవ్ర ఆగ్రహం వ్యక్తం చేస్తున్నారు. మూగజీవాలపై ఇంతటి అక్రమ క్రూరత్వమా అంటూ నిలదీస్తున్నారు.   

ఈ దారుణ ఘటనపై స్పందించిన హియాలియా పోలీస్ డిపార్ట్‌మెంట్ (Hialeah Police Department) దీనిని అత్యంత గంభీరమైన జంతు హింస (Animal Cruelty) కేసుగా పరిగణించి దర్యాప్తును వేగవంతం చేసింది. మేక ఒంటికి డబ్బులు ఎందుకు అంటించారు? దీని వెనుక ఏమైనా మూఢనమ్మకాలు లేదా నరబలి లాంటి ఆచారాలు ఉన్నాయా అనే కోణంలో పోలీసులు కూపీ లాగుతున్నారు. మరోవైపు, ఈ రాక్షసానందానికి పాల్పడిన నిందితులను పట్టిస్తే సరిగ్గా సమాచారం అందించిన వారికి మయామి బీచ్‌కు చెందిన ఒక వ్యాపారవేత్త స్వయంగా $10,000 (సుమారు రూ. 8.5 లక్షలు) భారీ నజరానాను ప్రకటించారు. నిందితులను చట్టం ముందు నిలబెట్టే వరకు వదిలిపెట్టబోమని, తగిన సాక్ష్యాలతో సమాచారం ఇస్తే వెంటనే చెక్కు అందిస్తానని ఆయన స్పష్టం చేశారు. మూగజీవాల పట్ల మనుషుల ప్రవర్తన ఏ స్థాయికి దిగజారిపోతుందో చెప్పడానికి ఈ ఉదంతం ఒక నిదర్శనంగా నిలిచింది.  

 

 

 

[ US baby goat death, Florida viral video, goat with cash taped, Hialeah police investigation, animal cruelty USA, $10000 reward goat, Telugu One, Telugu News ]