బ్రదర్ అనిల్ కు తప్పిన ప్రమాదం!!
posted on Feb 15, 2020 12:06PM
ఏపీ సీఎం వైఎస్ జగన్ బావమరిది, షర్మిల భర్త బ్రదర్ అనిల్కుమార్కు తృటిలో ప్రమాదం తప్పింది. కృష్ణా జిల్లా జగ్గయ్యపేట మండలం గరికపాడు చెక్పోస్ట్ సమీపంలో ఆయన ప్రయాణిస్తున్న కారు అదుపు తప్పి రోడ్డు పక్కనున్న గుంతలోకి దూసుకెళ్లింది. అయితే ఎయిర్ బెలూన్లు తెరుచుకోవడంతో అనిల్ క్షేమంగా బయటపడ్డారు. ప్రమాదం జరిగిన సమయంలో కారులో అనిల్తో పాటు గన్మెన్లు, డ్రైవర్ ఉన్నారు. ప్రమాదంలో కారు ముందు భాగం దెబ్బతిన్నది. కారులో ఉన్నవారికి స్వల్ప గాయాలైనట్లు తెలుస్తోంది. ప్రమాదం గురించి తెలియగానే ప్రభుత్వ విప్ సామినేని ఉదయభాను సంఘటనా స్థలానికి వెళ్లారు. తన కారులో అనిల్, గన్మెన్లు, డ్రైవర్ ను.. ప్రథమ చికిత్స కోసం విజయవాడలోని ఎంజే నాయుడు ఆస్పత్రికి తరలించారు.