Home  
Politics

12,13న వేర్వేరుగా అఖిలపక్ష౦

      కేంద్ర ప్రభుత్వం విభజన అనంతర సమస్యలపై అఖిలపక్షం నిర్వహించడానికి గాను తేదీలను కూడా తాజాగా వెల్లడించింది. ఈ నెల 12, 13 తేదీలలో అఖిలపక్ష సమావేశాలు నిర్వహిస్తున్నట్లు ప్రకటించింది. అన్ని పార్టీలు అఖిలపక్షంలో తమ తాజా అభిప్రాయాలు తెలపాలని, ఈ నెల 12న నాలుగు పార్టీలు, 13న మరో నాలుగు పార్టీలు తమ అభిప్రాయాలను తెలపాలని సూచించింది..అఖిలపక్షం, గ్రూప్ ఆఫ్ మినిస్టర్స్ కు సమాధానం ఇవ్వడానికి కొన్ని పార్టీలు నిరాకరిస్తున్నందున వేర్వేరుగా పార్టీలతో సమావేశం జరపాలని కేంద్రం భావించిందని చెబుతున్నారు.

నటి శ్వేతా మీనన్ ఫిర్యాదు వెనక్కి

      మలయాళ నటి శ్వేతా మీనన్ పట్ల కేరళ ఎంపీ పీతాంబర కురువ్ అసభ్యంగా ప్రవర్తించినట్టు వార్తలు వచ్చాయి. ఈ విషయాన్ని నటి శ్వేతా మీనన్ కూడా ధ్రువీకరించారు. కేరళలోని కొల్లాంలో జరిగిన పడవల పోటీల విజేతలకు బహుమతి ప్రదానోత్సవంలో తాను పాల్గొన్నానని, అక్కడ ఒక రాజకీయవేత్త తనతో అసభ్యకరంగా ప్రవర్తించారని ఆమె చెప్పారు.   శ్వేతామీనన్ పోలీసులు తన ఫిర్యాదును పట్టించుకోలేదని, తాను ముఖ్యమంత్రి ఉమెన్ చాందిని కలిసి ఫిర్యాదు చేస్తానని చెప్పారు. ఆ తరువాత ఆమె ఇంటికి వెళ్లిన పోలీసులు ఆమె నుండి వాంగ్మూలం తీసుకున్నారు. 71 ఏళ్ల పీతాంబరంపై ఐపిసి సెక్షన్‌లు 354, 354(ఎ) కింద పోలీసులు కేసు రిజిష్టర్‌ చేశారు. రాజకీయవేత్త అయిన పీతాంబరంపై తాను చేసిన ఆరోపణలకు కట్టుబడి వున్నానని ఆమె అంతకుముందు స్పష్టం చేశారు. అయితే అనూహ్యంగా కొద్ది గంటల వ్యవధిలోనే ఫిర్యాదు వెనక్కి తీసుకున్నారు. అయితే పీతాంబరం క్షమాపణలు చెప్పారని, కుటుంబ సభ్యులతో మాట్లాడారని అందుకే ఫిర్యాదు వెనక్కి తీసుకున్నట్లు శ్వేతామీనన్ అన్నారు. ఈ విషయపై పీతాంబర గుస్సా అవుతున్నారట. శ్వేతామీనన్‌పై న్యాయపరమైన చర్యలకు ఆయన సిద్ధమవుతున్నారనే ప్రచారం జరుగుతోంది.

వైసీపీ ఆత్రం.. కేంద్రానికి పత్రం!

      వైసీపీ మొదట్లో తెలంగాణ ఇచ్చేయండోచ్ అని నినదించింది. ఆ తర్వాత సమన్యాయం చేయండి దేవుడోయ్ అని రోదించింది. ఇప్పుడు రాష్ట్రాన్ని సమైక్యంగా ఉంచాల్సిందే అని మొత్తుకుంటోంది. ఈ విధంగా సమయానుకూలంగా స్లోగన్ మార్చుకున్న వైసీపీ ఇప్పుడు తనను తాను సమైక్య చాంపియన్‌గా ప్రొజెక్ట్ చేసుకోవడం కోసం ఆత్రం ప్రదర్శిస్తోంది.   సమైక్య పోరులో తాను తెలుగుదేశం పార్టీకంటే ముందు వున్నానని కలరింగ్ ఇవ్వడం కోసం తంటాలు పడుతోంది. తాజాగా ఆంధ్రప్రదేశ్ రాష్ట్రాన్ని విభజించడం తనకెంతమాత్రం ఇష్టంలేదని కేంద్రానికి లేఖ రాసింది. తెలుగుదేశం కంటే తానే సమైక్య పోరులో ముందున్నానని చెప్పుకోవడం కోసమే వైసీపీ ఆత్రంగా లేఖరాసిందే తప్ప, వైసీపీలో రాష్ట్రాన్ని సమైక్యంగా ఉంచాలన్న చిత్తశుద్ధి కనిపించడం లేదని రాజకీయ పరిశీలకులు భావిస్తున్నారు. ఈ తెలివితేటలు రాష్ట్ర విభజన ప్రకటన రాకముందు ఉంటే బాగుండేదని అంటున్నారు. రాష్ట్రాన్ని విభజించే పథకంలో భాగంగానే సోనియా గాంధీ జగన్‌కి బెయిల్ ఇప్పించిందని, సోనియా ఆదేశాలకు అనుగుణంగానే జగన్ నడుస్తున్నాడని రాష్ట్రంలో ఎవర్నడిగినా చెబుతున్నారు. అలాంటి పరిస్థితుల్లో జగన్ సీమాంధ్రులను నమ్మించడానికి ఎన్ని పథకాలు వేసినా ప్రయోజనం ఉండే అవకాశం లేదని విశ్లేషకులు భావిస్తున్నారు. రాష్ట్రాన్ని విభజించడానికి వీల్లేదంటూ సీపీఎం కేంద్రానికి తాజాగా లేఖ రాసింది. సీపీఎం లేఖ రాయడంలో కనిపించిన చిత్తశుద్ధి, నిజాయితీ వైపీపీ లేఖ రాయడంలో కనిపించడం లేదని అంటున్నారు.

టీఆర్ఎస్ గొంతెమ్మ కోర్కెలు

      తెలంగాణ రాష్ట్ర ఏర్పాటుకు సంబంధించి తెలంగాణ రాష్ట్ర సమితి కేంద్ర మంత్రుల బృందానికి ఒక నివేదిక సమర్పించింది. ఆ నివేదికలో కేంద్రానికి బోలెడన్ని డిమాండ్లు రాసింది. ఆ బోలెడన్ని డిమాండ్లలో కొన్ని డిమాండ్లు బయటి ప్రపంచానికి తెలిజేసింది. సీమాంధ్రుల గుండెలు ఆగిపోయేలా వున్న ఆ డిమాండ్లను రాజకీయ విశ్లేషకులు గొంతెమ్మ కోర్కెలుగా అభివర్ణిస్తున్నారు. హైదరాబాద్‌తో కూడిన పది జిల్లాల తెలంగాణకి తప్ప టీఆర్ఎస్ మరి దేనికీ ఒప్పుకోదట. విభజన తర్వాత హైదరాబాద్‌ని మూడేళ్ళపాటు ఉమ్మడి రాజధానిగా కాకుండా సీమాంధ్రకు తాత్కాలిక రాజధానిగా మాత్రమే ఉంచాలట. తెలంగాణ ఏర్పాటు తర్వాత తెలంగాణ రాష్ట్రంలో నాలుగు వేల మెగావాట్ల విద్యుత్ ఉత్పత్తి చేసే ప్రాజెక్టులను కేంద్రమే నిర్మించాలట. పదిహేను వందల మెగావాట్ల విద్యుత్‌ని కేంద్రమే ఇవ్వాలట. సీమాంధ్రులు సాధ్యమైనంత త్వరగా రాజధానిని నిర్మించుకునేలా ఒత్తిడి తేవాలట.   అక్కడితో ఆగారా... 1956 కంటే ముందున్న ఆస్తులన్నీ తెలంగాణ ప్రభుత్వానికే ఇచ్చేయాలట. వాటిమీద కేంద్రానికి హక్కులు ఉండకూడదట. సింగరేణి కూడా తెలంగాణ రాష్ట్రానికే సొంతం చేసేయాలట. ఇక్కడితో ఆగితే పర్లేదనుకోవచ్చు. ఏకంగా ఢిల్లీలో వున్న ఏపీ భవన్ కూడా తెలంగాణకే ఇచ్చేయాలట. బయటకి తెలిసినవే ఇంత దారుణంగా వున్నాయి... ఇక లేఖలో ఇంకెన్ని గొంతెమ్మ కోర్కెలు ఉన్నాయోనని పరిశీలకులు అనుమానిస్తున్నారు.

4 రోజులు... 195 బస్సులు

మహబూబ్‌నగర్ జిల్లాలో ప్రైవేట్ ఓల్వో బస్సు ప్రమాదంలో 45 మంది మరణించిన తర్వాత రవాణాశాఖ అధికారులకు తమ బాధ్యతలు గుర్తొచ్చాయి. రాష్ట్రవ్యాప్తంగా ప్రైవేట్ బస్సుల తనిఖీ కార్యక్రమం చేపట్టారు. శనివారం వరకు 153 బస్సులను అధికారులు సీజ్ చేశారు. దీపావళి పండగ పూట కూడా సిన్సియర్‌గా ఉద్యోగం చేసి మరో 42 బస్సులను సీజ్ చేశారు. దీంతో రాష్ట్రవ్యాప్తంగా రవాణా శాఖ అధికారులు సీజ్ చేసిన బస్సుల సంఖ్య 195కి చేరింది. నిబంధనలను ఉల్లంగించే ట్రావెల్స్ యాజమాన్యాల మీద తీవ్ర చర్యలు తీసుకుంటామని రవాణా శాఖ అధికారులు హెచ్చరిస్తున్నారు. ఈ బుద్ధి ఎంతకాలం వుంటుందో చూద్దాం.

ఎన్టీఆర్ విగ్రహానికి నిప్పు

  తెలుగుజాతి ఔన్నత్యానికి కృషి చేసిన మహాపురుషుడు నందమూరి తారక రామారావు విగ్రహానికి అవమానం జరిగింది. గుంటూరు జిల్లా చెరుకూరు మండలంలోని పుల్లడిగుంట గ్రామంలో కొంతమంది గుర్తుతెలియని వ్యక్తులు ఎన్టీఆర్ విగ్రహం మీద పెట్రోలు పోసి నిప్పంటించారు. ఈ విషయం తెలిసిన వెంటనే తెలుగుదేశం కార్యకర్తలు పర్చూరు రోడ్డు మీద ఆందోళనకు దిగారు. దోషులను కఠినంగా శిక్షించాలని డిమాండ్ చేశారు.

నటితో ఎంపీ చిలిపి చేష్టలు!

  మలయాళ నటి శ్వేతా మీనన్ పట్ల కేరళ ఎంపీ పీతాంబర కురువ్ అసభ్యంగా ప్రవర్తించినట్టు వార్తలు వచ్చాయి. ఈ విషయాన్ని నటి శ్వేతా మీనన్ కూడా ధ్రువీకరించారు. కేరళలోని కొల్లాంలో జరిగిన పడవల పోటీల విజేతలకు బహుమతి ప్రదానోత్సవంలో తాను పాల్గొన్నానని, అక్కడ ఒక రాజకీయవేత్త తనతో అసభ్యకరంగా ప్రవర్తించారని ఆమె చెప్పారు. తక్షణమే ఆయన మీద చర్యలు తీసుకోవాలని ప్రభుత్వాన్ని డిమాండ్ చేశారు. శ్వేతా మీనన్ తనతో అసభ్యంగా ప్రవర్తించిన రాజకీయవేత్త పేరు మాత్రం వెల్లడించలేదు. ఈ విషయంలో తాను కేరళ సీఎం ఊమెన్ చాందీని కలసి ఆ రాజకీయవేత్త పేరును ఆయనకే చెబుతానని శ్వేతామీనన్ ప్రకటించారు.   అయితే ఆ కార్యక్రమంలో శ్వేతామీనన్‌తోపాటు ఎంపీ పీతాంబర కురువ్ కూడా పాల్గొనడంతో మీడియా మొత్తం పీతాంబర కురువన్ శ్వేతా మీనన్ పట్ల అసభ్యంగా ప్రవర్తించాడని వార్తలు ప్రసారం చేసింది. అయితే ఎంపీ పీతాంబర కురువన్ మాత్రం తనమీద వస్తున్న ఆరోపణలను తీవ్రంగా ఖండించారు. ఇంతకీ శ్వేతా మీనన్ పట్ల అసభ్యంగా ప్రవర్తించాడని భావిస్తున్న ఎంపీ పీతాంబర కురువ్ వయసు ఎంతో తెలుసా... 73 సంవత్సరాలు.

విజయనగరంలో ఘోర రైలు ప్రమాదం

  దీపావళి పండుగ హాడావిడి కొదంరి జీవితాల్లో మాత్రం చీకటిని నింపింది. ఎన్నో ఆశలతో తమ కుటుంబాలను కలుసుకోవాటానికి వెళుతున్న చాలా మంది ప్రయాణికులు రైలు ప్రమాదంలో మరణించారు. విజయనగరం జిల్లాలోని గొట్లాం స‌మీపంలో ఈ పెనువిషాదం చోటుచేసుకుంది. రైలు కింద‌ప‌డి 8 మంది ప్రయాణికులు దుర్మరణం చెందారు.    సిగ్నల్‌ రాకపోవటంతో బొకారో సమీపంలో రైలు ఆగని సమయంలో ఎస్‌1 ఎస్‌ 2 భోగిల్లో మంటలు వస్తున్నట్టుగా వదంతులు వ్యాపించాయి. దీంతో చాలా మంది ప్రయాణికులు భయపడి రైలునుంచి దూకి ఒక్కసారిగా పక్కట్రాక్‌ మీదకు వచ్చారు. అదే సమయంలో పక్కట్రాక్‌ పై వచ్చిన విజయవాడ ప్యాసింజర్‌ ప్రయాణికులను డీ కొట్టింది.   శనివారం రాత్రి 7 గంటల 15 నిమిషాలకు ఈ ఘటన చోటు చేసుకుంది. రైలు ఒక్క‌సారిగా ఢీకొట్ట‌డంతో ట్రాక్‌పై మృత‌దేహాలన్ని చిధ్ర‌మైయ్యాయి. తెగిప‌డిన అవ‌య‌వాల‌తో ఆ ప్రాంతం అంతా భయానకంగా తయారయింది. ప్  

రోహిత్‌ శర్మ రికార్డ్‌

  దీపావళి ఒక రోజు ముందుగానే క్రికెట్‌ అభిమానులకు పండుగ వచ్చింది.. సాధారణ స్కోర్‌ చేయటమే కష్టం అనుకున్న మ్యాచ్‌లో రోహిత్‌ శర్మ వీరోచిత ఇన్నింగ్స్‌ తో  భారత్‌ తిరుగులేని స్కోర్‌ను సాదించింది. అంతేకాదు ఈ మ్యాచ్‌లోనే రోహిత్ శర్మ తన కెరీర్‌ బెస్ట్‌ స్కోర్‌ 209ని సాధించాడు. దీంతో 200 మార్క్‌ దాటిన మూడో భారతీయ ఆటగాడిగా చరిత్ర సృష్టించాడు రోహిత్‌ శర్మ.   గతంలో సచిన్‌, సెహ్వాగ్‌లు మాత్రమే సాదించిన ఈ రికార్డ్‌ను రోహిత్ అది కొద్ది సమయంలోనే అందుకున్నాడు. 158 బాల్స్‌ ఆడిన రోహిత్‌ శర్మ, 16 సిక్స్‌ లు , 12 ఫోర్లతో 209 పరుగులు చేశాడు. రోహిత్‌ దూకుడుకు థావన్‌ 60, ధోని 62 పరుగులు తోడై భారత్‌ 383 పరుగుల భారీ స్కోర్‌ను ఆస్ట్రేలియా ముందుంచింది. రోహిత్‌ ఇన్నింగ్స్‌ చూసిన క్రికెట్‌ పండితులు సచిన్‌ రిటైర్‌మెంట్‌ తరువాత కూడా భారత క్రికెట్‌ కు ఎటువంటి ప్రమాదం లేదని ధీమా వ్యక్తం చేస్తున్నారు.

మందుబాబులకు దీవాళి ఆఫర్‌

  మన రాష్ట్రంలో కురాగాయలు, నిత్యావసారాల విషయంలో ఎలాంటి చర్యలు తీసుకొని ప్రభుత్వం మందుబాబుల గురించి మాత్రం తీవ్రంగా ఆలోచిస్తుంది.. నిత్యవసారల కోసం గంటల తరబడి పిల్లజల్లాతో కలిసి సామాన్యులు క్యూలో నిలబడుతున్నా పట్టించుకోని ప్రభుత్వం మందుబాబుల కోసం ఆల్కహాల్‌ను డోర్‌ డెలీవరీ చేయడానికి ప్రణాలిక రెడీ చేస్తుంది.   అంద్రప్రదేశ్‌ బేవరేజన్‌ ప్రైవేట్‌ లిమిటెడ్‌ కంపెనీ రాష్ట్రవ్యాప్తంగా 1200 దుకాణాల ద్వారా మధ్యాన్ని డోర్‌ డెలివరీ చేయడానికి రెడీ అవుతుంది. ఒక కామన్‌ నెంబర్‌కు ఎస్‌ఎమ్‌ఎస్‌ చేయడం లేదా ఆన్‌లైన్‌లో బుక్‌ చేసుకోవడం మధ్యంన్ని ఆర్డర్‌ చేసే విధంగా ప్రణాలిక సిద్దం చేస్తున్నారు.   ఇప్పటికే ఇందుకు సంభందించిన ఫైళ్లు సియం పేషికి కూడా చేరాయి.. గతంలోనే ఈ ప్రతి పాదనకు సూచన ప్రాయంగా అంగీకరించిన సియం ఇక ఆ ఫైళ్లపై సంతకం చేయటమే తరువాయి..

అన్నీ మీరే డిసైడ్ చేసేస్తారా?

  రాష్ట్ర విభజన విషయంలో కేంద్ర ప్రభుత్వం ఏర్పాటు చేసిన మంత్రుల బృందానికి పదహారు మంది తెలంగాణ కాంగ్రెస్ ఎమ్మెల్సీలు ఒక వినతిపత్రం పంపించారు. ఆ వినతిపత్రంలో సీమాంధ్రుల మీద తెలంగాణ ఎమ్మెల్సీలు కురిపించిన ప్రేమని చూసి సీమాంధ్రులు ఇంత ప్రేమని తట్టుకోలేం బాబోయ్ అంటున్నారు. హైదరాబాద్‌ని పదేళ్ళపాటు ఉమ్మడి రాజధానిగా ఉంచాలని కేంద్ర ప్రభుత్వం ప్రతిపాదించిన విషయం తెలిసిందే. సీమాంధ్రుల మీద ప్రేమతో టీ ఎమ్మెల్సీలు దీనిమీద ఒక సవరణ ప్రతిపాదించారు. హైదరాబాద్‌ని ఉమ్మడి రాజధానిగా కాదుకదా, రెండు మూడేళ్ళు తాత్కాలిక రాజధానిగా కూడా ఉంచకూడదట. దానికి కారణం ఏమిటంటే, హైదరాబాద్ సీమాంధ్ర ప్రాంతానికి చాలా దూరంగా ఉన్నందువల్ల అక్కడి నుంచి ఇక్కడి వరకూ రావడానికి సీమాంధ్రులు ఇబ్బంది పడతారట. పదేళ్ళపాటు సీమాంధ్రులని ఇలా ఇబ్బంది పెట్టడం మంచిది కాదట.   కాబట్టి రాష్ట్రాన్ని విభజించిన వెంటనే ఓ సంవత్సరం లోగానే సీమాంధ్ర రాజధానిగా వైజాగ్‌ని ఎంపిక చేసేస్తే ఓ పనైపోతుందని సూచించారు. హైదరాబాద్ నుంచి సీమాంధ్రుల్ని తరిమేయడం వాళ్ళ ఇష్టం.. సీమాంధ్ర రాజధానిగా ఏ నగరాన్ని చేయాలన్నది కూడా వాళ్ళ ఇష్టమేనన్నమాట. బాగుందయ్యా.. చాలా బాగుంది!

రెండు నాలుకల ధోరణి!

  నవంబర్ 1వ తేదీన ఆంధ్రప్రదేశ్ అవతరణ కార్యక్రమాన్ని గత కొన్న సంవత్సరాలుగా టీఆర్ఎస్ బహిష్కరిస్తూ వస్తోంది. ఆరోజును విద్రోహదినంగా, బ్లాక్ డేగా పాటించాలని పిలుపు ఇస్తోంది. టీఆర్ఎస్ కార్యాలయాల్లో నల్లజెండాలు ఎగురవేస్తూ హడావిడి చేస్తోంది. టీఆర్ఎస్ ఏం చేసినా ఆంధ్రప్రదేశ్ అంతటా ముఖ్యంగా తెలంగాణ అంతటా ప్రతి ఏడాదీ అవతరణోత్సవాలు వైభవంగా జరుగుతూనే వున్నాయి. కేంద్ర ప్రభుత్వం తెలంగాణ రాష్ట్రాన్ని ఏర్పాటు చేయబోతున్నట్టు ప్రకటించిన తర్వాత శుక్రవారం కూడా ఆంధ్రప్రదేశ్ అవతరణోత్సవం తెలంగాణలో కూడా వైభవంగా జరిగింది. యథావిధిగానే టీఆర్ఎస్ నాయకులు నల్ల జెండాలు ఎగరేసుకున్నారు. తెలంగాణ ప్రాంతంలో టీఆర్ఎస్ చేసే దాడులకు భయపడి సామాన్య ప్రజలు సొంతగా ఆంధ్రప్రదేశ్ అవతరణ కార్యక్రమాలు తక్కువగా జరుపుకున్నప్పటికీ, ప్రభుత్వం ఆధ్వర్యంలో ఏర్పాటు చేసిన ఆంధ్రప్రదేశ్ అవతరణోత్సవాలలో మాత్రం ప్రజలు విశేష సంఖ్యలో పాల్గొని ఆంధ్రప్రదేశ్ సమైక్యతకు మద్దతుగా నిలిచారు. తెలంగాణ ప్రాంతంలోని కొందరు ఎమ్మెల్యేలు, చాలామంది మంత్రులు ఎందుకొచ్చిన గొడవలే అనుకుని ఈ వేడుకలలో పాల్గొనలేదు.   అయితే సంగారెడ్డి ఎమ్మెల్యే తూర్పు జయప్రకాష్‌రెడ్డి సంగారెడ్డిలో ఆంధ్రప్రదేశ్ అవతరణోత్సవాలను వైభవంగా నిర్వహించారు. తెలంగాణ కాంగ్రెస్ నాయకులు జగ్గారెడ్డిని చూసి నేర్చుకోవాల్సిన సంస్కారం చాలా వుంది. ‘ఆంధ్రప్రదేశ్’ అనే నీడలో అధికారాన్ని అనుభవిస్తూ అవతరణ వేడుకలలో పాల్గొనకపోవడం క్షమించరాని నేరం. కన్నతల్లినే మరచిపోయినవారిని ఏమనాలి? మొన్నామధ్య మహబూబ్‌నగర్‌లో రాష్ట్ర మంత్రి డి.కె.అరుణ ఆధ్వర్యంలో సోనియాగాంధీకి కృతజ్ఞతలు చెప్పే సభ జరిగింది. ఆ సభలో ఆంధ్రప్రదేశ్‌ రాష్ట్రంలో తెలంగాణకి ఎంతో అన్యాయం జరిగిందని అరుణమ్మ వాపోయారు. అయితే ఆంధ్రప్రదేశ్ అవతరణోత్సవంలో అన్ని దినపత్రికలలో ప్రభుత్వం ప్రకటనలు ఇచ్చింది.   ఆ ప్రకటనలలో సోనియా, మన్మోహన్, కిరణ్ కుమార్ రెడ్డి ఫొటోతోపాటు సమాచార ప్రసార శాఖ మంత్రి డి.కె. అరుణ ఫొటో కూడా వుంది. ఆ ప్రకటనలో ఆంధ్రప్రదేశ్ అన్ని రంగాల్లో అభివృద్ధి సాధిస్తోందని, తెలుగుజాతి ప్రగతికి నిలువెత్తు నిదర్శనం ఆంధ్రప్రదేశ్ అనే మాటలు కూడా వున్నాయి. ఆ ప్రకటనలో మంత్రిగారు డి.కె.అరుణ ఫొటో కూడా వుంది కాబట్టి, ఆ ప్రకటనలో వున్న వాక్యాలతో ఆమె ఏకీభవిస్తున్నట్టే అర్థం. పేపర్లలో ఇచ్చే ప్రకటనలలో మాత్రం ఆంధ్రప్రదేశ్‌ని పొగుడుతారు. మిగతా అన్నిచోట్లా ఆంధ్రప్రదేశ్‌ని తిట్టిపోస్తారు. దీన్నే రెండు నాలుకల ధోరణి అంటారు.

బీజేపీ యాత్రలు!

  కాంగ్రెస్ పార్టీ హైకమాండ్ చుట్టూ కాంగ్రెస్ నాయకులు ప్రదక్షిణలు చేస్తూ వుండటం ఎప్పుడూ చూసే విషయమే! తెలంగాణ ఇష్యూ విషయంలో కాంగ్రెస్ నాయకుల ఢిల్లీ యాత్రలు ఏ స్థాయిలో వుంటాయో అందరికీ తెలుసు. ఇప్పుడు కాంగ్రెస్ తరహా యాత్రలు రాష్ట్ర బీజేపీ నాయకులు చేస్తున్నారు. ప్రస్తుతం అటు తెలంగాణ బీజేపీ నాయకులు, ఇటు సీమాంధ్ర బీజేపీ నాయకులు ఢిల్లీలో పార్టీ నాయకుల చుట్టూ ప్రదక్షిణలు చేస్తున్నారు. శనివారం నాడు తెలంగాణ బీజేపీ నాయకులు భారతీయ జనతా పార్టీ అధ్యక్షుడు రాజ్‌నాథ్ సింగ్ దగ్గరకి వెళ్ళి తెలంగాణ ప్రజల పక్షాన మాట్లాడారు. మరోవైపు సీమాంధ్ర బీజేపీ నాయకులు మాజీ అధ్యక్షుడు మురళీ మనోహర్ జోషిని కలిశారు. విభజన సందర్భంగా సీమాంధ్రకు అన్యాయం జరక్కుండా చూడాలని ఆయనతో మొరపెట్టుకున్నారు. తెలుగుజాతి పరువుని ఢిల్లీ పెద్దల పాదాల దగ్గర పెట్టే సంస్కృతి బీజేపీలో కూడా పెరుగుతోంది.

ఇదెక్కడి న్యాయం పెద్దయనా?

  రెండోసారి ప్రధానమంత్రి అయిన తర్వాత తనకున్న మిస్టర్ క్లీన్ ఇమేజ్‌ని పోగొట్టుకున్న ప్రధాని మన్మోహన్ సింగ్ సోనియాగాంధీ చేతిలో కీలుబొమ్మగా మారిపోయారన్న విమర్శలు మూటగట్టుకున్నారు. ఆంధ్రప్రదేశ్ రాష్ట్ర విభజన విషయంలో తన విచక్షణని ఎంతమాత్రం ఉపయోగించుకుండా, సోనియాగాంధీ చెప్పినవాటికి తలుపుతూ ఆయన తెలుగువారి అభిమానాన్ని పూర్తిగా పోగొట్టుకున్నారు. ముజఫర్ నగర్‌లో జరిగిన అల్లర్ల విషయంలో రాహుల్ గాంధీ నోటికొచ్చినట్టు మట్లాడి అందరిచేతా తలంటు పోయించుకున్న విషయం తెలిసిందే. ఆ ముజఫర్ నగర్‌లోనే రెండు రోజుల క్రితం స్పల్ప ఘర్షణలు జరిగాయి. దేశంలో మరే సమస్యా లేనట్టు ప్రధాని మన్మోహన్ ఆ ఘర్షణల మీద వెంటనే స్పందించారు. ఆ స్పందన వెనుక బీజేపీని తక్కువ చేయాలనే ఉద్దేశమే ఉన్నట్టు కనిపించింది. ఘర్షణల మీద ప్రధాని స్పందిస్తూ, సమాజాన్ని కొంతమంది మతం, కులం, వర్గాలుగా విభజిస్తున్నారని వాపోయారు. పాపం పెద్దాయన బాగానే వాపోయారు. మరి కాంగ్రెస్ పార్టీ ఆంధ్రప్రదేశ్‌ రాష్ట్రాన్ని ప్రాంతం పేరున విభజిస్తోంది. మరి దీనిమీద స్పందించడం మన్మోహన్ సింగ్ సాబ్‌కి తెలియదా? ఇదెక్కడి న్యాయం పెద్దాయనా?

గ్యాస్ కాదు.. నిజం!

  ఇది నమ్మలేని నిజం.. గ్యాస్ సిలెండర్ల ధర తగ్గింది. గ్యాస్ సిలెండర్ ధరని ఇంకో రెండు మూడు వందలు పెంచాలని కేంద్ర ప్రభుత్వం ఆలోచిస్తోందని ఈమధ్యే వార్తలు వచ్చాయి. ఆ బాంబు ఎప్పుడు నెత్తిన పడుతుందా అని జనం బిక్కుబిక్కుమంటున్నారు. ఇలాంటి టైమ్‌లో గ్యాస్ సిలెండర్ల ధరలు తగ్గిస్తున్నామని చమురు కంపెనీలు ప్రకటించాయి. ఇళ్ళలో ఉపయోగించే సిలెండర్ల ధర 53.50 రూపాయలు తగ్గింది. వాణిజ్య అవసరాలకు ఉపయోగించే గ్యాస్ సిలెండర్ల మీద 91 రూపాయలు తగ్గింది. ఈ తగ్గింపు ధరలు శుక్రవారం నుంచి అమల్లోకి వచ్చాయి. గ్యాస్‌కి, ఆధార్ కార్డుకి లింకు పెట్టిన తర్వాత గ్యాస్ వినియోగారులు విన్న తొలి శుభవార్త ఇది. దీపావళి పండగ సందర్భంగా ప్రభుత్వం నుంచి ప్రజలకు లభించిన కానుకగా ఈ తగ్గింపును వినియోగదారులు భావిస్తున్నారు. ఇంతకీ ఈ తగ్గింపుడు నిజంగానే తగ్గింపుడా.. లేక తుఫాను ముందు ప్రశాంతత లాగా భవిష్యత్తులో జరిగే భారీ పెరుగుదలకి ముందు ఊరటా?

బాణసంచా విధ్వంసం

  దీపావళి దగ్గరపడుతున్న సమయంలో ప్రతి సంవత్సరం జరిగే విధంగానే బాణసంచా పరిశ్రమల్లో పేలుళ్ళు జరుగుతున్నాయి. ఈ పేలుళ్ళలో ఎంతోమంది కార్మికులు మరణిస్తున్నారు. శుక్రవారం నాడు తమిళనాడులోని కుంభకోణంలో ఒక బాణసంచా కర్మాగారంలో జరిగిన పేలుడులో తొమ్మిది మంది మరణించారు. పదిమందికి పైగా కార్మికులు తీవ్రంగా గాయపడ్డారు. శనివారం నాడు చైనాలోని బీజింగ్‌లో వున్న ఒక బాణసంచా కర్మాగారంలో భారీ పేలుడు సంభవించింది. ఈ ప్రమాదంలో 11 మంది మరణించగా, 17 మంది తీవ్రంగా గాయపడ్డారు. ఇటు కుంభకోణం, అటు బీజింగ్‌లో జరిగిన ఈ రెండు ప్రమాదాల్లో మరణించిన వారిలో ఎక్కువమంది మహిళలే వున్నారు.

సమయపాలన లేని సీఎం

    ఇటీవల వచ్చిన వర్షాలు, వరదల కారణంగా నష్టపోయిన వారికి సరైన విధంగా నష్టపరిహారం ఇవ్వాలని, నష్టాన్ని అంచనా వేయడంలో సక్రమంగా వ్యవహరించాలని ముఖ్యమంత్రికి విజ్ఞప్తి చేయాలని తెలుగుదేశం ఎమ్మెల్యేలు భావించారు. దీనికోసం శనివారం ఉదయం 11.30 నిమిషాలకు ముఖ్యమంత్రి అపాయింట్‌మెంట్ తీసుకున్నారు. అయితే అనుకున్న సమయానికి సీఎం క్యాంపు కార్యాలయానికి వచ్చిన తెలుగుదేశం ఎమ్మెల్యేలు ఆయన కార్యాలయంలో లేకపోవడంతో హతాశులయ్యారు. చెప్పిన సమయానికి ముఖ్యమంత్రి కార్యాలయంలో లేకపోవడం పట్ల వారు అక్కడే ఆందోళన కార్యక్రమం చేపట్టారు. సీఎంని కలవటానికి ఎమ్మెల్యేలమైన తమకే సాధ్యం కావడం లేదంటే, సామాన్యుల పరిస్థితి ఏమిటని వారు ప్రశ్నించారు.   సీఎం తీరును నిరసిస్తూ తమ ముఖ్యమంత్రికి అందించదలచిన వినతిపత్రాన్ని క్యాంపు కార్యాలయం గోడకి అతికించారు. భారీ వర్షాల వల్ల ఏర్పడిన నష్టాన్ని అంచనా వేయడంలో ప్రభుత్వం విఫలమైందని వారు ఈ సందర్భంగా విమర్శించారు. ఆందోళన చేస్తున్న తెలుగుదేశం ఎమ్మెల్యేలను అక్కడి నుంచి బలవంతంగా పంపించడానికి పోలీసులు ప్రయత్నించారు. ఈ సందర్భంగా ఎమ్మెల్యేలు, పోలీసుల మధ్యతోపులాట జరిగింది.

ఎర్రన్నాయుడు స్మృతికి నివాళి!

  కేంద్ర మాజీ మంత్రి, తెలుగుదేశం పార్టీ సీనియర్ నాయకుడు ఎర్రన్నాయుడు రోడ్డు ప్రమాదంలో మరణించి సంవత్సరం అయింది. ఆయన ప్రథమ వర్ధంతిని హైదరాబాద్ ఎన్టీఆర్ ట్రస్ట్ భవన్‌లో శనివారం నిర్వహించారు. తెలుగుదేశం పార్టీ అధినేత చంద్రబాబు నాయుడితోపాటు పార్టీ ముఖ్య నాయకులు ఎర్రన్నాయుడు చిత్రపటానికి పుష్పాంజలి ఘటించి, ఆయన స్మృతికి నివాళులు అర్పించారు. ఈ సందర్భంగా చంద్రబాబు మాట్లాడుతూ ఎర్రన్నాయుడితో తనకున్న అనుబంధాన్ని, తెలుగుదేశం పార్టీకి, దేశానికి ఆయన చేసిన సేవలను గుర్తుచేసుకున్నారు. ఎర్రన్నాయుడి కుటుంబానికి తెలుగుదేశం పార్టీ ఎప్పుడూ అండగా వుంటుందని చెప్పారు. పేద ప్రజల అభ్యున్నతి కోసం ఎర్రన్నాయుడు చేసిన కృషి మరువలేనిదని శ్లాఘించారు. ఎంతో ఉజ్వల భవిష్యత్తు వున్న ఎర్రన్నాయుడి మరణం తెలుగుదేశం పార్టీకి తీరని లోటని చెబుతూ, ఈ సంవత్సర కాలంలో పార్టీలో ఆయన లేని లోటు కనిపించిందని చెప్పారు.

దిగ్విజయంగా కొడుకు నామినేషన్ దాఖలు

  వడ్డించేవాడు మనోడయితే అన్నట్లు పార్టీ టిక్కెట్లు ఇచ్చేవాడు మనోడయితే పార్టీ అధికారికంగా అభ్యర్దుల పేర్లు ప్రకటించకపోయినా నామినేషన్ వేసుకోవచ్చును. కాంగ్రెస్స్ పార్టీ రాష్ట్ర వ్యవహారాల ఇన్-చార్జ్ దిగ్విజయ్ సింగ్ కుమారుడు జయవర్ధన్ సింగ్ మధ్యప్రదేశ్ శాసనసభ ఎన్నికలలో రఘోఘడ్ నియోజక వర్గం నుండి పోటీ చేసేందుకు తండ్రి (కాంగ్రెస్) హస్తం పట్టుకొని భారీ ఊరేగింపుతో నిన్న నామినేషన్ దాఖలు చేసారు.   దిగ్విజయ్ సింగ్ తను వచ్చే ఎన్నికలలో పోటీ చేయబోనని చూచాయగా చెప్పడం వలన సహజ రాజకీయ న్యాయ సూత్రాలు, సిద్దాంతాల ప్రకారం ఆయన సీటు ఆయన కొడుకుకే దక్కాలి గనుక, జయవర్ధన్ సింగ్ నామినేషన్ వేయడంలో ఆశ్చర్యమేమీ లేదు. అమ్మ దయ, యువరాజు మద్దతు అపారంగా కలిగి ఉన్న దిగ్విజయ్ సింగ్ ఆ మాత్రం చొరవ తీసుకోవడంలో వింతేమి లేదు కూడా.   జయవర్ధన్ సింగ్ రాజకీయ ఆరంగ్రేటం చేయడాన్ని, తండ్రి కుర్చీలో కూర్చోవలనుకోవడాన్ని, రేపు మధ్యప్రదేశ్ ముఖ్యమంత్రి కావాలను కోవడాన్ని కూడా తప్పుపట్టడం తప్పే అవుతుంది. అది తప్పయితే....