లెజెండ్స్ మెచ్చిన సినిమా తెలుగులోకి..
on Aug 26, 2016
విసారణై..ఒక సినిమా విడుదల కాకముందు..విడుదలైన తరువాత మొత్తం ఇండస్ట్రీ అంతా చర్చించడం అంటే చాలా అరుదనే చెప్పుకోవచ్చు. విడుదలకు ముందే కొన్ని చిత్రోత్సవాల్లో ప్రదర్శితమై అవార్డులు గెలవడమే కాదు..గత ఏడాది మన దేశ జాతీయ అవార్డులూ సొంతం చేసుకుంది. రజినీకాంత్, కమల్హాసన్, మణిరత్నం లాంటి లెజెండ్స్ ప్రశంసలందుకున్న ఈ సినిమాను తమిళ సూపర్స్టార్ రజినీకాంత్ అల్లుడు, ప్రముఖ హీరో ధనుష్ నిర్మాతగా, అతడి మిత్రుడు వెట్రిమారన్ తెరకెక్కించాడు. మధురైకి చెందిన ఓ ఆటోడ్రైవర్ తన జీవితంలో ఎదురైన భయానక అనుభవాలతో రాసిన కథ ఆధారంగా వెట్రిమారన్ ఈ సినిమాను రూపొందించారు. అమాయకులైన నలుగురు కుర్రాళ్లను పోలీసులు ఓ కేసులో ఇరికించి చిత్రహింసలు పెట్టే నేపథ్యంలో కథ సాగుతుంది. ఇప్పుడు ఈ సినిమాను తెలుగులోకి అనువదిస్తున్నారు. ప్రముఖ నిర్మాత సి.కళ్యాణ్ సమర్పణలో తెలుగమ్మాయి ఆనంది..మరో తెలుగు నటుడు అజయ్ ఘోష్ ఇందులో కీలకపాత్రలు పోషించారు.