'మా' అధ్యక్ష బరిలో రాజేంద్రప్రసాద్
on Mar 3, 2015
సినిమాలలో నవ్వులతో ప్రజలను మెప్పించిన నటుడు డా. రాజేంద్రప్రసాద్ ఇప్పుడు మూవీ ఆర్టిస్ట్ అసోసియేషన్ ‘మా’ అధ్యక్షుడి కోసం జరగనున్న ఎన్నికల్లో పోటీచేస్తున్నట్లు వెల్లడించారు. ఏదో ఒక సేవారంగంలో ఉండాలని అనుకుంటున్నానని, ఈ లోపు మా ఎన్నికలు రావడం సంతోషకరంగా ఉందని తెలిపారు. స్నేహితులు, కుటుంబ సభ్యుల ప్రోత్సాహంతోనే ఎన్నికల బరిలో దిగుతున్నానని చెప్పారు. గతంలో ‘మా’ ఎన్నికలలో పోటీ చేసిన రాజేంద్రప్రసాద్ మురళీమోహన్పై కేవలం ఏడు ఓట్ల తేడాతో ఓడిపోయిన విషయం తెలిసిందే. ఆ తరువాత నటుడిగా తన కెరీర్ పై దృష్టి సారించారు. ఈసారైనా 'మా' అధ్యక్ష పదవి రాజేంద్రప్రసాద్ని వరిస్తుందో లేదో చూద్దాం.