‘బాహుబలి’ లీక్... రాజమౌళి కేస్...
on Jan 30, 2015
తెలుగు ప్రేక్షకులు ఎప్పుడా.. ఇంకెప్పుడా అని ఎదురు చూస్తున్న ‘బాహుబలి’ సినిమా విడుదలైంది. కాకపోతే థియేటర్లలో కాదు... ఇంటర్నెట్లో! ‘బాహుబలి’ సినిమాకి సంబంధించిన 13 నిమిషాల ఫుటేజ్ ఈమధ్య యూట్యూబ్, ఫేస్బుక్, వాట్సప్లో విడుదలైంది. మూడు రోజులుగా ఈ ఫుటేజ్ నెట్లో హల్చల్ చేస్తోంది. ఈ సినిమాకి పనిచేసిన సిబ్బంది ఎవరో ఈ ఫుటేజ్ని లీక్ చేసినట్టు తెలుస్తోంది. ఈ నేపథ్యంలో ఆ సినిమా దర్శకుడు రాజమౌళి సీసీఎస్ పోలీసులకు ఫిర్యాదు చేశారు. పోస్ట్ ప్రొడక్షన్ సిబ్బంది మీదే అనుమానాలు వున్నాయని ఆయన ఫిర్యాదు చేసినట్టు తెలుస్తోంది. ఈ కేసు విషయంలో ఆ సినిమాకి పనిచేసిన సిబ్బంది పదిమందిని పోలీసులు విచారించారు. ‘బాహుబలి’ ఫుటేజ్ ఎడిటింగ్ చేసినదే లీక్ అయింది. కాబట్టి అది ఎడిట్ సూట్ నుంచే బయటకి వచ్చిందన్న అనుమానాలున్నాయి. బయటకు రావాలి. దాంతోఎడిట్ సూట్లో ఉన్నవారిని కూడా పోలీసులు ప్రశ్నిస్తున్నారు.