నెంబర్ వన్ తార నయనతార
on Jul 28, 2014
సర్వేంద్రియానాం నయనం ప్రధానం...
సర్వతారానాం నయన తార ప్రముఖం...
ఇంద్రియాలలో నయనాలు ప్రధానం అయినట్లే, ఎంతమంది తారలు వచ్చిన ప్రథమ స్థానం నయనతారదే అని నిరూపణ అయ్యింది. సినీ పరిశ్రమకు వచ్చి పదేళ్లు అయినా నెంబర్ వన్ స్థానంలో కొనసాగుతోంది నయన తార.
2005 లో సౌత్ సినీ పరిశ్రమలోకి అడుగుపెట్టిన నయనతార తమిళ, తెలుగు, కన్నడ మలయాళ చిత్రసీమలన్నింటిలోనూ మేటి నటి అనుపించుకుంది. చంద్రముఖి, గజిని, వల్లభన్, లక్ష్మీ, శ్రీరామరాజ్యం, కృష్ణం వందే జగద్గురుం ఇలా అనేక వేరియేషన్స్ వున్న సినిమాల్లో నటించింది. రజనీకాంత్ సహా దక్షిణాది సూపర్ స్టార్ లందరితో కలిసి పనిచేసింది. దశాబ్ద కాలంగా కెరీర్, పర్సనల్ లైఫ్ లో ఎన్నో ఒడిదుడికులు ఎదురుకుంటూ తన స్థానాన్ని కాపాడుకుంటూ వస్తోంది నయనతార.
నటనకు కొంత కాలం దూరం అయినా ఆమెకు అవకాశాలు, ఆదరణ, పారితోషికం ఏమాత్రం తగ్గలేదు. తెలుగులో అనామిక, తమిళంలో రాజారాణి, ఆరంభం చిత్రాలు మరలా నటిగా ఆమె స్థానం సుస్థిరం అయ్యేలా చేశాయి. ఇప్పుడు తెలుగు, తమిళ భాషల్లో అత్యధిక పారితోషికం తీసుకుంటున్న తార నయన తార. కాజల్, హన్సిక, సమంత ఆ తర్వాత స్థానాల్లో ఉన్నారు. కొత్త హీరోయిన్ల నుంచి గట్టి పోటీ నెలకొన్నప్పటికీ, దాదాపు రెండు కోట్ల రెమ్యునరేషన్ తీసుకుంటూ నేటీకీ నెంబర్ వన్ స్థానంలో కొనసాగుతోంది నయనతార.