వెంకీ 'నాన్న'ను చూశారా!?
on Apr 24, 2019
మేనల్లుడు నాగచైతన్యతో కలిసి విక్టరీ వెంకటేష్ నటిస్తున్న సినిమా 'వెంకీ మామ'. మరి, ఈ 'వెంకీ నాన్న' ఎవరు? ఇదేం టైటిల్ అనుకుంటున్నారా!? ఫొటో చూశారా? అందులో ఉన్నది నాన్నే మరి! ఇటీవల వెంకీ పెద్ద కుమార్తె ఆశ్రిత పెళ్లి జరిగింది కదా. ఆ పెళ్లి ఫొటోల్లో ఇదొకటి. సమంత సోషల్ మీడియాలో పోస్ట్ చేశారు. ఫొటోలో కళ్లజోడు పెట్టుకున్న ఆవిడ నీరజ. వెంకటేష్ సతీమణి. ఆమె కాకుండా మిగతా వాళ్ళందరూ వెంకీకి కుమార్తెలే. వెంకీకి నాగచైతన్య మేనల్లుడు కనుక... మేనల్లుడి భార్య ఆయనకు కుమార్తె వరస. ఆ లెక్కన వెంకీకి సమంత కుమార్తె. కళ్ళజోడు సోఫా మీద పెట్టి కూర్చున్న అమ్మాయి (ఫొటోలో లెఫ్ట్) వెంకీ అన్నయ్య సురేష్ బాబు కుమార్తె. వెంకీకి కూడా కూతురే కదా! మిగతా ముగ్గురూ వెంకటేష్ సొంత కుమార్తెలు. పెద్ద కుమార్తె పెళ్ళిలో కుటుంబంలో కుమార్తె వరస అయ్యేవారందరితో వెంకటేష్ దంపతులు ఇలా ఫొటో దిగారన్నమాట.