ఈనెల 27న ఊహలు గుసగుసలాడే ఆడియో
on Apr 23, 2014
"అష్టా చెమ్మా" చిత్రంతో నటుడిగా పరిచయమైన అవసరాల శ్రీనివాస్ దర్శకత్వంలో తెరకెక్కుతున్న చిత్రం "ఊహలు గుసగుసలాడే". "లెజెండ్" వంటి బ్లాక్ బస్టర్ చిత్రం తర్వాత ప్రముఖ నిర్మాత సాయి కొర్రపాటి ఈ చిత్రాన్ని వారాహి చలన చిత్రం బ్యానర్ పై నిర్మిస్తున్నారు. నాగ శౌర్య, రాశి ఖన్నా హీరోహీరోయిన్లుగా నటిస్తున్న ఈ చిత్ర ఆడియో విడుదల కార్యక్రమం ఈనెల 27న జరగనుంది. ఇటీవలే చిత్ర షూటింగ్ పూర్తి చేసుకొని నిర్మాణాంతర దశలో ఉంది. కళ్యాణి కోడూరి సంగీతం అందించిన పాటలు వేల్ రికార్డ్స్ ద్వారా మార్కెట్లోకి రానున్నాయి. రొమాంటిక్ ఎంటర్ టైనర్ గా రూపొందుతున్న ఈ చిత్రం త్వరలోనే ప్రేక్షకుల ముందుకు రానుంది.