నయనతారకు వరుడు కావలెను
on Feb 12, 2015
నయనతార ప్రస్తుతం తమిళంలో దాదాపు ఆరు చిత్రాలలో నటిస్తోంది. ఇంత బిజీగా ఉన్నప్పట్టికి నయనతార ఎక్కడికి వెళ్లినా మీరు ఇలాగే ఉండిపోతారా ? ఇక పెళ్లి చేసుకోరా ? మీ పెళ్లి ఎప్పుడు ? అని అందరూ ఒక్కటే అడుగుతున్నారట. ఈ బాధంతా ఎందుకు ఊరికే పెళ్లి చేసుకుంటే పోలా అనుకుందేమో అమ్మడు తనకు ఓ మంచి సంబంధం చూడమని వాళ్ల అమ్మానాన్నకు చెప్పిందట. ఇప్పటిదాకా తాను చూసుకున్న సంబంధాలు పెళ్లి పీటలు ఎక్కని నేపథ్యంలో ఇక మీరు ఎవరిని చూసినా చేసుకుంటా కాకపోతే సినిమా రంగానికి చెందిన వ్యక్తిని మాత్రం చూడొద్దు అని తల్లిదండ్రులకు తేల్చిచెప్పిందట. ఈ మధ్యనే ఈ విషయం ఇంట్లో చర్చించి పెళ్లికి ఓకె చెప్పిందట. మొత్తానికి నయనతారకు పెళ్లీడు వచ్చిందన్న విషయం ఇప్పటికి గుర్తొచ్చిందన్న మాట.