మినప సున్ని ఉండలు (సంక్రాంతి స్పెషల్)
కావలసిన పదార్ధాలు:
మినపప్పు - 1 కేజి
బెల్లం - 1 కేజి
నెయ్యి - ఉండలు చుట్టడానికి సరిపడినంత.
తయారీ విధానం :
* ముందుగా గ్యాస్ వెలిగించి పాన్ పెట్టి కొంచెం సన్న మంటమీద మినపప్పును దోరగా బంగారు రంగు వచ్చేంతవరకు వేయించుకోవాలి.
* చల్లారాక వేయించిన మినపప్పును మిక్సీ లో వేసి మెత్తగా పొడిచేసుకోవాలి. దానిని ఒక బేసిన్ లో వేసి పెట్టాలి.
* బెల్లం సన్నగా తురుముకొని మినప పిండిలో వేసి బాగా కలిపి మధ్యలో మరిగించిన నెయ్యివేసి ఉండలు చుట్టుకోవాలి. అంతేనండీ ... సంక్రాంతి స్పెషల్ రుచి కరమైన సున్నిఉండలు రెడీ.
( బెల్లం ఇష్టపడనివాళ్ళు బెల్లం బదులు పంచదార వేసి ఇదే పద్దతిలో చేసుకోవచ్చు.)
- Vissa Nagamani