LATEST NEWS
.webp)
అర్నాబ్ పెను తుపాను ఆంధ్ర ప్రదేశ్ లో పెను విలయం సృష్టించింది. ఈ పెను తుపాను కారణంగా భారీ స్థాయిలో ఆస్తి, పంట నష్టం సంభవించింది. తుపాను హెచ్చరికలతో ముందస్తు జాగ్రత్త చర్యల కారణంగా ప్రాణనష్టం కనిష్టానికి తగ్గంది కానీ ఆస్తి, పంట నష్టం అపారంగా వాటిల్లింది. ఈ నేపథ్యంలో తుఫాను ప్రభావిత ప్రాంతాల్లో పరిస్థితిని సమీక్షించేందుకు, నష్టాన్ని అంచనా వేసేందుకు కేంద్ర ప్రభుత్వం ప్రత్యేక బృందాలను రంగంలోకి దించింది. రాష్ట్రంలో జరిగిన నష్టానికి తగిన సహాయాన్ని అందించాలని ముఖ్యమంత్రి న చంద్రబాబు నాయుడు కేంద్ర ప్రభుత్వాన్ని కోరడంతో, కేంద్రం తక్షణమే స్పందించి సహాయ చర్యలను ముమ్మరం చేసింది.
అర్నాబ్ ధాటికి తీర ప్రాంతాలు తీవ్రంగా దెబ్బతిన్నాయి. ముఖ్యంగా ఉప్పాడ వంటి తీర ప్రాంతాల్లో సముద్రపు అలల తీవ్రతకు మత్స్యకారుల బోట్లు, వలలు, ఇతర పరికరాలు పూర్తిగా ధ్వంసమయ్యాయి. కాకినాడ, కోనసీమ, పశ్చిమ గోదావరి, విశాఖపట్నం తదితర జిల్లాల్లో కురిసిన భారీ వర్షాలకు లోతట్టు ప్రాంతాలు జలమయమయ్యాయి. వరద నీటిలో చిక్కుకున్న పలువు స్థానికులను, కార్మికులను రెస్క్యూ టీమ్స్ సురక్షిత ప్రాంతాలకు తరలించారు. విద్యుత్ సరఫరా పూర్తిగా నిలిచిపోవడంతో పాటు రహదారులపై చెట్లు కూలిపోవడంతో రవాణా వ్యవస్థ అస్తవ్యస్తమైంది.
ప్రభుత్వ ప్రాథమిక అంచనాల ప్రకారం, ఈ తుఫాను కారణంగా రాష్ట్రంలో సుమారు రూ. 4 వేల600 కోట్ల మేర ఆస్తి, పంట నష్టం వాటిల్లింది. గతంలో వచ్చిన హుద్‌హుద్, తిత్లీ వంటి తుఫానుల అనుభవాలను దృష్టిలో ఉంచుకుని ప్రభుత్వం ముందస్తు జాగ్రత్తలు తీసుకోవడం వల్ల ప్రాణ నష్టం చాలా వరకు తగ్గిందని అధికార వర్గాలు వెల్లడించాయి.
ఈ సంక్షోభం నుంచి నుంచి రాష్ట్రాన్ని గట్టెక్కించేందుకు ప్రభుత్వం అన్ని శాఖలను సమన్వయం చేస్తూ ముందుకు వెళ్తోంది. ముఖ్యంగా దెబ్బతిన్న విద్యుత్ లైన్లను పునరుద్ధరించడం, మునిగిపోయిన ప్రాంతాల్లో తాగునీటి సరఫరాను సరిచేయడం వంటి అత్యవసర పనులకు ప్రాధాన్యత ఇస్తున్నారు. మత్స్యకారులు కోల్పోయిన బోట్లకు, జీవనోపాధికి తగిన నష్టపరిహారం అందించేలా ప్రతిపాదనలు సిద్ధం చేస్తున్నారు. బాధితులకు ఎలాంటి అసౌకర్యం కలగకుండా పునరావాస కేంద్రాల్లో అన్ని రకాల వసతులు కల్పిస్తూ, వైద్య సేవలను కూడా అందుబాటులో ఉంచారు.
అయితే ఏపీని ఆదుకోవడానికి తమిళనాడు ప్రభుత్వం ముందుకు రావడాన్ని ఇక్కడ ప్రత్యేకంగా చెప్పుకోవాలి. అర్నాబ్ తుపానుతో అతలాకుతలమైన ఆంధ్రప్రదేశ్ రాష్ట్రంలో తుపాను ప్రభావిత ప్రాంతాలలో విద్యుత్ సరఫరాను సత్వరమే పునరుద్ధరించడానికి తమిళనాడు సహాయాన్ని కోరింది. ఈ మేరకు మంత్రి గొట్టిపాటి రవికుమార్ తమిళనాడు ప్రభుత్వాన్ని రాష్ట్రంలో తుపాను ప్రభావిత ప్రాంతాలలో విద్యుత్ పునరుద్ధరణ వేగవంతం చేయడానికి అదనపు విద్యుత్ శాఖ సిబ్బందిని, పరికరాలను కోరారు.
ఇందుకు తమిళనాడు సర్కార్ క్షణం ఆలోచంచకుండా సరే అంది. ఇక్కడ గమనించాల్సిన అంశం ఏమిటంటే.. తమిళనాడు అసెంబ్లీ ఎన్నికల ప్రచారంలో ఏపీ ముఖ్యమంత్రి నారా చంద్రబాబు, ఉప ముఖ్యమంత్రిపవన్ కల్యాణ్ ఇద్దరూ కూడా ఎన్డీయే తరఫున ప్రచారం చేశారు. అంటే తమిళనాడు సీఎం విజయ్ కు, ఆయన పార్టీ టీవీకేకు వ్యతిరేకంగా ప్రచారం చేశారు. ఆ విషయాన్ని మనసులో పెట్టుకోకుండా తమిళనాడు ముఖ్యమంత్రి విజయ్ ఏపీ వినతికి తక్షణమే స్పందించి ఏపీకి తమిళనాడు విద్యుత్ సిబ్బందిని, అవసరమైన సామగ్రిని పంపేందుకు అంగీకరించారు.
అలాగే తుఫాను ప్రభావిత ప్రాంతాలలో విద్యుత్ పునరుద్ధరణ పనులకు సహాయపడటానికి తెలంగాణ కూడా విద్యుత్ సిబ్బందిని పంపింది. ఎన్నికలలో రాజకీయ వైరం సహజమే కానీ, కానీ విపత్తు సహాయక చర్యలు దానికి రాజకీయ విభేదాలకు అతీతంగా ఉండాలన్న సందేశాన్నిఏపీ, తెలంగాణ, తమిళనాడు ప్రభుత్వాలు తమ చేష్టల ద్వారా చాటాయి. రాష్ట్రల మధ్య సమైక్యతకు, పరస్పర సహకారానికి ఇటువంటి చర్యలు ఎంతగానో దోహదం చేస్తాయని పరిశీలకులు అంటున్నారు.
[Tamilnadu Telangana come forward Help AP, Cyclone Arnab, Damage, Andhra Pradesh, Chandrababu Naidu,Vijay, Revanth, Telugu One]
ఆంధ్రప్రదేశ్ లో సరిగ్గా స్థానిక ఎన్నికల వేళ.. జగన్ కు ఆయన మిత్రుడు బిగ్ షాక్ ఇచ్చారు. జగన్ రాష్ట్రంలో తెలుగుదేశం అధినేత, ముఖ్యమంత్రి నారా చంద్రబాబు పాలనను, కరవును ఎదుర్కొనే విషయంలో చూపుతున్న నిర్లక్ష్యాన్ని, పాలనా వైఫల్యాలనూ తీవ్ర స్థాయిలో విమర్శిస్తూ ఎండగడుతున్న వేళ..పొరుగు రాష్ట్రంలోని ఆయన మిత్రుడు, బీఆర్ఎస్ కార్యనిర్వాహక అధ్యక్షుడు కల్వకుంట్ల తారకరామారావు చంద్రబాబునాయుడి పాలనా దక్షతను, విధానాలను ప్రశంసించారు.
సాధారణంగా వైసీపీ ఎకో సిస్టమ్ ఎలా ఉంటుందంటే.. ఎవరైనా సరే ముఖ్యమంత్రి నారా చంద్రబాబు నాయుడిని , ఆయన పాలనా విధానాలను పొగిడితే వెంటనే ఆ పొగిడిన వారిపై విమర్శలు గుప్పించేస్తుంది. ఇందుకు గతంలో చాలా చాలా ఉదాహరణలు ఉన్నాయి. ఒక సందర్భంలో సినీ నటుడు రజనీకాంత్ అమరావతిని, చంద్రబాబు నాయకత్వాన్ని ప్రశంసించినప్పుడు ఆయనపై వైసీపీ సోషల్ మీడియాలోనూ, బహిరంగంగానూ విమర్శల దాడికి దిగింది. కానీ పాపం, తాజాగా బీఆర్ఎస్ వర్కింగ్ ప్రెసిడెంట్ కేటీఆర్ పదే పదే ఏపీ సీఎం చంద్రబాబు నాయుడి ముందుచూపును, కరవు సమర్థవంతమైన నిర్వహణను ప్రస్తుతిస్తే.. మింగలేక కక్కలేక అన్నట్లు మౌనం వహించింది.
ఇక్కడ ప్రత్యేకంగా చెప్పుకోవలసిన విషయమేంటంటే.. వైసీపీ అధినేత జగన్, బీఆర్ఎస్ వర్కింగ్ ప్రెసిడెంట్ కేటీఆర్ మంచి దోస్తులు. వారిరువురి మధ్యా రాజకీయ, వ్యక్తిగత మైత్రీ బంధం అందరికీ తెలిసిందు. అయితే ఇప్పుడు బీఆర్ఎస్ కు తెలంగాణలో రాజకీయ ఉనికి కాపాడుకోవడానికి అక్కడి ముఖ్యమంత్రిపై విమర్శలు గుప్పించడం రాజకీయ అవసరం. అందుకోసం పొరుగు రాష్ట్రం ఆంధ్రప్రదేశ్ లో చంద్రబాబు పాలనతో పోలుస్తూ రేవంత్ వైఫల్యాలను ఎండగట్టడం ఆ పార్టీకి అనివార్యం.
ఆ రాజకీయ అనివార్యత కారణంగానే కేటీఆర్ చంద్రబాబును ఆకాశానికెత్తేస్తూ పొగడ్తల వర్షం కురిపించారు. అందు కోసం ఆయన జగన్ తో మైత్రిని పట్టించుకోలేదు. లెక్క చేయలేదు. చంద్రబాబును ప్రశంసించిన ఎవరిపైనైనా పెయిడ్ ఆర్టిస్ట్ అంటూ ముద్ర వేసి అనుచిత వ్యాఖ్యలతో, విమర్శలతో విరుచుకుపడే వైసీపీ ఇప్పుడు మౌనం వహించడంగమనార్హం. కేటీఆర్ వ్యాఖ్యలను ఖండిస్తే తెలంగాణలో బీఆర్ఎస్ తో సంబంధాలు దెబ్బతింటుందనే భయం, అలాగని మౌనం వహిస్తే.. చంద్రబాబు సమర్థతను అంగీకరించినట్లౌతుందన్న ఆందోళనతో వైసీపీ సతమతమౌతున్నట్లు కనిపిస్తోందంటున్నారు పరిశీలకులు.
[KTR Big Shock To Jagan, Praises CBN, Telangana, Andhra Pradesh Politics, Political Necesacities, Telugu One]
ఏపీలో ఆదివారం (నవంబర్ 1) మున్సిపల్ ఎన్నికలు జరగబోతున్నాయి. వీటిలో తాడోపేడో తేల్చుకునేందుకు పార్టీలు, అభ్యర్ధులు సన్నద్ధమయ్యారు. తెలుగుదేశం కూటమి ఇప్పటికే పలు చోట్ల ఏకగ్రీవంగా విజయం సాధించింది. జగన్ అడ్డా పులివెందులలో కూడా అదే పరిస్థితి. అయితే జగన్ సొంత గడ్డ పులివెందుల మునిసిపాలిటీని దక్కించుకునేందుకు వైసీపీ సర్వశక్తులూ ఒడ్డుతోంది. దశాబ్దాలుగా వైఎస్ కుటుంబ అడ్డా అయిన మునిసిపాలిటీలో తెలుగుదేశం జెండా ఎగరనీయకూడదన్న పట్టుదలతో ఉన్న జగన్.. పులివెందులలోనే మకాం వేశారు. మున్సిపాలిటీని చేజిక్కించుకునేందుకు కూటమి చేస్తున్న ప్రయత్నాలను అడ్డుకునేందుకు స్వయంగా నడుంబిగించారు. ఇప్పిటికే పులివెందుల మునిసిపాలిటీలోని సగం వార్డులను తెలుగుదేశం కూటమి ఏకగ్రీవంగా గెలుచుకుని సత్తా చాటింది. మిగిలిన వాటి కోసం వైసీపీ, జగన్ పోరాడుతున్నారు.
సాధారణంగా అయితే అక్కడ ఎన్నిక జరుగుతోంది. ఓటర్లు గెలుపోటములు నిర్ణయిస్తారు. కానీ పులివెందుల మాత్రం సెపరేట్. అది జగన్ కంచుకోట. అలింటి కంచుకోటలో తెలుగుదేశం పాగా వేస్తే.. ఆ ప్రభావం రాష్ట్ర వ్యాప్తంగా 2029 ఎన్నికలపై పడుతుందన్నది జగన్ భయం. ఇప్పటికే గంలో పులివెందుల జడ్పీటీసీకి జరిగిన ఉప ఎన్నికలో వైసీపీ అభ్యర్థి డిపాజిట్ కూడా దక్కకుండా ఘోర పరాజయాన్ని చవి చూశారు. దీంతో ఎది ఏమైనా, ఏం చేసైనా పులివెందుల మునిసిపాలిటీని దక్కించుకోవాలని జగన్ పట్టుదలగా ఉన్నారు.
దీంతో పులివెందుల మునిసిపోల్ రణరంగంగా మారే అవకాశం ఉందని పరిశీలకులు విశ్లేషిస్తున్నారు. గత అనుభవాలను దృష్టిలో ఉంచుకుని పోలీసులూ అప్రమత్తమయ్యారు. ఎలాంటి హింసాత్మక ఘటనలకూ తావులేకుండా భారీ బందోబస్తు ఏర్పాట్లు చేశారు. అవసరమైతే ఇటు తెలుగుదేశం కూటమి, అటు వైసీపీకి చెందిన ముఖ్య నేతలను హౌస్ అరెస్టు చేసేందుకైనా వెనుకాడబోమని పోలీసులు విస్పష్ట హెచ్చరికలు జారీ చేశారు. మునిసిపోల్ లో ప్రజలు స్వేచ్ఛగా, నిర్భయంగా ఓటు వేసే పరిస్థితి కల్పించడమే లక్ష్యంగా పోలీసులు సర్వ సన్నద్ధంగా ఉన్నారని పరిశీలకులు చెబుతున్నారు.
[Pulivendula Municipal Elections, Jagan Pulivendula, YCP Baston Pulivendula, Andhra Pradesh Politics, Tension Pulivendula, Telugu One]
మాజీ మంత్రి, కాంగ్రెస్ నాయకురాలు కొండా సురేఖ బీఆర్ఎస్ కార్యనిర్వాహక అధ్యక్షుడు కల్వకుంట్ల తారకరామారావుకు బేషరతుగా క్షమాపణ చెప్పారు. గతంలో రాష్ట్ర రాజకీయాలలో కొండా సురేఖ కేటీఆర్ పై చేసిన వ్యక్తిగత విమర్శలు దుమారం రేపిన సంగతి తెలిసిందే. ఇప్పుడు ఆ వ్యాఖ్యలకు బేషరతుగా క్షమాపణ చెప్పిన కొండా సురేఖ వాటిని ఉపసంహరించుకున్నారు. గతంలో కేటీఆర్ పై తాను చేసిన అనుచిత వ్యాఖ్యలను పూర్తిగా వెనక్కి తీసుకుంటున్నట్లు సోషల్ మీడియా వేదికగా పేర్కొన్నారు.
అప్పట్లో రాజకీయ పరిణామాలు, ప్రత్యర్థులపై విమర్శలు గుప్పించే వాతావరణంలోనే తాను ఆ వ్యాఖ్యలు చేశానని పేర్కొన్న కొండా సురేఖ కేటీఆర్‌ను వ్యక్తిగతంగా కించపరచాలనే ఉద్దేశం గానీ, ఆయన కుటుంబ సభ్యుల మనోభావాలను దెబ్బతీయాలని కానీ తాను ఎన్నడూ భావించలేదని వివరణ ఇచ్చారు. ఆ వ్యాఖ్యల వల్ల కేటీఆర్ కు కలిగిన మనస్తాపానికి చింతిస్తున్నాని పేర్కొన్న ఆమె ఈ వివాదానికి పూర్తిగా ముగింపు పలకాలనే సదుద్దేశంతోనే క్షమాపణలు చెబుతూ, ఆ వ్యాఖ్యలను ఉపసంహరించుకుంటున్నట్లు పేర్కొన్నారు.
కాగా కొండా సురేఖను రేవంత్ తన కేబినెట్ నుంచి తొలగించిన తరువాత ఇప్పుడు కొండా సురేఖ బీఆర్ఎస్ వర్కింగ్ ప్రెసిడెంట్ కు బహిరంగంగా క్షమాపణ చెప్పడం రాజకీయంగా ప్రాధాన్యత సంతరించుకుంది. సరైన కారణాలు వెల్లడించకుండా, కనీసం ముందస్తు సమాచారం ఇవ్వకుండా రేవంత్ రెడ్డి కేబినెట్ నుంచి తొలగించడాన్ని ఆమె అప్పట్లోనే బాహాటంగా అసంతృప్తి వ్యక్తం చేశారు. బీసీ మహిళగా తనకు జరుగుతున్న అన్యాయంపై ఆమె బహిరంగంగానే నిరసన వ్యక్తం చేశారు ఈ నేపథ్యంలో కొండా సురేఖ కేటీఆర్ కు క్షమాపణ చెప్పడం, ఆయనపై చేసిన వ్యాఖ్యలను ఉపసంహరించుకోవడం పొలిటికల్ గా ప్రాధాన్యత సంతరించుకుంది. ఆమె బీఆర్ఎస్ గూటికి చేరడానికి రెడీ అయ్యారన్న చర్చ జోరందుకుంది. ఈ చర్చకు కొండా సురేఖ భర్త కొండా మురళితో కలిసి తిరిగి బీఆర్ఎస్ గూటికి చేరే అవకాశాలున్నాయన్న అభిప్రాయం పరిశీలకులలో వ్యక్తం అవుతోంది.
[Konda Surekha Apologizes to KTR, Telangana Politics, Konda Surekha Murali, BRS Reentry Rumors, Telugu One]
రాను రానంటూనే చిన్నదీ రాములోరి గుడికొచ్చే అనే పాట చందంగా రాజకీయాలలో పొత్తుల విషయంలో బీజేపీ వ్యవహరిస్తోంది. తెలంగాణ రాజకీయాలలో ఏ పార్టీతోనూ పొత్తు లేదు లేదంటూనే జనసేనతో పొత్తుకు తహతహలాడుతోంది. తెలంగాణలో స్వంతంగానే బరిలోకి దిగుతామని కుండబద్దలు కొట్టిన బీజేపీ ఇప్పుడు జనసేనతో అంతర్గత పొత్తు కుదుర్చుకుందన్న ప్రచారం జోరుగా సాగుతోంది.
ఆంధ్రప్రదేశ్ లోనూ, జాతీయ స్థాయిలోనూ జనసేన ఎన్డీయే కూటమిలో భాగస్వామ్య పార్టీయే అయినా, తెలంగాణలో మాత్రం ఆ పార్టీతో ఎటువంటి పొత్తూ ఉండదని బీజేపీ తెలంగాణ అధ్యక్షుడు ఇప్పటికే పలుమార్లు విస్పష్టంగా చెప్పారు. ఈ నేపథ్యంలోనే తెలంగాణలో పోటీకి జనసేన రెడీ అవుతోంది. రాబోయే గ్రాడ్యుయేట్ ఎమ్మెల్సీ ఎన్నికల్లో పోటీ చేసేందుకు సిద్ధమైన జనసేనతో కలిసి ముందుకు సాగాలని బీజేపీ నిర్ణయించుకున్నట్లు పొలిటికల్ సర్కిల్స్ లో ఓ రేంజ్ లో చర్చ జరుగుతోంది. ఉమ్మడి ఖమ్మం,వరంగల్,నల్గొండ పట్టభద్రుల నియోజకవర్గ పరిధిలో జరగనున్న ఎమ్మెల్సీ పోరులో జనసేన అభ్యర్థిని బరిలోకి దించుతున్నట్లు ప్రచారం జరుగుతున్న నేపథ్యంలో బీజేపీ ఆ పార్టీకి అండగా నిలబడుతోందన్న అంశం రాజకీయంగా అత్యంత ప్రాధాన్యత సంతరించుకుంది.
ఆంధ్రప్రదేశ్ రాజకీయాల్లో అధికారికంగా మిత్రపక్షాలుగా కొనసాగుతున్న జనసేన, బీజేపీలు, తెలంగాణలో మాత్రం ఇప్పటి వరకూ ఎవరికి వారే యమునా తీరే చందంగానే వ్యవహరిస్తున్నాయి. అయితే ఇప్పుడు గ్రాడ్యుయేట్ ఎమ్మెల్సీ ఎన్నికల విషయానికి వచ్చే సరికి తీరు మార్చుకుంటున్న పరిస్థితి కనిపిస్తోంది. పట్టభద్రుల ఎమ్మెల్సీ ఎన్నికల ప్రాధాన్యతను దృష్టిలో ఉంచుకొని, రెండు పార్టీలూ అనివార్యంగా అవగాహనకు వచ్చాయంటున్నారు పరిశీలకులు.
జనసేన అభ్యర్థి బరిలో నిలిచే స్థానంలో బీజేపీ తన అభ్యర్థిని పోటీకి పెట్టకుండా పరోక్షంగా మద్దతు తెలిపేలా ఇరు పార్టీల మధ్య అవగాహన కుదిరిందన్న చర్చ పోలిటికల్ సర్కిల్స్ లో గట్టిగా వినిపిస్తోంది. ఇదే జరిగితే.. ముందు ముందు జరగనున్న స్థానిక ఎన్నికలు, ఆ పై 2028 అసెంబ్లీ ఎన్నికలలో కూడా ఈ రెండు పార్టీలూ జతకట్టే అవకాశాలు మెండుగా ఉంటాయని పరిశీలకులు విశ్లేషిస్తున్నారు.
[Jana Sena BJP Alleance Telangana, MLC Elections, Graduate MLC,Telangana Politics, , Warangal Khammam Nalgonda Graduates MLC, Telugu One]
ALSO ON TELUGUONE N E W S
సోషల్ మీడియాలో సెలబ్రిటీల పేరుతో ఫేక్ అకౌంట్లు క్రియేట్ చేయడం, వారి ఫొటోలు, వీడియోలను దుర్వినియోగం చేయడం ఈ మధ్య ఎక్కువైపోయింది. ముఖ్యంగా ఏఐ టెక్నాలజీ అందుబాటులోకి వచ్చిన తర్వాత డీప్‌ఫేక్‌ వీడియోల బెడద మరింత పెరిగింది. తాజాగా నటి రితికా సింగ్ కూడా ఇలాంటి సమస్యతో ఇబ్బందిపడుతోంది. ఆమె పేరుతో ఫేక్ ఇన్‌స్టాగ్రామ్ అకౌంట్లు సృష్టించడమే కాకుండా.. డీప్‌ఫేక్‌ వీడియోల పేరుతో అభిమానుల నుంచి డబ్బులు వసూలు చేస్తున్నారట.
ఈ విషయాన్ని స్వయంగా రితికా సింగ్ సోషల్ మీడియా వేదికగా వెల్లడించింది. కొందరు వ్యక్తులు తన పేరుతో ఇన్‌స్టాగ్రామ్‌లో ఫేక్ ప్రొఫైల్స్ క్రియేట్ చేసి, వాటి ద్వారా ఏఐతో రూపొందించిన డీప్‌ఫేక్‌ వీడియోలను ప్రచారం చేస్తున్నారని తెలిపింది. అంతేకాదు, ఈ నకిలీ ఖాతాల్లో వీడియోలు చూడాలంటే నెలకు రూ.400 చొప్పున సబ్‌స్క్రిప్షన్ చెల్లించాలని అడుగుతున్నారట. దీంతో తన అభిమానులు ఇలాంటి మోసాలకు బలికావద్దని ఆమె హెచ్చరించింది.
తనకు ఇన్‌స్టాగ్రామ్‌లో బ్లూ టిక్ ఉన్న అకౌంట్ మాత్రమే అఫీషియల్ అని రితికా స్పష్టం చేసింది. తన పేరుతో కనిపించే ఇతర అకౌంట్స్ ను నమ్మవద్దని, వాటిని గుర్తించిన వెంటనే రిపోర్ట్ చేయాలని కోరింది. ముఖ్యంగా అనధికారిక ప్రొఫైల్స్‌లో కనిపించే వీడియోలు, సబ్‌స్క్రిప్షన్ లింకుల విషయంలో జాగ్రత్తగా ఉండాలని సూచించింది.
ఇది కూడా చదవండి: డ్రాగన్ అణుబాంబులా ఉంటుంది.. ఈసారి ఎన్టీఆర్ అభిమానులు రెండు కాలర్లు ఎగరేస్తారు.!
https://www.instagram.com/reel/DfFj8dNusmM/
[Ritika Singh Fake Instagram Subscription Scam, Ritika Singh Instagram, Ritika Singh Deepfake Videos, Ritika Singh AI Videos, Ritika Singh Viral Videos, Ritika Singh, AI Deepfake Videos, Telugu Film News]
సినిమా ఇండస్ట్రీలో వారసత్వం అనేది కొత్త విషయం కాదు. చాలామంది స్టార్ హీరోలు, హీరోయిన్లు, దర్శకుల వారసులు సినిమాల్లోకి వస్తుంటారు. అయితే కొందరు మాత్రం తమ తండ్రి ఎంత పెద్ద దర్శకుడైనా సరే.. ఆ ఇమేజ్‌ను ఉపయోగించుకోకుండా తమకంటూ ప్రత్యేక గుర్తింపు తెచ్చుకునే ప్రయత్నం చేస్తుంటారు. అలాంటి వారిలో నటుడు సునీల్ రెడ్డి ఒకరు. ప్రస్తుతం తమిళ సినిమాల్లో క్యారెక్టర్ ఆర్టిస్టుగా బిజీగా ఉంటున్న ఈయన బ్యాక్‌గ్రౌండ్ తెలిస్తే మాత్రం ఆశ్చర్యపోవాల్సిందే.
సునీల్ రెడ్డి మరెవరో కాదు.. ఒకప్పుడు మెగాస్టార్ చిరంజీవితో ఎన్నో సూపర్ హిట్ సినిమాలను తెరకెక్కించిన ప్రముఖ దర్శకుడు ఏ. కోదండరామిరెడ్డి తనయుడు. ఖైదీ, అభిలాష, పసివాడి ప్రాణం, అత్తకు యముడు అమ్మాయికి మొగుడు, ముఠామేస్త్రి వంటి ఎన్నో విజయవంతమైన చిత్రాలను చిరంజీవికి అందించారు కోదండరామిరెడ్డి. టాలీవుడ్‌లో అగ్ర దర్శకుడిగా ఆయనకు ప్రత్యేకమైన గుర్తింపు ఉంది. అలాంటి దర్శకుడి కుమారుడే సునీల్ రెడ్డి.
అయితే సునీల్ రెడ్డి మాత్రం తండ్రి పేరుతో కాకుండా నటుడిగా తనకంటూ గుర్తింపు తెచ్చుకోవాలని ప్రయత్నించారు. 2018లో విజయ్ సేతుపతి నటించిన 'సీతాకత్తి' సినిమాతో నటుడిగా ప్రయాణం మొదలుపెట్టారు. ఆ తర్వాత మాస్టర్, డాక్టర్, బీస్ట్, జైలర్, మామన్నన్ వంటి తమిళ సినిమాల్లో విభిన్న పాత్రల్లో కనిపించారు. ముఖ్యంగా 'డాక్టర్' సినిమాలో మహాలీ పాత్రతో ప్రేక్షకులను బాగా నవ్వించారు.
మరో ఆసక్తికరమైన విషయం ఏమిటంటే.. సునీల్ రెడ్డి తమ్ముడు కూడా నటుడే. అతనే వైభవ్ రెడ్డి. తెలుగులో హీరోగా సినిమాలు చేసిన వైభవ్.. తమిళంలోనూ పలు చిత్రాల్లో నటిస్తూ గుర్తింపు తెచ్చుకున్నారు. ఇలా ఒకే కుటుంబం నుంచి వచ్చిన అన్నదమ్ములిద్దరూ సినిమాల్లో కొనసాగుతుం డటం విశేషం.
ఇటీవల సూర్య నటించిన 'విశ్వనాథ్ అండ్ సన్స్' సినిమాలో సునీల్ రెడ్డి కనిపించడంతో తెలుగు ప్రేక్షకుల్లోనూ ఆయన గురించి ఆసక్తి పెరిగింది. ఒకప్పుడు మెగాస్టార్ చిరంజీవితో ఎన్నో విజయవంతమైన సినిమాలను తెరకెక్కించిన దర్శకుడి కుమారుడు.. ఇప్పుడు తమిళ సినిమాల్లో క్యారెక్టర్ ఆర్టిస్టుగా తనదైన గుర్తింపు తెచ్చుకోవడం విశేషం.
[Sunil Reddy, A Kodandarami Reddy, Sunil Reddy Father, Kodandarami Reddy Son, Sunil Reddy Movies, Vaibhav Reddy, Jailer Actor Sunil Reddy, Tamil Actor Sunil Reddy]
యంగ్ టైగర్ ఎన్టీఆర్, దర్శకుడు ప్రశాంత్ నీల్ కాంబినేషన్‌లో తెరకెక్కుతున్న ‘డ్రాగన్’ సినిమాపై అంచనాలు రోజురోజుకూ పెరుగుతున్నాయి. ఈ సినిమా నుంచి వచ్చే అప్‌డేట్స్ కోసం అభిమానులు ఆసక్తిగా ఎదురుచూస్తున్నారు. తాజాగా నటుడు రాజీవ్ కనకాల చేసిన వ్యాఖ్యలు ఇప్పుడు టాలీవుడ్‌లో చర్చనీయాంశంగా మారాయి. ‘డ్రాగన్’ ఒక అణుబాంబులా ఉంటుందని ఆయన అన్నారు.
ఎన్టీఆర్, ప్రశాంత్ నీల్, ఎన్టీఆర్ ఆర్ట్స్, మైత్రీ మూవీ మేకర్స్.. ఈ నాలుగు పేర్లు కలిస్తే సినిమా ఏ స్థాయిలో ఉంటుందో ప్రత్యేకంగా చెప్పాల్సిన అవసరం లేదని రాజీవ్ కనకాల అభిప్రాయపడ్డారు. ఈ సినిమా అభిమానులు రెండు కాలర్లు ఎగరేసుకునేలా ఉంటుందని ఆయన ధీమా వ్యక్తం చేశారు.
‘డ్రాగన్’ సినిమా కోసం తాను ఇప్పటివరకు ఎనిమిది రోజుల పాటు షూటింగ్‌లో పాల్గొన్నట్లు రాజీవ్ కనకాల వెల్లడించారు. తన పాత్రకు సంబంధించిన మరికొంత షూటింగ్ ఇంకా చేయాల్సి ఉందని తెలిపారు.
దర్శకుడు ప్రశాంత్ నీల్ పనితీరును కూడా రాజీవ్ ప్రశంసించారు. ఆయనకు సన్నివేశం ఎలా ఉండాలి, నటీనటుల నుంచి ఎలాంటి నటన రాబట్టాలి అనే విషయాలపై స్పష్టత ఉంటుందని పేర్కొన్నారు. ఒక దర్శకుడికి తన కథపై పూర్తి అవగాహన ఉంటే నటీనటులు తమ పాత్రలను మరింత సులభంగా చేయగలరని వివరించారు.
‘డ్రాగన్’ కథ 1960ల కాలంలో గోల్డెన్ ట్రయాంగిల్ ప్రాంతంలో సాగుతుంది. అంతర్జాతీయ ఓపియం అక్రమ రవాణా నేపథ్యంలో ఈ కథను రూపొందిస్తున్నట్లు సమాచారం. ఇందులో ఎన్టీఆర్ ‘లూగర్’ అనే పాత్రలో కనిపించనున్నారు. ఈ పాత్ర కోసం ఆయన తన లుక్‌ను కూడా పూర్తిగా మార్చుకున్నారు.
రుక్మిణి వసంత్ హీరోయిన్ గా నటిస్తుండగా, అనిల్ కపూర్, బిజూ మీనన్, ఖుష్బూ సుందర్, గురు సోమసుందరం, అశుతోష్ రాణా తదితరులు కీలక పాత్రల్లో కనిపించనున్నారు. ఈ చిత్రానికి రవి బస్రూర్ సంగీతం అందిస్తున్నారు. మైత్రీ మూవీ మేకర్స్, ఎన్టీఆర్ ఆర్ట్స్ సంయుక్తంగా నిర్మిస్తున్న ఈ సినిమా 2027 జూన్ 11న విడుదల కానున్నట్లు ప్రకటించారు.
ఇది కూడా చదవండి: ‘అదుర్స్’ బామ్మ కన్నుమూత.. 60 ఏళ్ల వయసులో సినిమాల్లోకి ఎంట్రీ.!
[Rajeev Kanakala About Dragon, Dragon Movie Atomic Bomb, NTR Dragon movie, NTR Prashanth Neel movie, Dragon Movie Updates, Jr NTR, Prashanth Neel, Rajeev Kanakala, Telugu Film News]
.webp)
నటీనటులు: విశ్వక్ సేన్, గాయత్రి భరద్వాజ్, తారక్ పొన్నప్ప, మురళీ శర్మ, శ్రీకాంత్ అయ్యంగార్, యజ్ఞ తుర్లపాటి
సాంకేతిక వర్గం:
రచన: తరుణ్ భాస్కర్, విశ్వక్ సేన్
సినిమాటోగ్రఫీ: అరవింద్ విశ్వనాథన్
సంగీతం: రవి బస్రూర్
ఎడిటింగ్: రవితేజ గిరిజాల
దర్శకత్వం: విశ్వక్ సేన్
నిర్మాత: సందీప్ కాకర్ల
ఫలక్‌నుమా దాస్, దాస్ కా ధమ్కీ వంటి సినిమాలతో తన దర్శకత్వ ప్రతిభను నిరూపించుకున్న విశ్వక్ సేన్, ఇప్పుడు పలు పరాజయాల తర్వాత 'కల్ట్' (Cult) అనే స్లాషర్ యాక్షన్ చిత్రంతో మన ముందుకు వచ్చాడు. ప్రేక్షకులకు సరికొత్త అనుభూతిని పంచుతామనే హామీతో ఈ సినిమా అక్టోబర్ 30న విడుదలైంది. ఈ చిత్రం ఎలా ఉందో ఇప్పుడు వివరంగా చూద్దాం.
కథ:
ఒక సినిమా నిర్మాత (KV Anudeep) జీవితం గురించి తెలుసుకోవడానికి, క్రైమ్‌ను దగ్గరగా చూడటానికి ముగ్గురు యువకులను గోవా పంపిస్తాడు. తనకు ఒక మంచి క్రైమ్ స్టోరీ కావాలని, ఈ అనుభవం వారికి అందుకోసం ఉపయోగపడుతుందని అతను భావిస్తాడు. మరోవైపు, గోవా హోం మంత్రి (Murli Sharma) కుమారుడు ఎల్విన్ (Tarak Ponnappa) తన తండ్రి వద్దంటున్నా వినకుండా తన పుట్టినరోజు సందర్భంగా ఒక పెద్ద పార్టీ ఇవ్వాలని నిర్ణయించుకుంటాడు.
గోవాలో డ్రగ్ మాఫియాపై పోరాడే డీఎస్పీ సంకల్ప్ అలియాస్ సంకీ (Vishwak Sen), డ్రగ్స్ సప్లై జరుగుతుందనే అనుమానంతో ఆ పార్టీలోకి ప్రవేశిస్తాడు. కానీ అనూహ్యంగా ఒక 'కల్ట్' గ్యాంగ్ ఆ పార్టీని తమ ఆధీనంలోకి తీసుకుని విచక్షణారహితంగా చంపడం ప్రారంభిస్తుంది. వారు అక్కడున్న ప్రతి ఒక్కరినీ అందులో పాల్గొనేలా బలవంతం చేసి దారుణంగా హతమారుస్తుంటారు. వారు ఎందుకు అలా చేస్తున్నారు? వారి బారి నుండి అందరినీ కాపాడటానికి సంకీ ఏం చేశాడు? తదితర విషయాలు తెలియాలంటే సినిమా చూడాల్సిందే.
విశ్లేషణ:
తన పాత్రలో విశ్వక్ సేన్ చక్కగా నటించాడు కానీ సినిమాలో అతని స్క్రీన్ ప్రెజెన్స్ పరిమితంగానే ఉంటుంది. పాత్రలు, సినిమా నేపథ్యం పెద్దగా ఆకట్టుకోకపోవడం వల్ల మొదటి 40 నిమిషాలు బోర్ కొట్టిస్తాయి. విశ్వక్ సేన్ ఉన్న సన్నివేశాలు బాగున్నప్పటికీ, దర్శకుడు ఆశించిన స్థాయి ఇంపాక్ట్‌ను ప్రేక్షకుడికి ఇవ్వడంలో అవి విఫలమయ్యాయి.
రవి బస్రూర్ (Ravi Basrur) అందించిన నేపథ్య సంగీతం బాగుంది, ఆయన ప్రతి సన్నివేశాన్ని ఎలివేట్ చేయడానికి బాగా ప్రయత్నించాడు. కానీ యాక్షన్ సన్నివేశాలు ఆశించిన స్థాయిలో వర్కౌట్ కాలేదు. ఒక దశ దాటాక ప్రతి సన్నివేశం మళ్ళీ మళ్ళీ రిపీట్ అవుతున్నట్లు అనిపిస్తుంది. డిఫరెంట్ ఐడియాలను ప్రయత్నించే క్రమంలో హత్యల సన్నివేశాలు ఒకేలా ఉండటంతో సినిమాలో వేగం తగ్గుతుంది.
కథ ముందుకు సాగక ఒక దశ తర్వాత స్క్రీన్‌ప్లే చాలా నెమ్మదిస్తుంది. సాంకేతికంగా కొన్ని సన్నివేశాలు బాగానే వచ్చినా, సినిమాకు అవి పెద్దగా సహాయపడలేదు. మొత్తానికి స్లాషర్ జానర్‌లో ప్రయత్నించిన ఈ సినిమా, రచనలోని లోపాల వల్ల నిరాశపరుస్తుంది.
ప్లస్ పాయింట్స్:
విశ్వక్ సేన్ నటన
రవి బస్రూర్ నేపథ్య సంగీతం
మైనస్ పాయింట్స్:
నెమ్మదించిన స్క్రీన్‌ప్లే
రిపీట్ అయ్యే సన్నివేశాలు
సాగదీసినట్లు అనిపించే యాక్షన్ సీన్స్
సింగిల్ టేక్ షాట్స్ వర్కౌట్ కాలేదు
చివరిగా: ప్రయత్నం బాగున్నా.. ఆచరణలో విఫలమయ్యారు!
రేటింగ్: 2/5
గమనిక: ఈ రివ్యూలో వ్యక్తపరిచిన అభిప్రాయాలు రచయిత వ్యక్తిగతమైనవి, వీటికి సంస్థకు ఎటువంటి బాధ్యత లేదు. పాఠకులు తమ సొంత విచక్షణతో నిర్ణయం తీసుకోవాలని సూచిస్తున్నాము.
Cast: Vishwak Sen, Gayatri Baradwaj, Tarak Ponnappa, Murli Sharma, Srikanth Iyengar, Yagnya Turlapati
Crew:
Written by Tharun Bhascker, Vishwak Sen
Cinematography by Aravind Viswanathan
Music by Ravi Basrur
Editing by Ravi Teja Girijala
Directed by Vishwak Sen
Produced by Sandeep Kakarala
Vishwak Sen has proven his directorial capabilities in films like Falaknuma Das, Das ki Dhamki and now, after several disappointments, he came up with a slasher action film, Cult. The movie released on 30th October promising to give a new-age experience to audiences. Let's discuss about the film in detail.
Plot:
A movie producer (KV Anudeep) sends three youngsters to Goa to learn about life and experience crime. He wants a good crime story and hence, he thinks this experience will help them. Goa Home Minister (Murli Sharma)'s son Elvin (Tarak Ponnappa) decides to throw a party on his birthday, even though his father opposes it.
DSP Sankalp (Vishwak Sen) aka Sanki works against drug mafia in Goa and he enters into the party suspecting drug peddling. But a cult gang takes over and they start killing randomly. They force everyone to participate and brutally kill. Why? What will Sanki do to save them? Watch the movie to know more.
Analysis:
Vishwak Sen performs well in the character but his portions are limited. The first 40 minutes are literal bore as the characters and set up don't really work. While The scenes featuring him are good still, they fail to evoke the similar feeling or high they have intended.
BGM by Ravi Basrur is good and he tried to enhance all the sequences. But the action portions and sequences don't really work as anticipated. Each scene looks repetitive after a point and ideas keep repeating at places. But as they try some different ideas the killings get repetitive and that drops the momentum.
After a point, the screenplay feels lethargic with story not moving forward. Technically, few scenes work out but largely they did not really contribute. Overall, the movie tries a slasher genre but fails to deliver due to loopholes in writing.
Positives:
Vishwak Sen performance
Ravi Basrur score
Negatives:
Lethargic Screenplay
Repetitive Narrative
Action scenes feel too long
Oners don't help.
Bottomline: Ambition is visible but execution is lacking!
Rating: 2/5
Disclaimer: The views/opinions expressed in this review are personal views/opinions shared by the writer and organisation does not hold a liability to them. Viewers' discretion is advised before reacting to them.
సినీ పరిశ్రమలో మరో విషాదం చోటుచేసుకుంది. ప్రముఖ సీనియర్ నటి వత్సల రాజగోపాల్ (93) కన్నుమూశారు. వయోభారంతో పాటు అనారోగ్య సమస్యల కారణంగా శుక్రవారం (అక్టోబర్ 30) చెన్నైలో ఆమె తుదిశ్వాస విడిచారు. తమిళ చిత్రాలతో పాటు తెలుగు ప్రేక్షకులకూ సుపరిచితమైన ఆమె.. ‘అదుర్స్’ సినిమాలో నటించారు. ఎన్టీఆర్ బామ్మగా ఆమె పంచిన వినోదాన్ని తెలుగు ప్రేక్షకులు అంత తేలికగా మర్చిపోలేరు.
సాధారణంగా నటీనటులు చిన్న వయసులోనే సినిమాల్లోకి వస్తుంటారు. కానీ వత్సల రాజగోపాల్ ప్రయాణం మాత్రం భిన్నం. మొదట రంగస్థలంపై నటిగా గుర్తింపు తెచ్చుకున్న ఆమె.. సుమారు 60 ఏళ్ల వయసులో సినిమాల్లోకి అడుగుపెట్టారు. ప్రముఖ దర్శకుడు మణిరత్నం తెరకెక్కించిన ‘రోజా’ (1992) సినిమాతో వెండితెరకు పరిచయమయ్యారు. ఈ చిత్రంలో మధుబాలకు నాయనమ్మగా నటించి ప్రేక్షకుల దృష్టిని ఆకర్షించారు.
ఆ తర్వాత వయసుతో సంబంధం లేకుండా వరుస అవకాశాలు అందుకుంటూ తనకంటూ ప్రత్యేక గుర్తింపు సంపాదించుకున్నారు. ‘సతి లీలావతి’, ‘రిథమ్’, ‘విన్నర్’, ‘అన్నియన్’, ‘మొళి’ వంటి తమిళ చిత్రాల్లో ఆమె పోషించిన పాత్రలు ప్రేక్షకులకు గుర్తుండిపోయాయి. ముఖ్యంగా అమ్మమ్మ, నాయనమ్మ పాత్రల్లో తన సహజమైన నటనతో అభిమానులను ఆకట్టుకున్నారు.
వత్సల రాజగోపాల్ ప్రయాణం సినిమాలకే పరిమితం కాలేదు. తమిళ టెలివిజన్ రంగంలోనూ ఆమె ఎన్నో సీరియళ్లలో నటించారు. ‘చిత్తి’, ‘ఆనందం’, ‘ముందానై ముడిచ్చు’, ‘వసంతం’ వంటి సీరియళ్లతో బుల్లితెర ప్రేక్షకులకు దగ్గరయ్యారు. రంగస్థలం, సినిమా, టెలివిజన్.. ఇలా మూడు విభాగాల్లోనూ తనదైన ముద్ర వేశారు.
ఇది కూడా చదవండి: తొమ్మిదో నెలలోనూ అదే ఫిట్‌నెస్‌.. సమంత వీడియో చూస్తే షాక్ అవ్వాల్సిందే.!
[Adhurs Actress Vatsala Rajagopal Passed Away, Vatsala Rajagopal passes away, Vatsala Rajagopal Death, NTR Adhurs Movie, Roja actress, Vatsala Rajagopal Age, Vatsala Rajagopal Movies, Vatsala Rajagopal]
విక్టరీ వెంకటేష్, త్రివిక్రమ్ కట్ అవుట్ ల మానియాకి పాజిటివ్ వైబ్రేషన్స్ తోడైతే బాక్స్ ఆఫీస్ ఏ విధంగా తన దాహాన్ని తీర్చుకుంటుందో అనే ఉదాహరణ ఆదర్శ కుటుంబం ద్వారా నెరవేరే అవకాశం ఉందని సినీ ప్రియులు వహిస్తున్నారు. ఆ దాహం యొక్క స్థాయి ఏ రేంజ్ లో ఉండబోతుం దో ఈ రోజు సెకండ్ షో తర్వాత తెలియనుంది. రీసెంట్ గా ఆదర్శ కుటుంబం గురించి సినీ సర్కిల్స్, నెట్టింట ఒక ఆసక్తికర చర్చ జరుగుతుంది.
సినిమా విడుదలయ్యే సమయం, ఆ సమయంలో వచ్చే సెలవులు, ప్రేక్షకుల మూడ్ బాక్సాఫీస్ భవితవ్యాన్ని, కలెక్షన్ల స్పీడ్ ని శాసిస్తాయి. సరిగ్గా ఈ అంశమే ఇప్పుడు టాలీవుడ్ వర్గాల్లోనూ, సాధారణ ప్రేక్షకుల్లోనూ పెద్ద ఎత్తున చర్చనీయాంశంగా మారింది. ‘ఆదర్శ కుటుంబం’వస్తున్న విశేష స్పందన, పాజిటివ్ టాక్ చూస్తుంటే మేకర్స్, డిస్ట్రిబ్యూటర్లు ఎంతో సంతోషపడుతున్నారు. అయితే అదే సమయంలో ప్రతి ఒక్కరి నోటా ఒకే మాట వినిపిస్తోంది. ఈ సినిమా కనుక దసరా పండుగ సీజన్లో థియేటర్లలోకి వచ్చి ఉంటే, కలెక్షన్ల ఉధృతి ఏ రేంజ్‌లో ఉండేదో ఊహించుకోవడానికే మైండ్ బ్లాక్ అవుతోందని స్పష్టం చేస్తున్నారు. దసరా అంటేనే తెలుగు రాష్ట్రాల్లో అతిపెద్ద పండుగ వాతావరణం నెలకొంటుంది. కుటుంబ సమేతంగా థియేటర్లకు వెళ్లి సినిమాలు చూడటానికి ఈ సెలవుల కాలం ఎంతో అనుకూలంగా ఉంటుంది. పాఠశాలలు, కళాశాలలకు దసరా సందర్భంగా వరుసగా 10 నుండి 15 రోజుల పాటు సుదీర్ఘమైన సెలవులు లభిస్తాయి. ఉపాధి కోసం, ఉద్యోగాల కోసం వివిధ నగరాల్లో స్థిరపడిన ప్రజలంతా సొంత ఊర్లకు చేరుకుంటారు. దాంతో గ్రామాలు, చిన్న పట్టణాలలోని బి, సి సెంటర్ థియేటర్ల వద్ద కలెక్షన్ల జాతర కనిపిస్తుంది. ఇలాంటి పండుగ సీజన్లో ‘ఆదర్శ కుటుంబం’ లాంటి ఫ్యామిలీ, మాస్ ఎంటర్‌టైనర్ పడి ఉంటే బాక్సాఫీస్ వద్ద అత్యంత భారీగా ఉంటుంది. పైగా కుటుంబ సమేతంగా చూడదగ్గ కంటెంట్ కావడంతో ప్రతి కుటుంబం ఈ సినిమా వైపు అడుగులు వేస్తోంది.
ఇది కూడా చదవండి: ఆదర్శ కుటుంబం మూవీ రివ్యూ
ఒకవేళ ఈ చిత్రం పక్కా ప్రణాళికతో దసరా హాలిడేస్ రేసులో దిగి ఉంటే, ఆ సుదీర్ఘమైన సెలవుల రోజులు ఈ సినిమా వసూళ్లకు విపరీతంగా ఉపయోగపడేవి. మామూలు రోజుల్లోనే థియేటర్లకు కుటుంబాలు తరలివస్తుంటే, దసరా లాంటి పెద్ద పండుగ సెలవుల్లో అడ్వాన్స్ బుకింగ్స్, హౌస్‌ఫుల్ బోర్డులతో బాక్సాఫీస్ వద్ద సరికొత్త రికార్డులు నమోదయ్యేవనే మాటలు వినిపిస్తున్నాయి. ఏది ఏమైనా వాళ్లంతా అభిమానం కొద్దీ మరి చొరవ తీసుకొని అలా అంటున్నారు గాని, బడా హీరో, బడా డైరెక్టర్ సినిమాకి పాజిటివ్ టాక్ వస్తే ఆ కలెక్షన్స్ ల కథే వేరు. అభిమానులు, సినీ ప్రియులు అయితే ఇప్పుడే దసరా అనుకుంటామని కూడా అంటారు.
[Aadarsha Kutumbam Public Talk, Aadarsha Kutumbam Movie Review Telugu, Aadarsha Kutumbam Movie Review, Aadarsha Kutumbam review,Telugu Cinema, telugu Cinema News, Tollywood, Tollwyood News]
సమంత తన ప్రెగ్నెన్సీ జర్నీకి సంబంధించిన మరో ఆసక్తికరమైన వీడియోను సోషల్ మీడియాలో షేర్ చేశారు. మొదటి నెలలో ఎలా వ్యాయామం చేశారో.. తొమ్మిదో నెలలోనూ తన ఫిట్‌నెస్‌ను ఎలా కొనసాగిస్తున్నారో చూపిస్తూ అభిమానులను ఆకట్టుకున్నారు. ఈ వీడియో ప్రస్తుతం నెట్టింట వైరల్ అవుతోంది.
సమంత తన ఇన్‌స్టాగ్రామ్‌లో షేర్ చేసిన ఈ రీల్‌కు “#9. The final lap” అనే క్యాప్షన్ ఇచ్చారు. వీడియోలో ప్రెగ్నెన్సీ మొదటి నెలలో చేసిన వ్యాయామాలతో పాటు తొమ్మిదో నెలలో చేస్తున్న వర్కౌట్స్‌ను చూపించారు. ముఖ్యంగా డంబెల్‌ను పట్టుకుని వెయిటెడ్ స్క్వాట్స్ చేస్తున్న దృశ్యాలు అందరి దృష్టిని ఆకర్షిస్తున్నాయి.
సమంతకు ఫిట్‌నెస్‌పై ఎంత ఆసక్తి ఉందో ప్రత్యేకంగా చెప్పాల్సిన అవసరం లేదు. అయితే ప్రెగ్నెన్సీ సమయంలోనూ వ్యాయామాలను కొనసాగించడం వెనుక వైద్యుల సూచనలు, తన శరీర పరిస్థితికి అనుగుణంగా మార్పులు చేసుకోవడం ముఖ్యమని ఆమె గతంలోనే స్పష్టం చేశారు.
గతంలో తన వర్కౌట్ వీడియోను షేర్ చేస్తూ.. “ఇప్పుడు వ్యాయామం చేసే విధానం మారింది. మరింత కష్టపడటం కంటే, శరీరం చెప్పేది వినడానికే ప్రాధాన్యం ఇస్తున్నాను” అనే భావాన్ని పంచుకున్నారు. ప్రతి మహిళ ప్రెగ్నెన్సీ ప్రయాణం భిన్నంగా ఉంటుందని, తన వర్కౌట్స్‌ను అందరూ అనుసరించకూడదని కూడా ఆమె సూచించారు.
తొమ్మిదో నెలలోనూ ఫిట్‌నెస్‌పై సమంత చూపిస్తున్న శ్రద్ధను చూసి అభిమానులు ప్రశంసలు కురిపిస్తున్నారు. సమంత, దర్శకుడు రాజ్ నిడిమోరు 2025 డిసెంబర్‌లో వివాహం చేసుకున్నారు. ప్రస్తుతం ఈ దంపతులు తమ తొలి బిడ్డ రాక కోసం ఎదురుచూస్తున్నారు. ఈ క్రమంలో సమంత తన ప్రెగ్నెన్సీ ప్రయాణంలోని ప్రత్యేక క్షణాలను అభిమానులతో పంచుకోవడం ఆసక్తిని రేకెత్తిస్తోంది.
ఇది కూడా చదవండి: మెగావర్స్‌లో మెగా ఫ్యామిలీ సందడి.. చిరంజీవితో పవన్ కళ్యాణ్, రామ్ చరణ్ స్పెషల్ ఎపిసోడ్.!
https://www.instagram.com/reel/DfHAXdvBU2Z/
[Samantha Ninth Month Pregnancy, Samantha Workout Video, Samantha Pregnancy Journey, Samantha Pregnancy Fitness, Samantha Instagram, Samantha Latest News, Samantha Ruth Prabhu, Telugu Film News]
వరుస విజయాలతో దూసుకుపోతున్న విక్టరీ వెంకటేష్ ఈ రోజు శ్రీనిధి శెట్టిని వెంటపెట్టుకొని త్రివిక్రమ్ సాక్షిగా ఆదర్శ కుటుంబంతో సిల్వర్ స్క్రీన్ పైకి వచ్చాడు. ఉదయం ఎనిమిది న్నర షో నుంచే పాజిటివ్ టాక్ తో రన్ అవుతూ ఉంది. అభిమానులు, సినీ ప్రేమికులు కూడా హ్యాపీగా ఉన్నారు. ఇప్పుడు వాళ్లంతా సోషల్ మీడియాలో పలు హైలెట్స్ ని వ్యక్తం చేస్తున్నారు. ఆ డీటెయిల్స్ ఏంటో చూద్దాం.
1 .మంచి మెసేజ్ ఇస్తూ సాగిన కథ, కథనం
2 .ఫస్ట్ హాఫ్ లో వచ్చిన 100 కోట్ల ట్విస్ట్
3 .సత్య, వెంకటేష్, నారా రోహిత్ మధ్య వచ్చిన పోలీస్ స్టేషన్ ఎపిసోడ్
4 . వెంకటేష్, శ్రీనిధి శెట్టి తో పాటు పిల్లల ఫ్లాష్ బ్యాక్ ఎపిసోడ్
5 టోటల్ యాక్షన్ ఎపిసోడ్స్
6 . రావు రమేష్ ట్రాక్
7 .జడ్జి గా నాజర్ తీసుకున్న నిర్ణయం
8 . త్రివిక్రమ్ డైరెక్షన్, డైలాగ్స్
9 . ట్రైన్ ఎపిసోడ్
10 . ప్రీ క్లైమాక్స్, క్లైమాక్స్
ఇది కూడా చదవండి: ఆదర్శ కుటుంబం మూవీ రివ్యూ
ఇలా పలు హైలెట్స్ ని అభిమానులు, సినీ ప్రియులు సోషల్ మీడియా వేదికగా వ్యక్తం చేస్తున్నారు. మరి కలెక్షన్స్ రూపంలో రాబోయే రోజుల్లో, మరి ముఖ్యంగా వీకెండ్ లో ఆదర్శ కుటుంబం తన స్టేటస్ ని ఎలా తెలియచేస్తుందో చూద్దాం.
[Aadarsha Kutumbam Movie Highlights, Aadarsha Kutumbam Movie Review Telugu, Aadarsha Kutumbam Movie Review, Aadarsha Kutumbam review, Tollywood, Tollywood News, TeluguCinema, Telugu Cinema News ]
.WEBP)
సినిమాల్లో నటించడానికి మాత్రమే కాదు.. సినిమా ప్రమోషన్లకు కూడా కొందరు హీరోయిన్లు ఎంతో ప్రాధాన్యత ఇస్తుంటారు. అయితే లేడీ సూపర్ స్టార్ నయనతార మాత్రం చాలాకాలంగా సినిమా ప్రమోషన్లకు దూరంగా ఉంటూ వస్తున్నారు. తన సినిమాల ఈవెంట్లకు, ఇంటర్వ్యూలకు పెద్దగా హాజరుకాని ఆమె.. ఇటీవల ఈ పద్ధతికి కాస్త భిన్నంగా వ్యవహరించారు. ‘మన శంకర్ వరప్రసాద్ గారు’ సినిమా ప్రమోషన్లలో పాల్గొనడంతో పాటు, ‘టాక్సిక్’ ట్రైలర్ లాంచ్ ఈవెంట్‌లోనూ సందడి చేశారు. దీంతో ఇకపై నయనతార కూడా తన సినిమాల ప్రమోషన్లలో చురుగ్గా పాల్గొంటారని అభిమానులు భావించారు. కానీ తాజాగా మరోసారి తన పాత పద్ధతినే కొనసాగించారు.
నయనతార ప్రధాన పాత్రలో సుందర్.సి దర్శకత్వంలో తెరకెక్కిన చిత్రం ‘మూకుత్తి అమ్మన్ 2’. ఈ సినిమాలో ఆమె ద్విపాత్రాభినయం చేయగా, రెజీనా కసాండ్రా ప్రతినాయకురాలిగా కనిపించనున్నారు. సుమారు రూ.100 కోట్ల భారీ బడ్జెట్‌తో రూపొందిన ఈ సినిమాకు వేల్స్ ఇంటర్నేషనల్‌తో పాటు సుందర్.సి, నయనతార కూడా నిర్మాతలుగా వ్యవహరిస్తున్నారు. నవంబర్ 6న ప్రేక్షకుల ముందుకు రానున్న ఈ సినిమా ప్రీ రిలీజ్ ఈవెంట్‌ను చిత్రబృందం నిర్వహించింది. అయితే ఈ కార్యక్రమానికి నయనతార హాజరుకాలేదు. ఇటీవల ఇతర సినిమాల ప్రమోషన్లలో పాల్గొన్న ఆమె.. తనే ప్రధాన పాత్రలో నటించిన సినిమా వేడుకకు రాకపోవడం చర్చనీయాంశంగా మారింది.
అయితే ఈ వేడుకకు నయనతార ఎందుకు రాలేదనే విషయంపై చిత్రబృందం వివరణ ఇచ్చింది. ప్రస్తుతం మరో సినిమా షూటింగ్‌లో బిజీగా ఉండటం వల్లే ఆమె ప్రీ రిలీజ్ ఈవెంట్‌కు హాజరుకాలేకపోయారని తెలిపింది. మరోవైపు సినిమా చిత్రీకరణ సమయంలో నయనతార నాన్‌వెజ్‌కు దూరంగా ఉన్నారని దర్శకుడు సుందర్.సి వెల్లడించారు. పాత్ర పట్ల, సినిమా పట్ల ఆమె చూపించిన నిబద్ధతను ఆయన ప్రత్యేకంగా ప్రశంసించారు. ఈ నేపథ్యంలో ఈవెంట్‌కు రాలేదనే విషయంపై చర్చ జరుగుతున్నప్పటికీ, సినిమా కోసం ఆమె తీసుకున్న శ్రద్ధను కూడా అభిమానులు గుర్తు చేసుకుంటున్నారు.
ఇదిలా ఉంటే, ఈ సినిమా వేడుకకు కొన్ని గంటల ముందే నయనతార సోషల్ మీడియాలో ఒక భావోద్వేగపూరితమైన లేఖను పంచుకున్నారు. దర్శకుడు సుందర్.సి, నిర్మాత ఐసరి కె. గణేశ్‌లకు కృతజ్ఞతలు తెలిపారు. రెజీనా కసాండ్రా, ఖుష్బూ, స్నేహాలతో కలిసి పనిచేయడం తనకు ప్రత్యేకమైన అనుభవమని పేర్కొన్నారు. సినిమా విడుదల కోసం ఎంతో ఆసక్తిగా ఎదురుచూస్తున్నానని కూడా చెప్పారు. ఇలా సోషల్ మీడియా ద్వారా సినిమా గురించి స్పందించిన నయనతార.. వేడుకకు మాత్రం దూరంగా ఉండటం ఇప్పుడు హాట్ టాపిక్‌గా మారింది.
[Nayanthara, Mookuthi Amman 2, Nayanthara Pre Release Event, Sundar C, Regina Cassandra, Nayanthara Promotions, Mookuthi Amman 2 Release Date]
ఎన్నికల వేళ జగన్ కు షాకుల మీద షాకులు తగులుతున్నాయి. ఇన్నాళ్లే జగన్ మాటే శాసనం అన్నట్లుగా అణిగిమణిగి ఉన్న వారంతా సరిగ్గా ఎన్నికల ముంగిట ధిక్కార స్వరం వినిపిస్తున్నారు. పార్టీపై తిరుగులేని పట్టు ఉందని భావిస్తున్న జగన్ కు ఆ పట్టు జారిపోవడం కళ్లముందు కనిపించేలా చేస్తున్నారు.
టికెట్ నిరాకరించిన, సిట్టింగ్ స్థానాన్ని మార్చిన ఎమ్మెల్యేలు, ఎంపీలు ఇప్పటికే పార్టీని వీడి వలసబాట పట్టారు. వారితో పాటు పెద్ద సంఖ్యలో క్యాడర్ కూడా పార్టీని వీడుతున్నారు. ఇక ఇప్పుడు నామినేటెడ్ పదవులలో ఉన్న వారి వంతు మొదలైనట్లు కనిపిస్తోంది. తనకు కానీ తన భర్తకు కానీ వచ్చే ఎన్నికలలో పోటీ చేసేందుకు టికెట్ ఇవ్వాలంటూ గత కొంత కాలంగా కోరుతూ వస్తున్న మహిళా కమిషన్ చైర్ పర్సన్ వాసిరెడ్డి పద్మ వంతు వచ్చింది. ఆమె కూడా రాజీనామా అస్త్రం సంధించారు.
జగన్ కు నమ్మిన బంటుగా గుర్తింపు పొందిన మహిళాకమిషన్ చైర్ పర్సన్ వాసి రెడ్డి పద్మ తన పదవికి రాజీనామా చేశారు. ఉరుములేని పిడుగులా, ఎటువంటి ముందస్తు సమాచారం లేకుండా తన రాజీనామా లేఖను సీఎం జగన్ కు పంపేశారు. పేరుకు తాను పార్టీకి కాదు, కేవలం మహిళా కమిషన్ చైర్మన్ పదవికి మాత్రమే రాజీనామా చేశాననీ, ఇక నుంచి వైసీపీ కోసం పని చేస్తాననీ వాసిరెడ్డి పద్మ చెబుతున్నప్పటికీ, ఆమె రాజీనామాకు కారణం అసంతృప్తేనని పార్టీ వర్గాలు బాహాటంగానే చెబుతున్నాయి.
చాలా కాలంగా వాసిరెడ్డి పద్మ వచ్చే ఎన్నికలలో పోటీ చేసేందుకు తనకు కానీ తన భక్తకు కానీ పార్టీ టికెట్ ఇవ్వాలని జగన్ ను కోరుతూ వస్తున్నారు. అయితే ఇప్పటి వరకూ జగన్ చూద్దాం.. చేద్దాం అన్నట్లుగా దాట వేస్తూనే వచ్చారు. ఇప్పుడిక వరుసగా అభ్యర్థల జాబితాలను జగన్ ప్రకటించేస్తుండటం, తనకు గానీ తన భర్తకు కానీ పార్టీ టికెట్ విషయంలో ఎటువంటి స్పస్టత ఇవ్వకపోవడంతో ఆమె మనస్తాపం చెంది పదవికి రాజీనామా చేసేశారని పార్టీ వర్గాలు చెబుతున్నాయి.
వాసిరెడ్డి పద్మ రాజకీయ ప్రవేశం ప్రజారాజ్యం పార్టీతో జరిగింది. 2009లో ఆమె ప్రజారాజ్యం పార్టీలో చేరారు. ఇలా చేరడంతోనే ఆమె ప్రజారాజ్యం అధికార ప్రతినిథిగా పదవి దక్కించుకున్నారు. ప్రజారాజ్యం కాంగ్రెస్ పార్టీలో విలీనం కావడంతో ఆమె 2012లో జగన్ పార్టీలో చేరారు. జగన్ కూడా ఆమెకు అధికార ప్రతినిథి పదవి ఇచ్చారు. 2019లో వైసీపీ అధికారంలోకి వచ్చిన తరువాత ఆమెను రాష్ట్ర మహిళా కమిషన్ చైర్ పర్సన్ గా నియమించారు. చైర్ పర్సన్ హోదాలో ఆమె జగన్ మెప్పు పొందేందుకు చేయగలిగినంతా చేశారు. ప్రతిపక్ష పార్టీ నేతలకు నోటీసులు ఇచ్చారు. ఏకంగా జనసేన అధినేత పవన్ కల్యాణ్ కు సైతం నోటీసులు జారీ చేశారు. వార్డు వలంటీర్లపై పవన్ కల్యాణ్ చేసిన వ్యాఖ్యలకు కమిషన్ ముందు హాజరై వివరణ ఇవ్వాలంటూ ఆమె పవన్ కు నోటీసులు జారీ చేసిన సంగతి తెలిసిందే. పవన్ హాజరు కాకపోవడంతో పోలీసులకు ఫిర్యాదు చేసి కేసు నమోదు చేయాలని ఆదేశించారు. ఇన్ని చేసినా వాసిరెడ్డి పద్మకు ఆమె కోరినట్లుగా పార్టీ టికెట్ లభించకపోవడంతో అలిగి పదవికి రాజీనామా చేశారని, ఇది జగన్ కు షాకేననీ పరిశీలకులు విశ్లేషిస్తున్నారు.
.webp)
సంసారంలో నిస్సంగత్వంతో ఎలా జీవించాలో గురువు బోధిస్తాడు. మనల్ని సంసారబంధాల నుండి విముక్తుల్ని చేయడానికి తోడ్పడతాడు. కానీ అనేక జన్మల సంస్కారాల వల్ల మనలో సంసారాసక్తి సన్నగిల్లకపోవడంతో గురుబోధ అవగాహన చేసుకొనే మనోపరిపక్వత కలగదు. ఒకరైతు తనకు చేసిన సేవలకు ప్రీతి చెందిన గురువు అతడికి స్వర్గ ప్రాప్తిని కలగజేయాలని అనుకుంటాడు. కానీ సంసారాసక్తి వల్ల ఆ రైతు ఆ అవకాశాన్ని వాయిదా వేసుకుంటూ వస్తాడు. చివరికి గురుకృప వల్ల ఆ రైతు స్వర్గ ప్రాప్తిని ఎలా పొందాడో ఈ కథ తెలియజేస్తుంది.
"ఒక మహాపురుషుడు ప్రయాణం చేస్తూ, డస్సిపోయాడు. గొంతు ఎండిపోయింది. దారిలో ఒక రైతు కనపడితే నీళ్ళు అర్థించాడు. ఆ రైతు మహాత్మునికి సకల ఉపచారాలూ చేశాడు. చిరిగిపోయిన ఆయన ఉత్తరీయాన్ని రైతు జాగ్రత్తగా కుట్టి బాగుచేశాడు. రైతు పరిచర్యలకు సంతసించిన ఆ మహాత్ముడు శాంతి, ఆనందాలకు నిలయమైన స్వర్గానికి తనతోపాటు రమ్మని అంటాడు. అందుకు ఆ రైతు 'గురువుగారూ! మీరు నా మీద చూపిన దయకు కృతజ్ఞుణ్ణి. కానీ నా పిల్లలు ఇంకా చిన్నవాళ్ళు. ఓ ఏడేళ్ళ వ్యవధి ఇవ్వండి' అని అడుగుతాడు. అందుకు గురువు అంగీకరించాడు.
సరిగ్గా ఏడేళ్ళ తర్వాత గురువు రైతును స్వర్గానికి తీసుకువెళ్ళడానికి వచ్చాడు. అప్పుడు రైతు 'అయ్యా! కడపటి కొడుకు కష్టాలకు అంతు లేదు. అన్ని జంఝాటాలనూ ఒక్కడే సంబాళించుకోలేకపోతున్నాడు. కాబట్టి మరో ఏడేళ్ళు గడువు ఇవ్వండి' అని గురువుని అడిగాడు. మరో ఏడేళ్ళ తరువాత గురువు వచ్చాడు. కానీ రైతు చనిపోయాడని తెలిసింది. చనిపోయిన ఆ రైతు ఎద్దుగా పుట్టాడని ఆ గురువు తన దివ్య దృష్టితో తెలుసుకున్నాడు. ఎద్దుగా పుట్టిన ఆ రైతు తన కొడుకు పొలాన్నే దున్నుతున్నాడు. అప్పుడు గురువు ఆ ఎద్దుపై మంత్ర జలం చిలకరించగానే ఎద్దు జన్మనెత్తిన రైతు 'నా కొడుకు పరిస్థితి మరి కాస్త మెరుగు పడనీయండి స్వామీ! మరో ఏడేళ్ళు గడువు ఇవ్వండి' అని అన్నాడు. ఇక చేసేది లేక వెనుదిరిగాడు గురువు. మరలా ఏడేళ్ళ తర్వాత వచ్చిన గురువుకు ఎద్దు చనిపోయిందని తెలిసింది. అది కుక్కగా పుట్టి కొడుకు ఇంటినీ, ఆస్తినీ కాపలా కాస్తోందని తన దివ్యదృష్టి ద్వారా తెలుసుకున్నాడు. గురువు. కుక్కగా పుట్టిన ఆ రైతు 'స్వామీ! నేను ఎంత దౌర్భాగ్యుణ్ణి. మీరు ఇంత దయ చూపుతున్నప్పటికీ మీతో స్వర్గమానం చేయలేకున్నాను. వీడికి ఆస్తిని కాపాడుకొనే దక్షత ఇంకా రాలేదు. కాబట్టి దయ చేసి మరో ఏడేళ్ళు వ్యవధి ఇవ్వండి' అని వేడుకున్నాడు.
గురువు ఏడేళ్ళ తరువాత మళ్ళీ వచ్చేసరికి కుక్క మరణించింది. అది త్రాచుపాముగా జన్మనెత్తి, ఇప్పుడు కొడుకు భూమిలో ఉన్న లంకెబిందెలకు పడగెత్తి కాపలా కాస్తోంది. గుప్త ధనం ఇక్కడ ఉందని కొడుకుకి ఎలా తెలియజేయాలా అని పాము ఆలోచిస్తున్నప్పుడు గురువు ఆ రైతుకొడుకును పిలుచుకు వచ్చి లంకె బిందెలు ఉన్న చోట తవ్వమన్నాడు. లంకె బిందెలు బయటపడ్డాయి. ఆ పైన ఆ పామును చంపమన్నాడు. అనంతరం శిష్యుణ్ణి తీసుకొని స్వర్గారోహణం చేశాడు గురువు. సంసారంలోని ఈతి బాధల నుండి శిష్యుణ్ణి ఉద్ధరిస్తాడు సద్గురువు. అలాంటి గురువు అందరికీ అవసరం.
*నిశ్శబ్ద.
ఏద‌యినా ఒక వ‌స్తువు ఇంట్లోంచి పోయిందంటేనే ఎంతో బాధ‌గా వుంటుంది. ఎంతో ఇష్ట‌ప‌డి కొనుక్కున్న వ‌స్తువు చేజారి పడి ప‌గిలిపోయినా, దొంగ‌త‌నం జ‌రిగినా, ఎక్క‌డో మ‌ర్చిపోయినా చాలా బాధేస్తుంది. దాన్ని తిరిగి పొంద‌లేమ‌ని దిగులు ప‌ట్టుకుం టుంది. కానీ 101 ఏళ్ల చార్లెటి బిషాఫ్ కు ఎంతో ఇష్ట‌మ‌యిన పెయింటింగ్ రెండో ప్ర‌పంచ యుద్ధ సమయంలో దూర‌మ‌యింది. 80 ఏళ్లు దాని కోసం ఎదురు చూడ‌గ‌లి గింది.
అదంటే మరి ఆమెకు ప్రాణ స‌మానం. చాలా కాలం దొరుకుతుంద‌ని, తర్వాత ఇక దొర‌కదేమో అనీ ఎంతో బాధ‌పడింది. ఫిదా సినిమాలో హీరోయిన్ చెప్పినట్లు ఆమె గట్టిగా అనుకుని ఉంటుంది. అందుకే కాస్త ఆలస్యమైనా.. కాస్తేంటి ఎనిమిది దశాబ్దాలు ఆలస్యమైనా ఆమె పెయింటింగ్ ఆమెకు దక్కింది. ఆ పెయింటింగ్ గ‌తేడాది ఆమెను చేరింది. ఆమెది నెద‌ర్లాండ్స్‌. ఆమె తండ్రి నెద‌ర్లాండ్స్‌లోని ఆర్నెహెమ్‌లో చిన్న‌పిల్ల‌ల ఆస్ప‌త్రి డైరెక్టర్. పోయి దొరికిన ఆ పెయింటింగ్ విషయానికి వస్తే.. అది 1683లో కాస్ప‌ర్ నెష‌ర్ వేసిన స్టీవెన్ ఓల్ట‌ర్స్ పెయింటింగ్.
రెండో ప్ర‌పంచ యుద్ధ సమయంలో నాజీల ఆదేశాల‌ను చార్లెట్ తండ్రి వ్య‌తిరేకించారు. ఆయన ర‌హ‌స్య జీవ‌నం సాగించేడు. కానీ ఈ పెయింటింగ్‌ని మాత్రం తన న‌గ‌రంలోని ఒక బ్యాంక్‌లో భ‌ద్ర ప‌ర‌చ‌మ‌ని ఇచ్చార‌ట. 1940లో నాజీలు నెద‌ర్లాండ్ పై దాడులు చేసినపుడు ఆ బ్యాంక్ మీద పడి దోచుకున్నా రు. అప్పుడు ఈ పెయింటింగ్ కూడా తీసుకెళ్లారు. యుద్ధం అయిపోయిన తర్వాత ఈ పెయింటింగ్ ఎక్క‌డున్న‌దీ ఎవ‌రికీ తెలియ‌లేదు. చిత్రంగా 1950ల్లో డ‌స‌ల్‌డార్ష్ ఆర్ట్ గ్యాల‌రీలో అది ప్ర‌త్య‌క్ష‌మ‌యింది. 1969లో ఆమ్‌స్ట‌ర్‌డామ్‌లో దాన్ని వేలానికి తీసికెళ్లే ముందు దాన్ని ఆ ఆర్ట్ గ్యాల‌రీలో వుంద‌ని చూసిన‌వారు చెప్పారు. వేలంపాట తర్వాత మొత్తానికి ఆ పెయింటింగ్‌ను 1971లో ఒక క‌ళాపిపాసి తన ద‌గ్గ‌ర పెట్టుకున్నాడు. ఆ తర్వాత 2021లో అది చార్లెటీని చేరింది.
మొత్తానికి వూహించ‌ని విధంగా ఎంతో కాలం దూర‌మ‌యిన గొప్ప క‌ళాఖండం తిరిగి తన వ‌ద్ద‌కు చేర‌డంలో చార్లెటీ ఆనందానికి అంతేలేదు. అంతే కదా.. పోయింద‌నుకున్న గొప్ప వ‌స్తువు తిరిగి చేరితే ఆ ఆనంద‌మే వేరు! అయితే చార్లెటీకి ఇపుడు ఆ పెయిం టింగ్‌ను భ‌ద్రంగా చూసుకునే ఆసక్తి వున్న‌ప్ప‌టికీ శక్తి సామ‌ర్ధ్యాలు లేవు. అందుక‌నే త్వ‌ర‌లో ఎవ‌రిక‌యినా అమ్మేసీ వచ్చిన సొమ్మును పిల్ల‌ల‌కు పంచుదామ‌నుకుంటోందిట! చార్లెటీ కుటుంబంలో అయిదుగురు అన్న‌ద‌మ్ములు అక్క‌చెల్లెళ్లు వున్నారు. అలాగే ఇర‌వై మంది పిల్లలు ఉన్నారు. అందరూ ఆమె అంటే ఎంతో ప్రేమ చూపుతున్నారు. అంద‌రం ఒకే కుటుంబం, చాలాకాలం తర్వాత ఇల్లు చేరిన క‌ళాఖండం మా కుటుంబానిది అన్నది చార్లెటీ!
.JPG)
ఓ వంక ఐదు రాష్ట్రాల అసెంబ్లీ ఎన్నికలు జరుగుతుంటే, మరో వంక జాతీయ స్థాయిలో, బీజేపీ, కాంగ్రెస్ పార్టీలకు తృతీయ ప్రత్యాన్మాయంగా థర్డ్ ఫ్రంట్ ఏర్పాటు ఆలోచనలు జోరందుకున్నాయి. ఇటీవల కాంగ్రెస్ పార్టీకి రాజీనామా చేసిన ఆ పార్టీ సీనియర్ నాయకుడు, పీసీ చాకో, నేషనలిస్ట్ కాంగ్రెస్ పార్టీ(ఎన్సీపీ)లో చేరారు.
చాకోను పార్టీలోకి ఆహ్వానిస్తూ, ఎన్సీపీ అధినేత శరద్ పవార్’ ఫ్రంట్ ఏర్పాటు గురించి ప్రత్యేకించి ఎలాంటి వ్యాఖ్యలు చేయలేదు కానీ, చాకో అలాంటి సంకేతాలు ఇచ్చారు. ప్రస్తుతం దేశంలో ఉన్న ఏ ఒక్కపార్టీ కూడా బీజేపీకి ప్రత్యాన్మాయం కాదని,సమీప భవిష్యత్ కాంగ్రెస్ సహా ఏ పార్టీ కూడా ఆ స్థాయికి ఎదిగే అవకాశాలు కూడా కనిపించడంలేదని అన్నారు. ఈ పరిస్థితుల్లో దేశంలోని బీజేపీ వ్యతిరేక పార్టీలన్నీ, ఏకమై, ఒకే గొడుగు కిందకు రావలసిన అవసరం ఉందని చాకో అన్నారు. అదే సమయంలో ప్రతిపక్షాలను ఏక తాటిపైకి తెచ్చే బాధ్యతను పవార్ తీసుకోవాలని సంకేత మాత్రంగా చెప్పారు. అంతే కాకుండా కాంగ్రెస్ పేరు ఎత్తకుండా బీజేపీ వ్యతిరేక శక్తులను ఏకం చేసే ఆలోచన ఆ పార్టీ నాయకత్వానికి లేదని నెహ్రూ గాంధీ ఫ్యామిలీ (సోనియా, రాహుల్, ప్రియాంక)ఆలోచనా ధోరణిని పరోక్షంగానే అయినా ఎండ కట్టారు.ఆ విధంగా పవార్ ఆ బాధ్యత తీసుకోవాలని చాకో సూచించారు. ఇందుకు సంబంధించి, పవార్ బహిరంగంగా ఎలాంటి వ్యాఖ్య చేయలేదు. అయితే, చాకో సహా మరికొందరు ‘సీనియర్’ కాంగ్రెస్ నాయకులు, అలాగే సిపిఎం, సిపిఐ నాయకులు కూడా పవార్’తో చాలా కాలంగా థర్డ్ ఫ్రంట్ విషయంగా చర్చలు జరుపుతున్నట్లు సమాచారం.
అయితే మహారాష్ట్రలో సంకీర్ణం మనుగడను దృష్టిలో ఉంచుకుని పవార్ ఆచితూచి అడుగులేస్తున్నట్లు తెలుస్తోంది. అందుకే చాకో పార్టీలో చేరిన సందర్భంలో కూడా ‘చాకో చేరికతో మహారాష్ట్రలోని మహా వికాస్ అగాడీ ప్రభుత్వానికి ఎలాంటి నష్టం జరగదని, పవార్ మహారాష్ట్ర సంకీర్ణ సర్కార్ ప్రస్తావన చేశారని విశ్లేషకులు పేర్కొంటున్నారు. మహారాష్ట్ర సంకీర్ణ ప్రభుత్వ మనుగడ గురించ్బి పవార్ ప్రత్యేకంగా పేర్కొనడం ద్వారా, ఆయన థర్డ్ ఫ్రంట్ విషయంలో వేచి చూసే ఆలోచనలో ఉన్నట్లు అర్థమవుతోందని కూడా రాజకీయ విశ్లేషకులు భావిస్తున్నారు. అయితే అదే ఎన్సీపీ అసెంబ్లీ ఎన్నికల జరుగతున్న కేరళలో, పశ్చిమ బెంగాల్లో కాంగ్రెస్ వ్యతిరేక పార్టీలకు మద్దతు ఇస్తోంది. దీన్ని బట్టి చూస్తే, ఎన్సీపీ - కాంగ్రెస్ మధ్య దూరం పెరుగుతోందని స్పష్టమవుతోంది. అయితే, థర్డ్ ఫ్రంట్ ఏర్పాటు ఏ రకంగా ముడి పడుతుంది అనే విషయంలో ఇంకా స్పష్టత రావలసి ఉంది. అలాగే, కాంగ్రెస్ లేకుండా జాతీయ స్త్గాయిలో బీజేపీ వ్యతిరేక కూటమిని ఏర్పాటు చేయడం వలన, వ్యతిరేక ఓటు చీలి అది మళ్ళీ బీజేపీకే మేలు చేస్తుందని, కాబట్టి, ప్రస్తుతం కాంగ్రెస్ సారధ్యంలోని యూపీఏని బలోపేతం చేయడమే ఉత్తమమనే అలోచన కూడా విపక్ష శిబిరం నుంచి వినవస్తోంది.
ఈ నేపధ్యంలోనే, ప్రస్తుతం యూపీఏ ఛైర్పర్సన్’గా ఉన్న సోనియా గాంధీ వయసు, అనారోగ్యం కారణంగా బాధ్యతల నుంచి తప్పుకుని పవార్’కు బాద్యతలు అప్పగించాలనే ప్రతిపాదన వచ్చిందని అంటున్నారు. అలాగే, ఇతర పార్టీలను, ముఖ్యంగా కాంగ్రెస్ నుంచి విడిపోయి సొంత కుంపటి పెట్టుకున్న మమతా బెనర్జీ సారధ్యంలోని తృణమూల్, జగన్మోహన్ రెడ్డి సారధ్యంలోని వైసీపీలను కలుపుకుని కూటమిని బలోపేతం చేయడం ద్వారా బీజేపీని దీటుగా ఎదుర్కోవచ్చనే ఆలోచనలు కూడా సాగుతున్నాయి. అయితే, ఇటు థర్డ్ ఫ్రంట్ ఏర్పాటు అయినా, యూపీఏని బలోపేతం చేయడమే అయినా, పవారే .. కేంద్ర బిందువు. ఆయన సారధ్యంలోనే ప్రత్యాన్మాయం అనేది విపక్ష శిభిరం నుంచి వినవస్తున్న ప్రస్తుత సమాచారం. మరి అదే జరిగితే రాహుల గాంధీ పరిస్థితి ఏమిటి ? గాంధీ నెహ్రూ కుటుంబం పరిస్థితి ఏమిటి? ఏ ప్రత్యేక ప్రాధాన్యత లేకుండా అందరిలో ఒకరిగా ఫస్ట్ ఫ్యామిలీ సర్దుకు పోతుందా? అంటే..చివరకు ఏమవుతుందో .. ఇప్పుడే చెప్పలేమని రాజకీయ విశ్లేషకులు భావిస్తున్నారు.
.JPG)
తెలంగాణ రాష్ట్ర బడ్జెట్ 2021-22ను ఆర్థిక మంత్రి హరీష్ రావు, ఈ నెల18న సభలో ప్రవేశ పెడతారు.కరోనా కారణంగా, ప్రస్తుత ఆర్థిక సంవత్సరం (2020-21)లో ఎదురైన ఆర్థిక ఇబ్బందుల నేపధ్యంగా ప్రవేశపెడుతున్న బడ్జెట్ కావడంతో సహజంగానే అందరిలోనూ ఆసక్తి నెలకొంది.
గతంలో అనేక సందర్భాలలో ముఖ్యమంత్రి కేసీఆర్,ఆర్థిక మంత్రి హరీశ రావు, కరోనా కారణంగా రాష్ట్ర ఆదాయం గణనీయంగా తగ్గిందని, పేర్కొన్నారు. అయితే, కరోనా నుంచి వేగంగా కోలుకుని, ఆర్థికంగా అంతే వేగంగా పుంజుకున్న రాష్ట్రాలలో తెలంగాణ ప్రధమ స్థానంలో ఉందని కేంద్ర ప్రభుత్వ ఆర్థిక సర్వే 2020-21 నివేదిక పేర్కొంది. పడిలేచిన కెరటంలా, తెలంగాణ ‘వీ’ ఆకారంలో ఆర్థికంగా నిలతొక్కుందని కేంద్రం జనవరి చివరి వారంలో విడుదల చేసిన ఆర్థిక సర్వేలో పేర్కొంది. అలాగే, రెవిన్యూ వసూళ్ళలో రాష్ట్రం కరోనా పూర్వస్థితికి చేరిందని కూడా సర్వే చెప్పింది.
అలాగే,రాష్ట్ర ఆర్థిక మంత్రి హరీష్ రావు కూడా ఈ మధ్య కాలంలో రాష్ట్ర ఆర్థిక పరిస్థితి పై సంతృప్తిని వ్యక్త పరిచారు. గత సంవత్సరమ జనవరి,ఫిబ్రవరి, మార్చి నెలలతో పోలిస్తే ఈ సంవత్సరం ఈ మూడు నెలల కాలంలో రాష్ట్ర ఆర్థిక వృద్ది రేటు 10 నుంచి 15 శాతం మెరుగ్గా ఉందని హరీష్ రావు ఒకటి రెండు ఇంటర్వ్యూలలో పేర్కొన్నారు.అలాగే, బడ్జెట్ విషయంలోనూ ఆయన చాల ఆశావహ దృక్పథంతోనే ఉన్నారు. బడ్జెట్ పాజిటివ్’గా ఉంటుదని, ఎవ్వరూ ఎలాంటి ఆందోళన చెందవలసిన అవసరం లేదని, సంక్షేమ పథకాలలో,ఇతరత్రా బడ్జెట్ కేటాయింపులలో ఎలాంటి కోతలు ఉండవని కూడా హరీష్ హామీ ఇచ్చారు. గత సంవత్సరంలో కొంత మేర హామీ ఇచ్చిన మేరకు అమలు చేయలేక పోయిన సొంత జాగాలలో డబల్ బెడ్ రూమ్ ఇళ్ళ నిర్మాణం, రుణ మాఫీ వంటి పథకాలను ఈ బడ్జెట్ ద్వారా అమలు చేస్తామని చెప్పారు.
అలాగే, అసెంబ్లీ బడ్జెట్ సమావేశాల సందర్భంగా గవర్నర్ తమిళి సై చేసిన ప్రసంగంలోనూ ఆశావహ దృక్పధమే వ్యక్తమైంది. ఆమె తమ ప్రసంగంలో, ప్రభుత్వం సంక్షేమ పథకాలకు పెద్ద పీట వేసిందని అన్నారు. ‘సంపద పంచాలి ,పేదలకు పంచాలి’ అనేది తమ ప్రభుత్వ విధానమని స్పష్టం చేశారు. అలాగే, పెరుగతున్న ఆదాయంలో అధికశాతం సంక్షేమానికే వెచ్చిస్తున్నామని స్పష్టం చేశారు. దీంతో బడ్జెట్’లో కొత్త పథకాలకు శ్రీకారం చుట్టే అవకాశం ఉంటుందా అన్న చర్చ జరుగుతోంది.
మరో వంక ఉద్యోగ వర్గాల్లో పీఆర్సీకి సంబంధించి ఆర్థిక మంత్రి తమ ప్రసంగంలో ప్రకటన చేస్తారా లేదా అనే ఆసక్తి నెలకొంది. అలాగే, సామాన్య ప్రజలు ఇటీవల పెరిగిన పెట్రోల్, డీజిల్, వంటగ్యాస్ ధరల భారం నుంచి మంత్రి హరీష్, ఏదైనా ఉపసమనం కలిపిస్తారా అని ఎదురు చూస్తున్నారు. గతంలో వైఎస్సార్ ముఖ్యమంత్రిగా ఉన్న సమయంలో సామాన్య ప్రజలపై వంటగ్యాస్ ధర భారాన్ని తగ్గించేందుకు కొంత మొత్తాన్ని, రూ.50(?) రాష్ట్ర ప్రభుత్వం తరపున సబ్సిడీగా ఇచ్చిన విషయాన్ని, అదే విధంగా అసెంబ్లీ ఎన్నికలు జరుగతున్న తమిళనాడులో డిఎంకే పార్టీ,తమ పార్టీని అధికారంలోకి వస్తే గ్యాస్ బండపై వంద రూపాయల సబ్సిడీ ఇస్తామని చేసిన వాగ్దానాన్ని గుర్తు చేస్తున్నారు.
ఇదిలా ఉంటే, ముఖ్యమంత్రి చంద్రశేఖర రావు, సోమవారం ఆర్థిక మంత్రి హరీష్ రావు, రాష్ట్ర ప్రభుత్వ ప్రధాన కార్యదర్శి సోమేశ్ కుమార్, ఆర్థిక శాఖ ముఖ్య కార్యదర్శి రామ కృష్ణా రావు,సలహాదారు జీఆర్ రెడ్డితో బడ్జెట్ పద్దులఫై సుదీర్ఘంగా చర్చించి తుది మెరుగులు దిద్దారు. బడ్జెట్ తుది రూపం సిద్దమైన నేపధ్యంలో ఆర్థిక శాఖ ప్రింటింగ్ ఏర్పాట్లు చేస్తోంది. ఈ నెల 18 ఉదయం మంత్రి వర్గం ఆమోదం పొందిన అనంతరం ఆర్థికమంత్రి హరీష్ రావు అదే రోజు రాష్ట్ర బడ్జెట్ 2021-22ను సభలో ప్రవేశ పెడతారు. 20, 22 తేదీల్లో బడ్జెట్‌పై సాధారణ చర్చ,23, 24, 25 తేదీల్లో బడ్జెట్ పద్దులపై చర్చ ఉంటుంది 26న ద్రవ్యవినిమయ బిల్లు (బడ్జెట్)పై చర్చ, సభామోదం ఉంటాయి.
అబద్ధాలు, అర్థ సత్యాలు, వ్యక్తిగత దూషణలు, అర్ధంపర్ధం లేని ఆరోపణలతో సుమారు నెలరోజులకు పైగా తెలంగాణలో సాగుతున్న పట్టభద్రుల ఎమ్మెల్సీ ఎన్నికల ప్రచారానికి శుక్రవారం సాయంత్రంతో తెర పడింది.రాష్ట్రంలోని మహబూబ్‌నగర్‌-హైదరాబాద్-రంగారెడ్డి పట్టభద్రుల నియోజకవర్గంతో పాటుగా,నల్లగొండ-ఖమ్మం-వరంగల్ స్థానానికి ఫిబ్రవరి 16 తేదీన నోటిఫికేషన్ వెలువడినా, ఎన్నికల ప్రచారం మాత్రం అంతకు చాలా ముందే అభ్యర్ధుల స్థాయిలో స్థానికంగా ఎన్నికల ప్రచారం ప్రారంభమైంది.
అధికార తెరాస, ఖమ్మం స్థానానికి సిట్టింగ్ ఎమ్మెల్సీ పల్లా రాజేశ్వర రెడ్డి పేరును ప్రకటించడంలో కొంచెం జాప్యం చేయడంతో పాటుగా, హైదరాబాద్ స్థానం నుంచి , పీవీ కుమార్తె వాణీ దేవి పేరును చివరి క్షణంలో తెరమీదకు తేవడంతో అంత వరకు కొంత స్తబ్దుగా సాగిన ప్రచారం ఆ తర్వాత వేడెక్కింది. ఉద్యోగ నియామకాల విషయంలో తెరాస కార్యనిర్వాహక అధ్యక్షుడు, మంత్రి కేటీఆర్ తప్పులో కాలేయడంతో విపక్షాలు, పోటీలో ఉన్న ప్రత్యర్ధులు, నిరుద్యోగ యువత, విద్యార్ధి సంఘాలు ఒకే సారి ఆయన మీద విరుచుకు పడ్డారు. ఆయన లెక్క తప్పని నిరుపిస్తం రమ్మని వరస సవాళ్ళు విసిరారు. దీంతో, మంత్రి నియామకా ఇష్యూని పక్కకు తప్పించేందుకు , ఐటీఐఆర్, వరంగల్ రైల్వే ఫ్యాక్టరీ వంటి సెంటిమెంటల్ ఇష్యూస్’ను తెరపైకి తెచ్చారు. అలాగే, కేంద్ర ప్రభుత్వంపై విమర్శల దాడిని పెంచారు. చివరకు పొరుగు రాష్ట్రానికి చెందిన విశాఖ ఉక్కు ఆందోళన కూడా ఎమ్మెల్సీ ఎన్నికల ప్రచారంలో భాగమైంది.
రెండు నియోజక వర్గాలలో గతంతో పోలిస్తే ఈసారి ఓటర్ల సంఖ్య రెట్టింపు అయింది. ఈసారి రెండు నియోజక వర్గాలలో కలిపి 10 లక్ష 36 వేల మంది తమ ఓటు హక్కును వినియోగించుకుంటారు. అలాగే, రెండు పట్ట భద్రుల నియోజక వర్గాల్లో 164 మంది అభ్యర్ధులు పోటీలో ఉన్నారు. గత ఎన్నికలతో పోలిస్తే ఇటు ఓటర్ల సంఖ్య, అటు అభ్యర్థుల సంఖ్యా రెట్టింపునకు పైగానే పెరగడంతో ఎన్నికలలో జోష్ పెరిగింది. దీనికితోడు అధికార, ప్రతిపక్ష పార్టీలు ప్రతిష్ఠాత్మకంగా తీసుకోవడంతో సాధారణ ఎన్నికలను తలపించే రీతిలో ప్రచారం సాగింది. ఎక్కువమంది అభ్యర్ధులు బరిలో ఉండడంతో, ప్రభుత్వ వ్యతిరేక ఓటు చీలి తమకే ప్రయోజనం జరుగుతుందని అధికార పార్టీ ఆశపడుతోంది .
దుబ్బాక, జీహెచ్‌ఎంసీ ఎన్నికల్లో చేదు ఫలితాలను చవిచూసిన టీఆర్‌ఎస్‌ పార్టీ ఎమ్మెల్సీ ఎన్నికలను అత్యంత ప్రతిష్ఠాత్మకంగా తీసుకుంది. ముఖ్యమంత్రి కేసీఆర్ స్వయంగా వ్యూహ రచన చేసి కేటీఆర్, హరీష్ సహా మంత్రులు,ఎమ్మెల్యేలకు స్పెసిఫిక్ బాధ్యతలు అప్పగించారు. అలాగే,కాంగ్రెస్ అభ్యర్థులు చిన్నారెడ్డి, రాములునాయక్‌లకు మద్దతుగా ఉత్తమ్, భట్టి, రేవంత్‌రెడ్డి, కోమటిరెడ్డి వెంకట్‌రెడ్డి తదితరులు విస్తృతంగా ప్రచారం చేశారు. బీజేపీ అభ్యర్థులు ఎన్.రాంచందర్‌రావు, ప్రేమేందర్‌రెడ్డిల తరఫున ఆ పార్టీ రాష్ట్ర అధ్యక్షుడు బండి సంజయ్, ఎంపీ అరవింద్ తదితరులు ప్రచారాన్ని వేడెక్కించారు.
ఖమ్మం స్థానం నుంచి ప్రత్యక్ష ఎన్నికల్లో తొలిసారి పోటీకి దిగిన కోదండరాంకు, టీజేఎస్ పార్టీకీ ఈ ఎన్నికలు కీలకంగా మారాయి. ఖమ్మ స్థానం నుంచి పోటీ చేస్తున్న తీన్మార్ మల్లన్న ముందస్తు వ్యూహంతో ప్రధాన పార్టీల అభ్యర్ధులకు ధీటుగా ప్రచారం సాగించారు. వామపక్షాల మద్దతుతో జయసారథి, తెలంగాణ ఇంటి పార్టీ అధ్యక్షుడు చెరుకు సుధాకర్, యువతెలంగాణ కార్యనిర్వాహక అధ్యక్షురాలు రాణీ రుద్రమ తదితరులు పోటీలో ఖమ్మం సీటును పట్టభద్రులు ఎవరికి పట్టం కడతారు అన్నది ప్రశ్నార్థకంగా మారింది. హైదరాబాద్ సీటు కూడా ఇటు అధికార తెరాసకు అటు సిట్టింగ్ సీటును నిలుపుకోవడం తో పాటుగా దుబ్బాక , జీహెచ్ఎంసి జోష్ ను కొనసాగించాలని ఆశ పడుతున్నబీజేలకే కూడా ఇజ్జత్ కీ సవాల్ గా మారింది. కాంగ్రెస్ అభ్యర్ధి పార్టీ సీనియర్ నాయకుడు సౌమ్యుడు, మాజీ మంత్రి చిన్నారెడ్డి, వామ పక్షాల మద్దతుతో పోటీ చేస్తున్న మాజీ ఎమ్మెల్సీ ప్రొఫెసర్ నాగేశ్వర్ కూడా గట్టి పోటీ ఇస్తున్నారు. సో.. చివరకు ఏమి జరుగుతుంది అంటే ఏదైనా జరగవచ్చును. ఈ నెల 14 వ తేదీన పోలింగ్ జరుగుతుంది.17 ఫలితాలు వస్తాయి .. అంతవరకు వెయిట్ అండ్ వాచ్ .
సహజంగా కష్టాల్లో ఉన్నపుడు ఎవరికైనా దేవుడు గుర్తు వస్తారు. లౌకిక వాద రాజకీయ నాయకులకు అయితే హటాత్తుగా తాము హిందువులం అనే విషయం జ్ఞప్తికి వస్తుంది. పశ్చిమ బెంగాల్ ముఖ్యమంత్రి, తృణమూల్ పార్టీ అధినాయకురాలు మమతా బెనర్జీకి కూడా తానూ హిందువును అనే విషయం ఇప్పుడు గుర్తుకొచ్చింది.
ఒకప్పుడు ఎర్ర జెండాను దిగ్విజయంగా ఎదిరించి, మార్క్సిస్టులను మట్టి కరిపించిన మమతా దీదీ ప్రస్తుతం, కాషాయ కూటమి నుంచి గట్టి సవాలును ఎదుర్కుంటున్నారు. వరసగా పదేళ్ళు పాలించడం వలన సహజంగా వచ్చిన ప్రభుత్వ వ్యతిరేకత కంటే, హిందూ ఓటు పోలరైజేషన్ ఆమెను మరింతగా భయపెడుతోంది. నిజానికి ఐదేళ్ళ క్రితం జరిగిన అసెంబ్లీ ఎన్నికల్లో కేవలం ఐదు శాతం కంటే తక్కువ ఓట్లు, మూడంటే మూడు అసెంబ్లీ సీట్లు మాత్రమే గెలుచుకున్న బీజేపీ.. 2019 లోక్ సభ ఎన్నికల్లో ఏకంగా 40 శాతం ఓట్లతో 18 స్థానాలు గెలుచుకుంది. ఈ మార్పు ఇంకా కొన్ని కారణాలు ఉంటే ఉండవచ్చును కానీ.. హిందువుల ఓటు పోలరైజ్ కావడమే ప్రధాన కారణం.
ఈ నేపధ్యంలోనే కాంగ్రెస్, తృణమూల్ కాంగ్రెస్ చివరకు కమ్యూనిస్టులు కూడా బీజేపీలో చేరారు. ఎన్నికల ప్రకటన వెలువడిన తర్వాత కూడా సిట్టింగ్ ఎమ్మెల్ల్యేలు సహా తృణమూల్ టికెట్ వచ్చిన నాయకులు కూడా బీజేపీలో చేరుతున్నారు. అనేక మంది ఇతర రంగాల ప్రముఖులు, ముఖ్యంగా ఇంతకాలం, బీజేపీని హిదుత్వ అనుకూల ‘అచ్చుత్’ (అంటారని) పార్టీగా చూసిన ‘సెక్యులర్’ ప్రముఖులు కాషాయం కప్పుకోవడంతో మమతా బెనర్జీకి కొంచెం అలస్యంగానే అయినా, తత్త్వం బోధపడింది. అందుకే ఆమె ఇప్పుడు గుళ్ళూ,గోపురాలకు తిరుగుతున్నారు. కార్యకర్తల సమావేశాల్లో తానూ హిందువునేనని, చెప్పుకుంటున్నారు.
నిజానికి ఇలా నేనూ హిందువునే అని సెక్యులర్ నేతలు బహిరంగంగా ప్రకటించుకోవడం మమతా బెనర్జీతోనే మొదలు కాలేదు. రాహుల్ గాంధీ తాను హిందువునని, జన్యుధారీ కశ్మీరీ బ్రాహ్మణుని అనీ.. తమ గోత్రం, ‘దత్తాత్రేయ’ గోత్రమని బహిరంగంగా ప్రకటించుకున్నారు. అలాగే కొద్ది రోజుల క్రితం ప్రియాంకా గాంధీ తానూ హిందువునని చెప్పుకునేందుకు ‘మౌని అమావాస్య’ సందర్భంగా అలహాబాద్ లో గంగా స్నానం చేశారు. గతంలోనూ ఆమె ఎన్నికలకు ముందు గంగా యాత్ర చేశారు. అంతవరకు ఎందుకు కొద్దిరోజుల క్రితం సిపిఐ నారాయణ విశాఖ స్వామి ఆశీస్సులు తీసుకున్నారు. చంద్రబాబు, జగన్ రెడ్డి, కేసీఆర్ ఇలా తెలుగు నేతలు అనేక మంది లౌకిక వాదానికి కాలం చెల్లిందన్న సత్యాన్ని గ్రహించి కావచ్చు ‘నేనూ హిందువును’ అంటూ ప్రకటించుకునేందుకు పోటీ పడుతున్నారు. రాముడిని తలచుకున్నా, జై శ్రీరామ్ అన్నా తమ లౌకిక వాదం మయలపడి పోతుందని భయపడిన నాయకులు ఇప్పుడు .. జై శ్రీరామ్ అనేందుకు కూడా వెనకాడడం లేదు.
దేశంలోని ఉత్తరాది రాష్ట్రాలలో అటు కాంగ్రెస్ ఇటు స్థానికంగా ఉన్న ప్రాంతీయ పార్టీలను మట్టి కరిపిస్తూ అధికారాన్ని కైవసం చేసుకుంటున్న బీజేపీ.. దక్షిణాదికి వచ్చేసరికి ఒక్క కర్ణాటకలో తప్ప ఇతర రాష్ట్రాలలో ఎన్ని ప్రయత్నాలు చేసినా ఏమాత్రం సక్సెస్ కాలేకపోతోంది. గత కొంత కాలంగా సబర్మలతో సహా అనేక అంశాలపై స్పందిస్తూ.. కేరళను టార్గెట్ చేస్తున్న బీజేపీ నాయకులు అక్కడ తమ జెండా ఎగరేయడానికి అన్ని ప్రయత్నాలు చేస్తున్నారు. తాజాగా పార్టీ పాలసీని కూడా పక్కన పెట్టి మెట్రో మ్యాన్ శ్రీధరన్ ను పార్టీలో చేర్చుకుని ఆయనే తమ సీఎం అభ్యర్థి అని ప్రకటించిన 24 గంటలలో యూ టర్న్ తీసుకున్నారు.
ఇది ఇలా ఉండగా ప్రస్తుతం సీఎంగా ఉన్న కమ్యూనిస్ట్ నేత పినరై విజయన్ పై గోల్డ్ స్మగ్లింగ్ ఆరోపణలు రావడంతో.. ఈ ఎన్నికలలో ఎల్డిఎఫ్ భవిష్యత్తుపై ప్రజలు ఏ తీర్పు ఇవ్వబోతున్నారనే ఉత్కంఠ సర్వత్రా నెలకొంది ఈ నేపథ్యంలో అక్షరాస్యతలో దేశంలోనే మొదటి స్థానంలో ఉన్న ఆ రాష్ట్ర ప్రజలు ఎవరిని ఆశీర్వదిస్తారు అనే అంశంపై ప్రముఖ మీడియా సంస్థ టైమ్స్ నౌ, సీ ఓటరుతో కలిసి ఒక సర్వేను నిర్వహించారు. ఈ సర్వే ప్రకారం చూస్తే పాపం కమలనాథులు అక్కడ పవర్ చేతికి రావటం అటుంచి కనీసం రెండు మూడు అసెంబ్లీ స్థానాల్లో గెలవటం కూడా కష్టమేనని ఆ సర్వే తేల్చి చెబుతోంది.
కేరళలో ఈసారి జరిగే అసెంబ్లీ ఎన్నికలలో బీజేపీ తన హవా చాటుతుందన్న ఆ పార్టీ నేతల మాటలలో ఎలాంటి నిజం లేదని.. ప్రస్తుతానికి అది ఏమాత్రం సాధ్యం కాదని ఈ తాజా సర్వే తేల్చి చెప్పింది. అంతేకాకుండా మొత్తం 140 స్థానాలు ఉన్న కేరళలో.. ప్రస్తుత సీఎం పినరయి విజయన్ నేతృత్వంలోని లెఫ్ట్డ్ డెమొక్రటిక్ ఫ్రంట్ కు 82 సీట్లు పక్కా అని.. ఆయనే తిరిగి అధికారాన్ని నిలబెట్టుకుంటాడని సర్వే చెపుతోంది. అదే సమయంలో కాంగ్రెస్ నేతృత్వంలోని యూనైటెడ్ డెమొక్రాటిక్ ఫ్రంట్ కు 56 నుంచి 60 వరకు సీట్లు వచ్చే అవకాశం ఉందని ఈ సర్వేలో తేలింది.
అంతేకాకుండా 2016 ఎన్నికలతో పోలిస్తే ఎల్ డీఎఫ్ ఓటింగ్ శాతం కూడా కొంత పెరగటం ఇక్కడ గమనార్హం. ప్రస్తుతం సీఎంగా ఉన్న విజయన్ మరోసారి సీఎం కావాలని 43.34 శాతం మంది మొగ్గు చూపినట్లుగా సర్వేలో తేలింది. కరోనా సమయంలో విజయన్ సీఎంగా బాగా పని చేసారని ఈ సర్వే పేర్కొంది. మరోపక్క దేశ ప్రధానిగా రాహుల్ గాంధీ ఉండాలని కేరళ ప్రజల్లో 55.84 శాతం మంది కోరుకుంటున్నట్లుగా ఈ సర్వే;లో తేలింది. అయితే కేరళలో ఎలాగైనా పాగా వేయాలని పట్టుదలతో కృషి చేస్తున్న బీజేపీకి ఈసారి కూడా నిరాశ తప్పదని ఈ సర్వేలో స్పష్టం అయింది. ఈ ఎన్నికలలో బీజేపీకి రెండు సీట్లు కూడా రావటం కూడా కష్టమేనని ఈ సర్వే తేల్చింది. అయితే ఎన్నికలకు ముందు ఇలాంటి సర్వేలు బయటకు రావడం.. తరువాత అందులో కొన్ని చతికిల పడడం మనం చూస్తూనే ఉన్నాం. మరి ఈ సర్వే ఫలితాలు నిజామా అవుతాయో లేదో తేలాలంటే కొద్దీ రోజులు వెయిట్ చేయాల్సిందే.
.jpg)
రాజకీయాలు అంటేనే అదో జూదం. పూలమ్మిన చోటనే కట్టెలు అమ్మవలసి రావచ్చును. అలాంటి పరిస్థితే వచ్చినా, తలవంచుకుని పోగలిగితేనే, ఎవరైనా రాజకీయాలలో రాణించగలరు. అలాకాదని, అలిమి కానిచోట, కూడా తామే అధికులమని భావిస్తే, ఎందుకూ కాకుండా పోతారు. అలాంటి వారు ఇద్దరూ కూడా ఇప్పుడు మన కళ్ళముందే ఉన్నారు.
జయలలిత జీవించి ఉన్నత కాలం, ఆమె నెచ్చలిగా పేరొందిన శశికళ, తమిళ రాజకీయాల్లో ఓ వెలుగువెలిగారు. కొన్ని విషయాల్లో జయలలిత కంటే, ఆమె మోర్ పవర్ఫుల్ లేడీ అనిపించుకున్నారు. ముఖ్యమంత్రులు, మంత్రులు కూడా ఆమె ముందు చేతులు కట్టుకుని నిలుచున్నారు.ఆమెకు పాదాభివందనాలు చేశారు. అలాగే జయ మరణం తర్వాత ఆమె పరిస్థితి ఏమిటో కూడా వేరే చెప్పవలసిన, అవసరం లేదు. జైలు పాలయ్యారు. సర్వం తానై నడిపించిన పార్టీ నుంచి బహిష్కరణకు గురయ్యారు. జయ ఉన్నంత వరకు తన వారుగా ఉన్న వారందరూ కానివారయ్యారు. ఒంటరిగా మిగిలారు.
నిజానికి నాలుగేళ్ళు జైలు జీవితం గడిపిన తర్వాత కూడా ఆమె తలచుకుంటే.. రాష్ట్ర రాజకీయాలలో, ముఖ్యంగా అధికారంలో ఉన్న డిఎంకే కూటమిలో అలజడి సృష్టించగలరు. ఎన్నికలలో ఆమె గెలవక పోవచ్చును కానీ.. తనను కాదన్న అన్నాడిఎంకేను ఓడించగలరు. అయిన ఆమె అందుకు విరుద్ధంగా రాజకీయాలకు వీడ్కోలు పలికి మౌనంగా పక్కకు తప్పుకున్నారు. రాజకీయ సన్యాసం ప్రకటించారు. ఉమ్మడి శతృవు డిఎంకే ను ఓడించేందుకు అన్నా డిఎంకే కూటమి పోటీ చేయాలని, కూటమి ఐక్యతను దెబ్బతీయరాదనే ఉద్దేశంతోనే ఆమె రాజకీయ సన్యాసం ప్రకటించారు.
శశికళ మౌనంగా వెళ్లి పోవడం వెనక ఇంకా అనేక కారణాలున్నా ,అసలు కారణం ఆమె, రాజకీయ విజ్ఞత, వివేకం. ఆమె జైలుకు వెళ్ళిన సమయంలో జయలలిత సమాధి వద్ద ఎంత కసిగా, కోపంగా ‘మౌన’ ప్రతిజ్ఞ చేశారో చూశా. అలాంటి ఆమె ఇప్పుడు ఇలా ‘మౌనం’గా వెనకడుగు వేశారంటే, అది ఆలోచించ వలసిన విషయమే.ఆమె వ్యుహతంకంగానే సంచలన నిర్ణయం తీసుకున్నారు. ఇప్పటికే అనేక మంది అనేక కోణాల్లో శశికళ సంచలన నిర్ణయాన్ని విశ్లేషించారు.జైలు జీవితం తర్వాత కూడా అన్నా డిఎంకే నాయకులు తనను అగ్రనేతగా అంగీకరించక పోవడం, అమిత్ షా చెప్పినా.. అన్నా డిఎంకే నాయకులు ఆమెను, మేనల్లుడు దినకరన్’ను కులం పేరున, కుటుంబం పేరున దూరం చేయడం, తిరిగి పార్టీలోకి తీసుకోకపోవడంతో ఆమె మనసు కష్టపెట్టుకుని, సన్యాస నిర్ణయం తీసుకున్నారని కొందరంటున్నారు. పార్టీ మీద పట్టు లేదని, చరిష్మా అసలే లేదని, అందుకే ఆమె అలా నిశ్శబ్ధంగా రాజకీయ సన్యాసం స్వీకరించారని ఇంకొందరు విశ్లేషించారు. ఈ విశ్లేషణలో కొంత నిజం ఉంటే ఉండవచ్చును.. కానీ ఆమె గతాన్ని, నైజాన్ని గుర్తు చేసుకుంటే ఆమె స్ట్రైక్ బ్యాక్ వ్యూహంతోనే ఒకడుగు వెనక్కివేశారని ఆమెతో సన్నిహితంగా మెలిగినవారు, ఆమె రాజకీయ చాణక్యం తెలిసిన వారు అంటారు.
నిజానికి జైలులో ఉన్న కాలంలో కానీ, జైలు నుంచి విడుదలై వచ్చిన తర్వాత కానీ, ఆమె రాజకీయ సన్యాసం వైపు అడుగులు వేస్తున్నట్లు కనిపించలేదు. బెంగుళూరు జైలు నుంచి విడుదలై చెన్నైలో ప్రవేశించిన నప్పుడు ఆమె పెద్ద కాన్వాయ్ తో తమ కారుకు అన్నాడిఎంకే జెండాతోనే ఎంటరయ్యారు. అలా ఎంట్రీలోనే రాజకీయ ఆకాంక్షను వెంట తెచ్చుకున్నారు. చివరకు ‘సన్యాస’ ప్రకట చేసే వరకు కూడా ఆమె రాజకీయ కార్యకలాపాలు సాగిస్తూనే ఉన్నారు. అటు ఢిల్లీని ఇటు చెన్నైనికూడా కదిల్చారు. అంతేకాదు, రాజకీయాలపై విరక్తితో కాదు, రాజకీయ కసితో, ఉమ్మడి శత్రువు (డిఎంకే) ను ఓడించేందుకే తాను రాజకీయాలనుంచి తపుకుంటున్నట్లు చెప్పారు.
సో .. సన్యాసం తీసుకోవాలనే ఆలోచన, రాజకీయవ్యూహం లోంచి పుట్టిందే కానీ,వైరాగ్యంతో పుట్టింది కాదు ,అన్నవిశ్లేషణ వాస్తవానికి ఇంకొంత దగ్గరగా ఉందని అనుకోవచ్చును. ఇది ‘కామా’నే కాని ‘ఫుల్స్టాప్’ కాదని అంటున్నారు. ముఖ్యమంత్రి ఎడప్పాడి కే. పళని స్వామి (ఈపీఎస్) ఆమెను పార్టీలోకి అనుమతిస్తే తన కుర్చికీ ఎసరు పెడతారనే భయంతోనే,, ఆమె ఎంట్రీని అడ్డుకున్నారు. ఉప ముఖ్యమంత్రి పన్నీర్ సెల్వం, శశికళ ఒకే సామజిక వర్గానికి చెందిన వారు కావడం కూడా, ముఖ్యమంత్రి ఈపీఎస్’ భయానికి కారణంగా పేర్కొంటారు. అందుకే ఆయన, ‘మన్నార్గుడి’ ఫ్యామిలీని బూచిగా చూపించి, ఆమెను దూరంగా ఉంచారని పార్టీలో ఒక వర్గం గట్టిగా విశ్వసిస్తుంది. అయితే ఆమె శక్తియుక్తులను కూడతీసుకుని పులిలా పంజా విసిరేందుకే ఆమె వ్యూహాత్మకంగా ఒక అడుగు వెనక్కి వేశారు కావచ్చును అని కూడా, తమిళ రాజకీయ వర్గాల్లో ఒక చర్చ జరుగుతోంది.
గతంలో ఆమె జయలలితతో విబేధాలు వచ్చిన సమయంలో కూడా ఇలాగే కొద్ది కాలం మౌనంగా తెర చాటుకు వెళ్లి పోయారు. కొద్ది కాలంలోనే మళ్ళీ ‘పోయస్ గార్డెన్’లో ప్రత్యక్షమయ్యారు. జయలలిత స్వయంగా ఆమెను వెనక్కి పిలుపించుకోవలసిన పరిస్థితులను సృష్టించారు. అలా మళ్ళీ చక్రం తిప్పారు. జయలలిత మరణం వరకు ఆమె అందరికీ చిన్నమ్మగా అమ్మకు పెద్దమ్మగా సర్వం తానై నిలిచారు. చివరకు జయ అంత్యక్రియల్లో కూడా ఆమెదే పై చేయిగా కనిపించింది.
జయలలిత చనిపోయిన సందర్భంలోనే అన్నా డిఎంకే ఎమ్మెల్ల్యేలో సుమారు 30 మంది వరకు ఆమెకు మద్దతుగా ఉన్నారన్న వార్తలొచ్చాయి. నిజానికి,ఇప్పటికి కూడా ఒక్క అన్నా డిఎంకే లోనేకాదు,డిఎంకే ఇతర పార్టీలలో కూడా ఆమె అవసరం ఉన్న వాళ్ళు ఉన్నారు. కొన్ని కొన్ని నియోజకవర్గాల్లో ‘మన్నార్గుడి’ ఫ్యామిలీ మద్దతు లేకుండా గెలిచే అవకాశం లేదు.
ఇవ్వన్నీ నిజమే అయినా.. అన్నీ ఉండి, ఎవరు లేని శశికళలో, ఇంకా ఎవరి కోసం తాపత్రయ పడాలి? అనే ప్రశ్న జనించి ఉంటే, ఆమె రాజకీయ సన్యాసం నిజం కావచ్చును. ఎందుకంటే ఆమె నెచ్చలి, జయలిత లేరు, భర్త అంతకంటే ముందే చనిపోయారు, పిల్లలు లేరు... పైగా నాలుగేళ్ళ జైలు జీవితం ఆమెలో మార్పు తెచ్చి ఉండవచ్చును. ఈ వయస్సులో తనవారంటూ ఎవరు లేని తనకు రాజకీయాలు ఎందుకు ? శేష జీవితాన్ని ఇలా సాగిద్దామనే ఆలోచన నిజంగా వచ్చి ఉంటే, ఆమె సన్యాసం సత్యం అయినా కావచ్చును, కాకపోనూ వచ్చును. కానీ శశికళ... ఆమెను అర్థం చేసుకోవడం, అంచనా వేయడం , అంత తేలిగ్గా అయ్యే పని కాదు..
కాంగ్రెస్ పార్టీలో రగులుతున్న అంతర్యుద్ధం కొత్త పుంతలు తొక్కుతోంది. మరిన్ని మలుపులు తిరుగుతోంది.ఇటీవల జమ్మూలో సమావేసమైన జీ 23 నాయకులు అసమ్మతి స్వరాన్ని పెంచారు. కాంగ్రెస్ అధినాయకత్వం పై నేరుగా అస్త్రాలు సంధించారు. రాహుల్ గాంధీ పేరు చెప్పకుండానే, ఆయన నాయకత్వానికి పనికిరాడని తేల్చి చెప్పారు. ఎవరైనా పార్టీ అధ్యక్షుడు అయితే కావచ్చును, కానీ, ప్రజానాయకుడు కాలేడని, రాహుల గాంధీ ప్రజానాయకుడు కాదు కాలేరు,అని ప్రధానమంత్రి నరేంద్ర మోదీ తరచూ రాహుల్ గాంధీని ఉద్దేశించి చేసే ‘నామ్’ధారీ వ్యంగ్యాస్త్రాన్నే కాంగ్రెస్ సీనియర్ నాయకులు కూడా సందించారు.
ఇక అక్కడి నుంచి విధేయ, అసమ్మతి వర్గాల మధ్య మాటల యుద్ధం ఎదో ఒక రూపంలో సాగుతూనే వుంది. అదే క్రమంలో పశ్చిమ బెంగాల్ అసెంబ్లీ ఎన్నికల్లో కాంగ్రెస్ పార్టీ, కరుడు కట్టిన ముస్లిం మతోన్మాది, అబ్బాస్ సిద్దిఖీతో కాంగ్రెస్ పార్టీ చేతులు కలపడం అసమ్మతి నాయకులకు మరో అస్త్రాన్ని అందించింది. విషయంలోకి వెళితే, ఇటీవల పశ్చిమ బెంగాల్ అసెంబ్లీ ఎన్నికల ప్రచారంలో భాగంగా లోక్’సభలో కాంగ్రెస్ పక్ష నాయకుడు, పశ్చిమ బెంగాల్ పీసీసీ అధ్యక్షుడు అధీర్’రంజన్ చౌదరి, ముస్లిం మత ప్రచారకుడు, అబ్బాస్ సిద్దిఖీతో వేదిక పంచుకున్నారు.అంతకు ముందే వామ పక్ష కూటమితో పొత్తు కుదుర్చుకున్న కాంగ్రెస్ పార్టీ, సిద్ధిఖీ సారధ్యంలోని ఇండియన్ సెక్యులర్ ఫ్రంట్ (ఐఎస్ఎఫ్)ను కూటమిలో చేర్చుకుంది. ఇలా కాంగ్రెస్ వర్కింగ్ కమిటీ (సీడబ్ల్యూసీ) అమోదం లేకుండా మతోన్మాద ఐఎస్ఎఫ్’ తో ఎన్నికల పొత్తు పెట్టుకోవడం ఆ పార్టీ నాయకుడు,సిద్ధిఖీతో పీసీసీ చీఫ్ వేదిక పంచుకోవడం పై అసమ్మతి నేతలు మండి పడుతున్నారు.
ఇలా సిద్దిఖీతో వేదిక పంచుకోవడం పార్టీ మౌలిక సిద్ధాంతాలకు వ్యతిరేకం అంటూ అసమ్మతి వర్గానికి చెందిన కీలక నేత, రాజ్యసభ సభ్యుడు,ఆనంద్ శర్మ మండిపడ్డారు. అంతే కాదు, సిద్ధిఖీ సారధ్యంలోని ఇండియన్ సెక్యులర్ ఫ్రంట్ (ఐఎస్ఎఫ్)తో జనవరిలో కుదుర్చుకున్న పొత్తుకు కాంగ్రెస్ వర్కింగ్ కమిటీ (సీడబ్ల్యూసీ)అమోదం లేదని ఆనంద్ శర్మ, అభ్యంతరం వ్యక్త చేశారు. పార్టీ విశ్వసించే లౌకిక వాదానికి కాంగ్రెస్ అధిష్టానం తీసుకున్న నిర్ణయం గొడ్డలి పెట్టని ఆయన తీవ్రంగా స్పందించారు.
శర్మ వ్యాఖ్యలపై అధీర్ రంజన్ చౌదరి అంతే ఘాటుగా ప్రతిస్పందించారు. “నిజాలు తెలుసుకోండి ఆనంద్ శర్మ జీ” అంటూ ఆయన వరుస ట్వీట్లు చేశారు. వ్యక్తిగత ప్రయోజనాలు ప‌క్క‌న‌పెట్టి, ప్ర‌ధానిని పొగిడి టైమ్ వేస్ట్ చేయ‌కండంటూ ఆయన ఓ ట్వీట్లో అన్నారు. ఆనంద్ శర్మ అన‌వ‌స‌రంగా కాంగ్రెస్‌ను లక్ష్యంగా చేసుకుంటున్నార‌ని, ఈ అంశాన్ని పెద్ద‌ది చేసి చూపిస్తున్నార‌ని విమ‌ర్శించారు. ఆయన ఉద్దేశాలు స‌రైన‌వే అయితే నేరుగా తనతో మాట్లాడ వలసిందని అన్నారు. బెంగాల్లో సీపీఐ(ఎం) కూటమికి నేతృత్వం వ‌హిస్తోంది. అందులో కాంగ్రెస్ ఓ భాగం. మ‌త‌తత్వ, విభజన రాజకీయాలు చేస్తున్న బీజేపీకి చెక్ పెట్ట‌డానికే ఈ కూటమి అని మరో ట్వీట్లో అధిర్ రంజన్ అన్నారు. అక్కడతోనూ ఆగలేదు ... ట్వీట్ల మీద ట్వీట్లు సంధిస్తూ, ఆనంద్ శర్మ, బీజేపీ మత విభజన, అజెండాను బలపరుస్తున్నారని, పరోక్షంగా జీ23 నాయకులు బీజేపీకి ప్రయోజనం చేకూరుస్తున్నారని ఆరోపించారు.అంతే కాదు, క్షేత్ర స్థాయి వాస్తవ పరిస్థితులు తెలియకుండా, ఆనంద్ శర్మ పార్టీ మీద దండెత్తడం ఉచితం కాదని చౌదరి ఎదురుదాడి చేశారు.
అసమ్మతిలో అసమ్మతి. ఇదలా ఉంటే, కాంగ్రెస్ పార్టీ సమూల పక్షాళన కోరుతూ సోనియా గాంధీకి,గత సంవత్సరం జీ 23గా ప్రాచుర్యం పొందిన సీనియర్ నాయకులు రాసిన లేఖపై సంతకాలు చేసిన నాయకుల్లో నలుగురు,జమ్మూలోసమావేసమైన నాయకుల తాజా నిర్ణయాలు, వ్యాఖ్యలు,విమర్శల పట్ల అసంతృప్తిని వ్యక్త పరిచారు. గత సంవత్సరం సోనియా గాంధీకి రాసిన లేఖలో ప్రస్తావించిన అంశాలకు కట్టుబడి ఉన్నామని, అయితే, జీ 23లోని కొందరు సహచరులు, ఇటీవల గీతదాటి చేస్తున్న వ్యాఖ్యలు, విమర్శలను తాము సమర్ధించడం లేదని ఆ నలుగురు పేర్కొన్నారు. ఇందులో ముఖ్యంగా, రాజ్యసభ మాజీ డిప్యూటీ చైర్మన్, పీజే కురియన్ అయితే, “కాంగ్రెస్ పార్టీని బలోపేతం చేసేందుకు అవసరమైన సంస్కరణలు తెచ్చేందుకు చేసే ప్రయత్నాలను పూర్తిగా సమర్దిస్తాను, కానీ, ‘లక్ష్మణ రేఖ’ దాటితే ఒప్పుకునేది లేదు”అని అసమ్మతిలో అసమ్మతికి తెర తీశారు.అలాగే, ఢిల్లీ మాజీ ముఖ్యమంత్రి షీలా దీక్షిత్ కుమారడు, మాజీ ఎంపీ సందీప్ దీక్షిత్,మధ్య ప్రదేశ్ సీనియర్ కాంగ్రెస్ నాయకుడు అజయ్ సింగ్’ కూడా గులాం నబీ ఆజాద్, కపిల్ సిబల్, ఆనంద్ శర్మ, మనీష్ తివారీ వంటి జీ 23 కీలక నేతలు అధినాయకత్వంపై చేసిన వ్యాఖ్యలను తప్పు పట్టారు. అలాగే, పార్టీ సీనియర్ నాయకుడు కేంద్ర మాజీమంత్రి వీరప్ప మొయిలీ కూడా,గత సంవత్సరం పార్టీ సీనియర్ నాయకులు ఒక పరిమిత లక్ష్యంతో సోనియా గాంధీకి లేఖ రాయడం జరిగిందని, ఆ పేరున జరుగతున్న కార్యక్రమాలు లేఖ సంకల్పానికి విరుద్ధమని అన్నారు.
జీ 23 కార్యకలాపాలపై రాహుల్ గాంధీ కూడా పరోక్షగా స్పందించారు, ఒకప్పుడు ఎన్ఎస్’యుఐ, యూత్ కాంగ్రెస్’ కు సంస్థాగత ఎన్నికలు వద్దన్న వారే ఇప్పుడు ఇంకోలా మాట్లాడుతున్నారని పరోక్షంగానే అయినా సంస్థాగత ఎన్నికలు నిర్వహించడంతో పాటుగా, పార్టీ పక్షాలనకు తమ కుటుంబం వ్యతిరేకం కాదని, అందుకు సిద్ధంగా ఉన్నామని చెప్పారు. ఈ నేపధ్యంలో కాంగ్రెస్ పార్టీలో చెలరిగిన కలకలం ఇక ముందు ఏమవుతుందో .. ఇంకెన్ని మలుపులు తిరుగుతోందో ..చూడవలసిందే కానీ ఉహించలేము.
పంచతంత్రంగా పిలుచుకుంటున్న ఐదు రాష్టాల అసెంబ్లీ ఎన్నికల్లో అద్భతం జరగబోతోంది. కేంద్ర ఎన్నికల సంఘం నాలుగు రాష్ట్రాలు, కేంద్రపాలిత ప్రాంతం పుదుచ్చేరి అసెంబ్లీ ఎన్నికల షెడ్యూలు ప్రకటించిన వెంటనే, వివిధ సంస్థలు అసెంబ్లీ ఎన్నికలు జరిగే అస్సాం. పశ్చిమబెంగాల్, తమిళనాడు రాష్ట్రాలతో పాటుగా కేరళలోనూ ఒపీనియన్ పోల్స్ నిర్వహించాయి. ఆ ఒపీనియన్ పోల్ ఫలితాలు నిజంగా నిజం అయితే, కేరళలో మళ్ళీ సీపీఎం సారధ్యంలోని వామపక్ష కూటమి అధికారంలోకి వస్తుంది. ఇదే ఆ అద్భుతం.
ఎందుకంటే, గత నాలుగు దశాబ్దాలలో కేరళ అసెంబ్లీ ఎన్నికల్లో ఒకే కూటమి వరసగా రెండవసారి అధికారంలోకి వచ్చిన చరిత్ర లేనే లేదు. ఒక సారి ఎల్డీఎఫ్ అధికారంలోకి వస్తే ఐదేళ్ళ తర్వాత కాంగ్రెస్ సారధ్యంలోని ఐక్య ప్రజాస్వామ్య కూటమి(యూడీఎఫ్) అధికారంలోకి రావడం, దేవభుమిలో దైవ నిర్ణయమా అన్నట్లుగా ప్రతి ఎన్నికల్లోనూ అధికారం చేతులు మారుతూ వస్తోంది. అలాంటిది, ఈసారి ఒపీనియన్ పోల్స్ నిజమై వరసగా రెండవసారి వామపక్ష కూటమి అధికారంలోకి వస్తే, అది చరిత్రే అవుతుంది.
ఇక ఒపీనియన్ పోల్స్ విషయానికి వస్తే, జాతీయ న్యూస్ ఛానెల్ ఏబీపీ, సీ ఓటర్ సంస్థలు సంయుక్తంగా ఒపీనియన్ పోల్స్ నిర్వహించాయి. ఈ సర్వే ప్రకారం, 140 స్థానాలున్న కేరళ అసెంబ్లీలో వామపక్ష కూటమికి 83 నుంచి 91 స్థానాలు, యూడీఎఫ్ కూటమికి 47 నుంచి 55 స్థానాలు మాత్రమే దక్కుతాయని తెలుస్తోంది. కాంగ్రెస్ అగ్రనేత రాహుల్ గాంధీ ప్రాతినిధ్యం వహిస్తున్న రాష్ట్రంలో ఇలా జాతకాలు తిరగబడడంపై సోషల్ మీడియాలో,’లెగ్ మహిమ’ లాంటి జోక్స్ ట్రోలవుతున్నాయి. అయితే 2016లో జరిగిన ఎన్నికల్లో కేవలం 47 సీట్లకే పరిమితం అయిన కాంగ్రెస్’కు ఈసారి ఒకటీ అరా సీట్లు ఎక్కువస్తే, రావచ్చును. అదే కాంగ్రెస్’కు కాసింత ఊరట. అదలా ఉంటే, పశ్చిమ బెంగాల్లో సైతం పట్టు సాధించిన బీజేపే, కేరళలో మాత్రం పట్టు కాదు కదా, పట్టుమని పది సీట్లు తెచ్చుకునే స్థితిలో లేదు. నిజానికి, దేశంలో బీజేపీకి అసలు ఏ మాత్రం మింగుడు పడని రాష్ట్రాలు ఎవైన ఉన్నాయంటే కేరళ, ఆంధ్ర ప్రదేశ్ రాష్ట్రాల పేర్లే ప్రముఖంగా వినిపిస్తాయి. ఈ సారి కూడా కమల దళం కేరళలో కాలు పెట్టె పరిస్తి లేదని సర్వే ఫలితాలు చెపుతున్నారు. ఎప్పటిలానే ఇప్పడు కూడా బీజేపీకి సున్నా నుంచి రెండు సీట్లు వచ్చే అవకాశం ఉందని, సర్వేస్వరుల అభిప్రాయంగా ఉంది. కేరళలో మొత్తం 140 స్థానాలకు ఏప్రిల్ 6 తేదీన ఒకే విడతలో పోలింగ్ జరుగుతుంది. మే 2 తేదీన ఫలితాలు వెలువడతాయి. కేరళ ఎలక్షన్ పై యావత్ దేశం ఆసక్తి కనబరుస్తోంది.
కేంద్ర ఎన్నికలసంఘం ‘పాంచ్ పటాక’ గంట కొట్టింది. అస్సాం, పశ్చిమ బెంగాల్, కేరళ, తమిళనాడు రాష్ట్రాలు, పుదుచ్చేరి కేంద్ర పాలిత ప్రాంతాల అసెంబ్లీ ఎన్నికల షెడ్యూలును కేంద్ర ఎన్నికల సంఘం విడుదలచేసింది. ఎన్నికల గంట మోగడంతో మొదలైన మరో భారత ‘మినీ’ సంగ్రామానికి మే 12 తేదీన జరిగే ఓట్ల లెక్కింపుతో తెర పడుతుంది.ఈలోగా వివిధ అంచల్లో పోలింగ్ జరుగుతుంది. నాలుగు రాష్ట్రాలు, ఒక కేంద్ర పాలిత ప్రాంతం ఓటరు తీర్పుకు వెళుతున్నా, అందరి దృష్టి, ముఖ్యంగా ప్రాంతీయ పార్టీల ఏలుబడిలో ఉన్న ఉభయ తెలుగు రాష్ట్రాలు, మరీ ముఖ్యంగా ఇప్పటికే బీజేపీ కన్నుపడిన తెలంగాణ రాష్ట్ర ప్రజలు, రాజకీయ పార్టీల దుష్టి మాత్రం పశ్చిమ బెంగాల్ పైనే వుంది.
పశ్చిమ బెంగాల్లో ‘అద్భుతం’ జరిగి బీజేపీ విజయం సాధిస్తే, ఇక కమల దళం ఫోకస్, తెలంగాణకు షిఫ్ట్ అవుతుంది. ఇది అందరికీ తెలిసిన బహిరంగ రహస్యం. ఈ నేపధ్యంలో బెంగాల్ అసెంబ్లీ ఎన్నికల ఫలితాలు ఎలా ఉంటాయి అనే విషయంలో రాష్ట్ర రాజకీయ వర్గాల్లో జోరుగా చర్చ జరుగుతోంది. బెంగాల్లో బీజేపీ గెలిస్తే, ఇప్పటికే అంతర్గత కుటుంబ కలహాలతో సతమతవుతున్న తెరాస నాయకత్వానికి మరిన్నితిప్పలు తప్పవన్న మాట అంతఃపుర వర్గాలలో సైతం వినవస్తోంది.
పశ్చిమ బెంగాల్’లో ఎలాగైతే కమలదళం ఓ వంక తమ ట్రేడ్ మార్క్, హిందుత్వ రాజకీయాలు సాగిస్తూ, మరో వైపు నుంచి ‘ఆకర్ష్’ అస్త్రంతో అధికార పార్టీని నిర్వీర్యం చేసిన విధంగానే, ఇక్కడ కూడా ఫిరాయింపులను ప్రోత్సహింఛి పార్టీని నిట్టనిలువునా చీల్చే ప్రమాదాన్ని కొట్టివేయలేమని పార్టీ వర్గాలు కూడా అనుమానం వ్యక్త పరుస్తున్నాయి.
ఇప్పటికే తెలంగాణ బీజేపీ నాయకులు 30 మంది తెరాస ఎమ్మెల్యేలు తమ టచ్ లో ఉన్నారని బెదిరిస్తున్నారు.అది నిజం అయినా కాకపోయినా..తెరాసలో అసంతృప్తి అగ్గి రగులుతోందనేది మాత్రం ఎవరూ కాదనలేని నిజం. అంతే కాకుండా రాష్ట్రానికి వచ్చిన కేంద్రనాయకులు ఎవరిని పలకరించినా, నెక్స్ట్ టార్గెట్ తెలంగాణ అని ఎలాంటి సషబిషలు లేకుండా కుండబద్దలు కొడుతున్నారు.అందుకే, బెంగాల్లో బీజేపీ గెలిస్తే.. అనే ఊహా కూడా గులాబీ గూటిలో గుబులు పుట్టిస్తోంది. అయితే, బెగాల్’లో బీజేపీ గెలిస్తే ఒక్క తెలంగాణలోనే కాదు, దేశ రాజకీయ వాతావరణంలోనే పెను మార్పులు చోటు చేసుకుంటున్నాయని రాజకీయ విశ్లేషకులు భావిస్తున్నారు. అలాగే, దేశ ముఖ చిత్రంలో కూడా పెను మార్పులు తప్పవని అంటున్నారు. అయితే రాజకీయాలలో ఎప్పుడు ఏం జరుగుతుందో.. ఎవరూహించెదరు..
ఒంటికి చలువ చేసే, తక్షణ శక్తిని అందించే ఒక అద్భుతమైన ఆరోగ్యకరమైన పానీయం సగ్గుబియ్యం జావ. తెలుగు రాష్ట్రాల్లో ఏ కాలంలోనైనా అనారోగ్యంతో ఉన్నప్పుడు తరచుగా తయారుచేసే ఈ జావ శరీరానికి తగిన పోషణను అందించి నీరసాన్ని ఇట్టే తగ్గిస్తుంది. సాధారణంగా జ్వరం, మోషన్స్ వంటి సమస్యలతో బాధపడుతున్నప్పుడు శరీరం పూర్తిగా నీరసించిపోతుంది. ఆ సమయంలో ఎలాంటి ఘన పదార్థాలు తీసుకోలేరు. ఇలాంటి క్లిష్ట పరిస్థితుల్లో కేవలం ఒక్క గ్లాసు సగ్గుబియ్యం జావ తాగడం వల్ల త్వరగా శక్తిని పొంది వేగంగా ఉపశమనం పొందవచ్చు. సగ్గుబియ్యంలో కేలరీలతో పాటు కార్బోహైడ్రేట్లు, ప్రొటీన్, కొవ్వులు, కాల్షియం, ఐరన్ మరియు ఫైబర్ వంటి పోషకాలు పుష్కలంగా లభిస్తాయి. ఇవి శరీరాన్ని బలంగా మార్చి రోజంతా ఎనర్జిటిక్‌గా ఉండేలా సహాయపడతాయి. అందుకే రెగ్యులర్‌గా సగ్గుబియ్యాన్ని ఆహారంలో భాగం చేసుకోవాలని డైటీషియన్లు గట్టిగా సూచిస్తున్నారు. ఈ అద్భుతమైన రెసిపీని పిల్లల నుండి పెద్దల వరకు అందరూ ఎంతో సురక్షితంగా తీసుకోవచ్చు.
ఈ జావ తయారీ కోసం అర కప్పు లేదా ఒక కప్పు సగ్గుబియ్యాన్ని తీసుకుని, ముందుగా ఒకటి రెండు సార్లు శుభ్రంగా కడగాలి. ఆ తర్వాత తగినన్ని నీళ్లు పోసి కనీసం అరగంట పాటు నానబెట్టుకోవాలి. సగ్గుబియ్యం ఎంత బాగా నానితే అంత త్వరగా, మెత్తగా ఉడుకుతాయి. అరగంట తరువాత, అడుగు మందంగా ఉన్న ఒక గిన్నెలో ఒక కప్పు సగ్గుబియ్యానికి సుమారు 8 నుంచి 9 కప్పుల నీళ్లు పోసి స్టవ్ మీద పెట్టి మరిగించాలి. నీళ్లు బాగా మరుగుతున్నప్పుడు నానబెట్టుకున్న సగ్గుబియ్యాన్ని అందులో వేయాలి. గిన్నెపై మూత పెడితే అది త్వరగా ఉడుకుతుంది, అయితే పూర్తిగా మూయకుండా కొద్దిగా పక్కకు పెడితే పొంగిపోకుండా ఉంటుంది. సగ్గుబియ్యం త్వరగా అడుగంటుతుంది కాబట్టి మాడిపోకుండా మధ్యమధ్యలో గరిటెతో కలుపుతూ ఉండాలి.
సగ్గుబియ్యం పూర్తిగా ఉడికి పారదర్శకంగా (ట్రాన్స్‌పరెంట్‌గా) మారితే అవి సరిగ్గా ఉడికినట్లు అర్థం. చేత్తో నొక్కి చూస్తే అవి మెత్తగా ఉండాలి. ఆ తరువాత అందులో పావు కప్పు తురిమిన బెల్లం (రుచికి తగ్గట్టు సర్దుబాటు చేసుకోవచ్చు), రెండు మూడు చిటికెలు ఉప్పు, మంచి ఫ్లేవర్ కోసం కొద్దిగా యాలకుల పొడి వేయాలి. బెల్లం పూర్తిగా కరిగేలా బాగా కలుపుకోవాలి. బెల్లం బదులుగా పంచదార కూడా వాడవచ్చు, కానీ బెల్లం ఆరోగ్యానికి ఎంతో మంచిది. బెల్లం వేసిన తర్వాత మరొక రెండు నిమిషాల పాటు సగ్గుబియ్యాన్ని సన్నని మంటపై ఉడికించుకోవాలి. ఈ ప్రక్రియ అంతా పూర్తయిన తర్వాత స్టవ్ ఆఫ్ చేసుకోవాలి. సాధారణంగా ఈ జావలో పాలు పోయరు, ఇలాగే నీళ్లతో తయారుచేసుకుని తాగుతారు.
సగ్గుబియ్యం జావ శరీరంలోని వేడిని పూర్తిగా తగ్గించి అద్భుతమైన చలువ చేస్తుంది. ఇందులో కార్బోహైడ్రేట్లు అత్యధిక మోతాదులో ఉండటం వల్ల తక్షణ శక్తి లభిస్తుంది. ముఖ్యంగా పిల్లలు అనారోగ్యంతో ఉన్నప్పుడు ఏదీ తినడానికి ఇష్టపడరు. అలాంటి సమయాల్లో ఈ జావ వారికి ఎంతో అవసరమైన శక్తిని అందించి త్వరగా కోలుకునేలా తోడ్పడుతుంది. అలాగే ఎండకాలంలో లేదా వేసవిలో ఒంట్లో వేడిని తగ్గించడానికి ఇది నంబర్ వన్ పానీయం. ఇంట్లో ఎప్పుడూ సగ్గుబియ్యం అందుబాటులో ఉంచుకుంటే, నీరసం ఆవరించినప్పుడు లేదా అనారోగ్య వేళల్లో ఇట్టే ఈ ఆరోగ్యకరమైన జావను తయారుచేసుకోవచ్చు. ఈ సులభమైన, పోషకమైన సగ్గుబియ్యం జావను మీరు కూడా ఇంట్లో ప్రయత్నించి దాని అద్భుతమైన రుచి, ప్రయోజనాలను అనుభవించండి.
Sago Porridge Benefits, Saggubiyyam Java Recipe, Sabudana Drink For Cooling, Instant Energy Booster, Traditional Health Drinks, Digestion Improvement Foods, Summer Coolant Recipes.
మన భారతీయ వంటశాలల్లో ప్రతి రోజు ఉపయోగించే పోపు దినుసులలో కరివేపాకు ముందుంటుంది. అయితే చాలా మంది వంటల్లో రుచి కోసం వాడే కరివేపాకును పక్కన పడేస్తుంటారు. కానీ ప్రతిరోజూ ఉదయాన్నే ఖాళీ కడుపుతో కరివేపాకు జ్యూస్ లేదా ఆకులను తీసుకోవడం ద్వారా శరీరంలో ఎన్నో అద్భుతమైన ఆరోగ్య ప్రయోజనాలు కలుగుతాయని ఆరోగ్య నిపుణులు వెల్లడిస్తున్నారు. కేవలం 30 రోజుల పాటు ఈ చిన్న అలవాటును మీ దినచర్యలో భాగంగా మార్చుకుంటే మీ ఆరోగ్యంలో ఊహించని సానుకూల మార్పులు వస్తాయి. ముఖ్యంగా మన వంటింట్లో లభించే ఈ దివ్యౌషధం జీర్ణవ్యవస్థను మెరుగుపరచడంలో కీలక పాత్ర పోషిస్తుంది. ఉదయాన్నే పరగడుపున 5 నుండి 10 తాజా కరివేపాకులను నీటిలో మరిగించి లేదా మెత్తగా గ్రైండ్ చేసి గోరువెచ్చని నీటిలో కలుపుకుని తాగితే జీర్ణ ఎంజైమ్‌లు ఉత్తేజితమై అజీర్ణం, గ్యాస్, ఉబ్బరం మరియు మలబద్ధకం వంటి సమస్యలు పూర్తిగా దూరమవుతాయి. అంతేకాకుండా, ఇది శరీరంలోని జీవక్రియను (మెటబాలిజంను) వేగవంతం చేసి అదనపు బరువును మరియు కొవ్వును సులభంగా తగ్గించడంలో సహకరిస్తుంది.
మధుమేహంతో బాధపడేవారికి కరివేపాకు జ్యూస్ ఒక సహజ వరంగా పనిచేస్తుంది. ఇందులో ఉండే కార్బజోల్ ఆల్కలాయిడ్స్ మరియు యాంటీడయాబెటిక్ గుణాలు రక్తంలో ఇన్సులిన్ సున్నితత్వాన్ని పెంచి, గ్లూకోజ్ స్థాయిలను అదుపులో ఉంచుతాయి. అలాగే శరీరంలోని LDL అనగా చెడు కొలెస్ట్రాల్ స్థాయిలను తగ్గించి, రక్తనాళాల్లో కొవ్వు పేరుకుపోకుండా కాపాడుతుంది. దీనివల్ల రక్తపోటు నియంత్రణలో ఉండి గుండె ఆరోగ్యం మెరుగవుతుంది. ఇక విటమిన్ ఎ, బి, సి, ఇ తో పాటు ఐరన్, కాల్షియం వంటి పోషకాలు పుష్కలంగా ఉండటం వల్ల కరివేపాకు రక్తాన్ని శుద్ధి చేసి రక్తహీనత (అనేమియా) సమస్యను దూరం చేస్తుంది. రోజూ పరగడుపున ఈ పానీయాన్ని తీసుకోవడం ద్వారా శరీరం నుంచి హానికరమైన టాక్సిన్స్ బయటకు పోయి లివర్ పనితీరు మెరుగవుతుంది. అంతేకాకుండా, కరివేపాకులోని యాంటీఆక్సిడెంట్లు చర్మంపై ముడతలు, మొటిమలను తగ్గించి చర్మాన్ని కాంతివంతంగా మారుస్తాయి. జుట్టు కుదుళ్లను బలోపేతం చేసి అకాలంగా జుట్టు తెల్లబడటాన్ని అరికట్టడంలోనూ ఇది అద్భుతంగా పనిచేస్తుంది. కాబట్టి ప్రతిరోజూ ఉదయం ఈ సహజసిద్ధమైన కరివేపాకు జ్యూస్‌తో మీ రోజును ప్రారంభించి సంపూర్ణ ఆరోగ్యాన్ని సొంతం చేసుకోండి.
Curry Leaves Juice Benefits, Kadi Patta Juice For Hair, Curry Leaves Water On Empty Stomach, Morning Detox Drinks, Natural Hair Growth Remedies, Weight Loss Juice Recipes, Health Benefits Of Curry Leaves.
చాలా సులభంగా, అతి తక్కువ ధరకు లభించే పోషకాల ఖజానా అయిన అరటిపండును ప్రతిరోజూ క్రమం తప్పకుండా తీసుకోవడం వల్ల మన శరీరానికి అద్భుతమైన ప్రయోజనాలు కలుగుతాయి. ముఖ్యంగా నిరంతరం 45 రోజుల పాటు రోజుకో అరటిపండు తింటూ ఉంటే మన శరీరంలో ఊహించని ఎన్నో ఆరోగ్యకరమైన మార్పులు సంభవిస్తాయని సీనియర్ డైటీషియన్లు మరియు వైద్య నిపుణులు వెల్లడిస్తున్నారు. 100 గ్రాముల అరటిపండులో దాదాపు 89 కేలరీలు, 22 గ్రాముల పిండి పదార్థాలు, 2.6 గ్రాముల పీచు పదార్థం లభిస్తాయి. పిల్లల నుంచి వృద్ధుల వరకు అందరూ ఇష్టంగా తినే ఈ పండులో శరీరానికి అవసరమైన విటమిన్ సి, విటమిన్ బి6, పొటాషియం, మాంగనీస్ వంటి పోషకాలు పుష్కలంగా ఉంటాయి. దీన్ని ప్రతిరోజూ ఆహారంలో భాగం చేసుకోవడం వల్ల జీర్ణక్రియ మెరుగై మలబద్ధకం సమస్య క్రమంగా దూరమవుతుంది. అరటిపండులో ఉండే పెక్టిన్ అనే కరిగే పీచు పదార్థం ప్రేగుల కదలికలను సక్రమంగా ఉంచి, గట్ ఆరోగ్యానికి మేలు చేసే మంచి బ్యాక్టీరియాను వృద్ధి చేస్తుంది. దీనివల్ల దీర్ఘకాలిక మలబద్ధకం, గ్యాస్, ఎసిడిటీ వంటి సమస్యలు పూర్తిగా తగ్గుముఖం పడతాయి.
అరటిపండ్లలో పొటాషియం పరిమాణం చాలా ఎక్కువగా ఉండటం వల్ల ఇది రక్తపోటును అదుపులో ఉంచడంలో ప్రధాన పాత్ర పోషిస్తుంది. ఇది శరీరంలో సోడియం ప్రభావాన్ని తగ్గించి, రక్తనాళాలపై ఒత్తిడినిారించి రక్తప్రసరణ సాఫీగా సాగేలా చేస్తుంది. దీనిద్వారా గుండె కండరాల పనితీరు మెరుగై గుండెపోటు, పక్షవాతం వచ్చే రిస్క్ గణనీయంగా తగ్గుతుంది. అలాగే ఉదయం పూట అల్పాహారంగా లేదా వ్యాయామం చేసే ముందు ఒక అరటిపండు తింటే శరీరానికి సుక్రోజ్, ఫ్రక్టోజ్, గ్లూకోజ్ రూపంలో తక్షణ మరియు స్థిరమైన శక్తి లభిస్తుంది. కేవలం రెండు అరటిపండ్లు దాదాపు 90 నిమిషాలకు సరిపడా శక్తిని అందిస్తాయని పలు అధ్యయనాలు చెబుతున్నాయి. ఇందులో ఉండే విటమిన్ బి6 మెదడు ఆరోగ్యానికి తోడ్పడటంతో పాటు, సెరోటోనిన్ హార్మోన్ ఉత్పత్తిని ప్రేరేపించి మానసిక ఆందోళనను, డిప్రెషన్‌ను తగ్గించి ఉల్లాసంగా ఉంచుతుంది. అంతేకాకుండా ఇందులో ఉండే ట్రిప్టోఫాన్ అనే అమైనో ఆమ్లం రాత్రిపూట ప్రశాంతమైన, గాఢమైన నిద్ర పట్టేందుకు ఎంతగానో సహాయపడుతుంది. పురుషులలో టెస్టోస్టెరాన్ హార్మోన్ ఉత్పత్తిని పెంచి శారీరక స్టామినాని, లైంగిక సామర్థ్యాన్ని పెంపొందించడంలోనూ అరటిపండు ఉత్తమ ఫలితాలను ఇస్తుంది. సమతుల్య ఆహారంలో భాగంగా రోజుకో అరటిపండును మితంగా తీసుకోవడం ద్వారా సంపూర్ణ ఆరోగ్యాన్ని, నిత్య ఉత్సాహాన్ని సొంతం చేసుకోవచ్చు.
Eating Banana Daily Benefits, One Banana Everyday For 45 Days, Daily Fruit Diet Changes, Health Benefits Of Bananas, Body Transformation From Bananas, Potassium Rich Foods, Digestion And Energy Tips.
ఊపిరి తీసుకోవడం కష్టంగా మారడం, ఛాతీలో బిగుతుగా అనిపించడం, దగ్గు, పిల్లికూతలతో కూడిన శ్వాస.. ఇవన్నీ ఆస్తమా (Asthma) లక్షణాలు కావచ్చు. ముఖ్యంగా ఆస్తమా అటాక్ వచ్చినప్పుడు ఊపిరి అందకపోతే ప్రాణభయం కలుగుతుంది. అసలు ఆస్తమా ఎందుకు వస్తుంది? ఊపిరితిత్తుల్లో ఆస్తమా సమస్య ఎలా మొదలవుతుంది? ఆస్తమా అటాక్ సమయంలో ఇన్‌హేలర్ అందుబాటులో లేకపోతే పరిస్థితి ఎలా ఉంటుంది?
ఈ వీడియోలో సీనియర్ హోమియోపతి వైద్యులు డాక్టర్ ప్రవీణ్ కుమార్ ఆస్తమాకు సంబంధించిన అనేక ముఖ్యమైన విషయాలను వివరించారు. ఆస్తమా రావడానికి గల కారణాలు, శ్వాసనాళాల్లో జరిగే మార్పులు, ఆస్తమా సమస్యను ప్రేరేపించే అంశాల గురించి అవగాహన కల్పించారు. దుమ్ము, ధూళి, వాతావరణంలో మార్పులు, కొన్ని రకాల ఆహార పదార్థాలు, మందులు వంటి అంశాలు కొందరిలో ఆస్తమా లక్షణాలను ఎందుకు పెంచుతాయో తెలుసుకోవచ్చు.
ఆస్తమా అటాక్ వచ్చినప్పుడు భయం, ఆందోళన వల్ల శ్వాస తీసుకోవడంలో ఇబ్బంది మరింత పెరుగుతుందా? ఆస్తమా ఉన్నవారు ఎప్పుడూ ఇన్‌హేలర్‌పైనే ఆధారపడాల్సి ఉంటుందా? బ్రాంకియల్ ఆస్తమా (Bronchial Asthma), కార్డియాక్ ఆస్తమా (Cardiac Asthma) మధ్య తేడా ఏమిటి? ఈ రెండు సమస్యలను ఎలా గుర్తించాలి? ఇన్‌హేలర్లు, అల్లోపతి స్ప్రేలు ఎలా పనిచేస్తాయి? హోమియోపతిలో ఆస్తమా చికిత్స, అత్యవసర సమయంలో ఉపయోగించే SOS మందుల గురించి డాక్టర్ ఏం చెబుతున్నారు?
ఆస్తమా ఉన్నవారు తీసుకోవాల్సిన జాగ్రత్తలు, ఆస్తమా అటాక్‌పై భయాన్ని ఎలా అధిగమించాలి, శ్వాస సంబంధిత సమస్యలను నిర్లక్ష్యం చేయకుండా ఎలాంటి జాగ్రత్తలు పాటించాలి వంటి ముఖ్యమైన విషయాలను ఈ వీడియోలో తెలుసుకోండి.
ఆస్తమా ఉన్నవారు వైద్యుల సూచన లేకుండా ఇన్‌హేలర్లు లేదా ఇతర prescribed మందులను ఆపకూడదు. తీవ్రమైన శ్వాస ఇబ్బంది ఎదురైతే వెంటనే అత్యవసర వైద్య సహాయం పొందాలి. హోమియోపతి మందులను నిరూపితమైన ఆస్తమా అత్యవసర చికిత్సకు ప్రత్యామ్నాయంగా భావించకూడదు.
ఆస్తమా సమస్యతో బాధపడుతున్నవారికి, తరచూ దగ్గు, పిల్లికూతలు, శ్వాస తీసుకోవడంలో ఇబ్బంది ఎదుర్కొంటున్నవారికి ఈ వీడియో ఉపయోగకరమైన అవగాహన అందిస్తుంది.
మీ ఆరోగ్య సమస్య ఏదైనా... మా హెల్త్ యూట్యూబ్ ఛానల్‌లో సీనియర్ డాక్టర్స్ చెప్పిన సలహాలు... సూచనలు ఉన్నాయి. మా యూట్యూబ్ ఛానల్ కోసం ఇక్కడ క్లిక్ చేయండి 👉 TeluguOne Health (సబ్‌స్క్రైబ్ చేయడం మర్చిపోకండి!)
మన శరీరం ఆరోగ్యంగా ఉండాలంటే ప్రతి అవయవం తన బాధ్యతను తాను సరిగ్గా నిర్వర్తించడం ఎంత ముఖ్యమో, అలాగే మనం తీసుకునే ఆహారంలో పోషకాలు సరిపడా ఉండటం కూడా అంతే అవసరం. మనం రోజూ తినే తిండి మన ఆరోగ్యంపై ఎంతో ప్రభావం చూపుతుంది. అయితే చాలామంది విటమిన్లు లేదా పోషకాలు తక్కువైతే నీరసం రావడం, రక్తం పడిపోవడం లేదా చర్మం , కళ్ళు బలహీనపడటం మాత్రమే జరుగుతుందని అనుకుంటారు. కానీ మన శరీరంలో అత్యంత కీలకమైన భాగమైన లివర్.. దీన్నే కాలేయం అని అంటారు. కాలేయం ఆరోగ్యం కూడా కొన్ని విటమిన్ల ఆధారంగా ఉంటుంది. అసలు కాలేయం చేసే పని ఏమిటి? ఏ విటమిన్లు లోపిస్తే కాలేయం దెబ్బతింటుంది? వివరంగా తెలుసుకుంటే..
శరీరంలో లివర్ పాత్ర..
మన శరీరంలో లివర్ చేసే పనులు అన్నీ ఇన్నీ కావు. మనం తిన్న ఆహారాన్ని సరిగ్గా జీర్ణం చేయడంలో, శరీరంలో పేరుకుపోయే వ్యర్థాలను , హానికారక పదార్థాలను బయటకు పంపడంలో, శరీరానికి కావలసిన శక్తిని నిల్వ చేయడంలో లివర్ ప్రధాన పాత్ర పోషిస్తుంది. అలాగే ఎన్నో రకాల ముఖ్యమైన ప్రొటీన్లను కూడా ఇదే తయారు చేస్తుంది. అయితే శరీరంలో కొన్ని రకాల విటమిన్ల లోపం ఏర్పడినప్పుడు అది నేరుగా లివర్ ఆరోగ్యంపై ప్రభావం చూపుతుంది. మరోవైపు లివర్‌కు సంబంధించిన సమస్యలు ఏవైనా వస్తే, అప్పుడు శరీరం విటమిన్లను సరిగ్గా గ్రహించలేకపోతుంది. దీనివల్ల సమస్య మరింత జటిలమయ్యే అవకాశం ఉంటుంది. ఆ విటమిన్లు ఏమిటో తెలుసుకుంటే..
విటమిన్-ఎ..
శరీరంలో విటమిన్ ఎ లోపం ఏర్పడితే అది కంటి చూపు తగ్గడం, చర్మం పొడిబారడం వంటి సమస్యలకే పరిమితం కాకుండా లివర్ ఆరోగ్యంపై కూడా ప్రభావం చూపుతుంది. మన శరీరంలో ఉండే మొత్తం విటమిన్ ఎ నిల్వల్లో దాదాపు ఎనబై నుంచి తొంభై శాతం వరకు లివర్‌లోనే ప్రత్యేక కణాలలో నిల్వ ఉంటుంది. కాబట్టి లివర్ పనితీరు మందగిస్తే విటమిన్ ఎ నిల్వలు కూడా దెబ్బతింటాయి. అలాగే ఎముకలు , కండరాల బలానికి ఎంతగానో ఉపయోగపడే విటమిన్ డి లోపం కూడా లివర్ సమస్యలు ఉన్నవారిలో ఎక్కువగా కనిపిస్తుంటుంది. శరీరంలో విటమిన్ డి తక్కువైతే అది లివర్‌లో వాపు రావడానికి , కణజాలం దెబ్బతినే ప్రమాదాన్ని పెంచుతుంది.
విటమిన్-ఇ..
శరీరంలో కణాలను ఆక్సీడేటివ్ నష్టం నుంచి రక్షించడంలో విటమిన్ ఇ ఎంతగానో సహాయపడుతుంది. శరీరంలో కొవ్వు సరిగ్గా శోషణం కాకపోవడం లేదా కొన్ని రకాల దీర్ఘకాలిక లివర్ సమస్యలు ఉన్నప్పుడు విటమిన్ ఇ లోపం ఏర్పడే అవకాశం ఉంది. ఈ విటమిన్ తగినంత ఉంటే లివర్‌లో వచ్చే వాపును , కణాలకు జరిగే నష్టాన్ని కొంతవరకు తగ్గించడానికి వీలవుతుంది.
విటమిన్-కె..
రక్తం గడ్డకట్టడానికి సహాయపడే ప్రొటీన్ల తయారీలో విటమిన్ కే ప్రధాన పాత్ర పోషిస్తుంది. ఒకవేళ ఈ విటమిన్ లోపిస్తే చిన్న గాయాలైనప్పటికీ రక్తం త్వరగా గడ్డకట్టదు. శరీరంలో పిత్తరసం సక్రమంగా ప్రవహించకపోయినా లేదా కొవ్వు పదార్థాలు సరిగ్గా ఒంటబట్టకపోయినా విటమిన్ కే లోపం తలెత్తుతుంది.
మొత్తంగా చెప్పాలంటే లివర్ ఆరోగ్యంగా ఉండాలన్నా, లేదా లివర్ తన విధులను సక్రమంగా నిర్వర్తించాలన్నా శరీరానికి అవసరమైన విటమిన్లు సరైన పాళ్ళలో అందడం చాలా ముఖ్యం. ఏ చిన్న ఆరోగ్య సమస్య కనిపించినా నిర్లక్ష్యం చేయకుండా సమతుల్య ఆహారాన్ని తీసుకోవడం , అవసరమైన వైద్య పరీక్షలు చేయించుకోవడం ద్వారా కాలేయాన్ని ఆరోగ్యంగా కాపాడుకోవచ్చు.
*రూపశ్రీ.
వేసవి కాలం వెళ్ళిపోయి చలికాలం వైపు అడుగులు వేస్తున్న సమయంలో మార్కెట్లోకి విరివిగా వచ్చే పండ్లలో సీతాఫలం ఒకటి. పైకి బొడిపెల్లా ఉంటూ, లోపల గుజ్జుతో ఎంతో తియ్యగా ఉండే ఈ పండును చాలామంది ఇష్టంగా తింటారు. రుచిలోనే కాదు, ఆరోగ్య ప్రయోజనాల్లోనూ సీతాఫలం ఎంతో ముందుంటుంది. మరి ఈ సీజన్లో దొరికే సీతాఫలాలను ఎవరు తినాలి? రోజుకు ఎన్ని తినాలి? దీనివల్ల శరీరానికి కలిగే లాభాలు ఏమిటో ఇప్పుడు వివరంగా తెలుసుకుంటే..
సీతాఫలం ఎవరు తినాలి?
చిన్న పిల్లల నుంచి ముసలివాళ్ల వరకు అందరూ సీతాఫలాలు తినవచ్చు. ముఖ్యంగా ఎల్లప్పుడూ నీరసంగా ఉండేవాళ్లకు, త్వరగా అలసిపోయే వాళ్లకు ఇవి చాలా మంచివి. బరువు పెరగాలనుకునే వాళ్లకు, రోగ నిరోధక శక్తి తక్కువగా ఉన్న వాళ్లకు ఈ పండు చక్కటి ఆహారం. అయితే షుగర్ వ్యాధి ఉన్నవాళ్లు మాత్రం డాక్టర్ సలహా మేరకు తక్కువ మోతాదులో తీసుకోవడం మంచిది.
రోజుకు ఎన్ని తినాలి?
ఏదైనా సరే అతిగా తింటే నష్టమే కలుగుతుంది. సీతాఫలాలు తియ్యగా, కేలరీలు ఎక్కువగా ఉంటాయి కాబట్టి రోజుకు ఒకటి లేదా రెండు పండ్లు తింటే సరిపోతుంది. అంతకంటే ఎక్కువ తింటే బరువు పెరిగే అవకాశం ఉంటుంది. అలాగే జీర్ణ సమస్యలు ఉన్నవాళ్లు మితంగా తినడం చాలా ముఖ్యం.
సీతాఫలాల వల్ల కలిగే బెనిఫిట్స్..
శక్తిని ఇస్తుంది..
రోజంతా పని చేసి అలసిపోయిన వాళ్లకు సీతాఫలం తింటే తక్షణ శక్తి వస్తుంది. ఇందులో ఉండే సహజమైన చక్కెరలు శరీరానికి కావాల్సిన ఎనర్జీని అందిస్తాయి.
గుండె ఆరోగ్యాన్ని కాపాడుతుంది..
ఈ పండులో పొటాషియం, మెగ్నీషియం సమృద్ధిగా ఉంటాయి. ఇవి రక్తపోటును అదుపులో ఉంచడానికి సహాయపడతాయి. గుండె జబ్బులు రాకుండా కాపాడుకోవడానికి ఇవి తోడ్పడతాయి.
జీర్ణ శక్తి మెరుగుపడుతుంది..
సీతాఫలాలలో పీచు పదార్థం ఎక్కువశాతంలో ఉంటుంది. ఇది కడుపును శుభ్రం చేయడానికి, మలబద్ధకం సమస్యను తగ్గించడానికి ఎంతో సహాయపడుతుంది. జీర్ణవ్యవస్థ సాఫీగా పనిచేసేలా చేస్తుంది.
రోగ నిరోధక శక్తి పెరుగుతుంది..
ఈ పండ్లలో విటమిన్ సి పుష్కలంగా ఉంటుంది. ఇది శరీరంలో రోగ నిరోధక శక్తిని పెంచి, సీజనల్ వ్యాధులు, జలుబు, దగ్గు వంటివి రాకుండా రక్షణ ఇస్తుంది.
చర్మం, జుట్టు అందంగా ఉంటాయి..
విటమిన్ ఎ, యాంటీ ఆక్సిడెంట్లు ఉండటం వల్ల సీతాఫలాలు చర్మానికి మంచి మెరుపును ఇస్తాయి. జుట్టు రాలే సమస్యను తగ్గించి, కుదుళ్లను బలంగా ఉంచడంలో సహాయపడతాయి.
ఎముకలు బలపడతాయి..
కాల్షియం, మెగ్నీషియం ఉండటం వల్ల ఎముకలు దృఢంగా మారుతాయి. కీళ్ల నొప్పులతో బాధపడే వాళ్లకు సీతాఫలం మంచి ఆహారం.
మొత్తానికి సీతాఫలం కేవలం రుచికరమైన పండు మాత్రమే కాదు, ఆరోగ్యానికి ఎంతో మేలు చేసే దివ్యౌషధం. ఈ సీజన్లో దొరికే ఈ అద్భుతమైన పండును అస్సలు మిస్ కాగండి.
* రూపశ్రీ.