LATEST NEWS
ఆంధ్రప్రదేశ్ రాజకీయాల్లో వైఎస్ కుటుంబ వివాదం మరోసారి బహిర్గతమైంది. ఏపీసీసీ అధ్యక్షురాలు వైఎస్ షర్మిల తన సోదరుడు, వైసీపీ అధినేత  జగన్‌ పై తీవ్రస్థాయిలో మండిపడ్డారు. తన కుమార్తె వివాహానికి ముఖ్యమంత్రి ఎన్. చంద్రబాబు నాయుడిని ఆహ్వానించడాన్ని తప్పుపడుతూ జగన్ మీడియా ప్రచురించిన కథనంపై షర్మిల నిప్పులు చెరిగారు. తమ కుటుంబ వివాహ వేడుకకు తండ్రిసమానులైన ఒక సీనియర్ రాజకీయ నాయకుడిని ఆహ్వానించడంలో తప్పేముందని ప్రశ్నించిన షర్మిల.. దీనికి అనవసరమైన, అభ్యంతరకరమైన అర్థాలు ఆపాదించి ప్రచారం చేయడం జగన్ దిగజారుడుతనానికి నీచ మసస్థత్వానికి నిదర్శనమన్నారు.  సాధారణ కుటుంబ సంబంధాలను కూడా వక్రీకరించి మహిళల వ్యక్తిత్వాన్ని కించపరిచేలా వ్యవహరించడాన్ని తప్పుపట్టారు.   మహిళలను గౌరవిస్తామని చెప్పే జగన్..  ఇలాంటి నిరాధారమైన,  దిగజారిన వార్తలను తన సొంత మీడియా ప్రచురించడాన్ని ఎలా సమర్థించుకుంటారని నిలదీశారు. ఈ  ప్రచురణ వెనుక ఉన్న ఉద్దేశం ఏమిటో జగన్ స్వయంగా సమాధానం చెప్పాలని   డిమాండ్ చేశారు. గతంలో తమ తండ్రి, దివంగత ముఖ్యమంత్రి వైఎస్ రాజశేఖర రెడ్డి సైతం రాజకీయ విభేదాలను పక్కనబెట్టి తన పిల్లల పెళ్లిళ్లకు అందరినీ ఆహ్వానించిన విషయాన్ని ఈ సందర్భంగా  గుర్తుచేశారు. రాజకీయంగా ఎన్ని వ్యత్యాసాలు ఉన్నప్పటికీ, కుటుంబ వేడుకల్లో మర్యాదపూర్వకంగా వ్యవహరించడం జగన్ దిగజారుడుతనానికి పరాకాష్ఠగా షర్మిల అభివర్ణించారు. అన్నదమ్ముల మధ్య, కుటుంబ సభ్యుల మధ్య గత కొంతకాలంగా కొనసాగుతున్న   వివాదాల నేపథ్యంలో ఈ తాజా పరిణామం అత్యంత ప్రాధాన్యత సంతరించుకుంది. కేవలం రాజకీయ లబ్ది కోసమే జగన్  కుటుంబ వ్యవహారాలను బహిరంగ వేదికలపైకి లాగుతూ వ్యక్తిగత దూషణలకు దిగుతున్నారని షర్మిల పదేపదే ఆరోపిస్తున్న సంగతి విదితమే. ఇది కూడా చదవండి: వెల్తారా, వెళ్లరా: షర్మిల కుమార్తె వివాహానికి జగన్ హాజరుపై చర్చ.! అయినా..  తమ ప్రత్యర్థి అయితే చాలు…  వ్యక్తిత్వహననానికి పాల్పడడం, మహిళలను కించపరచడం వైసీపీ నేతలకు అలవాటేనంటూ.. నాడు నిండు సభలో అప్పటి ప్రతిపక్ష నేత చంద్రబాబు సతీమణి భువనేశ్వరిని అవమానించిన విషయాన్ని గుర్తు చేస్తూ పరిశీలకులు సైతం షర్మిలపై అనుచిత వ్యాఖ్యలను తప్పుపడుతున్నారు.    అంతెందుకు గతంలో షర్మిల కూడా పలు సందర్భాలలో జగన్ ది సైతాన్ సైన్యం   విమర్శించిన సంగతి తెలిసిందే. సీఎం చంద్రబాబుకు తన కుమారుడి పెళ్లి పత్రిక ఇచ్చేందుకు పసుపు రంగు చీర కట్టుకొని వెళ్లిన షర్మిలను దూషించిన ఘనత వైసీపీ సైకో సైన్యానిది. ఇప్పుడు కూడా తన కూతురు అంజిలి పెళ్లి పత్రిక అందించేందుకు చంద్రబాబును కలిసిన షర్మిలపై వైసీపీయులు దుర్భాషలాడుతున్నతీరుపై సర్వత్రా ఆగ్రహం వ్యక్తమౌతోంది. మీకు నచ్చవచ్చు:   ఉంటే ఉండు, లేకుంటే దేశం విడిచిపో: వైఎస్ కంటే గొప్పోడివా.. జగన్ ను ఉతికి ఆరేసిన షర్మిల కుటుంబం.! ఎలహంక ప్యాలెస్ లో షర్మిల కుమార్తె పెళ్లి: పేర్ని నానికెందుకు నొప్పి.? [YSSharmila, YSJagan, SharmiladaughterMarriage, Invitation, CBN, CharacterAssassination, TeluguOne]
 దేశ రాజధాని నూతన దిల్లీలో జరిగిన సోనియాగాంధీ ఆత్మకథ  బిలాంగింగ్ పుస్తకావిష్కరణ వేడుకలో సీటింగ్ అరేంజ్ మెంట్ రాజకీయ చర్చకు తావిచ్చింది.  ఈ పుస్తకావిష్కరణ కార్యక్రమానికి  దేశవ్యాప్తంగా ఉన్న కాంగ్రెస్ ప్రముఖులు, వివిధ రాష్ట్రాల ముఖ్యమంత్రులు, ఇండియా కూటమి నేతలు పెద్ద సంఖ్యలో హాజరయ్యారు. అయితే ఈ కార్యక్రమంలో వేదికపై అతిథుల సీటింగ్  అరేంజ్ మెంట్ లో ప్రాధాన్యతల క్రమం రాజకీయ చర్చకు తెరలేపింది.   ఈ కార్యక్రమంలో తమిళనాడు ముఖ్యమంత్రి విజయ్ మొదటి వరుసలో అదీ కాంగ్రెస్ అగ్రనేత రాహుల్ గాంధీ పక్కన కూర్చుంటే.. తెలంగాణ ముఖ్యమంత్రి రేవంత్ రెడ్డి,  కర్ణాటక  ముఖ్యమంత్రి డి.కె. శివకుమార్, ఇతర కాంగ్రెస్ సీనియర్ నేతలు రెండో వరుసలో సరిపెట్టుకున్నారు.  ఇదే వేదికపై అఖిలేష్ యాదవ్ వంటి ఇతర విపక్ష నేతలు కూడా మొదటి వరుసలో ఆసీనులయ్యారు.  కాంగ్రెస్ పార్టీ  కార్యక్రమంలో సొంత పార్టీ ముఖ్యమంత్రులను రెండో వరుసలో కూర్చోబెట్టి, బయటి నుంచి వచ్చిన మిత్రపక్ష నేతలకు వారికి మించిన ప్రాధాన్యత ఇవ్వడం రాజకీయంగా సంచలనంగా మారింది.  అంతే కాకుండా సోనియాగాంధీ పుస్తకావిష్కరణ కార్యక్రమంలో తొలి వరుసలో తమిళనాడు సీఎం, టీవీకే అధినేత విజయ్ రాహుల్ పక్కన ఆసీనులైన ఫోటోలు సోషల్ మీడియాలో ఓ రేంజ్ లో వైరల్ అయ్యాయి. అదే సమయంలో రేవంత్, డీకే వంటి నేతలు రెండో వరుసలో కూర్చున్న ఫొటోలు సైతం అదే స్థాయిలో సోషల్ మీడియాలో వైరల్ గా మారాయి.  కాగా రేవంత్ రెడ్డికి కాంగ్రెస్ హై కమాండ్ వద్ద ప్రాధాన్యత తగ్గిందంటూ నెట్టింట పెద్ద ఎత్తున కామెంట్లు వెల్లువెత్తుతున్నాయి.  అయితే  పరిశీలకులు మాత్రం అతిథి మర్యాదలో భాగంగానే కాంగ్రెస్ ఈ విధమైన సీటింగ్ అరేంజ్ మెంట్ చేసి ఉంటుందని విశ్లేషిస్తున్నారు.  ఇది కూడా చదవండి: రేవంత్ రెడ్డిలో అసంతృప్తి నిజమేనా? సొంత కార్యక్రమంలో సొంత నేతల కంటే.. ఇతర పార్టీల నేతలను గౌరవించడం సముచితంగా ఉంటుందని, అందుకు అనుగుణంగానే కాంగ్రెస్ ఆ విధమైన ఏర్పాట్లు చేసిందని చెబుతున్నారు.   నాయకులకు సముచిత గౌరవం ఇచ్చి మొదటి వరుసలో సీట్లు కేటాయించిందని కాంగ్రెస్ శ్రేణులు కూడా చెబుతున్నాయి.  పార్టీలో అత్యంత కీలకమైన నాయకురాలు ప్రియాంకా గాంధీ సైతం రెండో వరుసలోనే ఆసీనులవ్వడాన్ని ఇందుకు నిదర్శనంగా చూపుతున్నారు.  అతిథులకు మర్యాదపూర్వకంగా మొదటి స్థానం కల్పించడం కాంగ్రెస్ సంప్రదాయమని, సోనియా పుస్తకావిష్కరణ కార్యక్రమంలో అదే చేసిందని అంటున్నారు.  మీకు నచ్చవచ్చు:  పార్టీ, ప్రభుత్వంపై పట్టుబిగించిన సీఎం రేవంత్.! రాహుల్ కు ఫిర్యాదు చేస్తా: తెలంగాణ సీఎం రేవంత్ పై కోమటిరెడ్డి రాజగోపాల్ రెడ్డి తిరుగుబావుటా.!​ [Sonia, biography Belonging, Revanth Reddy Vijay,Seat, TeluguOne] 
విజయవాడలో ప్రతిష్ఠాత్మక రామోజీ ఎక్స్‌లెన్స్ అవార్డుల ప్రదానోత్సవం ఘనంగా నిర్వహించారు. నగరంలోని డాక్టర్ బి.ఆర్. అంబేడ్కర్ కళావేదికలో జరిగిన ఈ కార్యక్రమానికి ముఖ్యమంత్రి చంద్రబాబు నాయుడు, ఉప ముఖ్యమంత్రి పవన్ కల్యాణ్ హాజరయ్యారు. సభా ప్రాంగణానికి చేరుకున్న సీఎం, డిప్యూటీ సీఎంకు ఈనాడు గ్రూప్ సీఎండీ సీహెచ్ కిరణ్, రామోజీ కుటుంబ సభ్యులు ఘన స్వాగతం పలికారు. ఈ వేడుకకు గౌరవ అతిథిగా రాష్ట్ర గవర్నర్ జస్టిస్ అబ్దుల్ నజీర్ హాజరయ్యారు. ఆయనకు ముఖ్యమంత్రి చంద్రబాబు, ఉప ముఖ్యమంత్రి పవన్ కల్యాణ్, ఈనాడు గ్రూప్ సీఎండీ సీహెచ్ కిరణ్, రామోజీ కుటుంబ సభ్యులు సాదరంగా స్వాగతం పలికారు. కార్యక్రమానికి ముఖ్య అతిథిగా కేంద్ర హోంమంత్రి అమిత్ షా విచ్చేశారు. ఆయనకు గవర్నర్ జస్టిస్ అబ్దుల్ నజీర్, ముఖ్యమంత్రి చంద్రబాబు, ఉప ముఖ్యమంత్రి పవన్ కల్యాణ్, ఈనాడు గ్రూప్ సీఎండీ సీహెచ్ కిరణ్, రామోజీ కుటుంబ సభ్యులు ఘన స్వాగతం పలికారు. ఈ కార్యక్రమానికి కేంద్ర, రాష్ట్ర మంత్రులతో పాటు పలువురు ఎంపీలు, ఎమ్మెల్యేలు, ప్రముఖులు హాజరయ్యారు. రామోజీరావు జయంతిని పురస్కరించుకుని వివిధ రంగాల్లో విశేష ప్రతిభ కనబరిచిన తొమ్మిది మందికి ప్రతిష్ఠాత్మక రామోజీ ఎక్స్‌లెన్స్ అవార్డులను ప్రదానం చేస్తున్నారు. ప్రతిభావంతులను గుర్తించి, వారి సేవలను గౌరవించడమే ఈ పురస్కారాల ప్రధాన ఉద్దేశం. రామోజీరావుకు వెంకయ్యనాయుడు ఘన నివాళి.! మరోవైపు, విలువలతో కూడిన వ్యాపారం, సమాజహితమే జర్నలిజం అని ఆచరణలో చూపించిన మహామనిషి రామోజీరావు అని మాజీ ఉపరాష్ట్రపతి వెంకయ్యనాయుడు కొనియాడారు. రామోజీరావు జయంతి సందర్భంగా ఎక్స్ వేదికగా ఆయనకు నివాళులర్పించారు.రామోజీరావు పట్టుదల, స్వయంకృషి, క్రమశిక్షణ, చిత్తశుద్ధి, కార్యదీక్ష భవిష్యత్ తరాలకు స్ఫూర్తిదాయకమని వెంకయ్యనాయుడు పేర్కొన్నారు.  సాధారణ రైతు కుటుంబంలో ప్రారంభమైన ఆయన ప్రస్థానం.. ఈనాడు దినపత్రికతో పాటు రామోజీ ఫిల్మ్‌సిటీ వంటి మహోన్నత వ్యవస్థల నిర్మాణంతో ప్రపంచస్థాయికి చేరిందని గుర్తుచేశారు. తెలుగువారి కీర్తి పతాకాన్ని అంతర్జాతీయ స్థాయికి తీసుకెళ్లిన రామోజీరావు పేరు తెలుగు ప్రజల గుండెల్లో శాశ్వతంగా నిలిచిపోతుందని వెంకయ్యనాయుడు తన పోస్టులో పేర్కొన్నారు. ఇది కూడా చదవండి: డేటింగ్ యాప్‌లో వల..బీర్‌లో మత్తుమందు..ఆపై బంగారం మాయం.!     [ Ramoji Excellence Awards, Ramoji Rao,Amit Shah, Chandrababu Naidu, Pawan Kalyan, Justice Abdul Nazeer, Venkaiah Naidu, Eenadu Group, CH Kiran, Ramoji Film City, Vijayawada, Andhra Pradesh ]
ఆన్‌లైన్ పరిచయం.. చాటింగ్‌తో స్నేహం.. వీడియో కాల్స్‌తో నమ్మకం.. ఆ తర్వాత ఇంటికి ఆహ్వానం. అంతా సజావుగా సాగుతున్నట్లే కనిపిస్తుంది. కానీ ఆ పరిచయాల వెనుక ఉన్నది స్నేహం కాదు.. పక్కాగా ప్లాన్ చేసిన దోపిడీ.. డేటింగ్ యాప్‌లను వేదికగా చేసుకుని యువకులతో పరిచయాలు పెంచుకుంటున్న ఓ ముఠా.. వారిని గదులకు రప్పించి మత్తుమందు ఇచ్చి దోపిడీలకు పాల్పడుతోంది. బాధితులు స్పృహ కోల్పోగానే ఒంటిపై ఉన్న బంగారు ఆభరణాలతో పాటు విలువైన వస్తువులను దోచుకెళ్తోంది. అంతటితో ఆగకుండా.. బాధితులకు సంబంధించిన వీడియోలతో బెదిరించి డబ్బులు వసూలు చేస్తున్నట్లు కూడా పోలీసుల విచారణలో వెల్లడైంది. గ్రైండర్ యాప్‌లో పరిచయం.. ముందుగానే రెక్కీ.! గ్రైండర్ డేటింగ్ యాప్‌ను లక్ష్యంగా చేసుకుని ఈ ముఠా తమ నేరాలకు తెరతీసినట్లు పోలీసులు గుర్తించారు. తొలుత యాప్‌లో బాధితులను గుర్తించి.. ఆన్‌లైన్ చాటింగ్, వీడియో కాల్స్ ద్వారా పరిచయాన్ని పెంచుకుంటారు. మాటలతో నమ్మకం సంపాదించుకున్న తర్వాత అసలు ప్లాన్ అమలు చేస్తారు. బాధితుల వద్ద బంగారు ఆభరణాలు ఉన్నాయా? వారు ఒంటరిగా ఉంటున్నారా? వారి ఆర్థిక పరిస్థితి ఎలా ఉంది? అనే వివరాలను ముందుగానే తెలుసుకుంటారు. పరిస్థితులు అనుకూలంగా ఉన్నాయని నిర్ధారించుకున్న తర్వాత వారిని గదులకు లేదా ఇళ్లకు రప్పించి దోపిడీకి పాల్పడతారు. బీర్‌లో మత్తుమందు.. స్పృహ తప్పగానే దోపిడీ.! బాధితులతో కలిసి బీర్ తాగుతున్నట్లు నటిస్తూ అందులో ముందుగానే మత్తు పదార్థాలు కలిపి ఇస్తారు. అది తాగిన బాధితులు స్పృహ కోల్పోగానే ఒంటిపై ఉన్న బంగారు గొలుసులు, ఉంగరాలతో పాటు ఇంట్లోని విలువైన వస్తువులను దోచుకెళ్తారు. బాధితులు తేరుకునేలోపే అక్కడి నుంచి పరారవుతారు. అంతేకాదు.. వారి వద్ద విలువైన వస్తువులు లేకపోతే వ్యక్తిగత వీడియోలను రికార్డు చేసి, వాటిని బయటపెడతామంటూ బెదిరించి డబ్బులు వసూలు చేస్తున్నట్లు పోలీసులు వెల్లడించారు. రెండు ప్రాంతాల్లో వేట.. ఐదుగురు అరెస్ట్.! ఈ ముఠా కోసం రంగంలోకి దిగిన పోలీసులు వేర్వేరు ప్రాంతాల్లో నిందితులను పట్టుకున్నారు. ఉప్పల్ మెట్రో స్టేషన్ సమీపంలో ముగ్గురు నిందితులను ఉప్పల్ పోలీసులు అదుపులోకి తీసుకోగా, ఏఎస్ రావు నగర్‌లో మరో ఇద్దరిని కుషాయిగూడ పోలీసులు అరెస్ట్ చేశారు. మొత్తం ఐదుగురిని అదుపులోకి తీసుకుని వారి నుంచి సుమారు 361 గ్రాముల బంగారు ఆభరణాలను స్వాధీనం చేసుకున్నారు. అంటే దాదాపు 35 తులాలకు పైగా బంగారం నిందితుల నుంచి లభ్యమైంది. 14 కేసుల్లో ముఠా ప్రమేయం.! నిందితుల విచారణలో పలు ప్రాంతాల్లో జరిగిన దోపిడీలతో వీరికి సంబంధం ఉన్నట్లు పోలీసులు గుర్తించారు. ఇప్పటివరకు మొత్తం 14 కేసుల్లో వారి ప్రమేయాన్ని గుర్తించారు. వీటిలో మల్కాజిగిరి కమిషనరేట్ పరిధిలో రెండు, సైబరాబాద్ పరిధిలో ఏడు, హైదరాబాద్ పరిధిలో మూడు, విశాఖపట్నంలో ఒక కేసు ఉన్నాయి. మరో కేసుకు సంబంధించిన వివరాలపైనా దర్యాప్తు కొనసాగుతోంది. పరారీలో మరో నిందితుడు.. డిజిటల్ ఆధారాల పరిశీలన.! ఈ ముఠాలో కీలకంగా వ్యవహరించిన చందు అనే మరో నిందితుడు ప్రస్తుతం పరారీలో ఉన్నాడు. అతడి కోసం పోలీసులు గాలిస్తున్నారు. అరెస్టయిన నిందితుల మొబైల్ ఫోన్లు, గ్రైండర్ యాప్ ప్రొఫైల్స్, చాటింగ్స్, వీడియో కాల్స్, కాల్ డేటాను క్షుణ్ణంగా పరిశీలిస్తున్నారు. బాధితుల ఫిర్యాదులు, డిజిటల్ ఆధారాలను విశ్లేషిస్తూ ఈ ముఠా వెనుక ఉన్న పూర్తి నెట్‌వర్క్‌ను వెలికితీసే పనిలో ఉన్నారు. డేటింగ్ యాప్‌ల ద్వారా పరిచయమైన వ్యక్తులను గుడ్డిగా నమ్మితే ఎలాంటి ప్రమాదాలు ఎదురవుతాయో ఈ ఘటన మరోసారి హెచ్చరిస్తోంది. ముఖ్యంగా వ్యక్తిగత వివరాలు, ఫొటోలు, వీడియోలను అపరిచితులతో పంచుకునే విషయంలో అప్రమత్తంగా ఉండాలి. ఆన్‌లైన్ పరిచయాల ముసుగులో జరుగుతున్న ఇలాంటి నేరాల పట్ల జాగ్రత్తగా ఉండాల్సిన అవసరాన్ని ఈ ఉదంతం గుర్తుచేస్తోంది. ఇది కూడా చదవండి: భారత్ సమ్మిట్ వివాదం: తెలంగాణ BJP నేతలపై అమిత్ షా ఆగ్రహం.!   [ Grindr Dating App, Dating App Robbery, Hyderabad Crime, Malkajgiri Police, Kushai guda Police, Uppal Police, Dating App Gang, Drugged Beer, Gold Robbery ]
ఇటలీ నేత ఫిలిబెక్ వ్యాఖ్యలపై కమలనాథుల ఫైర్.!     హైదరాబాద్ వేదికగా ఇటీవల జరిగిన భారత్ సమ్మిట్‌ 2026లో చోటుచేసుకున్న పరిణామాలు రాజకీయ వర్గాల్లో తీవ్ర చర్చకు దారితీశాయి. సమ్మిట్‌లో ఇటలీకి చెందిన రాజకీయ ప్రతినిధి ఫిలిప్పో ఫిలిబెక్ చేసిన వివాదాస్పద వ్యాఖ్యలు దేశవ్యాప్తంగా కలకలం రేపాయి. అయితే ఈ వ్యాఖ్యలపై తెలంగాణ బీజేపీ నాయకత్వం వెంటనే స్పందించలేదన్న విమర్శలు పార్టీ వర్గాల్లో చర్చనీయాంశంగా మారాయి. ఈ వ్యవహారంపై కేంద్ర హోంమంత్రి అమిత్ షా తీవ్ర అసంతృప్తి వ్యక్తం చేసినట్లు సమాచారం. విదేశీ ప్రతినిధులు భారతదేశానికి వచ్చి ఇక్కడి రాజకీయ అంశాలపై వివాదాస్పద వ్యాఖ్యలు చేస్తుంటే.. రాష్ట్ర స్థాయి నాయకులు ఉదాసీనంగా ఉండటం సరికాదని ఆయన ఆగ్రహం వ్యక్తం చేసినట్లు పార్టీ వర్గాలు చెబుతున్నాయి. ఈ నేపథ్యంలో వెంటనే స్పందించి తగిన చర్యలు తీసుకోవాలని, పోలీసులకు అధికారికంగా ఫిర్యాదు చేయాలని అమిత్ షా సూచించినట్లు తెలుస్తోంది. చట్టపరమైన మార్గాల్లో ఈ అంశాన్ని ముందుకు తీసుకెళ్లాలని, భవిష్యత్తులో ఇలాంటి ఘటనలు పునరావృతం కాకుండా అప్రమత్తంగా వ్యవహరించాలని ఆదేశించినట్లు సమాచారం. మరోవైపు, కాన్ఫరెన్స్ వీసాపై భారత్‌కు వచ్చిన విదేశీ ప్రతినిధులు స్థానిక రాజకీయ వ్యవహారాల్లో జోక్యం చేసుకోవడం, వివాదాస్పద వ్యాఖ్యలు చేయడం వీసా నిబంధనల ఉల్లంఘన కిందకు వస్తుందా? అనే అంశంపైనా చర్చ జరుగుతోంది. ఈ వ్యవహారంలో నిబంధనల ఉల్లంఘన జరిగిందని తేలితే ఎలాంటి చర్యలు తీసుకోవచ్చన్నది ఆసక్తికరంగా మారింది. ఇదిలా ఉంటే, భారత్ సమ్మిట్‌ 2026లో విదేశీ రాజకీయ ప్రతినిధులు చేసిన వ్యాఖ్యలపై తెలంగాణ బీజేపీ అధ్యక్షుడు ఎన్. రామచందర్ రావు ఇప్పటికే అభ్యంతరం వ్యక్తం చేశారు. తన న్యాయ బృందంతో కలిసి సంబంధిత విదేశీ ప్రతినిధులపై చర్యలు తీసుకోవాలని కోరుతూ ఫారినర్స్ రీజినల్ రిజిస్ట్రేషన్ ఆఫీస్ (FRRO)కు ఫిర్యాదు చేశారు. సమ్మిట్‌లో చేసిన వ్యాఖ్యలపై పార్టీ అభ్యంతరాలను అధికారుల దృష్టికి తీసుకెళ్లారు. ఈ పరిణామాలతో తెలంగాణ రాజకీయాల్లో ఈ వివాదం మరింత వేడెక్కే సూచనలు కనిపిస్తున్నాయి. అధికార, ప్రతిపక్ష పార్టీల మధ్య మాటల యుద్ధం ముదిరే అవకాశం ఉంది. అమిత్ షా అసంతృప్తి నేపథ్యంలో రాష్ట్ర బీజేపీ నాయకత్వం తదుపరి ఎలాంటి చర్యలు తీసుకుంటుంది? ఈ వ్యవహారం ఎలాంటి మలుపులు తిరుగుతుంది? అన్నది ఇప్పుడు రాజకీయ వర్గాల్లో ఆసక్తికరంగా మారింది. మీకు నచ్చవచ్చు: విజయ డెయిరీ ఛైర్మన్‌ ఎన్నికపై హైకోర్టు కీలక తీర్పు.! మీకు నచ్చవచ్చు: 14 ఏళ్ల వైవాహిక బంధానికి వీడ్కోలు..భార్యతో విడాకులు ప్రకటించిన మంత్రి ఆధవ్‌ అర్జున.!      [ Italian leader Filipes remarks at India Summit, Amit Shah, TG BJP Leaders, Filippo Filibeck, Bharat Summit Hyderabad, TeluguOne News ]  
ALSO ON TELUGUONE N E W S
Megastar Chiranjeevi seems to have let out an interesting character detail about his upcoming film Kaaka. Speaking at the Itllu Arjuna success event, the actor indirectly hinted that Anaswara Rajan, who plays a medical student in the film, might be portraying a mute character. The makers have already revealed that Anaswara plays a medical student, while Chiranjeevi's character is protective of her in the film. However, his latest comments have added another interesting dimension to her role, suggesting that she might be a speech-impaired character. Interestingly, Chiranjeevi made this revelation while celebrating the success of Itllu Arjuna, which features a mute protagonist. The connection between the two films perhaps prompted the Megastar to let out this detail in his trademark playful manner. Also Read: Allu Arjun's historical Pushpa 2 event completes two years! Known for his occasional intentional and unintentional Chiru Leaks, Chiranjeevi has often given audiences glimpses of unrevealed film details through his speeches. This time, his comments have sparked curiosity about Anaswara's character in Kaaka. Directed by Bobby Kolli and produced by Venkat K Narayana under KVN Productions, Kaaka also features Nivetha Pethuraj, Sunil and others in important roles. The film has locked January 13, 2027, for its theatrical release, targeting the Sankranthi festive season. Check Out: Vijay Antony takes an emotional decision                      Kamal Haasan to play a cameo in Seyon Disclaimer: The news article is written based on information shared by various sources. The organisation is not responsible for the factual nature of them. While we do try to do thorough research at times people could misguide. So, we would encourage viewers' discretion before reacting to them.
Two years ago, on November 17, 2024, Patna witnessed a cinematic spectacle that redefined the scale of film promotional events in India. The trailer launch of Icon Star Allu Arjun's Pushpa 2: The Rule turned into a historic celebration, drawing an unprecedented gathering of over 2 lakh people. Adding another remarkable milestone to the event, the live streaming of the trailer launch recorded an extraordinary 2.6 lakh concurrent viewers on YouTube, making it the highest live viewership recorded for an Indian cinema event. The scale was extraordinary, both on-ground and digitally. While thousands of fans thronged the venue and surrounding areas to catch a glimpse of their favourite star, lakhs more tuned in online to witness the celebrations. At the centre of this phenomenal response was Allu Arjun, whose popularity transcended geographical and linguistic boundaries. The overwhelming response in Patna reflected his immense pan-India stardom and the unprecedented reach of the Pushpa franchise. Also Read: Vijay Antony takes an emotional decision What began as a film trailer launch evolved into a massive public celebration, setting a new benchmark for Indian cinema events in terms of crowd mobilisation, digital viewership and audience engagement. Two years later, the Patna event remains a defining moment in the journey of Pushpa 2: The Rule and a testament to the phenomenon that is Icon Star Allu Arjun. Check Out: SOTY: After Dark gets bashed all over                      Selena Gomez gets major relief Disclaimer: The news article is written based on information shared by various sources. The organisation is not responsible for the factual nature of them. While we do try to do thorough research at times people could misguide. So, we would encourage viewers' discretion before reacting to them.
తొలివలపు సినిమాతో హీరోగా పరిచయమైన గోపీచంద్.. ఆ వెంటనే విలన్‌గా మారి తనదైన ముద్ర వేశారు. ఆ తర్వాత మళ్ళీ హీరో అవతారమెత్తి మాస్ ఇమేజ్ సంపాదించుకున్నారు. అయితే  గోపీచంద్ ని విలన్‌గా చూడాలని కోరుకునే వారు ఎందరో ఉన్నారు. అయితే ఇప్పుడు ఆయన మళ్లీ విలన్ పాత్రలో కనిపించబోతున్నారనే వార్త ఆసక్తి రేపుతోంది. అది కూడా సాధారణ సినిమా కాదు.. కోలీవుడ్ స్టార్ సూర్యతో తలపడే అవకాశం ఉందట. సూర్య 49వ సినిమాలో గోపీచంద్ విలన్‌గా నటించనున్నారనేది ప్రస్తుతం వినిపిస్తున్న టాక్. ఈ వార్త నిజమైతే మాత్రం రెండు భాషల ప్రేక్షకులకు మంచి మాస్ కాంబినేషన్ చూసే అవకాశం దక్కుతుంది. గోపీచంద్ పేరు చెప్పగానే చాలామందికి మొదట గుర్తొచ్చే సినిమాలు ‘జయం’, ‘నిజం’, ‘వర్షం’. ఈ మూడు సినిమాల్లోనూ ఆయన విలన్‌గా అద్భుతమైన నటనతో ఆకట్టుకున్నారు. ముఖ్యంగా ‘వర్షం’లో భద్రన్న పాత్ర ప్రేక్షకులపై బలమైన ముద్ర వేసింది. ఆ తర్వాత ‘యజ్ఞం’ సినిమాతో మళ్ళీ హీరోగా మారి, యాక్షన్ సినిమాలతో తనకంటూ ప్రత్యేకమైన గుర్తింపు తెచ్చుకున్నారు. హీరోగా కొనసాగుతున్న గోపీచంద్ మళ్లీ విలన్‌గా నటిస్తారనే వార్త రావడంతో అభిమానుల్లో ఆసక్తి పెరుగుతోంది. సూర్య 49వ చిత్రానికి దర్శకుడిగా అరుణ్ మాతేశ్వరన్ పేరు వినిపిస్తోంది. ‘DC’ సినిమాతో గుర్తింపు తెచ్చుకున్న ఆయన ఈ సినిమాని కోస్టల్ యాక్షన్ డ్రామాగా తెరకెక్కించనున్నారని సమాచారం.  ఇది కూడా చదవండి: ఆద్యను స్టేజ్‌పైకి వద్దన్న రేణు దేశాయ్.. కూతురి విషయంలో ఎందుకలా చేశారు.? ఈ ప్రాజెక్ట్ ఇంకా అధికారికంగా ప్రకటించకముందే గోపీచంద్ విలన్ పాత్రలో నటించనున్నారనే వార్త బయటకు రావడం ఆసక్తికరంగా మారింది. సూర్యకు ధీటుగా నిలిచే పవర్‌ఫుల్ విలన్ పాత్రను గోపీచంద్ కోసం రూపొందించారనే టాక్ కూడా వినిపిస్తోంది. ప్రస్తుతం గోపీచంద్ హీరోగా రెండు సినిమాలు చేస్తున్నారు. అందులో సంకల్ప్ రెడ్డి దర్శకత్వంలో తెరకెక్కుతున్న పీరియాడికల్ యాక్షన్ డ్రామా ‘భరతవర్ష’ ఒకటి. మరో సినిమా 'సింగ' వెంకట్ దర్శకత్వంలో రూపొందుతోంది.  గోపీచంద్ విలన్‌గా నటిస్తే మాత్రం అది ఆయన కెరీర్‌లో ఆసక్తికరమైన మలుపు అవుతుంది. గతంలో తన విలనిజంతో ప్రేక్షకులను భయపెట్టిన ఆయన.. ఇప్పుడు సూర్యలాంటి స్టార్‌తో స్క్రీన్ షేర్ చేసుకుంటే ఆ పోటీ ఎలా ఉంటుందో ఊహించుకోవచ్చు. మీకు నచ్చవచ్చు: నీ గూడు చెదిరింది.. ప్రతి పదంలోనూ ఒక విషాదం.. పాటలోని అసలు భావం ఇదే.! రామాయణ ఎఫెక్ట్.. థియేటర్లలో కొత్త రూల్.. నాన్‌వెజ్‌ బ్యాన్.!       [Gopichand, Villain Role, Suriya 49, Arun Matheswaran]  
'ఓం' మూవీ స్టార్ లైనప్ చూస్తుంటే ఇప్పుడికిప్పడు షో స్టార్ట్ చేస్తున్నామని చెప్పినా కూడా అభిమానులు, ప్రేక్షకులు చలో టూ ఓం మూవీ అంటూ థియేటర్స్ కి దౌడ్ తీస్తారు. అంత క్రేజ్ 'ఓం' సొంతం . ధనుష్, మలయాళ మెగాస్టార్ మమ్ముట్టి, సాయి పల్లవి, శ్రీ లీల, అమరన్ డైరెక్టర్ రాజ్ కుమార్ పెరియస్వామి.. ఈ లిస్ట్ చాలనుకుంటా! పైన చెప్పుకున్న మాట ఎలాంటి వాస్తు, అక్షర దోషం లేని వాస్తవమని. మరి ఈ మూవీ ఫస్ట్ రివ్యూ చూసేద్దాం.    ఈ నెల 20 న ప్రపంచవ్యాప్తంగా తమిళ, తెలుగు, హిందీ భాషల్లో భారీ స్థాయిలో విడుదల కాబోతోంది. ధనుష్ కెరీర్‌లో 55వ చిత్రంగా వస్తున్న ఈ సినిమాకు సెంట్రల్ బోర్డ్ ఆఫ్ ఫిలిం సర్టిఫికేషన్ (CBFC) తాజాగా సెన్సార్ పూర్తి చేసి U/A (UA16+) సర్టిఫికెట్‌ జారీ చేసింది. సుమారు 179 నిమిషాలు అంటే 2 గంటల 59 నిమిషాల భారీ రన్‌టైమ్‌తో ఈ సినిమా ప్రేక్షకుల ముందుకు రానుండటం విశేషం. సెన్సార్ బోర్డు సభ్యులు మరియు ఇండస్ట్రీ వర్గాల నుండి అందుతున్న ఫస్ట్ రివ్యూ ప్రకారం, ఈ సినిమా కథాంశం ఆంధ్రా, తమిళనాడు రాష్ట్రాల సరిహద్దుల్లోని ఎర్రచందనం అడవుల నేపథ్యంలో అత్యంత ఉత్కంఠభరితంగా సాగుతుంది. మమ్ముట్టి ఇందులో బర్మా కార్తీకేయన్ అలియాస్ సియా అనే శక్తివంతమైన గంధపు చెక్కల స్మగ్లింగ్ డాన్‌గా కనిపించనుండగా, అతడికి నమ్మినబంటుగా చెజియన్ అలియాస్ తిరు కుమరన్ క్యారక్టర్ లో  ధనుష్ కనిపిస్తున్నాడు.   వీరిద్దరూ కలిసి ఏకంగా 1,000 టన్నుల విలువైన ఎర్రచందనం దుంగలను అక్రమంగా రవాణా చేయడానికి భారీ ప్రణాళిక వేస్తారు. అందులో భాగంగా మొదటి విడతలో 300 టన్నుల సరుకును విజయవంతంగా గమ్యస్థానానికి చేరవేస్తారు. అయితే, మిగిలిన 700 టన్నుల భారీ సరుకు అనుకోకుండా మాయమవడంతో కథలో అసలైన మలుపు తిరుగుతుంది. 700 టన్నుల సరుకు గల్లంతవడంతో రెండు బలమైన మాఫియా గ్రూపుల మధ్య భీకరమైన అంతర్యుద్ధం మొదలవుతుంది. ఈ క్రమంలో తన బాస్ కార్తీకేయన్‌కే తిరు కుమరన్ ఎదురు తిరగడం, అండర్ కవర్ ఆపరేషన్‌లో భాగంగా అసలు దొంగ ఎవరనే కోణంలో కథ నడవడం ప్రేక్షకులకు గూస్‌బంప్స్ తెప్పిస్తుందని ఫస్ట్ రివ్యూ టాక్ వినిపిస్తోంది. ఇది కూడా చదవండి: ఆకాశంలో ఒక తార ఫస్ట్ రివ్యూ వచ్చేసింది: దుల్కర్ మరో హిట్ అందుకున్నాడా!  మరోవైపు ఈ హై ప్రొఫైల్ స్మగ్లింగ్ కేసును ఛేదించడానికి ఐపీఎస్ అధికారిణి నిత్యా రెడ్డి పాత్రలో సాయి పల్లవి రంగంలోకి దిగుతారు. ట్రైలర్ మరియు సెన్సార్ రిపోర్ట్స్ ప్రకారం, స్టార్ హీరోల సరసన సాయి పల్లవి తన నటనతో, పవర్‌ఫుల్ యాటిట్యూడ్‌తో స్క్రీన్‌ను శాసించారని తెలుస్తోంది. ఇక ధనుష్ భార్య రోజా పాత్రలో టాలీవుడ్ సెన్సేషన్ శ్రీలీల నటించగా, ప్రముఖ నటుడు నసీరుద్దీన్ షా, రేణు దేశాయ్ కీలక పాత్రల్లో మెరిశారు.   సాంకేతిక అంశాల విషయానికి వస్తే, యువ సంగీత సంచలనం సాయి అభ్యంకర్ అందించిన నేపథ్య సంగీతం సినిమాకు ప్రాణం పోసింది.  ఎర్రచందనం అడవుల్లో సాగే యాక్షన్ సీక్వెన్స్‌లకు యానిక్ బెన్, కెచ్చా ఖంఫాక్డీ స్టంట్ కొరియోగ్రఫీ, ఎజిల్ అరసు విజువల్స్ సినిమా స్థాయిని పెంచాయి. వాస్తవానికి అక్టోబర్ 16నే విడుదల కావాల్సిన ఈ చిత్రం, పోస్ట్ ప్రొడక్షన్ పనుల కారణంగా నవంబర్ 20కి వాయిదా పడింది. తెలుగు వెర్షన్‌కు సితార ఎంటర్‌టైన్‌మెంట్స్ విడుదల చేస్తుండటం, తమిళ వెర్షన్‌లోనూ దాదాపు 30 శాతం తెలుగు డైలాగులు ఉండటం విశేషం. వింటేజ్ మాస్ ధనుష్‌కు ఇది ఒక బిగ్ కమ్‌బ్యాక్ మూవీగా నిలుస్తుందని ఫస్ట్ రివ్యూ స్పష్టం చేస్తోంది. మీకు నచ్చవచ్చు:ENE రిపీట్ ఫస్ట్ రివ్యూ! మీకు నచ్చవచ్చు:రమ్యకృష్ణ మొదటి సంపాదన వైరల్!   [Dhanush, Om, Sai Pallavi, mammotty, raj Kumar periya swami, Sreeleela]  
కొన్ని చిత్రాల ప్రచార చిత్రాలు చూస్తుంటేనే సదరు మూవీ అలా వచ్చి వెళ్లడమే కాదు.. మన మనసులో గట్టిగానే తిష్ట వేస్తుందని అనిపిస్తుంది. అలాంటి ఆనవాళ్లు 'ఆకాశంలో ఒక తార' లో కనపడుతున్నాయనే మాట సినీ సర్కిల్స్, ప్రేక్షకుల్లో వినపడుతూ ఉంది. మేకర్స్ లక్ష్యం కూడా అదే అనే విషయం ప్రీ రిలీజ్ తర్వాత చాలా స్పష్టంగా వినపడుతుంది పవన్ సాదినేని దర్శకత్వంలో రూపొందిన  ఆకాశంలో ఒక తార  ఈ నెల 20 న తెలుగుతో పాటు తమిళం, మలయాళం, హిందీ, కన్నడ భాషల్లో ప్రపంచవ్యాప్తంగా థియేటర్లలో విడుదల కానుంది. విడుదల తేదీ దగ్గరపడుతున్న నేపథ్యంలో ఇటీవల విడుదలైన ట్రైలర్, ప్రీ రిలీజ్ ఈవెంట్ విశేషాలు, అలాగే సెన్సార్ బోర్డు నుండి వచ్చిన ఫస్ట్ రివ్యూ టాక్ సినిమాపై అంచనాలను ఆకాశానికి చేర్చాయి. ఇటీవలే సెంట్రల్ బోర్డ్ ఆఫ్ ఫిల్మ్ సర్టిఫికేషన్ (CBFC) నుండి ఈ చిత్రానికి క్లీన్ 'యు/ఎ' (U/A) సర్టిఫికెట్ లభించింది. సెన్సార్ సభ్యుల నుండి  పాజిటివ్ రెస్పాన్స్ వచ్చినట్లు తెలుస్తోంది. సుమారు 160 నిమిషాల (2 గంటల 40 నిమిషాలు) నిడివితో రూపొందిన ఈ చిత్రంలో భావోద్వేగాలు, కుటుంబ బంధాలు, స్ఫూర్తిదాయక సన్నివేశాలు అద్భుతంగా పండాయని ఇండస్ట్రీ వర్గాల టాక్. 2 నిమిషాల 27 సెకన్ల నిడివి గల ట్రైలర్ కూడా డాక్టర్ ఏపీజే అబ్దుల్ కలాం సూక్తితో మొదలై, ప్రతి సన్నివేశంలోనూ ప్రేక్షకులను కట్టిపడేసింది. సాంకేతికంగా కూడా ఈ సినిమాకు అత్యున్నత స్థాయి నిపుణులు పనిచేశారు. రెండుసార్లు జాతీయ అవార్డు గెలుచుకున్న జి.వి. ప్రకాశ్ కుమార్ అందించిన సంగీతం, నేపథ్య సంగీతం సినిమాలోని ఎమోషన్స్‌ను మరో స్థాయికి తీసుకెళ్లాయని ట్రైలర్ చూస్తేనే అర్థమవుతోంది. సుజిత్ సారంగ్ సినిమాటోగ్రఫీ పల్లెటూరి అందాలను, అంతరిక్ష కలల దృశ్యాలను కళ్లకు కట్టినట్లు చూపించింది. జాతీయ అవార్డు గ్రహీత కె.ఎల్. ప్రవీణ్ ఎడిటింగ్ బాధ్యతలు నిర్వహించారు. గీతా ఆర్ట్స్, స్వప్న సినిమాస్ సమర్పణలో లైట్ బాక్స్ మీడియా పతాకంపై సందీప్ గుణ్ణం, రమ్య గుణ్ణం ఈ చిత్రాన్ని నిర్మించారు. ఇది కూడా చదవండి: ENE రిపీట్ ఫస్ట్ రివ్యూ ఇదే! ప్రీ రిలీజ్ వేడుకకు ముఖ్య అతిథిగా విచ్చేసిన ఐకాన్ స్టార్ అల్లు అర్జున్ సైతం ఈ కథ ప్రతి మహిళ కలను నిజం చేసే అద్భుతమైన చిత్రమని ప్రశంసించారు. మొత్తం మీద, మనసును హత్తుకునే కథ, దుల్కర్ సల్మాన్ నటన, జి.వి. ప్రకాశ్ సంగీతంతో 'ఆకాశంలో ఒక తార' బాక్సాఫీస్ వద్ద మరో క్లాసిక్ హిట్‌గా నిలిచే అవకాశాలు పుష్కలంగా కనిపిస్తున్నాయి. కథ విషయానికి వస్తే, ఇది ఒక సామాన్య గ్రామీణ నేపథ్యం నుండి అంతరిక్ష కలల దిశగా సాగే ఒక అద్భుతమైన ప్రయాణం. తెలుగు రాష్ట్రాల్లోని ఒక చిన్న పల్లెటూరికి చెందిన కల్పన అనే యువతి జిల్లా స్థాయిలో మొదటి ర్యాంకు సాధించిన అత్యంత ప్రతిభావంతురాలైన విద్యార్థిని. చదువులో చురుకైన కల్పనకు వ్యోమగామి (ఆస్ట్రోనాట్) కావాలనేది జీవిత ఆశయం. కానీ ఆ ఊరిలో చాలా మంది ఆమె కలను చూసి ఎగతాళి చేస్తారు, కొందరికైతే అసలు ఆస్ట్రోనాట్ అంటే ఏంటో కూడా తెలియదు. కుటుంబ సభ్యులు, సమాజం ఆమె ప్రతిభను గుర్తించకపోగా, ఆమె ఆశయాలను నిరుత్సాహపరుస్తూ పెళ్లి చేస్తారు. సరిగ్గా అలాంటి సమయంలో ఆమె జీవితంలోకి భర్తగా కృష్ణ అడుగుపెడతాడు.   భార్య కలను తన కలగా భావించి, ఆమె ఆశయాన్ని నిజం చేయడానికి కృష్ణ చేసే పోరాటమే ఈ చిత్ర ప్రధాన ఇతివృత్తం. కృష్ణ పాత్రలో దుల్కర్ సల్మాన్ ఒక పరిపూర్ణమైన, భార్యకు అండగా నిలిచే 'గ్రీన్ ఫారెస్ట్' భర్తగా ఒదిగిపోయారు. కల్పన పాత్రలో నూతన నటి సాత్విక వీరవల్లి పరిచయమవుతున్నారు. తన సహజమైన నటన, అమాయకత్వంతో సాత్విక తొలి చిత్రంతోనే ప్రేక్షకుల హృదయాలను గెలుచుకునేలా కనిపిస్తున్నారు. వీరి ప్రయాణంలో నాసా (NASA) ఉద్యోగిని రోహిణిగా శృతి హాసన్ ఒక కీలక మలుపుగా నిలుస్తారు. రోహిణితో కృష్ణ పరిచయం కల్పనను తన లక్ష్యానికి ఎలా చేరువ చేసిందనేది అత్యంత ఆసక్తికరంగా తెరకెక్కించారు.   మీకు నచ్చవచ్చు:రామాయణ కలెక్షన్ల తుఫాన్! మీకు నచ్చవచ్చు:అయ్యప్ప స్వామి జీవిత చరిత్రలో ఆ స్టార్ హీరో!   [Aakasamlo Oka Tara, Dulquer Salmaan, Satvika Veeravalli, Pawan Sadineni]
యూత్, జెన్ జీ, మూవీ లవర్స్ అవైటెడ్ గా వెయిట్ చేస్తున్న మూవీ ENE రిపీట్. ఉరఫ్ ఈ నగరానికి ఏమైంది పార్ట్ 2 .  2018 లో వచ్చిన ఈ నగరానికి ఏమైంది సీక్వెల్ కూడా కావడంతో ప్రేక్షకులు కూడా రీగర్ గా వెయిట్ చేస్తున్నారు.  ఇప్పుడు ఈ మూవీకి సంబంధించిన  ఫస్ట్ రివ్యూ ఇదే అంటూ సోషల్ మీడియాలో సరికొత్త పులకింతలు రేపుతోంది.     మూవీ స్టార్టింగ్ నుంచి చివరి వరకు ఎంటర్ టైన్ మెంట్ గా సాగుతుందని, ఎక్కడ కూడా బోర్ కొట్టకుండా కట్టుదిట్టమైన స్క్రీన్ ప్లే తో సీన్స్ వచ్చాయని ఫిలిం సర్కిల్స్ లో అంటున్నారు. సెన్సార్ బోర్డు UA' సర్టిఫికెట్ ఇవ్వడం శుభసూచికం. మూవీ చూసిన సెన్సార్ వాళ్ళు కూడా మూవీ బాగుందని చెప్పినట్టుగా సోషల్ మీడియా కథనం. నిడివి  దాదాపు 2 గంటల 35 నిమిషాలు. మొదటి భాగంలో కార్తీక్ పాత్రలో కనిపించిన సాయి సుశాంత్ రెడ్డి స్థానంలో ఈసారి 'హిట్' ఫేమ్ శ్రీనాథ్ మాగంటి జాయిన్ అవ్వడం సినిమాకు ఒక కొత్త ఫ్రెష్‌నెస్‌ను తీసుకొచ్చిందని ప్రీ-రిలీజ్ టాక్ వినిపిస్తోంది. విశ్వక్ సేన్, అభినవ్ గోమటం, వెంకటేష్ కాకుమానుల మధ్య ఉండే సహజమైన కామెడీ టైమింగ్, తెలంగాణ యాసలో సాగే పంచ్ డైలాగులు ఈసారి కూడా థియేటర్లలో నవ్వుల పువ్వులు పూయిస్తాయని విశ్లేషకులు భావిస్తున్నారు.  అయితే, మొదటి భాగంతో పోలిస్తే ఈ సీక్వెల్‌లో తరుణ్ భాస్కర్ కేవలం వినోదానికే పరిమితం కాకుండా బలమైన ఎమోషనల్ డ్రామాను కూడా జోడించినట్లు ట్రైలర్ మరియు చిత్ర బృందం మాటల ద్వారా స్పష్టమవుతోంది. ఇది కూడా చదవండి:చావు అంచుల దాకా వెళ్లొచ్చిన అమితాబ్!  కొత్తగా ఈ గ్యాంగ్‌లో చేరిన శివాత్మిక రాజశేఖర్ పాత్ర కథలో కీలక మలుపు తిప్పనుండగా, అనీషా ఆంబ్రోస్ మరోసారి షెర్లీ పాత్రలో అలరించనుంది. అంతేకాకుండా, వివేక్ సాగర్ అందించిన నేపథ్య సంగీతం మరియు పాటలు సినిమాకు ప్రధాన ఆకర్షణగా నిలుస్తున్నాయి.    బాక్సాఫీస్ లెక్కల విషయానికి వస్తే, ఇప్పటికే అడ్వాన్స్ బుకింగ్స్ రూపంలో 2,567 షోలకు గాను దాదాపు 1.95 లక్షల టికెట్లు అమ్ముడై 2.84 కోట్ల గ్రాస్ వసూలు చేయడం ఈ సినిమాపై ఉన్న క్రేజ్‌కు నిదర్శనం. ముఖ్యంగా హైదరాబాద్ నగరంలోనే అత్యధికంగా 40 శాతం బుకింగ్స్ నమోదవ్వడం విశేషం. నెగటివ్ రివ్యూలు లేదా సోషల్ మీడియా ట్రోల్స్ గురించి తాను ఏమాత్రం ఆందోళన చెందడం లేదని, నిజాయితీతో కూడిన ఒక మంచి సినిమాను ప్రేక్షకులకు అందించామనే నమ్మకంతో తరుణ్ భాస్కర్ ఉన్నారు. మరి మొదటి భాగం సృష్టించిన కల్ట్ మ్యాజిక్‌ను 'ఈఎన్ఈ రిపీట్' మళ్ళీ రిపీట్ చేస్తుందో లేదో చూడాలి.   మీకు నచ్చవచ్చు:భోగి వచ్చేస్తుంది: శర్వానంద్ హిట్ కొడుతున్నాడా! మీకు నచ్చవచ్చు:11000 కోట్ల అడ్వాన్స్ బుకింగ్స్ తో సంచలనం నమోదు!     [ENE Repeat, Vishwak Sen, Srinadh, Abinav, Tarun Bhaskar, Tollywood]  
Fatima Vijay Antony made her first public appearance in nearly five years at the pre-release event of her husband Vijay Antony's upcoming film Appakutty. The emotional occasion turned into a deeply personal moment as she spoke about their late daughter Meera and revealed how the family continues to cherish her memories. One of the most touching revelations was about Vijay Antony's decision to stop wearing expensive watches. Fatima revealed that he now wears a simple watch that belonged to Meera, which she had bought for her daughter. When she suggested that he switch to a smartwatch to monitor his health, Vijay reportedly told her, "This is my Meera's watch. From now on, she will take care of my health." Fatima also revealed why Vijay Antony is often seen walking barefoot. She said that Meera had several pairs of shoes bought for her as she was preparing to go to college. After her demise, those unused shoes remained at home, and seeing them prompted Vijay to decide that he would never wear footwear again. He wears shoes only when absolutely necessary for overseas concerts. Speaking about their daughter's belongings, Fatima said Meera always wore a single earring and that she even removed it before bidding her final farewell. The family has also kept her room exactly as she left it and is planning to turn it into their own room, as Meera had wished. Fatima also spoke about Vijay Antony's personality at home, revealing that the otherwise reserved actor has a mischievous sense of humour. She said he often breaks television sets and mobile phones through his playful antics, adding that he continues to protect and support her and their younger daughter through difficult times. Overwhelmed with emotions, Fatima concluded her speech by addressing Meera directly, saying, "Meera, wherever you are, please lead this event." She also thanked Vijay and his close friends for helping her return to public life. Her heartfelt words offered a glimpse into how the family is finding the strength to move forward while keeping Meera's memories alive.   Disclaimer: The news article is written based on information shared by various sources. The organisation is not responsible for the factual nature of them. While we do try to do thorough research at times people could misguide. So, we would encourage viewers' discretion before reacting to them.
  భారతీయ సినీ ప్రేమికులు అనే పదం పుట్టుకకి ప్రధాన ఆద్యుడు బిగ్ బి అమితాబ్ బచ్చన్.  స్వయంగా యాక్టింగ్ నే  అమితాబ్ కాళ్ళకి నమస్కరించి నేను ఇంత పవర్ ఫుల్ నా అంటుంది. మెగాస్టార్ చిరంజీవి లాంటి వాళ్ళకి కూడా నటనలో అతి పెద్ద ఇన్ స్పిరేషన్. రీసెంట్ గా అమితాబ్ చేసిన ట్వీట్ వైరల్ గా మారింది. తాజాగా అమితాబ్  'కౌన్ బనేగా కరోడ్‌పతి' (KBC) సీజన్ 18 షోలో పాల్గొన్న సందర్భంగా తన జీవితంలో జరిగిన ఒక భయానక సంఘటనను అభిమానులతో పంచుకున్నారు. గతంలో ఒక సినిమా షూటింగ్ నిమిత్తం నేపాల్‌ వెళ్లినప్పుడు తాను చావు అంచుల దాకా వెళ్లొచ్చినట్లు బిగ్ బి గుర్తుచేసుకున్నారు. ఆ సమయంలో కయాకింగ్ చేసే క్రమంలో జరిగిన ఊహించని పరిణామాలు తనను మృత్యువు అంచుల వరకు తీసుకెళ్లాయని భావోద్వేగంతో వెల్లడించారు. షూటింగ్ విరామ సమయంలో నేపాల్‌లోని ఒక అందమైన ప్రాంతంలో కయాకింగ్ చేయడానికి అక్కడున్న వారు సలహా ఇవ్వగా, మొదట ఆయన కొద్దిగా వెనుకాడినప్పటికీ ఆ సాహస క్రీడని  ప్రయత్నించేందుకు అంగీకరించారు. అయితే ఆ సన్నని, పొడవాటి చిన్న కయాక్ పడవ ఎక్కడం ఎంత కష్టంతో కూడుకున్నదో ఆయన వివరిస్తూ, కేవలం ఆ బోటులోకి ప్రవేశించడానికి దాదాపు 45 నిమిషాల సమయం పట్టిందని తెలిపారు. సరిగ్గా పడవను నడుపుతున్న సమయంలో తప్పు దిశలో తిప్పడంతో ఒక్కసారిగా పడవ బోల్తా పడింది.   పడవ బోల్తా పడినప్పుడు నీటి లోపల ఎలా ప్రవర్తించాలనే దానిపై తనకు ముందుగా కొన్ని సూచనలు అందాయని అమితాబ్ తెలిపారు. సాధారణంగా నీటి అడుగున రెండు చేట్లతో పైకి తోయాలని లేదా సహాయం కోసం నీటిలోనే చేతులు విదిలించాలని నిబంధనలు ఉంటాయని ఆయన పేర్కొన్నారు. మనిషి ఎక్కువ సేపు ఊపిరి బిగపట్టుకోలేకపోవడంతో, ఆయన ప్రాణాలను కాపాడుకోవడానికి నీటి అడుగున తీవ్రంగా చేతులు ఊపుతూ బయటపడేందుకు ప్రయత్నించారు.   ఇది కూడా చదవండి:వైరల్ గా నిలిచిన అవెంచర్స్ డూమ్స్‌డే టికెట్ రేట్స్: మీరు కూడా ఈజీగా కొనేయవచ్చు!    అయితే ఆ సమయంలో అక్కడ ఎవరూ తనను కాపాడటానికి వెంటనే రాలేదని అమితాబ్ చమత్కారంగా, అదే సమయంలో ఆందోళనకరంగా చెప్పుకొచ్చారు. తాము ఒక సినిమా షూటింగ్‌లో ఉన్నామని, ఒకవేళ ఆ చిత్రంలోని ప్రధాన హీరోనే నీటిలో మునిగిపోతే పరిస్థితి ఏంటని, ఆ తర్వాత వేరే హీరోతో సినిమా కొనసాగించాల్సి వచ్చేదని ఆయన సరదాగా గుర్తుచేసుకున్నారు. చివరికి నీటి ప్రవాహం వద్ద, అనగా వాటర్‌ఫాల్ సమీపంలో నిలబడిన ఒక వ్యక్తికి ఏదో ప్రమాదం జరుగుతోందని గమనించి, ఎంతో కష్టపడి తనను బయటకు లాగారని తెలిపారు. ఆ ప్రత్యేకమైన ప్రదేశం నుండి ఒక మనిషిని సురక్షితంగా బయటకు తీయడానికి ముగ్గురు నుండి నలుగురు వ్యక్తులు అవసరమయ్యారని, తనను రక్షించడం కూడా చాలా కష్టతరమైందని అమితాబ్ బచ్చన్ వివరించారు. ఈ భయానక అనుభవాన్ని తలచుకుంటూ ఆయన చెప్పిన విశేషాలు ప్రస్తుతం సోషల్ మీడియాలో విపరీతంగా వైరల్ అవుతున్నాయి. అందుకే అంటారు సినిమా,ప్లస్ షూటింగ్ అనేవి మహా యజ్ఞం అని.   మీకు నచ్చవచ్చు:వైరల్ గా  సాయి పల్లవి!   మీకు నచ్చవచ్చు:భోగి కొత్త రిలీజ్ డేట్ ఇదే: ఫ్యాన్స్ లో పూనకాలు!   [Amitabh Bachchan ,Nepal kayaking,  Bollywood news, Chiranjeevi]  
కొన్ని న్యూస్ ని నమ్మడం తప్ప వేరే ఛాయిస్ లేదు. ఒక వేల మంకు పట్టుపట్టి 'నమ్మం' అని బీష్మించుకొని కూర్చుంటే ఆధారాలతో సహా నిరూపించాక షాక్ తో నోరెళ్లెబెట్టాల్సిన పరిస్థితి. మరి నోరెళ్ళ బెట్టేయండి. మార్వెల్ సినిమా ప్రియులు ఎంతో ఆసక్తిగా ఎదురుచూస్తున్న మోస్ట్ అంటెసిపేటెడ్ హాలీవుడ్ చిత్రం 'అవెంచర్స్: డూమ్స్‌డే' (Avengers: Doomsday) భారతీయ బాక్సాఫీస్ వద్ద సరికొత్త ప్రకంపనలు సృష్టిస్తోంది. సినిమా విడుదలకు ఇంకా నెల రోజుల సమయం ఉండగానే, దేశవ్యాప్తంగా అడ్వాన్స్ బుకింగ్స్ అంచనాలను మించి దూసుకుపోతున్నాయి. నవంబర్ 17న మధ్యాహ్నం 12 గంటలకు పీవీఆర్ ఐనాక్స్ (PVR INOX) వంటి ప్రముఖ మల్టీప్లెక్స్ చైన్లలో ఆన్‌లైన్ టికెట్ విక్రయాలు అధికారికంగా ప్రారంభమయ్యాయి.  బుక్‌మైషో, డిస్ట్రిక్ట్ ప్లాట్‌ఫారమ్‌లలో బుకింగ్స్ మొదలైన కొద్దిసేపట్లోనే గంటకి సుమారు 10,000 టికెట్ల వరకు అమ్ముడవుతూ రికార్డు సృష్టిస్తున్నాయి. ఇప్పటికే దేశవ్యాప్తంగా దాదాపు 50,000లకు పైగా టికెట్లు హాట్ కేకులా అమ్ముడుపోవడం క్రేజ్‌కి నిదర్శనం.   ముంబై, దిల్లీ-ఎన్‌సీఆర్, బెంగళూరు, హైదరాబాద్, పూణే, కోల్‌కతా వంటి ప్రధాన నగరాల్లో ఫస్ట్ డే ఫస్ట్ షో (FDFS) కోసం ప్రేక్షకులు ఎగబడుతున్నారు. డిసెంబర్ 17న అమెరికా కంటే ఒక రోజు ముందే భారత్‌లో గ్రాండ్‌గా విడుదల కానుండటంతో అభిమానుల్లో ఉత్సాహం తారాస్థాయికి చేరింది. కొన్ని ప్రాంతాల్లో డిసెంబర్ 17 అర్ధరాత్రి 12:01 గంటలకు స్పెషల్ మిడ్‌నైట్ స్క్రీనింగ్‌లు, 24 గంటల షోలని కూడా ప్లాన్ చేశారు. ముంబై వంటి నగరాల్లో రెక్లైనర్ సీట్ల ధరలు 1,500 నుండి  1,990 వరకు ఉన్నప్పటికీ, క్షణాల వ్యవధిలోనే ఆ షోలు పూర్తిగా సోల్డ్ అవుట్ కావడం విశేషం. సాధారణ టికెట్ల ధరలు  420 నుంచి ప్రారంభమవుతున్నాయి.ముంబై, హైదరాబాద్ లాంటి అర్బన్ సిటీలతో పాటు తెనాలి లాంటి లోకల్ ప్రాంతాల్లోనూ టికెట్స్ సేల్ చేస్తున్నారు. కానీ రేట్లే.. సినీ ప్రేక్షకులకు కళ్లు బైర్లు కమ్మేలా చేస్తున్నాయి. ఇది కూడా చదవండి:భోగి కొత్త రిలీజ్ డేట్ వచ్చేసింది: ఆ మూవీకి పోటీ తప్పదా! అయితే ఈ చిత్రానికి మన దేశంలో టికెట్స్ ఆన్‌లైన్‌లో పెట్టగా ఏకంగా ఒక్కొక్కటి  4500 పైగానే విక్రయిస్తున్నారు. నేవి ముంబై ప్రాంతంలోని ఓ మల్టీప్లెక్స్‌లో ఈ రేట్లు దర్శనమిచ్చాయి. 500 నుంచి మొదలుపెట్టి ఒక్కో చోట ఒక్కోలా 1000,.2000, 3000 ఇలా టికెట్లని అమ్ముతున్నారు. ఇంతటి భారీ హైప్ రావడానికి ప్రధాన కారణం రాబర్ట్ డౌనీ జూనియర్ (Robert Downey Jr.) మార్వెల్ సినిమాటిక్ యూనివర్స్‌లోకి (MCU) తిరిగి వస్తుండటమే. అయితే అందరి అంచనాలని తలకిందులు చేస్తూ ఆయన ఈసారి టోని స్టార్క్ అనగా ఐరన్ మ్యాన్ క్యారక్టర్ లో  కాకుండా, అత్యంత శక్తివంతమైన విలన్ 'డాక్టర్ డూమ్' (Doctor Doom) రూపంలో కనిపిస్తుండటం విశేషం.    ఆంథోనీ మరియు జో రుస్సో దర్శకత్వం వహిస్తున్న ఈ భారీ బడ్జెట్ చిత్రంలో క్రిస్ హేమ్‌వర్త్, క్రిస్ ఎవాన్స్, పెడ్రో పాస్కల్, ఆంథోనీ మ్యాకీ, ఫ్లోరెన్స్ ప్యూ వంటి హాలీవుడ్ దిగ్గజ నటుల పెద్ద తారాగణం నటిస్తోంది. సుమారు 1 బిలియన్ డాలర్లు అనగా భారతీయ కరెన్సీలో సుమారు 8,500 కోట్ల భారీ బడ్జెట్‌తో  రూపుదిద్దుకుంది. భారతీయ ప్రేక్షకులని  దృష్టిలో ఉంచుకుని ఇంగ్లీష్, హిందీ, తమిళం, తెలుగు మరియు మలయాళం భాషల్లో విడుదల చేస్తున్నారు. అంతేకాకుండా, 2D, 3D, 4DX, స్క్రీన్ఎక్స్ (ScreenX) మరియు ప్రీమియం ఇన్ఫినిటీ విజన్ (Infinity Vision Certified) వంటి అత్యాధునిక ఫార్మాట్లలో  థియేటర్లలో అనుభవించవచ్చు.   మీకు నచ్చవచ్చు:11000 కోట్లు కొల్లగొట్టింది! మీకు నచ్చవచ్చు:సాయిపల్లవి హీరోయిన్ నేనా!   [Avengers Doomsday, Robert Downey Jr Doctor Doom, MCU India release, Tollywood]
అన్ని కుదిరి ఉంటే స్టిల్ శర్వానంద్ , సంపత్ నంది తో కలిసి 'భోగి'తో థియేటర్స్ లో సందడి చేస్తూ ఉండాల్సింది. మరి  ఎవరి దిష్టి తగిలిందో ఏమో సెన్సార్ సర్టిఫికెట్ రాకపోవడంతో  భోగి వాయిదా పడింది. ఈ నేపథ్యంలో తాజాగా రిలీజ్ డేట్ ఇదేనంటూ తాజా న్యూస్ ఒకటి దర్జాగా తిరుగుతూ ఉంది. మరి పూర్తి మ్యాటర్ చూద్దాం. ప్రస్తుతం భోగి సెన్సార్ కార్యక్రమాలు పూర్తిగా ముగిశాయంటూ సరికొత్త వార్తలు సోషల్ మీడియాని షేక్ చేస్తున్నాయి. లేటెస్ట్ బజ్ ప్రకారం, సెన్సార్ బోర్డు  'A' సర్టిఫికెట్ జారీ చేసినట్లు ప్రచారం జోరుగా సాగుతోంది. ఒకవేళ ఇదే నిజమైతే, శర్వానంద్ కెరీర్‌లోనే ఇది మొదటి 'A' సర్టిఫికెట్ పొందిన చిత్రంగా రికార్డు సృష్టించనుంది. విశ్వసనీయ వర్గాల సమాచారం ప్రకారం, ఈ నెల 27 న థియేటర్లలో గ్రాండ్‌గా రిలీజ్ చేయడానికి సన్నాహాలు జరుగుతున్నట్లు తెలుస్తోంది. అయితే, ఇదే తేదీకి టాలీవుడ్ క్రేజీ బ్యూటీ రష్మిక మందన్న ప్రధాన పాత్రలో నటిస్తున్న మరో క్రేజీ ప్రాజెక్ట్ 'మైసా' (Mysaa) కూడా విడుదల కావడానికి సిద్ధంగా ఉంది. దీనివల్ల నవంబర్ 27న బాక్సాఫీస్ వద్ద శర్వానంద్ 'భోగి'కి మరియు రష్మిక 'మైసా'కు మధ్య అత్యంత రసవత్తరమైన పోటీ ఏర్పడే అవకాశం ఉంది. త్వరలోనే చిత్ర యూనిట్ నుంచి ఈ కొత్త విడుదల తేదీపై అధికారిక ప్రకటన వెలువడే అవకాశం ఉంది. ఈ సినిమా కోసం శర్వానంద్ అభిమానులు ఎంతో ఆసక్తిగా ఎదురుచూస్తున్నారు.       ఒరిజినల్ రిలీజ్ డేట్  నవంబర్ 12 . కానీ  సెన్సార్ బోర్డు (CBFC) నిబంధనలు మరియు రివైజింగ్ కమిటీ పరిశీలన కారణంగా చివరి నిమిషంలో విడుదల వాయిదా పడింది. శ్రీ సత్యసాయి ఆర్ట్స్ పతాకంపై నిర్మాత కె.కె. రాధామోహన్ అత్యంత ప్రతిష్టాత్మకంగా నిర్మిస్తున్న ఈ భారీ బడ్జెట్ చిత్రంలో శర్వానంద్ సరికొత్త రస్టిక్ మరియు మాస్ అవతార్‌లో కనిపించనున్నారు. ఇది కూడా చదవండి:సాయిపల్లవి పేరుని హీరోయిన్ అని సేవ్ చేసుకున్న ఆ లెజండ్: నవ్వుకుంటున్న నెటిజెన్స్! ఇందులో ఆయన గంగా అనే పవర్‌ఫుల్ పాత్రను పోషిస్తుండగా, ఆయన సరసన అనుపమ పరమేశ్వరన్, డింపుల్ హయతి కీ రోల్స్ లో కనిపిస్తున్నారు. 1960ల కాలం నాటి తెలంగాణ-మహారాష్ట్ర సరిహద్దు ప్రాంతం నేపథ్యంలో సాగే ఈ పీరియాడిక్ యాక్షన్ డ్రామాలో గ్రామీణ కట్టుబాట్లు, సంప్రదాయాలు మరియు అక్కడ జరిగే ఉద్విగ్న భరిత సంఘటనలను అద్భుతంగా ఆవిష్కరిస్తున్నట్లు సినిమా టీజర్ ద్వారా స్పష్టమైంది. భీమ్స్ సిసిరోలియో సంగీతం అందించిన ఈ చిత్రంలోని పాటలకు ఇప్పటికే ప్రేక్షకుల నుంచి అద్భుతమైన స్పందన లభించింది.   మీకు నచ్చవచ్చు:రమ్యకృష్ణ మొదటి సంపాదన ఎంతో తెలుసా! మీకు నచ్చవచ్చు: రామాయణ ఓవర్ సీస్ కలెక్షన్స్ ఇవే!   [Sharwanand, Bhogi,Sampath Nandi, Anupama Parameswaran, Tollywood]  
ఎన్నికల వేళ జగన్ కు షాకుల మీద షాకులు తగులుతున్నాయి. ఇన్నాళ్లే జగన్ మాటే శాసనం అన్నట్లుగా అణిగిమణిగి ఉన్న వారంతా సరిగ్గా ఎన్నికల ముంగిట ధిక్కార స్వరం వినిపిస్తున్నారు. పార్టీపై తిరుగులేని పట్టు ఉందని భావిస్తున్న జగన్ కు ఆ పట్టు జారిపోవడం కళ్లముందు కనిపించేలా చేస్తున్నారు. టికెట్ నిరాకరించిన, సిట్టింగ్ స్థానాన్ని మార్చిన ఎమ్మెల్యేలు, ఎంపీలు ఇప్పటికే పార్టీని వీడి వలసబాట పట్టారు. వారితో పాటు పెద్ద సంఖ్యలో క్యాడర్ కూడా పార్టీని వీడుతున్నారు. ఇక ఇప్పుడు నామినేటెడ్ పదవులలో ఉన్న వారి వంతు మొదలైనట్లు కనిపిస్తోంది. తనకు కానీ తన భర్తకు  కానీ వచ్చే ఎన్నికలలో పోటీ చేసేందుకు టికెట్ ఇవ్వాలంటూ గత  కొంత కాలంగా కోరుతూ వస్తున్న మహిళా కమిషన్ చైర్ పర్సన్ వాసిరెడ్డి పద్మ వంతు వచ్చింది. ఆమె కూడా రాజీనామా అస్త్రం సంధించారు.  జగన్ కు నమ్మిన బంటుగా గుర్తింపు పొందిన మహిళాకమిషన్ చైర్ పర్సన్ వాసి రెడ్డి పద్మ తన పదవికి రాజీనామా చేశారు. ఉరుములేని పిడుగులా, ఎటువంటి ముందస్తు సమాచారం లేకుండా తన రాజీనామా లేఖను సీఎం జగన్ కు పంపేశారు. పేరుకు తాను పార్టీకి కాదు, కేవలం మహిళా కమిషన్ చైర్మన్ పదవికి మాత్రమే రాజీనామా చేశాననీ, ఇక నుంచి వైసీపీ కోసం పని చేస్తాననీ వాసిరెడ్డి పద్మ చెబుతున్నప్పటికీ, ఆమె రాజీనామాకు కారణం అసంతృప్తేనని పార్టీ వర్గాలు బాహాటంగానే చెబుతున్నాయి. చాలా కాలంగా వాసిరెడ్డి పద్మ వచ్చే ఎన్నికలలో పోటీ చేసేందుకు తనకు కానీ తన భక్తకు కానీ పార్టీ టికెట్ ఇవ్వాలని జగన్ ను కోరుతూ వస్తున్నారు. అయితే ఇప్పటి వరకూ జగన్ చూద్దాం.. చేద్దాం అన్నట్లుగా దాట వేస్తూనే వచ్చారు. ఇప్పుడిక వరుసగా అభ్యర్థల జాబితాలను జగన్ ప్రకటించేస్తుండటం, తనకు గానీ తన భర్తకు కానీ పార్టీ టికెట్ విషయంలో ఎటువంటి స్పస్టత ఇవ్వకపోవడంతో ఆమె మనస్తాపం చెంది పదవికి రాజీనామా చేసేశారని పార్టీ వర్గాలు చెబుతున్నాయి.  వాసిరెడ్డి పద్మ రాజకీయ ప్రవేశం ప్రజారాజ్యం పార్టీతో జరిగింది. 2009లో ఆమె ప్రజారాజ్యం పార్టీలో చేరారు. ఇలా చేరడంతోనే ఆమె ప్రజారాజ్యం అధికార ప్రతినిథిగా పదవి దక్కించుకున్నారు. ప్రజారాజ్యం కాంగ్రెస్ పార్టీలో విలీనం కావడంతో ఆమె 2012లో జగన్ పార్టీలో చేరారు. జగన్ కూడా ఆమెకు అధికార ప్రతినిథి పదవి ఇచ్చారు.  2019లో వైసీపీ అధికారంలోకి వచ్చిన తరువాత ఆమెను రాష్ట్ర మహిళా కమిషన్ చైర్ పర్సన్ గా నియమించారు. చైర్ పర్సన్ హోదాలో ఆమె జగన్ మెప్పు పొందేందుకు చేయగలిగినంతా చేశారు. ప్రతిపక్ష పార్టీ నేతలకు నోటీసులు ఇచ్చారు. ఏకంగా జనసేన అధినేత పవన్ కల్యాణ్ కు సైతం నోటీసులు జారీ చేశారు. వార్డు వలంటీర్లపై పవన్ కల్యాణ్ చేసిన వ్యాఖ్యలకు కమిషన్ ముందు హాజరై వివరణ ఇవ్వాలంటూ ఆమె పవన్ కు నోటీసులు జారీ చేసిన సంగతి తెలిసిందే. పవన్ హాజరు కాకపోవడంతో పోలీసులకు ఫిర్యాదు చేసి కేసు నమోదు చేయాలని ఆదేశించారు. ఇన్ని చేసినా వాసిరెడ్డి పద్మకు ఆమె కోరినట్లుగా పార్టీ టికెట్ లభించకపోవడంతో అలిగి పదవికి రాజీనామా చేశారని, ఇది జగన్ కు షాకేననీ పరిశీలకులు విశ్లేషిస్తున్నారు.  
సంసారంలో నిస్సంగత్వంతో ఎలా జీవించాలో గురువు బోధిస్తాడు. మనల్ని సంసారబంధాల నుండి విముక్తుల్ని చేయడానికి తోడ్పడతాడు. కానీ అనేక జన్మల సంస్కారాల వల్ల మనలో సంసారాసక్తి సన్నగిల్లకపోవడంతో గురుబోధ అవగాహన చేసుకొనే మనోపరిపక్వత కలగదు. ఒకరైతు తనకు చేసిన సేవలకు ప్రీతి చెందిన గురువు అతడికి స్వర్గ ప్రాప్తిని కలగజేయాలని అనుకుంటాడు. కానీ సంసారాసక్తి వల్ల ఆ రైతు ఆ అవకాశాన్ని వాయిదా వేసుకుంటూ వస్తాడు. చివరికి గురుకృప వల్ల ఆ రైతు స్వర్గ ప్రాప్తిని ఎలా పొందాడో ఈ కథ తెలియజేస్తుంది. "ఒక మహాపురుషుడు ప్రయాణం చేస్తూ, డస్సిపోయాడు. గొంతు ఎండిపోయింది. దారిలో ఒక రైతు కనపడితే నీళ్ళు అర్థించాడు. ఆ రైతు మహాత్మునికి సకల ఉపచారాలూ చేశాడు. చిరిగిపోయిన ఆయన ఉత్తరీయాన్ని రైతు జాగ్రత్తగా కుట్టి బాగుచేశాడు. రైతు పరిచర్యలకు సంతసించిన ఆ మహాత్ముడు శాంతి, ఆనందాలకు నిలయమైన స్వర్గానికి తనతోపాటు రమ్మని అంటాడు. అందుకు ఆ రైతు 'గురువుగారూ! మీరు నా మీద చూపిన దయకు కృతజ్ఞుణ్ణి. కానీ నా పిల్లలు ఇంకా చిన్నవాళ్ళు. ఓ ఏడేళ్ళ వ్యవధి ఇవ్వండి' అని అడుగుతాడు. అందుకు గురువు అంగీకరించాడు. సరిగ్గా ఏడేళ్ళ తర్వాత గురువు రైతును స్వర్గానికి తీసుకువెళ్ళడానికి వచ్చాడు. అప్పుడు రైతు 'అయ్యా! కడపటి కొడుకు కష్టాలకు అంతు లేదు. అన్ని జంఝాటాలనూ ఒక్కడే సంబాళించుకోలేకపోతున్నాడు. కాబట్టి మరో ఏడేళ్ళు గడువు ఇవ్వండి' అని గురువుని అడిగాడు. మరో ఏడేళ్ళ తరువాత గురువు వచ్చాడు. కానీ రైతు చనిపోయాడని తెలిసింది. చనిపోయిన ఆ రైతు ఎద్దుగా పుట్టాడని ఆ గురువు తన దివ్య దృష్టితో తెలుసుకున్నాడు. ఎద్దుగా పుట్టిన ఆ రైతు తన కొడుకు పొలాన్నే దున్నుతున్నాడు. అప్పుడు గురువు ఆ ఎద్దుపై మంత్ర జలం చిలకరించగానే ఎద్దు జన్మనెత్తిన రైతు 'నా కొడుకు పరిస్థితి మరి కాస్త మెరుగు పడనీయండి స్వామీ! మరో ఏడేళ్ళు గడువు ఇవ్వండి' అని అన్నాడు. ఇక చేసేది లేక వెనుదిరిగాడు గురువు. మరలా ఏడేళ్ళ తర్వాత వచ్చిన గురువుకు ఎద్దు చనిపోయిందని తెలిసింది. అది కుక్కగా పుట్టి కొడుకు ఇంటినీ, ఆస్తినీ కాపలా కాస్తోందని తన దివ్యదృష్టి ద్వారా తెలుసుకున్నాడు. గురువు. కుక్కగా పుట్టిన ఆ రైతు 'స్వామీ! నేను ఎంత దౌర్భాగ్యుణ్ణి. మీరు ఇంత దయ చూపుతున్నప్పటికీ మీతో స్వర్గమానం చేయలేకున్నాను. వీడికి ఆస్తిని కాపాడుకొనే దక్షత ఇంకా రాలేదు. కాబట్టి దయ చేసి మరో ఏడేళ్ళు వ్యవధి ఇవ్వండి' అని వేడుకున్నాడు. గురువు ఏడేళ్ళ తరువాత మళ్ళీ వచ్చేసరికి కుక్క మరణించింది. అది త్రాచుపాముగా జన్మనెత్తి, ఇప్పుడు కొడుకు భూమిలో ఉన్న లంకెబిందెలకు పడగెత్తి కాపలా కాస్తోంది. గుప్త ధనం ఇక్కడ ఉందని కొడుకుకి ఎలా తెలియజేయాలా అని పాము ఆలోచిస్తున్నప్పుడు గురువు ఆ రైతుకొడుకును పిలుచుకు వచ్చి లంకె బిందెలు ఉన్న చోట తవ్వమన్నాడు. లంకె బిందెలు బయటపడ్డాయి. ఆ పైన ఆ పామును చంపమన్నాడు. అనంతరం శిష్యుణ్ణి తీసుకొని స్వర్గారోహణం చేశాడు గురువు. సంసారంలోని ఈతి బాధల నుండి శిష్యుణ్ణి ఉద్ధరిస్తాడు సద్గురువు. అలాంటి గురువు అందరికీ అవసరం.                                      *నిశ్శబ్ద.
ఏద‌యినా ఒక వ‌స్తువు ఇంట్లోంచి పోయిందంటేనే ఎంతో బాధ‌గా వుంటుంది. ఎంతో ఇష్ట‌ప‌డి కొనుక్కున్న వ‌స్తువు చేజారి ప‌డి ప‌గిలిపోయినా, దొంగ‌త‌నం జ‌రిగినా, ఎక్క‌డో మ‌ర్చిపోయినా చాలా బాధేస్తుంది. దాన్ని తిరిగి పొంద‌లేమ‌ని దిగులు ప‌ట్టుకుం టుంది. కానీ 101 ఏళ్ల చార్లెటి బిషాఫ్ కు ఎంతో ఇష్ట‌మ‌యిన పెయింటింగ్  రెండో ప్ర‌పంచ యుద్ధ స‌మ‌యంలో దూర‌మ‌యింది.  80 ఏళ్లు దాని కోసం ఎదురు చూడ‌గ‌లి గింది. అదంటే మ‌రి ఆమెకు ప్రాణ స‌మానం. చాలా కాలం దొరుకుతుంద‌ని, త‌ర్వాత  ఇక దొర‌కదేమో అనీ ఎంతో బాధ‌పడింది. ఫిదా సినిమాలో హీరోయిన్ చెప్పినట్లు ఆమె గట్టిగా అనుకుని ఉంటుంది. అందుకే కాస్త ఆలస్యమైనా.. కాస్తేంటి ఎనిమిది దశాబ్దాలు ఆలస్యమైనా ఆమె పెయింటింగ్ ఆమెకు దక్కింది.   ఆ పెయింటింగ్ గ‌తేడాది ఆమెను చేరింది. ఆమెది నెద‌ర్లాండ్స్‌. ఆమె తండ్రి నెద‌ర్లాండ్స్‌లోని ఆర్నెహెమ్‌లో చిన్న‌పిల్ల‌ల ఆస్ప‌త్రి డైరెక్ట‌ర్. పోయి దొరికిన ఆ పెయింటింగ్ విష‌యానికి వ‌స్తే.. అది 1683లో కాస్ప‌ర్ నెష‌ర్ వేసిన స్టీవెన్ ఓల్ట‌ర్స్ పెయింటింగ్‌. రెండో ప్ర‌పంచ యుద్ధ స‌మ‌యంలో నాజీల ఆదేశాల‌ను చార్లెట్ తండ్రి వ్య‌తిరేకించారు. ఆయ‌న ర‌హ‌స్య జీవ‌నం సాగించేడు. కానీ ఈ పెయింటింగ్‌ని మాత్రం త‌న న‌గ‌రంలోని ఒక బ్యాంక్‌లో భ‌ద్ర‌ ప‌ర‌చ‌మ‌ని ఇచ్చార‌ట‌. 1940లో నాజీలు నెద‌ర్లాండ్ పై దాడులు చేసినపుడు ఆ బ్యాంక్ మీద ప‌డి దోచుకున్నా రు. అప్పుడు ఈ పెయింటింగ్ కూడా తీసుకెళ్లారు. యుద్ధం అయిపోయిన త‌ర్వాత ఈ పెయింటింగ్ ఎక్క‌డున్న‌దీ ఎవ‌రికీ తెలియ‌లేదు. చిత్రంగా 1950ల్లో డ‌స‌ల్‌డార్ష్ ఆర్ట్ గ్యాల‌రీలో అది ప్ర‌త్య‌క్ష‌మ‌యింది. 1969లో ఆమ్‌స్ట‌ర్‌డామ్‌లో దాన్ని వేలానికి తీసికెళ్లే ముందు దాన్ని ఆ ఆర్ట్ గ్యాల‌రీలో వుంద‌ని చూసిన‌వారు చెప్పారు. వేలంపాట త‌ర్వాత మొత్తానికి ఆ పెయింటింగ్‌ను 1971లో ఒక క‌ళాపిపాసి త‌న ద‌గ్గ‌ర పెట్టుకున్నాడు.    ఆ త‌ర్వాత 2021లో అది చార్లెటీని చేరింది.  మొత్తానికి వూహించ‌ని విధంగా ఎంతో కాలం దూర‌మ‌యిన గొప్ప క‌ళాఖండం తిరిగి త‌న వ‌ద్ద‌కు చేర‌డంలో చార్లెటీ ఆనందానికి అంతేలేదు. అంతే క‌దా.. పోయింద‌నుకున్న గొప్ప వ‌స్తువు తిరిగి చేరితే ఆ ఆనంద‌మే వేరు!  అయితే చార్లెటీకి ఇపుడు ఆ పెయిం టింగ్‌ను భ‌ద్రంగా చూసుకునే ఆస‌క్తి వున్న‌ప్ప‌టికీ శ‌క్తి సామ‌ర్ధ్యాలు లేవు. అందుక‌నే త్వ‌ర‌లో ఎవ‌రిక‌యినా అమ్మేసీ వ‌చ్చిన సొమ్మును పిల్ల‌ల‌కు పంచుదామ‌నుకుంటోందిట‌!  చార్లెటీ కుటుంబంలో అయిదుగురు అన్న‌ద‌మ్ములు అక్క‌చెల్లెళ్లు వున్నారు. అలాగే ఇర‌వై మంది పిల్ల‌లు ఉన్నారు. అంద‌రూ ఆమె అంటే ఎంతో ప్రేమ చూపుతున్నారు. అంద‌రం ఒకే కుటుంబం, చాలాకాలం త‌ర్వాత ఇల్లు చేరిన క‌ళాఖండం మా కుటుంబానిది అన్న‌ది చార్లెటీ!
ఓ వంక ఐదు రాష్ట్రాల అసెంబ్లీ ఎన్నికలు జరుగుతుంటే, మరో వంక జాతీయ స్థాయిలో, బీజేపీ, కాంగ్రెస్ పార్టీలకు తృతీయ ప్రత్యాన్మాయంగా థర్డ్ ఫ్రంట్ ఏర్పాటు ఆలోచనలు  జోరందుకున్నాయి. ఇటీవల కాంగ్రెస్ పార్టీకి రాజీనామా చేసిన ఆ పార్టీ సీనియర్ నాయకుడు, పీసీ చాకో, నేషనలిస్ట్ కాంగ్రెస్ పార్టీ(ఎన్సీపీ)లో చేరారు. చాకోను పార్టీలోకి ఆహ్వానిస్తూ, ఎన్సీపీ అధినేత శరద్ పవార్’ ఫ్రంట్ ఏర్పాటు గురించి ప్రత్యేకించి ఎలాంటి వ్యాఖ్యలు చేయలేదు కానీ, చాకో అలాంటి  సంకేతాలు ఇచ్చారు. ప్రస్తుతం దేశంలో ఉన్న ఏ ఒక్కపార్టీ కూడా బీజేపీకి ప్రత్యాన్మాయం కాదని,సమీప భవిష్యత్ కాంగ్రెస్ సహా ఏ పార్టీ కూడా ఆ స్థాయికి ఎదిగే అవకాశాలు కూడా కనిపించడంలేదని అన్నారు. ఈ పరిస్థితుల్లో దేశంలోని బీజేపీ వ్యతిరేక పార్టీలన్నీ, ఏకమై, ఒకే గొడుగు కిందకు రావలసిన అవసరం ఉందని చాకో అన్నారు. అదే సమయంలో ప్రతిపక్షాలను ఏక తాటిపైకి తెచ్చే బాధ్యతను పవార్ తీసుకోవాలని సంకేత మాత్రంగా చెప్పారు. అంతే కాకుండా కాంగ్రెస్ పేరు ఎత్తకుండా బీజేపీ వ్యతిరేక శక్తులను ఏకం చేసే ఆలోచన ఆ పార్టీ నాయకత్వానికి లేదని నెహ్రూ గాంధీ ఫ్యామిలీ (సోనియా, రాహుల్, ప్రియాంక)ఆలోచనా ధోరణిని పరోక్షంగానే అయినా ఎండ కట్టారు.ఆ విధంగా పవార్ ఆ బాధ్యత తీసుకోవాలని చాకో సూచించారు. ఇందుకు సంబంధించి, పవార్ బహిరంగంగా ఎలాంటి వ్యాఖ్య చేయలేదు. అయితే, చాకో సహా మరికొందరు ‘సీనియర్’ కాంగ్రెస్ నాయకులు, అలాగే సిపిఎం, సిపిఐ నాయకులు కూడా పవార్’తో చాలా కాలంగా థర్డ్ ఫ్రంట్  విషయంగా చర్చలు జరుపుతున్నట్లు సమాచారం. అయితే మహారాష్ట్రలో సంకీర్ణం మనుగడను దృష్టిలో ఉంచుకుని పవార్ ఆచితూచి అడుగులేస్తున్నట్లు తెలుస్తోంది. అందుకే చాకో పార్టీలో చేరిన సందర్భంలో కూడా ‘చాకో చేరికతో మహారాష్ట్రలోని మహా వికాస్ అగాడీ ప్రభుత్వానికి ఎలాంటి నష్టం జరగదని, పవార్ మహారాష్ట్ర సంకీర్ణ సర్కార్ ప్రస్తావన చేశారని విశ్లేషకులు పేర్కొంటున్నారు.  మహారాష్ట్ర సంకీర్ణ ప్రభుత్వ మనుగడ గురించ్బి  పవార్ ప్రత్యేకంగా పేర్కొనడం ద్వారా, ఆయన థర్డ్ ఫ్రంట్ విషయంలో వేచి చూసే ఆలోచనలో ఉన్నట్లు అర్థమవుతోందని కూడా  రాజకీయ విశ్లేషకులు భావిస్తున్నారు. అయితే అదే ఎన్సీపీ అసెంబ్లీ ఎన్నికల జరుగతున్న కేరళలో, పశ్చిమ బెంగాల్లో  కాంగ్రెస్ వ్యతిరేక పార్టీలకు మద్దతు ఇస్తోంది. దీన్ని బట్టి చూస్తే, ఎన్సీపీ - కాంగ్రెస్ మధ్య దూరం పెరుగుతోందని స్పష్టమవుతోంది. అయితే, థర్డ్ ఫ్రంట్ ఏర్పాటు ఏ రకంగా ముడి పడుతుంది అనే విషయంలో ఇంకా స్పష్టత రావలసి ఉంది. అలాగే, కాంగ్రెస్ లేకుండా జాతీయ స్త్గాయిలో బీజేపీ వ్యతిరేక కూటమిని ఏర్పాటు చేయడం వలన, వ్యతిరేక ఓటు చీలి  అది మళ్ళీ బీజేపీకే మేలు చేస్తుందని, కాబట్టి, ప్రస్తుతం కాంగ్రెస్ సారధ్యంలోని యూపీఏని బలోపేతం చేయడమే ఉత్తమమనే అలోచన కూడా  విపక్ష శిబిరం నుంచి వినవస్తోంది. ఈ నేపధ్యంలోనే, ప్రస్తుతం యూపీఏ ఛైర్పర్సన్’గా ఉన్న సోనియా గాంధీ వయసు, అనారోగ్యం కారణంగా బాధ్యతల నుంచి తప్పుకుని పవార్’కు బాద్యతలు అప్పగించాలనే ప్రతిపాదన వచ్చిందని అంటున్నారు. అలాగే, ఇతర పార్టీలను, ముఖ్యంగా కాంగ్రెస్ నుంచి విడిపోయి సొంత కుంపటి పెట్టుకున్న మమతా బెనర్జీ సారధ్యంలోని తృణమూల్, జగన్మోహన్ రెడ్డి సారధ్యంలోని వైసీపీలను కలుపుకుని కూటమిని బలోపేతం చేయడం ద్వారా బీజేపీని దీటుగా ఎదుర్కోవచ్చనే ఆలోచనలు కూడా సాగుతున్నాయి. అయితే, ఇటు థర్డ్ ఫ్రంట్ ఏర్పాటు అయినా, యూపీఏని బలోపేతం చేయడమే అయినా, పవారే .. కేంద్ర బిందువు. ఆయన సారధ్యంలోనే ప్రత్యాన్మాయం అనేది విపక్ష శిభిరం నుంచి వినవస్తున్న ప్రస్తుత సమాచారం. మరి అదే జరిగితే రాహుల గాంధీ పరిస్థితి ఏమిటి ? గాంధీ నెహ్రూ కుటుంబం పరిస్థితి ఏమిటి? ఏ ప్రత్యేక ప్రాధాన్యత లేకుండా అందరిలో ఒకరిగా ఫస్ట్ ఫ్యామిలీ సర్దుకు పోతుందా? అంటే..చివరకు ఏమవుతుందో .. ఇప్పుడే చెప్పలేమని రాజకీయ విశ్లేషకులు భావిస్తున్నారు.
తెలంగాణ  రాష్ట్ర బడ్జెట్ 2021-22ను ఆర్థిక మంత్రి హరీష్ రావు, ఈ నెల18న సభలో ప్రవేశ పెడతారు.కరోనా కారణంగా, ప్రస్తుత ఆర్థిక సంవత్సరం (2020-21)లో ఎదురైన ఆర్థిక ఇబ్బందుల నేపధ్యంగా ప్రవేశపెడుతున్న బడ్జెట్ కావడంతో  సహజంగానే అందరిలోనూ ఆసక్తి నెలకొంది. గతంలో అనేక సందర్భాలలో ముఖ్యమంత్రి కేసీఆర్,ఆర్థిక మంత్రి హరీశ రావు, కరోనా కారణంగా రాష్ట్ర  ఆదాయం గణనీయంగా తగ్గిందని, పేర్కొన్నారు. అయితే, కరోనా నుంచి వేగంగా కోలుకుని, ఆర్థికంగా అంతే వేగంగా పుంజుకున్న రాష్ట్రాలలో తెలంగాణ ప్రధమ స్థానంలో  ఉందని కేంద్ర ప్రభుత్వ ఆర్థిక సర్వే 2020-21 నివేదిక పేర్కొంది. పడిలేచిన కెరటంలా, తెలంగాణ ‘వీ’ ఆకారంలో ఆర్థికంగా నిలతొక్కుందని కేంద్రం జనవరి  చివరి వారంలో విడుదల చేసిన ఆర్థిక సర్వేలో పేర్కొంది. అలాగే, రెవిన్యూ వసూళ్ళలో రాష్ట్రం కరోనా పూర్వస్థితికి చేరిందని కూడా సర్వే చెప్పింది.   అలాగే,రాష్ట్ర ఆర్థిక మంత్రి హరీష్ రావు కూడా ఈ మధ్య కాలంలో రాష్ట్ర ఆర్థిక పరిస్థితి పై సంతృప్తిని వ్యక్త పరిచారు. గత సంవత్సరమ జనవరి,ఫిబ్రవరి, మార్చి నెలలతో పోలిస్తే ఈ సంవత్సరం ఈ మూడు నెలల కాలంలో రాష్ట్ర ఆర్థిక వృద్ది రేటు 10 నుంచి  15 శాతం మెరుగ్గా ఉందని హరీష్ రావు ఒకటి రెండు ఇంటర్వ్యూలలో పేర్కొన్నారు.అలాగే, బడ్జెట్ విషయంలోనూ ఆయన చాల ఆశావహ దృక్పథంతోనే ఉన్నారు. బడ్జెట్  పాజిటివ్’గా ఉంటుదని, ఎవ్వరూ ఎలాంటి ఆందోళన చెందవలసిన అవసరం లేదని, సంక్షేమ పథకాలలో,ఇతరత్రా బడ్జెట్ కేటాయింపులలో ఎలాంటి కోతలు ఉండవని కూడా హరీష్ హామీ ఇచ్చారు. గత సంవత్సరంలో కొంత మేర హామీ ఇచ్చిన మేరకు అమలు చేయలేక పోయిన సొంత జాగాలలో డబల్ బెడ్ రూమ్ ఇళ్ళ నిర్మాణం, రుణ మాఫీ వంటి  పథకాలను ఈ బడ్జెట్ ద్వారా అమలు చేస్తామని చెప్పారు. అలాగే, అసెంబ్లీ బడ్జెట్ సమావేశాల సందర్భంగా గవర్నర్ తమిళి సై చేసిన ప్రసంగంలోనూ ఆశావహ దృక్పధమే వ్యక్తమైంది. ఆమె తమ ప్రసంగంలో,  ప్రభుత్వం సంక్షేమ పథకాలకు పెద్ద పీట వేసిందని అన్నారు. ‘సంపద పంచాలి ,పేదలకు పంచాలి’ అనేది తమ ప్రభుత్వ విధానమని స్పష్టం చేశారు. అలాగే, పెరుగతున్న ఆదాయంలో అధికశాతం సంక్షేమానికే వెచ్చిస్తున్నామని స్పష్టం చేశారు. దీంతో బడ్జెట్’లో కొత్త పథకాలకు శ్రీకారం చుట్టే అవకాశం ఉంటుందా అన్న చర్చ జరుగుతోంది. మరో వంక ఉద్యోగ వర్గాల్లో పీఆర్సీకి సంబంధించి ఆర్థిక మంత్రి తమ ప్రసంగంలో  ప్రకటన చేస్తారా లేదా అనే ఆసక్తి నెలకొంది. అలాగే, సామాన్య  ప్రజలు ఇటీవల పెరిగిన పెట్రోల్, డీజిల్, వంటగ్యాస్ ధరల భారం నుంచి మంత్రి హరీష్, ఏదైనా ఉపసమనం కలిపిస్తారా అని ఎదురు చూస్తున్నారు. గతంలో వైఎస్సార్ ముఖ్యమంత్రిగా ఉన్న సమయంలో సామాన్య ప్రజలపై వంటగ్యాస్ ధర భారాన్ని తగ్గించేందుకు కొంత మొత్తాన్ని, రూ.50(?) రాష్ట్ర ప్రభుత్వం తరపున  సబ్సిడీగా ఇచ్చిన విషయాన్ని, అదే విధంగా అసెంబ్లీ ఎన్నికలు జరుగతున్న తమిళనాడులో డిఎంకే పార్టీ,తమ పార్టీని అధికారంలోకి వస్తే  గ్యాస్ బండపై వంద రూపాయల సబ్సిడీ ఇస్తామని చేసిన  వాగ్దానాన్ని  గుర్తు చేస్తున్నారు. ఇదిలా ఉంటే, ముఖ్యమంత్రి చంద్రశేఖర రావు, సోమవారం ఆర్థిక మంత్రి హరీష్ రావు, రాష్ట్ర ప్రభుత్వ ప్రధాన కార్యదర్శి సోమేశ్ కుమార్, ఆర్థిక  శాఖ ముఖ్య కార్యదర్శి రామ కృష్ణా రావు,సలహాదారు జీఆర్ రెడ్డితో బడ్జెట్ పద్దులఫై సుదీర్ఘంగా చర్చించి తుది మెరుగులు దిద్దారు. బడ్జెట్ తుది రూపం సిద్దమైన నేపధ్యంలో ఆర్థిక శాఖ ప్రింటింగ్ ఏర్పాట్లు చేస్తోంది. ఈ నెల 18 ఉదయం మంత్రి వర్గం ఆమోదం పొందిన అనంతరం ఆర్థికమంత్రి హరీష్ రావు అదే రోజు రాష్ట్ర బడ్జెట్ 2021-22ను సభలో ప్రవేశ పెడతారు. 20, 22 తేదీల్లో బడ్జెట్‌పై సాధారణ చర్చ,23, 24, 25 తేదీల్లో బడ్జెట్‌ పద్దులపై చర్చ ఉంటుంది 26న ద్రవ్యవినిమయ బిల్లు (బడ్జెట్)పై చర్చ, సభామోదం ఉంటాయి.
అబద్ధాలు, అర్థ సత్యాలు, వ్యక్తిగత దూషణలు, అర్ధంపర్ధం లేని ఆరోపణలతో సుమారు నెలరోజులకు పైగా తెలంగాణలో సాగుతున్న పట్టభద్రుల ఎమ్మెల్సీ ఎన్నికల ప్రచారానికి శుక్రవారం సాయంత్రంతో తెర పడింది.రాష్ట్రంలోని మహబూబ్‌నగర్‌-హైదరాబాద్‌-రంగారెడ్డి పట్టభద్రుల నియోజకవర్గంతో పాటుగా,నల్లగొండ-ఖమ్మం-వరంగల్‌ స్థానానికి ఫిబ్రవరి 16 తేదీన నోటిఫికేషన్ వెలువడినా, ఎన్నికల ప్రచారం మాత్రం అంతకు చాలా ముందే అభ్యర్ధుల స్థాయిలో స్థానికంగా ఎన్నికల ప్రచారం ప్రారంభమైంది.  అధికార తెరాస, ఖమ్మం స్థానానికి సిట్టింగ్ ఎమ్మెల్సీ పల్లా రాజేశ్వర రెడ్డి పేరును ప్రకటించడంలో కొంచెం జాప్యం చేయడంతో పాటుగా, హైదరాబాద్ స్థానం నుంచి , పీవీ కుమార్తె వాణీ దేవి పేరును చివరి క్షణంలో తెరమీదకు తేవడంతో అంత వరకు కొంత స్తబ్దుగా సాగిన ప్రచారం ఆ తర్వాత వేడెక్కింది. ఉద్యోగ నియామకాల విషయంలో తెరాస కార్యనిర్వాహక అధ్యక్షుడు, మంత్రి కేటీఆర్ తప్పులో కాలేయడంతో విపక్షాలు, పోటీలో ఉన్న ప్రత్యర్ధులు, నిరుద్యోగ యువత, విద్యార్ధి సంఘాలు  ఒకే సారి ఆయన మీద  విరుచుకు పడ్డారు. ఆయన లెక్క తప్పని నిరుపిస్తం రమ్మని వరస సవాళ్ళు విసిరారు. దీంతో, మంత్రి నియామకా ఇష్యూని పక్కకు తప్పించేందుకు , ఐటీఐఆర్, వరంగల్ రైల్వే ఫ్యాక్టరీ వంటి సెంటిమెంటల్ ఇష్యూస్’ను తెరపైకి  తెచ్చారు. అలాగే, కేంద్ర ప్రభుత్వంపై విమర్శల దాడిని పెంచారు. చివరకు పొరుగు రాష్ట్రానికి చెందిన విశాఖ ఉక్కు ఆందోళన   కూడా ఎమ్మెల్సీ ఎన్నికల ప్రచారంలో భాగమైంది.   రెండు నియోజక వర్గాలలో గతంతో పోలిస్తే ఈసారి ఓటర్ల సంఖ్య రెట్టింపు అయింది. ఈసారి రెండు నియోజక వర్గాలలో కలిపి 10 లక్ష 36 వేల మంది తమ ఓటు హక్కును వినియోగించుకుంటారు. అలాగే, రెండు పట్ట భద్రుల నియోజక వర్గాల్లో 164 మంది అభ్యర్ధులు పోటీలో ఉన్నారు.  గత ఎన్నికలతో పోలిస్తే ఇటు ఓటర్ల సంఖ్య, అటు అభ్యర్థుల సంఖ్యా రెట్టింపునకు పైగానే పెరగడంతో ఎన్నికలలో జోష్ పెరిగింది. దీనికితోడు అధికార, ప్రతిపక్ష పార్టీలు ప్రతిష్ఠాత్మకంగా తీసుకోవడంతో సాధారణ ఎన్నికలను తలపించే రీతిలో ప్రచారం సాగింది. ఎక్కువమంది అభ్యర్ధులు బరిలో ఉండడంతో, ప్రభుత్వ వ్యతిరేక ఓటు చీలి  తమకే ప్రయోజనం జరుగుతుందని అధికార పార్టీ ఆశపడుతోంది .  దుబ్బాక, జీహెచ్‌ఎంసీ ఎన్నికల్లో చేదు ఫలితాలను చవిచూసిన టీఆర్‌ఎస్‌ పార్టీ ఎమ్మెల్సీ ఎన్నికలను అత్యంత ప్రతిష్ఠాత్మకంగా తీసుకుంది. ముఖ్యమంత్రి కేసీఆర్ స్వయంగా వ్యూహ రచన చేసి కేటీఆర్, హరీష్ సహా మంత్రులు,ఎమ్మెల్యేలకు స్పెసిఫిక్ బాధ్యతలు అప్పగించారు. అలాగే,కాంగ్రెస్‌ అభ్యర్థులు చిన్నారెడ్డి, రాములునాయక్‌లకు మద్దతుగా ఉత్తమ్‌, భట్టి, రేవంత్‌రెడ్డి, కోమటిరెడ్డి వెంకట్‌రెడ్డి తదితరులు విస్తృతంగా ప్రచారం చేశారు. బీజేపీ అభ్యర్థులు ఎన్‌.రాంచందర్‌రావు, ప్రేమేందర్‌రెడ్డిల తరఫున ఆ పార్టీ రాష్ట్ర అధ్యక్షుడు బండి సంజయ్‌, ఎంపీ అరవింద్‌ తదితరులు ప్రచారాన్ని వేడెక్కించారు.  ఖమ్మం స్థానం నుంచి ప్రత్యక్ష ఎన్నికల్లో తొలిసారి పోటీకి దిగిన కోదండరాంకు, టీజేఎస్‌ పార్టీకీ ఈ ఎన్నికలు కీలకంగా మారాయి. ఖమ్మ స్థానం నుంచి పోటీ చేస్తున్న తీన్మార్ మల్లన్న ముందస్తు వ్యూహంతో ప్రధాన పార్టీల అభ్యర్ధులకు ధీటుగా ప్రచారం సాగించారు.  వామపక్షాల మద్దతుతో జయసారథి, తెలంగాణ ఇంటి పార్టీ అధ్యక్షుడు చెరుకు సుధాకర్‌, యువతెలంగాణ కార్యనిర్వాహక అధ్యక్షురాలు రాణీ రుద్రమ తదితరులు పోటీలో ఖమ్మం సీటును పట్టభద్రులు  ఎవరికి  పట్టం కడతారు అన్నది ప్రశ్నార్థకంగా మారింది. హైదరాబాద్ సీటు కూడా ఇటు అధికార తెరాసకు అటు సిట్టింగ్ సీటును నిలుపుకోవడం తో పాటుగా దుబ్బాక , జీహెచ్ఎంసి జోష్ ను కొనసాగించాలని ఆశ పడుతున్నబీజేలకే కూడా ఇజ్జత్ కీ సవాల్ గా మారింది. కాంగ్రెస్ అభ్యర్ధి పార్టీ సీనియర్ నాయకుడు సౌమ్యుడు, మాజీ మంత్రి చిన్నారెడ్డి, వామ పక్షాల మద్దతుతో పోటీ చేస్తున్న మాజీ ఎమ్మెల్సీ ప్రొఫెసర్ నాగేశ్వర్ కూడా గట్టి పోటీ ఇస్తున్నారు. సో.. చివరకు ఏమి జరుగుతుంది అంటే ఏదైనా జరగవచ్చును. ఈ నెల 14 వ తేదీన పోలింగ్ జరుగుతుంది.17 ఫలితాలు వస్తాయి .. అంతవరకు వెయిట్ అండ్ వాచ్ .  
సహజంగా కష్టాల్లో ఉన్నపుడు ఎవరికైనా దేవుడు గుర్తు వస్తారు. లౌకిక వాద రాజకీయ నాయకులకు అయితే హటాత్తుగా  తాము హిందువులం అనే విషయం జ్ఞప్తికి వస్తుంది. పశ్చిమ బెంగాల్ ముఖ్యమంత్రి, తృణమూల్ పార్టీ అధినాయకురాలు మమతా బెనర్జీకి   కూడా తానూ హిందువును అనే విషయం ఇప్పుడు గుర్తుకొచ్చింది. ఒకప్పుడు ఎర్ర జెండాను దిగ్విజయంగా ఎదిరించి, మార్క్సిస్టులను మట్టి కరిపించిన మమతా దీదీ ప్రస్తుతం, కాషాయ కూటమి నుంచి గట్టి సవాలును ఎదుర్కుంటున్నారు. వరసగా పదేళ్ళు పాలించడం వలన సహజంగా వచ్చిన ప్రభుత్వ వ్యతిరేకత  కంటే, హిందూ ఓటు పోలరైజేషన్ ఆమెను మరింతగా భయపెడుతోంది. నిజానికి ఐదేళ్ళ క్రితం జరిగిన అసెంబ్లీ ఎన్నికల్లో కేవలం ఐదు శాతం కంటే తక్కువ ఓట్లు, మూడంటే మూడు అసెంబ్లీ సీట్లు మాత్రమే గెలుచుకున్న బీజేపీ..  2019 లోక్ సభ ఎన్నికల్లో ఏకంగా 40 శాతం ఓట్లతో 18 స్థానాలు గెలుచుకుంది. ఈ  మార్పు ఇంకా కొన్ని కారణాలు ఉంటే ఉండవచ్చును కానీ.. హిందువుల ఓటు పోలరైజ్  కావడమే ప్రధాన కారణం.  ఈ నేపధ్యంలోనే కాంగ్రెస్, తృణమూల్ కాంగ్రెస్ చివరకు కమ్యూనిస్టులు కూడా బీజేపీలో  చేరారు. ఎన్నికల ప్రకటన వెలువడిన తర్వాత కూడా సిట్టింగ్ ఎమ్మెల్ల్యేలు సహా  తృణమూల్ టికెట్ వచ్చిన నాయకులు కూడా బీజేపీలో చేరుతున్నారు. అనేక మంది ఇతర రంగాల ప్రముఖులు, ముఖ్యంగా ఇంతకాలం, బీజేపీని హిదుత్వ అనుకూల ‘అచ్చుత్’ (అంటారని) పార్టీగా చూసిన ‘సెక్యులర్’ ప్రముఖులు కాషాయం కప్పుకోవడంతో మమతా బెనర్జీకి కొంచెం అలస్యంగానే అయినా, తత్త్వం బోధపడింది. అందుకే ఆమె ఇప్పుడు గుళ్ళూ,గోపురాలకు తిరుగుతున్నారు. కార్యకర్తల సమావేశాల్లో తానూ హిందువునేనని, చెప్పుకుంటున్నారు.  నిజానికి ఇలా నేనూ హిందువునే  అని సెక్యులర్ నేతలు బహిరంగంగా ప్రకటించుకోవడం మమతా బెనర్జీతోనే మొదలు కాలేదు. రాహుల్ గాంధీ తాను హిందువునని, జన్యుధారీ కశ్మీరీ బ్రాహ్మణుని అనీ.. తమ గోత్రం, ‘దత్తాత్రేయ’ గోత్రమని బహిరంగంగా ప్రకటించుకున్నారు. అలాగే  కొద్ది రోజుల క్రితం ప్రియాంకా గాంధీ తానూ హిందువునని చెప్పుకునేందుకు ‘మౌని అమావాస్య’ సందర్భంగా అలహాబాద్ లో గంగా స్నానం చేశారు. గతంలోనూ ఆమె ఎన్నికలకు ముందు గంగా యాత్ర చేశారు. అంతవరకు ఎందుకు కొద్దిరోజుల క్రితం సిపిఐ నారాయణ విశాఖ స్వామి ఆశీస్సులు తీసుకున్నారు. చంద్రబాబు, జగన్ రెడ్డి, కేసీఆర్ ఇలా తెలుగు నేతలు అనేక మంది లౌకిక వాదానికి కాలం చెల్లిందన్న సత్యాన్ని గ్రహించి కావచ్చు ‘నేనూ హిందువును’ అంటూ ప్రకటించుకునేందుకు పోటీ పడుతున్నారు. రాముడిని తలచుకున్నా, జై శ్రీరామ్ అన్నా తమ  లౌకిక వాదం మయలపడి పోతుందని భయపడిన నాయకులు ఇప్పుడు .. జై శ్రీరామ్ అనేందుకు కూడా వెనకాడడం లేదు.
దేశంలోని ఉత్తరాది రాష్ట్రాలలో అటు కాంగ్రెస్ ఇటు స్థానికంగా ఉన్న ప్రాంతీయ పార్టీలను మట్టి కరిపిస్తూ అధికారాన్ని కైవసం చేసుకుంటున్న బీజేపీ.. దక్షిణాదికి వచ్చేసరికి ఒక్క కర్ణాటకలో తప్ప ఇతర రాష్ట్రాలలో ఎన్ని ప్రయత్నాలు చేసినా ఏమాత్రం సక్సెస్ కాలేకపోతోంది. గత కొంత కాలంగా సబర్మలతో సహా అనేక అంశాలపై స్పందిస్తూ.. కేరళను టార్గెట్ చేస్తున్న బీజేపీ నాయకులు అక్కడ తమ జెండా ఎగరేయడానికి అన్ని ప్రయత్నాలు చేస్తున్నారు. తాజాగా పార్టీ పాలసీని కూడా పక్కన పెట్టి మెట్రో మ్యాన్ శ్రీధరన్ ను పార్టీలో చేర్చుకుని ఆయనే తమ సీఎం అభ్యర్థి అని ప్రకటించిన 24 గంటలలో యూ టర్న్ తీసుకున్నారు. ఇది ఇలా ఉండగా ప్రస్తుతం సీఎంగా ఉన్న కమ్యూనిస్ట్ నేత పినరై విజయన్ పై గోల్డ్ స్మగ్లింగ్ ఆరోపణలు రావడంతో.. ఈ ఎన్నికలలో ఎల్డిఎఫ్ భవిష్యత్తుపై ప్రజలు ఏ తీర్పు ఇవ్వబోతున్నారనే ఉత్కంఠ సర్వత్రా నెలకొంది ఈ నేపథ్యంలో అక్షరాస్యతలో దేశంలోనే మొదటి స్థానంలో ఉన్న ఆ రాష్ట్ర ప్రజలు ఎవరిని ఆశీర్వదిస్తారు అనే అంశంపై ప్రముఖ మీడియా సంస్థ టైమ్స్ నౌ, సీ ఓటరుతో కలిసి ఒక సర్వేను నిర్వహించారు. ఈ సర్వే ప్రకారం చూస్తే పాపం కమలనాథులు అక్కడ పవర్ చేతికి రావటం అటుంచి కనీసం రెండు మూడు అసెంబ్లీ స్థానాల్లో గెలవటం కూడా కష్టమేనని ఆ సర్వే తేల్చి చెబుతోంది. కేరళలో ఈసారి జరిగే అసెంబ్లీ ఎన్నికలలో బీజేపీ తన హవా చాటుతుందన్న ఆ పార్టీ నేతల మాటలలో ఎలాంటి నిజం లేదని.. ప్రస్తుతానికి అది ఏమాత్రం సాధ్యం కాదని ఈ తాజా సర్వే తేల్చి చెప్పింది. అంతేకాకుండా మొత్తం 140 స్థానాలు ఉన్న కేరళలో.. ప్రస్తుత సీఎం పినరయి విజయన్ నేతృత్వంలోని లెఫ్ట్డ్ డెమొక్రటిక్ ఫ్రంట్ కు 82 సీట్లు పక్కా అని.. ఆయనే తిరిగి అధికారాన్ని నిలబెట్టుకుంటాడని సర్వే చెపుతోంది. అదే సమయంలో కాంగ్రెస్ నేతృత్వంలోని యూనైటెడ్ డెమొక్రాటిక్ ఫ్రంట్ కు 56 నుంచి 60 వరకు సీట్లు వచ్చే అవకాశం ఉందని ఈ సర్వేలో తేలింది. అంతేకాకుండా 2016 ఎన్నికలతో పోలిస్తే ఎల్ డీఎఫ్ ఓటింగ్ శాతం కూడా కొంత పెరగటం ఇక్కడ గమనార్హం. ప్రస్తుతం సీఎంగా ఉన్న విజయన్ మరోసారి సీఎం కావాలని 43.34 శాతం మంది మొగ్గు చూపినట్లుగా సర్వేలో తేలింది. కరోనా సమయంలో విజయన్ సీఎంగా బాగా పని చేసారని ఈ సర్వే పేర్కొంది. మరోపక్క దేశ ప్రధానిగా రాహుల్ గాంధీ ఉండాలని కేరళ ప్రజల్లో 55.84 శాతం మంది కోరుకుంటున్నట్లుగా ఈ సర్వే;లో తేలింది. అయితే కేరళలో ఎలాగైనా పాగా వేయాలని పట్టుదలతో కృషి చేస్తున్న బీజేపీకి ఈసారి కూడా నిరాశ తప్పదని ఈ సర్వేలో స్పష్టం అయింది. ఈ ఎన్నికలలో బీజేపీకి రెండు సీట్లు కూడా రావటం కూడా కష్టమేనని ఈ సర్వే తేల్చింది. అయితే ఎన్నికలకు ముందు ఇలాంటి సర్వేలు బయటకు రావడం.. తరువాత అందులో కొన్ని చతికిల పడడం మనం చూస్తూనే ఉన్నాం. మరి ఈ సర్వే ఫలితాలు నిజామా అవుతాయో లేదో తేలాలంటే కొద్దీ రోజులు వెయిట్ చేయాల్సిందే.        
రాజకీయాలు అంటేనే అదో జూదం. పూలమ్మిన చోటనే కట్టెలు అమ్మవలసి రావచ్చును. అలాంటి పరిస్థితే వచ్చినా, తలవంచుకుని పోగలిగితేనే, ఎవరైనా రాజకీయాలలో రాణించగలరు. అలాకాదని, అలిమి కానిచోట, కూడా తామే అధికులమని భావిస్తే, ఎందుకూ కాకుండా పోతారు. అలాంటి వారు ఇద్దరూ కూడా ఇప్పుడు మన కళ్ళముందే ఉన్నారు.  జయలలిత జీవించి ఉన్నత కాలం, ఆమె నెచ్చలిగా పేరొందిన శశికళ, తమిళ రాజకీయాల్లో ఓ వెలుగువెలిగారు. కొన్ని విషయాల్లో జయలలిత కంటే, ఆమె మోర్ పవర్ఫుల్ లేడీ అనిపించుకున్నారు. ముఖ్యమంత్రులు, మంత్రులు కూడా ఆమె ముందు చేతులు కట్టుకుని నిలుచున్నారు.ఆమెకు పాదాభివందనాలు చేశారు. అలాగే జయ మరణం తర్వాత ఆమె పరిస్థితి ఏమిటో కూడా వేరే చెప్పవలసిన, అవసరం లేదు. జైలు పాలయ్యారు. సర్వం తానై నడిపించిన పార్టీ నుంచి  బహిష్కరణకు గురయ్యారు. జయ ఉన్నంత వరకు తన వారుగా ఉన్న వారందరూ కానివారయ్యారు. ఒంటరిగా మిగిలారు.  నిజానికి నాలుగేళ్ళు జైలు జీవితం గడిపిన తర్వాత కూడా ఆమె తలచుకుంటే.. రాష్ట్ర రాజకీయాలలో, ముఖ్యంగా అధికారంలో ఉన్న డిఎంకే కూటమిలో అలజడి సృష్టించగలరు. ఎన్నికలలో ఆమె గెలవక పోవచ్చును కానీ.. తనను కాదన్న అన్నాడిఎంకేను ఓడించగలరు. అయిన  ఆమె అందుకు విరుద్ధంగా  రాజకీయాలకు వీడ్కోలు పలికి మౌనంగా పక్కకు తప్పుకున్నారు. రాజకీయ సన్యాసం ప్రకటించారు. ఉమ్మడి శతృవు డిఎంకే ను ఓడించేందుకు అన్నా డిఎంకే కూటమి  పోటీ చేయాలని, కూటమి ఐక్యతను దెబ్బతీయరాదనే ఉద్దేశంతోనే ఆమె రాజకీయ సన్యాసం ప్రకటించారు.    శశికళ మౌనంగా వెళ్లి పోవడం వెనక ఇంకా అనేక కారణాలున్నా ,అసలు కారణం ఆమె, రాజకీయ విజ్ఞత, వివేకం. ఆమె జైలుకు వెళ్ళిన సమయంలో జయలలిత సమాధి వద్ద ఎంత కసిగా, కోపంగా ‘మౌన’ ప్రతిజ్ఞ చేశారో చూశా. అలాంటి ఆమె ఇప్పుడు ఇలా ‘మౌనం’గా వెనకడుగు వేశారంటే, అది ఆలోచించ వలసిన విషయమే.ఆమె వ్యుహతంకంగానే సంచలన నిర్ణయం తీసుకున్నారు. ఇప్పటికే అనేక మంది అనేక కోణాల్లో శశికళ సంచలన నిర్ణయాన్ని విశ్లేషించారు.జైలు జీవితం తర్వాత కూడా అన్నా డిఎంకే నాయకులు తనను అగ్రనేతగా అంగీకరించక పోవడం, అమిత్ షా చెప్పినా.. అన్నా డిఎంకే నాయకులు ఆమెను, మేనల్లుడు దినకరన్’ను కులం పేరున, కుటుంబం పేరున దూరం చేయడం, తిరిగి పార్టీలోకి తీసుకోకపోవడంతో ఆమె మనసు కష్టపెట్టుకుని, సన్యాస నిర్ణయం తీసుకున్నారని కొందరంటున్నారు. పార్టీ మీద పట్టు లేదని, చరిష్మా అసలే లేదని, అందుకే ఆమె అలా నిశ్శబ్ధంగా రాజకీయ సన్యాసం స్వీకరించారని ఇంకొందరు విశ్లేషించారు. ఈ విశ్లేషణలో కొంత నిజం ఉంటే ఉండవచ్చును.. కానీ ఆమె గతాన్ని, నైజాన్ని గుర్తు చేసుకుంటే ఆమె స్ట్రైక్ బ్యాక్ వ్యూహంతోనే ఒకడుగు వెనక్కివేశారని ఆమెతో సన్నిహితంగా మెలిగినవారు, ఆమె రాజకీయ చాణక్యం తెలిసిన వారు అంటారు.   నిజానికి జైలులో ఉన్న కాలంలో కానీ, జైలు నుంచి విడుదలై వచ్చిన తర్వాత కానీ, ఆమె రాజకీయ సన్యాసం వైపు అడుగులు వేస్తున్నట్లు కనిపించలేదు. బెంగుళూరు జైలు నుంచి విడుదలై చెన్నైలో ప్రవేశించిన నప్పుడు ఆమె పెద్ద కాన్వాయ్ తో  తమ కారుకు అన్నాడిఎంకే జెండాతోనే ఎంటరయ్యారు. అలా ఎంట్రీలోనే రాజకీయ ఆకాంక్షను వెంట తెచ్చుకున్నారు. చివరకు ‘సన్యాస’ ప్రకట చేసే వరకు కూడా ఆమె రాజకీయ కార్యకలాపాలు సాగిస్తూనే ఉన్నారు. అటు ఢిల్లీని ఇటు చెన్నైనికూడా కదిల్చారు. అంతేకాదు, రాజకీయాలపై విరక్తితో కాదు, రాజకీయ కసితో, ఉమ్మడి శత్రువు (డిఎంకే) ను ఓడించేందుకే తాను రాజకీయాలనుంచి తపుకుంటున్నట్లు చెప్పారు.  సో .. సన్యాసం తీసుకోవాలనే ఆలోచన, రాజకీయవ్యూహం లోంచి పుట్టిందే కానీ,వైరాగ్యంతో పుట్టింది కాదు ,అన్నవిశ్లేషణ వాస్తవానికి ఇంకొంత దగ్గరగా ఉందని అనుకోవచ్చును. ఇది ‘కామా’నే కాని ‘ఫుల్స్టాప్’ కాదని అంటున్నారు.  ముఖ్యమంత్రి ఎడప్పాడి కే. పళని స్వామి (ఈపీఎస్) ఆమెను పార్టీలోకి అనుమతిస్తే తన కుర్చికీ ఎసరు పెడతారనే భయంతోనే,, ఆమె ఎంట్రీని అడ్డుకున్నారు. ఉప ముఖ్యమంత్రి పన్నీర్ సెల్వం, శశికళ ఒకే సామజిక వర్గానికి చెందిన వారు కావడం కూడా, ముఖ్యమంత్రి ఈపీఎస్’ భయానికి కారణంగా పేర్కొంటారు. అందుకే  ఆయన, ‘మన్నార్గుడి’ ఫ్యామిలీని బూచిగా చూపించి, ఆమెను దూరంగా ఉంచారని పార్టీలో ఒక వర్గం గట్టిగా విశ్వసిస్తుంది. అయితే ఆమె శక్తియుక్తులను కూడతీసుకుని  పులిలా పంజా విసిరేందుకే ఆమె వ్యూహాత్మకంగా ఒక అడుగు వెనక్కి వేశారు కావచ్చును అని కూడా, తమిళ రాజకీయ వర్గాల్లో ఒక చర్చ జరుగుతోంది.  గతంలో ఆమె జయలలితతో విబేధాలు వచ్చిన సమయంలో కూడా ఇలాగే కొద్ది కాలం మౌనంగా తెర చాటుకు వెళ్లి పోయారు.  కొద్ది కాలంలోనే మళ్ళీ ‘పోయస్ గార్డెన్’లో ప్రత్యక్షమయ్యారు. జయలలిత స్వయంగా ఆమెను వెనక్కి పిలుపించుకోవలసిన పరిస్థితులను సృష్టించారు. అలా  మళ్ళీ  చక్రం తిప్పారు. జయలలిత మరణం వరకు ఆమె అందరికీ చిన్నమ్మగా అమ్మకు పెద్దమ్మగా సర్వం తానై నిలిచారు. చివరకు జయ అంత్యక్రియల్లో కూడా ఆమెదే పై చేయిగా కనిపించింది.   జయలలిత చనిపోయిన సందర్భంలోనే అన్నా డిఎంకే ఎమ్మెల్ల్యేలో సుమారు 30 మంది వరకు ఆమెకు మద్దతుగా ఉన్నారన్న వార్తలొచ్చాయి. నిజానికి,ఇప్పటికి కూడా ఒక్క అన్నా డిఎంకే లోనేకాదు,డిఎంకే ఇతర పార్టీలలో కూడా  ఆమె అవసరం ఉన్న వాళ్ళు ఉన్నారు. కొన్ని కొన్ని నియోజకవర్గాల్లో ‘మన్నార్గుడి’ ఫ్యామిలీ మద్దతు లేకుండా గెలిచే అవకాశం లేదు.  ఇవ్వన్నీ నిజమే అయినా.. అన్నీ ఉండి, ఎవరు లేని శశికళలో, ఇంకా  ఎవరి కోసం తాపత్రయ పడాలి? అనే ప్రశ్న జనించి ఉంటే, ఆమె రాజకీయ సన్యాసం నిజం కావచ్చును. ఎందుకంటే ఆమె నెచ్చలి, జయలిత లేరు, భర్త అంతకంటే ముందే చనిపోయారు, పిల్లలు లేరు... పైగా నాలుగేళ్ళ జైలు జీవితం ఆమెలో మార్పు తెచ్చి ఉండవచ్చును. ఈ వయస్సులో తనవారంటూ ఎవరు లేని తనకు రాజకీయాలు ఎందుకు ? శేష జీవితాన్ని ఇలా సాగిద్దామనే ఆలోచన నిజంగా వచ్చి ఉంటే, ఆమె సన్యాసం సత్యం అయినా కావచ్చును, కాకపోనూ వచ్చును. కానీ  శశికళ... ఆమెను అర్థం చేసుకోవడం, అంచనా వేయడం , అంత తేలిగ్గా అయ్యే పని కాదు..
కాంగ్రెస్ పార్టీలో రగులుతున్న అంతర్యుద్ధం కొత్త పుంతలు తొక్కుతోంది. మరిన్ని మలుపులు తిరుగుతోంది.ఇటీవల జమ్మూలో సమావేసమైన జీ 23 నాయకులు  అసమ్మతి స్వరాన్ని పెంచారు. కాంగ్రెస్ అధినాయకత్వం పై నేరుగా అస్త్రాలు సంధించారు. రాహుల్ గాంధీ పేరు చెప్పకుండానే, ఆయన నాయకత్వానికి పనికిరాడని తేల్చి చెప్పారు. ఎవరైనా పార్టీ అధ్యక్షుడు అయితే కావచ్చును, కానీ, ప్రజానాయకుడు కాలేడని, రాహుల గాంధీ ప్రజానాయకుడు కాదు కాలేరు,అని ప్రధానమంత్రి నరేంద్ర మోదీ తరచూ రాహుల్ గాంధీని ఉద్దేశించి చేసే  ‘నామ్’ధారీ వ్యంగ్యాస్త్రాన్నే కాంగ్రెస్ సీనియర్ నాయకులు కూడా సందించారు. ఇక అక్కడి నుంచి విధేయ, అసమ్మతి వర్గాల మధ్య మాటల యుద్ధం ఎదో ఒక రూపంలో సాగుతూనే వుంది. అదే క్రమంలో పశ్చిమ బెంగాల్ అసెంబ్లీ ఎన్నికల్లో కాంగ్రెస్ పార్టీ, కరుడు కట్టిన ముస్లిం మతోన్మాది, అబ్బాస్ సిద్దిఖీతో కాంగ్రెస్ పార్టీ చేతులు కలపడం అసమ్మతి నాయకులకు మరో అస్త్రాన్ని అందించింది. విషయంలోకి వెళితే, ఇటీవల పశ్చిమ బెంగాల్ అసెంబ్లీ ఎన్నికల ప్రచారంలో భాగంగా లోక్’సభలో కాంగ్రెస్ పక్ష నాయకుడు, పశ్చిమ బెంగాల్ పీసీసీ అధ్యక్షుడు అధీర్’రంజన్ చౌదరి, ముస్లిం మత ప్రచారకుడు, అబ్బాస్ సిద్దిఖీతో  వేదిక పంచుకున్నారు.అంతకు ముందే వామ పక్ష కూటమితో  పొత్తు కుదుర్చుకున్న కాంగ్రెస్ పార్టీ, సిద్ధిఖీ సారధ్యంలోని ఇండియన్ సెక్యులర్ ఫ్రంట్ (ఐఎస్ఎఫ్)ను కూటమిలో చేర్చుకుంది. ఇలా కాంగ్రెస్ వర్కింగ్ కమిటీ (సీడబ్ల్యూసీ) అమోదం లేకుండా మతోన్మాద ఐఎస్ఎఫ్’ తో ఎన్నికల పొత్తు పెట్టుకోవడం ఆ పార్టీ నాయకుడు,సిద్ధిఖీతో  పీసీసీ చీఫ్ వేదిక  పంచుకోవడం పై అసమ్మతి నేతలు మండి పడుతున్నారు. ఇలా సిద్దిఖీతో వేదిక పంచుకోవడం పార్టీ మౌలిక సిద్ధాంతాలకు వ్యతిరేకం అంటూ అసమ్మతి వర్గానికి చెందిన కీలక నేత, రాజ్యసభ సభ్యుడు,ఆనంద్ శర్మ మండిపడ్డారు. అంతే కాదు, సిద్ధిఖీ సారధ్యంలోని ఇండియన్ సెక్యులర్ ఫ్రంట్ (ఐఎస్ఎఫ్)తో జనవరిలో కుదుర్చుకున్న పొత్తుకు కాంగ్రెస్ వర్కింగ్ కమిటీ (సీడబ్ల్యూసీ)అమోదం లేదని ఆనంద్ శర్మ, అభ్యంతరం వ్యక్త చేశారు. పార్టీ విశ్వసించే లౌకిక వాదానికి కాంగ్రెస్ అధిష్టానం తీసుకున్న నిర్ణయం గొడ్డలి పెట్టని ఆయన తీవ్రంగా స్పందించారు.   శర్మ వ్యాఖ్యలపై అధీర్ రంజన్ చౌదరి అంతే ఘాటుగా ప్రతిస్పందించారు. “నిజాలు తెలుసుకోండి ఆనంద్ శ‌ర్మ జీ” అంటూ ఆయ‌న వ‌రుస ట్వీట్లు చేశారు. వ్య‌క్తిగ‌త ప్ర‌యోజ‌నాలు ప‌క్క‌న‌పెట్టి, ప్ర‌ధానిని పొగిడి టైమ్ వేస్ట్ చేయ‌కండంటూ ఆయ‌న ఓ ట్వీట్లో అన్నారు. ఆనంద్ శ‌ర్మ అన‌వ‌స‌రంగా కాంగ్రెస్‌ను ల‌క్ష్యంగా చేసుకుంటున్నార‌ని, ఈ అంశాన్ని పెద్ద‌ది చేసి చూపిస్తున్నార‌ని విమ‌ర్శించారు. ఆయ‌న ఉద్దేశాలు స‌రైన‌వే అయితే నేరుగా తనతో మాట్లాడ వలసిందని అన్నారు. బెంగాల్‌లో సీపీఐ(ఎం) కూట‌మికి నేతృత్వం వ‌హిస్తోంది. అందులో కాంగ్రెస్ ఓ భాగం. మ‌త‌తత్వ‌, విభ‌జ‌న రాజ‌కీయాలు చేస్తున్న బీజేపీకి చెక్ పెట్ట‌డానికే ఈ కూట‌మి అని మ‌రో ట్వీట్‌లో అధిర్ రంజ‌న్ అన్నారు. అక్కడతోనూ ఆగలేదు ... ట్వీట్ల మీద ట్వీట్లు సంధిస్తూ, ఆనంద్ శర్మ, బీజేపీ మత విభజన, అజెండాను బలపరుస్తున్నారని, పరోక్షంగా జీ23 నాయకులు బీజేపీకి ప్రయోజనం చేకూరుస్తున్నారని ఆరోపించారు.అంతే కాదు, క్షేత్ర స్థాయి వాస్తవ పరిస్థితులు తెలియకుండా, ఆనంద్ శర్మ పార్టీ మీద దండెత్తడం ఉచితం కాదని చౌదరి ఎదురుదాడి చేశారు. అసమ్మతిలో అసమ్మతి. ఇదలా ఉంటే, కాంగ్రెస్ పార్టీ  సమూల పక్షాళన కోరుతూ సోనియా గాంధీకి,గత సంవత్సరం  జీ 23గా ప్రాచుర్యం పొందిన సీనియర్ నాయకులు రాసిన లేఖపై సంతకాలు చేసిన  నాయకుల్లో నలుగురు,జమ్మూలోసమావేసమైన నాయకుల తాజా నిర్ణయాలు, వ్యాఖ్యలు,విమర్శల పట్ల అసంతృప్తిని వ్యక్త పరిచారు. గత సంవత్సరం సోనియా గాంధీకి రాసిన లేఖలో ప్రస్తావించిన అంశాలకు కట్టుబడి ఉన్నామని, అయితే, జీ 23లోని కొందరు సహచరులు, ఇటీవల గీతదాటి చేస్తున్న వ్యాఖ్యలు, విమర్శలను తాము సమర్ధించడం లేదని ఆ నలుగురు పేర్కొన్నారు. ఇందులో ముఖ్యంగా, రాజ్యసభ మాజీ డిప్యూటీ చైర్మన్, పీజే కురియన్ అయితే, “కాంగ్రెస్ పార్టీని బలోపేతం చేసేందుకు అవసరమైన సంస్కరణలు తెచ్చేందుకు చేసే ప్రయత్నాలను పూర్తిగా సమర్దిస్తాను, కానీ, ‘లక్ష్మణ రేఖ’ దాటితే ఒప్పుకునేది లేదు”అని అసమ్మతిలో అసమ్మతికి తెర తీశారు.అలాగే, ఢిల్లీ మాజీ ముఖ్యమంత్రి షీలా దీక్షిత్ కుమారడు, మాజీ ఎంపీ సందీప్ దీక్షిత్,మధ్య ప్రదేశ్ సీనియర్ కాంగ్రెస్ నాయకుడు అజయ్ సింగ్’ కూడా గులాం నబీ ఆజాద్, కపిల్ సిబల్, ఆనంద్ శర్మ, మనీష్ తివారీ వంటి జీ 23 కీలక నేతలు అధినాయకత్వంపై చేసిన వ్యాఖ్యలను తప్పు పట్టారు. అలాగే, పార్టీ సీనియర్ నాయకుడు కేంద్ర మాజీమంత్రి వీరప్ప మొయిలీ కూడా,గత సంవత్సరం పార్టీ సీనియర్ నాయకులు  ఒక పరిమిత లక్ష్యంతో  సోనియా గాంధీకి లేఖ రాయడం జరిగిందని, ఆ పేరున జరుగతున్న  కార్యక్రమాలు లేఖ సంకల్పానికి  విరుద్ధమని అన్నారు. జీ 23 కార్యకలాపాలపై రాహుల్ గాంధీ కూడా పరోక్షగా స్పందించారు, ఒకప్పుడు ఎన్ఎస్’యుఐ, యూత్ కాంగ్రెస్’ కు సంస్థాగత ఎన్నికలు వద్దన్న వారే ఇప్పుడు ఇంకోలా మాట్లాడుతున్నారని పరోక్షంగానే అయినా సంస్థాగత ఎన్నికలు నిర్వహించడంతో పాటుగా, పార్టీ పక్షాలనకు తమ కుటుంబం వ్యతిరేకం కాదని, అందుకు సిద్ధంగా ఉన్నామని చెప్పారు. ఈ నేపధ్యంలో కాంగ్రెస్ పార్టీలో చెలరిగిన కలకలం  ఇక ముందు ఏమవుతుందో .. ఇంకెన్ని  మలుపులు తిరుగుతోందో ..చూడవలసిందే కానీ ఉహించలేము.
పంచతంత్రంగా పిలుచుకుంటున్న ఐదు రాష్టాల అసెంబ్లీ ఎన్నికల్లో అద్భతం జరగబోతోంది. కేంద్ర ఎన్నికల సంఘం నాలుగు రాష్ట్రాలు, కేంద్రపాలిత ప్రాంతం పుదుచ్చేరి అసెంబ్లీ ఎన్నికల షెడ్యూలు ప్రకటించిన వెంటనే, వివిధ సంస్థలు అసెంబ్లీ ఎన్నికలు జరిగే  అస్సాం. పశ్చిమబెంగాల్, తమిళనాడు రాష్ట్రాలతో పాటుగా కేరళలోనూ ఒపీనియన్ పోల్స్ నిర్వహించాయి. ఆ ఒపీనియన్ పోల్ ఫలితాలు నిజంగా నిజం అయితే, కేరళలో మళ్ళీ సీపీఎం సారధ్యంలోని వామపక్ష కూటమి అధికారంలోకి వస్తుంది. ఇదే ఆ అద్భుతం. ఎందుకంటే, గత నాలుగు దశాబ్దాలలో కేరళ అసెంబ్లీ ఎన్నికల్లో ఒకే కూటమి వరసగా రెండవసారి అధికారంలోకి వచ్చిన చరిత్ర లేనే లేదు. ఒక సారి ఎల్డీఎఫ్ అధికారంలోకి వస్తే ఐదేళ్ళ తర్వాత కాంగ్రెస్ సారధ్యంలోని ఐక్య ప్రజాస్వామ్య కూటమి(యూడీఎఫ్) అధికారంలోకి రావడం, దేవభుమిలో దైవ నిర్ణయమా అన్నట్లుగా ప్రతి ఎన్నికల్లోనూ అధికారం చేతులు మారుతూ వస్తోంది. అలాంటిది, ఈసారి ఒపీనియన్ పోల్స్ నిజమై వరసగా రెండవసారి వామపక్ష కూటమి అధికారంలోకి వస్తే, అది చరిత్రే అవుతుంది. ఇక ఒపీనియన్ పోల్స్ విషయానికి వస్తే, జాతీయ న్యూస్ ఛానెల్ ఏబీపీ, సీ ఓటర్ సంస్థలు సంయుక్తంగా ఒపీనియన్ పోల్స్ నిర్వహించాయి. ఈ సర్వే ప్రకారం, 140 స్థానాలున్న కేరళ అసెంబ్లీలో వామపక్ష కూటమికి 83 నుంచి  91 స్థానాలు, యూడీఎఫ్ కూటమికి 47 నుంచి 55 స్థానాలు మాత్రమే దక్కుతాయని తెలుస్తోంది. కాంగ్రెస్ అగ్రనేత రాహుల్ గాంధీ ప్రాతినిధ్యం వహిస్తున్న రాష్ట్రంలో ఇలా జాతకాలు తిరగబడడంపై సోషల్ మీడియాలో,’లెగ్ మహిమ’ లాంటి జోక్స్  ట్రోలవుతున్నాయి. అయితే 2016లో జరిగిన ఎన్నికల్లో కేవలం 47 సీట్లకే పరిమితం అయిన కాంగ్రెస్’కు ఈసారి ఒకటీ అరా సీట్లు ఎక్కువస్తే, రావచ్చును. అదే కాంగ్రెస్’కు కాసింత ఊరట. అదలా ఉంటే, పశ్చిమ బెంగాల్లో సైతం పట్టు సాధించిన బీజేపే, కేరళలో మాత్రం పట్టు కాదు కదా, పట్టుమని పది సీట్లు తెచ్చుకునే స్థితిలో లేదు. నిజానికి, దేశంలో బీజేపీకి అసలు ఏ మాత్రం మింగుడు పడని రాష్ట్రాలు ఎవైన ఉన్నాయంటే కేరళ, ఆంధ్ర ప్రదేశ్ రాష్ట్రాల  పేర్లే ప్రముఖంగా వినిపిస్తాయి. ఈ సారి కూడా కమల దళం కేరళలో కాలు పెట్టె పరిస్తి లేదని సర్వే ఫలితాలు చెపుతున్నారు. ఎప్పటిలానే ఇప్పడు కూడా  బీజేపీకి సున్నా నుంచి రెండు సీట్లు వచ్చే అవకాశం ఉందని, సర్వేస్వరుల అభిప్రాయంగా ఉంది. కేరళలో మొత్తం 140 స్థానాలకు ఏప్రిల్ 6 తేదీన ఒకే విడతలో పోలింగ్ జరుగుతుంది. మే 2 తేదీన ఫలితాలు వెలువడతాయి. కేరళ ఎలక్షన్ పై యావత్ దేశం ఆసక్తి కనబరుస్తోంది.    
కేంద్ర ఎన్నికలసంఘం ‘పాంచ్ పటాక’ గంట కొట్టింది. అస్సాం, పశ్చిమ బెంగాల్, కేరళ, తమిళనాడు రాష్ట్రాలు, పుదుచ్చేరి కేంద్ర పాలిత ప్రాంతాల అసెంబ్లీ ఎన్నికల షెడ్యూలును కేంద్ర ఎన్నికల సంఘం విడుదలచేసింది. ఎన్నికల గంట మోగడంతో మొదలైన మరో భారత ‘మినీ’  సంగ్రామానికి మే 12 తేదీన జరిగే ఓట్ల లెక్కింపుతో తెర పడుతుంది.ఈలోగా వివిధ అంచల్లో పోలింగ్ జరుగుతుంది.  నాలుగు రాష్ట్రాలు, ఒక కేంద్ర పాలిత ప్రాంతం ఓటరు తీర్పుకు వెళుతున్నా, అందరి దృష్టి, ముఖ్యంగా ప్రాంతీయ పార్టీల ఏలుబడిలో ఉన్న ఉభయ తెలుగు రాష్ట్రాలు, మరీ ముఖ్యంగా ఇప్పటికే బీజేపీ కన్నుపడిన తెలంగాణ రాష్ట్ర ప్రజలు, రాజకీయ పార్టీల దుష్టి  మాత్రం పశ్చిమ బెంగాల్ పైనే వుంది.  పశ్చిమ బెంగాల్లో ‘అద్భుతం’ జరిగి బీజేపీ విజయం సాధిస్తే, ఇక  కమల దళం ఫోకస్, తెలంగాణకు షిఫ్ట్ అవుతుంది. ఇది అందరికీ తెలిసిన బహిరంగ రహస్యం. ఈ నేపధ్యంలో బెంగాల్ అసెంబ్లీ ఎన్నికల ఫలితాలు ఎలా ఉంటాయి అనే విషయంలో రాష్ట్ర రాజకీయ వర్గాల్లో జోరుగా చర్చ జరుగుతోంది. బెంగాల్లో బీజేపీ గెలిస్తే, ఇప్పటికే అంతర్గత కుటుంబ కలహాలతో సతమతవుతున్న తెరాస నాయకత్వానికి మరిన్నితిప్పలు తప్పవన్న మాట అంతఃపుర వర్గాలలో సైతం వినవస్తోంది.  పశ్చిమ బెంగాల్’లో ఎలాగైతే కమలదళం ఓ వంక తమ ట్రేడ్ మార్క్, హిందుత్వ రాజకీయాలు సాగిస్తూ, మరో వైపు నుంచి ‘ఆకర్ష్’ అస్త్రంతో అధికార పార్టీని నిర్వీర్యం చేసిన విధంగానే, ఇక్కడ కూడా ఫిరాయింపులను ప్రోత్సహింఛి పార్టీని నిట్టనిలువునా చీల్చే ప్రమాదాన్ని కొట్టివేయలేమని పార్టీ వర్గాలు కూడా అనుమానం వ్యక్త పరుస్తున్నాయి.  ఇప్పటికే తెలంగాణ  బీజేపీ నాయకులు 30 మంది తెరాస ఎమ్మెల్యేలు తమ టచ్ లో ఉన్నారని బెదిరిస్తున్నారు.అది నిజం అయినా కాకపోయినా..తెరాసలో అసంతృప్తి అగ్గి రగులుతోందనేది మాత్రం ఎవరూ కాదనలేని నిజం. అంతే కాకుండా రాష్ట్రానికి వచ్చిన కేంద్రనాయకులు ఎవరిని పలకరించినా, నెక్స్ట్ టార్గెట్ తెలంగాణ అని ఎలాంటి సషబిషలు లేకుండా కుండబద్దలు కొడుతున్నారు.అందుకే, బెంగాల్లో బీజేపీ గెలిస్తే.. అనే ఊహా కూడా  గులాబీ గూటిలో గుబులు పుట్టిస్తోంది. అయితే, బెగాల్’లో బీజేపీ గెలిస్తే ఒక్క తెలంగాణలోనే కాదు, దేశ రాజకీయ వాతావరణంలోనే పెను మార్పులు చోటు చేసుకుంటున్నాయని రాజకీయ విశ్లేషకులు భావిస్తున్నారు.  అలాగే,  దేశ ముఖ చిత్రంలో కూడా పెను మార్పులు తప్పవని అంటున్నారు. అయితే రాజకీయాలలో ఎప్పుడు ఏం జరుగుతుందో.. ఎవరూహించెదరు..
చాలామంది భారతీయుల దినచర్య ఉదయం పూట ఒక వేడి వేడి టీ కప్పుతోనే ప్రారంభమవుతుంది. దానికి తోడు రెండు బిస్కెట్లు తింటే అల్పాహారం పూర్తయినట్లుగా ఎంతో సంతృప్తిగా భావిస్తారు. తక్కువ ఖర్చుతో, ఎంతో సులభంగా దొరికే ఈ సాధారణ అలవాటు దాదాపు ప్రతి మధ్యతరగతి ఇళ్లలోనూ కనిపిస్తుంది. అయితే ప్రతిరోజూ ఉదయం అల్పాహారంగా కేవలం టీ, బిస్కెట్లు మాత్రమే తీసుకుంటే ఆరోగ్యంపై ఎలాంటి తీవ్ర ప్రభావం పడుతుందనేది చాలామందికి తెలియదు. కన్సల్టెంట్ డైటీషియన్, డయాబెటిస్ ఎడ్యుకేటర్ కనికా మల్హోత్రా తెలిపిన వివరాల ప్రకారం, ఈ అలవాటును కేవలం 30 రోజుల పాటు నిరంతరం కొనసాగిస్తే శరీరంలో ఊహించని మార్పులు చోటు చేసుకుంటాయి. టీ, బిస్కెట్లు తినడం అప్పటికప్పుడు ఆకలిని తాత్కాలికంగా తగ్గించినప్పటికీ, శరీరానికి అవసరమైన ఎలాంటి పౌష్టికాహారాన్ని అందించడంలో పూర్తిగా వెనుకబడతాయి. ముఖ్యంగా ప్యాకెట్లలో లభించే బిస్కెట్లలో మైదా పిండి, రిఫైండ్ చక్కెర, అదనపు కొవ్వు పదార్థాలు అధిక మోతాదులో నిండి ఉంటాయి. అలాగే తీపి కలిపిన టీ నేరుగా రక్తంలో చక్కెర స్థాయిలపై తీవ్ర ప్రభావం చూపుతుంది. ప్రొటీన్లు, పీచు పదార్థాలు పూర్తిగా లోపించిన ఇలాంటి అల్పాహారం తీసుకోవడం వల్ల రోజువారీ శక్తి తగ్గిపోవడం, ఆకలి నియంత్రణ కోల్పోవడం మరియు జీవక్రియ మందగించడం జరుగుతుంది. ఉదయం పూట మైదాతో తయారైన బిస్కెట్లు, చక్కెర కలిపిన పానీయాలు తీసుకోవడం వల్ల రక్తంలో గ్లూకోజ్ స్థాయిలు క్షణాల్లో వేగంగా పెరిగే అవకాశం ఉంటుంది. ఈ అకస్మాత్తుగా పెరిగిన చక్కెర స్థాయిలను నియంత్రించడానికి శరీరం అత్యవసరంగా ఇన్సులిన్‌ను విడుదల చేస్తుంది. ఇలాంటి ఆహారపు అలవాట్లను ప్రతిరోజూ క్రమం తప్పకుండా కొనసాగిస్తే కొంతమందిలో ఇన్సులిన్ నిరోధకత ఏర్పడే ప్రమాదం గణనీయంగా పెరుగుతుంది. ముఖ్యంగా ఇప్పటికే ప్రీడయాబెటిస్ లేదా మధుమేహ సమస్యల బారిన పడినవారు ఇలాంటి ఆహారపు పొరపాట్ల విషయంలో అత్యంత అప్రమత్తంగా ఉండాలి. బిస్కెట్లలో ఫైబర్ మరియు ప్రొటీన్లు నామమాత్రంగా ఉండటం వల్ల ఎక్కువసేపు కడుపు నిండిన భావన అస్సలు కలగదు. దీనివల్ల ఉదయం 10 గంటల సమయానికే విపరీతమైన ఆకలి వేయడం, శరీరం నీరసించిపోవడం, తీవ్రమైన అలసట, చిరాకు మరియు ఏకాగ్రత తగ్గడం వంటి సమస్యలు ఎదురవుతాయి. అంతేకాకుండా, నెల రోజుల పాటు ఈ అలవాటును పాటిస్తే శరీరానికి కావలసిన విటమిన్లు, కాల్షియం, బి విటమిన్లు వంటి ముఖ్యమైన పోషకాల లోపం ఏర్పడి ఎముకల బలం క్షీణించే అవకాశం ఉంది. ఇది కూడా చదవండి: రోజూ ఉదయం, ఇలా పసుపు నీళ్లు తాగితే. చర్మం మెరిసిపోవడంతో పాటు బోలెడు లాభాలు! ఈ కేలరీల భారాన్ని గమనిస్తే, చక్కెర మరియు చెడు కొవ్వులు అధికంగా ఉండే టీ, బిస్కెట్లను రోజూ తీసుకోవడం ద్వారా శరీరంలో అదనపు కేలరీలు పేరుకుపోతాయి. ఇది క్రమంగా బరువు పెరగడానికి మరియు కొలెస్ట్రాల్ సంబంధిత గుండె సమస్యలకు దారితీస్తుంది. అలాగే టీలో ఉండే టానిన్లు ఆహారం ద్వారా శరీరానికి అందాల్సిన ఐరన్ శోషణను అడ్డుకుంటాయి. దీనివల్ల రక్తహీనత వంటి సమస్యలు తలెత్తి శరీరం ఎప్పుడూ అలసటగా మారుతుంది. అయితే, టీ తాగే అలవాటును పూర్తిగా మానేయాల్సిన అవసరం లేదు గానీ దానితో పాటు తీసుకునే ఆహారంలో ఆరోగ్యకరమైన మార్పులు చేసుకోవడం చాలా ముఖ్యం. చక్కెర లేని టీ తీసుకోవడం, రాత్రంతా నానబెట్టిన 8 నుంచి 10 బాదం పప్పులను తినడం లేదా ఇంట్లో తక్కువ నూనెతో వేయించిన మఖానాలను అల్పాహారంగా ఎంచుకోవడం మంచిది. సరైన పోషకాహారాన్ని ఎంచుకోవడం ద్వారా కేవలం 30 రోజుల్లోనే మీ ఆరోగ్యాన్ని మెరుగుపరుచుకోవచ్చు. మీకు నచ్చవచ్చు:ఫీవర్ తగ్గాక కూడా గుండె దడ, కాళ్ల వాపులు ఉంటున్నాయా? ఇవి ప్రమాదకర గుండె ముప్పుకు సంకేతాలు!                                   ఆంధ్రుల ప్రత్యేక సాత్విక రుచి: అల్లం పచ్చి కారంతో, వంకాయ కూర!       Biscuits With Morning Tea, Daily Biscuit Side Effects, Unhealthy Breakfast Habits, Sugar And Maida Dangers, Weight Gain Risks, Doctor Health Advice, Health Tips In Telugu.  
మనలో చాలా మంది రోజుకు రెండుసార్లు క్రమం తప్పకుండా పళ్ళు తోముకున్నప్పటికీ, దంతాల పై భాగంలో మరియు మూలల్లో కఠినమైన పాచి, పసుపు రంగు మరకలు పేరుకుపోవడం చాలా సాధారణమైన సమస్యగా మారిపోయింది. ఈ విధంగా దంతాలపై పేరుకుపోయే మురికి కాలక్రమేణా దంతాలను బలహీనపరచడమే కాకుండా, చిగుళ్ల వాపు మరియు ఇతర దంత సంబంధిత తీవ్రమైన సమస్యలకు దారితీస్తుంది. ఈ మొండి మరకలను తొలగించుకోవడానికి ఎలాంటి ఖరీదైన డెంటల్ ట్రీట్‌మెంట్‌లకు లేదా ఆసుపత్రులకు వెళ్లాల్సిన అవసరం లేదు, ఎందుకంటే మన వంటింట్లో లభించే సాదాసీదా పదార్థాలతోనే వీటిని సులభంగా వదిలించుకోవచ్చు. దంతాలపై పడిన మొండి మరకలను పూర్తిగా వదిలించడంలో బేకింగ్ సోడా ఒక అద్భుతమైన నివారణగా పనిచేస్తుంది. ఇందుకోసం ఒక చిన్న గిన్నెలో 1 నుండి 2 స్పూన్ల బేకింగ్ సోడా తీసుకుని, అందులో తగినన్ని నీళ్లు లేదా కొద్దిగా కొబ్బరి నూనె కలిపి చక్కటి పేస్ట్ లా తయారు చేసుకోవాలి. ఈ విధంగా తయారు చేసుకున్న పేస్ట్‌ను మీ టూత్‌బ్రెస్ట్‌పై వేసి పళ్లను, ముఖ్యంగా మరకలు ఎక్కువగా ఉండే వెనుక భాగాలను సుమారు ఒక నిమిషం పాటు చాలా మెల్లిగా రుద్దాలి. ఆ తర్వాత శుభ్రమైన నీటితో నోరు కడుక్కోవడం ద్వారా దంతాల మీద ఉన్న మురికి సులభంగా వదులుతుంది. ఈ బేకింగ్ సోడా మిశ్రమాన్ని వారంలో కేవలం 2 నుంచి 3 సార్లు మాత్రమే క్రమం తప్పకుండా ఉపయోగించడం వల్ల దంతాలపై ఉన్న పాచి పూర్తిగా తొలగిపోయి, మునుపటి మెరుపు తిరిగి వస్తుంది. అయితే బేకింగ్ సోడాను అతిగా ఉపయోగించడం దంతాల ఎనామిల్‌పై ప్రభావం చూపుతుంది కాబట్టి సూచించిన మోతాదులోనే వాడటం ఎంతో ముఖ్యం. ఇది దంతాల తెల్లటి రంగును కాపాడటంలో కీలక పాత్ర పోషిస్తుంది. మరోవైపు, మన నోటి ఆరోగ్యానికి పచ్చి కొబ్బరి నూనె ఒక దివ్యౌషధంగా పనిచేస్తుందని ఆయుర్వేదం చెబుతోంది. ప్రతిరోజూ ఉదయం బ్రష్ చేసే ముందు ఒక స్పూన్ స్వచ్ఛమైన పచ్చి కొబ్బరి నూనెను నోటిలో వేసుకుని కొన్ని నిమిషాల పాటు గట్టిగా పుక్కిలించాలి (ఆయిల్ పుల్లింగ్). ఇలా చేయడం వల్ల నోటిలోని దాదాపు హానికరమైన బ్యాక్టీరియా నశిస్తుంది, చిగుళ్ల నుండి రక్తం కారడం తగ్గుతుంది మరియు పంటి నొప్పులు కూడా క్రమంగా దూరం అవుతాయి. ఇది కూడా చదవండి: ముఖంపై, మచ్చలు పోవాలంటే పచ్చి ,పాలను ఇలా రాయండి! ఇక బేకింగ్ సోడా, కొబ్బరి నూనె రెండింటినీ కలిపి ఉపయోగిస్తే మరింత అద్భుతమైన మరియు వేగవంతమైన ఫలితాలు ఉంటాయి. ఒక స్పూన్ బేకింగ్ సోడాలో రెండు స్పూన్ల కొబ్బరి నూనె కలిపి ఒక ప్రత్యేక మిశ్రమంలా తయారు చేయాలి. దీనిని బ్రష్‌కి రాసుకుని పళ్లను శుభ్రం చేసుకోవడం ద్వారా పళ్లపై ఉన్న మురికి, పసుపు రంగు పూర్తిగా వదిలిపోతుంది. ఈ మిశ్రమం దంతాలను శుభ్రపరచడమే కాకుండా నోటిని రోజంతా తాజాగా ఉంచుతుంది మరియు నోటి దుర్వాసన రాకుండా సమర్థవంతంగా నివారిస్తుంది. ఈ సాధారణ ఇంటి చిట్కాలను క్రమం తప్పకుండా పాటించడం ద్వారా ఎలాంటి సైడ్ ఎఫెక్ట్స్ లేకుండా మీ దంతాలను ఆరోగ్యంగా, తెల్లగా, మెరిసేలా కాపాడుకోవచ్చు. మీకు నచ్చవచ్చు:ఉడికించిన అలసందలు తింటే, శరీరంలో జరిగే అద్భుత మార్పులు ఇవే!                           వింటర్ డైట్: చలికాలంలో బరువు తగ్గడానికి, పాటించాల్సిన సులువైన మార్గాలు!       Remove Tartar At Home, Yellow Teeth Remedies, Plague Removal Tips, Natural Dental Care, Oral Hygiene Tips, Doctor Health Advice, Health Tips In Telugu.
ప్రస్తుత ఆధునిక జీవనశైలిలో ఆరోగ్యాన్ని కాపాడుకోవడం ప్రతి ఒక్కరికీ ప్రాధాన్యతగా మారుతోంది. ముఖ్యంగా మధ్య వయస్కులు మరియు వృద్ధులు శారీరక దారుఢ్యాన్ని పెంపొందించుకోవడానికి జిమ్‌లకు వెళ్లే బదులు సరికొత్త మార్గాలను అన్వేషిస్తున్నారు. వైద్య నిపుణులు మరియు ఆరోగ్య సర్వేల తాజా నివేదికల ప్రకారం, 50 ఏళ్లు పైబడిన వారు ఇంట్లోనే వ్యాయామాలు చేయడానికి టీవీ మరియు యూట్యూబ్ (YouTube) మాధ్యమాలను ఎక్కువగా ఆశ్రయిస్తున్నట్లు వెల్లడైంది. బిజీ లైఫ్‌స్టైల్, ప్రయాణ సమయాన్ని ఆదా చేసుకోవడం మరియు ఇంట్లోనే ఉంటూ నిపుణుల మార్గదర్శకత్వంలో వ్యాయామాలు చేయడం ఈ ట్రెండ్‌కు ప్రధాన కారణాలుగా నిలుస్తున్నాయి. ఈ వయసులో ఆరోగ్యకరమైన జీవనశైలిని కొనసాగించడానికి వ్యాయామం ఎంత ముఖ్యమో, దాన్ని సరైన పద్ధతిలో చేయడం అంతకంటే ముఖ్యం. చాలామంది మధ్య వయస్కులు తమ ఇళ్లలోని లివింగ్ రూమ్‌లలో డిజిటల్ స్క్రీన్‌లను ఆన్ చేసి, ప్రొఫెషనల్ ఫిట్‌నెస్ కోచ్‌లు అందించే గైడెడ్ వర్కవుట్‌లను ఫాలో అవుతున్నారు. ముఖ్యంగా యోగా, స్ట్రెచింగ్, లైట్ కార్డియో మరియు బ్యాలెన్స్ ఎక్సర్‌సైజెస్‌ను యూట్యూబ్ ద్వారా నేర్చుకుంటూ క్రమం తప్పకుండా ఆచరిస్తున్నారు. దీనివల్ల కీళ్ల నొప్పులు తగ్గుముఖం పట్టడంతో పాటు రోజంతా ఉత్సాహంగా ఉండేందుకు అవకాశం లభిస్తుంది. ఇంటి వద్దే వ్యాయామాలు చేయడం వల్ల వృద్ధులకు ప్రయాణ భారం తప్పుతుంది. వ్యాయామశాలకు వెళ్లే శ్రమ లేకుండా, తమకు నచ్చిన సమయంలో, తమ శరీర సామర్థ్యానికి తగినట్లుగా వ్యాయామాలను ఎంచుకునే స్వేచ్ఛ లభిస్తుంది. యూట్యూబ్‌లో లభించే ఉచిత వీడియోలు మరియు లైవ్ సెషన్‌లు వీరికి ఎంతగానో సహాయపడుతున్నాయి. నిపుణుల సలహాల మేరకు రోజుకు కనీసం 20 నుండి 30 నిమిషాల పాటు డిజిటల్ మాధ్యమాల సహాయంతో వ్యాయామం చేయడం వల్ల గుండె ఆరోగ్యం మెరుగుపడటంతో పాటు మానసిక ఉల్లాసం పెరుగుతుందని నిపుణులు స్పష్టం చేస్తున్నారు. అయితే, డిజిటల్ వ్యాయామాలు చేసేటప్పుడు కొన్ని జాగ్రత్తలు తీసుకోవడం చాలా అవసరం. ముఖ్యంగా ఏ వయసు వారైనా తమ శరీర తత్వానికి, ఆరోగ్య పరిస్థితికి తగిన వ్యాయామాలను మాత్రమే ఎంచుకోవాలి. ఏకతాటిగా కష్టమైన వ్యాయామాలు కాకుండా, తేలికపాటి కదలికలతో ప్రారంభించి క్రమంగా సమయాన్ని పెంచుకోవాలి. ఇంట్లోనే ఉంటూ టీవీ స్క్రీన్ ద్వారా పెద్ద అక్షరాలు మరియు స్పష్టమైన విజువల్స్ సహాయంతో వ్యాయామాలు చేయడం వల్ల భంగిమలు (Posture) సరిగ్గా ఉండేందుకు వీలవుతుంది. ఇది కూడా చదవండి: ఎముకల బలం మరియు, హార్మోన్ల సమతుల్యత, కోసం వేయించిన ఖర్జూరాలు! ఈ డిజిటల్ ఫిట్‌నెస్ ట్రెండ్ కేవలం శారీరక బలాన్నే కాకుండా, వృద్ధులలో మానసిక ఒత్తిడిని తగ్గించడంలో కూడా కీలక పాత్ర పోషిస్తోంది. ఇంట్లో ఒంటరిగా ఉన్నామనే భావనను పోగొట్టుకోవడానికి, తమ వయసుకు తగిన ఆరోగ్య చిట్కాలు మరియు వ్యాయామ దినచర్యలను యూట్యూబ్ ద్వారా తెలుసుకుంటూ వారు ఉత్సాహంగా గడుపుతున్నారు. కుటుంబ సభ్యులు కూడా ఈ డిజిటల్ వ్యాయామ ప్రయాణంలో తోడ్పాటునందిస్తూ, వారిని ప్రోత్సహిస్తుండటం విశేషం. మొత్తంగా చూస్తే, టెక్నాలజీ మరియు ఆరోగ్యం జోడై మధ్య వయస్కులు, వృద్ధుల జీవితాల్లో సానుకూల మార్పులను తెస్తున్నాయి. జిమ్‌ల చుట్టూ తిరిగే పని లేకుండా, ఖరీదైన వ్యాయామ పరికరాలు కొనుగోలు చేయకుండా కేవలం టీవీ మరియు యూట్యూబ్ మాధ్యమాలతో ఫిట్‌గా మారవచ్చని నిరూపితమవుతోంది. సరైన క్రమశిక్షణ, నిపుణుల పర్యవేక్షణ మరియు ఆరోగ్యకరమైన ఆహారపు అలవాట్లతో కూడిన ఈ ఇంటిపట్టునే చేసే వ్యాయామ విధానం రాబోయే రోజుల్లో మరింత ప్రాచుర్యం పొందుతుందనడంలో సందేహం లేదు. మీకు నచ్చవచ్చు:బోన్ మారో ట్రాన్స్‌ప్లాంటేషన్, తర్వాత రోగనిరోధక శక్తి, కోలుకోవడం ఎలా?                                 మాయిశ్చరైజర్‌లో, SPF ఉంటే సరిపోతుందా? అసలు నిజాలు ఇవే!       Senior Fitness Workouts, Elders Home Exercise, YouTube Fitness Channels, Middle Aged Health Trends, Safe Workouts For Seniors, Healthy Aging Tips, Health Tips In Telugu.  
షుగర్ (Diabetes) ఉన్నవారికి గుండె జబ్బులతో పాటు బ్రెయిన్ స్ట్రోక్ వచ్చే ప్రమాదం కూడా ఎక్కువగా ఉంటుందా? రక్తంలో చక్కెర స్థాయిలు ఎక్కువగా ఉండటం వల్ల మెదడులోని రక్తనాళాలు, గుండె ఆరోగ్యంపై ఎలాంటి ప్రభావం పడుతుంది? స్ట్రోక్ వచ్చినప్పుడు కనిపించే లక్షణాలు ఏమిటి? ఇలాంటి ముఖ్యమైన ఆరోగ్య విషయాల గురించి ఈ వీడియోలో డాక్టర్ శాస్త్రి వివరించారు. డయాబెటిస్ ఉన్నవారిలో రక్తంలో చక్కెర స్థాయిలు సరిగా నియంత్రణలో లేకపోతే రక్తనాళాలపై ప్రభావం పడే అవకాశం ఉంటుంది. దీనివల్ల రక్తనాళాలు దెబ్బతినడం, రక్తప్రసరణలో సమస్యలు ఏర్పడటం, గుండె జబ్బులు, బ్రెయిన్ స్ట్రోక్ వంటి సమస్యల ముప్పు పెరగవచ్చు. ముఖ్యంగా దీర్ఘకాలంగా షుగర్ వ్యాధితో బాధపడుతున్నవారు తమ ఆరోగ్యంపై మరింత శ్రద్ధ పెట్టాలి. డయాబెటిక్ స్ట్రోక్ అంటే ఏమిటి? మెదడుకు రక్తాన్ని సరఫరా చేసే రక్తనాళంలో రక్తం గడ్డకట్టడం లేదా రక్తనాళం పగిలిపోవడం వల్ల మెదడుకు రక్తప్రసరణకు అంతరాయం ఏర్పడుతుంది. ఈ పరిస్థితినే బ్రెయిన్ స్ట్రోక్ అంటారు. డయాబెటిస్ ఉన్నవారిలో స్ట్రోక్ ప్రమాదం ఎందుకు పెరుగుతుంది? షుగర్ వ్యాధి మెదడులోని రక్తనాళాలపై ఎలాంటి ప్రభావం చూపుతుంది? అనే విషయాలను ఈ వీడియోలో తెలుసుకోవచ్చు. బ్రెయిన్ స్ట్రోక్ వచ్చినప్పుడు కనిపించే ముఖ్యమైన లక్షణాలు: ముఖం ఒకవైపు వాలిపోవడం లేదా కండరాల్లో బలహీనత రావడం. ఒక చేయి లేదా కాలు అకస్మాత్తుగా బలహీనపడటం లేదా తిమ్మిరి రావడం. మాట తడబడటం లేదా మాట్లాడటంలో ఇబ్బంది కలగడం. అకస్మాత్తుగా చూపు మందగించడం లేదా కనిపించకపోవడం. నడవడంలో ఇబ్బంది, తల తిరగడం, శరీర సమతుల్యత కోల్పోవడం. అకస్మాత్తుగా తీవ్రమైన తలనొప్పి రావడం. స్ట్రోక్ విషయంలో గోల్డెన్ అవర్ ఎందుకు ముఖ్యం? బ్రెయిన్ స్ట్రోక్ వచ్చినప్పుడు ప్రతి నిమిషం ఎంతో విలువైనది. మెదడుకు రక్తప్రసరణ నిలిచిపోవడం వల్ల మెదడు కణాలు దెబ్బతినే ప్రమాదం ఉంటుంది. అందువల్ల స్ట్రోక్ లక్షణాలు కనిపించిన వెంటనే ఆలస్యం చేయకుండా సమీపంలోని స్ట్రోక్ చికిత్స అందించే ఆసుపత్రికి వెళ్లాలి. ప్రారంభ గంటల్లో అందించే చికిత్స వల్ల మెదడుకు జరిగే నష్టాన్ని తగ్గించే అవకాశం ఉంటుంది. కొన్ని రకాల స్ట్రోక్ చికిత్సలు లక్షణాలు ప్రారంభమైన సమయం ఆధారంగా నిర్ణయిస్తారు. అందుకే గోల్డెన్ అవర్ ప్రాముఖ్యతను ప్రతి ఒక్కరూ తెలుసుకోవాలి. అలాగే స్ట్రోక్ వచ్చినప్పుడు ఆసుపత్రిలో ఎలాంటి పరీక్షలు చేస్తారు? రక్తనాళాల్లో ఏర్పడిన అడ్డంకులను ఎలా గుర్తిస్తారు? తక్షణ చికిత్సలో ఎలాంటి వైద్య విధానాలను అనుసరిస్తారు? గుండె, మెదడు ఆరోగ్యాన్ని కాపాడుకోవడానికి షుగర్ వ్యాధిని ఎలా నియంత్రించుకోవాలి? వంటి ఎన్నో ముఖ్యమైన విషయాలను డాక్టర్ శాస్త్రి ఈ వీడియోలో వివరించారు. షుగర్ వ్యాధితో బాధపడుతున్నవారే కాకుండా వారి కుటుంబ సభ్యులు కూడా బ్రెయిన్ స్ట్రోక్ లక్షణాలు, అత్యవసర చికిత్స, గోల్డెన్ అవర్ ప్రాముఖ్యత గురించి తప్పనిసరిగా తెలుసుకోవాలి. సకాలంలో గుర్తించి వైద్య సహాయం అందించడం ద్వారా ప్రాణాలను కాపాడుకోవచ్చు. డయాబెటిస్, బ్రెయిన్ స్ట్రోక్, గుండె ఆరోగ్యం, స్ట్రోక్ లక్షణాలు, గోల్డెన్ అవర్ ప్రాముఖ్యత గురించి డాక్టర్ శాస్త్రి అందిస్తున్న పూర్తి వివరాలను ఈ వీడియోలో చూడండి.  
మనం చేసే ప్రతి చిన్న పనీ మన భవిష్యత్తును నిర్ణయించినట్లే, మనం రోజూ ఆచరించే ప్రతీ అలవాటు మన ఆరోగ్యాన్ని ప్రభావితం చేస్తుంది. ఒక్కోసారి జబ్బుల కంటే మన చెడ్డ అలవాట్లే మనల్ని నెమ్మదిగా బలహీనపరుస్తాయి. ఆరోగ్యమే మహాభాగ్యమని పెద్దలు ఊరికే అనలేదు. ధనం పోతే మళ్లీ సంపాదించుకోవచ్చు కానీ ఆరోగ్యం కోల్పోతే అదే అసలైన దరిద్రం. శరీరాన్ని, మనసును ఆరోగ్యంగా ఉంచుకోవడానికి మన పూర్వీకులు కొన్ని సులువైన జీవన సూత్రాలను చెప్పారు. వాటిని సరిగ్గా పాటిస్తే జీవితం ప్రశాంతంగా, ఆనందంగా మారుతుంది. ఆ ముఖ్యమైన ఐదు ఆరోగ్య సూత్రాలు ఏమిటో  వివరంగా తెలుసుకుంటే..  సరైన ఆహార నియమం.. మన శరీరం జీర్ణవ్యవస్థపైనే మన ఆయుర్దాయం ఆధారపడి ఉంటుంది. కడుపులో ఉన్న ఆహారం పూర్తిగా జీర్ణం కాకముందే మళ్లీ మళ్లీ తినడం విషం తినడంతో సమానమని పెద్దలు చెబుతారు. ఆకలి లేకపోయినా కేవలం సమయం అయిపోయిందన్న ఒకే ఒక్క కారణంతో బలవంతంగా తినడం మనం చేసే అతి పెద్ద తప్పు. శరీరం చెప్పే ఆకలి సంకేతాలను వినడం నేర్చుకోవాలి కానీ గడియారపు ముళ్లను చూస్తూ తినకూడదు. ఆకలి ఉంటేనే, శరీరం కోరితేనే మితంగా, రుచిగా కాక ఆరోగ్యాన్నిచ్చే ఆహారాన్ని తీసుకోవాలి.  నిద్ర.. ఈ కాలంలో చాలామంది రాత్రంతా మేలుకోవడం, తెల్లవారితే అతిగా నిద్రపోవడం అలవాటు చేసుకున్నారు. అయితే అతిగా నిద్రపోవడం లేదా అసలు నిద్రపోకపోవడం రెండు పద్ధతులూ శరీర నాశనానికి దారితీస్తాయి. తెల్లవారుజామునే నిద్రలేవడం వల్ల మనసు ఎప్పుడూ ప్రశాంతంగా ఉంటుంది, బద్ధకం దరిచేరదు. సూర్యుడితో పాటు నిద్రలేచి ప్రకృతితో మమేకమైతే రోజంతా ఉత్సాహంగా ఉండవచ్చు. క్రమబద్ధమైన నిద్ర శారీరక శక్తిని పునరుద్ధరిస్తుంది. శారీరక శ్రమ.. నేటి ఆధునిక కాలంలో టెక్నాలజీ పెరిగిన తర్వాత శారీరక కదలికలు పూర్తిగా తగ్గిపోయాయి. శరీరాన్ని కదిలించకుండా కేవలం ఒకే చోట కూర్చుని పనిచేయడం అనారోగ్యాన్ని కొనితెచ్చుకోవడమే అవుతుంది. వ్యాయామం, యోగ, చిన్నపాటి నడక, ఇంటి పనులు వంటి సహజ కదలికలు శరీరాన్ని దృఢంగా ఉంచుతాయి. జిమ్‌లకు వెళ్లి విపరీతంగా కష్టపడాల్సిన అవసరం లేదు కానీ రోజూ శరీరానికి తగిన శ్రమ ఇచ్చేలా చూసుకోవడం చాలా అవసరం. ఇది కూడా చదవండి    వాకింగ్ ఎలా చేయాలి? చాలామందికి తెలియని సీక్రెట్ ఇదే..! మానసిక ప్రశాంతత.. శారీరక ఆరోగ్యం ఎంత ముఖ్యమో మానసిక ఆరోగ్యం కూడా అంతే ముఖ్యం. అతిగా కోపగించుకోవడం వల్ల శరీరంలోని ప్రాణశక్తి లోపలి నుంచే క్షీణించిపోతుంది. కోపం మన ఆరోగ్యాన్ని నాశనం చేసే అతిపెద్ద శత్రువు. మనసుపై నిగ్రహం లేకపోతే ఏ పనీ సరిగ్గా చేయలేము. డబ్బు కంటే మనసు నిండుగా, సంతోషంగా ఉండటమే అసలైన ఐశ్వర్యం. యోగ, ధ్యానం ద్వారా మనసును ప్రశాంతంగా ఉంచుకోవడానికి ప్రయత్నించాలి. శుచి , పరిశుభ్రత.. కేవలం మన ఇల్లు మాత్రమే కాకుండా మన శరీరం, పరిసరాలు కూడా శుభ్రంగా ఉంచుకోవడం ఆరోగ్యానికి మూలస్తంభం. శరీరం, చుట్టూ ఉన్న పరిసరాలు శుభ్రంగా ఉండటం మనలో ఆత్మవిశ్వాసాన్ని, ఆత్మగౌరవాన్ని పెంచుతుంది. అలాగే మన ఆలోచనలు, మాటలు కూడా స్వచ్ఛంగా ఉండాలి. ఈ ఐదు సూత్రాలు ఏవీ కొత్తవి కావు, మన దైనందిన జీవితంలో ఎంతో సులభంగా పాటించదగినవే. వీటిని రోజువారీ జీవితంలో అలవాటు చేసుకుంటే ఏ అనారోగ్య సమస్యలూ దరిచేరవు. జీవనశైలిలో చిన్న మార్పుతోనే పెద్ద మార్పును సాధించవచ్చు. ఆరోగ్యకరమైన జీవితాన్ని సొంతం చేసుకొని ఆనందంగా జీవించవచ్చు.                                                                                                                                                 *రూపశ్రీ.   మీకు నచ్చవచ్చు   జీర్ణక్రియ నుంచి రోగనిరోధక శక్తి వరకు.. ఈ 5 పండ్లతో ఎన్నో లాభాలు!  
ఆరోగ్యమే మహాభాగ్యం అని పెద్దలు అంటుంటారు. శరీరాన్ని ఫిట్‌గా ఉంచుకోవడానికి, గుండెను పదిలంగా కాపాడుకోవడానికి చాలామంది వాకింగ్ ను ఎంచుకుంటారు. అయితే, వాకింగ్ చేయాలనే ఉత్సాహం ఉన్నప్పటికీ, దానిని నిలకడగా కొనసాగించడంలో చాలామంది విఫలమవుతుంటారు. వర్షం వచ్చిందని, చలికాలం అని, లేదా ఆ రోజు మూడ్ బాలేదని, బిజీగా ఉన్నామని రకరకాల కారణాలతో నడకను మధ్యలోనే ఆపేస్తుంటారు. అసలు వాకింగ్ ఎలా చేయాలి? చాలామందికి తెలియని ఆ ముఖ్యమైన రహస్యం ఏమిటో  వివరంగా తెలుసుకుంటే.. ఉత్సాహం కాదు.. సరైన ప్లానింగ్ ముఖ్యం.. చాలామంది ఫిట్‌నెస్ విషయంలో ఒక పెద్ద పొరపాటు చేస్తుంటారు. మొదటి రోజే ఉత్సాహంతో నలభై ఐదు నిమిషాలు లేదా గంటపాటు నడవాలని నిర్ణయించుకుంటారు. అలా మొదటి రోజు కష్టపడి నడిచాక, రెండో రోజు కాళ్ల నొప్పితో బాధపడతారు. మూడో రోజు పని ఒత్తిడి, నాలుగో రోజు వాతావరణం బాగోలేకపోవడంతో వాకింగ్ కు స్వస్తి చెబుతారు. ఇక్కడే అసలు సమస్య మొదలవుతుంది. ఫిట్‌నెస్ సాధించడంలో ఎక్కువ మోటివేషన్ ఉన్నవారు కాదు, మంచి అలవాట్లు ఏర్పరచుకున్నవారే విజయం సాధిస్తారని నిపుణులు చెబుతున్నారు. వేగం కాదు.. ఈ లాజిక్ ముఖ్యం.. గుండె ఆరోగ్యం కోసం వేగంగా నడవాలని,  హార్ట్ పాయింట్లు అని ఈ మధ్య చాలామంది వేగంగా నడుస్తూ ఉంటారు. కానీ ఎంత వేగంగా నడిచాం లేదా ఎంతసేపు నడిచాం అనేది ముఖ్యం కాదు, ప్రతీరోజూ నడకను కొనసాగించామా లేదా అనేదే చాలా కీలకం. ఈ క్రమంలోనే వాకింగ్ ప్రారంభించాలనుకునేవారి కోసం ఒక సులభమైన , అద్భుతమైన మార్గం ఉంది. అదేంటంటే.. ఈజీగా.. హుషారుగా.. మొదటగా మొదటి మూడు వారాలు కేవలం ఐదు నిమిషాలు మాత్రమే నడవాలి. కేవలం ఐదు నిమిషాలు నడవడం వల్ల గుండెకు పెద్దగా ప్రయోజనం చేకూరకపోవచ్చు, కానీ మన మెదడుకు ఒక కొత్త అలవాటును నేర్పించడానికి ఇది సరిగ్గా సరిపోతుంది. మొదటి మూడు వారాలు ఐదు నిమిషాలు నడిచిన తర్వాత, ఆ సమయాన్ని మరో ఐదు నిమిషాలు పెంచి పది నిమిషాలు చేయాలి. ఆ తరువాత మరో మూడు వారాలకు పదిహేను నిమిషాలు, ఇలా క్రమంగా ఇరవై నుంచి ముప్పై నిమిషాలకు పెంచుకుంటూ పోవాలి. ఇది కూడా చదవండి   మోకాళ్ల నొప్పులతో ఇబ్బందా..ఈ 5 వ్యాయామాలు మిస్ అవ్వకండి .! ​ ఇక్కడ ప్రధాన లక్ష్యం మొదట్లోనే శరీరాన్ని అలసటకి గురి చేయడం కాదు, నడకను ఒక మంచి అలవాటుగా మార్చుకోవడం. అలవాటు ఏర్పడిన తర్వాత ఫిట్‌నెస్ అనేది దానంతట అదే మన సొంతం అవుతుంది. చిన్న చిన్న చిట్కాలు.. వాకింగ్ కు మార్గాలు.. నడకను ఎటువంటి ఆటంకాలు లేకుండా క్రమం తప్పకుండా సాగించడానికి కొన్ని చిన్నచిన్న చిట్కాలు ఎంతో సహాయపడతాయి. రాత్రి పడుకునే ముందే మరుసటి రోజు ఉదయం వాకింగ్ కి వేసుకునే దుస్తులను సిద్ధంగా ఉంచుకోవాలి. వీలైతే వాటిని పక్కనే ఉంచుకోవడం మంచిది. అలాగే షూస్‌ను మంచం పక్కనే ఉంచాలి. ఉదయం లేచిన వెంటనే ఏం చేయాలనే నిర్ణయం తీసుకోవాల్సిన అవసరం లేకుండా ముందుగానే ఏర్పాట్లు చేసుకోవాలి. దీనివల్ల మనం అలసత్వాన్ని గెలవడం కంటే అసలు అలసత్వానికి అవకాశం ఇవ్వకుండా ఉండవచ్చు. హ్యాబిట్ స్టాకింగ్.. హ్యాబిట్ స్టాకింగ్ అనే ఒక అద్భుతమైన పద్ధతిని పాటించవచ్చు. ఉదయం నిద్రలేచి బ్రష్ చేసిన వెంటనే ఎలాంటి ఆలస్యం చేయకుండా నేరుగా వాకింగ్ కి వెళ్ళిపోవాలి. వాకింగ్ పూర్తయిన తర్వాతే స్నానం చేసేలా దినచర్యను మలచుకోవాలి. ఒక పాత అలవాటుకు మరో కొత్త అలవాటును ఇలా జోడించడం వల్ల పనులు మర్చిపోయే అవకాశం ఉండదు. ఒకవేళ వర్షం కారణంగా బయటికి వెళ్లలేని పరిస్థితి ఏర్పడితే, ఇంట్లోనే ఐదు నిమిషాల పాటు నడవాలి కానీ వాకింగ్ అలవాటు మాత్రం ఎట్టి పరిస్థితుల్లోనూ విరమించకూడదు. మొదలు పెట్టిన రోజే పది కిలోమీటర్లు నడవడం కంటే, ఏడాది పొడవునా ప్రతీరోజూ పది నిమిషాల చొప్పున నడవడం గుండెకు ఎంతో మేలు చేస్తుంది. మన గుండెకు కావాల్సింది ఏదో ఒక్కరోజే చేసే  ప్లానింగ్ కాదు.. ప్రతీరోజూ కొనసాగించే ప్లానింగ్ కావాలి. ఈ చిన్నపాటి నియమాలను పాటిస్తూ, వాకింగ్ ను జీవితంలో ఒక భాగం చేసుకుంటే ఎలాంటి అనారోగ్య సమస్యలకైనా దూరంగా ఉండవచ్చు. ఆరోగ్యకరమైన జీవితం మీ సొంతమవుతుంది.                                                                                                                              *రూపశ్రీ.   మీకు నచ్చవచ్చు  మీ దగ్గర డబ్బు నిలవడం లేదా..అసలు కారణాలు ఇవే..!                                 మీకు తెలుసా ..ఈ విటమిన్లు లోపిస్తే లివర్ దెబ్బతింటుంది..!