LATEST NEWS
2025కు గుడ్ బై చెప్పేసి.. కొత్త సంవత్సరంలో అడుగు పెట్టి మూడు రోజులు అయ్యింది. గత నాలుగైదు రోజులుగా కొత్త సంవత్సర వేడుకల సన్నాహాలు, వేడుకలతో అంతా బిజీబిజీగా గడిచిపోయింది. ఇప్పుడు ఇక కొత్త సంవత్సరం ఎలా గడవబోతోంది అన్న విషయంపై దృష్టి సారించాల్సిన పరిస్థితి ఉంది.
అది పక్కన పెడితే రాజకీయ పార్టీలకు మాత్రం కొత్త సంవత్సరం చేతినిండా, నోటి నిండా పని పెట్టనుంది. ఎందుకంటే ఈ ఏడాది పలు రాష్ట్రాల అసెంబ్లీలకు ఎన్నికలు జరగనున్నాయి. ఈ నేపథ్యంలోనే జాతీయ, ప్రాంతీయ రాజకీయ పార్టీలన్నీతమతమ వ్యూహాలు, ఎత్తుగడలకు పని చెప్పనున్నాయి. పెద్ద రాష్ట్రాలుగా ఉన్న పశ్చిమ బెంగాల్, తమిళనాడు, కేరళ రాష్ట్రాల అసెంబ్లీలకు 2026 తొలి అర్ధ భాగంలోనే ఎన్నికలు జరగనున్నాయి. ఈ మూడు రాష్ట్రాలతో పాటు అసోం, కేంద్ర పాలిత ప్రాంతం పుదుచ్చేరిలో కూడా ఎన్నికలు జరగనున్నాయి. వీటితో పాటు దేశవ్యాప్తంగా 72 రాజ్యసభ స్థానాలకూ ఎన్నికలు జరగనున్నాయి. దీంతో 2026ను పరిశీలకులు ఎన్నికల నామ సంవత్సరంగా అభివర్ణిస్తున్నారు.
ముందుగా తమిళనాడు విషయానికి వస్తే.. ప్రస్తుతం తమిళనాడులో డీఎంకే, కాంగ్రెస్ కూటమి అధికారంలో ఉంది. ఈ రాష్ట్రంలో మొత్తం 234 అసెంబ్లీ స్థానాలు ఉన్నాయి. వచ్చే ఏప్రిల్లో అసెంబ్లీ కాలపరిమితి ముగియనుంది. ఏప్రిల్ కు ముందే తమిళనాడులో ఎన్నికలు జరగుతాయి. ఇప్పటి వరకూ ఉనికి మాత్రంగానే రాష్ట్ర రాజకీయాలలో ఉన్న బీజేపీ ఈ సారి తమిళనాడుపై భారీ అశలే పెట్టుకుంది. అందుకే ఆ రాష్ట్రానికి చెందిన ఓబీసీ నాయకుడు సీపీ రాధాకృష్ణన్ను ఉపరాష్ట్రపతిని చేసి ఆ రాష్ట్ర ప్రజల గుడ్ లుక్స్ లో నిలవడానికి ప్రయత్నించింది. తమిళనాడులో మరో ప్రాంతీయ పార్టీ అన్నాడీఎంకే జయలలిత మరణానంతరం నామావశిష్ఠంగా మిగిలిపోయింది. ప్రస్తుతం ఆ పార్టీ బీజేపీతో పొత్తులో ఉంది. ఇక కొత్తగా తమిళ రాజకీయాలలోకి తమిళ వెట్రి కజగం (టివికే) అనే పార్టీ అడుగు పెట్టింది. తమిళ నాట అశేష్ అభిమానులు ఉన్న హీరో విజయ్ నేతృత్వంలోని ఈ పార్టీ ప్రభావం ఎలా ఉంటుందన్న ఆసక్తి సర్వత్రా నెలకొని ఉంది.
ఆ తరువాత ఈ ఏడు ఎన్నికలు జరగనున్న మరో కీలక రాష్ట్రం పశ్చిమ బెంగాల్. పశ్చిమ బెంగాల్ అసెంబ్లీ కాలపరిమితి ఈ ఏడాది మేతో ముగియనుంది. ఈ రాష్ట్రంలో మొత్తం మొత్తం 294 అసెంబ్లీ సీట్లు ఉన్నాయి.ఇక్కడ గత మూడు దఫాలుగా మమతా బెనర్జీ నేతృత్వంలోని తృణమూల్ కాంగ్రెస్ ఇక్కడ అధికారంలో ఉంది. ఈ సారి ఇక్కడ ఎలాగైనా అధికారం హస్తగతం చేసుకోవాలన్న పట్టుదలతో కమలం పార్టీ ఉంది. బంగ్లాదేశ్ నుంచి చొరబాటు దారుల కారణంగా పశ్చిమ బెంగాల్ లో స్థానికులకు ఉపాధి అవకాశాలు గణనీయంగా తగ్గిపోయాయంటూ పెద్ద ఎత్తున ప్రచారం చేస్తున్న కమలనాథులు, అదే సమయంలో చొరబాట్లకు తృణమూల్ అధినేత్రి, ముఖ్యమంత్రి మమతా బెనర్జీ అండగా నిలుస్తున్నారన్న విమర్శతో ఇప్పడ ఇప్పటి నుంచే ఎన్నికల ప్రచారాన్ని మొదలెట్టేశారు.
ఇక ఈ ఏడాది ఎన్నికలు జరగనున్న మరో కీలక రాష్ట్రం కేరళ. ఇక్కడ వామపక్షాలు అధికారంలో ఉన్నాయి. ఈ రాష్ట్రంలో మొత్తం 140 అసెంబ్లీ స్థానాలు ఉన్నాయి. ఇక్కడ కూడా అధికారమే లక్ష్యంగా బీజేపీ పావులు కదుపుతోంది. ఇటీవల జరిగిన స్థానిక ఎన్నికల్లో తిరువనంతపురం కార్పొరేషన్ను బీజేపీ కైవసం చేసుకుంది. ఇది వచ్చే అసెంబ్లీ ఎన్నికలలొ తమకు అవకాశాలున్నాయనడానికి నిదర్శనంగా బీజేపీ భావిస్తోంది.
ఇలా ఉండగా బీజేపీ ఇంత వరకూ తమిళనాడు, పశ్చిమబెంగాల్, కేరళలో ఒక్కసారి కూడా అధికారంలోకి రాలేదు. ఆ ట్రెండ్ ను బ్రేక్ చేసి ఈ రాష్ట్రాలలో అధికారాన్ని హస్తగతం చేసుకోవాలన్న పట్టుదలతో కమలనాథులు వ్యూహాలు పన్నుతున్నారు. కేంద్ర పాలిత రాష్ట్రం పుదుచ్చేరిలో 30 అసెంబ్లీ స్థానాలు మాత్రమే ఉన్నాయి. ప్రస్తుతం ఆల్ ఇండియా ఎన్ ఆర్ కాంగ్రెస్ + బీజేపీ సంకీర్ణ ప్రభుత్వం ఇక్కడ అధికారంలో ఉంది. ఇక్కడ కూడా ఈ ఏడాది ఏప్రిల్తో అసెంబ్లీ గడువు ముగుస్తుంది.
అలాగూ అసోం అసెంబ్లీ గడువు కూడా ఈ ఏడాది మేతో ముగియనుంది. ఈ రాష్ట్రంలో ప్రస్తుతం బీజేపీ అధికారంలో ఉంది. వచ్చే మేతో అసెంబ్లీ గడువు ముగియనుంది. ఇక్కడ తిరిగి అధికారాన్ని దక్కించుకునేందుకు బీజేపీ ఇప్పటి నుంచే ప్రయత్నాలు ప్రారంభించగా, మరోవైపు కాంగ్రెస్ కూటమి కూడా బలంగానే ప్రయత్నాలు చేస్తున్నది. ఏది ఏమైనా 2026 ఏడాది మొత్తం పొలిటికల్ హీట్ ఓ రేంజ్ లో కొనసాగేలా కనిపించడం ఖాయం. ముఖ్యంగా తమిళనాడు, కేరళ, పశ్చిమ బెంగాల్ ఎన్నికలపై దేశ వ్యాప్తంగా ఆసక్తి నెలకొని ఉంది.
ప్రముఖ కవి అందెశ్రీ కుటుంబానికి అండగా నిలిచే విషయంలో తెలంగాణ ప్రభుత్వం కీలక నిర్ణయం తీసుకుంది. అందులో భాగంగా అందెశ్రీ కుమారుడికి ఉద్యోగ అవకాశం కల్పించడానికి వీలుగా 1994 ప్రభుత్వ ఉద్యోగుల నియామకాలు, వేతన నిర్మాణ చట్ట సవరణ బిల్లును రాష్ట్ర శాసన సభలో శనివారం (జనవరి 3) ప్రవేశపెట్టింది. తెలంగాణ ఉప ముఖ్యమంత్రి మల్లు భట్టి విక్రమార్క ఈ బిల్లును ప్రవేశ పెట్టారు. ఈ సందర్భంగా డిప్యూటీ సీఎం అందె శ్రీ కుటుంబంలో ఒకరికి ఉద్యోగం కల్పించాలని తమ ప్రభుత్వం నిర్ణయించిందనీ, ఇందుకోసం చట్టపరమైన మద్దతు అవసరమని చెప్పుకొచ్చారు. ఈ క్రమంలో 1994పబ్లిక్ సర్వీస్ కమిషన్ చట్టంలోని నిబంధనలు సవరించాల్సి ఉందని తెలిపారు. అందె శ్రీ కుమారుడికి ఉద్యోగ అవకాశం కల్పించడం కోసం చేసిన సవరణ బిల్లును అసెంబ్లీలో ప్రవేశపె ట్టామన్నారు.
1994 చట్టంలోని సెక్షన్ 2 ప్రకారం 7991 మంది తాత్కాలిక ఉద్యోగులను రెగ్యులరైజ్ చేశామని తెలిపారు. అందులో కొందరు ఉద్యోగులు కోర్టుకు వెళ్లి గతం నుంచి రెగ్యులరైజ్ చేయాలని ఆర్డర్ తెచ్చారని ప్రస్తావించారు మల్లు భట్టి విక్రమార్క. గతంలో ప్రభుత్వం ఇచ్చిన ఉత్తర్వులు 573/225, 1.1.1995కి ఇది విరుద్ధమని చెప్పుకొచ్చారు.
వెనుక తేదీ నుంచి రెగ్యులరైజ్ చేస్తే రాష్ట్ర ప్రభుత్వంపై రూ.20వేల కోట్ల అదనపు భారం పడుతుందని వివరించారు. ఏపీలో ఇలాంటి సమస్య వచ్చినప్పుడు ప్రాస్పెక్టివ్గా చట్ట సవరణ చేశారని గుర్తుచేశారు. తెలంగాణ ప్రభుత్వం 25.11.2025న ప్రాస్పెక్టివ్ రెగ్యులరైజేషన్ కోసం ఆర్డినెన్స్ 88 తెచ్చిందని తెలిపారు. ఈ ఆర్డినెన్సును బిల్ నంబర్ 7ద్వారా సభ ఆమోదం కోరుతున్నామని మల్లు భట్టి విక్రమార్క పేర్కొన్నారు.
ఇటీవలి కాలంలో తరచుగా రాజకీయ నాయకులు చేస్తున్న వ్యాఖ్యలు పెనుదుమారానికి కారణమౌతున్నాయి. సమాజంలో హింసా, ద్వేషాలను రగిల్చే విధంగా ఉంటున్నాయి. ప్రాంతీయ వైషమ్యాలు, మత విద్వేషాలకు తావిచ్చేలా నేతలు చేస్తున్న వ్యాఖ్యల పట్ల సర్వత్రా నిరసనలు వెల్లువెత్తున్నాయి. తాజాగా ఇండియన్ నేషనల్ లోక్ దళ్ (ఐఎన్ఎల్డీ)ఇండియన్ నేషనల్ లోక్ దళ్ (ఐఎన్ఎల్డీ) జాతీయ అధ్యక్షుడు అభయ్ సింగ్ చౌతాలా చేసిన వ్యాఖ్యలు పెను రాజకీయ దుమారానికి తెరలేపాయి.
దేశంలో మోడీ పాలన అంతమవ్వాలంటే.. పొరుగు దేశాలైన శ్రీలంక, బంగ్లాదేశ్, నేపాల్లలో జరిగిన ఉద్యమాల వంటివి ఇక్కడ కూడా రావాలని ఆయన అన్నారు. ఆయా దేశాలలో ప్రభుత్వాలను గద్దె దించడానికి హింసాత్మక ఆందోళనలు జరిగాయనీ, అటువంటివే భారత్ లో కూడా జరిగితే తప్ప.. మోడీ ప్రభుత్వాన్ని గద్దె దించలేమని అభయ్ సింగ్ చౌతాలా వివాదాస్పద వ్యాఖ్యలు చేశారు. ఈ మేరకు ఆయన ఒక వీడియో సందేశంలో.. శ్రీలంకలో, బంగ్లాదేశ్లో యువత ప్రభుత్వాన్ని ఎలా తరిమి కొట్టారో, అదే తరహా పద్ధతులను భారత్లోనూ అమలు చేయాలి అని పిలుపునిచ్చారు.
ఈ వ్యాఖ్యలపై బీజేపీ తీవ్రస్థాయిలో విరుచుకుపడింది. బీజేపీ జాతీయ అధికార ప్రతినిధి షెహజాద్ పూనావాలా, చౌతాలా వ్యాఖ్యలు భారత రాజ్యాంగ వ్యవస్థకు, ప్రజాస్వామ్య నియమాలకు విరుద్ధమని పేర్కొన్నారు. ఇది విపక్ష నేతల దేశ వ్యతిరేక, రాజ్యాంగ వ్యతిరేక వైఖరికి నిదర్శనమన్నారు. రాజకీయ లబ్ధి కోసమే దేశ ప్రయోజనాలకు విరుద్ధంగా విపక్షాలు వ్యవహరిస్తున్నాయని దుయ్యబట్టారు. విపక్షాలకు దేశ ప్రయోజనాల కంటే రాజకీయ లబ్ధికే ప్రాధాన్యత ఇస్తున్నారని విమర్శించారు. మొత్తం మీద అభయ్ సింగ్ చౌతాలా వ్యాఖ్యల పట్ల సర్వత్రా విమర్శలు వెల్లువెత్తుతున్నాయి. ఆయన వ్యాఖ్యలు ప్రజాస్వామ్య స్ఫూర్తికి భంగం కలిగించేలా, దేశంలో హింసను ప్రేరేపించేవిగా ఉన్నాయని పరిశీలకులు సైతం విశ్లేషిస్తున్నారు.
పదేళ్ల పాటు తెలంగాణ రాష్ట్రంలో అధికారంలో ఉన్న బీఆర్ఎస్.. ఒక్క ఓటమితో కుదేలైపోయిందా? అధికారంలో ఉన్న కాంగ్రెస్ పార్టీని దీటుగా ఎదుర్కోలేక పలాయన మంత్రం పఠిస్తోందా? అంటే ఔననే అంటున్నారు విశ్లేషకులు. ఆ పార్టీ అసెంబ్లీ బహిష్కరణ నిర్ణయం అందులో భాగమేనని అంటున్నారు. ఆ పార్టీ అధినేత, మాజీ ముఖ్యమంత్రి ఇప్పటికే అసెంబ్లీని బహిష్కరించి ఫామ్ హౌస్ కే పరిమితమయ్యారు. ఇప్పుడు పార్టీ సభ్యులు కూడా అసెంబ్లీని బాయ్ కాట్ చేయాలని బీఆర్ఎస్ నిర్ణయించినట్లు తెలుస్తోంది.
దీంతో రాజకీయ వర్గాలలో బీఆర్ఎస్ ఆంధ్రప్రదేశ్ మాజీ ముఖ్యమంత్రి జగన్ మోహన్ రెడ్డి నేతృత్వంలోని వైసీపీ అడుగుజాడలలో నడుస్తోందని అంటున్నారు. ఏపీలో వైసీపీ అసెంబ్లీని బాయ్ కాట్ చేసిన సంగతి తెలిసిందే. ఆ రాష్ట్రంలో ప్రజలు తమకు ఇవ్వని ప్రతిపక్ష హోదా కోసం వైసీపీ అసెంబ్లీని బాయ్ కాట్ చేస్తే.. తెలంగాణలో ప్రతిపక్ష హోదాలో ఉన్న బీఆర్ఎస్ అసెంబ్లీలో కాంగ్రెస్ సభ్యులను దీటుగా ఎదుర్కోవడంలో వైఫల్యం కారణంగా బాయ్ కాట్ చేస్తున్నారన్న చర్చ జరుగుతోంంది.
సోమవారం (జనవరి 5)న సభకు హాజరై.. మంగళవారం (జనవరి 6) నుంచి అంటే సభలో కృష్ణ, గోదావరి జలాలపై చర్చ జరిగే సమయానికి అసెంబ్లీని బాయ్ కాట్ చేయాలని బీఆర్ఎస్ నిర్ణయం తీసుకున్నట్లు తెలుస్తోంది. అయితే పరిశీలకులు మాత్రం సభలో కాంగ్రెస్ ను దీటుగా ఎదుర్కోనేందుకు సభాపక్ష ఉప నేతల నియామకం తరువాత బీఆర్ఎస్ బాయ్ కాట్ నిర్ణయం తీసుకోవడం ఏమిటన్న ప్రశ్నకు ఆ పార్టీ కీలక నేత, మాజీ మంత్రి హారీశ్రావుకి క్రెడిట్ దక్కే చాన్స్ ఇవ్వవద్దన్య వ్యూహంతోనే బీఆర్ఎస్ ఈ బాయ్ కాట్ నిర్ణయానికి వచ్చిందని పరిశీలకులు విశ్లేషిస్తున్నారు. ఒక విధంగా అసెంబ్లీలో నదీ జలాలపై చర్చను బీఆర్ఎస్ బాయ్ కాట్ చేయడమంటే.. పలాయన మంత్రం పఠించడమేనని పరిశీలకులు భావిస్తున్నారు.
అయితే నిన్న మొన్నటి వరకూ నదీ జలాల అంశంలో ప్రభుత్వాన్ని నిలదీస్తాం, ఎండగడతాం అంటూ బీరాలు పలికిన బీఆర్ఎస్ ఇంత హఠాత్తుగా బహిష్కరణ నిర్ణయం తీసుకోవడంపై రాజకీయవర్గాలలో పెద్ద ఎత్తున చర్చ జరుగుతోంది. ఒక వేళ కేసీఆర్ సభకు హాజరైతే.. జల వివాదాలకు ఆయనే సమాధానం చెబుతారు. అయితే కేసీఆర్ గైర్హాజరౌతున్న నేపథ్యంలో ఇటీవల శాసనసభాపక్ష ఉప నేతగా నియమితులైన హరీష్ రావు సభలో బీఆర్ఎస్ తరఫున ప్రసంగించాల్సి ఉంది. అదే జరిగితే సభ సీఎం రేవంత్ వర్సెస్ హరీష్ రావు అన్నట్లుగా మారిపోతుంది. పార్టీ కార్యనిర్వాహక అధ్యక్షుడు, మాజీ మంత్రి కేటీఆర్ డమ్మీ అయిపోతారు. ఇప్పటికే శాసనసభాపక్ష ఉప నేతగా హరీష్ రావు నియామకం కేటీఆర్ ను ఒకింత తక్కువ చేసినట్లుగానే పార్టీ వర్గాలు భావిస్తున్నాయి. ఈ తరుణంలో ఇక జలవివాదాలపై హరీష్ రావు గట్టిగా గళం విప్పితే కేటీఆర్ పరిస్థితి పార్టీలో మరింత దిగజారుతుందన్న భావనతోనే బీఆర్ఎస్ ఆకస్మికంగా అసెంబ్లీ బాయ్ కాట్ నిర్ణయం తీసుకుందని పరిశీలకులు విశ్లేషిస్తున్నారు.
అన్నిటికీ మించి సీఎం రేవంత్, హరీష్ మధ్య కుమ్మక్కు రాజకీయాలు జరుగుతున్నాయనీ, వారిరువురి మధ్యా అరగంట భేటీ జరిగిందనీ జాగృతి అధ్యక్షురాలు కల్వకుంట్ల కవిత ఆరోపించిన గంటల వ్యవధిలో బీఆర్ఎస్ అసెంబ్లీ బాయ్ కాట్ నిర్ణయం తీసుకోవడం రాజకీయంగా అత్యంత ప్రాధాన్యత సంతరించుకుంది. ఈ నేపథ్యంలోనే పార్టీలో సంక్షోభం ముదిరేలా చేసుకోవడం కంటే.. జనం పలాయనం అనుకున్నా అసెంబ్లీ బాయ్ కాటే మేలని బీఆర్ఎస్ నిర్ణయించుకునట్లు పరిశీలకులు విశ్లేషిస్తున్నారు. విశేషమేంటంటే పార్టీ అసెంబ్లీ బాయ్ కాట్ నిర్ణయాన్నిస్వయంగా హరీష్ రావే ప్రకటించడం విశేషం.
తెలంగాణ రాష్ట్రంలో ఇక బీఆర్ఎస్ పని ఖతమేనా? ఆ పార్టీ బహిష్కృత నాయకురాలు కవిత ఇదే విషయాన్ని ఒకింత నర్మగర్బంగా చెప్పారా? అంటే పరిశీలకులు ఔననే అంటున్నారు. తెలంగాణ అసెంబ్లీ శీతాకాల సమావేశాల ఆరంభం సందర్భంగా సభకు వచ్చి ఓ ఐదారు నిముషాలు సభలో కూర్చున్న బీఆర్ఎస్ అధినేత, బీఆర్ఎస్ ఎల్పీ నాయకుడు కల్వకుంట్ల కేసీఆర్.. ఆ తరువాత సభ నుంచి బయటకు వెళ్లి పోయారు.
అయితే.. ఆ రోజు సభలో ఏ విషయంపైనా చర్చ జరిగే అవకాశం లేనందున ఆయన సభనుంచి వెళ్లిపోయారనీ, కొత్త సంవత్సరం రెండో తేదీ నుంచి కేసీఆర్ అసెంబ్లీకి వచ్చి రేవంత్ సర్కార్ ను అడుగడుగునా ఇరుకున పెట్టి తన విశ్వ రూపాన్ని చూపిస్తారనీ బీఆర్ఎస్ శ్రేణులు, నేతలు గట్టిగా చెప్పారు. అదే నమ్మారు. అయితే కేసీఆర్ మాత్రం సభలో పార్టీ గొంతు గళంగా వినిపించేందుకు ఉప నాయకులను నియమించడంతో.. ఆయన ఈ శీతాకాల సమావేశాలలో ఇక సభలో కనిపించరని పరిశీలకులు ఆ రోజే చెప్పారు. అందుకు తగ్గట్టుగానే శుక్రవారం సభకు కేసీఆర్ గైర్హాజరయ్యారు.
ఈ నేపథ్యంలోనే బీఆర్ఎస్ భవిష్యత్ పై తెలంగాణ జాగృతి అధినేత్రి, ఎమ్మెల్సీ కల్వకుంట్ల కవిత సీరియస్ వ్యాఖ్యలు చేశారు. సభకు కేసీఆర్ డుమ్మా కొడితే రాష్ట్రంలో బీఆర్ఎస్ పని ఇక ఖతమే అని అన్నారు. శుక్రవారం (ఫిబ్రవరి 2) శాసనమండలి మీడియా పాయింట్ వద్ద విలేకరులతో చిట్ చాట్ చేసిన ఆమె.. తన తండ్రి కేసీఆర్ కే సవాల్ విసిరారు. ఇంత కాలం కల్వకుంట్ల కవిత తన విమర్శలను హరీష్ రావు, సంతోష్, జగదీశ్వరరెడ్డి వంటి నాయకులకే పరిమితం చేసిన కవిత ఇప్పుడు బీఆర్ఎస్ అధినాయకత్వాన్ని లక్ష్యంగా చేసుకుని విమర్శలు, సవాళ్లు సంధిస్తున్నారు.
తాజా చిట్ చాట్ లో ఆమె తన తండ్రి కేసీఆర్ నే నేరుగా నిలదీశారు. కేసీఆర్ అసెంబ్లీకి డుమ్మా కొడితే రాష్ట్రంలో బీఆర్ఎస్ ఇక ఖతమేనన్నారు. అయినా ఎటువంటి తప్పూ చేయకపోతే కేసీఆర్ సభకు ఎందుకు రావడం లేదని నిలదీశారు. తప్పు చేయకుంటే కేసీఆర్ సభకు రావాలని సవాల్ విసిరారు. అధినాయకుడు అసెంబ్లీకి రాకుండా.. పిల్ల కాకులకు సభాసమయాన్ని వదలడం సరికాదన్నారు. మాజీ మంత్రి హరీష్ రావు కు ప్యాకేజీలు, అమ్ముకోవడం తప్ప ఏం తెలియదని ఎద్దేవా చేశారు. హరీష్ రావు, రేవంత్ రెడ్డిల మధ్య రహస్య బాండ్ ఉందని ఆరోపించిన ఆమె హరీష్ సీఎం చాంబర్ లో అరగంట సేపు ముచ్చటించడం నిజం కాదా అని ప్రశ్నించారు. అసెంబ్లీలో మ్యాచ్ ఫిక్సింగ్ జరిగిందని ఆరోపించిన ఆమె.. రేవంత్ వర్సెస్ హరీష్ అన్నట్లుగా అసెంబ్లీ చాలా ప్రమాదకరమన్నారు.
కల్వకుంట్ల కవిత తన తండ్రి కేసీఆర్ పై నేరుగా అటాక్ చేయడం ఆమె పార్టీ నుంచి బయటకు వచ్చిన తరువాత ఇదే ప్రథమం. ఈ సందర్భంగా ఆమె కేసీఆర్ తో తాను మాట్లాడి నాలుగు నెలలు పైనే అయ్యిందన్నారు. కేటీఆర్, హరీష్ లకు పార్టీని వదిలేయడంపై ఆమె ఈ సందర్భంగా కేసీఆర్ ను తప్పుపట్టారు. ఇలా మాట్లాడడం ద్వారా ఆమె తాను కేసీఆర్ తో డీ అంటే ఢీ అనడానికి రెడీ అన్న సంకేతాలు ఇచ్చారు. బీఆర్ఎస్ పార్టీ నుంచి బయటకు వచ్చేసిన తరువాత తన శాసనమండలి సభ్యత్వానికి కవిత రాజీనామా చేసిన సంగతి తెలిసిందే. దీంతో ఆమె ఇప్పటికీ ఎమ్మెల్సీగా కొనసాగుతున్నారు. శుక్రవారం (జనవరి 2) కూడా ఆమె శాసనమండలి స్పీకర్ ను తన రాజీనామాను ఆమోదించాల్సిందిగా కోరారు.
ALSO ON TELUGUONE N E W S
-మరికొన్నిరోజుల్లో సెల్యులాయిడ్ పైకి ప్రభాస్, చిరంజీవి
-తెలంగాణాలో బెనిఫిట్ షో కి సంబంధించి అభిమానుల్లో టెన్షన్ వాతావరణం
-అఖండ 2 విషయంలో మంత్రి కోమటిరెడ్డి ఏమన్నారు!
-ఇప్పడు కూడా అదే మాటపై ఉంటాడా!
-రేవంత్ రెడ్డి దగ్గరకి బెనిఫిట్ షో పంచాయితీ వెళ్తుందా!
-ఫ్యాన్స్ ఏమంటున్నారు
బెనిఫిట్ షో.. ఈ పదాన్ని డై హార్ట్ ఫ్యాన్స్ ప్రేమించినంత ఇదిగా మరొకరు ప్రేమించరు. అదే టైంలో బెనిఫిట్ షో ప్రదర్శించకపోతే నిరసన చెయ్యడానికి కూడా వెనకాడరు. అంతలా డై హార్ట్ ఫ్యాన్స్ కి,బెనిఫిట్ షో కి మధ్య అనుబంధం సుదీర్ఘ కాలం నుంచి కొనసాగుతూ వస్తుంది. బడా హీరోలకి, డై హార్ట్ ఫ్యాన్స్ కి మధ్య వారధి కూడా. హీరోలు సైతం ఫ్యాన్స్ ఆకాంక్ష మేరకు తమ చిత్రం బెనిఫిట్ షో తో ప్రారంభం కావాలని కోరుకుంటారు. భారీ బడ్జెట్ తో నిర్మాణం జరుగుతుంది కాబట్టి బెనిఫిట్ షో కి వచ్చే అమౌంట్ తమకి ఉపయోగపడుతుందనేది మేకర్స్ కూడా ఆశ పడుతుంటారు. ప్రభుత్వాలు కూడా బెనిఫిట్ షో విషయంలో పాజిటివ్ గా స్పందించడం ఆనవాయితీ. కానీ ఇప్పుడు బెనిఫిట్ షో పై తెలంగాణ ప్రభుత్వం తుది నిర్ణయం ఏ విధంగా ఉండబోతోందనే చర్చ సోషల్ మీడియా వేదికగా జరుగుతుంది.
సంక్రాంతికి చిరంజీవి 'మన శివశంకర వరప్రసాద్ గారు'(Mana Shankara Varaprasadgaru)తో 'రాజాసాబ్' (The Raja Saab)తో ప్రభాస్ ది యేటర్స్ లో అడుగుపెడుతున్నారు. ఈ రెండు చిత్రాలని ప్రేక్షకులు, మూవీ లవర్స్ కంటే ముందే చూడాలని బెనిఫిట్ షో కోసం ఫ్యాన్స్ ఎంతో ఎగ్జైట్ మెంట్ తో ఎదురుచూస్తుంటారు. కానీ అఖండ 2 రిలీజ్ టైం లో తెలంగాణ సినిమోటోగ్రఫీ మినిష్టర్ కోమటి రెడ్డి వెంకట రెడ్డి మాట్లాడుతు ప్రభుత్వానికి తెలియకుండా అధికారులు అఖండ 2 టికెట్ రేట్స్ పెంపుకి అనుమతి ఇచ్చారు. దీంతో ఇక టికెట్ రేట్స్ పెంపుకోసం, బెనిఫిట్ షో అనుమతి కోసం సినిమా వాళ్ళు ఎవరు రావద్దని ఖరాఖండిగా చెప్పాడు. ఈ నేపథ్యంలో ఇప్పుడు తెలంగాణ కి సంబంధించి బెనిఫిట్ షో విషయంలోనే కాకుండా టికెట్ రేట్స్ పెంపుపై కూడా ఆసక్తి నెలకొని ఉంది.
Also read: రజనీ, కమల్ ప్రాజెక్ట్ కి ఊహించని దర్శకుడు.. కన్ఫార్మ్ చేసిన కమల్ హాసన్
సోషల్ మీడియాలో ఈ విషయంపై ఇద్దరి అభిమానులు స్పందిస్తు 'చిరంజీవి గారు ఇప్పుడు తెలంగాణ ప్రభుత్వం నిర్వహించే కొన్ని కార్యక్రమాలకి ముఖ్య అతిధిగా హాజరవుతూ వస్తున్నారు. పైగా రేవంత్ రెడ్డి తో కోమటి రెడ్డి తో వ్యక్తిగతంగా కూడా సన్నిహిత సంబంధాలు ఉన్నాయి. దీంతో బెనిఫిట్ షో విషయంతో పాటు టికెట్ రేట్స్ పెంపు విషయంలో రాజా సాబ్, మన శంకర వర ప్రసాద్ కి ప్రభుత్వం నుంచి పాజిటివ్ రెస్పాన్స్ వస్తుందని అంటున్నారు.మరి వాళ్ళ నమ్మకం నిలబడుతుందో లేదో చూడాలి. ఇక సంక్రాంతికే వస్తున్న భర్త మహాశయులకు విజ్ఞప్తి, అనగనగ ఒక రాజు చిత్రాల మేకర్స్ మాట్లాడుతు తమ సినిమాలకి టికెట్ రేట్స్ పెంపు ఉండవని అధికారకంగా చెప్పిన విషయం తెలిసిందే.సంక్రాంతికే వస్తున్న నారి నారి నడుమ మురారి కూడా ఇదే దారిలో పయనించే అవకాశం ఉంది.
-సుందర్ తప్పుకోవడంతో అందరు షాక్
-మరి దర్శకుడిగా ఎవరు వస్తారని అభిమానుల్లో చర్చ
-కొత్త దర్శకుడిని ప్రకటించిన కమల్ హాసన్
-ఆ దర్శకుడికే ఎందుకు ఇచ్చారు.
-ఇంతకీ ఎవరు ఆ దర్శకుడు
సిల్వర్ స్క్రీన్ పై తెరకెక్కే కొన్ని కాంబినేషన్స్ ని చూసి అభిమానులతో పాటు ప్రేక్షకులు మురిసిపోతుంటారు. కానీ సిల్వర్ స్క్రీన్ మురిసిపోయే కాంబినేషన్ కూడా ఒకటనేది ఉంటుందని నిరూపిస్తున్న కాంబో సూపర్ స్టార్ రజనీకాంత్(Rajinikanth),యూనివర్సల్ స్టార్ కమల్ హాసన్(Kamal Haasan)కాంబో. రజనీ కాంత్ హీరోగా, కమల్ హాసన్ నిర్మాతగా సినిమా అని అనౌన్స్ చేసిన దగ్గర్నుంచి ఈ ప్రాజెక్ట్ ఇంటర్ నేషనల్ ప్రాజెక్ట్ గా కీర్తిని గడించింది. దీంతో కథ,కథనాలు ఏ విధంగా ఉంటాయి, డైరెక్టర్ గా ఎవరు ఉంటారు అనే ఆసక్తి కూడా అందరిలో ఏర్పడింది.
ఈ మేరకు రజనీతో గతంలో అరుణాచలం వంటి హిట్ ని తెరకెక్కించిన సుందర్ ని దర్శకుడిగా ఎంపిక చేసారు. కానీ కొన్నిరోజుల తర్వాత ఆ ప్రాజెక్ట్ నుంచి తప్పుకుంటున్నానని సుందర్ స్వయంగా ప్రకటించాడు. ఆ సందర్భంగా విడుదల చేసిన లేఖలో రజనీ, కమల్ వంటి లెజండ్రిస్ పర్సన్స్ కి సబ్జెట్ పరంగా న్యాయం చేయలేనేమో అని చెప్పడం జరిగింది. దీంతో ఎవరు దర్శకుడిగా వస్తారనే చర్చ ఇండియన్ సినీ ప్రేమికుల్లో నిత్యం తిరుగుతూనే ఉంది. రీసెంట్ గా తమ సినిమాకి 'సిబి చక్రవర్తి'(Cibi Chakravarthy)ని డైరెక్టర్ గా ఫిక్స్ చేసినట్టు కమల్ హాసన్ నిర్మాణ సంస్థ రాజ్ కమల్ ఫిలిం ఇంటర్ నేషనల్ సోషల్ మీడియా వేదికగా వెల్లడి చేసింది. సినిమా రిలీజ్ వచ్చే ఏడాది సంక్రాంతికి అని కూడా ప్రకటించడం విశేషం.
Also read: టబు కూతురు ఎవరో తెలిసింది. మరి టబుకి పెళ్లి కాలేదు కదా
సిబి చక్రవర్తి విషయానికి వస్తే 2022 లో శివ కార్తికేయన్ హీరోగా వచ్చిన 'డాన్'(Don)తో దర్శకుడిగా తెరంగ్రేటం చేసాడు. శివ కార్తికేయన్ కెరీర్ లో బిగ్గెస్ట్ హిట్ గా నిలవడంతో పాటు సిబి చక్రవర్తి కథ, కథనాలకి, టేకింగ్ కి మంచి పేరు వచ్చింది. ఇప్పుడు రెండో సినిమాకే రజనీ, కమల్ ప్రాజెక్ట్ ని దక్కించుకొని అందరి దృష్టిని ఆకర్షిస్తున్నాడు. రజనీ నుంచి వస్తున్న 173 వ చిత్రం కాగా షూటింగ్ కి త్వరలోనే వెళ్లనుంది. అనిరుద్ మ్యూజిక్ ని అందిస్తున్నాడు.
ఈమెనే టబు కూతురు
స్వయంగా పరిచయం చేసిన టబు
మరి పెళ్లి కానీ టబుకి కూతురు ఎక్కడ్నుంచి వచ్చింది
అసలు ఇంతకీ ఆమె ఎవరు
మీడియాతో సహా అందరు షాక్
టబు(Tabu)..ఈ పేరు చెబితే తెలియని తెలుగు ప్రేక్షకుడు లేడు. ఆ మాటకొస్తే టబు అంటే తెలియని భారతీయ సినీ ప్రేక్షకుడు కూడా ఉండడు. ఏ క్యారక్టర్ పోషించినా సదరు క్యారక్టర్ ని అభిమానులు, ప్రేక్షకుల దృష్టిలో బ్రాండ్ అంబాసిడర్ గా మార్చడం టబుకి ఉన్న స్పెషాలిటీ. కింగ్ నాగార్జున(Nagarujuna)తో చేసిన 'నిన్నే పెళ్లాడతా'లోని మహాలక్ష్మి క్యారక్టర్ నే ఒక ఉదాహరణ. అంతలా తనదైన ఛరిష్మాతో ఇండియన్ సిల్వర్ స్క్రీన్ పై చెరగని ముద్ర వేసింది. ప్రస్తుతం టబు వయసు 54 . ఈ ఏజ్ లోను యంగ్ హీరోయిన్స్ కి పోటీ ఇస్తూ వైవిధ్యమైన క్యారెక్టర్స్ ని పోషిస్తు దూసుకుపోతుంది. టబు ఇంకా పెళ్లి చేసుకొని విషయం తెలిసిందే. కానీ ఇప్పుడు టబు తన కూతురుని పరిచయం చెయ్యడం అందర్నీ షాక్ కి గురి చేస్తుంది.
ఈ నెల 1 న న్యూ ఇయర్ వెల్ కమ్ చెప్తు బాలీవుడ్ లో 'ఇక్కీస్'(Ikkis)అనే మూవీ రిలీజయ్యింది. దేశ భక్తి నేపథ్యంతో తెరకెక్కగా మంచి టాక్ తోనే రన్ అవుతుంది. రీసెంట్ గా ఇక్కీస్ స్పెషల్ షో ని సినీ సెలబ్రటీస్ కోసం ముంబై వేదికగా మేకర్స్ ప్రదర్శించారు. ఈ షో కి టబు కూడా హాజరైంది. ఈ సందర్భంగా మీడియాతో మాట్లాడుతూ మీకు నా కూతురుని పరిచయం చేస్తానని చెప్పగానే అందరు ఒక్కసారిగా షాక్ కి గురయ్యారు. టబు కూతురు ఎవరా అని ఒకింత ఉద్వేగంతో ఎదురు చూస్తూ ఉన్నారు. అప్పుడు అక్కడికి ప్రముఖ హీరోయిన్ ఫాతిమా సనా(Fathima Sana)వచ్చింది. టబు ఆమెని కౌగలించుకొని ఈమెనే నా కూతురు అని చెప్పింది. అప్పటికి కూడా అందరు షాక్ లో ఉన్నారు.
also read: అఖండ 2 ఓటిటి డేట్ ఇదేనా!
ఆ తర్వాత టబు మాట్లాడుతు 1997 వ సంవత్సరంలో 'చాచి 420’మూవీలో ఫాతిమా నా కూతురిగా చేసింది. అప్పట్నుంచి ఫాతిమా నా కూతురే అని టబు చెప్పేసరికి మీడియా తో పాటు అక్కడున్న వాళ్ళందరు నవ్వుకున్నారు. ఇప్పుడు ఈ వీడియో సోషల్ మీడియాలో వైరల్ గా మారింది. దీంతో సోషల్ మీడియా వేదికగా టబు అభిమానులు స్పందిస్తు టబు మేడం మీరు త్వరగా పెళ్లి చేసుకొని నిజమైన కూతుర్ని పరిచయం చేయాలని కోరుకుంటున్నామనే కామెంట్స్ చేస్తున్నారు. ఇక దంగల్ తో ఫాతిమా ఇండియా వైడ్ గా ఫుల్ పాపులారిటీ ని సంపాదించిన విషయం తెలిసిందే. ప్రస్తుతం పలు ప్రాజెక్ట్స్ తో బిజీగా ఉంది.
Actor Naga Chaitanya enjoyed a defining year in 2025, making headlines with the massive success of Thandel and setting the stage for an even bigger 2026. The film emerged as one of the biggest hits of his career, crossing Rs. 100 crore worldwide within just 10 days, marking a major commercial milestone.
Directed by Chandoo Mondeti, Thandel was inspired by a real-life incident involving fishermen. The film stood out for its blend of emotional drama, romance, and action. The grounded storytelling and strong emotional core resonated deeply with audiences, while Chaitanya’s performance drew appreciation for its intensity and sincerity. Positive word-of-mouth played a crucial role in sustaining the film’s theatrical collections, helping it maintain a strong run at the box office.
The success of Thandel extended well beyond cinemas. After completing its theatrical run, the film premiered on Netflix, where it reached a wider pan-India audience and expanded its footprint across different regions. Adding to its momentum, the television premiere registered one of the highest TRP ratings of 2025, underlining the film’s mass appeal and strong family connect.
Buoyed by this all-round success across theatres, OTT, and television, Naga Chaitanya has already set his sights on the future. He is currently shooting NC24, now titled Vrushakarma, a mythological thriller slated for release in 2026. The project promises grand visuals and large-scale action, marking a notable shift into a high-concept genre for the actor. In addition, he is preparing to announce his 25th film, another major milestone in his steadily evolving career.
With a diverse and ambitious lineup planned for 2026 spanning mythology, action, and experimental storytelling, industry observers see Naga Chaitanya entering a significant new phase. Riding high on the success of 2025, the year 2026 promises to mark the next exciting chapter in his journey.
Disclaimer: The news article is written based on information shared by various sources. The organisation is not responsible for the factual nature of them. While we do try to do thorough research at times people could misguide. So, we would encourage viewers' discretion before reacting to them.
RaajKamal Films International has officially confirmed the director for their upcoming prestigious project, tentatively titled #Thalaivar173. The film, which stars Superstar Rajinikanth in the lead role, will be directed by the young and talented filmmaker Cibi Chakaravarthi. This announcement has brought immense excitement to fans who have been eagerly waiting for updates regarding the Superstar’s next cinematic venture.
The project is a landmark collaboration in Indian cinema, as it is produced by legendary actor Kamal Haasan and R. Mahendran under the esteemed RaajKamal Films International banner. Bringing together two of the biggest icons of the industry—one as the lead star and the other as the producer—makes this one of the most anticipated films of the decade. Adding to the high-profile technical team is the sensation Anirudh, who has been roped in to compose the musical score for the film.
According to the official statement, the production is scheduled to commence shortly. While the primary cast and crew have been locked, the production house has indicated that further details regarding the supporting cast and technical team will be shared in the coming months. The film is being planned on a grand scale and is officially slated for a festive theatrical release during Pongal 2027.
Disclaimer: The news article is written based on information shared by various sources. The organisation is not responsible for the factual nature of them. While we do try to do thorough research at times people could misguide. So, we would encourage viewers' discretion before reacting to them.
-ఓటిటి డేట్ ఇదే
-నెట్ ఫ్లిక్స్ ఏం చెప్తుంది
-ఎన్నో అదనపు ఆకర్షణలు
గాడ్ ఆఫ్ మాసెస్ బాలకృష్ణ(Balakrishna)లో దాగి ఉన్న నట విశ్వరూపం యొక్క రేంజ్ ని మరింతగా ఎస్టాబ్లిష్ చేసిన చిత్రం 'అఖండ 2'(AKhanda 2).పైగా ఆ నట విశ్వరూపానికి శివతత్వం కూడా యాడ్ కా వడంతో థియేటర్స్ అన్ని జై బాలయ్య, హరహరమహాదేవశంభోశంకర అంటు మారు మోగిపోయాయి. కొంత మంది ఆడవాళ్లకి అయితే థియేటర్స్ లో పూనకాలు కూడా వచ్చాయి. దీన్ని బట్టి అఖండ 2 ప్రభావం అభిమానుల్లో,ప్రేక్షకుల్లో ఏ మేర ఉందో అర్ధం చేసుకోవచ్చు.
అఖండ 2 ఓటిటి స్ట్రీమింగ్ హక్కులని నెట్ ఫ్లిక్స్ దక్కించుకున్న విషయం తెలిసిందే. సినీ సర్కిల్స్ లో తాజాగా వినిపిస్తున్న సమాచారం ప్రకారం సదరు సంస్థ జనవరి 9 నుంచి అఖండ 2 ని ఓటిటి లవర్స్ కోసం అందుబాటులోకి తీసుకొస్తునట్టుగా వార్తలు వస్తున్నాయి. ఆ డేట్ పై త్వరలోనే అధికార ప్రకటన కూడా రానుందని అంటున్నారు.పైగా పాన్ ఇండియా భాషల్లో రిలీజ్ కానున్నట్టుగా కూడా తెలుస్తుంది. ఇక ఇప్పుడు ఈ న్యూస్ వైరల్ గా మారడంతో సినీ ట్రేడ్ వర్గాలు స్పందిస్తు కంటెంట్ కి ఉన్న కెపాసిటీ దృష్ట్యా అఖండ 2 ఓటిటి లో పాన్ ఇండియా వ్యాప్తంగా రికార్డు వ్యూస్ ని రాబట్టే అవకాశం ఉందని అంటున్నారు.
Also read: వృషభ ఎండింగ్ కలెక్షన్స్ ఇవేనా! ఫస్ట్ వీక్ ఎంత
సింహ, లెజండ్, అఖండ తో బిగ్గెస్ట్ బ్లాక్ బస్టర్స్ అందుకున్న బాలకృష్ణ, బోయపాటి కాంబో ఈ చిత్రానికి అదనపు ఆకర్షణ. సంయుక్త మీనన్, హర్షాలీ మల్హోత్రా, ఆది పినిశెట్టి, శాశ్వత ఛటర్జీ, కబీర్ దుహన్ సింగ్ తమ తమ క్యారక్టర్ లో అద్భుతంగా చేశారు. థమన్ అందించిన బ్యాక్ గ్రౌండ్ మ్యూజిక్ మరో అదనపు హైలెట్. మరి జనవరి 9 ఓటిటి లో అడుగుపెట్టడం ఖాయమైతే ఓటిటి సినీ ప్రేమికుల్లో ఈ సంక్రాంతి మరింత సంతోషాన్ని నింపనుంది.
Following the massive success of Mem Famous, Sumanth Prabhas meticulously searched for the perfect follow-up, eventually landing on Godari Gattupaina. Produced by Abhinav Rao and directed by Subhash Chandra, this rural romantic entertainer has just unveiled its teaser, sparking significant buzz among cinema lovers.
Building on the positive momentum of the previously released glimpses and melodies, the teaser takes the excitement to a new level. It introduces us to the "OscaRRR" gang—a group of spirited youngsters who, despite being labeled aimless by society, share an unbreakable bond of friendship. Sumanth Prabhas and Nidhi Pradeep lead the way with natural, grounded performances that perfectly capture the essence of a vibrant rural romance.
The film boasts a stellar supporting cast, including Jagapathi Babu, Rajeev Kanakala, Harsha Vardhan, and Devi Prasad. Each actor appears to have stepped out of their comfort zone to deliver unique, high-energy performances that amplify the movie's comedic strength. With its lush visual appeal, sharp wit, and authentic village atmosphere, the film positions itself as a strong contender at the box office.
Backed by high-end production values and a stirring background score, Godari Gattupaina promises a captivating cinematic experience. Sumanth Prabhas seems set to deliver another youthful hit that will draw audiences to theaters when it releases in 2026.
Disclaimer: The news article is written based on information shared by various sources. The organisation is not responsible for the factual nature of them. While we do try to do thorough research at times people could misguide. So, we would encourage viewers' discretion before reacting to them.
-ఇప్పటి వరకు ఎంత
-ఫ్యాన్స్ ఏమంటున్నారు
-క్లోజింగ్ కి వచ్చినట్టేనా!
సౌత్ ఇండియన్ సూపర్ స్టార్స్ లో మోహన్ లాల్(Mohanlal)కూడా ఒకరని ఇప్పుడు ప్రత్యేకంగా చెప్పుకోవాల్సిన పని లేదు. 80 వ దశకం నుంచే సదరు సౌత్ ఇండియన్ సిల్వర్ స్క్రీన్ పై తన సత్తా చాటుతూ వస్తున్నాడు. ఈ క్రమంలోనే మరోసారి 'క్రిస్ మస్'(Christmas)కానుకుగా 'వృషభ'(Vrusshabha)తో అడుగుపెట్టాడు. కానీ వృషభ అభిమానులతో పాటు అందరి అంచనాలని తలకిందులు చేస్తు డిజాస్టర్ టాక్ ని సొంతం చేసుకుంది. సదరు డిజాస్టర్ టాక్ కి ఫలితం ఎలా ఉందంటే మోహన్ లాల్ కెరీర్ లోనే అతి పెద్ద ప్లాప్ గా ఆవిష్కృతమైంది . దీంతో ట్రేడ్ వర్గాల వారు వృషభ ఇప్పటి వరకు రాబట్టిన కలెక్షన్స్ కి సంబంధించి వెల్లడి చేసిన న్యూస్ ఇప్పుడు వైరల్ గా మారింది.
వృషభ ఇప్పటి వరకు కేవలం రెండు కోట్ల రూపాయల నెట్ ని మాత్రమే రాబట్టినట్టుగా ట్రేడ్ వర్గాలు వ్యక్తం చేస్తున్నాయి. ఈ రెండు కోట్లలో మొదటి రోజే డెబ్భై లక్షలు వచ్చాయని వెల్లడి చేసాయి. అంటే ఎంత పెద్ద డిజాస్టర్ గా నిలిచిందో ఊహించుకోవచ్చు. తొలి ఆట నుంచే నెగిటివ్ టాక్ రావడంతో సౌత్ ఇండియా వ్యాప్తంగా చాలా థియేటర్స్ లో ప్రెజెంట్ వృషభ రన్ అవ్వడం లేదు. కేరళలో కూడా చాలా థియేటర్స్ నుంచి తప్పించడంతో రెండు కోట్ల రూపాయలని ఎండింగ్ కలెక్షన్స్ గా భావించవచ్చు. ఇక మోహన్ లాల్ అభిమానులు ఈ విషయంపై సోషల్ మీడియా వేదికగా స్పందిస్తు వరుస విజయాలతో దూసుకుపోతున్న తమ అభిమాన హీరో సినిమాకి ఎంత నెగిటివ్ టాక్ వచ్చినా కనీస స్థాయి కలెక్షన్స్ రాబట్టలేకపోవడం తమని ఆవేదనకి గురి చేస్తుందని అంటున్నారు.
Also Read: సంక్రాంతికి గెలిచేది ఈ చిత్రమే.. పేరు ఇదే
పునర్జన్మల నేపథ్యంలో తెరకెక్కిన వృషభ లో రాజా విజయేంద్ర వృషభ అనే మహారాజుగా, అది దేవవర్మ అనే బిజినెస్ గా మోహన్ లాల్ భిన్న పార్శ్యాలు ఉన్న క్యారక్టర్ లలో కనిపించాడు. తన పెర్ ఫార్మెన్స్ తో కట్టిపడేసినా కూడా కథ, కథనాల్లోని లోపాలు, నంద కిషోర్(Nanda Kishore)పసలేని దర్శకత్వం బాక్స్ ఆఫీస్ వద్ద వృషభ ని ముందుకు తీసుకెళ్లలేకపోయాయి.నయన్ సారిక, రాగిణి ద్వివేది హీరోయిన్ లుగా చేసారు. కనెక్ట్ మీడియా, బాలాజీ మోషన్ పిక్చర్స్, అభిషేక్ ఎస్ వ్యాస్ స్టూడియోస్ సంయుక్తంగా నిర్మించాయి.
ఈ సంక్రాంతికి 'భర్త మహాశయులకు విజ్ఞప్తి'తో అదిరిపోయే కమ్ బ్యాక్ ఇవ్వాలని చూస్తున్నాడు మాస్ మహారాజా రవితేజ. డింపుల్ హయాతి, ఆషిక రంగనాథ్ హీరోయిన్స్ గా నటిస్తున్న ఈ ఫ్యామిలీ ఎంటర్టైనర్ కి కిషోర్ తిరుమల దర్శకుడు. భార్య, ప్రేయసి మధ్య నలిగిపోయే వ్యక్తిగా రవితేజ కనిపిస్తున్నాడు. (Bhartha Mahasayulaku Wignyapthi)
భీమ్స్ సిసిరోలియో సంగీతం అందిస్తున్న 'భర్త మహాశయులకు విజ్ఞప్తి' నుంచి ఇప్పటికే రెండు పాటలు విడుదలయ్యాయి. తాజాగా థర్డ్ సింగిల్ గా 'వామ్మో వాయ్యో' సాంగ్ విడుదలైంది. ఈ సాంగ్స్ లో ఇద్దరు హీరోయిన్స్ కలిసి రవితేజ చిందేయడం విశేషం. (Vaammo Vaayyo Song)
భీమ్స్ సిసిరోలియో శైలిలో ఫోక్ టచ్ తో ఉన్న మాస్ సాంగ్ ఇది. అందరూ వైబ్ అయ్యేలా ఎనర్జిటిక్ గా సాంగ్ ఉంది. "ఇల్లు పాయె ఒళ్ళు పాయె ఓ రామ రామ.. గ లచ్చుగాని ఎచ్చులు పాయె ఓ రామ రామ" అంటూ పాట సాగింది. భీమ్స్ బీట్ కి తగ్గట్టుగానే దేవ్ పవర్ లిరిక్స్ క్యాచీగా ఉన్నాయి. సింగర్ స్వాతి రెడ్డి కూడా ఎంతో ఎనర్జిటిక్ గా సాంగ్ ని ఆలపించింది. ఇక లిరికల్ వీడియోలో ఎనర్జీ విషయంలో రవితేజతో పోటీపడ్డారు హీరోయిన్స్.
మొత్తానికి 'వామ్మో వాయ్యో' సాంగ్ ఇన్ స్టాంట్ చార్ట్ బస్టర్ అని చెప్పవచ్చు. ఈ సాంగ్ తో 'భర్త మహాశయులకు విజ్ఞప్తి' సినిమాకి బోలెడంత ప్రమోషన్ జరిగే అవకాశముంది.
-సంక్రాంతి విన్నర్ ఎవరు!
-ఫ్యాన్స్ ఏమంటున్నారు
-విజేత ఎవరో ఫిక్స్ అయిపోయిందా!
-యాంటీ ఫ్యాన్స్ రెస్పాన్స్ ఏంటి
సంక్రాంతికి పర్యాయ పదం తెలుగు సినిమా అని చెప్పుకోవడంలో ఎలాంటి అతిశయోక్తి లేదు. ఈ వర్డ్ ని మారుద్దామని చూసినా మార్చలేని పరిస్థితి. అసలు సంక్రాంతి కోసం తెలుగు సినిమా, తెలుగు సినిమా కోసం సంక్రాంతి, ఇలా ఒకరికోసం ఒకరు పుట్టారా అని కూడా అనిపిస్తుంది. అంతలా ప్రతి సంక్రాంతికి పందెం కోళ్ళల్లా తెలుగు సినిమాలు సిల్వర్ స్క్రీన్ పై టేక్ ఆఫ్ అవుతాయి. ఈ సారి కూడా ఆ ఆనవాయితీకి బ్రేక్ ఇవ్వకుండా సంక్రాంతికి మరింత శోభ ని తెచ్చేలా మెస్మరైజ్ చేసే చిత్రాలు ఐ ఫీస్ట్ అనుభూతిని కలిగించనున్నాయి.
ప్రభాస్, మారుతిల రాజా సాబ్, చిరంజీవి, వెంకటేష్,అనిల్ రావిపూడి మన శంకర వర ప్రసాద్ గారు(Mana Shankara Varaprasad Garu)రవితేజ నుంచి భర్త మహాశయులకు విజ్ఞప్తి(Bharha Mahasayulaku Vijnpathi)శర్వానంద్ ది నారి నారి నడుమ మురారి(Naari naari Naduma Murari)నవీన్ పోలిశెట్టి అనగనగా ఒక రాజు(Anaganaga Oka raju)ఇలా పలు క్రేజీ ప్రాజెక్ట్స్ వరుసగా ల్యాండ్ అవుతున్నాయి. ఈ మేరకు అన్ని చిత్రాల నుంచి రిలీజ్ డేట్ అధికారంగా రావడంతో పాటు మేకర్స్ ప్రమోషన్స్ లో బిజీగా ఉన్నారు. ఇక స్వతంత్ర సినీ ప్రపంచంలో దురాభిమానులు కూడా ఉంటారనే విషయం తెలిసిందే. దీంతో సోషల్ మీడియా వేదికగా దురాభిమానులు రంగంలోకి దిగారు. మా హీరో సినిమా బాగా ఆడుతుందంటే మా హీరో సినిమా బాగా ఆడుతుంది. పలానా హీరో సినిమా ఆల్రెడీ ప్లాప్ అంటా ఇలా తమకి ఇష్టమొచ్చిన రీతిలో ద్వేష పూరితమైన వాతావరణాన్ని సోషల్ మీడియా వేదికగా సృష్టిస్తున్నారు.
Also Read: జనవరి 4 నుంచే మన శంకర వరప్రసాద్ హంగామా.. వెల్లడి చేసిన మేకర్స్
కానీ నిజమైన ఫ్యాన్స్ , మూవీ లవర్స్, తెలుగు సినిమా ప్రేక్షకులు, పరిశ్రమ మంచి కోరే వాళ్ళు మాత్రం సంక్రాంతి సినిమాలపై స్పందిస్తు 'ఈ సారి సంక్రాంతికి వచ్చే అన్ని సినిమాలు డిఫరెంట్ జోనర్స్ తో వస్తున్నాయి. పైగా ఎంతో ప్రతిష్టాత్మకంగా తెరకెక్కడం జరిగింది. ఆయా చిత్రాల నుంచి ఇప్పటికే వచ్చిన టీజర్, ట్రైలర్ సాంగ్స్ సూపర్ గా ఉన్నాయి. కాబట్టి అన్ని చిత్రాలు విజయాన్ని అందుకోవడం గ్యారంటీ. దీంతో తెలుగు సినిమా గెలిచినట్టే అనే అభిప్రాయాన్ని సోషల్ మీడియా వేదికగా వ్యక్తం చేస్తున్నారు. ఇళయ దళపతి విజయ్ మూవీ జన నాయకుడు కూడా విజయాన్ని అందుకోవాలని కూడా కోరుకుంటున్నారు.
మోసం అనేది అన్ని చోట్ల ఉంటుంది. అయితే పూర్తీ నష్టం జరిగిన తర్వాత మాత్రమే మోసం జరిగింది అని ఎవరైనా తెలుసుకోగలుగుతారు. కొలీగ్స్, స్నేహితులు, బంధువులు.. ఇలా ఎవరి చేతులో మోసపోయినా తిరిగి జీవితాన్ని నిర్మించుకోవడానికి అవకాశం ఉంటుంది. కానీ ఒక అమ్మాయి అబ్బాయి చేతిలో మోసపోతే అది జీవితం మీద చాలా గట్టి దెబ్బ అవుతుంది. కానీ ఈ విషయంలో అమ్మాయిలకు ఒక అవకాశం ఉంది. అదే ముందు జాగ్రత్త.. ఏ అబ్బాయి అయినా అమ్మాయిని మోసం చేయాలనే ఉద్దేశంతో ఉంటే ఆ అబ్బాయిలు చేసే పనులే వారిని పట్టిస్తాయి. వీటిని అర్థం చేసుకుంటే అమ్మాయిలు జాగ్రత్తపడి మోసగాళ్ల బారినుండి తప్పించుకోవచ్చు. ఇంతకీ.. అమ్మాయిలను మోసం చేసే అబ్బాయిలు చేసే పనులేంటో తెలుసుకుంటే..
ప్రవర్తన..
అబ్బాయి అమ్మాయిని మోసం చేసే ఉద్దేశంతో ఉంటే వెంటనే కనిపించే మొదటి మార్పు.. ప్రవర్తన మారిపోవడం. అబ్బాయి ప్రవర్తనలో మార్పు కొట్టొచ్చినట్టు కనిపిస్తుంది. మునుపటిలాగా ప్రేమించకపోవడం, శ్రద్దగా ఉండకపోవడం చేస్తారు.
అవసరాలు..
కేవలం తన అవసరాల గురించి మాత్రమే ఆలోచించే అబ్బాయి మోసం చేసే అవకాశాలు ఎక్కువ ఉంటాయి. అలాంటి వారికి ఇతరుల అవసరాల గురించి, వారి భావాల గురించి అస్సలు పట్టదు. వారికి కావాల్సింది దక్కనప్పుడు వారు సింపుల్ గా దూరం పెడతారు.
నిజాలు..
మొదట చిన్న చిన్న విషయాలు కూడా షేర్ చేసుకున్న వ్యక్తి ఆ తరువాత ఏ విషయాలు చెప్పకుండా గోప్యత మెయింటైన్ చేస్తుంటే, పైగా ఏదైనా విషయం అడిగినప్పుడు నిజం చెప్పకుండా అబద్దాలు చెబుతుంటే అలాంటి వారిని నమ్మడం కష్టం.
సమయం..
ప్రేమలో ఉన్నవారు, ప్రేమిస్తున్న వారు.. తమ పార్ట్నర్ కోసం తప్పకుండా ఏదో ఒక విధంగా సమయాన్ని కేటాయిస్తారు. వారు ఎంత బిజీ అయినా సరే.. సమయాన్ని కేటాయిస్తారు. కానీ మోసం చేసే ఉద్దేశ్యం ఉన్నవారు ఏదో ఒక సాకు చెబుతుంటారు. అలాంటి వారికి బంధం పట్ల సీరియస్ నెస్ ఉండదు.
మాటలు.. చేష్టలు..
మోసం చేసే ఉద్దేశం ఉన్న అబ్బాయిల మాటల్లోనూ, చేష్టలలోనూ చాలా వ్యత్యాసం ఉంటుంది. మాటల్లో చాలా తియ్యగా మాట్లాడతారు. గొప్పలు చెబుతారు, తాము చాలా అత్యుత్తమం అనేలా నమ్మిస్తారు. కానీ ప్రవర్తన దగ్గరకు వచ్చేసరికి పూర్తీగా సీన్ మారిపోతుంది. తాము చెప్పిందే చేయాలన్నట్టు డిమాండ్ చేస్తారు. లేకపోతే నిర్లక్ష్యం చూపిస్తారు.
సహాయం..
మోసం చేసే ఉద్దేశం ఉన్న అబ్బాయిలు పూర్తీగా స్వార్థంతో ఉంటారు. అమ్మాయి ఏదైనా సహాయం అడిగినప్పుడు సహాయం చేయకపోవడం లేదా తప్పించుకున్నా అతను అమ్మాయిని కేవలం వాడుకుంటున్నాడని అర్థం.
స్వప్రయోజనం..
అబ్బాయి డబ్బు లేదా ఏదైనా సహాయం వంటి వాటికోసం అమ్మాయిని ఒత్తిడి చేసి మరీ ఇబ్బంది పెడుతుంటే అతను మోసం చేసే ఉద్దేశం ఉన్నవాడని అర్థం. నిజంగా ప్రేమించే అబ్బాయిలు తమ వల్ల తను ప్రేమించే అమ్మాయికి ఎలాంటి కష్టం రాకూడదు అనుకుంటారు.
నియంత్రణ..
అమ్మాయి తన కుటుంబానికి, తన సన్నిహితులకు దూరంగా ఉండాలని డిమాండ్ చేసే అబ్బాయిలు ఎప్పుడూ నిజమైన ప్రేమ కలిగి ఉండరు. అమ్మాయిని నియంత్రణలో ఉంచాలని అనుకునేవారు ఆమెను తమకు అనుగుణంగా వాడుకుంటారు.
బాధ్యత..
ప్రతి అబ్బాయికి తను ప్రేమించిన అమ్మాయి పట్ల బాధ్యత ఉంటుంది. కానీ అతను అమ్మాయి పట్ల బాధ్యతతో ఉండకుండా కేవలం తన సొంత సంతోషం గురించి మాత్రమే ప్రాధాన్యత ఇస్తుంటే అతను అమ్మాయి పట్ల సీరియస్ నెస్ లేనట్టే..
ఎమోషన్స్..
అమ్మాయిలకు సాధారణంగానే ఎమోషన్స్ ఎక్కువ ఉంటాయి. అయితే అబ్బాయి అమ్మాయి ఎమోషన్స్ ను పట్టించుకోకుండా , అర్థం చేసుకోకుండా ఉంటే అతను సరైన పార్ట్నర్ కాడని అర్థం.అలాంటి వాడితో ఏ అమ్మాయి సంతోషంగా ఉండలేదు.
- రూపశ్రీ
కాలంతో పాటు మనుషులు కూడా మారుతూ ఉంటారు. జీవితంలో ఎదురయ్యే ఎన్నో సమస్యలకు, కష్టాలకు తగ్గట్టు మనుషులు సర్దుబాటు చేసుకుంటూ తమను తాము మార్చుకుంటూ ముందుకు వెళతారు. అయితే కష్టం లేదా సమస్య వచ్చినప్పుడు వాటిని భరించాలని, ఓర్పుతో వాటిని అధిగమించాని తెలిసిన మనుషులు ఆరోగ్యం దగ్గర మాత్రం చాలా నిర్లక్ష్యంగా ఉంటారు. సింపుల్ గా చెప్పాలంటే నేటికాలంలో ఆరోగ్యం విషయంలో సర్దుబాటు చేసుకునే వారు ఎక్కువ. అలాగే జీవితం అంటే ఎప్పుడూ ఇంతే అని నిరాశలో బ్రతికేవారు కూడా ఎక్కువే. ప్రతి సారి ఇలాంటివి మామూలే అనుకోకుండా కనీసం కొత్త ఏడాదిలో అయినా ఆరోగ్యం, జీవితం గురించి కాస్త శ్రద్ద పెట్టడం వల్ల మెరుగవ్వచ్చు. 5 టిప్స్ ఫాలో అవ్వడం వల్ల జీవితమే మారిపోతుంది. ఇంతకీ ఆ టిప్స్ ఏంటో తెలుసుకుంటే..
ఆరోగ్యంగా ఉంటేనే అన్ని విషయాల్లో పర్పెక్ట్ గా ఉండగలం..
పైన పేర్కొన్న విషయాన్ని స్పష్టంగా అర్థం చేసుకుంటే చురుకుగా ఉండటం సాధ్యమవుతుంది. ఆరోగ్యంగా ఉండటం వల్ల శక్తి, సమయం, డబ్బు ఆదా అవుతాయి. అంతేకాదు ఇతరులకు సహాయం చేయవచ్చు. తాము ఆరోగ్యంగా, పాజిటివ్ గా ఉండటమే కాకుండా చుట్టూ ఉన్న వారిని కూడా అటు వైపు ఇన్ప్లుయెన్స్ చేసే అవకాశం ఉంటుంది.
బరువు మాత్రమే కాదు..
చాలా మంది ఆరోగ్యం గురించి తీసుకునే నిర్ణయాలలో ఈ ఏడాది బరువు తగ్గాలి.. లాంటివి ఉంటాయి. అయితే బాగా ఆరోగ్యంగా ఉండటం అంటే బరువు తగ్గడం, పొట్ట తగ్గించుకోవడం మాత్రమే కాదు. తెలివితేటలను, మనస్సును నిరంతరం మెరుగుపరచుకుంటూ ఉండాలి. జిమ్లో కండరాలు పెంచడానికి వ్యాయామం చేయడమే కాదు.. నలుగురికి సహాయపడటం, మానవత్వంతో ఉండటం వంటి గుణాలు కూడా ఆరోగ్యాన్ని, వ్యక్తిత్వాన్ని ఎన్నో రెట్లు మెరుగుపరుస్తాయి.
నిద్ర ముఖ్యం..
కార్పొరేట్ ఉద్యోగాలు, యంత్రాల్లా పని చేసే మనుషులు, ఎలక్ట్రానిక్ వస్తువుల్లా సాగే శరీరాలు.. ఇది మాత్రమే కాకుండా గాడ్జెట్లు నాణ్యమైన నిద్ర అంటే ఏంటో తెలియకుండా మనుషులను మార్చేశాయి. అందుకే ఈ నూతన సంవత్సరంలో నిద్ర విషయంలో రాజీ పడకూడదని ఎవరికి వారు ఒక నిబంధన పెట్టుకోవాలి. శరీరాన్ని ఉల్లాసంగా ఉంచుకోవడానికి, ఎలాంటి జబ్బులు శరీరానికి కలగకుండా ఉండటానికి ప్రతి రాత్రి సమయానికి నిద్రపోవాలి. ఇది నిద్ర కణాలను పునరుజ్జీవింపజేస్తుంది, మరుసటి రోజు లేవగానే ఎనర్జీగా ఉండేందుకు, మానసిక, శారీరక ఒత్తిడి తగ్గేందుకు సహాయపడుతుంది.
శ్వాస- ప్రాణ శక్తి..
ప్రతిరోజూ కొంత సమయం శ్వాసపై శ్రద్ధ వహించాలి. కాలానుగుణ పండ్లు, కూరగాయలను తప్పనిసరిగా తీసుకోవాలి. ఇవి చేస్తే శరీరంలో మంచి ఎనర్జీ, ప్రాణ శక్తి మెరుగవుతాయి. రోజువారీ అలసట అధిగమించడానికి ప్రకృతిలో సమయం గడపాలి. సూర్యకాంతిలో గడపడం, స్వచ్ఛమైన గాలి ఉన్న చోట నడవడం. నేలపై చెప్పులు లేకుండా నడవడం, వంటివి చేయాలి. ప్రకృతిని గౌరవిస్తే అది ప్రేమను, శక్తిని, ఆరోగ్యాన్ని తిరిగిస్తుంది.
ప్రతిభ- సామర్థ్యం..
ప్రతి వ్యక్తి తమలో ఉన్న ప్రతిభను, సామర్థ్యాన్ని పూర్తిగా ఉపయోగించుకోవాలి. ఎంత గట్టిగా ప్రయత్నం చేస్తే అంత గొప్ప ఫలితాలు పొందగలుగుతారు. ఏదో బ్రతికేస్తున్నాం అనుకోకుండా జీవితాన్ని మరింత అందంగా ఎలా మార్చుకోవాలో, అవకాశాలను ఎలా సృష్టించుకోవాలో, ఎలా ఉపయోగించుకోవాలో ఆలోచించాలి. ఇది జీవితంలో అబివృద్దికి దారి తీస్తుంది.
- రూపశ్రీ
ప్రతి వ్యక్తి ఒక ప్రత్యేక వ్యక్తిత్వం కలిగి ఉంటారు. వారి వ్యక్తిత్వానికి తగినట్టు వారు మాట్లాడుతుంటారు. నచ్చినట్టే ఏ పని అయినా చేస్తుంటారు. అయితే సైకాలజీ ప్రకారం మనుషులను వివిధ వర్గాలుగా విభజిస్తారు. వారిలో నార్సిసిస్టులు కూడా ముఖ్యమైనవారు. నార్సిసిస్టులు చాలా ప్రమాదకరమైన వ్యక్తులు. బయటకు మేధావులలా కనిపిస్తుంటారు. వారు తమ మాటలతో ఇతరులు తప్పు అని నిరూపిస్తుంటారు. వాటికి తగిన కారణాలను కూడా చెబుతూ ఉంటారు. దీని వల్ల వారు గొప్ప వారు అని చాలా మంది అనుకుంటారు. కానీ నిజం ఏమిటంటే.. నార్సిసిస్టులు తమ తప్పు ఎప్పటికీ ఒప్పుకోరు. తమ తప్పును ఒప్పుకోకూడదు కాబట్టి, తాము చేసింది కరెక్ట్ అని నిరూపించేందుకు ప్రయత్నం చేస్తుంటారు. ఇందుకోసం ఎవ్వరినైనా దోషులుగా నిలబెట్టడానికి వెనుకాడరు. ఈ నార్సిసిస్టులు మన చుట్టూనే ఉంటారు. కానీ వీరిని అంత సులువుగా గుర్తించలేం. మనం నార్సిసిస్టులతో మాట్లాడుతున్నాం అని తెలుసుకోవడానికి కొన్ని మార్గాలు ఉన్నాయి. అవేంటో తెలుసుకుంటే..
తప్పుల తిరస్కారం..
నార్సిసిస్టులు తమ తప్పులను ఎప్పుడూ ఒప్పుకోరు. వారిని ఏదైనా విషయంలో గట్టిగా అరిచినట్లయితే, వారు వెంటనే ఎందుకంత రియాక్ట్ అవుతున్నావ్ ఇదేమంత పెద్ద విషయమని అంటారు, లేదంటే నేను అలా ప్రవర్తించలేదు, నాకు అలాంటి హ్యాబిట్ లేదు అని అంటారు. తమ తప్పులు బయట పడకుండా ఉండటం కోసం ఎదుటివారిని తప్పుదారి పట్టించడానికి ప్రయత్నిస్తారు. నిజంగా జరిగిన సంఘటనలను కూడా తిరస్కరిస్తారు. టోటల్ గా గందరగోళానికి గురిచేసి ఎదుటి వ్యక్తి తమ మీద తాము అనుమానించుకునే స్థాయికి తెస్తారు.
ఎదుటి వ్యక్తిని కించపరచడం..
నార్సిసిస్టులు వారి తప్పులు లేదా వారి నిజాలు బయటపడినప్పుడు తమ తప్పు దాచుకోవడానికి అవతలి వ్యక్తిపై దాడి చేస్తారు. తెలివి లేని వ్యక్తులు గానూ, డ్రామా ఆడే వారిగానూ ఎదుటి వ్యక్తులను నిందిస్తారు. వారి వ్యక్తిత్వాన్నే కించపరిచి, వారిని తక్కువ చేసి మాట్లాడతారు. సింపుల్ గా ఎదుటివారి ఆత్మవిశ్వాసాన్ని దెబ్బతీయడం ద్వారా తమను తాము రక్షించుకోవడానికి ట్రై చేస్తారు. కేవలం ఇది మాత్రమే కాదు.. గతంలో జరిగిన తప్పులను ప్రస్తావిస్తూ అన్నింటిని కలిపి ఎదుటి వారిని తక్కువ చేయడానికి ప్రయత్నిస్తారు.
తామే బాధితులుగా..
నార్సిసిస్టులు తరచుగా తమను తాము బాధితులుగా చిత్రీకరించుకుని వారు చేసిన తప్పుల నుండి అందరినీ దృష్టి మళ్లించడానికి ప్రయత్నిస్తారు. వారిని తప్పుగా అర్థం చేసుకున్నారని లేదా వారి గురించి ఎదుటి వారే చెడుగా ప్రవర్తిస్తున్నారని ఆరోపిస్తారు. దీని వల్ల వారి తప్పుల గురించి మాట్లాడటం మాని తాము తప్పు వ్యక్తులం కాదని నిరూపించుకోవడానికే ఎదుటి వ్యక్తులు ట్రై చేస్తారు. దీని వల్ల నార్సిసిస్టులు ఎదుటివారిని తప్పు చేసిన వ్యక్తులుగా నిలబెట్టి తాము తప్పించుకుంటారు.
తక్కువ చేసి మాట్లాడటం..
ఎదుటి వ్యక్తులు విచారం లేదా కోపాన్ని నార్సిసిస్టుల ముందు వ్యక్తం చేస్తే వారు దాన్ని చాలా తక్కువ చేసి మాట్లాడతారు. చాలా ఓవర్ చేస్తున్నావ్ అనడం లేదా చాలా సెన్సిటివ్ అని చెప్పడం, ఇంత చిన్న విషయానికి గొడవ చేయడం ఏంటి అని అనడం చేస్తారు. చివరికి తాము నిజంగా దైర్యం లేని వారిమేమో అని ఆలోచించే స్థాయికి వారు తీసుకొస్తారు. చివరికి తప్పు నాదేనేమో అని ఎదుటివారు అనుకునేలా చేస్తారు.
తప్పులు వారివి.. నిందలు ఎదుటివారికి..
నార్సిసిస్టులు తమ తప్పులకు ఎదుటివారిని బాధ్యులుగా చేస్తారు. తాము సొంతంగా చేసే తప్పులు, పనులకు ఎదుటివారిని నిందిస్తారు. వారు అబద్ధం చెప్పి ఎదుటివారిని అబద్ధాలకోరు అని అంటారు. వారు మోసం చేస్తూ ఎదుటి వారిని అనుమానిస్తారు.
ఎదుటి వారి బాధలు.. నార్సిసిస్టులకు జోకులు..
కొన్నిసార్లు ఎదుటివారికి బాధ కలిగించే విషయాలను జోక్ లాగా మాట్లాడుతుంటారు. వారు మాట్లాడిన మాటలను ఎవరైనా ఖండిస్తే.. నేను జోక్ చేశాను దానికి కూడా ఇంత సీరియస్ అవ్వాలా అని తప్పించుకుంటారు.
పైన చెప్పుకున్న లక్షణాలన్నీ నార్సిసిస్టులలో ఉంటాయి. నార్సిసిస్ట్తో వాదించడానికి ప్రయ త్నించడం తరచుగా వ్యర్థం. ఎందుకంటే వారు ఏమి చేసినా తమను తాము సరైనవారని నిరూపించుకుంటారు. కాబట్టి అలాంటి వారితో బోర్డర్ లైన్ పెట్టుకోవాలి. వారితో ఎక్కువ డిస్కస్ చేయకూడదు. వారిలో ఏ విషయాలలో విబేదించకూడదు. ఏదైనా ఇబ్బంది లేదా సమస్య అనిపిస్తే మెల్లిగా తప్పించుకుని వారికి దూరం వెళ్లాలి. అంతేకానీ వారితో గెలవాలని అనుకుంటే మానసికంగా ఇబ్బంది పడాల్సి వస్తుంది.
.webp)
డ్రై ప్రూట్స్ కోవలో చాలామంది తమకు తెలియకుండానే నట్స్ తీసుకుంటూ ఉంటారు. అలాంటి వాటిలో బాదం, వాల్నట్ వంటివి ప్రధానంగా ఉంటాయి. ఇవి ఆరోగ్యానికి చాలా ప్రయోజనకరమైనవని అనుకుంటారు. చాలా రకాల వ్యాధులు రాకుండా చేయడంలో ఈ డ్రై నట్స్ చాలా సహాయపడతాయి. బాదం పప్పులు అటువంటి డ్రై నట్స్ లో ఒకటి. బాదం పప్పులు శరీరానికి అనేక రకాల ప్రయోజనాలను అందించే ముఖ్యమైన విటమిన్లు, ఖనిజాలు, ఫైబర్ వంటివి కలిగి ఉంటాయి. ప్రతిరోజూ రాత్రి బాదం పప్పులు నీటిలో నానబెట్టుకుని వాటిని ఉదయాన్నే తినేవారు అధికంగా ఉంటున్నారు. అయితే చాలా ఆరోగ్య ప్రయోజనాలు చేకూరుతాయని రోజూ అధికంగా బాదం పప్పు తినేవారు కొందరు ఉంటారు. అసలు బాదం పప్పు రోజూ తినడం ఎంతవరకు ఆరోగ్యం? ఆరోగ్యం బాగుండాలంటే రోజుకు ఎన్ని బాదం పప్పులు తినాలి? తెలుసుకుంటే..
బాదం తో ఆరోగ్యం..
బాదం అధికంగా తినడం వల్ల అనేక నష్టాలు ఉన్నాయని పరిశోధకులు కనుగొన్నారు. కొంతమందిలో మూత్రపిండాల్లో రాళ్ల సమస్యలను కూడా కలిగిస్తుందని కూడా చెబుతున్నారు. ఇది రక్తపోటు సమస్యలతో బాధపడుతున్న వ్యక్తులపై ప్రతికూల ప్రభావాలను చూపుతుందట. కాబట్టి బాదం పప్పులు ఎన్ని తీసుకోవాలి అనే విషయం తెలుసుకోవడం చాలా ముఖ్యం.
బాదం పప్పుతో నష్టాలు..
బాదం పప్పును అధికంగా తీసుకోవడం వల్ల మలబద్ధకం, బరువు పెరగడం, మూత్రపిండాల్లో రాళ్ల సమస్యలు వస్తాయి. రోజువారీ సిఫార్సు చేయబడిన బాదం పప్పు తీసుకోవడం వ్యక్తిగత ఆరోగ్యాన్ని బట్టి మారుతుంది. అయితే వీటిని తక్కువగానే తీసుకోవాలి.
బాదం పప్పును అధికంగా తినడం వల్ల మూత్రపిండాల్లో రాళ్లు వచ్చే ప్రమాదం పెరుగుతుందని ఆరోగ్య నిపుణులు కనుగొన్నారు. బాదం పప్పులో కరిగే ఆక్సలేట్ పుష్కలంగా ఉంటుంది. ఈ సమ్మేళనం అధికంగా ఉండటం వల్ల మూత్రపిండాల వైఫల్యం, మూత్రపిండాల్లో రాళ్లు ఏర్పడతాయి. అందువల్ల బాదం పప్పును అధికంగా తీసుకోవడం వల్ల మూత్రపిండాల్లో రాళ్లు వచ్చే ప్రమాదం పెరుగుతుంది.
బాదం ఎక్కువగా తినేవారికి బరువు పెరిగే ప్రమాదం కూడా ఉంటుంది. సాధారణ ఆహారంతో పాటు పెద్ద మొత్తంలో బాదం (20 కంటే ఎక్కువ) తీసుకుంటే, అదనపు కేలరీలు చేరి వేగంగా బరువు పెరగడానికి దారితీస్తుంది. బరువు పెరగడం వల్ల శరీరంలో అనేక రకాల వ్యాధులు వచ్చే ప్రమాదం కూడా పెరుగుతుంది.
బాదంలో ఫైబర్ పుష్కలంగా ఉంటుంది. ఫైబర్ ఎక్కువ ఉండటం వల్ల ఇతర ఖనిజాలైన కాల్షియం, మెగ్నీషియం, జింక్, ఐరన్ వంటి ఖనిజాల శోషణకు ఆటంకం కలిగిస్తుంది. బాదంను పెద్ద మొత్తంలో తీసుకుంటే అది శరీరంలోని ఇతర పోషకాల శోషణకు ఆటంకం కలిగిస్తుంది. దీని కారణంగా అలసట, బలహీనత, అనేక రకాల వ్యాధులు వచ్చే ప్రమాదం ఉంది.
-రూపశ్రీ
ల్యాప్ టాప్ వాడకం ప్రస్తుతం జనరేషన్ లో చేసే ఉద్యోగాలలో సర్వసాధారణం అయిపోయింది. కార్పొరేట్ ఉద్యోగాల నుండి సాధారణ ఆఫీసుల వరకు ప్రతి ఒక చోట కంప్యూటర్ వాడకం తప్పనిసరిగా మారిపోయింది. అలాగే ఇటీవలి కాలంలో వర్క్ ఫ్రం హోం కూడా ఎక్కువ అయ్యింది. దీంతో సౌలభ్యం కోసం లాప్ టాప్ వినియోగించడానికి అత్యధికులు మొగ్గు చూపుతున్నారు. అయితే లాప్ టాప్ ఎక్కువగా వినియోగించేవారిలో కార్పెల్ టన్నెల్ సిండ్రోమ్ అనే సమస్య వస్తోందని ఆరోగ్య నిపుణులు చెబుతున్నారు. అసలు కార్పెల్ టన్నెల్ సిండ్రోమ్ లో ఉండే లక్షణాలు ఏంటి? ఇది ఎంత వరకు ప్రమాదం? దీన్ని ఎలా నివారించాలి? అంటే..
కార్పెల్ టన్నెల్ సిండ్రోమ్ అనేది ఒక సాధారణ చేతి సమస్య. అరచేతి వైపు ఎముకలు, స్నాయువులతో చుట్టుముట్టబడిన ఇరుకైన మార్గం అయిన కార్పల్ టన్నెల్లో ఉన్న నాడిని చేతిపై ఒత్తిడి చేసినప్పుడు ఇది సంభవిస్తుంది. చేతులలో తిమ్మిరి రావడం, వేళ్లలో జలదరింపు లేదా నొప్పి ఉండటం, రాయడంలో లేదా టైప్ చేయడంలో సమస్య ఉండటం, పదే పదే వస్తువులు చేతులలో పట్టుకోలేక జారవిడచడం, వస్తువులను పట్టుకోవడంలో ఇబ్బంది ఎదురుకావడం ఈ కార్పెల్ టన్నెల్ సిండ్రోమ్ ప్రధాన లక్షణాలు.
ఎప్పుడూ కంప్యూటర్ లేదా ల్యాప్టాప్తో పని చేయడం వల్ల మెడ కండరాలు, మణికట్టు నరాలపై ఒత్తిడి పడుతుంది. రోజంతా టైప్ చేయడం వల్ల కలిగే ఒత్తిడి కార్పల్ టన్నెల్లోని కణజాల వాపు, మధ్యస్థ నాడి కుదింపునకు కారణమవుతుంది. ఆఫీసులో పనిచేయడం మాత్రమే కార్పల్ టన్నెల్ సిండ్రోమ్కు కారణం కాదు, వయస్సు, జన్యుశాస్త్రం కూడా పాత్ర పోషిస్తాయి.
కార్పెల్ టన్నెల్ సిండ్రోమ్ రాకుండా కొన్ని జాగ్రత్తలు తీసుకోవాల్సి ఉంటుంది. ఎర్గోనామిక్గా రూపొందించబడిన కంప్యూటర్ మౌస్ కార్పల్ టన్నెల్లోని నరాలపై ఒత్తిడిని తగ్గించడంలో ముఖ్యమైన పాత్ర పోషిస్తుంది. పని చేస్తున్నప్పుడు మౌస్ మణికట్టుపై ఒత్తిడి పెట్టకుండా చూసుకోవాలి. అలాగే కంప్యూటర్ లేదా ల్యాప్టాప్ మీద వంగి పని చేయడం వల్ల మెడ, వీపుపై ఒత్తిడి పడుతుంది. ఇది మీ చేతులు, మణికట్టును ప్రభావితం చేస్తుంది. కార్పల్ టన్నెల్ సిండ్రోమ్ను నివారించడానికి, లాప్ టాప్ పై పని చేసేటప్పుడు కూర్చునే భంగిమపై శ్రద్ధ వహించాలి. ఇక మణికట్టు ఆరోగ్యంగా ఉండాలంటే సరైన టైపింగ్ పొజిషన్ చాలా ముఖ్యం. మణికట్టును ఎక్కువగా పైకి లేదా క్రిందికి వంచకుండా ఉండాలి. కీబోర్డ్ను మోచేతుల వద్ద లేదా కొద్దిగా క్రింద ఉంచడానికి ప్రయత్నించాలి.
అదే విధంగా కార్పల్ టన్నెల్ సిండ్రోమ్ను ప్రతి గంటకు ఒకసారి డెస్క్ నుండి లేవడం చాలా ముఖ్యం. బ్రేక్ సమయంలో మణికట్టు, చేతులను సాగదీయాలి. ఇది నరాల మీద ఒత్తిడిని తగ్గిస్తుంది. ఆఫీసులో పనిచేయడం అంటే కంప్యూటర్లు లేదా ల్యాప్టాప్ల గురించి మాత్రమే కాదు, చేతివ్రాత గురించి కూడా జాగ్రత్తలు తీసుకోవాలి. మంచి పట్టు ఉన్న పెద్ద పెన్నులను ఎంచుకోవాలి. మణికట్టు మీద ఒత్తిడి లేకుండా ఆరోగ్యంగా ఉండేందుకు బ్రేక్స్ తీసుకుంటూ ఉండాలి.
-రూపశ్రీ
భారతీయుల వంటింట్లో బోలెడు దినుసులు ఉంటాయి. వీటిలో ఆరోగ్యానికి మేలు చేసే గుణాలు మెరుగ్గా ఉంటాయి. అటు మౌత్ ఫ్రెషనర్ గా, ఇటు వంటల్లో రుచిని పెంచడానికి ఉపయోగించే దినుసుల్లో సోంపు అగ్ర స్థానంలో ఉంటుంది. సోంపు నీటిని ఉదయాన్నే ఖాళీ కడుపుతో తీసుకుంటే అద్బుతమైన ఆరోగ్యప్రయోజనాలు చేకూరుతాయంటున్నారు వైద్యులు, ఆహార నిపుణులు. అసలు సోంపు నీటిలో ఉండే శక్తి ఏంటి? దీని వల్ల కలిగే ఆరోగ్య ప్రయోజనాలు ఏంటి? సోంపు నీరు ఎలా తయారు చేసుకుని తాగాలి? ఇవన్నీ తెలుసుకుంటే సోంపుతో కలిగే బెనిఫిట్స్ ను అందరూ పొందవచ్చు.
సోంపు నీటి ప్రాధాన్యత..
సోంపు నీటిని శక్తివంతమైన, ఆరోగ్యకరమైన పానీయంగా ఉపయోగిస్తున్నారు. ఇది శరీరాన్ని ఆరోగ్యంగా ఉంచడంలో సహాయపడుతుంది. తరచుగా సోంపును మౌత్ ఫ్రెషనర్గా మాత్రమే ఉపయోగిస్తుంటారు. కానీ సోంపు దీని కంటే చాలా ఉపయోగకరంగా ఉంటుంది. అనేక వ్యాధులను నయం చేయడంలో శరీరానికి ప్రయోజనకరంగా ఉంటుందని నిరూపించబడింది.
సోంపు నీరు ఎలా తయారు చేయాలి?
సోంపును రాత్రంతా నీటిలో నానబెట్టి ఉదయం ఖాళీ కడుపుతో తీసుకోవాలి. ఇది కడుపు సంబంధిత వ్యాధులను తొలగించడంలో సహాయపడుతుంది, జీర్ణక్రియను ఆరోగ్యంగా ఉంచుతుంది.
సోంపు నీరు ప్రయోజనాలు..
ఉదయం ఖాళీ కడుపుతో సోంపు నీటిని తాగితే, శరీరంలో అనేక సానుకూల మార్పులు కలుగుతాయి. సోంపు నీరు బరువు తగ్గడానికి సహాయపడుతుంది. ఇది శరీరంలో నిల్వ ఉన్న అదనపు కొవ్వును తొలగించడంలో సహాయపడుతుంది.
సోంపు నీటిని క్రమం తప్పకుండా తీసుకోవడం వల్ల కడుపు సంబంద వ్యాధులు రాకుండా ఉంటాయి. ఇది యాసిడ్ కారణంగా ఏర్పడే ఎసిడిటీ, యాసిడ్ రిప్లక్స్ వంటి ఉదర సమస్యల నుండి ఉపశమనం పొందడంలో సహాయపడుతుంది. కడుపు చికాకును తగ్గిస్తుంది, కడుపును మంటను తగ్గించి కడుపును శాంతపరుస్తుంది.
ప్రస్తుత కాలంలో చాలామంది ఎదుర్కుంటున్న అతి ఆకలి సమస్యకు సోంపు చెక్ పెడుతుందట. కడుపు నిండినప్పటికీ పదే పదే ఆహారం తినాలని అనిపించడం, ఆకలి వేయడం వంటి లక్షణాలు ఆరోగ్యానికి హానికరం. సోంపు నీరు తాగడం వల్ల అనవసరంగా అతిగా ఆకలి వేయడం అనే సమస్య తగ్గుతుంది.
ప్రతి రోజూ ఉదయాన్నే సొంపు నీరు తాగడం వల్ల శరీరం డిటాక్స్ అవుతుంది. ఇది కడుపుకు సంబంధించిన అనేక వ్యాధులు, సమస్యలను తగ్గిస్తుంది.
సోంపు నీటిని తీసుకోవడం వల్ల రక్తపోటు నియంత్రణలో ఉంటుంది. ఎందుకంటే సోంపులో ఉండే పొటాషియం, మెగ్నీషియం వంటి పోషకాలు గుండెను ఆరోగ్యంగా ఉంచడంలో సహాయపడతాయి.
సొంపు నీరు మహిళలకు ఋతుస్రావ సమయంలో నొప్పిని తగ్గించడంలో సహాయపడుతుంది. పాలిచ్చే స్త్రీలలో పాలు పెరగడానికి కూడా సహాయపడుతుంది.
-రూప