LATEST NEWS
ఏపీకి అప్పులు పుట్ట‌కుండా, పెట్టుబ‌డులు రాకుండా ఒక కుట్ర. అది కూడా విదేశాల నుంచి వైసీపీ చేస్తోన్న పన్నాగం. జ‌ర్మ‌నీలో ఒక ప్రముఖ సంస్థలో పని చేసే ఉదయ్ భాస్క‌ర్ అనే ఒక వైసీపీ మ‌ద్ధ‌తుదారు చేత బాంబే ఎక్స్ ఛేంజీకి ఏకంగా 200 మెయిళ్లు పంపేలా చేశారంటే పరిస్థితి ఏమిటో అర్ధం చేసుకోవచ్చు.
ఈ విషయాన్ని ఏపీ ఆర్ధిక మంత్రి ప‌య్యావుల కేశవ్ సీఎం చంద్ర‌బాబు దృష్టికి తీసుకొచ్చారు. ఆధారాల‌తో స‌హా చూపించారు. దీంతో ముఖ్య‌మంత్రి చంద్ర‌బాబు.. విచార‌ణ‌కు ఆదేశించారు. అంతే కాదు దీని వెన‌క ఎంత‌టి వారున్నా వ‌ద‌ల‌కూడ‌ద‌ని స్పష్టం చేశారు. దీంతో పాటు.. ఈ విషయం ప‌బ్లిక్ లోకి మ‌రింత‌గా తీసుకెళ్లే బాధ్యత కూటమి నేతలు తీసుకోవాలని దిశానిర్దేశం చేశారు.
ఈ విషయంపై స్పందించిన ఆర్ధిక శాఖ మాజీ మంత్రి, వైసీపీ సీనియర్ నాయకుడు బుగ్గన... తమ హ‌యాంలో కూడా ఎందరో ఇలాంటి క‌థ‌నాలు వండి వార్చారు. అలాగ‌ని మేము ఆగామా? అంటూ లైట్ తీసుకునే మాటలు మాట్లాడారు. అంతే కాదు.. ఒక మెయిల్ వల్ల మీ రుణాలు, పెట్టుబ‌డులు ఆగిపోతాయా? అని ప్రశన్నించారు. అయితే.. బుగ్గన వ్యాఖ్యలకు స్పందించిన మంత్రి ప‌య్యావుల కేశవ్.. ఇది స్టేట్ ఫైనాన్షియ‌ల్ క్రెడిబిలిటీకి సంబంధించిన విష‌యంమన్నారు. గతంలో మీ హ‌యాంలో 2024 మార్చిలో 7 వేల కోట్లకు ఇలాగే రుణం కోసం ప్ర‌య‌త్నించారు. మీపై నమ్మకం లేక పెట్టుబ‌డి దారులు రుణం ఇవ్వ‌లేదు. ఇది విశ్వాసానికీ, విశ్వసనీయతకూ సంబంధించిన అంశం కనుకే.. ఇటువంటి చర్యలను దేశ ద్రోహం కింద తీసుకుని.. తద్వారా.. కేసులు నమోదు చేయాలని సీఎం చంద్ర‌బాబును కోరామని చెప్పారు.
వైసీపీకి తొలి మొదటి నుంచీ ఇలాంటి అలవాటు ఉంద‌నీ, వారు రాష్ట్ర ప‌రువు ప్ర‌తిష్ట‌ల‌ను దెబ్బ తీయ‌డ‌మే ధ్యేయంగా పని చేస్తుంటార‌ని.. ఇప్పటి వరకూ అదే జ‌రిగింద‌నీ అన్నారు. ఈ విషయంపై పూర్తి విచార‌ణ చేసి.. దీని వెన‌క ఎవ‌రున్నారో క‌నిపెట్టి తీరాల‌ని పయ్యవుల కేశవ్ అన్నారు. అయినా ఇలాంటి వాటి ద్వారా కూడా నష్టం జరుగుతుందా? అంటే ఇది వరకు హిడెన్ బ‌ర్గ్ రిపోర్ట్ అదాని సంస్థ‌ల‌ను తీవ్రంగా దెబ్బ తీయ‌లేదా? ఇదీ అలాంటిదేనన్న అభిప్రాయం వ్యక్తం అవుతోంది. ఈ కేసు ఏ మ‌లుపు తీసుకుంటుందో చూడాలి మరి అంటున్నారు రాజ‌కీయ విశ్లేష‌కులు. ఇలా విద్వేషపూరిత పనులు చేసే వారికి విదేశాల్లో చాలా పెద్ద శిక్ష‌లే వేస్తారు. దానికి తోడు ఇది నైతిక‌త‌కు సంబంధించిన విషయం. ఇటీవలి కాలంలో కొంద‌రి ఉద్యోగాలు స‌రిగ్గా ఇలాంటి అనైతిక కార్య‌క‌లాపాల వ‌ల్లే పోయాయని గుర్తు చేస్తున్నారు. ఉదయ్ భాస్క‌ర్ వంటి వారు ఇలాంటి చ‌ర్య‌ల‌కు పాల్ప‌డే ముందు ఆలోచించాల‌ని సూచిస్తున్నారు నిపుణులు. రాజ‌కీయ ఆరోప‌ణ‌లు చేయడం వేరు. ఇలా ప‌క‌డ్బందీగా రాష్ట్ర ప్ర‌యోజ‌నాల‌ను దెబ్బ తీసేవిధంగా వ్య‌వ‌హ‌రించ‌డం వేర‌ని.. ఇలాంటి వారికి గట్టిగా బుద్ధి చెప్ప‌కుంటే కష్ట‌మ‌నీ సూచిస్తున్నారు రాష్ట్ర శ్రేయోభిలాషులు.
వరంగల్ జిల్లా నర్సంపేట మండల పరిధిలోని బోజ్యానాయక్ తండాలో గత దశాబ్దంనరగా మూతపడిన మండల పరిషత్ ప్రాథమిక పాఠశాల ఇప్పుడు తెరుచుకుంది. ఈ పాఠశాలను జిల్లా కలెక్టర్ సత్య శారద ప్రారంభించారు. గ్రామ యువకుల కృషితో పాఠశాల పున: ప్రారంభమైంది. యువకుల కృషినీ, ఆదర్శాన్ని గ్రామస్తులు అభినందిస్తున్నారు. ఈ పాఠశాల పున: ప్రారంభంలో గ్రామ యువత పాత్ర కీలకమని జిల్లా కలెక్టర్ సైతం ప్రత్యేకంగా ప్రశంసించారు. గ్రామ యువత అంతా ఏకతాటిపైకి వచ్చి ఒక కమిటీగా ఏర్పడి గ్రామ అభివృద్ధి కోసం పని చేయడం ముదావహమన్న కలెక్టర్.. విద్యార్థులకు నాణ్యమైన విద్య అందించడంలో ఈ పాఠశాల ముందుంటుందన్న ఆశాభావం వ్యక్త చేశారు. అదే విధంగా ఈ గ్రామం నుంచి చదువుకొని ఉన్నత స్థాయికి చేరిన వారిని విద్యార్థులు ఆదర్శంగా తీసుకోవాలని ఉద్బోధించారు. భవిష్యత్తులో స్కూల్‌కి అవసరమైన పుస్తకాలు, యూనిఫారంలు అన్నీ అందజేస్తామని కలెక్టర్ చెప్పారు.
ప్రభుత్వం నిర్వహిస్తున్న పాఠశాలల్లో కూడా విద్యార్థులు మెరుగైన ఫలితాలు సాధిస్తున్నారంటూ సోదాహరణంగా చెప్పిన ఆమె ప్రతి ఒక్కరూ తమ పిల్లలను ప్రభుత్వ పాఠశాలల్లో చేర్పించాలని పిలుపునిచ్చారు. ఈ కార్యక్రమంలో మాట్లాడిన ఎంఈవో సారయ్య.. గత ఏడాదితో పోలిస్తే ఈ ఏడు ప్రభుత్వ పాఠశాలల్లో విద్యార్థుల సంఖ్య పెరిగిందన్నారు. అలాగే ఈ కార్యక్రమంలో పెద్ద సంఖ్యలో పాల్గొన్న గ్రామస్తులు.. పాఠశాల పునః ప్రారంభంపై హర్షం వ్యక్తం చేశారు. ఇది పిల్లల భవిష్యత్‌ను తీర్చిదిద్దే గొప్ప అవకాశంగా దీనిని అభివర్ణించారు.
.webp)
తిరుమలలో భక్తుల రద్దీ కొనసాగుతోంది. వారాంతం కావడంతో భక్తుల సంఖ్య మరింత పెరిగే అవకాశం ఉంది. శుక్రవారం (జులై 11) దఉదయం తిరుగల శ్రీవారి దర్శనం కోసం వేచి ఉన్న భక్తులతో కంపార్ట్ మెంట్లన్నీ నిండిపోయాయి. భక్తుల క్యూలై శిలాతోరణం వరకూ సాగింది.
టోకెన్లు లేని భక్తులకు శ్రీవారి సర్వదర్శనానికి 20 గంటలకు పైగా సమయం పడుతోంది. గురువారం (జులై 10) శ్రీవారిని మొత్తం 63 వేల 473 మంది దర్శించుకున్నారు. వారిలో 27 వేల 796 మంది తలనీలాలు సమర్పించుకున్నారు. శ్రీవారి హుండీ ఆదాయం 4 కోట్ల 54 లక్షల రూపాయలు వచ్చింది.
రైల్లో ప్రయాణం, రైల్లో ఆహారం అన్నది ఒక విభిన్న అనుభూతి. అదో సరదా.. అదో హాయి.. అటువంటి అనుభూతి, సరదాను విశాఖ వాసులకు అందుబాటులోకి తీసుకు వస్తోంది ఓ హోటల్. అదే ట్రైన్ క్యాప్సుల్. విశాఖ రైల్వే స్టేషన్ మొదటి ప్లాట్ ఫామ్ మొదటి అంతస్తులో ఈ హోటల్ ఏర్పాటు చేశారు. అచ్చం రైలులోలాగే ఈ హోటల్ లో సింగిల్ ప్యాడ్, బడుల్ ప్యాడ్ లుఉంటాయి. స్క్రానింగ్ ప్యాడ్లు సైతం ఏర్పాటు చేశారు.
ఒక వరుసలో పైన కింద ఎదురెదురుగా ఈ బెడ్లు డిజైన్ చేశారు. కర్టెన్లు కూడా ఉంటాయి. 24 గంటలకు రూ600లు ధరగా నిర్ణయించారు. రైలు బోగి తరహాలో నిర్మించిన ఈ హోటల్లో 73 సింగిల్ ప్యాడ్లు 15 డబుల్ బెడ్ ప్యాడ్లు ఉంటాయి . 18 పడకలు ప్రత్యేకంగా మహిళల కోసం ఏర్పాటు చేశారు. ఉచితంగా వైఫై స్నానానికి వేడి నీరు అందుబాటులో ఉంటుంది
సింగిల్ బెడ్ కు మూడు గంటలకు 200 రూపాయలు అక్కడి నుంచి 24 గంటల వరకు 400 రూపాయలు వసూలు చేస్తారు. డబుల్ బెడ్ అయితే 3 గంటలకు 300 ఆ తర్వాత 24 గంటల వరకు అయితే 600 వసూలు చేస్తారు. ఈ కొత్త తరహా రైల్ హోటల్ ను డిఆర్ఎం లలిత్ బోహారా గురువారం (జులై 10) ప్రారంభించారు
మూలిగే నక్కపై తాటి పండు పడ్డ చందంగా తయారైంది విశాఖలో వైసీపీ పరిస్థితది. రాష్ట్రంలో తెలుగుదేశం కూటమి ప్రభుత్వం కొలువుదీరిన తరువాత వైసీపీ పరిస్థితి నానాటికీ తీసికట్టు నాగంభొట్టు అన్నట్లుగా తయారౌతోంది. అధికారంలో ఉన్న సమయంలో వైసీపీ నేతలు వ్యవహరించిన తీరుతో తీవ్ర అసంతృప్తికి లోనైన ఆ పార్టీ కార్పొరేటర్లు.. రాష్ట్రంలో అధికారం మారగానే.. రివెంజ్ తీర్చుకున్నారు. పలువురు పార్టీ ఫిరాయించి మేయర్ పీఠాన్ని తెలుగుదేశం పార్టీకి అప్పగించారు. ఇక ఇప్పుడు జెడ్పీ చైర్ పర్సన్ విషయంలో నూ అదే జరుగుతుందా అన్న సందేహాలు వ్యక్తం అవుతున్నాయి. ఉమ్మడి విశాఖ జిల్లాలో జిల్లాలో అత్యధిక జడ్పిటిసిలను గతంలో వైసీపీ కైవసం చేసుకున్న సంగతి తెలిసిందే. జడ్పీచైర్ పర్సన్ గా గిరిజన ప్రాంతానికి చెందిన జల్లిపల్లి సుభద్ర ఉన్నారు.
అయితే ఇటీవలి కాలంలో వైసీపీ జడ్పీటీసీలలో పలువురు ఆమె తీరు పట్ల తీవ్ర అసంతృప్తి వ్యక్తం చేస్తున్నారు. నిధులు కేటాయింపు తమ ద్వారా కాక నేరుగా చేస్తున్నారన్నది వీరి ఆరోపణ. అయితే ఆమె ఆ అంశాన్ని అంగీకరించడం లేదు కేవలం స్వపక్షంలో కొందరు పదవి కోసం చేస్తున్న ఆరోపణలుగా కొట్టి పారేస్తున్నారు. ఈ నేపథ్యంలో రెండు రోజుల కిందట జరిగిన జిల్లా పరిషత్ సర్వసభ్య సమావేశానికి వైసీపీకి చెందిన 22 మంది జడ్పీటీసీలు గైర్హాజరయ్యారు. నిజానికి జిల్లా పరిషత్ లో అనంతగిరిలో సిపిఎం, మాకవరపాలెం లో తెలుగుదేశం మినహాయిస్తే మిగిలిన జడ్పీటీసీలందూ వైసీపీ సభ్యులే. వారిలో అత్యధికులు జడ్పీ సర్వసభ్య సమావేశానికి గైర్హాజరు కావడం చూస్తుంటే స్వపక్షంలోనే జడ్పీ చైర్పర్సన్ తీరుపై ఎంత అసంతృప్తి గూడుకట్టుకుందో అవగతమౌతుంది. ఈ నేపథ్యంలో త్వరలో అంటే సెప్టెంబర్ తరువాత జడ్పీ చైర్సన్ పదవి కూడా వైసీపీ చేజారడం ఖాయమని అంటున్నారు.
అంత వరకూ ఎందుకంటే.. ప్రస్తుత జడ్పీ చైర్ పర్సన్ పై అవిశ్వాస తీర్మానం ప్రవేశపెట్టాలంటే.. నాలుగేళ్ల పాలనా కాలం ముగియాల్సి ఉంటుంది. అది సెప్టెంబర్ నాటికి ముగుస్తుంది. ఆ వెంటనే జడ్పీ చైర్ పర్సన్ పై అవిశ్వాస తీర్మానం ప్రవేశ పెట్టాలని వైసీపీ జడ్పీటీసీలు భావిస్తున్నారు. ఇప్పటికే విశాఖ కార్పొరేషన్ విషయంలో చేతులు కాల్చుకున్న వైసీపీ.. జడ్పీ చైర్ పర్సన్ విషయంలో అలా జరగకూడదని భావిస్తున్నది. దీంతో పార్టీ సీనియర్ నాయకుడు కురసాల కన్నబాబు రంగంలోకి దిగి వైసీపీ అసంతృప్త జడ్పీటీసీలతో సమావేశం ఏర్పాటు చేయడానికి ప్రయత్నిస్తున్నట్లు తెలుస్తోంది. మరి కురసాల కన్నబాబు బుజ్జగింపులు ఫలిస్తాయా లేదా చూడాల్సి ఉంది.
ALSO ON TELUGUONE N E W S
సుదీర్ఘ కాలం నుంచి తెలుగు చిత్ర పరిశ్రమలో ఉంటు తనకంటు ఒక బెంచ్ మార్కుని క్రియేట్ చేసుకున్నాడు ఆర్ నారాయణ మూర్తి(R Narayana Murthy). సినిమా అనేది సామాజిక సేవ కూడా అని నమ్మే ఆర్ నారాయణ మూర్తి ఆ దిశగానే ఎన్నో చిత్రాల్లో నటించడమే కాకుండా నిర్మాతగాను, దర్శకుడిగాను ప్రేక్షకుల్లో చెరగని ముద్ర వేసాడు. ప్రస్తుతం 'యూనివర్సిటీ పేపర్ లీక్'(university paper leak)అనే చిత్రాన్ని స్వీయ దర్శకత్వంలో తెరకెక్కించగా, అగస్ట్ 22 న ఈ మూవీ విడుదల కానుంది.
ఈ సందర్భంగా నిన్న హైదరాబాద్ ప్రసాద్ లాబ్స్ లో ఇటీవల 'తెలంగాణ'(Telangana)రాష్ట్రానికి సంబంధించి 'కాంగ్రెస్' పార్టీ 'ఎంఎల్ సి' గా నియమితులైన 'అద్దంకి దయాకర్'(addanki Dayakar)తో పాటు మరికొంత మంది ప్రజా ప్రతినిధులు, కవులు, కళాకారులకి ఈ చిత్రం యొక్క ప్రివ్యూ ని ప్రదర్శించడం జరిగింది. అనంతరం నారాయణ మూర్తి మాట్లాడుతు మూవీ చూసిన ప్రతి ఒక్కరికి నా అభినందలు. కార్పొరేట్ విద్య మాఫియాని అరికట్టి ప్రభుత్వ విద్యని ప్రోత్సహించాలనే ఉదేశ్యంతోనే 'యూనివర్సిటీ పేపర్ లీక్' చిత్రాన్ని తెరకెక్కించాను. ప్రభుత్వంతో మాట్లాడి టాక్స్ లేకుండా చేస్తామని అద్దంకి దయాకర్ . అందెశ్రీ(Ande sri)గారు అన్నారు. వాళ్ళిద్దరికీ నా ధన్యవాదాలు. నాకు ప్రభుత్వం నుంచి ఎలాంటి బెనిఫిట్స్ వద్దు. దయచేసి నా సినిమాని ప్రమోట్ చేసి పదిమందికి తెలిసేలా చెయ్యండి. ప్రజలకి నా సినిమా కనెక్ట్ అయితే ప్రజలకే మంచి జరుగుతుందని నారాయణమూర్తి చెప్పాడు.
అద్దంకి దయాకర్ మాట్లాడుతు 'యూనివర్సిటీ పేపర్ లీక్' మూవీని అందరు చూడాలని, చాలా మంచి చిత్రంతో పాటు ఎంతో మందిని ఆలోచింపచేస్తుందని చెప్పుకొచ్చాడు. అనంతరం నారాయణమూర్తి ని అభినందించడం జరిగింది.
.webp)
మెగాస్టార్ చిరంజీవి(Chiranjeevi)నుంచి 'భోళా శంకర్'(Bhola Shankar)మూవీ వచ్చి దగ్గర దగ్గరగా రెండు సంవత్సరాలు అవుతుంది. దీంతో అప్ కమింగ్ మూవీ 'విశ్వంభర'(Vishwambhara)కోసం ఫ్యాన్స్ తో పాటు ప్రేక్షకులు ఎంతగానో ఎదురుచూస్తున్నారు. సోషియో ఫాంటసీ గా తెరకెక్కుతున్న ఈ మూవీకి 'బింబిసార'(Bimbisara)ఫేమ్ వశిష్ట మల్లిడి దర్శకుడు కావడం, ఇప్పటికే రిలీజైన టీజర్, 'రాముడు'పై వచ్చిన సాంగ్ తో 'విశ్వంభర'పై అంచనాలు పెరగడంతో పాటు కథ పై కూడా ఆసక్తిని కలిగిస్తుంది.
నిజానికి 'విశ్వంభర' ఈ ఏడాది ప్రారంభంలో సంక్రాంతి కానుకగా జనవరి 10 న విడుదల కావాల్సి ఉంది. కానీ 'గేమ్ చేంజర్'(Game changer)వలన వాయిదా వేశారు. అదే సమయంలో 'విశ్వంభర'కి అత్యంత కీలకమైన 'గ్రాఫిక్స్' బాగా రాలేదని, చిరంజీవి ఆ విషయంలో అసంతృప్తిగా ఉన్నాడనే వార్తలు వచ్చాయి. ఆ వార్త నిజమనేలా రీసెంట్ గా దర్శకుడు వశిష్ట సుమారు నలభై ఐదు నిమిషాల నిడివితో ఉన్న 'విఎఫ్ఎక్స్' ఫుటేజ్ ని పూర్తి చేసి చిరుకి చూపించినట్టుగా తెలుస్తుంది. వాటిని చూసిన చిరు పూర్తి సంతృప్తిని వ్యక్తం చేసాడని, బ్యాలన్స్ గా ఉన్న స్పెషల్ సాంగ్ కి డేట్స్ ఇచ్చినట్టుగా ఫిలిం సర్కిల్స్ లో టాక్.
'విశ్వంభర'ని యువి క్రియేషన్స్ పతాకంపై వంశీ కృష్ణారెడ్డి, ప్రమోద్ ఎంతో ప్రెస్టేజియస్ట్ గా తీసుకొని, చిరు కెరీర్ లోనే అత్యంత భారీ వ్యయంతో నిర్మిస్తున్నారు. త్రిష(Trisha),నా సామిరంగ ఫేమ్ ఆషికా రంగనాధ్, ఈషా చావ్లా, రాజీవ్ కనకాల కీలక పాత్రలు పోషిస్తున్నారు. కీరవాణి(keeravani)సంగీత దర్శకుడు కాగా సెప్టెంబర్ 18 న విడుదల అయ్యే అవకాశాలు ఉన్నాయి. దీంతో మరికొద్ది రోజుల్లో ప్రమోషన్స్ లో వేగం పెరగనుంది.
Nayanthara has not been new to controversies and she has been facing many controversies from the beginning of her career. Recently, she and her husband Vignesh Shivn have been cornered in controversies about the usage of clips from Chandramukhi and Naanum Rowdythaan films without necessary permissions from the respective producers.
Dhanush, who produced Naanum Rowdythaan, has asked for Rs.10 crores for using 3 seconds of clips and AP International had moved to court for using Chandramukhi clips. Madras High Court have directed Nayanthara, Netflix to pay Rs.5 Crores compensation to producers.
On top of these, recently a post stating that she is divorcing her husband as gone viral. The actress and her husband have reacted to these rumors in a funny way. Calling them as loopy news, she stated that they themselves are surprised about them. We can take it for copyright issues too.
Currently, she is busy with her film projects like Mega157 and Sundar C film. Several of her other films have completed shooting and are waiting for release while few are stuck without any progress.
Disclaimer: The news article is written based on information shared by various sources. The organisation is not responsible for the factual nature of them. While we do try to do thorough research at times people could misguide. So, we would encourage viewers' discretion before reacting to them.
నయనతార, విఘ్నేష్ శివన్ విడాకులు తీసుకోబుతున్నారంటూ ఇటీవల వార్తలు వచ్చిన సంగతి తెలిసిందే. "స్టుపిడ్ ను పెళ్లి చేసుకుంటే.. పెళ్లి అనేది పెద్ద మిస్టేక్ అవుతుంది." అంటూ నయనతార సోషల్ మీడియాలో ఒక పోస్ట్ పెట్టి వెంటనే డిలీట్ చేసేసింది. అయితే అప్పటికే ఆ పోస్ట్ వైరల్ అయింది. దాంతో నయనతార, విఘ్నేష్ శివన్ విడిపోతున్నారంటూ వార్తలొచ్చాయి. అయితే ఆ వార్తలపై తాజాగా నయనతార పరోక్షంగా స్పందించింది.
విఘ్నేష్ శివన్ తో కలిసి ఉన్న ఫొటోను తాజాగా సోషల్ మీడియాలో షేర్ చేసిన నయనతార.. "మాపై వచ్చే సిల్లీ న్యూస్ చూసినప్పుడు మా రియాక్షన్ ఇదే" అని రాసుకొచ్చింది. ఇటీవల వచ్చిన విడాకుల న్యూస్ కి అది కౌంటర్ అని అర్థమవుతోంది. మొత్తానికి తాజా పోస్ట్ తో విడాకుల వార్తల్లో నిజం లేదని చెప్పేసింది నయనతార.
నయనతార, విఘ్నేష్ శివన్ 2022లో ప్రేమ వివాహం చేసుకున్నారు. వీరు కవల పిల్లలకు జన్మనిచ్చారు. నయనతార తన కుటుంబంతో ఎంతో సంతోషంగా ఉంది. తన భర్తతో, పిల్లలతో దిగిన ఫోటోలను, వీడియోలను ఎప్పటికప్పుడు సోషల్ మీడియాలో పంచుకుంటుంది. అలాంటి నయనతార.. ఇటీవల ఇన్ స్టాగ్రామ్ స్టోరీలో "స్టుపిడ్ ను పెళ్లి చేసుకుంటే.. పెళ్లి అనేది పెద్ద మిస్టేక్ అవుతుంది. నీ భర్త చేసే పనులకు నువ్వు బాధ్యత వహించాల్సిన అవసరంలేదు. నన్ను ఒంటరిగా వదిలేయండి. ఇప్పటికే మీ వల్ల చాలా ఫేస్ చేశాను." అని పోస్ట్ పెట్టడంతో విడాకుల వార్తలు ఒక్కసారిగా గుప్పుమన్నాయి. ఇక తన తాజా పోస్ట్ తో ఆ వార్తలకు చెక్ పెట్టింది.
Cast: RK Sagar, Misha Narang, Dhanya Balakrishna, Lakshmi Gopalaswamy, Thaarak Ponnappa, Anand, VV Giridhar, Vishnu Priya
Crew:
Written by Varma Pericharla, Raghav Omkar Sasidhar
Cinematography by Shyam K. Naidu
Music by Harshavardhan Rameshwar
Edited by Amarreddy Kudumula
Directed by Raghav Omkar Sasidhar
Produced by Ramesh Karutoori, Venki Pushadapu, Tharak
RK Sagar, who gained immense popularity as a lead through Telugu TV series, marked his re-entry into films as a lead with The 100 film. The movie after going to different film festivals, released on 11th July, all over. Megastar Chiranjeevi's mother Anjanamma, Pawan Kalyan have promoted the film, recently. Let's talk about this cop thriller, in detail.
Plot:
Vikranth (RK Sagar), an IPS officer, believes that weapon is not needed to correct criminals. He is completely against encounters when even his higher officials hope him to be one. After his training, he takes up a case about a thieves gang, who only steal jewels from rich houses on every New Moon Day. One day, he meets a girl (Misha Narang) and likes her instantly.
But he finds her as a victim of gang rape by this gang of thieves. He catches the gang but they deny raping her. A gang of teengaers surrender to police and they are found dead. Virkanth faces NHRC charges of unethical encounter. Did he kill them? Who is behind all this? Watch the movie to know more.
Analysis:
RK Sagar looks good and fit as a police officer. His attire and body language suit action roles perfectly. But his emotional performance does need a little bit more polishing but overall, he delivered a believable performance. Misha Narang, got a very heavy role as a dancer and rape victim but her performance doesn't really shine as anticipated. Dhanya Balakrishna is wasted in a brief role. Thaarak Ponnappa is good but looks similar to his Pushpa 2 role and lacks similar intensity.
The movie tries to stick to commercial formula that too an outdated one, even though it has a strong core point. The writing needed to be consistent with more gripping scenes with growing proximity between leads and investigation part. But in trying to mix it all up, the strong emotional core that could have been the highlight of the film, goes missing. Each scene feels like being written with an inspiration rather than being original.
While commercial formula story telling and sticking to a format is not that bad, a thriller like The 100 needs to balance between women empowerment themes and heroism. Like Naan Mahaan Alla/ Naa Peru Shiva, Theeran Adhikaram Ondru/ Khakhi, Madras, Kathakali and many others it needed a strong premise that sets the characters in real world to make them more relatable. The narration lacks the similar coherence that we expect from such strong action thrillers.
While director Raghav Omkar Sasidhar has a solid social element at his behest, he tried to mix everything so much that he got confused which way to lean with his story. The movie needed audiences to connect with the women characters who are going through exploitation and manipulation but he gives exposition rather than letting us travel with those characters. Hence, it feels like an extended TV movie based on Savdhaan India, kind of series, rather than a coherent film.
With all the flaws, still the makers have been able to give a decent film that has a good core to talk about. Even RK Sagar's performance and the exploration of plot in the second hour are good points in it. With much better writting and strong narrative, the movie could have been much better.
Bottomline:
The 100 tries hard but incoherently ends up being too predictable.
Rating: 2.5/5
Disclaimer: The views/opinions expressed in this review are personal views/opinions shared by the writer and organisation does not hold a liability to them. We would encourage viewers' discretion before reacting to them.
స్నేహ చిత్ర పిక్చర్స్ బ్యానర్ లో ఆర్. నారాయణ మూర్తి స్వీయ దర్శకత్వంలో తెరకెక్కిన చిత్రం యూనివర్సిటీ (పేపర్ లీక్). ఈ చిత్రం ఆగస్టు 22న ప్రేక్షకుల ముందుకు వస్తున్న సందర్భంగా ప్రసాద్ ల్యాబ్ లో మీడియా సమావేశం జరిగింది. ఈ కార్యక్రమంలో ఆర్ నారాయణ మూర్తి, గోరేటి వెంకన్న, అద్దంకి దయాకర్, దేశపతి శ్రీనివాస్, అందేశ్రీ, జయరాజ్, నందిని సిద్దారెడ్డి, ప్రొఫెసర్ ఖాసీంతో పాటు పలువురు విద్గ్యార్థి సంఘం నాయకులు పాల్గొన్నారు. వక్తలు ప్రసంగిస్తూ… యూనివర్సిటీ పేపర్ లీక్ సినిమా కేవలం విద్యార్థులే కాదు ఉపాధ్యాయులు, తల్లిదండ్రులు అందరూ చూడదగిన మంచి చిత్రం అని కొనియాడారు.
ఆర్ నారాయణ మూర్తి మాట్లాడుతూ.. "ఈ సినిమాలో 5 పాటలు ఉన్నాయి. కీర్తిశేషులు స్వర్గీయ గద్దర్ గారు, జలదంకి సుధాకర్, వేల్పుల నారాయణ, మోటపలుకుల రమేష్ గొప్పగా రాశారు. ఈ చిత్రం కథాశం ఏమిటంటే…గత కొన్నేళ్లుగా మన విద్యారంగంలో జరుగుతున్న పేపరు లీక్ లు…గ్రూపు 1-2 లాంటి ఉద్యోగ ప్రశ్న పత్రాల లీకులు చూస్తుంటే ఈ చదువులకేమైంది అనిపిస్తుంది. ఇలా జరుగుతూ వుంటే విద్యార్థుల భవిష్యత్ ఏం కావాలి? నిరుద్యోగుల జీవితాలు ఏమైపోవాలి? లంబకోణాలు నేర్పిన వాళ్ళే కుంభకోణాలు జేస్తూ ఉంటుంటే రెక్కలు తెగిన జ్ఞాన పావురాలు విలవిల కోట్టుకుంటూ ఊపిరాడక నెల రాలుతుంటే కన్న తల్లితండ్రులు ఏమై పోవాలి. వాళ్లకు పాఠాలు బోధించిన గురువులు ఏమి కావాలి. రెండవ ప్రపంచ యుద్ధంలో అమెరికా నాగాసాకి హీరోషిమా ల మీద వేసిన ఆటంబాంబులు కంటే హైడ్రోజెన్ బాంబులు కంటే టొర్నాడోటార్పిడో ల కంటే సునామీ ల కంటే చాలా ప్రమాదకరమైనది కాపీయింగ్. చూసి రాసిన వాళ్ళు డాక్టర్లు అయితే పేషేంట్ బ్రతుకుతాడా?? అలాంటి వాళ్లు ఇంజినీర్ అయితే బ్రిడ్జిలు నిలబడుతయా? పేషెంట్లు బ్రతకాలి అన్న బ్రిడ్జిలు కూలిపోకుండా ఉండాలి అన్న, ప్రశ్న పత్రాలు లీకులు మాయం కాకూడదు. అందుకే విద్యను ప్రవేటు మాఫియా కబంధ హస్తాల నుంచి విముక్తి చేసి విద్యను జాతీయం చేయాలి. ప్రభుత్వ విద్యారంగాన్ని బలోపేతం చేయాలి అని చాటి చెప్పేదే ఈ యూనివర్సిటీ పేపర్ లీక్ చిత్రం. ఆగస్టు 22 న ఈ సినిమాను రిలీజ్ చేస్తున్నాము" అని అన్నారు.
తెలుగు సినిమాని ప్రపంచస్థాయికి తీసుకెళ్లిన సినిమా అంటే బాహుబలి అని చెప్పవచ్చు. ప్రభాస్ హీరోగా రాజమౌళి దర్శకత్వంలో ఆర్కా మీడియా నిర్మించిన ఈ చిత్రం.. భారతీయ సినిమాలో సరికొత్త చరిత్రను సృష్టించింది. బాహుబలి పార్ట్-1 2015 జూలై 10న విడుదలై వరల్డ్ వైడ్ గా రూ.600 కోట్లకు పైగా గ్రాస్ రాబట్టగా.. పార్ట్-2 2017 ఏప్రిల్ 28న విడుదలై రూ.1800 కోట్లకు పైగా గ్రాస్ కలెక్ట్ చేసింది. బాహుబలి-1 విడుదలై నేటితో పదేళ్లు పూర్తయిన సందర్భంగా నిర్మాతలు కీలక ప్రకటన చేశారు. రెండు భాగాలను కలిపి ఒకే సినిమాగా విడుదల చేయబోతున్నారు.
కొంతకాలంగా రీ రిలీజ్ ట్రెండ్ నడుస్తోంది. పలు సినిమాలు మళ్ళీ థియేటర్లలో అడుగుపెట్టి మంచి వసూళ్లతో సత్తా చాటుతున్నాయి. ఇప్పుడు బాహుబలి వంతు వచ్చింది. రెండు భాగాలను కలిపి ఒకే సినిమాగా ఈ ఏడాది అక్టోబర్ 31న ప్రపంచవ్యాప్తంగా విడుదల చేయనున్నట్లు అనౌన్స్ చేశారు. అసలే బాహుబలి అనేది ఓ వండర్. అలాంటిది రెండు పార్ట్ లను కలిపి ఒకే మూవీగా రిలీజ్ చేస్తే.. ఆడియన్స్ ఈ సినిమాని మళ్ళీ థియేటర్లలో చూడటానికి ఆసక్తి చూపుతారు అనడంలో సందేహం లేదు. అదే జరిగితే బాక్సాఫీస్ దగ్గర వసూళ్ల వర్షం కురుస్తుంది. రీ రిలీజ్ ల పరంగా ఇప్పట్లో ఏ సినిమా బీట్ చేయలేని కలెక్షన్స్ బాహుబలి సాధించే అవకాశముంది. కొన్ని భారీ సినిమాలు ఫస్ట్ రిలీజ్ లో కలెక్ట్ చేసే వసూళ్లను.. బాహుబలి రీ రిలీజ్ లో కలెక్ట్ చేసినా ఆశ్చర్యంలేదు.
కాగా, బాహుబలి మూవీ తెలుగు, హిందీ, తమిళ, మలయాళ భాషల్లో విడుదల కానుంది. ఇలా పాన్ ఇండియా భాషల్లో రీ రిలీజ్ అవుతున్న మొదటి సినిమా బాహుబలినే కావడం విశేషం.
నాచురల్ స్టార్ నాని(Nani),దర్శకుడు శ్రీకాంత్ ఓదెల(Srikanth Odela)కాంబినేషన్ లో తెరకెక్కుతున్న పాన్ ఇండియా మూవీ 'ది ప్యారడైజ్'(The paradise). ఇంతకు ముందు ఈ ఇద్దరు కలిసి 'దసరా'(Dasara)తో హిట్ ని అందుకోవడమే కాకుండా నేషనల్ అవార్డు సైతం సాధించారు. దీంతో 'ది ప్యారడైజ్'పై అభిమానులతో పాటు ప్రేక్షకుల్లో భారీ అంచనాలు ఏర్పడ్డాయి. ఇప్పటికే రిలీజైన ఫస్ట్ గ్లింప్స్ తో తెలుగు తెరపై ఇంతవరకు రాని ఒక సరికొత్త కాన్సెప్ట్ తో 'ది ప్యారడైజ్' తెరకెక్కబోతుందనే విషయం అర్ధమవుతుంది.
ఇక ఈ మూవీలో 2023 వ సంవత్సరంలో హిందీ చిత్ర సీమలో సంచలన విజయాన్ని నమోదు చేసిన ‘కిల్(Kill)'మూవీ ఫేమ్ 'రాఘవ్ జుయల్'(Raghav Juyal)కీలక పాత్రలో చేస్తున్నాడు. ఈ మేరకు మేకర్స్ అధికారంగా ప్రకటిస్తు ఒక వీడియో రిలీజ్ చేశారు. సదరు వీడియోలో రివాల్వర్, కత్తులు, స్టయిలిస్ట్ కళ్ళ జోడుని చూపించడంతో పాటు జుయల్ కి శ్రీకాంత్ తన క్యారక్టర్ ఎలా ఉండాలో చెప్తున్నాడు. దీంతో సదరు వీడియోలో ఉన్న దాన్ని బట్టి 'ప్యారడైజ్' లో జుయల్' క్యారక్టర్ ఏ స్థాయిలో ఉండబోతుందో అర్ధమవుతుంది. ఈ రోజు జుయల్ పుట్టిన రోజు కావడం విశేషం.
నిజానికి 'ప్యారడైజ్'లో జుయల్ చేయబోతున్నాడనే రూమర్స్ చాలా రోజుల నుంచి వినిపిస్తున్నాయి. దీంతో అభిమానులందరూ ఆ వార్త నిజం కావాలని అనుకున్నారు. ఎందుకంటే కిల్ మూవీతో పాటు తన గత చిత్రాల్లో జుయల్ నటన ఎంతో అత్యద్భుతంగా ఉంటుంది. అందుకే పాన్ ఇండియా వ్యాప్తంగా జుయల్ ఓవర్ నైట్ స్టార్ అవ్వడంతో పాటు ఎంతో మంది అభిమానులని కూడా సంపాదించుకున్నాడు. దీంతో ప్యారడైజ్ కి పాన్ ఇండియా స్థాయిలో అదనపు క్రేజ్ ఏర్పడిందనటంలో ఎలాంటి అతిశయోక్తి లేదు. అనిరుద్ సంగీత సారధ్యంలో తెరకెక్కుతున్న 'ప్యారడైజ్' ని 'దసరా' మూవీని నిర్మించిన సుధాకర్ చెరుకూరి(Sudhakar Cherukuri)అత్యంత భారీ వ్యయంతో నిర్మిస్తున్నాడు. త్వరలోనే మిగతా నటీనటుల వివరాలు తెలియనున్నాయి. ప్రస్తుతం రెగ్యులర్ చిత్రీకరణలో ఉన్న ప్యారడైజ్ మార్చి 26 , 2026 న వరల్డ్ వైడ్ గా రిలీజ్ కానుంది.
అప్పట్లో తెలుగునాట టాప్ యాంకర్స్ లో ఉదయభాను ఒకరు. ఎన్నో షోలను తనదైన యాంకరింగ్ తో హిట్ చేశారు. ఉదయభాను హోస్ట్ చేస్తే చాలు.. ఆ షో హిట్ అనే అంతలా పేరు పడిపోయింది. ఉదయభాను ఎనర్జిటిక్ యాంకరింగ్ కి అప్పట్లో ఎందరో ఫ్యాన్స్ ఉండేవారు. అంతటి స్టార్డం చూసిన ఆమెకు అవకాశాలు లేకుండా పోయాయా? కొందరు సిండికేట్ గా మారి ఆమె అవకాశాలకు గండి కొడుతున్నారా? తాజాగా ఉదయభాను చేసిన సంచలన వ్యాఖ్యలను గమనిస్తే అలాగే అనిపిస్తోంది.
సుహాస్ హీరోగా నటించిన 'ఓ భామ అయ్యో రామ' మూవీ ప్రీ రిలీజ్ ఈవెంట్ రీసెంట్ గా జరిగింది. చాలా రోజుల తర్వాత ఈ ఈవెంట్ కి హోస్ట్ గా ఉదయభాను రావడం విశేషం. ఇదే విషయాన్ని ఆ వేడుకకు గెస్ట్ గా హాజరైన దర్శకుడు విజయ్ కనకమేడల ప్రస్తావించాడు. "చాలా రోజుల తర్వాత ఉదయభాను గారు మళ్ళీ ఈవెంట్ లు చేస్తున్నారు.. చాలా సంతోషంగా ఉంది." అని విజయ్ అన్నాడు. దీనికి ఉదయభాను ఇచ్చిన సమాధానం ఆశ్చర్యపరిచింది. "ఇదొక్కటే చేస్తున్నాను. మళ్ళీ చేస్తానని గ్యారెంటీ లేదు. రేపే ఈవెంట్ అనుకుంటాం.. చేసే రోజు ఉండదు ఈవెంట్. అంత పెద్ద సిండికేట్ ఎదిగింది ఇక్కడ. సుహాస్ మా బంగారం కాబట్టి ఏదో ఈ ఈవెంట్ చేయగలిగా." అని ఉదయభాను అన్నారు.
ఉదయభాను మాటలను బట్టి చూస్తే.. ఇక్కడ కొందరు సిండికేట్ గా ఏర్పడి, తనలాంటి వారికి అవకాశాలు రాకుండా చేస్తున్నారు అనిపిస్తోంది. నిజానికి అప్పట్లో సుమ, ఝాన్సీ, ఉదయభాను టాప్ యాంకర్స్ గా ఉండేవారు. వీరిలో యూత్ లో ఎక్కువగా ఉదయభానుకి ఫాలోయింగ్ ఉండేది.
సుమ ఇప్పటికీ యాంకరింగ్ లో రాణిస్తోంది. ఝాన్సీ నటిగా మారి సినిమాలు చేస్తోంది. అయితే ఉదయభాను మాత్రం అటు యాంకర్ గానూ, ఇటు యాక్టర్ గానూ బిజీగా లేరు. ఒకట్రెండు సినిమాల్లో నటించారు. 'లీడర్', 'జులాయి' వంటి సినిమాల్లో ప్రత్యేక గీతాల్లో మెరిశారు. కానీ, పూర్తిస్థాయిలో నటిగా బిజీ అవ్వలేదు. అలా అని యాంకర్ గా.. షోలు కానీ, ఈవెంట్ లు కానీ పెద్దగా చెయ్యట్లేదు. ఉదయభాను తనకి ఆసక్తి లేక యాంకరింగ్ తగ్గించారేమో అనే అభిప్రాయం ఇప్పటిదాకా ఉండేది. కానీ, కొందరు ఉదయభానుకు ఈవెంట్ లు లేకుండా చేస్తున్నారని ఆమె తాజా కామెంట్స్ తెలుపుతున్నాయి.
ప్రస్తుతం సినిమా ఈవెంట్లు అంటే మొదట వినిపించే పేరు సుమ. పెద్ద సినిమాల ఈవెంట్లు ఎక్కువగా సుమనే చేస్తూ ఉంటారు. ఇక చిన్న, మీడియం రేంజ్ సినిమాలకు మంజూష, గీతా భగత్, స్రవంతి వంటి వారు ఎక్కువగా హోస్ట్ చేస్తున్నారు. మరి ఈ యాంకర్ల ఎంపిక ఎలా జరుగుతుంది. ఈవెంట్ మేనేజర్ల చేతిలో ఉందా? పీఆర్ఓ చేతుల్లో ఉందా? లేక మూవీ టీం ఇన్వాల్వ్ అవుతుందా? అసలు ఉదయభానుకి అవకాశాలు రాకుండా చేస్తున్నది ఎవరు? అనేది ఇప్పుడు హాట్ టాపిక్ గా మారింది. ఈ విషయంపై ఉదయభాను అభిమానులు తీవ్రంగా స్పందిస్తున్నారు. టాలెంటెడ్ యాంకర్ కి అవకాశాలు లేకుండా చేస్తారా? అంటూ ఫైర్ అవుతున్నారు.
Raghav Juyal has made the entire nation notice him with awe and shock in his film, Kill. A funny guy who made people laugh with his antics as an anchor, a dancing sensation - who made Slow Motion walk iconic and made entire nation look at lyrical, freestyle dance forms, played a ruthless robber like never before.
His transformation from a dancer with funny attitude to a seriously talented actor has shocked everyone. Now, he is debuting in Telugu with Natural Star Nani's The Paradise. Srikanth Odela is directing the film and with the teaser, the team showcased that it will be mad, violent action flick.
Now, Raghav Juyal has been cast in a furious antagonist role. The makers state that the role will be more terrifying than Kill and his appearance in lesser known Yudhra. As a ruthless, merciless and power-hungry antagonist his character will be seen as a person who cannot tolerate even a small raise in voice.
He loves to suppress and oppress downtrodden and the rebellion is lead by Nani in Secunderabad set in 1960's. Srikanth Odela is taking care of every minute detail about his character and he is working round the clock to present him in such a terrifying manner that Nani vs him episodes would be a blast on screen, say makers.
Disclaimer: The news article is written based on information shared by various sources. The organisation is not responsible for the factual nature of them. While we do try to do thorough research at times people could misguide. So, we would encourage viewers' discretion before reacting to them.
.webp)
పిల్లలను పెంచడం పిల్లల ఆట కాదు. ప్రతి తల్లిదండ్రులు తమ బిడ్డకు మంచి జీవితాన్ని ఇవ్వాలని కోరుకుంటారు. దానికి తగినట్టే అన్నీ వారికి అందించాలని అనుకుంటారు. కానీ చాలా సార్లు, తెలిసి లేదా తెలియకుండా తల్లిదండ్రులు కొన్ని తప్పులు చేస్తారు. అవి పిల్లలపై చాలా చెడు ప్రభావాన్ని చూపుతాయి. కొన్ని పరిస్థితులలో పిల్లలను తిట్టడం వారి మెదడు, మానసిక పెరుగుదలపై తీవ్ర ప్రభావాన్ని చూపుతుందని నిపుణులు అంటున్నారు. పిల్లలను ఎప్పుడు తిట్టకూడదో, దీని వెనుక కారణాలు ఏమిటో తెలుసుకుంటే..
పిల్లలు భయంలో ఉన్నప్పుడు..
తప్పు చేసిన తర్వాత పిల్లలు కొన్నిసార్లు భయపడతారు. ఇలా భయపడితే లేదా ఇప్పటికే ఏదైనా విషయం గురించి ఒత్తిడిలో ఉంటే, ఈ సమయంలో పిల్లలను తిట్టడం సరైనది కాదు. అలాంటి పరిస్థితిలో, పిల్లల మనస్సు మరింత భయపడవచ్చు. దీని ఫలితంగా పిల్లలు తను చేసిన పనులను, విషయాలను తల్లిదండ్రులతో పంచుకోవడం మానేస్తాడు. అటువంటి పరిస్థితిలో పిల్లవాడు ఇప్పటికే సున్నితంగా ఉంటే అతన్ని తిట్టడానికి బదులుగా ప్రేమతో జరిగిన తప్పు గురించి వివరించడం మంచిది.
కొత్తగా ఏదైనా చేసేటప్పుడు చేసే తప్పులు..
పిల్లలు ఏదైనా విషయం గురించి ఆసక్తిగా ఉండి, ప్రతి క్షణం కొత్తగా ఏదైనా చేయాలని లేదా కొత్తగా ఏదైనా నేర్చుకోవాలని ప్రయత్నిస్తుంటే, అలాంటి పరిస్థితిలో, పిల్లలను ఎట్టి పరిస్థితుల్లోనూ తిట్టకూడదు. పిల్లలు నేర్చుకునేటప్పుడు తరచుగా తప్పులు చేస్తారు. ఈ తప్పులు వారు మంచిగా మారడానికి, వారికి గొప్ప అనుభవాలుగా సహాయపడతాయి. అందువల్ల, ప్రతి చిన్న తప్పుకు వారిని తిట్టడం వల్ల వారి ఆత్మవిశ్వాసం దెబ్బతింటుంది. దీని కారణంగా పిల్లలు కొత్తగా ఏదైనా చేసే ముందు భయపడతారు.
పిల్లలు అలసిపోయినప్పుడు..
పిల్లలు బాగా అలసిపోయినప్పుడు, ఆకలిగా ఉన్నప్పుడు, వారు ఏదైనా తినేటప్పుడు పిల్లలను తిట్టకూడదు. పెద్దల మాదిరిగానే పిల్లలు కూడా అలసిపోయినా లేదా ఆకలిగా ఉన్నా వారి మానసిక స్థితి సరిగా ఉండదు. అలాంటి సమయంలో పిల్లలను తిడితే ఇది పిల్లలకు మరింత చిరాకు తెప్పిస్తుంది. ఆ సమయంలో పిల్లలను తిట్టడం ప్రారంభిస్తే, విషయం మరింత దిగజారిపోతుంది.అందుకే పిల్లలను మందలించాలన్నా మొదట వారి పరిస్థితి సాధారణ స్థితికి వచ్చాక ఆ తరువాత తప్పు గురించి వివరించి చెప్పాలి.
*రూపశ్రీ.
ఒక రిలేషన్ ఏర్పడటం సులువే కానీ దానిని కొనసాగించడం మాత్రం కష్టం. విజయవంతమైన సంబంధంలో ప్రేమ, గౌరవం, నమ్మకం, నిజాయితీ ఉండాలి. మరోవైపు, సందేహం, అవమానం, మోసం, అబద్ధాలు, హింస ఇవన్నీ సంబంధాన్ని చెడగొట్టడానికి కారణం అవుతాయి. కానీ కొంతమందికి అనుమానించే అలవాటు ఉంటుంది. వారు తమ భాగస్వామిని ప్రతి విషయంలోనూ అనుమానిస్తారు. ఇది సంబంధంలో బాధను మిగులుస్తుంది. అందువల్ల, సంబంధంలో నమ్మకం, ఒకరి పట్ల ఒకరు గౌరవం కలిగి ఉండటం చాలా ముఖ్యం. భార్యాభర్తల సంబంధంలో నమ్మకాన్ని, గౌరవాన్ని పెంపొందించడంలో మీకు సహాయపడే చిట్కాలు తెలుసుకుంటే..
స్పష్టమైన సంభాషణ..
సంబంధం ప్రారంభంలో, జంటలు ఒకరితో ఒకరు మాట్లాడుకుంటారు. కానీ క్రమంగా సంభాషణ తగ్గడం ప్రారంభమవుతుంది. వారు తమ భావాలను వివరించలేరు, ఇతరుల భావాలను అర్థం చేసుకోలేరు. అటువంటి పరిస్థితిలో ఇద్దరి మధ్య అపార్థాలు తలెత్తడం ప్రారంభమవుతుంది. ఇది అనుమానానికి దారితీస్తుంది. ఇలాంటి పరిస్థితిలో, ఒకరితో ఒకరు బహిరంగంగా మాట్లాడుకోవడం చాలా ముఖ్యం. ఒకరి మాటలు, భావాలను అర్థం చేసుకోవడం, ఒకరి మీద ఒకరికి మంచి అభిప్రాయాలు ఏర్పడటం చాలా ముఖ్యం.
నమ్మకం..
నమ్మకం అనేది సంబంధానికి పునాది. భార్యాభర్తల ఇద్దరి మధ్య నమ్మకం లేకపోతే, ఆ సంబంధం బలహీనపడవచ్చు. అటువంటి పరిస్థితిలో ఒకరినొకరు నమ్మకాన్ని పెంచుకోవడానికి ప్రయత్నించడం ముఖ్యం. మనసులో ఏవైనా సందేహాలు ఉంటే మాట్లాడి వాటిని నివృత్తి చేసుకోవాలి. తద్వారా నమ్మకం పెరుగుతుంది.
నాణ్యమైన సమయం..
కొన్నిసార్లు బిజీ జీవనశైలి కారణంగా ఇప్పటి భార్యాభర్తలు ఒకరికొకరు సమయం ఇవ్వలేకపోతున్నారు. ఇది సంబంధంలో దూరాన్ని సృష్టిస్తుంది. ఇది సంబంధంలో అనుమానాన్ని, అపనమ్మకాన్ని కూడా పెంచుతుంది. అటువంటి పరిస్థితిలో సంబంధానికి సమయం ఇవ్వడం ముఖ్యం. భాగస్వామితో సమయం గడపాలి. ఇద్దరూ కలిసి భోజనం చేయడం, వంట చేయడం, వారాంతాల్లో బయటకు వెళ్లడం, లేదా ఒకరితో ఒకరు బహిరంగంగా మాట్లాడుకోవడం చేయాలి. ఇలా చేయడం వల్ల మీ సంబంధం బలపడుతుంది.
*రూపశ్రీ.
.webp)
వర్షాకాలంలో గాలిలోని చల్లదనం హాయిని, విశ్రాంతిని కలిగిస్తుంది. అందుకే చాలామందికి వర్షాకాలం అంటే బాగా ఇష్టం ఉంటుంది. కానీ దీని కారణంగా చాలా సమస్యలు కూడా ఉన్నాయి. వాటిలో ఒకటి ఇంట్లో పెరుగు సరిగా తోడు కాకపోవడం. చలికాలంలో జరిగేది ఏంటంటే.. పెరుగు తొందరగా తోడు కాకపోవడం ఒకటైతే.. పెరుగు బాగా క్రీమ్ లాగా కాకపోవడం మరొకటి. కాలాన్ని బట్టి అన్ని మారుతున్నట్టే ఈ ప్రక్రియలో కూడా మార్పు చోటు చేసుకుంటుంది. అయితే ఈ చలికాలంలో పెరుగు బాగా తోడు కావాలన్నా, క్రీమ్ గా గడ్డ పెరుగు రావాలన్నా ఈ కింది చిట్కాలు గమనించి వాటిని ఫాలో అవ్వాలి.
ఉష్ణోగ్రత..
పెరుగు చిక్కగా రావాలంటే పాల ఉష్ణోగ్రత చాలా ముఖ్యం. కొంతమంది పాలను వేడి చేసి అలా వదిలేసి ఉష్టోగ్రత చెక్ చేయకుండా తోడు పెడుతుంటారు. వాతావరణం కారణంగా పాలు తొందరగా చల్లగా అవుతాయి. అందుకే పాలు గోరువెచ్చగా ఉన్నాయా లేదా చెక్ చేసుకోవాలి.
పాత్ర..
పెరుగు తోడు పెట్టాలి అనుకునే పాత్ర శుభ్రంగా ఉండాలి. కొందరు ఏం చేస్తారంటే.. పాలు కాచిన గిన్నెలో అట్లాగే కాసింత పెరుగు వేసేస్తుంటారు. ఇది పెరుగు అదొక రకమైన వాసన, పెరుగు రుచి మారడానికి కారణం అవుతుంది. శుభ్రంగా, పొడిగా ఉన్న గిన్నెలో పాలు వేసి అందులో తోడు పెడితే పెరుగు బాగా అవుతుంది.
పెరుగు కంటెంటే..
పాలు తోడు పెట్టడానికి పెరుగును జోడించడం మామూలే. అయితే చలికాలంలో వాతావరణం కారణంగా కేవలం కొద్దిగా పెరుగు వేస్తే అది తోడు కావడం చాలా ఆలస్యం అవుతుంది. పుల్లగా లేకుండా ఫ్రెష్ గా ఉన్న పెరుగును వినియోగించాలి. ఒక లీటరు పాలకు ఒకటి నుండి రెండు స్పూన్ల తాజా పెరుగుతో తోడు పెడితే పెరుగు చాలా బాగా తోడవుతుంది.
ఒక చిట్కా..
పెరుగును పాలలో ఒక చెంచా మొత్తంలో వేసి అలా మూత పెట్టేస్తుంటారు. అయితే ఇలా చేస్తే పెరుగు తోడు కావడం లేటవుతుంది. అలా కాకుండా పెరుగును పాలలో వేయగానే పాలు మొత్తం బాగా కలపాలి. ఇలా చేస్తే పెరుగు చక్కగా సమంగా తయారవుతుంది.
ప్రదేశం..
పెరుగు బాగా తోడు కావాలి అంటే ఇంట్లో స్థిరమైన, కాస్త వెచ్చగా ఉన్న ప్రదేశంలో పాల గిన్నెను ఉంచాలి. దీని వల్ల పెరుగు బాగా తోడవుతుంది. చల్లని ప్రదేశంలో ఉంచితే పెరుగు తొందరగా తోడు కాదు.
*రూపశ్రీ.
లాంగ్ జర్నీ చాలామందికి ఇష్టం. అయితే అనుకున్న సులువుగా వీటిని ప్లాన్ చేయడానికి ధైర్యం సరిపోదు. దీనికి కారణం మోషన్ సిక్నెస్. దీన్నే వాంతుల సమస్య, తల తిరగడం అంటారు. ప్రయాణంలో వాంతులు లేదా తల తిరుగుతున్నట్లు అనిపిస్తే ప్రయాణంలోని సరదా అంతా పాడైపోతుంది. మోషన్ సిక్నెస్ అనేది ఒక సాధారణ సమస్య, ఇది ముఖ్యంగా పిల్లలు, వృద్ధులు, స్త్రీలలో సర్వసాధారణం. బస్సు, కారు, రైలు లేదా విమానం..ఇలా ప్రయాణం ఎందులో అయినా సరే.. ప్రయాణించేటప్పుడు మన చెవులు, కళ్ళు, శరీర సమతుల్యత అసౌకర్యానికి లోనైనప్పుడు , వికారం, చెమట, తల తిరగడం, వాంతులు వంటి పరిస్థితులు తలెత్తుతాయి. అయితే ఒక రోజు ముందుగా కొన్ని జాగ్రత్తలు తీసుకోవడం వల్ల ఈ మోషన్ సిక్నెస్ కు చెక్ పెట్టవచ్చు. ప్రయాణాన్ని హాయిగా ఎంజాయ్ చేయవచ్చు. ఇందుకోసం ఏం చేయాలో తెలుసుకుంటే..
ఆహారం..
ప్రయాణానికి ఒక రోజు ముందు భారీ, వేయించిన, కారంగా ఉండే ఆహారాన్ని తినకుండా ఉండాలి. ఇది కడుపులో భారంగా మారుతుంది, గ్యాస్ లేదా ఆమ్లత్వం కారణంగా అనారోగ్యం పెరుగుతుంది. తేలికైన, సులభంగా జీర్ణమయ్యే, ఫైబర్ ఆధారిత ఆహారాన్ని తినాలి.
నిద్ర..
అలసట, నిద్ర లేకపోవడం శరీరాన్ని బలహీనపరుస్తుంది. ఇది ప్రయాణ సమయంలో తలనొప్పి లేదా వాంతులు వచ్చే ప్రమాదాన్ని పెంచుతుంది. ప్రయాణానికి ఒక రోజు ముందు తగినంత నిద్రపోవడం చాలా ముఖ్యం.
మందులు..
గతంలో మోషన్ సిక్నెస్ చాలాసార్లు జరిగి ఉంటే వైద్యుల సలహా మందులు వాడవచ్చు. ప్రయాణానికి 30-60 నిమిషాల ముందు వైద్యులు సిఫార్సు చేసిన మందులు తీసుకోవాలి. తద్వారా ప్రయాణం సాఫీగా సాగుతుంది.
అల్లం లేదా నిమ్మకాయ నీరు..
అల్లం, నిమ్మకాయ రెండూ కడుపుని శాంతపరచడానికి సహజ నివారణలు. అల్లం టీ లేదా గోరువెచ్చని నిమ్మకాయ నీరు ఒక రోజు ముందుగానే తీసుకోవడం మంచిది. ఇది వికారం అవకాశాలను తగ్గిస్తుంది.
ముఖ్యమైన వస్తువులు..
ప్రయాణానికి ఒక చిన్న బ్యాగును సిద్ధంగా ఉంచుకోవాలి. అందులో వాంతి బ్యాగ్, టిష్యూ పేపర్, పుదీనా క్యాప్సూల్స్, మౌత్ ఫ్రెషనర్, వాటర్ బాటిల్ ఉండాలి. మార్గంలో ఏదైనా అసౌకర్యాన్ని ఎదుర్కొంటే ఈ వస్తువులు సహాయపడతాయి.
*రూపశ్రీ.
గమనిక:
ఇది సోషల్ సమాచారం మాత్రమే. కొన్ని అధ్యయనాలు, సంబంధిత నిపుణుల ప్రకారం ఈ వివరాలు అందించాం. వ్యక్తుల ఆరోగ్యాన్ని బట్టి ఫలితాలుంటాయి. వీటిని పాటించేముందు.. సంబంధిత నిపుణుడిని సంప్రదించడం శ్రేయస్కరం. అలాగే, హెల్తీ లైఫ్ స్టైల్, సరైన ఆహారం కూడా తీసుకోవడం మీ ఆరోగ్యానికి ఎంతో మేలు..
మోకాళ్ల నొప్పులు ప్రజల జీవితాన్ని కష్టతరం చేస్తాయి. దీని కారణంగా, లేవడం, కూర్చోవడం, నడవడం నుండి రోజువారీ పనులు చేయడంలో సమస్యలు తలెత్తుతాయి. మోకాళ్లలో నిరంతరం నొప్పితో బాధపడే వారు ఈ సమస్యకు సర్జరీ లేదా చాలా తీవ్రమైన చికిత్సలతో తప్ప నయం కాదని అనుకుంటూ ఉంటారు. అయితే ఇంటి చిట్కాతో మోకాళ్ల నొప్పిని ఈజీగా తగ్గించవచ్చని ఆయుర్వేద నిపుణులు అంటున్నారు. ఈ చిట్కా వల్ల మోకాళ్ల నొప్పి తగ్గడమే కాదు.. హాయిగా చకచకా తిరిగేసేంత శక్తి మోకాళ్లకు వస్తుంది అంటున్నారు. ఇంతకీ ఆ చిట్కాలేంటో తెలుసుకుంటే..
మోకాళ్లలో వాపు, మోకాళ్లు బిగుసుకుపోయినట్టు ఉండటం, నొప్పి ఎక్కువగా ఉండటం వంటి సమస్యలను తగ్గించడానికి ఆయుర్వేదంలో ఒక పురాతన పేస్ట్ ఉంది. దానిని మోకాలి నొప్పి ఉన్న ప్రాంతంపై పూసి రాత్రంతా అలాగే ఉంచాలి. ఉదయం నిద్రలేచిన తర్వాత చాలా ఉపశమనం కలుగుతుందట. ఈ ఆయుర్వేద పేస్ట్ ఎలా తయారు చేసుకోవాలో తెలుసుకుంటే..
పేస్ట్ తయారీ విధానం..
మోకాలి నొప్పి నుండి సహజ ఉపశమనం పొందడానికి, ఆయుర్వేద పేస్ట్‌ను ఇంట్లో సులభంగా తయారు చేసుకోవచ్చు. దీని కోసం కావలసిన పదార్థాలు..
1 టీస్పూన్ ఆముదం
1 టీస్పూన్ తేనె
1 టీస్పూన్ దాల్చిన చెక్క పొడి
1 నిమ్మకాయ.
తయారు విధానం..
ఒక గిన్నెలో అన్ని పదార్థాలను బాగా కలిపి మెత్తని పేస్ట్ తయారు చేసుకోవాలి. ఈ పేస్ట్ చాలా గట్టిగా లేదా చాలా పలుచగా ఉండకూడదు. మధ్యస్థంగా మోకాలి మీద రాసినప్పుడు కారిపోకుండా లేదా తొందరగా ఆరిపోయి రాలిపోకుండా ఉండాలి. ఈ పేస్ట్ ను చాలా సులభంగా అప్లై చేయవచ్చు.
తయారు చేసుకున్న ఆయుర్వేద పేస్ట్ ను పలుచని పొరలాగా మోకాలిపై నొప్పి ఉన్న ప్రాతంలో లేదా మోకాలు అంతటగా పూయాలి. దానిపై మెత్తని కాటన్ వస్త్రాన్ని చుట్టాలి. 8-10 గంటలు అలాగే ఉంచాలి. దీన్ని రాత్రి సమయంలో అప్లై చేసుకుంటే చాలా మంచిది. ఉదయం గోరువెచ్చని నీటితో సున్నితంగా శుభ్రం చేసుకోవాలి.
ప్రయోజనాలు..
ఈ పేస్ట్ రక్త ప్రసరణను మెరుగుపరుస్తుంది.
దీన్ని పూయడం వల్ల వాపు నుండి ఉపశమనం లభిస్తుంది.
ఇది మోకాలు బిగుసుకుపోవడాన్ని తగ్గించడంలో కూడా సహాయపడుతుంది.
*రూపశ్రీ.
గమనిక:
ఇది సోషల్ సమాచారం మాత్రమే. కొన్ని అధ్యయనాలు, సంబంధిత నిపుణుల ప్రకారం ఈ వివరాలు అందించాం. వ్యక్తుల ఆరోగ్యాన్ని బట్టి ఫలితాలుంటాయి. వీటిని పాటించేముందు.. సంబంధిత నిపుణుడిని సంప్రదించడం శ్రేయస్కరం. అలాగే, హెల్తీ లైఫ్ స్టైల్, సరైన ఆహారం కూడా తీసుకోవడం మీ ఆరోగ్యానికి ఎంతో మేలు..
మధుమేహాన్ని నిర్వహించడానికి చాలా పద్ధతులను ప్రయత్నిస్తారు. తీపి ఆహారం తగ్గించడం, చక్కెరకు దూరంగా ఉండటం, అధిక మద్యపానాన్ని నివారించడం, ఒత్తిడిని నిర్వహించడం.. ఇలా చాలా విషయాలు కంట్రోల్ చేసుకోవాల్సి ఉంటుంది. కానీ గుడికి వెళ్లడం ద్వారా షుగర్ నయమవుతుందని మీరు విన్నారా?
గుడికి వెళ్లడం వల్ల రక్తంలో చక్కెర తగ్గుతుందని, కొన్ని సందర్భాల్లో మధుమేహం పూర్తిగా నయమవుతుందని అంటున్నారు. ఇది నిజమే అని పోషకాహార నిపుణులు కూడా పేర్కొనడం గమనార్హం. ఇదెలా అనే విషయం తెలుసుకుంటే..
గుడికి వెళ్లడం అంటే ఇంటి నుండి గుడి ఎంతో కొంత దూరంలో ఉంటుంది. ఇది ఒక చక్కని వాకింగ్ సెషన్ లాంటిది. అంతేకాదు.. గుడికి వెళ్తే అక్కడ మళ్లీ ప్రదక్షిణలు కూడా చేస్తారు. ఇది మరింత ప్రయోజనకరంగా ఉంటుంది. ఇంకొక ముఖ్య విషయం ప్రశాంతత. గుడిలో ప్రశాంతత ఉంటుంది. అక్కడ కొట్టే గంట చుట్టు ప్రక్కల వాతావరణాన్ని చాలా పాజిటివ్ గా ఉంచుతుంది. గుడి చుట్టూ ఉండే మొక్కలు, ఇతర విషయాలు కూడా చాలా పాజిటివ్ గా ఉంచుతాయి. ఇది సహజంగానే మనిషిలో ఒత్తిడి తగ్గిస్తుంది. రక్తప్రసరణ సక్రమంగా ఉండేలా చేస్తుంది. రక్తంలో చక్కెర స్థాయిలను కూడా నియంత్రణలో ఉంచుతుంది.
సాధారణంగానే రోజుకు ఒక 10వేల అడుగులు వేయడం వల్ల రక్తంలో చక్కెర స్థాయిలను చాలా వరకు నియంత్రించవచ్చు. అంతేకాదు.. ప్రీడయాబెటిస్ ను కూడా నయం చేయవచ్చు. ఇలా గుడికి వెళ్తూ కార్బోహేడ్రేట్స్ అధికంగా ఉన్న ఆహారాన్ని నియంత్రించుకోవడం, ఆరోగ్యకరమైన ఆహారాన్ని తీసుకోవడం అలవాటు చేసుకుంటే మధుమేహం నియంత్రణ.. కొన్నేళ్లు ఇలా చేస్తే మధుమేహాన్ని నయం చేయడం సాధ్యమే.. అంటున్నారు.
*రూపశ్రీ.
గమనిక:
ఇది సోషల్ సమాచారం మాత్రమే. కొన్ని అధ్యయనాలు, సంబంధిత నిపుణుల ప్రకారం ఈ వివరాలు అందించాం. వ్యక్తుల ఆరోగ్యాన్ని బట్టి ఫలితాలుంటాయి. వీటిని పాటించేముందు.. సంబంధిత నిపుణుడిని సంప్రదించడం శ్రేయస్కరం. అలాగే, హెల్తీ లైఫ్ స్టైల్, సరైన ఆహారం కూడా తీసుకోవడం మీ ఆరోగ్యానికి ఎంతో మేలు..