LATEST NEWS
.webp)
భారతీయ ఆర్థిక వ్యవస్థలో నల్లధనం అరికట్టేందుకు, అవినీతిని పూర్తిగా నిర్మూలించే లక్ష్యంతో పెద్ద నోట్ల రద్దు అంశం ఎప్పుడూ చర్చనీయాంశంగానే ఉంటుంది. ఈ నేపథ్యంలో ఆంధ్రప్రదేశ్ ముఖ్యమంత్రి నారా చంద్రబాబు నాయుడు చేసిన వ్యాఖ్యలు దేశవ్యాప్తంగా తీవ్ర సంచలనం సృష్టించాయి.
దేశంలో పేరుకుపోతున్న అవినీతిని అంతం చేయాలంటే అత్యున్నత విలువ కలిగిన రూ. 500 రూ. నోట్లను రద్దు చేయాలని ఆయన కేంద్రాన్ని బలంగా కోరారు. సమాజంలో పారదర్శకత పెరగాలంటే కఠినమైన ఆర్థిక సంస్కరణలు అత్యవసరమని ఆయన అభిప్రాయపడ్డారు. దేశ అభివృద్ధికి అడ్డుకట్ట వేస్తున్న నల్లధనం మరియు సమాంతర ఆర్థిక వ్యవస్థ (parallel economy) మూలాలను దెబ్బతీయాలంటే పెద్ద నోట్ల రద్దు ఒక్కటే సరైన మార్గమని ఆయన పలు వేదికల ద్వారా స్పష్టం చేశారు.
ఎన్నికల సమయాల్లో కొందరు అక్రమార్కులు ముంబై లేదా బెంగళూరు వంటి నగరాల నుండి భారీగా నగదు మూటలను తీసుకువచ్చి ఓటర్లను ప్రలోభాలకు గురిచేస్తున్నారని చంద్రబాబు ఆందోళన వ్యక్తం చేశారు. కేవలం రూ. 100 నోట్లతో మాత్రమే లావాదేవీలు జరిగే వాతావరణం వస్తేనే ఎన్నికల్లో డబ్బు పాత్రను పూర్తిగా నియంత్రించవచ్చని ఆయన విశ్లేషించారు.
రాష్ట్ర అభివృద్ది కోసం తాము రేయింబవళ్లు కష్టపడుతుంటే, అక్రమ సంపాదనతో వచ్చే శక్తులు ప్రజాస్వామ్యాన్ని అపహాస్యం చేస్తున్నాయని ఆయన మండిపడ్డారు. అవినీతి రహిత సమాజం ఏర్పడినప్పుడే ప్రపంచ దేశాల నుండి నిజాయితీగల పెట్టుబడిదారులు ముందుకు వస్తారని, దీనివల్ల రాష్ట్రాలతో పాటు దేశం కూడా ఆర్థికంగా వేగంగా అభివృద్ధి చెందుతుందని ఆయన బలంగా నొక్కిచెప్పారు.
డిజిటల్ లావాదేవీలను ప్రోత్సహించడం ద్వారా ఆర్థిక వ్యవస్థలో పారదర్శకతను తీసుకురావచ్చని చంద్రబాబు సూచించారు. కేవలం నగదు ఆధారిత చెల్లింపుల వల్ల లెక్కల్లో చూపని ఆదాయం పెరిగిపోతుందని, దానివల్ల ప్రభుత్వ ఆదాయానికి గండి పడుతుందని ఆయన పేర్కొన్నారు. అవినీతిపై పోరాటం కేవలం మాటలకే పరిమితం కాకుండా ఆచరణాత్మక చర్యలు ఉండాలని, అందులో భాగంగానే పెద్ద నోట్లపై ఉక్కుపాదం మోపాలని ఆయన అభిప్రాయపడ్డారు.
అప్పట్లో ఆయన చేసిన ఈ వ్యాఖ్యలు రాజకీయ వర్గాల్లోనూ, ఆర్థిక నిపుణుల మధ్య కూడా తీవ్ర చర్చకు దారితీశాయి. దేశ ప్రయోజనాల దృష్ట్యా తీసుకునే ఇలాంటి కఠిన నిర్ణయాలు దీర్ఘకాలంలో సామాన్యులకు మేలు చేస్తాయని, వ్యవస్థలో సంచలనాత్మక మార్పులకు నాంది పలకగలవని ఈ పరిణామాలు మరోసారి రుజువు చేశాయి.
ఇది కూడా చదవండి: కూర బాగోలేదన్న భర్త.. కత్తితో పొడిచి చంపిన భార్య.. రిటైర్డ్ ఆర్మీ జవాన్ దారుణ హత్య.!
[ Rs. 500 notes should be abolished CM Chandrababu, Chandrababu Naidu statements, demonetization of 500 and 1000 notes, black money curb, AP CM currency ban, digital payments India, corruption free India, Telugu One, Telugu News ]
.webp)
గుజరాత్‌లోని అహ్మదాబాద్‌లో జరిగిన ఒక షాకింగ్ ఘటన దేశవ్యాప్తంగా తీవ్ర సంచలనం సృష్టించింది. రాత్రి భోజనంలో వండిన కూర బాగోలేదన్న చిన్నపాటి కారణంతో మొదలైన వివాదం కాస్తా, చివరకు ఒక నిండు ప్రాణాన్ని బలిగొంది. దేశం కోసం ఆర్మీలో సేవ చేసి రిటైర్ అయిన 39 ఏళ్ల దిలీప్ ఖరాడీని, ఆయన భార్య నిర్మలా ఖరాడీ దారుణంగా హత్య చేసింది.
అహ్మదాబాద్‌లోని నరోడా ప్రాంతంలో ఉన్న నరోడా స్మార్ట్ సిటీ-2లో ఈ విషాద ఘటన చోటుచేసుకుంది. ఈ దంపతుల మధ్య గత ఏడాది కాలంగా ఇల్లు, ఆర్థిక విషయాలకు సంబంధించి తరచూ మనస్పర్థలు, చిన్నపాటి గొడవలు జరుగుతున్నాయని పోలీసులు ప్రాథమిక విచారణలో వెల్లడించారు. గురువారం అర్ధరాత్రి సమయంలో భోజనం చేసే తరుణంలో రాత్రి వండిన కూర ఏమిటని దిలీప్ తన భార్య నిర్మలను ప్రశ్నించడంతో ఇద్దరి మధ్య మాటామాటా పెరిగింది.
ఈ చిన్న వాగ్వాదం క్షణాల్లోనే తీవ్ర రూపం దాల్చింది. ఆగ్రహంతో ఊగిపోయిన నిర్మల ఒక్కసారిగా విచక్షణ కోల్పోయింది. వంటగదిలోకి వెళ్లి కూరగాయలు కోసే పదునైన కత్తిని తీసుకువచ్చి, భర్త దిలీప్ ఎడమ ఛాతిపై బలంగా పొడిచింది. ఈ అనూహ్య పరిణామానికి దిలీప్ ఒక్కసారిగా అపస్మారక స్థితిలోకి వెళ్లడంతో ఇంట్లో ఒక్కసారిగా కలకలం రేగింది. తన భర్తకు తీవ్రగాయాలు కావడంతో భయపడిపోయిన నిర్మల, వెంటనే తన బావ ముకేష్‌కు ఫోన్ చేసి తాను కత్తితో పొడిచినట్లు సమాచారం అందించింది.వెంటనే కుటుంబ సభ్యులు క్షతగాత్రుడైన దిలీప్‌ను ఆసుపత్రికి తరలించే ప్రయత్నం చేశారు.
అయితే మార్గమధ్యలోనే ఆయన పరిస్థితి విషమించడంతో ప్రాణాలు కోల్పోయాడు. సమాచారం అందుకుని హుటాహుటిన ఆసుపత్రికి చేరుకున్న దిలీప్ తండ్రి సోమాజీ ఖరాడీ.. తన కొడుకు ఛాతిపై ఉన్న కత్తిపోటు గాయాలను, చేతులపై ఉన్న గాయాలను చూసి కన్నీటి పర్యంతం అయ్యారు. దేశం కోసం సరిహద్దుల్లో కాపలా కాసి క్షేమంగా తిరిగొచ్చిన తన కొడుకు, కంటికి రెప్పలా చూసుకోవాల్సిన భార్య చేతిలోనే ఇలా దారుణంగా హత్యకు గురికావడాన్ని ఆయన జీర్ణించుకోలేకపోయారు.
ఈ దారుణ ఘటనపై కేసు నమోదు చేసుకున్న నరోడా పోలీసులు వెంటనే రంగంలోకి దిగారు. ఘటనా స్థలాన్ని పరిశీలించి, సీసీటీవీ ఫుటేజీలు స్థానికుల నుంచి లభించిన సమగ్ర సమాచారం ఆధారంగా గాలించి.. నిందితురాలైన భార్య నిర్మలను గంటల వ్యవధిలోనే అరెస్టు చేశారు. ఒక చిన్న వంటకం వివాదం ఇంతటి ఘోరానికి దారితీయడం స్థానికంగా కలకలం రేపింది. కేవలం క్షణికావేశం మనుషుల ప్రాణాలను ఎలా బలి తీసుకుంటుందో చెప్పడానికి ఈ ఘటన నిదర్శనంగా నిలిచింది. పోలీసులు ఈ కేసుపై మరింత లోతుగా దర్యాప్తు జరుపుతున్నారు.
ఇది కూడా చదవండి: దీపావళి వేళ తీవ్ర విషాదం: సొంతూరికి వెళ్తుండగా నదిలో మునిగిన కారు.. నలుగురు మృతి.!
[ Curry dispute murder, retired army jawan dies, Ahmedabad crime, Naroda murder case, husband wife fight, Gujarat news, Telugu One, Telugu News ]
దీపావళి పండుగ వేళ ఛత్తీస్‌గఢ్‌లో అత్యంత హృదయ విదారకరమైన ఘటన చోటుచేసుకుంది. ఎంతో ఆనందంగా సొంతూరికి బయలుదేరిన ఒక కుటుంబంలో ఒక్కసారిగా తీవ్ర విషాదం అలుముకుంది. రాయ్‌పూర్ నుంచి తమ స్వగ్రామానికి దీపావళి వేడుకలు జరుపుకోవడానికి కారులో ప్రయాణిస్తున్న నలుగురు కుటుంబ సభ్యులు నదిలో కారు పడిపోవడంతో దుర్మరణం చెందారు.
ఆదివారం నవంబర్ 8వ తేదీన జరిగిన ఈ ఘోర రోడ్డు ప్రమాదం స్థానికంగా తీవ్ర దిగ్భ్రాంతిని కలిగించింది. ఛత్తీస్‌గఢ్‌లోని గరియాబంద్ జిల్లా రాజిమ్ ప్రాంతంలో గల టిలా ఆనికట్ వద్ద ఈ ప్రమాదం సంభవించింది. ప్రయాణంలో ఉన్న సమయంలో అకస్మాత్తుగా అదుపుతప్పిన కారు నదిలోకి దూసుకుపోవడంతో ఈ ప్రాణనష్టం జరిగింది.
ఈ ప్రమాదంలో ప్రాణాలు కోల్పోయిన వారిని శీతల్ సాహు, ఆయన భార్య భారతి, అలాగే వారి పిల్లలైన 19 ఏళ్ల కుమారుడు వికాష్, 21 ఏళ్ల కుమార్తె పూర్వగా పోలీసులు గుర్తించారు. ఒకే కుటుంబానికి చెందిన నలుగురు వ్యక్తులు క్షణాల వ్యవధిలో ప్రాణాలు కోల్పోవడంతో ఆ ప్రాంతంలో విషాద ఛాయలు అలుముకున్నాయి. మృతురాలు శీతల్ సాహు ఒక జర్నలిస్ట్ అని సమాచారం.
ప్రమాదానికి గురైన కారుపై 'మీడియా ఎగ్జిక్యూటివ్' అని రాసి ఉండటంతో ఈ దుర్ఘటన జర్నలిస్టు వర్గాలను కూడా తీవ్ర దిగ్భ్రాంతికి గురిచేసింది. పండుగ పూట సంతోషంగా గడపాల్సిన కుటుంబం ఇలా అర్ధాంతరంగా రోడ్డు ప్రమాదంలో ప్రాణాలు కోల్పోవడం అందరినీ కలచివేసింది.
సమాచారం అందుకున్న వెంటనే స్థానిక పోలీసులు రెస్క్యూ టీమ్‌లు యుద్ధప్రాతిపదికన ఘటనాస్థలానికి చేరుకున్నాయి. తీవ్ర నది ప్రవాహం మరియు చీకటి మధ్య సహాయక చర్యలు చేపట్టి నదిలో నుంచి కారును, అందులోని మృతదేహాలను బయటికి వెలికితీశారు. అనంతరం పోస్టుమార్టం నిమిత్తం మృతదేహాలను ప్రభుత్వ ఆసుపత్రికి తరలించారు.
అసలు ఈ ప్రమాదం ఎలా జరిగింది? ప్రయాణ వేళ డ్రైవర్ నిద్రమత్తులోకి జారుకున్నారా? లేదా మరేదైనా సాంకేతిక లోపమా? లేక అంబికా ప్రవాహ పరిస్థితుల వల్ల కారు అదుపుతప్పిందా అనే కోణంలో పోలీసులు అన్ని కోణాల్లోనూ కూలంకషంగా దర్యాప్తు ముమ్మరం చేశారు. దీపావళి కాంతులు వెదజల్లాల్సిన వేళ ఆ ఇంట్లో విషాద ఛాయలు కమ్ముకున్నాయి.
ఇది కూడా చదవండి: దేశ రాజధానిలో డేంజర్ బెల్స్.. దట్టమైన కాలుష్య కోరల్లో చిక్కుకున్న ఢిల్లీ.!
[ Chhattisgarh car accident, Gariaband news, Tila anicut tragedy, Diwali road accident, Rajim car crash, journalist family dead, Telugu One, Telugu News ]
దేశ రాజధాని ఢిల్లీలో వాతావరణ పరిస్థితి తీవ్ర ఆందోళనకరంగా మారింది. దీపావళి పండుగ ముగిసిన వెనువెంటనే నగరంలో వాయు కాలుష్యం ఊహించని రీతిలో పడగెత్తింది. గాలి నాణ్యత ప్రమాదకర స్థాయికి క్షీణించడంతో స్థానిక ప్రజలు తీవ్ర ఇబ్బందులను ఎదుర్కొంటున్నారు.
కేంద్ర కాలుష్య నియంత్రణ బోర్డు గణాంకాల ప్రకారం ఉదయం వేళల్లో ఢిల్లీ సగటు ఎయిర్ క్వాలిటీ ఇండెక్స్ (AQI) ఏకంగా 483 మార్కును తాకింది. నగరంలోని పలు ప్రాంతాలలో ఈ సూచీ మరింత పెరిగిపోయి అత్యంత ప్రమాదకర స్థితికి చేరింది.
వివిధ ప్రాంతాల్లో ఏర్పాటు చేసిన పర్యవేక్షణ కేంద్రాల్లో గాలి నాణ్యత దారుణంగా పడిపోయినట్లు నమోదైంది. అనేక ప్రాంతాల్లో AQI స్థాయిలు 400 మార్కును దాటి రికార్డు కావడం పరిస్థితి తీవ్రతకు అద్దం పడుతోంది. కొన్ని ప్రైవేట్ వాతావరణ సంస్థల అంచనాల ప్రకారం కొన్ని ప్రాంతాలలో ఈ సూచీ వెయ్యి మార్కును కూడా దాటినట్లు తెలుస్తోంది.
ఈ తీవ్ర కాలుష్య ప్రభావంతో రోడ్లపై దట్టమైన విషపూరిత పొగమంచు అలుముకుంది. ఉదయం వేళల్లో వాహనదారులు తీవ్ర విజిబిలిటీ సమస్యలను ఎదుర్కొన్నారు. పలు ముఖ్యమైన రహదారులు, ఫ్లైఓవర్లపై ఎదురుగా వస్తున్న వాహనాలు కూడా సరిగ్గా కనిపించని దయనీయ పరిస్థితి నెలకొంది.
విషతుల్యమైన గాలి పీల్చడం వల్ల నగర ప్రజలు కళ్ల మంటలు, తీవ్రమైన తలనొప్పి, గొంతునొప్పి అలాగే ఊపిరి తీసుకోవడంలో తీవ్రమైన ఇబ్బందులను ఎదుర్కొంటున్నారు. ముఖ్యంగా చిన్నపిల్లలు, వృద్ధులు, శ్వాసకోస సంబంధిత వ్యాధిగ్రస్తులు బయటికి వెళ్లాలంటే గడగడలాడిపోతున్నారు.
పరిస్థితిని అదుపులోకి తెచ్చేందుకు అధికారులు ఇప్పటికే పలు కఠిన చర్యలు చేపట్టారు. గ్రేడెడ్ రెస్పాన్స్ యాక్షన్ ప్లాన్ నిబంధనలను కఠినతరం చేసి, నిర్మాణ పనులపై ఆంక్షలు విధించారు. అలాగే పాఠశాలలకు ఆన్‌లైన్ లేదా హైబ్రిడ్ విధానంలో తరగతులు నిర్వహిస్తున్నారు.
కేవలం దేశ రాజధాని మాత్రమే కాకుండా దేశంలోని మరికొన్ని ప్రధాన నగరాలలోనూ ఇదే రకమైన వాతావరణ పరిస్థితులు ఆందోళన కలిగిస్తున్నాయి. రాబోయే రోజుల్లో వాతావరణంలో మార్పులు రాకపోతే కాలుష్య తీవ్రత మరింత పెరిగే అవకాశం ఉందని నిపుణులు హెచ్చరిస్తున్నారు.
ఇది కూడా చదవండి: జగన్ కంచుకోటలో కూటమి జెండా.. కడపలో వైసీపీకి భారీ షాక్.!
[ Delhi Air Pollution, Delhi AQI, Toxic Smog, GRAP Stage 3, Air Quality Index, Diwali Toxic Smog, GRAP Stage 3 Curbs, Central Pollution Control Board, Air Quality Index Delhi ]
ఇటీకాల కాలంలో టెక్నాలజీ రంగంలో వస్తున్న మార్పులతో పాటు ఉద్యోగుల పని వాతావరణంలోనూ విప్లవాత్మక మార్పులు చోటుచేసుకుంటున్నాయి. కరోనా కాలం తర్వాత అమల్లోకి వచ్చిన వర్క్ ఫ్రం హోమ్ (WFH) కల్చర్‌కు ఇప్పుడు సరికొత్త ప్రత్యామ్నాయం వచ్చేసింది.
ప్రపంచ ప్రఖ్యాత దుబాయ్ నగరంలో అమలవుతున్న వినూత్న విధానం నుంచి స్ఫూర్తి పొందిన సైబరాబాద్ మున్సిపల్ కార్పొరేషన్ (CMC), దేశంలోనే తొలిసారిగా సరికొత్త 'వర్క్ ఫ్రం పార్క్‌' (Work from Park) కాన్సెప్ట్‌కు శ్రీకారం చుట్టింది. ఐటీ ఉద్యోగులు, వ్యాపారవేత్తలు, స్టార్టప్ ఫౌండర్లు నాల్గో గోడల మధ్యే ఉండి ఉక్కిరిబిక్కిరి కాకుండా, ప్రకృతి ఒడిలో ప్రశాంతంగా విధులు నిర్వర్తించేలా ఈ అద్భుతమైన ప్రాజెక్ట్‌ను రూపకల్పన చేశారు.
ఈ ప్రయోగాత్మక ప్రాజెక్ట్‌లో భాగంగా తొలి దశలో సైబరాబాద్ పరిధిలోని 30 నుంచి 40 పబ్లిక్ పార్కులను అత్యాధునిక మౌలిక వసతులతో కూడిన బహిరంగ వర్క్‌స్కేప్ జోన్లుగా మార్చాలని నిర్ణయించారు. అంతేకాకుండా, రాబోయే కాలంలో దాదాపు 300 కొత్త పార్కులను అందుబాటులోకి తీసుకురావడంతో పాటు, ఇప్పటికే ఉన్న 97 పార్కులను అత్యంత సుందరంగా తీర్చిదిద్దే బృహత్తర కార్యక్రమానికి శ్రీకారం చుట్టారు.
ప్రధానంగా శేరిలింగంపల్లి జోన్ పరిధిలోని మధవ్‌హిల్స్ కాలనీలో 1.5 ఎకరాల విస్తీర్ణంలో, కూకట్‌పల్లి జోన్ పరిధిలోని మాదాపూర్‌లో 1 ఎకరంలో ఈ పార్కుల అభివృద్ధి పనులు వేగంగా జరుగుతున్నాయి.
ఇక్కడ పని చేసే ఉద్యోగుల కోసం హై-స్పీడ్ ఫ్రీ వై-ఫై, లాప్‌టాప్‌లు ఛార్జింగ్ పెట్టుకోవడానికి ప్రత్యేకమైన పాయింట్లు, సుఖవంతమైన కుర్చీలు, ప్రత్యేక సమావేశ మందిరాలు, యాంఫీథియేటర్లు, వాకింగ్ ట్రాక్‌లు మరియు రుచికరమైన కాఫీ, స్నాక్స్ అందించే కియోస్క్‌లను ఏర్పాటు చేస్తున్నారు.
ఉద్యోగుల భద్రతకు అత్యంత ప్రాధాన్యతనిస్తూ ఈ పార్కులన్నింటిలోనూ పటిష్టమైన సీసీటీవీ (CCTV) కెమెరాలను కూడా అమర్చుతున్నారు. అత్యంత ప్రయోజనకరంగా ఉండే ఈ సరికొత్త సేవలను రాబోయే జనవరి 1వ తేదీ నాటికి ప్రజలకు అందుబాటులోకి తీసుకురావాలని అధికారులు లక్ష్యంగా పెట్టుకున్నారు.
ఈ విశేషమైన సేవలను వినియోగించుకునే వారి కోసం అతి తక్కువగా రూ. 50 నుండి రూ. 100 వరకు నామమాత్రపు యూజర్ ఫీజును కూడా పరిశీలిస్తున్నారు. కేవలం వినోదం కోసమే కాకుండా పబ్లిక్ పార్కులను ఉత్పాదక కేంద్రాలుగా మార్చాలనే గొప్ప ఆలోచనతో ఈ ప్రాజెక్ట్‌ను తీసుకువచ్చినట్లు సీఎంసీ కమిషనర్ శ్రీజన స్పష్టం చేశారు.
మొదటి దశలో రానున్న ఈ పార్కుల నుంచి వచ్చే ప్రజా స్పందనను బట్టి రాబోయే రోజుల్లో మరిన్ని ప్రాంతాలకు ఈ విధానాన్ని విస్తరించాలని కార్పొరేషన్ భావిస్తోంది. సాంకేతికత మరియు ప్రకృతి కలబోతగా వస్తున్న ఈ వినూత్న విధానం టెక్ నగరవాసులను ఎంతగానో ఆకట్టుకుంటోంది.
ఇది కూడా చదవండి: హైదరాబాద్‌లో టపాసులు కాల్చుతుండగా వివాదం: కత్తులతో పరస్పరం దాడులు.!
[ Work From Park, Cyberabad Municipal Corporation, CMC Hyderabad, WFH alternative, IT employees parks, Wi-Fi enabled parks, Telugu News, Telugu One ]
ALSO ON TELUGUONE N E W S
2018 లో సెల్యులాయిడ్ పై అడుగుపెట్టిన' ఈ నగరానికి ఏమైంది' సాధించిన ఘన విజయం తెలిసిందే. కల్ట్ ఫ్యాన్ బేస్ కూడా ఉంది. అందుకే ఈ నెల 19 న రాబోతున్న సీక్వెల్ 'ENE రిపీట్' పై భారీ అంచనాలు ఏర్పడ్డాయి. ఇప్పుడు ఆ అంచనాలని రెట్టింపు చేసేలా నెట్ ఫ్లిక్స్ డీల్ ఒకటి నెట్టింట హల్ చల్ చేస్తుంది
ENE రిపీట్ ని నెట్ ఫ్లిక్స్ దాదాపు 11 కోట్లకి ఓటీటీ హక్కులు దక్కించుకుంది. అయితే ఇది బేసిక్ ప్రైస్ మాత్రమే. సినిమాలు హిట్ అయి భారీ కలెక్షన్స్ సాధిస్తే ఓటీటీలు ఇంకా ఎక్కువ అమౌంట్ ఇస్తున్న సంగతి తెలిసిందే. అలా ENE రిపీట్ కి కూడా నెట్ ఫ్లిక్స్ ఆఫర్ చేసారంట. 50 కోట్ల గ్రాస్ వసూలు చేస్తే డబల్ అమౌంట్ అంటే 22 కోట్లు ఓటీటీ నుంచి ఇచ్చేలా ఒప్పందం కుదుర్చుకున్నారంట.
ఈ నగరానికి ఏమైంది హిట్ అయినా తర్వాత కూడా యూత్ కి బాగా కనెక్ట్ అయి క్లాసిక్ గా నిలిచింది. దాంతో సీక్వెల్ పై భారీ అంచనాలు ఉన్నాయి. అందుకే నెట్ ఫ్లిక్స్ భారీ ధరకు ఈ సినిమా ఓటీటీ హక్కులు కొనుక్కున్నట్టుగా కూడా సినీ సర్కిల్స్ టాక్.
మొదటి భాగంలో విశ్వక్‌సేన్‌, అభినవ్‌ గోమటం, వెంకటేష్‌ కాకుమాను పోషించిన క్యారెక్టర్స్ ఎంతలా నవ్వులు పంచాయో ప్రత్యేకంగా చెప్పనవసరం లేదు. ఇప్పుడు అదే నవ్వుల గ్యాంగ్‌తో పాటు శ్రీనాథ్‌ మాగంటి కూడా ఈ సీక్వెల్‌లో జతకలిసి థియేటర్లలో నవ్వుల సునామీ సృష్టించడానికి సిద్ధమయ్యారు.
ఇది కూడా చదవండి: బొమ్మ ఎందుకు హిట్ అయ్యిందో తెలుసా: ఆలస్యంగా వెలుగులోకి వచ్చిన నిజం!
వివేక్‌ సాగర్‌ అందించిన మ్యూజిక్, ఇప్పటికే విడుదలై ట్రెండ్ అవుతున్న ట్రైలర్ సినిమాపై అంచనాలను విపరీతంగా పెంచేశాయి. కాసేపటి క్రితం విడుదలైన 'మిత్వా' సాంగ్ అభిమానులని ఆకట్టుకుంటూ ఉంది. తరుణ్ భాస్కర్ దర్శకుడు.
మీకు నచ్చవచ్చు: రామాయణపై వర్మ వ్యాఖ్యలు వైరల్: అసలు వర్మని ఇప్పుడేం చెయ్యాలి!
మీకు నచ్చవచ్చు:దీపావళి వేళ: ఆపరేషన్ తో చిన్నారి జీవితంలో వెలుగులు నింపిన సోను సూద్!
[Ee Nagaraniki Emaindi Sequel Ott Rights Sold For Netflix, Ene repeat ott rights huge Price, ENE Repeat OTT rights, Ee Nagaraniki Emaindi sequel, Tollywood, Tollywood News, Telugu Cinema, Telugu Cinema News]
సూపర్ స్టార్ మహేష్ బాబు, దర్శకధీరుడు ఎస్.ఎస్. రాజమౌళి కాంబినేషన్‌లో తెరకెక్కుతున్న ‘వారణాసి’పై అంచనాలు రోజురోజుకూ పెరుగుతున్నాయి. ఇప్పటికే విడుదలైన గ్లింప్స్ సినిమాపై భారీ హైప్ క్రియేట్ చేయగా.. ఇప్పుడు కథకు సంబంధించి ఓ ఆసక్తికరమైన థియరీ సోషల్ మీడియాలో వైరల్ అవుతోంది. ముఖ్యంగా రెడ్డిట్‌లో చక్కర్లు కొడుతున్న ఈ కథనం చూస్తుంటే.. రామాయణం, టైమ్ ట్రావెల్, ప్రపంచవ్యాప్త సాహసాల కలయికగా సినిమా ఉండబోతోందా? అనే ఆసక్తి కలుగుతోంది.
ఈ వైరల్ థియరీ ప్రకారం.. సినిమాలో పృథ్వీరాజ్ సుకుమారన్ పోషిస్తున్న కుంభ పాత్ర కుంభకర్ణుడి పునర్జన్మగా ఉంటుందట. కుంభకర్ణుడు రావణుడికి సోదరుడు అనే విషయం తెలిసిందే. ఈ కథలో రావణుడికి సంబంధించిన నవరత్నాల హారాన్ని తిరిగి సంపాదించడమే కుంభ లక్ష్యమని ప్రచారం జరుగుతోంది. ఆ హారంలో తొమ్మిది శక్తిమంతమైన రత్నాలు ఉంటాయని, వాటిని సొంతం చేసుకుంటే అపారమైన శక్తి లభిస్తుందని ఈ కథనం చెబుతోంది.
ఇక్కడ మరో ఆసక్తికరమైన అంశాన్ని కూడా ప్రస్తావిస్తున్నారు. జైన రామాయణ కథనం ప్రకారం.. రావణుడి ముఖ ప్రతిబింబం ఆ తొమ్మిది రత్నాల్లో కనిపించడం వల్ల ఆయనకు పది తలలు ఉన్నట్లుగా కనిపించేవారని, అందుకే దశాననుడు అనే పేరు వచ్చిందని ఈ థియరీలో పేర్కొంటున్నారు. రామ-రావణ యుద్ధం తర్వాత ఆ రత్నాలు ప్రపంచంలోని వివిధ ఖండాల్లో చెల్లాచెదురయ్యాయని ఊహిస్తున్నారు.
ఈ కథనం ప్రకారం.. కుంభ తన లక్ష్యాన్ని నెరవేర్చుకోవడానికి మహేష్ బాబు పోషిస్తున్న రుద్ర పాత్రను ఉపయోగించుకుంటాడట. తొమ్మిది రత్నాలను సేకరించి తీసుకురావాలని అతడికి బాధ్యత అప్పగిస్తాడని ప్రచారం జరుగుతోంది. దీంతో మహేష్ పాత్ర ప్రపంచంలోని వివిధ ప్రాంతాలకు ప్రయాణిస్తూ ఆ రత్నాల కోసం అన్వేషణ సాగిస్తుందట.
ఇది కూడా చదవండి: సీతాదేవి పాత్ర.. సాయిపల్లవి అప్పటిలా లేదు.. ధనుష్ వైరల్ కామెంట్స్.!
ఈ ప్రయాణంలోనే అసలు సైన్స్ ఫిక్షన్ అంశం తెరపైకి వస్తుందని వైరల్ కథనం చెబుతోంది. వార్మ్‌హోల్ ద్వారా మహేష్ బాబు పాత్ర నేరుగా రామాయణ కాలంలోకి ప్రయాణిస్తుందట. అక్కడ జరిగే సంఘటనలు కథను మరో మలుపు తిప్పుతాయని ఊహిస్తున్నారు.
ఈ థియరీలో అసలు ట్విస్ట్ ఇక్కడే ఉందట. తొమ్మిది రత్నాలన్నీ ఒకచోట చేరితే కుంభకు ఎదురులేని శక్తి లభిస్తుందని రుద్ర తెలుసుకుంటాడట. అలా జరిగితే ప్రపంచానికే ప్రమాదం ఏర్పడుతుందని గ్రహించి.. కుంభ కుట్రను అడ్డుకోవాలని నిర్ణయించుకుంటాడట.
అందుకోసం మళ్లీ గతంలోకి వెళ్లి రామ-రావణ యుద్ధ సమయంలో జరిగిన ఓ కీలక సంఘటనలో జోక్యం చేసుకుంటాడని, తద్వారా ఆ తొమ్మిది రత్నాలు చెల్లాచెదురవకుండా వాటి భవిష్యత్తునే మార్చేస్తాడని ఈ కథనం చెబుతోంది. అంటే గతంలో జరిగిన ఓ సంఘటనను మార్చడం ద్వారా భవిష్యత్తులో జరగబోయే ప్రమాదాన్ని అడ్డుకునేలా కథ సాగుతుందన్నమాట.
ఇప్పటికే ‘వారణాసి’ టైమ్ ట్రావెల్, మైథాలజీ అంశాలతో కూడిన గ్లోబల్ అడ్వెంచర్‌గా ఉండబోతుందనే ప్రచారం ఉంది. మహేష్ బాబు రుద్రగా, ప్రియాంక చోప్రా మందాకినిగా, పృథ్వీరాజ్ సుకుమారన్ కుంభగా కనిపించనున్నారు. అయితే రెడ్డిట్‌లో వైరల్ అవుతున్న నవరత్నాల హారం, కుంభకర్ణుడి పునర్జన్మ, రామ-రావణ యుద్ధంలో మార్పులు వంటి వివరాలను చిత్రబృందం అధికారికంగా ధృవీకరించలేదు.
రాజమౌళి తన సినిమాల్లో కథను ఊహించని మలుపులతో నడిపించడంలో ప్రత్యేకత చూపిస్తుంటారు. అందుకే ఈ థియరీ అభిమానుల్లో ఆసక్తిని పెంచుతోంది. మరి నిజంగానే రావణుడి నవరత్నాల చుట్టూ ‘వారణాసి’ కథ తిరుగుతుందా? లేక ఇది అభిమానుల ఊహల్లో పుట్టిన మరో ఆసక్తికరమైన కథనా? తెలియాలంటే చిత్రబృందం అధికారిక ప్రకటన వచ్చే వరకు ఎదురుచూడాల్సిందే.
మీకు నచ్చవచ్చు:
అప్పుడు ఫిట్‌గా ఉండాల్సింది.. తన ఓల్డ్ లుక్స్‌పై ఎన్టీఆర్ కామెంట్స్.!
అసలైన సినిమా పండగ.. ఈ వారం థియేటర్లలో ఏకంగా 10 సినిమాలు.!
[Varanasi Movie Story, Ravana Navaratna Mala, Varanasi Story, Mahesh Babu, Rajamouli, Prithviraj Sukumaran, Ramayana, Ravanasura, Kumbha, Telugu Film News]
వరుస విజయాలతో బాక్స్ ఆఫీస్ వద్ద సూర్య తన రీసెంట్ హిట్ 'సీన్' మూవీతో పెద్ద 'సీన్' నే క్రియేట్ చేసి పడేసాడు. హిట్టుని అందుకోవడం ఎలా, ఏ సబ్జెట్ తో రావాలి అని హీరోలు, మేకర్స్ సుదీర్ఘ ఆలోచనలు చేస్తూ ఉంటే సూర్య మాత్రం షార్ట్ పీరియడ్ లోనే మూడు బ్లాక్ బస్టర్స్ ని అందుకున్నాడు. కరుప్పు(వీరభద్రుడు) విశ్వనాధ్ అండ్ సన్స్ హిట్స్ కి కారణం ఏంటో తెలిసిందే. మరి 'సీన్' హిట్ అవ్వడానికి ఏ ఏ అంశాలు కారణమో చూద్దాం
చిత్రసీమలో ఒక సినిమా ప్రేక్షకుల మనసులను గెలుచుకుని, బాక్సాఫీస్ వద్ద విజయం సాధించాలంటే కేవలం స్టార్ డమ్ ఉంటే సరిపోదు. కథలోని సత్తా, కథనంలోని బిగువు, నటీనటుల అద్భుత నటన కలగలిస్తేనే అది సాధ్యమవుతుంది. సరిగ్గా ఇదే సూత్రాన్ని రుజువు చేసింది సీన్.మూవీ ప్రారంభమైన మొదటి నిమిషం నుంచే ప్రేక్షకుడిని కథలోకి తీసుకెళ్లడం, ఎక్కడా క్యూరియాసిటీ తగ్గకుండా స్క్రీన్‌ప్లే నడిపించడం ఈ చిత్రానికి అతిపెద్ద ప్లస్ పాయింట్‌
మూవీ విజయంలో అత్యంత కీలకమైన అంశం సూర్య అసాధారణమైన నటన. రెండు భిన్నమైన గెటప్పులలో, వేర్వేరు మానసిక స్థితులలో ఉండే కేరక్టర్స్ లో ఆయన చూపించిన పరిణతి ప్రతి ఒక్కరినీ మైమరపిస్తుంది. ఎమోషనల్ సీన్స్‌లో ఆయన కళ్లలోనే కనిపించే తీవ్రత, క్లైమాక్స్ ఫైట్ సీక్వెన్స్‌లలో చూపించిన రోమాంచితమైన ఎనర్జీ ప్రేక్షకులకు కొత్త అనుభూతిని అందించాయి. సినిమా మొదటి భాగంలో 45 నిమిషాల పాటు సాగే విచారణ ఘట్టం ప్రేక్షకులను సీట్ల అంచులపై కూర్చోబెడుతుంది. కథలోని విరామం సీన్‌కు ముందు వచ్చే 15 నిమిషాల ట్విస్ట్ మొత్తం సినిమా స్వరూపాన్నే మార్చేసి, ద్వితీయార్థంపై అంచనాలను ఆకాశాన్ని తాకేలా చేసింది.
దర్శకుడి ఆలోచన మరియు టేకింగ్ ఈ సినిమాను మరో స్థాయికి తీసుకెళ్లాయి. రొటీన్ మాస్ ఎలిమెంట్లకు దూరంగా ఉంటూనే, ప్రతి సన్నివేశాన్ని అత్యంత సహజంగా, సమాజంలోని కొన్ని కీలకమైన అంశాలను స్పృశిస్తూ తెరకెక్కించారు. సినిమా ద్వితీయార్థంలో వచ్చే 20 నిమిషాల కోర్టు రూమ్ డ్రామా మరియు సామాజిక పోరాటం ఆడియన్స్‌కు కంటిన్యూయస్‌గా గూస్‌బంప్స్ తెప్పిస్తుంది. దర్శకుడు ఎంచుకున్న పాయింట్‌కి తగినట్లుగా 100 శాతానికి పైగా న్యాయం చేయడంలో సాంకేతిక నిపుణుల పాత్ర కూడా మరువలేనిది.
ఇది కూడా చదవండి: రామాయణపై వర్మ వ్యాఖ్యలు వైరల్: అసలు వర్మని ఇప్పుడేం చెయ్యాలి!
బ్యాక్‌గ్రౌండ్ స్కోర్ (BGM)నిజమైన ఆయువుపట్టు. ముఖ్యంగా యాక్షన్ సన్నివేశాలలో మరియు ప్రతిష్ఠాత్మకమైన 30 నిమిషాల రెస్క్యూ ఆపరేషన్ సీన్‌లో వచ్చే రౌద్రమైన సంగీతం థియేటర్లలో ఈలలు వేయించింది. కెమెరా పనితనం ప్రతీ ఫ్రేమ్‌ను ఒక విజువల్ వండర్‌గా మార్చింది. లైటింగ్, కలర్ టోన్ సినిమా మూడ్‌కు సరిగ్గా సరిపోయాయి. నిర్మాణ విలువలు అత్యున్నత ప్రమాణాలతో ఉండటం, ఎక్కడా రాజీ పడకుండా చేసిన భారీ ప్రొడక్షన్ ఖర్చులు తెరపై స్పష్టంగా కనిపిస్తాయి.
మొత్తానికి సూర్య 'సీన్' చిత్రం కేవలం ఒక సినిమాగా మాత్రమే కాకుండా, ప్రేక్షకులకు ఒక అద్భుతమైన థియేట్రికల్ ఎక్స్‌పీరియన్స్‌ను అందిస్తోంది. అద్భుతమైన కథాంశం, సూర్యా వన్ మ్యాన్ షో నటన, థ్రిల్లింగ్ స్క్రీన్‌ప్లే, టెక్నికల్ వాల్యూస్ కలిసి బ్లాక్‌బస్టర్‌గా నిలబెట్టాయి.
మీకు నచ్చవచ్చు :మళ్ళీ వస్తాయా?: ఆ అద్భుతమైన మ్యూజికల్ హిట్ చిత్రాలు!
మీకు నచ్చవచ్చు: సీన్ మూవీ రివ్యూ!
[Surya Scene Movie Hit Reasons Analysis,Suriya Scene Movie, Scene Movie Hit Reasons, Suriya Scene Box Office Collection, Scene Telugu Review, Tollywood, Tollywood News, Telugu Cinema, Telugu Cinema News]
టాలీవుడ్‌లో కొన్ని సినిమాలు షూటింగ్ మొదలుపెట్టిన తర్వాత ఎక్కువ సమయం తీసుకుంటుంటే.. మరికొన్ని మాత్రం అనుకున్న ప్లాన్ ప్రకారం శరవేగంగా చిత్రీకరణ పూర్తి చేసుకుంటున్నాయి. తాజాగా ‘అలియాస్ రుక్మిణి’ సినిమా కూడా ఈ జాబితాలో చేరింది. ఈ సినిమా షూటింగ్ పూర్తయినట్లు చిత్రబృందం అధికారికంగా ప్రకటించింది.
ఆగస్టు 3న ఈ మూవీ లాంచ్ జరిగింది. నవంబర్ 9న షూటింగ్ పూర్తయినట్లు ప్రకటించారు. అంటే మూడు నెలల్లోనే సినిమా షూటింగ్ స్టార్ట్ అవ్వడం, పూర్తి కావడం జరిగిపోయాయి. ప్రస్తుతం పోస్ట్ ప్రొడక్షన్ పనులు పూర్తి చేసి డిసెంబర్ 4న ప్రేక్షకుల ముందుకు తీసుకొచ్చేందుకు చిత్రబృందం సిద్ధమవుతోంది.
ఇటీవల చాలా సినిమాల షూటింగ్స్ ప్లాన్ చేసుకున్న విధంగా జరగక.. విడుదల తేదీలు మారుతూ వస్తున్నాయి. ఆ విషయంలో 'అలియాస్ రుక్మిణి' టీంని మెచ్చుకోవచ్చు. బౌండ్ స్క్రిప్ట్, ప్రోపర్ ప్రీ ప్రొడక్షన్ వర్క్ ఉంటేనే ఇలా మూడు నెలల్లో షూటింగ్ పూర్తి చేయడం సాధ్యమవుతుంది.
అలియాస్ రుక్మిణిలో నితిన్, ఆఫియా సయ్యద్ జంటగా నటిస్తున్నారు. న్యాచురల్ స్టార్ నాని సమర్పణలో యూనానిమస్ ప్రొడక్షన్స్ బ్యానర్‌పై దీప్తి గంటా ఈ చిత్రాన్ని నిర్మిస్తున్నారు. ‘దండోరా’ ఫేమ్ మురళీకాంత్ దేవసోత్ దర్శకత్వం వహిస్తున్నారు.
ఇది కూడా చదవండి: బాలయ్య నన్ను ‘ఏరా పెద్దిరెడ్డి’ అని పిలుస్తారు.. ‘దాదా’ సినిమా ఎలా ఉండబోతుందంటే.?
ఈ సినిమాలో కృష్ణ అనే రచయిత పాత్రలో నితిన్ కనిపించనున్నారు. స్కూల్ టీచర్‌ రుక్మిణి పాత్రలో ఆఫియా సయ్యద్ నటిస్తున్నారు. కృష్ణ, రుక్మిణి మధ్య క్యూట్ లవ్ స్టోరీగా ఈ సినిమా అలరించనుంది.
నితిన్ కొంతకాలంగా సరైన విజయం కోసం ఎదురుచూస్తున్నారు. ఈ నేపథ్యంలో ‘అలియాస్ రుక్మిణి’ ఆయనకు ఎలాంటి ఫలితాన్ని అందిస్తుందో చూడాలి. డిసెంబర్ 4న ఈ సినిమా ప్రేక్షకుల ముందుకు రానుంది.
మీకు నచ్చవచ్చు:
బాలయ్యతో భీష్మ.. 17 ఏళ్ళ క్రితం ప్లాన్ చేసిన క్రేజీ మూవీ.. ఎందుకు ఆగిపోయింది.?
ఎన్టీఆర్‌కు అత్యంత ఆప్తుడు.. ‘కర్తవ్యం’లో విలన్‌గా మెప్పించిన ఈ నిర్మాత ఎవరో తెలుసా.?
https://x.com/UnanimousProds/status/2119703307241582691
[Alias Rukmini Shoot Wrapped, Alias Rukmini Release Date, Alias Rukmini December 4 Release, Alias Rukmini Movie, Nani, Nithiin, Aafiya Sayed, Murali Kanth Devasoth, Telugu Film News]
దశాబ్దాల క్రితమే తెలుగు సినిమా ఖ్యాతిని బాలీవుడ్ పై నిలబెట్టిన దర్శకుడు రామ్ గోపాల్ వర్మ. కాకపోతే గత కొంత కాలంగా తన రేంజ్ కి తగ్గట్టుగా సినిమాలు తెరకెక్కించడం లేదనే అపవాదుని అభిమానుల నుంచి భారీగానే మూటగట్టుకుంటూ వస్తున్నాడు. పైగా డిజాస్టర్స్ తో ట్రావెల్ చేస్తున్నాడు.
అలాంటి వర్మ రీసెంట్ గా ఒక ఇంటర్వ్యూలో 'రామాయణ’మూవీ గురించి మాట్లాడుతు 'రామాయణని కేవలం ఒక సాధారణ భక్తిరస చిత్రంగా చూడలేం. అది ఒక అద్భుతమైన ‘భక్తి శక్తి’. ఈ చిత్రాన్ని రూపొందించడానికి చిత్ర యూనిట్ పడిన అపారమైన శ్రమతో పోలిస్తే, వచ్చే విమర్శలు చాలా చిన్నవి. ఎలాంటి విమర్శలని కూడా చిత్ర బృందం అసలు పట్టించుకోవద్దని ఆయన సూచించారు.
చిత్రంలో ప్రధాన పాత్రధారుల నటనపై వర్మ ప్రత్యేక ప్రశంసలు కురిపించారు. రాముడిగా రణ్‌బీర్ కపూర్, రావణుడిగా యశ్ అభినయం ఎంతో అద్భుతంగా ఉందని కొనియాడారు. ముఖ్యంగా సీతాదేవి అపహరణ తర్వాత ఖాళీగా ఉన్న ఆశ్రమంలో రాముడు ఒంటరిగా నిలబడే సన్నివేశంలో రణ్‌బీర్ కనబరిచిన నటన మరియు అందులోని దుఃఖాన్ని కెమెరా బంధించిన తీరు అద్భుతమని తెలిపారు.
ఇది కూడా చదవండి: మళ్ళీ వస్తాయా?: ఆ అద్భుతమైన మ్యూజికల్ హిట్ చిత్రాలు!
ఇందులో రాముడి పాత్రను కేవలం కథకు అతీతంగా ఉండే దేవుడిలా కాకుండా, ప్రపంచం ముగియబోతోందని తెలిసినా సరే ఎంతో ధైర్యంగా ముందుకు సాగిన ఒక మానవుడిగా అద్భుతంగా చూపించారని వర్మ అన్నారు. ఇప్పుడు ఈ మాటలు సోషల్ మీడియాకి నూతనోత్సాహాన్ని తీసుకొస్తున్నాయి.
ఎందుకంటే వర్మ ఆ మాటలు మాట్లాడింది. పైగా వర్మ ట్రాక్ రికార్డు కూడా తెలిసిందే. అందుకే ఆ మాటలు సోషల్ మీడియాకి నూతనోత్సాహాన్ని తీసుకొస్తున్నాయి.
ప్రెజెంట్ రామాయణ నాలుగురోజులనే 490 కోట్లని సాధించి సెల్యులాయిడ్ వద్ద రాముడి కట్ అవుట్ కి ఉన్న రేంజ్ ని చాటి చెప్పింది.
మీకు నచ్చవచ్చు: గరివిడి లక్ష్మి ఓటిటి డేట్ వచ్చేసింది. ఆ రోజు పండుగే!
మీకు నచ్చవచ్చు: రామాయణ మూవీ రివ్యూ!
[Ram Gopal Varma About Ramayana Part 1, Rgv About Ramayana Movie, Varma About Ramayana, Ramayaa collections, Ranbir Kapoor, Yash, Tollywood, Tollywood News, Telugu Cinema, Telugu Cinema News]
సంగీతం.. ఈ మాట వింటే చాలు సంగీత ప్రియులు పులకరించిపోతారు. పైగా ఆ సంగీత ప్రవాహంలో నుంచి జాలు వారే అమృతధార లాంటి పాటలు వింటే చాలు తమ జన్మ ధన్యమైనట్టుగా భావిస్తారు. సంగీతంలో అంతటి మహత్తర శక్తీ దాగి ఉంది. అలాంటి సంగీతాన్ని ప్రధానంగా చేసుకొని ఒకప్పుడు చాలా సినిమాలు తెరకెక్కేవి. అంటే మ్యూజిక్ బేస్డ్ చిత్రాలు. అంటే సినిమా కథకి ప్రాణం పాటలు. సుమారు పది నుంచి పన్నెండు వరకు సాంగ్స్ ఉండి సినీ కళామతల్లి, ప్రేక్షకుల రుణం తీర్చుకునేవి.
ముఖ్యంగా 1980లు, 1990లు మరియు 2000ల తొలన్షి దశలో వచ్చిన మ్యూజికల్ జానర్ చిత్రాలు ప్రేక్షకులని ఒక అద్భుతమైన లోకంలోకి తీసుకెళ్లేవి.దర్శకులు కథాంశాన్ని మలిచేటప్పుడే సంగీతానికి అగ్రతాంబూలం ఇచ్చేవారు. కేవలం వినోదం కోసమే కాకుండా, మానసిక ప్రశాంతతను అందించే ఆ పాటలు ప్రజల దైనందిన జీవితంలో ఒక భాగమైపోయాయి. ఆ రోజుల్లో కేసెట్లు, రేడియోల ద్వారా సంగీతం ప్రతి ఇంటిని తాకేది, దీనివల్ల సినిమాల కలెక్షన్లు కూడా రికార్డు స్థాయిలో ఉండేవి.
కాని, కాలం మారుతున్న కొద్దీ ప్రేక్షకుల రుచిలోనూ, సినిమా నిర్మాణ శైలిలోనూ విప్లవాత్మక మార్పులు వచ్చాయి. ప్రస్తుత డిజిటల్ యుగంలో సోషల్ మీడియా ప్రభావం, వేగవంతమైన జీవనశైలి మరియు రీల్స్ కల్చర్ కారణంగా ప్రేక్షకుల ఏకాగ్రతా కాలం (Attention Span) కేవలం కొన్ని సెకండ్లకు పడిపోయింది. దీనివల్ల దర్శకులు మరియు నిర్మాతలు నెమ్మదైన మెలోడీలు, శాస్త్రీయ సంగీతం మరియు కథాంశంతో కూడిన మ్యూజికల్ జానర్ చిత్రాలకు స్వస్తి పలికి, కేవలం మాస్ యాక్షన్, హై ఓల్టేజ్ బిట్స్ మరియు రొటీన్ కమర్షియల్ హంగులపై దృష్టి పెడుతున్నారు.
ఇది కూడా చదవండి: గరివిడి లక్ష్మి ఓటిటి డేట్ వచ్చేసింది. ఆ రోజు పండుగే!
నేడు వస్తున్న సినిమాల్లో దాదాపు 85 శాతం చిత్రాలు వేగవంతమైన రీ రికార్డింగ్ మరియు భారీ ఫైట్ సీక్వెన్సులకే ప్రాధాన్యత ఇస్తున్నాయి. దీనివల్ల అప్పటిలాంటి స్వచ్ఛమైన పాటలు, భావోద్వేగాలని పండించే మ్యూజికల్ జానర్ సినిమాలు కరువయ్యాయి. ప్రేక్షకులు కూడా పాత మధురాలను గుర్తుచేసుకుంటూ, అటువంటి క్లాసిక్స్ మళ్ళీ రావాలని ఆశగా ఎదురుచూస్తున్నారు.
అయినప్పటికీ, ఆశ పూర్తిగా నశించలేదు. ఇటీవల కాలంలో కొన్ని చిన్న చిత్రాలు మరియు ప్రయోగాత్మక సినిమాలు మళ్ళీ మెలోడీ సంగీతంతో ప్రేక్షకుల ముందుకు వచ్చి అద్భుతమైన విజయాలు సాధిస్తున్నాయి. నేటి యువతలో కూడా పాత పాటలపై ఆసక్తి పెరుగుతుండటం, వింటేజ్ మ్యూజిక్ కాన్సెప్ట్‌లు ట్రెండ్ అవుతుండటం శుభపరిణామం. రాబోయే రోజుల్లో కంటెంట్ ప్రాధాన్యత ఉన్న సినిమాలతో పాటు, సంగీతానికి పెద్దపీట వేసే మ్యూజికల్ జానర్ చిత్రాలు తిరిగి తెలుగు తెరకు మహారాజులా మళ్ళీ వస్తాయని సినీ విశ్లేషకులు బలంగా నమ్ముతున్నారు.
సాంకేతిక పరిజ్ఞానం మారుతున్నా, మనిషి మనసును హత్తుకునే మంచి సంగీతానికి ఉన్న డిమాండ్ ఎప్పటికీ తగ్గదు కాబట్టి, ఆనాటి స్వర్ణయుగం మళ్ళీ పునరావృతమయ్యే అవకాశం 90 శాతం పైగా ఉందని పరిశ్రమ నిపుణులు అంచనా వేస్తున్నారు. అదే జరిగితే చిన్న చిన్న సైజు రోగాలన్నీ మటుమాయం అయినట్లే.
మీకు నచ్చవచ్చు: రామాయణ: ఇద్దరిలో బెస్ట్ పెర్ఫార్మ్ ఇచ్చింది ఈ హీరోనే
మీకు నచ్చవచ్చు: రెమ్యురేషన్ తక్కువయిందని సీతాదేవి రోల్ రిజెక్ట్ చేసిన హీరోయిన్!
[Musical Genre Movies Telugu, musical genre movies, telugu melody songs, retro cinema analysis, classic telugu films, music in cinema, Tollywood, Tollywood News, Telugu Cinema, Telugu Cinema News]
Mega Power Star Ram Charan is set to attend the grand pre-release event of Aniesh and Anaswara Rajan starrer Itllu Arjuna as the chief guest. The event will be held in Hyderabad today, adding considerable buzz to the film ahead of its November 13 theatrical release.
King Nagarjuna is presenting this romantic-action entertainer, directed by Mahesh Uppala and produced by Venky Kudumula. The film has been generating curiosity with its youthful storyline and refreshing promotional content.
Earlier, Jr. NTR unveiled the trailer and encouraged debutant Aniesh, particularly appreciating his decision to portray a mute character. His performance and chemistry with Anaswara Rajan have become major talking points.
Nagarjuna has also been closely associated with the project, having reportedly listened to the story and offered suggestions to improve the film. With Ram Charan now joining the promotional celebrations, the movie is receiving support from three major Telugu stars.
Also Read: Sharwanand's Bhogi undergoes Censor issues
S Thaman's music has already generated considerable buzz, with several songs becoming chartbusters. The composer is also set to perform live at the pre-release event, making it a special occasion for the film's team and fans.
With Nagarjuna presenting, NTR launching the trailer and Ram Charan attending the pre-release event, Itllu Arjuna is steadily building expectations.
Check Out: ENE Repeat Mithwa: A soothing friendship anthem
Ramayana passes Pushpa 2 and Dhurandhar 2 records
Disclaimer: The news article is written based on information shared by various sources. The organisation is not responsible for the factual nature of them. While we do try to do thorough research at times people could misguide. So, we would encourage viewers' discretion before reacting to them.
The much-loved gang of Ee Nagaraniki Emayyindi is back with ENE Repeat, directed by Tharun Bhascker. Starring Vishwak Sen, Abhinav Gomatham, Srinath Maganti and Venkatesh, the film has now unveiled its first single, Mithwa, following the positive response to its teaser.
Composed by Vivek Sagar, Mithwa is a refreshing melody that celebrates friendship and companionship. Moving away from high-energy beats, the composer opts for a soothing tune that captures the joy of travelling and spending time with friends.
Nakul Abhyankar and Veena Ghantasala bring the song alive with their pleasant vocals, while Bharadwaj Gali's meaningful lyrics beautifully describe how friendships evolve over time, yet the need for a true friend remains unchanged.
Shot in picturesque locations in Bangkok, the song feels like a collection of real-life travel memories. Vishwak and his gang share effortless chemistry, making their interactions and simple moments the biggest attraction.
Also Read: Ramayana passes Pushpa 2 and Dhurandhar 2 records
Shivatmika Rajasekhar and Anisha Ambrose play the female leads in this buddy comedy, which promises another memorable trip with the beloved gang.
Produced by Srujan Yarabolu and Sandeep Nagireddy, ENE Repeat is gearing up for a worldwide theatrical release on November 19. Mithwa has further raised expectations for the reunion of this much-loved gang.
Check Out: Anirudh - Kavya wedding: Rajini and Stalin families fly to Greece
Sharwanand's Bhogi undergoes Censor issues
Disclaimer: The news article is written based on information shared by various sources. The organisation is not responsible for the factual nature of them. While we do try to do thorough research at times people could misguide. So, we would encourage viewers' discretion before reacting to them.
Ramayana is creating an unprecedented wave at the box office, with advance bookings reaching extraordinary levels. Starring Ranbir Kapoor, Yash and Sai Pallavi, the mythological epic has registered a staggering 140K ticket sales in a single hour on BMS, surpassing the peak hourly booking records previously held by Pushpa 2 and Dhurandhar 2.
The phenomenal trend reflects the massive anticipation surrounding Nitesh Tiwari's ambitious cinematic adaptation. The film's bookings are reportedly witnessing a surge with every passing hour, while trade circles are expecting unprecedented numbers at the box office.
Yash's portrayal of Ravana has emerged as one of the biggest talking points. His fresh interpretation of the legendary king of Lanka is generating tremendous excitement, particularly among audiences in the southern markets, while his presence is equally driving interest in the Hindi belt.
Ranbir Kapoor as Lord Rama and Sai Pallavi as Sita are also receiving considerable appreciation. The combination of an ambitious retelling, a celebrated ensemble and a grand theatrical presentation has made Ramayana one of the most anticipated Indian films.
Also Read: Anirudh - Kavya wedding: Rajini and Stalin families fly to Greece
Produced by Namit Malhotra and Yash, with DNEG backing the project, the film is mounted on an enormous scale. The musical collaboration between Hollywood legend Hans Zimmer and A.R. Rahman has further amplified expectations.
Dil Raju's Sri Venkateswara Creations is releasing the film in the Telugu states. With 140K tickets sold in a single hour, Ramayana has already established a remarkable booking benchmark, and the coming days will determine just how big a box office phenomenon it becomes.
Check Out: NBK and Nargis Fakhri from Dada Dhamakha
Sharwanand's Bhogi undergoes Censor issues
Disclaimer: The news article is written based on information shared by various sources. The organisation is not responsible for the factual nature of them. While we do try to do thorough research at times people could misguide. So, we would encourage viewers' discretion before reacting to them.
ఉత్తరాంధ్ర లెజండ్రీ బుర్రకథ, జానపద కళాకారిణి 'గరివిడి లక్ష్మి'. 90ల కాలంలో దాదాపు 15 ఏళ్ల ప్రయాణంలో ఏకంగా 10 వేలకు పైగా ప్రదర్శనలు ఇచ్చి రికార్డు సృష్టించింది. ఆమె జీవిత కథ ఆధారంగా తెరకెక్కిన చిత్రం 'గరివిడి లక్ష్మి'.
అచ్చ తెలుగు హీరోయిన్ వరంగల్ అమ్మాయి ఆనంది హీరోయిన్. నిజమైన గరివిడి లక్ష్మిగా ఒక రేంజ్ పెర్ఫార్మ్ చేసి తన సినీ కెరీర్ లో బెస్ట్ మూవీగా నిలబడిపోయేలా చేసింది.
ఇప్పుడు ఈ చిత్రం డిజిటల్ స్క్రీన్‌పై అలరించేందుకు సిద్ధమైంది. ప్రముఖ ఓటీటీ ప్లాట్ ఫార్మ్ అమెజాన్ ప్రైమ్ వీడియో ద్వారా నవంబర్ 13 నుండి డిజిటల్ స్ట్రీమింగ్‌కు రానుంది. మరి థియేటర్లలో మిస్ అయిన ప్రేక్షకులు, కుటుంబ సమేతంగా ఇంట్లోనే ఈ సరికొత్త దృశ్యకావ్యాన్ని చూసేయవచ్చు.
ఇది కూడా చదవండి: ధురంధర్, పుష్ప 2 , కల్కి రికార్డ్స్ అవుట్!
థియేటర్స్ లో అక్టోబర్ 17న విడుదలైన ఈ చిత్రం, బాక్సాఫీస్ వద్ద ఊహించని రీతిలో సంచలన విజయాన్ని నమోదు చేసింది. పెద్ద హీరోల సినిమాల పోటీని సైతం తట్టుకుని నిలబడి కలెక్షన్ల పరంగా ఏకంగా 9.03 కోట్ల ఇండియా నెట్ వసూళ్లను రాబట్టి ట్రేడ్ వర్గాలను సైతం ఆశ్చర్యపరిచింది.
ఆ కాలంలో మహిళా కళాకారులు ఎదుర్కొన్న అవమానాలు, కష్టాలు మరియు సామాజిక వివక్షను దర్శకుడు గౌరి నాయుడు జమ్ము హృద్యంగా తెరకెక్కించారు.
ఉత్తరాంధ్ర పల్లెటూరి వాతావరణం, యాస మరియు బాష ప్రేక్షకులను విపరీతంగా కట్టిపడేశాయి. 2 గంటల 21 నిమిషాల నిడివి ఉన్న ఈ బయోపిక్ ని పీపుల్స్ మీడియా ఫ్యాక్టరీ పతాకంపై టి.జి. విశ్వప్రసాద్, ఆయన కుమార్తె కృతి ప్రసాద్ నిర్మించారు. రిలీజ్ డేట్ విషయంలో కొంచం ఆగి ఉంటే ఇంకా మెరుగైన ఫలితాలు వచ్చి ఉండేది.
మీకు నచ్చవచ్చు: సాయి ధరమ్ తేజ్ భార్య బ్యాక్ గ్రౌండ్ ఇదే!
మీకు నచ్చవచ్చు: గబ్బర్ సింగ్ పై శృతి హాసన్ కామెంట్స్!
[Tollywood, Tollywood News, Telugu Cinema, Telugu Cinema News, Garividi Lakshmi Ott Date, Garividi Lakshmi OTT, Anandhi Garividi Lakshmi movie, Amazon Prime Video streaming, Garividi Lakshmi release date,Tollywood, Tollywood News, Telugu Cinema, Telugu Cinema News]
దీపావళి పండుగ అనగానే మనకు టపాకాయలు, దీపాలతో పాటు నోరూరించే పిండివంటలు, రకరకాల స్నాక్స్ గుర్తుకు వస్తాయి. ముఖ్యంగా కుటుంబ సభ్యులు, స్నేహితులు అంతా కలిసి గడిపే ఈ వేడుకల్లో విభిన్నమైన రుచులను ఆస్వాదించడం అందరికీ ఇష్టమే. ఈ ఫెస్టివల్ సీజన్లో మీ పార్టీలన్నింటిలోనూ అందరినీ ఆకట్టుకునేలా ఒక అద్భుతమైన ట్రెండింగ్ రెసిపీ ఇప్పుడు సోషల్ మీడియాలో తెగ వైరల్ అవుతోంది. అదే అద్భుతమైన ధోక్లా చాట్ . సాధారణంగా మనం ఎప్పుడూ చేసుకునే ఇన్స్టెంట్ ధోక్లాను మరింత రుచికరంగా మార్చి, ఒక అద్భుతమైన చాట్ రూపంలోకి తీసుకువస్తే ఎలా ఉంటుందనే ఆలోచన నుంచి పుట్టిందే ఈ టేస్టీ వంటకం.
ప్రముఖ కంటెంట్ క్రియేటర్ పూజా పురోహిత్ షేర్ చేసిన ఈ రెసిపీ ప్రకారం, దీపావళి పార్టీలలో చాట్ స్టార్టర్స్ లేకపోతే అసలు మజాయే రాదు. సాధారణ ధోక్లాకు బదులుగా ఈసారి దానికి ఒక సరికొత్త చాట్ మేకోవర్ ఇస్తే బాగుంటుందనే ఆలోచనతో దీన్ని తయారు చేశారు. తీపి, కారం, పులుపు అన్నీ కలగలిసిన అద్భుతమైన స్ట్రీట్ ఫైట్ రుచిని ఇది ఇస్తుంది. దీన్ని ఇంట్లోనే చాలా సులభంగా తయారు చేసుకోవచ్చు, పైగా ఇది ఎప్పటికీ ఫెయిల్ కాని ఒక పర్ఫెక్ట్ పార్టీ స్టార్టర్ అని చెప్పడంలో ఎలాంటి సందేహం లేదు.
ఈ నోరూరించే ధోక్లా చాట్ తయారీ కోసం మొదట 1 కప్పు శనగపిండి (బెసన్), ముప్పావు కప్పు నీళ్లు, పావు టీస్పూన్ పసుపు పొడి, రుచికి సరిపడా ఉప్పు, 1 టేబుల్ స్పూన్ నూనె మరియు 1 టేబుల్ స్పూన్ నిమ్మరసం తీసుకోవాలి. శనగపిండిలో ఉప్పు, పసుపు వేసి, ఉండలు లేకుండా కొద్దికొద్దిగా నీళ్లు పోస్తూ కలపాలి. ఆ తర్వాత చివరగా 1 టీస్పూన్ ఈనో (Eno) ఫ్రూట్ సాల్ట్ కలిపి తేలికగా, మెత్తగా అయ్యేలా గిలకొట్టాలి. నూనె రాసిన మోల్డ్స్‌లో ఈ పిండిని ముప్పావు వంతు వరకు పోసి, స్ట్రీమర్‌లో ఉంచి సరిగ్గా 12 నుంచి 15 నిమిషాల పాటు ఆవిరిపై ఉడికించాలి.
ఇలా ఉడికించిన సాఫ్ట్ ధోక్లాను చిన్న ముక్కలుగా కట్ చేసుకోవాలి. ఆ తర్వాత తాలింపు కోసం చిన్న పాన్‌లో 1 టేబుల్ స్పూన్ నూనె వేసి, అర టీస్పూన్ ఆవాలు చిటపటలాడించాలి. అందులో 7 నుంచి 8 కరివేపాకులు, 1 లేదా 2 చీల్చిన పచ్చిమిర్చి వేసి వేయించి, ఆ తాలింపును ఆవిరిపై ఉడికిన ధోక్లా ముక్కలపై పోయాలి. దీనివల్ల ధోక్లా ముక్కలు ఆ సువాసనను, రుచిని చక్కగా పీల్చుకుంటాయి.
ఇది కూడా చదవండి: జ్వరం లెక్కలు, మారుతున్నాయా? సగటు శరీర ఉష్ణోగ్రతపై తాజా స్టడీ!
అలంకరణ మరియు అసలైన చాట్ ఫీల్ కోసం, సర్వింగ్ బౌల్‌లో అడుగుభాగంలో అర కప్పు చిక్కటి గిలకొట్టిన పెరుగును పరచాలి. దానిపై 2 నుంచి 3 టేబుల్ స్పూన్ల పచ్చని పుదీనా చట్నీ, అలాగే మరో 2 నుంచి 3 టేబుల్ స్పూన్ల చింతపండు చట్నీని వేయాలి. ఆ తర్వాత తయారు చేసి పెట్టుకున్న ధోక్లా ముక్కలను ఈ చట్నీలు, పెరుగుపై అమర్చాలి. దానిపై అర టీస్పూన్ చాట్ మసాలా, అర టీస్పూన్ వేయించిన జీలకర్ర పొడిని చల్లుకోవాలి.
చివరిగా గుప్పెడు కరకరలాడే సేవ్, దానిమ్మ గింజలు, కొద్దిగా బూందీ మరియు సన్నగా తరిగిన తాజా కొత్తిమీర ఆకులతో దీన్ని అద్భుతంగా గార్నిష్ చేయాలి. అతిథులు అందరికీ వడ్డించడానికి కేవలం నిమిషాల ముందే ఈ బౌల్స్‌ను సిద్ధం చేసుకోవడం చాలా ముఖ్యం. దీనివల్ల ధోక్లా ఎంతో సాఫ్ట్‌గా, పైన చల్లుకున్న సేవ్ దాని కరకరలాడే క్రంచ్‌ను కోల్పోకుండా పర్ఫెక్ట్ టేస్ట్‌ను అందిస్తుంది. మరి ఇంకెందుకు ఆలస్యం, ఈ దీపావళికి మీ ఇంటికి వచ్చే అతిథుల కోసం ఈ వైరల్ ధోక్లా చాట్‌ను ట్రై చేసి ప్రశంసలు అందుకోండి.
మీకు నచ్చవచ్చు:రోజూ మినప్పప్పు తింటే, మీ శరీరానికి అందే అమేజింగ్, ఆరోగ్య ప్రయోజనాలు!
వెన్నెముక దృఢంగా ఉండాలా? అయితే ఈ 5 సులువైన అలవాట్లు పాటించండి!
Dhokla Chaat Recipe, Diwali Party Snacks, Fusion Street Food, Festival Appetizers, Quick Party Snacks, Indian Snack Recipes, Food Articles In Telugu.
దీపావళి పండుగ అంటేనే కాంతులు, మిఠాయిలు మరియు అద్భుతమైన టపాసుల శబ్దాలు. కానీ ప్రతి ఏటా దీపావళి సమయంలో ఎమర్జెన్సీ వార్డుల్లో కాలిపోయిన గాయాలతో వచ్చే వారి సంఖ్య భారీగా పెరుగుతుంటుంది. అకస్మాత్తుగా టపాసులు పేలడం, దివ్య కింద పడడం లేదా స్పార్క్లర్ తాకడం వల్ల క్షణాల్లో ప్రమాదం జరగవచ్చు. ఈ ఆందోళనకరమైన క్షణంలో చాలా మంది వెన్న, టూత్‌పేస్ట్ లేదా ఐస్ క్యూబ్స్ వంటి తప్పుడూ ఇంటి చిట్కాలను ఆశ్రయిస్తుంటారు. కానీ ఇలాంటి వాటి వల్ల గాయం మరింత తీవ్రమయ్యే ప్రమాదం ఉందని వైద్యులు హెచ్చరిస్తున్నారు. కాబట్టి, ప్రమాదం జరిగిన వెంటనే ఆ మొదటి ఐదు నిమిషాల్లో మనం తీసుకోవాల్సిన అత్యవసర చర్యలు ఏమిటో తెలుసుకోవడం చాలా ముఖ్యం.
ప్రొఫెసర్ డాక్టర్ ఎస్.ఎం. ఫయాజ్ (KIMS హాస్పిటల్స్, మహాదేవపుర ఇంటర్నల్ మెడిసిన్ లీడ్ అండ్ సీనియర్ కన్సల్టెంట్) ప్రకారం, ముందుగా ప్రమాదానికి గురిచేసిన ప్రదేశం లేదా వస్తువు నుండి దూరంగా జరగాలి. ఆ తర్వాత కాలిపోయిన భాగాన్ని సుమారు 20 నిమిషాల పాటు చల్లటి పారుతున్న నీటి కింద ఉంచాలి. వెంటనే వేలికి ఉన్న ఉంగరాలు, గాజులు, గడియారాలు లేదా బిగుతుగా ఉన్న వస్తువులను తొలగించాలి. గాయంపై ఎలాంటి ఐస్, వెన్న, టూత్‌పేస్ట్ లేదా ఇతర సాంప్రదాయ ఇంటి చిట్కాలను పూయకూడదని, శుభ్రమైన, నూలు పీచులు లేని డ్రెస్సింగ్‌తో మాత్రమే దానిని వదులుగా కప్పాలని ఆయన సూచిస్తున్నారు.
ఈ కాలిన గాయాల చికిత్సలో చల్లటి నీటితో కడగడం ఎందుకు అంత ముఖ్యమంటే, మనం ప్రమాద ప్రాంతం నుండి దూరంగా జరిగినప్పటికీ వేడి చర్మం లోపలి పొరల్లో అలాగే ఉండిపోయి నిమిషాల పాటు కణజాలాన్ని దెబ్బతీస్తూనే ఉంటుంది. చల్లటి నీరు ఆ వేడిని బయటకు లాగి లోతుగా గాయం కాకుండా నియంత్రిస్తుంది. ఇది నొప్పిని, వాపును తగ్గిస్తుంది. అయితే మరీ చల్లటి ఐస్ వాటర్ వాడితే రక్తనాళాలు కుంచించుకుపోయి చర్మానికి మరింత నష్టం జరగవచ్చు. ఆస్ట్రేలియన్ ఎమర్జెన్సీ కేర్ జర్నల్‌లో ప్రచురితమైన 2022 నాటి పరిశోధన ప్రకారం, మూడు గంటల్లోపు 20 నిమిషాల పాటు చల్లటి నీటిని ప్రవహింపజేయడం వల్ల స్కిన్ గ్రాఫ్ట్‌లు లేదా శస్త్రచికిత్స అవసరమయ్యే ప్రమాదం గణనీయంగా తగ్గుతుందని తేలింది.
అదేవిధంగా నెయ్యి, నూనె, టూత్‌పేస్ట్ లేదా పసుపు, పిండి వంటి పదార్థాలను పూయడం వల్ల వేడి అక్కడే బందీ అయిపోయి ఇన్ఫెక్షన్ ముప్పు పెరుగుతుంది. బ్లిస్టర్స్ (పొక్కులు) ఏర్పడితే వాటిని బలవంతంగా పగలగొట్టకూడదు. ఎందుకంటే పొక్కు అనేది కొత్త చర్మాన్ని రక్షించే సహజమైన రక్షణ కవచం లాంటిది. ఇండియన్ జర్నల్ ఆఫ్ బర్న్స్ ప్రకారం, 2016 నుండి 2020 మధ్య దీపావళి సమయంలో గూహాటి ఆసుపత్రిలో చేరిన 195 మంది కాలిన గాయాల బాధితులలో 54.3 శాతం మంది టపాసుల వల్ల గాయపడినవారే కాగా, అందులో 46.2 శాతం మంది 19 సంవత్సరాల లోపు వారే ఉండటం గమనార్హం. ఇందులో అత్యధికంగా 54 శాతం మందికి కుడిచేయి కాలిపోయినట్లు వెల్లడైంది.
ఇది కూడా చదవండి:సహజంగా, అందమైన కళ్ల కోసం, ఈ 800 ఏళ్ల నాటి ఆయుర్వేద మార్గం ట్రై చేయండి!
గాయం అరచేతి కంటే పెద్దదిగా ఉన్నా, ముఖం, మెడ, చేతులు, కాళ్లు, జననేంద్రియాలపై లేదా కీళ్లపై తీవ్రంగా కాలిపోయినా, చర్మం తెలుపు లేదా నల్లగా కాలిపోయినా, పిల్లలు, వృద్ధులు, గర్భిణీలు లేదా మధుమేహం ఉన్నవారికి గాయాలైనా వెంటనే 112 లేదా 108 కి కాల్ చేయాలి లేదా సమీప ఆసుపత్రికి వెళ్లాలి.
ముఖ్యంగా కంటికి టపాసుల నిప్పు రవ్వలు తగిలితే ఎట్టి పరిస్థితుల్లోనూ కళ్లను రుద్దకూడదు. శుభ్రమైన నీటితో సున్నితంగా కడిగి వెంటనే వైద్యుడిని సంప్రదించాలి. పండుగ ఆనందాన్ని ఇస్తూనే, పిల్లలను సురక్షిత దూరంలో ఉంచుతూ తగిన జాగ్రత్తలు పాటించడం ద్వారా అవాంఛనీయ ప్రమాదాల బారిన పడకుండా ఉండవచ్చు.
మీకు నచ్చవచ్చు: నిపుణులు, హెచ్చరిస్తున్న డయాబెటిస్ తెచ్చే ,4 హానికరమైన ఆహారాలు!
AI వల్ల మరో ప్రాణం గాల్లోకి.. వైద్యుల హెచ్చరికలను కాదని చాట్‌జీపీటీని నమ్మి మహిళ మృతి!
Diwali Burn First Aid, Firecracker Hand Burns, Fireworks Injury Treatment, First 5 Minutes Burn Care, Festival Safety Guide, Doctor Health Advice, Health Tips In Telugu.
పండగలు, పార్టీలు లేదా ప్రత్యేక సందర్భాలలో విపరీతంగా తినడం, ఆల్కహాల్ సేవించడం చాలా సాధారణం. అయితే ఇలాంటి అతిగా తినే అలవాట్లు మరియు అత్యధికంగా ఆల్కహాల్ తీసుకోవడం కేవలం సాధారణ అజీర్ణం లేదా కడుపు ఉబ్బరానికే పరిమితం కాకుండా, కొన్నిసార్లు అత్యంత ప్రమాదకరమైన అక్యూట్ ప్యాంక్రియాటైటిస్ (Acute Pancreatitis) అనే తీవ్రమైన ఆరోగ్య సమస్యకు దారితీస్తుందని నిపుణులు హెచ్చరిస్తున్నారు. ప్యాంక్రియాస్ లేదా క్లోమం మన శరీరంలో జీర్ణక్రియకు మరియు ఇన్సులిన్ ఉత్పత్తికి అత్యంత కీలకమైన అవయవం. దీనిలో వాపు లేదా మంట ఏర్పడితే అది ప్రాణాల మీదికి వచ్చే ప్రమాదం ఉంది.
అధిక మోతాదులో ఆల్కహాల్ సేవించడం అక్యూట్ ప్యాంక్రియాటైటిస్‌కు ప్రధాన కారణాలలో ఒకటిగా గుర్తింపు పొందింది. సుదీర్ఘకాలం పాటు లేదా ఒకే రాత్రిలో విపరీతంగా ఆల్కహాల్ తీసుకోవడం వల్ల క్లోమ కణాలు దెబ్బతింటాయి. ఇది ప్యాంక్రియాస్‌లో తీవ్రమైన మంటను రాజేస్తుంది. ముఖ్యంగా గతంలో ప్యాంక్రియాస్ సమస్యలతో బాధపడిన వారికి లేదా ఆల్కహాల్ అలవాటు ఉన్నవారికి ఈ ముప్పు మరింత ఎక్కువగా ఉంటుందని వైద్య నిపుణులు స్పష్టం చేస్తున్నారు.
ఇక ఆహార విషయానికి వస్తే, పార్టీ మెనూల్లో ఎక్కువగా కనిపించే సమోసాలు, కచోరీలు, పకోడీలు, మరియు నూనెలో వేయించిన రిచ్ గ్రేవీ వంటకాలు శరీరంలో కొవ్వు శాతాన్ని ఒక్కసారిగా పెంచుతాయి. కేవలం నూనె పదార్థాలు తిన్నంత మాత్రాన అందరికీ ప్యాంక్రియాటైటిస్ రాకపోయినా, ఈ తరహా హెవీ ఫుడ్స్‌ను అతిగా తీసుకోవడం వల్ల జీర్ణవ్యవస్థపై తీవ్రమైన భారం పడుతుంది. ఇది గాల్‌స్టోన్స్ (పిత్తాశయ రాళ్లు) సమస్య ఉన్నవారిలో తీవ్రమైన లక్షణాలను ప్రేరేపించి ప్యాంక్రియాస్‌కు ముప్పు తెస్తుంది.
గాల్‌స్టోన్స్ లేదా పిత్తాశయ రాళ్లు ఉన్నవారిలో అవి ప్యాంక్రియాటిక్ నాళాన్ని అడ్డుకునే అవకాశం ఉంది. దీనివల్ల జీర్ణ ఎంజైములు సరిగ్గా ప్రవహించక, క్లోమంలోనే ఆగిపోయి తీవ్రమైన వాపును కలిగిస్తాయి. ఇలాంటి సమస్య ఉన్నవారు వేయించిన ఆహారాలు తిన్న వెంటనే తీవ్రమైన కడుపు నొప్పి బారిన పడే అవకాశం ఉంది. అలాగే శరీరంలో హై ట్రిగ్లిజరైడ్స్ స్థాయిలు ఎక్కువగా ఉండటం, కొన్ని రకాల మందులు వాడటం మరియు గతంలో ప్యాంక్రియాటైటిస్ బారిన పడిన చరిత్ర ఉండటం వంటి కారణాలు కూడా ఈ ముప్పును మరింత పెంచుతాయి.
ఇది కూడా చదవండి:ఆరోగ్యకరమైన గుండె కోసం, ఉత్తమమైన వంట నూనెలు ఇవే!
చాలా మంది అక్యూట్ ప్యాంక్రియాటైటిస్ లక్షణాలను సాధారణ ఎసిడిటీ లేదా అజీర్ణం అనుకుని పొరపడుతుంటారు. కానీ దీని లక్షణాలు చాలా భిన్నంగా ఉంటాయి. పొట్ట పైభాగంలో తీవ్రమైన నొప్పి మొదలై అది వీపు వైపునకు పాకడం, నిరంతరం వికారం, వాంతులు, కడుపులో వాపు లేదా సున్నితత్వం, తిన్న తర్వాత నొప్పి మరింత ఎక్కువగా అనిపించడం దీని ప్రధాన లక్షణాలు. కొన్ని సందర్భాలలో జ్వరం మరియు గుండె వేగం పెరుగుదల కూడా కనిపించవచ్చు. ఈ లక్షణాలు కనిపిస్తే వెంటనే వైద్య సహాయం తీసుకోవాలి.
ఈ ప్రమాదకరమైన పరిస్థితుల నుండి రక్షణ పొందడానికి జీవనశైలిలో తగిన మార్పులు చేసుకోవడం చాలా ముఖ్యం. ముఖ్యంగా ఆల్కహాల్ వినియోగాన్ని పూర్తిగా పరిమితం చేయడం లేదా మానుకోవడం మంచిది. పండగలు లేదా పార్టీలలో అతిగా తినకుండా మితంగా తీసుకోవడం, వేయించిన స్నాక్స్‌కు బదులుగా గ్రిల్ చేసిన, ఉడికించిన లేదా తేలికపాటి ఆహారాన్ని ఎంచుకోవడం చాలా ముఖ్యం. ఆహారాన్ని నెమ్మదిగా నమిలి తినడం మరియు తగినంత నీరు తాగుతూ శరీరాన్ని హైడ్రేటెడ్‌గా ఉంచుకోవడం ద్వారా ప్యాంక్రియాస్ ఆరోగ్యాన్ని కాపాడుకోవచ్చు.
మీకు నచ్చవచ్చు:జీర్ణక్రియను మెరుగుపరిచి, బరువు తగ్గించే అమృతఫలం.. బేరి పండు ఆరోగ్య ప్రయోజనాలు!
ఫుడ్ పాయిజనింగ్, రావడానికి అసలు కారణం ఇదే.. అన్నం నిల్వ చేసేటప్పుడు ఈ తప్పులు అస్సలు చేయకండి!
Alcohol And Pancreatitis, Heavy Food Effects On Pancreas, Pancreatic Inflammation Causes, Acute Pancreatitis Symptoms, Digestive Health Advice, Doctor Health Tips, Health Articles In Telugu.
.webp)
ఆరోగ్యానికి శ్రీరామ రక్ష.. గుండె జబ్బులను ఆమడ దూరం ఉంటే సూత్రాలివి..!
నేటి ఆధునిక కాలంలో ఆరోగ్యం పట్ల శ్రద్ధ పెరిగిపోయి రకరకాల వ్యాయామాలు, డైట్లు చేయడం సర్వసాధారణమైంది. అయితే సరైన అవగాహన లేకుండా చేసే కొన్ని పద్ధతులు ఆరోగ్యాన్ని మెరుగుపరచడానికి బదులు హాని కలిగించే అవకాశం ఉందని నిపుణులు హెచ్చరిస్తున్నారు. చాలామంది ప్రాణాలను బలిగొంటున్న సమస్య గుండె జబ్బులు.. అయితే దీనికి చాలా కారణాలు ఉన్నాయి. కానీ రోజువారీ జీవితంలో చేసే చిన్న తప్పులే గుండె సమస్యలకు కూడా కారణం అవుతాయి. అవేంటో, వైద్యులు వాటి గురించి ఏం చెప్తున్నారో తెలుసుకుంటే..
నీరు..
రోజూ ఎంత నీరు తాగాలి అనే విషయంలో చాలా మందిలో రకరకాల అపోహలు ఉన్నాయి. రోజుకు ఐదు లీటర్లు లేదా అంతకంటే ఎక్కువ నీరు తాగాలని కొందరు ప్రచారం చేస్తుంటారు. కానీ వైద్యపరంగా ఇది సరైన పద్ధతి కాదని వైద్యులు స్పష్టం చేస్తున్నారు. అవసరానికి మించి విపరీతంగా నీరు తాగడం వల్ల శరీరంలో సోడియం , పొటాషియం స్థాయిల సమతుల్యత దెబ్బతింటుంది. దీనివల్ల హైపోనేట్రిమియా వంటి అనారోగ్య సమస్యలు వచ్చే ముప్పు ఉంది.
కేవలం ఒకటి రెండు లీటర్లకే నీటిని తాగడం పరిమితం కాకుండా, ఎవరి శారీరక శ్రమ , వాతావరణ పరిస్థితులను బట్టి నీటి మోతాదు ఆధారపడి ఉంటుంది. ముఖ్యంగా మనం తాగే కేవలం మంచినీళ్లే కాకుండా, మజ్జిగ, కొబ్బరి నీళ్లు, సూప్స్, టీ, కాఫీ , ఇతర పానీయాలన్నీ కూడా శరీరానికి అందే ద్రవాల జాబితాలోనే లెక్కలోకి వస్తాయి. శరీరం హైడ్రేటెడ్ గా ఉందా లేదా అని తెలుసుకోవడానికి మన మూత్రం రంగు చక్కటి సూచికగా పనిచేస్తుంది. మూత్రం మరీ తెలుపుగా లేదా ముదురు పసుపు రంగులో కాకుండా, లేత పసుపు రంగులో ఉంటే శరీరం సరైన హైడ్రేషన్ స్థితిలో ఉన్నట్లు భావించవచ్చు. కిడ్నీ లేదా గుండె సంబంధిత సమస్యలు ఉన్నవారు మాత్రం వైద్యుల సలహా మేరకే నీటి పరిమాణాన్ని పాటించాలి.
ఆహారం..
ఇక ఆహారపు అలవాట్ల విషయానికి వస్తే, మనం రోజూ తీసుకునే బ్రేక్ ఫాస్ట్ , ఇతర ఆహార పదార్థాలపై ప్రత్యేక శ్రద్ధ పెట్టాలి. ఉదయం పూట తినే చాకోస్ లేదా రెడీమేడ్ సీరిల్స్ పాలలో కలుపుకుని తింటే ఎంతో ఆరోగ్యం అనుకుంటాం. కానీ వాటిలో కార్బోహైడ్రేట్లు, చక్కెర శాతం ఎక్కువగా ఉండి, శరీరానికి అవసరమైన ప్రొటీన్ మాత్రం చాలా తక్కువగా ఉంటుంది. వీటిని తిన్న కొద్దిసేపటికే మళ్లీ ఆకలి వేస్తుండటం వల్ల అనారోగ్యకరమైన ఆహారం వైపు మనసు మళ్లుతుంది. దానికి బదులుగా ఉడికించిన గుడ్లు, మల్టిగ్రెయిన్ ఆహారాలు, ఇడ్లీ వంటి ప్రొటీన్తో కూడిన అల్పాహారం ఎంచుకోవడం ఎంతో శ్రేయస్కరం.
ఇది కూడా చదవండి మనసుపై ఒత్తిడి.. గుండెకు ప్రమాదం! అసలు నిజం ఇదే!
అలాగే మనం ఇష్టపడి తినే బిర్యానీ, ఫ్రైస్ , బయట దొరికే టిఫిన్లు ప్రతిరోజూ తినడం వల్ల శరీరంలో కొవ్వు పదార్థాలు పెరిగిపోతాయి. ఏ ఆహారాన్ని అయినా ఇంట్లో తక్కువ నూనెతో, సహజమైన పద్ధతిలో వండుకుంటే అది ఆరోగ్యకరమైనదే అవుతుంది. హోటళ్లలో లేదా బయట లభించే తినుబండారాలు త్వరగా తయారవ్వడం కోసం ఎక్కువగా నూనెను వాడతారు. వీటిని అప్పుడప్పుడు రుచి కోసం తీసుకోవడంలో తప్పు లేదు కానీ, రోజూ అలవాటుగా మార్చుకోవడం మంచిది కాదు.
అన్నం తినే విషయంలో కూడా వండే పద్ధతిని మార్చుకోవడం ద్వారా గ్లైసమిక్ ఇండెక్స్ ను తగ్గించవచ్చు. అన్నం వండేటప్పుడు గంజి వార్చడం మన పూర్వీకుల కాలం నుంచి ఉన్న పద్ధతి. దీని వల్ల అన్నంలో గ్లైసమిక్ ఇండెక్స్ తగ్గుతుందట. ఇది షుగర్ లెవెల్స్ అకస్మాత్తుగా పెరగకుండా సహాయపడుతుందట.
వ్యాయామం..
ఫిట్నెస్ , మారథాన్ల పేరుతో విపరీతంగా శ్రమించడం, అలాగే రోజూ గంటల తరబడి ఒకే పొజిషన్ లో కదలకుండా కూర్చోవడం వల్ల శరీరంలో రక్త ప్రసరణ మందగించి రక్తం గడ్డకట్టే ప్రమాదం ఉంటుందని వైద్యులు తెలిపారు. కాబట్టి ఆఫీసుల్లో పని చేసేవారు లేదా సుదూర ప్రయాణాలు చేసేవారు ప్రతి గంటకు ఒకసారి లేచి కాస్త నడవడం మంచిది. ఆరోగ్యం విషయంలో ఎవరి సలహాలనో గుడ్డిగా అనుసరించకుండా, మన శరీరం ఇచ్చే సంకేతాలను అర్థం చేసుకుంటూ సరైన జీవనశైలిని అలవర్చుకోవడం ద్వారా సంపూర్ణ ఆరోగ్యాన్ని సొంతం చేసుకోవచ్చు.
మీకు నచ్చవచ్చు ఆహారం తినేటప్పుడు.. మీకు ఈ జబ్బు ఉందేమో చెక్ చేస్కోండి..!
*రూపశ్రీ.
శరీరంలో కఫం పేరుకుపోవడం వల్ల చాలామంది నిత్య జీవితంలో ఎన్నో రకాల శ్వాసకోశ ఇబ్బందులను ఎదుర్కొంటూ ఉంటారు. మారుతున్న కాలం, వాతావరణంలో వచ్చే మార్పులు, వివిధ రకాల అలర్జీల కారణంగా ముక్కు దిబ్బడ, గొంతులో గరగర, ఛాతీలో కఫం గడ్డకట్టుకోవడం వంటి సమస్యలు తీవ్రంగా బాధిస్తుంటాయి. ఈ సమస్యల నుంచి ఉపశమనం పొందడానికి మార్కెట్లో లభించే రకరకాల మందులు, యాంటీబయోటిక్స్ వాడుతుంటారు. వీటి వల్ల తాత్కాలికంగా ఫలితం కనిపిస్తుంది కానీ దీర్ఘకాలంలో ఆరోగ్యానికి హాని కలుగుతుంది. ఎలాంటి సైడ్ ఎఫెక్ట్స్ లేకుండా, మన ఇంట్లోనే దొరికే సహజ సిద్ధమైన పదార్థాలతో తయారు చేసుకునే పానీయం తాగడం వల్ల ఈ సమస్యను శాశ్వతంగా తగ్గించుకోవచ్చు. ఇంతకూ ఈ పానీయం ఏమిటి? దాన్ని తయారు చేయడానికి కావలసిన పదార్థాలు ఏమిటి? ఇప్పుడు వివరంగా తెలుసుకుందాం.
కఫం..
మన శరీరంలో కఫం అనేది ఊపిరితిత్తులు, గొంతు, సైనస్ లేదా ముక్కు భాగాల్లో ఎక్కువగా తయారవుతూ ఉంటుంది. ఇది ఎక్కడ పేరుకుపోయినా శ్వాస తీసుకోవడంలో ఇబ్బంది కలగడమే కాకుండా శరీరం ఎంతో అలసటకు గురవుతుంది. దీనిని నివారించడానికి వంటింట్లో లభించే నాలుగు ముఖ్యమైన పదార్థాలతో ఒక అద్భుతమైన పానీయం తయారు చేసుకోవచ్చు.
కావలసిన పదార్థాలు..
తేనె..
తేనెలో అద్భుతమైన యాంటీ ఇన్ఫ్లమేటరీ , యాంటీ బ్యాక్టీరియల్ గుణాలు పుష్కలంగా ఉంటాయి. ఇది గొంతులో ఇన్ఫెక్షన్లను తగ్గించడంలో చాలా సమర్థవంతంగా పనిచేస్తుంది. గొంతును ప్రశాంతంగా ఉంచుతూ, పేరుకుపోయిన గట్టి కఫాన్ని పల్చగా మార్చడానికి తేనె ఎంతగానో సహాయపడుతుంది.
అల్లం..
అల్లంలో జింజిరాల్స్ అనే శక్తివంతమైన సమ్మేళనాలు ఉంటాయి. ఇది ఒక సహజమైన డికంజస్టెంట్ లా పనిచేస్తుంది. గొంతులో , చాతిలో పేరుకుపోయిన మందపాటి కఫాన్ని కరిగించి, అది సులభంగా శరీరం నుంచి బయటకు వచ్చేలా చేయడంలో అల్లం కీలక పాత్ర పోషిస్తుంది. అలాగే ఇది వాపులను తగ్గించి రోగ నిరోధక శక్తిని పెంపొందిస్తుంది.
మిరియాలు..
మిరియాలు ముక్కు మార్గాల్లో రక్త ప్రసరణను మెరుగుపరుస్తాయి. అక్కడ చిక్కుకున్న కఫాన్ని కరిగించి బయటకు పంపడంలో ఇవి ఎంతగానో ఉపయోగపడతాయి. అంతేకాకుండా, అల్లం , తేనెలోని పోషకాలు శరీరం త్వరగా గ్రహించేలా మిరియాలు సహాయపడతాయి.
నిమ్మరసం..
నిమ్మరసంలో విటమిన్ సి పుష్కలంగా ఉండటం వల్ల ఇది శరీరానికి మంచి రోగ నిరోధక శక్తిని ఇస్తుంది. కఫానికి కారణమయ్యే అలర్జీలను అరికట్టి, గొంతు ఎల్లప్పుడూ శుభ్రంగా ఉండేలా రక్షణ కల్పిస్తుంది.
పై నాలుగు పదార్థాలను ఉపయోగించి ఈ కింది రెండు పద్ధతుల్లో దేనినైనా ఫాలో అవుతూ మంచి ఫలితం పొందవచ్చు..
మొదటి పద్దతి..
ఒక టీస్పూన్ తేనె తీసుకుని, అందులో తాజా అల్లం రసం లేదా అల్లం పొడి కలపాలి. ఆ తర్వాత చిటికెడు మిరియాల పొడి, కొద్దిగా నిమ్మరసం వేసి బాగా కలిపి నేరుగా తీసుకోవాలి. ఇది గొంతులో కఫం ఎక్కువగా ఉన్నప్పుడు వెంటనే ఉపశమనం ఇస్తుంది.
రెండవ పద్ధతి..
ఒక కప్పు నీటిని కొద్దిగా వేడి చేసి, అందులో అల్లం పొడి లేదా తురిమిన అల్లం, చిటికెడు మిరియాల పొడి, కొంచెం నిమ్మరసం వేయాలి. చివరగా ఒక టీస్పూన్ తేనె జోడించి బాగా కలపాలి.
గుర్తుంచుకోవాల్సిన విషయం ఏమిటంటే తేనె కలిపిన తర్వాత నీటిని మరిగించకూడదు. ఈ డ్రింక్ ను గోరువెచ్చగా ఉన్నప్పుడు నెమ్మదిగా తాగితే గొంతుకు ఎంతో ప్రశాంతత లభిస్తుంది.
పైన చెప్పుకున్న రెమిడీని రోజుకు రెండు సార్లు తీసుకోవడం వల్ల మంచి ఫలితాలు కనిపిస్తాయి. ఉదయం నిద్ర లేచిన వెంటనే తీసుకుంటే రాత్రంతా పేరుకుపోయిన కఫం కరిగిపోయి శ్వాస తీసుకోవడం సులభం అవుతుంది. అలాగే రాత్రి పడుకునే ముందు తీసుకుంటే నిద్రలో కఫం అడ్డుపడకుండా ప్రశాంతంగా నిద్రపోవచ్చు. కొద్ది రోజుల పాటు క్రమం తప్పకుండా ఈ పద్ధతిని పాటిస్తే ముక్కు దిబ్బడ, గొంతు సమస్యలు పూర్తిగా తగ్గిపోయి ఆరోగ్యం మెరుగుపడుతుంది.
*రూపశ్రీ.
మలబద్ధకం సమస్యతో చిన్న పిల్లల నుంచి పెద్దవాళ్ల వరకు చాలామంది ఇబ్బందులు ఎదుర్కొంటుంటారు. సరిగ్గా మలవిసర్జన కాకపోవడం, మలం గట్టిగా రావడం, కడుపు ఉబ్బరం వంటి సమస్యలు రోజువారీ జీవితాన్ని ఇబ్బందులకు గురిచేస్తాయి. ఇలాంటి సమస్యలకు సరైన ఆహారపు అలవాట్లు, జీవనశైలిలో మార్పులు ఎంతో ఉపయోగపడతాయి.
ఈ వీడియోలో డాక్టర్ చిట్టిబొట్ల మధుసూదన శర్మ మలబద్ధకం సమస్యకు సంబంధించిన ముఖ్యమైన విషయాలను వివరించారు. వాము, బెల్లం, కరక్కాయ పెచ్చుల వంటి సహజ పదార్థాల ఉపయోగాలు, జీర్ణవ్యవస్థ ఆరోగ్యాన్ని మెరుగుపరచడంలో వాటి పాత్ర గురించి తెలియజేశారు.
మలబద్ధకం సమస్యకు కారణాలు ఏమిటి? పిల్లల నుంచి పెద్దవాళ్ల వరకు ఈ సమస్యను ఎలా ఎదుర్కోవాలి? మలవిసర్జన సాఫీగా జరిగేందుకు ఎలాంటి ఆహారపు అలవాట్లు పాటించాలి? వాము, బెల్లం, కరక్కాయలను ఎలా ఉపయోగించాలి? మలబద్ధకం సమస్యను తగ్గించుకోవడానికి ఎలాంటి జాగ్రత్తలు తీసుకోవాలి? అనే విషయాలను ఈ వీడియోలో తెలుసుకోవచ్చు.
సహజమైన పద్ధతులతో జీర్ణవ్యవస్థ ఆరోగ్యాన్ని కాపాడుకోవాలనుకునే వారికి ఈ వీడియో ఉపయోగకరంగా ఉంటుంది. మలబద్ధకం సమస్య తరచూ వేధిస్తున్నా, తీవ్రమైన కడుపునొప్పి లేదా మలంలో రక్తం కనిపించినా వైద్యులను సంప్రదించడం అవసరం.
మలబద్ధకం సమస్యకు ఆయుర్వేదంలో సూచించే సహజ పరిష్కారాలు, వాము, బెల్లం, కరక్కాయ పెచ్చుల ఉపయోగాల గురించి మరిన్ని వివరాలు తెలుసుకోవడానికి ఈ వీడియోను పూర్తిగా చూడండి.
మీ ఆరోగ్య సమస్య ఏదైనా... మా హెల్త్ యూట్యూబ్ ఛానల్‌లో సీనియర్ డాక్టర్స్ చెప్పిన సలహాలు... సూచనలు ఉన్నాయి. మా యూట్యూబ్ ఛానల్ కోసం ఇక్కడ క్లిక్ చేయండి 👉 TeluguOne Health (సబ్‌స్క్రైబ్ చేయడం మర్చిపోకండి!)