LATEST NEWS
డేటింగ్ యాప్ ద్వారా పరిచయం.. పబ్కు తీసుకెళ్లి రూ.29 వేల బిల్లు.!
హైదరాబాద్ జూబ్లీహిల్స్లో హనీ ట్రాప్ తరహా మోసం కలకలం రేపింది. డేటింగ్ యాప్ ద్వారా పరిచయమైన యువతి ఓ వ్యక్తిని పబ్కు తీసుకెళ్లి భారీగా బిల్లు వేసి మోసం చేసినట్లు ఆరోపణలు వచ్చాయి. ఈ ఘటనపై బాధితుడి ఫిర్యాదుతో జూబ్లీహిల్స్ పోలీసులు కేసు నమోదు చేసి దర్యాప్తు చేపట్టారు. పోలీసుల వివరాల ప్రకారం.. క్వాక్ క్వాక్ డేటింగ్ యాప్ ద్వారా హేమంత్కు దివ్య అనే యువతి పరిచయమైంది. అనంతరం ఇద్దరూ మాట్లాడుకోవడంతో దివ్య హేమంత్ను జూబ్లీహిల్స్లోని 36 కెమిస్ట్రీ పబ్కు తీసుకెళ్లినట్లు తెలుస్తోంది. పబ్లో కొంత సమయం గడిపిన అనంతరం హేమంత్కు రూ.29,000 భారీ బిల్లు వచ్చినట్లు ఫిర్యాదులో పేర్కొన్నారు.
అయితే బిల్లు చెల్లించే సమయంలో పబ్ యాజమాన్యంతో కలిసి ఫేక్ పేమెంట్ ట్రాన్సాక్షన్ చూపించి తనను మోసం చేసినట్లు హేమంత్ ఆరోపించారు. పబ్ సిబ్బంది, దివ్య కలిసి ముందస్తు పథకం ప్రకారం తనను మోసం చేసినట్లు బాధితుడు పోలీసులకు ఫిర్యాదు చేసినట్లు సమాచారం. ఈ ఘటనపై జూబ్లీహిల్స్ పోలీసులు కేసు నమోదు చేసి దర్యాప్తు చేస్తున్నారు. పబ్లో జరిగిన వ్యవహారానికి సంబంధించిన సీసీటీవీ ఫుటేజీ, బిల్లింగ్ వివరాలు, పేమెంట్ ట్రాన్సాక్షన్లను పోలీసులు పరిశీలిస్తున్నట్లు తెలుస్తోంది. డేటింగ్ యాప్ ద్వారా పరిచయమైన యువతి పాత్రతో పాటు పబ్ యాజమాన్యం లేదా సిబ్బంది ప్రమేయం ఉందా అనే కోణంలోనూ దర్యాప్తు కొనసాగుతోంది.
[ Honey Trap, Jubilee Hills, Dating App, Pub Bill, ₹29,000 Bill, Hyderabad Crime, Quack Quack Dating App, Hemant, Divya, CM Revanth reddy, CP Sajjanar, DGP C.V. Anand, Hyderabad police ]
హైదరాబాద్ నగరంలోని ఎస్ఆర్ నగర్ ప్రాంతంలో తీవ్ర కలకలం రేపిన ఒక విషాదకర ఘటనలో యువతి ప్రాణాలు కోల్పోయింది. ఎస్ఆర్ నగర్లోని ప్రసిద్ధ గోకుల్ ప్రైడ్ ఓయో హోటల్లో ఒక యువతి అనుమానాస్పద పరిస్థితుల్లో మృతి చెందడం స్థానికంగా నగరంలో సంచలనం సృష్టించింది. ప్రాథమిక సమాచారం ప్రకారం, సోమవారం రాత్రి లేదా మంగళవారం ఉదయం సమయంలో ఒక యువతి, యువకుడు కలిసి ఈ హోటల్లోని రూమ్ నెం. 103 లోకి అడుగుపెట్టారు. అయితే, ఆ గదిని బుక్ చేయడానికి ఉపయోగించిన రిజిస్టర్ ప్రకారం 'సి. గణేష్' అనే పేరును నమోదు చేసినట్లు పోలీసులు గుర్తించారు. ఆ తర్వాత కొద్ది గంటల్లోనే ఆ గదిలో ఏం జరిగిందో తెలియదు కానీ, ఉదయం వేళకు యువతి విగతజీవిగా పడి ఉండటం హోటల్ సిబ్బందిని తీవ్ర దిగ్భ్రాంతికి గురిచేసింది. హోటల్ సిబ్బంది ఇచ్చిన సమాచారం మేరకు హుటాహుటిన సంఘటన స్థలానికి చేరుకున్న ఎస్ఆర్ నగర్ పోలీసులు గదిని పరిశీలించి, వివరాలు సేకరించడం ప్రారంభించారు.
ఈ కేసులో అత్యంత విస్తుపోయే మరో కోణం ఏమిటంటే, మృతి చెందిన యువతికి సంబంధించిన గుర్తింపు వివరాలలో భారీ వ్యత్యాసాలు మరియు గందరగోళం నెలకొంది. ఆమె ఒంటిపై ఉన్న ఆధార్ రికార్డులను పరిశీలిస్తే అందులో ఆమె పేరు 'దుర్గ' అని ఉండగా, అదే సమయంలో ఆసుపత్రి లేదా ఇతర ప్రాథమిక నివేదికలలో ఆమె పేరు 'శిరీష' అని నమోదు కావడంతో పోలీసులకు అనేక అనుమానాలు కలుగుతున్నాయి. అసలు ఆ యువతి అసలు పేరు ఏమిటి? ఆమెది ఏ ప్రాంతం? హైదరాబాద్లో ఎక్కడ నివసిస్తోంది? అనే కోణంలో పోలీసులు కూపీ లాగుతున్నారు. హోటల్ గదిని బుక్ చేసే సమయంలో నకిలీ వివరాలు లేదా తప్పుదారి పట్టించే పేర్లను ఉపయోగించారా అనే కోణంలో కూడా ఆరా తీస్తున్నారు. ఘటన జరిగిన వెంటనే ఆ గదిలో ఉన్న యువకుడు కనిపించకుండా పోవడం, లేదా పరారవ్వడం ఈ మృతి వెనుక ఏదో పెద్ద కుట్ర లేదా నేరపూరిత కోణం ఉందనే అనుమానాలకు బలం చేకూరుస్తోంది.
ఘటన స్థలానికి చేరుకున్న క్లూస్ టీమ్ ప్రత్యేక పోలీస్ బృందాలు హోటల్ గదిలోని ప్రతి అంగుళాన్ని క్షుణ్ణంగా తనిఖీ చేశాయి. గదిలో లభించిన వేలిముద్రలు, ఇతర భౌతిక ఆధారాలను సేకరించి ఫోరెన్సిక్ ల్యాబ్కు పంపించారు. పోస్టుమార్టం నివేదిక వస్తేనే ఆ యువతి మృతికి గల అసలు కారణాలు ఏమిటనేది స్పష్టమైన క్లారిటీ వస్తుందని వైద్యులు పోలీసులు వెల్లడించారు. ఒక వైపు హోటల్ మేనేజ్మెంట్ బాధ్యతలపై, మరోవైపు రూమ్ బుకింగ్ నిబంధనల అమలు తీరుపై స్థానికంగా విమర్శలు వ్యక్తమవుతున్నాయి. ఎటువంటి సరైన గుర్తింపు పత్రాలు లేకుండా లేదా తప్పుడు పేర్లతో గదులు కేటాయించడం వల్ల ఇలాంటి నేరాలు పునరావృతమవుతున్నాయని ఆందోళన వ్యక్తమవుతోంది. ప్రస్తుతం ఎస్ఆర్ నగర్ పోలీసులు ఈ ఘటనపై ప్రత్యేక కేసు నమోదు చేసి, పరారీలో ఉన్న వ్యక్తి కోసం గాలింపు చర్యలను ముమ్మరం చేశారు. నగరంలో కలకలం రేపిన ఈ మిస్టరీ డెత్ కేసులో అసలు నిజాలు నిగ్గు తేల్చేందుకు పోలీసులు అన్ని కోణాల్లోనూ దర్యాప్తు వేగవంతం చేశారు.
[ SR Nagar Hotel death, Gokul Pride Oyo Hyderabad, Suspicious Death in Hotel, Hyderabad crime news, sr nagar police case, room booking mystery, CM Revanth reddy, CP Sajjanar, DGP C.V. Anand, Hyderabad police ]
అరుణాచల్ ప్రదేశ్లో తీవ్ర ఉద్రిక్తత చోటుచేసుకుంది. దేశ రక్షణ కోసం నిరంతరం శ్రమిస్తున్న భద్రతా దళాలపై ఉగ్రవాదులు పొంచివుండి మృత్యువులా దాడికి తెగబడ్డారు. దేశ సరిహద్దు ప్రాంతంలో భద్రతా విధుల్లో ఉన్న అసోం రైఫిల్స్ జవాన్లపై ఉగ్రవాదులు జరిపిన మెరుపు దాడిలో ఒక జవాన్ వీరమరణం పొందగా, మరో నలుగురు తీవ్రంగా గాయపడ్డారు. ఈ విషాదకర ఘటన దేశవ్యాప్తంగా కలకలం రేపింది.
ఈ సంచలన ఘటన అరుణాచల్ ప్రదేశ్లోని సున్నితమైన చంగ్లాంగ్ జిల్లా పరిధిలో భారత్-మయన్మార్ సరిహద్దు ప్రాంతంలో మంగళవారం చోటుచేసుకుంది. రోజూ మాదిరిగానే భద్రతా బలగాలు తమ విధులను నిర్వర్తిస్తున్న సమయంలో ఈ ఊహించని పరిణామం ఎదురైంది. ఉదయం సరిగ్గా 6:30 గంటల సమయానికి 21వ అసోం రైఫిల్స్ బెటాలియన్కు చెందిన బలగాల బృందం నాంపోంగ్ నల్లా ప్రాంతంలో సాధారణ పెట్రోలింగ్ నిర్వహిస్తోంది. భారత్-మయన్మార్ సరిహద్దు ప్రాంతం కావడంతో సరిహద్దు వెంబడి కంచె ఏర్పాటు పనులతో పాటు ఇక్కడ నిఘా అత్యంత కీలకంగా ఉంది. ఈ తరుణంలో ఆ ప్రాంతంలో తనిఖీలు చేపడుతున్న జవాన్ల బృందాన్ని లక్ష్యంగా చేసుకుని ముందస్తు పథకం ప్రకారం మాటువేసిన ఉగ్రవాదులు ఒక్కసారిగా విచక్షణా రహితంగా కాల్పులకు తెగబడ్డారు.
ఉగ్రవాదుల ఈ హఠాత్పరిణామపు దాడిలో 42 ఏళ్ల వయసున్న హవిల్దార్ జంఖోకాయ్ కుకి తీవ్రగాయాలపాలై ప్రాణాలు కోల్పోయారు. దేశ రక్షణ కోసం ప్రాణాలర్పించిన ఆయన వీరమరణం దళాల్లో విషాదాన్ని నింపింది. ఈ కాల్పుల్లో మరో నలుగురు జవాన్లు కూడా తీవ్రంగా గాయపడినట్లు అధికారిక వర్గాలు వెల్లడించారు. సమాచారం అందిన వెంటనే అప్రమత్తమైన ఇతర బలగాలు క్షతగాత్రులను వెంటనే మెరుగైన చికిత్స నిమిత్తం సమీపంలోని ఆసుపత్రికి తరలించి అత్యవసర వైద్యం అందిస్తున్నాయి. ప్రస్తుతం గాయపడిన వారిలో కొందరి పరిస్థితి నిలకడగా ఉన్నట్లు తెలుస్తోంది.
ఘటన జరిగిన వెంటనే ఉలిక్కిపడిన భద్రతా బలగాలు ఆ ప్రాంతాన్ని పూర్తిగా తమ ఆధీనంలోకి తీసుకున్నాయి. భారీ ఎత్తున సైనిక, పోలీసు బలగాలను మోహరించి సరిహద్దు వెంబడి భద్రతను అత్యంత కట్టుదిట్టం చేశారు. దట్టమైన అడవులు, కొండ ప్రాంతాలు కావడంతో ఉగ్రవాదులు తప్పించుకునేందుకు వీలుగా ఆచూకీ కోసం విస్తృతంగా గాలింపు చర్యలు చేపట్టారు. ప్రాథమిక అంచనాల ప్రకారం ఈ దుశ్చర్యకు ఎన్ఎస్సీఎన్ (కే-వైఏ) ఉగ్రవాద సంస్థ పాల్పడి ఉండవచ్చని పోలీసులు అనుమానిస్తున్నారు. అయితే దీనిపై ఇంకా అధికారిక ప్రకటన వెలువడాల్సి ఉంది. సరిహద్దుల్లో శాంతిభద్రతలకు భంగం కలిగించే ఈ ఘటనపై సమగ్ర దర్యాప్తు కొనసాగుతోందని స్థానిక పోలీసు అధికారులు స్పష్టం చేశారు.
[ Assam Rifles, militants open fire, Arunachal Pradesh, India Myanmar border, jawan killed, Changlang district, indian army, PM MODI, Amit shah, Telugu One, Telugu News ]
తెలంగాణ ముఖ్యమంత్రి రేవంత్ రెడ్డి దక్షిణాది ప్రజల సాంస్కృతిక, మత గుర్తింపునకు సంబంధించి చేసిన వ్యాఖ్యలు జాతీయ స్థాయిలో హాట్ టాపిక్ గా మారాయి. దేశ రాజధాని హస్తినలో మీడియా సమావేశంలో మాట్లాడిన ఆయన ఉత్తర, దక్షిణ భారతదేశ ప్రజల సాంస్కృతిక, మతపరమైన గుర్తింపుల గురించి చేసిన విశ్లేషణ రాజకీయదుమారాన్ని రేపింది. రాజకీయ ప్రయోజనాల కోసం సమాజంలో విభజన తెచ్చేలా సీఎం రేవంత్ మాట్లాడారంటూ బీజేపీ ఓ రేంజ్ లో విమర్శలు గుప్పిస్తోంది.
దేశంలోని వివిధ ప్రాంతాల ప్రజల ఆరాధనా విధానాలు, దేవుళ్ల ప్రాధాన్యతను వివరిస్తూ.. రేవంత్ రెడ్డి ఆ మీడియా సమావేశంలో దక్షిణాది వారు ద్రావిడులని, ఉత్తరాది వారులు ఆర్యులని అన్నారు. దక్షిణాది వారు శివభక్తులు, ఉత్తరాది వారు శ్రీరామ భక్తులుగా అభివర్ణించారు. అక్కడితో ఆగకుండా బీజేపీ నాయకులు ఎప్పుడూ జై శ్రీరామ్ నినాదాలకే పరిమితమవుతారని, హర హర మహాదేవ్'అని ఎందుకు అనరని నిలదీశారు. శివుడిని పేదల దేవుడిగా, రాముడిని ధనవంతుల దేవుడిగా అభివర్ణిస్తూ రేవంత్ రెడ్డి చేసిన వ్యాఖ్యలు ఇప్పుడు దేశ వ్యాప్తంగా పెద్ద ఎత్తున చర్చనీయాంశంగా మారాయి. పెను వివాదానికి హేతువయ్యాయి.
రేవంత్ రెడ్డి వ్యాఖ్యలపై నాయకులు తీవ్ర స్థాయిలో మండిపడుతున్నారు. ఓటు బ్యాంకు రాజకీయాల కోసమే హిందువులను ప్రాంతాల వారీగా, దేవుళ్ల పేరుతో విడగొట్టాలని కాంగ్రెస్ ప్రయత్నిస్తోందని విమర్శిస్తున్నారు. సోమనాథ్ ఆలయ నిర్మాణం మొదలుకొని అనేక ధార్మిక ప్రాజెక్టులను గతంలో కాంగ్రెస్ పార్టీ తీవ్రంగా వ్యతిరేకించిందని, ఇప్పుడు మళ్లీ అదే వైఖరిని ప్రదర్శిస్తోందని గుర్తు చేస్తున్నారు.
అంతేకాకుండా.. ప్రధానమంత్రి నరేంద్ర మోదీ జై శ్రీరామ్'తో పాటు 'హర హర మహాదేవ్ అని కూడా నినదించే అంటున్నారు. రామాయణం ప్రకారం లంకకు బయలుదేరే ముందు శ్రీరాముడు స్వయంగా మహాదేవుడిని పూజించాడని, ఈ చారిత్రక, పౌరాణిక విషయాలపై అవగాహన లేని రేవంత్ వంటి వారు ఇటువంటి కువిమర్శలు చేస్తున్నారని బీజేపీ నేతలు మండిపడుతున్నారు. హిందువుల మధ్య ప్రాంతీయ విద్వేషాలను రెచ్చగొట్టడమే రేవంత్ రెడ్డి, కాంగ్రెస్ పార్టీ లక్ష్యంగా కనిపిస్తోందని దుయ్యబట్టారు.
[Revanth Reddy Comments, Lord Rama, Lord Shiva controversy, BJP, Congress, North South India Identity, National politics, Telugu One]
ఆంధ్రప్రదేశ్ రాజకీయాల్లో నిత్య సంచలనంగా మిగిలిన వైఎస్ వివేకానంద రెడ్డి హత్య ఉదంతం మరోసారి రాజకీయ దుమారం ఈ హత్య కేసులో కీలక పరిణామాలు చోటుచేసుకుంటున్నాయి. నాటి ఘటనకు సంబంధించి పలువురు ప్రముఖుల ప్రమేయం, ఈ కేసులో కొందరికి ప్రత్యక్షంగానూ, పరోక్షంగానూ రాజకీయ లబ్ది చేకూరిందనే ఆరోపణలు సంచలనంగా మారాయి. .
ఘటన జరిగిన నాటి నుంచి దర్యాప్తు సరళి, కేసు దారి మళ్లిన వైనంపై వివిధ రాజకీయ పక్షాల నుంచి విమర్శలు వెల్లువెత్తుతూనే ఉన్నాయి. వైఎస్ వివేకానంద రెడ్డి హత్యకు గురైన సమయంలో స్థానిక పరిస్థితులు, తదనంతరం తెరపైకి వచ్చిన అంశాలు పలు అనుమానాలకు తావునిచ్చాయి. ప్రాథమిక దశలో ఈ మరణాన్ని సాధారణ గుండెపోటుగా చిత్రీకరించే ప్రయత్నాలు జరగడం, ఆ తర్వాత హత్యగా తేలింది. వైఎస్ హత్య వెనుక కొన్ని పెద్ద తలకాయల ప్రయోజనాలు దాగున్నాయని వైఎస్ వివేకా కుమార్తె బహిరంగంగానే ఆరోపించారు. ఈ కేసు విషయంలో ఆమె అలుపెరుగని న్యాయపోరాటం చేశారు. చేస్తున్నారు.
ఈ కేసు దర్యాప్తులో భాగంగా సీబీఐ విచారణలో హత్య జరిగిన రోజు ఉదయం నుంచి జరిగిన పరిణామాలు, టెలిఫోన్ సంభాషణలు, గూగుల్ టేకౌట్ వివరాలు నేరస్థలంలో లభించిన భౌతిక సాక్ష్యాలు, అనుమానితుల కదలికలతో పకడ్బందీగా ముందుకు సాగింది.
ఈ వ్యవహారంలో వైఎస్ జగన్ మోహన్ రెడ్డి, ఆయన సతీమణి వైఎస్ భారతి రెడ్డి అలాగే ఎంపీ వైఎస్ అవినాష్ రెడ్డిల పేర్లు ప్రముఖంగా ప్రస్తావనకు వస్తున్నాయి. హత్యకు గురైన తర్వాత సమాచారం బయటకు పొక్కకుండా వారు వ్యవహరించిన తీరుపై తీవ్ర విమర్శలు వ్యక్తమయ్యాయి. వివేకా కుమార్తె వైఎస్ సునీత తన తండ్రి మృతిపై న్యాయం కోరుతూ సాగిస్తున్న సుదీర్ఘ పోరాటానికి పలు రాజకీయ పార్టీల నుంచి మద్దతు లభిస్తోంది.
ఇక తాజాగా ఈ కేసులో ఏ2గా ఉన్న యాదటి సునీల్ యాదవ్ సంచలన విషయాలను వెల్లడించారు. వివేకా హత్య ద్వారా లబ్ధి పొందిన వారు మాజీ సీఎం వైఎస్ జగన్, ఆయన సతీమణి వైఎస్ భారతి అని కుండబద్దలు కొట్టారు. వైఎస్ వివేకా హత్యకు గురి కాకుండా ఉంటే ఆయన నిస్సందేహంగా కడప ఎంపీ అయి ఉండేవారన్న సునీల్ యాదవ్.. దీనిని బట్టే ఈ హత్య వల్ల లబ్ధి పొందినది ఎవరన్నది సులభంగా అవగతమౌతుందన్నారు.
సోమవారం (సెప్టెంబర్ 28) ఓ మీడియా సంస్థకు ఇచ్చిన ప్రత్యేక ఇంటర్వ్యూలో సునీల్ యాదవ్.. వైఎస్ వివేకా హత్య విషయంలో తెరముందు కడప ఎంపీ వైఎస్ అవినాష్ రెడ్డి, ఆయన తండ్రి భాస్కరరెడ్డి, దేవిరెడ్డి శంకర్ రెడ్డి ఉన్నా తెర వెనుక ఉన్నది కచ్చితంగా వైఎస్ జగన్, వైఎస్ భారతి అని విస్పష్టంగా చెప్పారు. వివేకాను హత్య చేయాల్సిన అవసరం తనకు ఇసుమంతైనా లేదన్న ఆయన.. వివేకా హత్యకు గురికాకుండా ఉండి ఉంటే.. ఆయన తనను యాదవ కార్పొరేషన్ చైర్మన్ ను చేసేవారని సునీల్ యాదవ్ చెప్పారు.
ఈ సందర్భంగా ఆయన తన ప్రాణానికి ముప్పు ఉందన్న ఆందోళన వ్యక్తం చేశారు. వైఎస్ అవినాష్ రెడ్డి, వైఎస్ జగన్ నుంచి తనకు ముప్పు ఉందనీ, తనకు రక్షణ కల్పించాలని కోరారు. ఇప్పటికే తనపై మూడు సార్లు హత్య ప్రయత్నం జరిగిందని చెప్పిన సునీల్ యాదవ్.. ఈ కేసులో కీలక సాక్షులు అనుమానాస్పద స్థితిలో మరణించిన సంగతిని గుర్తు చేస్తూ తనకు రక్షణ కల్పించాలని ఏపీ, తెలంగాణ సీఎంలకు విజ్ణప్తి చేశారు.
[YS Vivekananda Reddy Murder Case, YS Jagan Mohan Reddy, YS Bharathi, YS Avinash Reddy, AP Politics, A2 Sunil Ydaev, Sensational, Reveal, Telugu One]
ALSO ON TELUGUONE N E W S
Superstar Rajinikanth and Anirudh Ravichander combination has been super blockbuster with Ani giving anthems for Rajination. After Marana Mass for Petta, he has been dropping one new big hit for each time they both have come together. Rajini himself acclaimed Anirudh that Jailer became a blockbuster because of his music.
So, the sequel Jailer 2 music had huge anticipation. Ala Bolelo, One Moon One Sun have been released but they did not reach the popularity of Kaavala and Hukum. Now, Anirudh dropped One Name, which is the beat used in the first ever glimpse of the film.
This has all the quality to make audiences lose their cool and blast in theatres with the love towards Superstar. Super Subu lyrics and the orchestration, instrumentation of Anirudh make it a big hit. The song seems to be a bonafide blockbuster and it re-uses themes from Jailer too.
Sun Pictures have unveiled 12-track album and it will be streaming from tomorrow. Nelson Dilipkumar is directing the film releasing on 15th October. SJ Suryah, Vidya Balan, Hrithik Roshan, Vijay Sethupathi, Mohanlal, Shiva Rajkumar, Suraj Venjaramoodu have been cast in prominent roles and cameos in this action entertainer.
Disclaimer: The news article is written based on information shared by various sources. The organisation is not responsible for the factual nature of them. While we do try to do thorough research at times people could misguide. So, we would encourage viewers' discretion before reacting to them.
కోలీవుడ్ స్టార్ హీరో శివకార్తికేయన్, దర్శకుడు వెంకట్ ప్రభు కాంబినేషన్లో ఓ సినిమా రావాల్సి ఉంది. సైన్స్ ఫిక్షన్ నేపథ్యంలో ఈ ప్రాజెక్ట్ను భారీ స్థాయిలో తెరకెక్కించాలని అప్పట్లో ప్లాన్ చేశారు. అయితే వివిధ కారణాలతో ఈ సినిమా ముందుకు సాగలేదు. తాజాగా శివకార్తికేయన్ మరో సినిమాను ప్రారంభించడంతో.. వెంకట్ ప్రభుతో చేయాల్సిన ప్రాజెక్ట్ పూర్తిగా ఆగిపోయిందనే విషయం స్పష్టమైంది. ఇదే సమయంలో ఈ సినిమా ఆగిపోవడానికి కారణాలపై సోషల్ మీడియాలో పలు రకాల వార్తలు ప్రచారం కావడంతో అసలు ఏం జరిగిందనే చర్చ మొదలైంది.
ఈ క్రమంలో వెంకట్ ప్రభు తండ్రి, ప్రముఖ దర్శకుడు, సంగీత దర్శకుడు గంగై అమరన్ చేసిన కొన్ని వ్యాఖ్యలు వైరల్ అయ్యాయి. తన కుమారుడి సినిమా ఆలస్యం కావడానికి ఓ హీరో కారణమయ్యాడనే విధంగా ఆయన మాట్లాడారు. అయితే ఆ హీరో పేరు మాత్రం గంగై అమరన్ వెల్లడించలేదు. దీంతో సోషల్ మీడియాలో పలువురు ఆ వ్యాఖ్యలను శివకార్తికేయన్తో ముడిపెట్టారు. సినిమా కోసం ప్రీ-ప్రొడక్షన్ పనులు జరిగినప్పటికీ.. ప్రాజెక్ట్ ముందుకు వెళ్లకపోవడంపై ఈ ఊహాగానాలు మరింత పెరిగాయి.
దీంతో ఈ వ్యవహారంపై వెంకట్ ప్రభు స్వయంగా స్పందించారు. శివకార్తికేయన్ తనకు ఎప్పటికీ మంచి స్నేహితుడు, సోదరుడితో సమానమని ఆయన స్పష్టం చేశారు. సినిమా వివిధ కారణాల వల్ల పట్టాలెక్కలేదని, అంతే తప్ప ఎవరి మీదా ఎలాంటి కోపం లేదా మనస్పర్థలు లేవని తెలిపారు. తన సినిమాలకు సంబంధించిన విషయాలను తాను కుటుంబ సభ్యులతో కూడా పూర్తిగా చర్చించనని, అందువల్ల తన తండ్రికి పూర్తి సమాచారం తెలియకపోవచ్చని వెంకట్ ప్రభు వివరించారు. భవిష్యత్తులో మంచి కథ కుదిరితే శివకార్తికేయన్తో మళ్లీ కలిసి పనిచేయడానికి తాను సిద్ధంగా ఉన్నానని కూడా చెప్పారు.
వెంకట్ ప్రభు వివరణకు శివకార్తికేయన్ కూడా స్పందించారు. తామంతా కుటుంబంలాంటి వారమేనని, ఈ విషయంలో ఇంత సీరియస్గా వివరణ ఇవ్వాల్సిన అవసరం లేదని ఆయన పేర్కొన్నారు. తాను ఎప్పటికీ వెంకట్ ప్రభు అభిమానినేనని, భవిష్యత్తులో మళ్లీ ఆయనతో కలిసి పనిచేయాలని ఎదురుచూస్తున్నట్లు తెలిపారు. ప్రస్తుతం శివకార్తికేయన్ రామ్కుమార్ బాలకృష్ణన్ దర్శకత్వంలో ‘SK27’లో నటిస్తున్నారు. ‘పార్కింగ్’ సినిమాతో గుర్తింపు తెచ్చుకున్న రామ్కుమార్ ఈ చిత్రానికి దర్శకత్వం వహిస్తున్నారు.
[Sivakarthikeyan Venkat Prabhu, Sivakarthikeyan Venkat Prabhu Movie, SK Venkat Prabhu Film, Venkat Prabhu Next Movie, Sivakarthikeyan New Movie, Venkat Prabhu Clarification, SK Movie Update, Tamil Cinema News]
Raashii Khanna appears to have accidentally revealed a closely guarded casting detail of Rajinikanth’s Dharman. The actress, who is currently shooting for the film in Mysuru, shared a picture from the sets featuring herself, Rajinikanth and Ram Pothineni. She also mentioned her early morning workout sessions with “Rajini sir and Ram” before deleting the post shortly after.
Ram Pothineni’s name has been linked to Dharman for quite some time. There have been reports that he has been brought on board for an important role, with speculation even suggesting that he could be playing the antagonist opposite Rajinikanth. However, the makers have maintained silence and are yet to officially announce Ram as part of the cast. Raashii’s now-deleted post has therefore added significant weight to the speculation, even though his character and involvement remain officially unconfirmed.
Directed by Ashwath Marimuthu, Dharman marks Rajinikanth’s 173rd film and is produced by Kamal Haasan’s Raaj Kamal Films International. Raashii Khanna, Simran and Rukmini Vasanth are among the confirmed cast members, while Anirudh Ravichander is composing the music. The film is being planned as a Pongal 2027 release.
For Ram, a role alongside Rajinikanth would be another interesting development at a time when he is also moving into a new phase of his career. The actor is preparing to make his directorial debut with RAPO22. Meanwhile, all eyes are now on the Dharman team for an official word on whether Ram is indeed part of the film and, if so, what role he plays.
Disclaimer: The news article is written based on information shared by various sources. The organisation is not responsible for the factual nature of them. While we do try to do thorough research at times people could misguide. So, we would encourage viewers' discretion before reacting to them.
టాలీవుడ్ స్టార్ హీరోయిన్ కీర్తి సురేష్, బాలీవుడ్ నటి రాధికా ఆప్టే ప్రధాన పాత్రల్లో నటించిన క్రైమ్ థ్రిల్లర్ వెబ్సిరీస్ ‘అక్క’ ఎట్టకేలకు స్ట్రీమింగ్కు సిద్ధమైంది. ధర్మరాజ్ శెట్టి దర్శకత్వం వహించిన ఈ సిరీస్ను యశ్ రాజ్ ఫిల్మ్స్కు చెందిన వైఆర్ఎఫ్ ఎంటర్టైన్మెంట్ నిర్మించింది. ఈ సిరీస్తో కీర్తి సురేష్ నేరుగా ఓటీటీలోకి ఎంట్రీ ఇవ్వడం విశేషం. తాజాగా ‘అక్క’ అక్టోబర్ 30 నుంచి నెట్ఫ్లిక్స్లో స్ట్రీమింగ్ కానున్నట్లు సమాచారం.
‘అక్క’ కథ 1980ల కాలంలో దక్షిణ భారతదేశంలోని కల్పిత నగరం పెర్నూరులో సాగుతుంది. అక్కడ మహిళల ఆధిపత్యం ఉండే సమాజంలో కీర్తి సురేష్, రాధికా ఆప్టే ఇద్దరూ శక్తివంతమైన గ్యాంగ్స్టర్ క్వీన్స్గా కనిపించనున్నారు. తమ ఆధిపత్యాన్ని కొనసాగిస్తున్న ఈ ఇద్దరి ప్రపంచంలోకి ఓ బయటి వ్యక్తి ప్రవేశించడంతో పరిస్థితులు ఒక్కసారిగా మారిపోతాయి. ఆ తర్వాత చోటుచేసుకునే పరిణామాలు, అధికారం కోసం జరిగే పోరాటం, ప్రతీకారం వంటి అంశాలతో సిరీస్ సాగనున్నట్లు మేకర్స్ వెల్లడించారు.
ఇప్పటికే విడుదలైన టీజర్లో కీర్తి సురేష్, రాధికా ఆప్టే పాత్రలను పవర్ఫుల్గా చూపించారు. ఇద్దరి మధ్య వచ్చే యాక్షన్ సన్నివేశాలు, గ్యాంగ్స్టర్ ప్రపంచం, 1980ల నాటి వాతావరణం సిరీస్కు ప్రత్యేక ఆకర్షణగా నిలవనున్నాయి. కీర్తి, రాధికాతో పాటు తన్వీ అజ్మీ, విశాఖ నాయర్, దివ్య శ్రీపాద తదితరులు కీలక పాత్రల్లో నటిస్తున్నారు. 2025లోనే ఈ ప్రాజెక్ట్ను నెట్ఫ్లిక్స్ ప్రకటించగా.. ఇప్పుడు విడుదల తేదీ ఖరారు కావడంతో ప్రేక్షకుల్లో ఆసక్తి పెరిగింది.
‘అక్క’ను వైఆర్ఎఫ్ ఎంటర్టైన్మెంట్ నిర్మించగా.. ఆదిత్య చోప్రా, యోగేంద్ర మొగ్రే, అక్షయ్ విధానీ ఎగ్జిక్యూటివ్ ప్రొడ్యూసర్లుగా వ్యవహరిస్తున్నారు. ఇప్పటివరకు నెట్ఫ్లిక్స్ అధికారిక పేజీలో విడుదల తేదీని ‘Coming Soon’గా చూపిస్తున్నప్పటికీ.. తాజా పరిశ్రమ నివేదికలు అక్టోబర్ 30న ప్రీమియర్ కానున్నట్లు వెల్లడించాయి. దీంతో కీర్తి సురేష్, రాధికా ఆప్టేలను గ్యాంగ్స్టర్ పాత్రల్లో చూడటానికి అభిమానులు ఆసక్తిగా ఎదురుచూస్తున్నారు.
[Akka Web Series, Keerthy Suresh Akka, Radhika Apte Akka, Akka Netflix Release Date, Akka OTT Release, Keerthy Suresh OTT Debut, Akka Web Series Netflix, Dharmaraj Shetty Akka, YRF Entertainment Akka]
Trivikram Srinivas is gearing up to meet audiences with Aadarsha Kutumbam starring Victory Venkatesh, Srinidhi Shetty in leading roles. The movie is releasing on 9th October and he spoke about it in an interview. As part of it, he also gave an exciting update about his next with NTR, based on God of War book.
NTR has agreed to be part of this biggie and mythological film based on Lord Karthikeya. Trivikram has revealed that the script work is done and pre-production is going on as well. Once, Aadarsha Kutumbam release, he would continue the pre-production work to be ready for NTR.
Meanwhile, NTR's Dragon with Prashanth Neel has been delayed due to multiple injuries to the actor. He is currently recovering and soon, he will join the sets of the film to complete the shoot. For Lord Karthikeya's role, NTR might undergo a different transformation from Dragon's role.
Trivikram talking about Aadarsha Kutumbam revealed that it will be an out and out entertainer but not a comedy. He remarked that while there is a lot of comedy, the action and emotional parts are highly important. Nara Rohith is playing a prominent role in this S Thaman musical releasing on 9th October.
Disclaimer: The news article is written based on information shared by various sources. The organisation is not responsible for the factual nature of them. While we do try to do thorough research at times people could misguide. So, we would encourage viewers' discretion before reacting to them.
ఎన్టీఆర్, త్రివిక్రమ్ శ్రీనివాస్ కాంబినేషన్లో సినిమా వస్తుందంటేనే అంచనాలు ఏ రేంజ్లో ఉంటాయో ప్రత్యేకంగా చెప్పాల్సిన అవసరం లేదు. ‘అరవింద సమేత వీర రాఘవ’ తర్వాత ఈ కాంబినేషన్లో మరో సినిమా కోసం అభిమానులు ఎప్పటి నుంచో ఎదురుచూస్తున్నారు.
ఈసారి ఇద్దరూ కలిసి చాలా పెద్ద స్కేల్లో వస్తున్నారు. ఎన్టీఆర్ కోసం త్రివిక్రమ్ తెరకెక్కించబోయే మైథలాజికల్ మూవీపై ఇప్పటికే అధికారిక ప్రకటన వచ్చిన విషయం తెలిసిందే. ‘గాడ్ ఆఫ్ వార్’గా ప్రచారంలో ఉన్న ఈ ప్రాజెక్ట్కు సంబంధించి తాజాగా ఓ ఆసక్తికరమైన అప్డేట్ ఇచ్చారు త్రివిక్రమ్.
వెంకటేష్ హీరోగా త్రివిక్రమ్ రూపొందించిన 'ఆదర్శ కుటుంబం' అక్టోబర్ 9న విడుదల కానుంది. ఈ మూవీపై ప్రమోషన్స్ లో భాగంగా ప్రత్యేక ఇంటర్వ్యూలో పాల్గొన్న త్రివిక్రమ్.. ఎన్టీఆర్ ప్రాజెక్ట్ గురించి స్పందించారు. ఇప్పటికే స్క్రిప్ట్ రెడీ అయిందని, ఇంకా టైటిల్ మాత్రం ఫిక్స్ చేయలేదని తెలిపారు.
సుబ్రహ్మణ్య స్వామి కథతో మైథలాజికల్ విజువల్ వండర్ లా ఈ సినిమా తెరకెక్కనుంది. ఎన్టీఆర్ యాక్టింగ్ టాలెంట్ కి, త్రివిక్రమ్ కి పురాణాలపై ఉన్న పట్టు తోడైతే.. బాక్సాఫీస్ దగ్గర వండర్స్ క్రియేట్ అవ్వడం ఖాయమని చెప్పొచ్చు.
ప్రస్తుతం ఎన్టీఆర్ ‘డ్రాగన్’ సినిమాతో బిజీగా ఉన్నారు. ఈ సినిమాలు పూర్తయ్యాకే ఎన్టీఆర్–త్రివిక్రమ్ ప్రాజెక్ట్ సెట్స్పైకి వెళ్లనుంది.
ఇది కూడా చదవండి: ఫస్ట్ టైమ్ అలాంటి పాత్రలో.. లోకేష్ కనగరాజ్ సినిమాలో అల్లు అర్జున్ రోల్ ఇదే.!
[God Of War Update, NTR Trivikram Movie, God Of War Movie, Aadarsha Kutumbam Movie, Trivikram Interview, NTR God of War, NTR Subramanya Swamy, NTR Murugan Role, NTR Dragon, Telugu Film News]
మీరు చూస్తున్న పిక్ లో మెగాస్టార్ చిరంజీవి, గాడ్ ఆఫ్ మాసెస్ బాలకృష్ణ మధ్య క్యూట్ గా ముద్దులొలుకుతూ ఉన్న పాప ఎవరో గెస్ చెయ్యండి. తన భర్త ఇప్పుడు పాన్ ఇండియా డైరెక్టర్ కూడా. ఏంటి.. గెస్ చెయ్యలేకపోతున్నారా! సరే ఎవరో పూర్తి న్యూస్ చదివేయండి
చిరంజీవి, బాలకృష్ణ మధ్య అత్యంత ఆత్మీయంగా నిలబడిన ఆ చిన్నారి మరెవరో కాదు, తెలుగు చిత్రసీమలో దాదాపు 5 దశాబ్దాలుగా ఎన్నో సంచలన విజయాలని అందిస్తూ వస్తున్న ప్రముఖ అగ్ర నిర్మాణ సంస్థ వైజయంతీ మూవీస్ అధినేత, శతచిత్ర నిర్మాత సి. అశ్విని దత్ ముద్దుల కుమార్తె ప్రియాంక దత్! ఏంటి తనా అనుకుంటున్నారా! అక్షరాలా తనే. చిన్నప్పటి నుంచే ఇంట్లోనూ, షూటింగ్ సెట్లలోనూ నిరంతరం సినీ వాతావరణం, స్టార్ హీరోల సాన్నిహిత్యం మధ్య పెరిగిన ప్రియాంక దత్, పెద్దయ్యాక తన తండ్రి అడుగుజాడల్లోనే సినీ నిర్మాణ రంగాన్ని కెరీర్గా ఎంచుకున్నారు. కేవలం అశ్విని దత్ గారి అమ్మాయి అనే టాగ్ లైన్కే పరిమితం కాకుండా, సొంత ప్రతిభతో అగ్ర నిర్మాతగా తనకంటూ పరిశ్రమలో ఒక ప్రత్యేకమైన ముద్ర వేసుకున్నారు.
తన ప్రయాణంలో త్రీ ఏంజిల్స్ స్టూడియో బ్యానర్ను స్థాపించి చిన్న సినిమాలకు పెద్ద పీట వేశారు ప్రియాంక. యంగ్ హీరో నారా రోహిత్ను కథానాయకుడిగా పరిచయం చేస్తూ నిర్మించిన 'బాణం' సినిమాతో నిర్మాతిగా మొదటి అడుగు పడింది. విమర్శకుల ప్రశంసలు పొందిన ఈ చిత్రానికి గాను ఆమె ప్రతిష్టాత్మకమైన ఆంధ్రప్రదేశ్ ప్రభుత్వ 'వెండి నంది పురస్కారాన్ని' అందుకోవడం విశేషం. ఆ తర్వాత 'ఓం శాంతి', 'సారొచ్చారు' చిత్రాలను నిర్మించడమే కాకుండా పవన్కళ్యాణ్ 'బాలు', చిరంజీవి 'జై చిరంజీవ' వంటి భారీ బడ్జెట్ చిత్రాలకు కో-ప్రొడ్యూసర్గా బాధ్యతలు నిర్వర్తించారు. తదనంతరం తన సోదరి స్వప్న దత్తో కలసి వైజయంతీ మూవీస్ బ్యానర్ను నెక్స్ట్ లెవెల్కు తీసుకువెళ్లారు.
ఇది కూడా చదవండి: ఓటీటీలో రచ్చలేపుతున్న మలయాళ సైకో థ్రిల్లర్: ఆ...సుఖాన్ని ఎలా తీర్చుకుంటారో తెలుసా!
ప్రియాంక దత్ నిర్మించిన 'ఎవడే సుబ్రహ్మణ్యం', మహానటి సావిత్రి బయోపిక్గా వచ్చిన 'మహానటి' చిత్రాలు బాక్సాఫీస్ వద్ద క్లాసిక్ హిట్లుగా నిలిచి జాతీయ స్థాయిలో అవార్డులు కొల్లగొట్టాయి. ఆమె ప్రముఖ దర్శకుడు నాగ్ అశ్విన్ను వివాహం చేసుకున్నారు. నాగ్ అశ్విన్ తెరకెక్కించిన దృశ్యకావ్యం 'కల్కి 2898 AD' చిత్రాన్ని కూడా స్వప్న దత్, ప్రియాంక దత్ కలసి అపారమైన సాహసంతో నిర్మించారు. ప్రపంచవ్యాప్తంగా థియేటర్లలో విడుదలై రికార్డు స్థాయిలో ఏకంగా1000 కోట్లకు పైగా గ్రాస్ వసూళ్లను సాధించి భారతీయ చిత్రసీమలోనే సరికొత్త చరిత్ర సృష్టించింది. ప్రస్తుతం నాగ్ అశ్విన్ 'కల్కి 2' చిత్రీకరణలో నిమగ్నమై ఉండగా, ప్రియాంక దత్ క్రేజీ ప్రాజెక్టుల నిర్మాణ బాధ్యతల్లో బిజీగా ఉన్నారు. చిన్ననాడు చిరు, బాలయ్యల మధ్య ముద్దులొలికిన ఆ పాప, నేడు వెయ్యి కోట్ల గ్లోబల్ వండర్ను నిర్మించే స్థాయికి చేరడం నిజంగా విశేషం! మరి చిరంజీవి, బాలకృష్ణ..మల్టిస్టారర్ ని కూడా ప్రియాంక దత్ నే నిర్మిస్తుందేమో చూడాలి. మల్టి స్టారర్ కి ఆల్రెడీ చిరంజీవి, బాలకృష్ణ గ్రీన్ సిగ్నల్ ఇచ్చిన విషయం తెలిసిందే.
[Chiranjeevi And Balakrishna rare photo In Priyanka Dutt, Priyanka Dutt Childhood Pic, Nag Ashwin wife Priyanka, Nag Ashwin wife Priyanka, Telugu Cinema, Telugu Cinema News, Tollywood, Tollywood News]
అక్కినేని నాగార్జున కెరీర్లో ఎంతో ప్రత్యేకంగా నిలిచే ‘కింగ్-100’ సినిమాపై ఇప్పటికే భారీ అంచనాలు నెలకొన్నాయి. నాగార్జున నటిస్తున్న ఈ ల్యాండ్మార్క్ మూవీకి కోలీవుడ్ దర్శకుడు రా కార్తీక్ దర్శకత్వం వహిస్తున్నారు. అన్నపూర్ణ స్టూడియోస్ బ్యానర్పై ప్రతిష్టాత్మకంగా తెరకెక్కుతున్న ఈ సినిమా ప్రస్తుతం శరవేగంగా షూటింగ్ జరుపుకుంటోంది. ఇందులో నాగార్జున సరసన ఐశ్వర్య రాజేష్ హీరోయిన్గా నటిస్తుండగా.. టబు కూడా ఓ కీలక పాత్రలో కనిపించనున్నట్లు సమాచారం. ఈ చిత్రాన్ని క్రిస్మస్ కానుకగా డిసెంబర్ 24న ప్రేక్షకుల ముందుకు తీసుకురావాలని మేకర్స్ ప్లాన్ చేస్తున్నారు.
ఇక ‘కింగ్-100’కు సంబంధించి తాజాగా ఓ ఆసక్తికరమైన వార్త సినీ వర్గాల్లో చక్కర్లు కొడుతోంది. ఈ సినిమాలో నాగార్జునతో తలపడే పవర్ఫుల్ విలన్ పాత్రలో కోలీవుడ్ యంగ్ హీరో అశోక్ సెల్వన్ నటించనున్నట్లు సమాచారం. అయితే దీనిపై చిత్రబృందం నుంచి అధికారిక ప్రకటన రావాల్సి ఉంది. విలక్షణమైన కథలను ఎంచుకుంటూ తనకంటూ ప్రత్యేక గుర్తింపు తెచ్చుకున్న అశోక్ సెల్వన్.. తొలిసారి నాగార్జునకు ఎదురుగా ప్రతినాయకుడి పాత్రలో కనిపిస్తే ఈ కాంబినేషన్ ఆసక్తికరంగా ఉంటుందని అభిమానులు భావిస్తున్నారు.
అశోక్ సెల్వన్ ఇప్పటికే తమిళంలో విభిన్న కథా చిత్రాలతో నటుడిగా గుర్తింపు తెచ్చుకున్నారు. సాధారణ కమర్షియల్ సినిమాలకు భిన్నంగా ఉండే కథలను ఎంచుకుంటూ తన నటనతో మెప్పిస్తున్నారు. అలాంటి హీరో ‘కింగ్-100’లో నెగెటివ్ షేడ్స్ ఉన్న పాత్రలో కనిపించనున్నారనే వార్త ఇప్పుడు సినిమాపై మరింత ఆసక్తిని పెంచుతోంది. నాగార్జున, అశోక్ సెల్వన్ మధ్య వచ్చే సన్నివేశాలు సినిమాలో కీలకంగా ఉండే అవకాశం ఉందనే టాక్ వినిపిస్తోంది.
నాగార్జున కెరీర్లో 100వ సినిమాగా తెరకెక్కుతున్న ‘కింగ్-100’ను దర్శకుడు రా కార్తీక్ భారీ స్థాయిలో రూపొందిస్తున్నారు. ఇప్పటికే సినిమా షూటింగ్ కొనసాగుతుండగా.. నటీనటులకు సంబంధించిన ఒక్కో అప్డేట్ బయటకు వస్తోంది. తాజాగా అశోక్ సెల్వన్ పేరు తెరపైకి రావడంతో ఈ సినిమాలో విలన్ పాత్ర ఎలా ఉండబోతుందనే ఆసక్తి నెలకొంది. అయితే ఆయన పాత్రపై పూర్తి వివరాలు తెలియాలంటే మేకర్స్ నుంచి అధికారిక ప్రకటన వచ్చే వరకు వేచి చూడాల్సిందే.
[King 100 Movie, Nagarjuna King 100, Ashok Selvan King 100, Nagarjuna Ashok Selvan, King 100 Villain, Nagarjuna 100th Movie, Aishwarya Rajesh King 100, Ra Karthik King 100]
రొటీన్ సినిమాలు చూస్తే ఏం లాభం..చూస్తే ఇలాంటి సినిమా చూడాలి. చూసాక మీరు పొందే అనుభూతిని మీకే వదిలేస్తున్నాం. అంతలా మెస్మరైజ్ చేయడంలో ఏ మాత్రం నిరుత్సాహపరచదు. మరి ఆ మూవీ ఏంటో చూద్దాం.
ఉడల్.. డబ్బు, వివాహేతర సంబంధాల మోజులో పడి తమ కుటుంబాన్ని కొందరు మహిళలు ఎలా నాశనం చేసుకుంటున్నారు అనే పాయింట్ తో తెరకెక్కింది. గత మూడేళ్లుగా ఓటీటీ ప్లాట్ఫామ్లలో సంచలనం సృష్టిస్తూ, ప్రేక్షకుల గుండెల్లో గుబులు రేపుతున్న మలయాళ సైకో డార్క్ థ్రిల్లర్. 2022 మే 20న విడుదలై బాక్సాఫీస్ దగ్గర సూపర్ హిట్ అయ్యింది. ఓటీటీలోకి వచ్చిన తర్వాత ప్రపంచవ్యాప్తంగా దాదాపు 60 దేశాలలో టాప్ ట్రెండింగ్లో నిలిచి అందరినీ ఆశ్చర్యపరిచింది. ఒకే ఇంట్లో, కేవలం 2 గంటల వ్యవధిలో సాగే ఈ అరాచక కథనం ప్రేక్షకులకు ఊపిరి పీల్చుకోవడానికి కూడా సమయం ఇవ్వకుండా రొమాన్స్, మోసం, క్రూరమైన హత్యలు, రక్తం చిందించే రివేంజ్ డ్రామాతో భయపెడుతుంది.
ఇది కూడా చదవండి: షాకింగ్ న్యూస్: రామాయణ పార్ట్ 1 ప్రీ పోన్!
కథ విషయానికి వస్తే షైనీ (దుర్గా కృష్ణ), రెజీ (జూడ్ ఆంటోని జోసెఫ్) దంపతులు. వీరికి ఐదేళ్ల కొడుకు ఉంటాడు. రెజీ తన భార్య, పిల్లాడిని తన తల్లిదండ్రులతోపాటే వదిలేసి ఉద్యోగం కోసం విదేశాలకు వెళ్తాడు. అలాగే ఆమె అత్త మంచానికే పరిమితమై ఉంటుంది. దీంతో ఆమెకు సేవలు చేయడానికి రెజీ విసుక్కుంటుంది. మరోవైపు మామకు కన్ను సరిగ్గా కనిపించదు. అదే సమయంలో తన పాత కాలేజీ స్నేహితుడు (ధ్యాన్ శ్రీనివాసన్ ) తిరిగి పరిచయం కావడం.. అది కాస్తా వివాహేతర సంబంధానికి దారితీస్తుంది. ఒక రోజు తన అత్తను ప్రియుడితో కలిసి చంపేస్తుంది. కానీ కోడలు చేసిన ఈ హత్యను తన మామ చూస్తాడు. తన భార్యను చంపిన తన కోడలిని, ఆమె ప్రియుడిని ఎలాగైనా అంతం చేయాలనుకుంటాడు. ఇక అప్పుడే అసలు కథ మొదలవుతుంది. సస్పెన్స్, థ్రిల్లర్ మధ్య ఈ సినిమా ఆద్యంతం మిమ్మల్ని కట్టిపడేస్తుంది. డబ్బు, వివాహేతర సంబంధాల మోజులో అమ్మాయిలు ఎలా పడతారో క్లియర్ గా చూపించారు. డోంట్ మిస్.
[Udal Malayalam Dark Thriller Ott Sensation, Udal Malayalam movie, Best suspense movies OTT,Amazon Prime Malayalam thrillers, Telugu Cinema, Telugu Cinema News, Tollywood, Tollywood News]
జూనియర్ ఎన్టీఆర్ హీరోగా ఎస్.ఎస్. రాజమౌళి దర్శకత్వంలో తెరకెక్కిన ‘స్టూడెంట్ నంబర్ 1’ సినిమా విడుదలై 25 ఏళ్లు పూర్తయ్యాయి. 2001 సెప్టెంబర్ 27న ప్రేక్షకుల ముందుకు వచ్చిన ఈ సినిమా అప్పట్లో మంచి విజయాన్ని అందుకుంది. ఈ చిత్రంలో ‘సత్య’ అనే పాత్రలో నటించిన రాజీవ్ కనకాల.. పాతికేళ్ల తర్వాత ఆ సినిమా జ్ఞాపకాలను గుర్తుచేసుకుంటూ సోషల్ మీడియాలో ఓ ఎమోషనల్ పోస్ట్ చేశారు. తన సినీ కెరీర్లో ‘స్టూడెంట్ నంబర్ 1’కు ప్రత్యేకమైన స్థానం ఉందని ఆయన పేర్కొన్నారు.
‘స్టూడెంట్ నంబర్ 1’ తన జీవితంలో, సినీ ప్రయాణంలో మరచిపోలేని అధ్యాయమని రాజీవ్ కనకాల తెలిపారు. ఈ సినిమాలో పోషించిన ‘సత్య’ పాత్ర తనకు మంచి గుర్తింపును తీసుకొచ్చిందని.. ఇప్పటికీ ప్రేక్షకులు తనను ఆ పాత్ర పేరుతో గుర్తుపట్టడం ఆనందంగా ఉంటుందని చెప్పారు. ఈ సినిమా విజయవంతమైన తర్వాతే నటనను పూర్తిస్థాయి వృత్తిగా ఎంచుకుని సినిమాల్లో కొనసాగానని ఆయన గుర్తుచేసుకున్నారు. తొలినాళ్లలో సినిమాపై కొందరు అనుమానాలు వ్యక్తం చేసినప్పటికీ.. చివరకు 42 కేంద్రాల్లో 100 రోజులు ప్రదర్శితమై విజయాన్ని అందుకుందని తెలిపారు.
ఈ సందర్భంగా తనకు అవకాశం ఇచ్చిన దర్శకుడు ఎస్.ఎస్. రాజమౌళి, దర్శకేంద్రుడు కె. రాఘవేంద్రరావు, సంగీత దర్శకుడు ఎం.ఎం. కీరవాణి, హీరో ఎన్టీఆర్తో పాటు చిత్రబృందానికి రాజీవ్ కనకాల కృతజ్ఞతలు తెలిపారు. ముఖ్యంగా ఈ సినిమా తనకు అందించిన విలువైన బహుమతి స్నేహమని ఆయన పేర్కొన్నారు. షూటింగ్ సమయంలో ఎన్టీఆర్తో ఏర్పడిన స్నేహం ఆ తర్వాత కూడా కొనసాగిందని, జీవితాంతం గుర్తుండిపోయే అనుబంధం తనకు లభించిందని రాజీవ్ కనకాల చెప్పుకొచ్చారు.
ఇక ‘స్టూడెంట్ నంబర్ 1’ సినిమా ఎన్టీఆర్ కెరీర్లోనూ, రాజమౌళి దర్శకుడిగా ప్రయాణంలోనూ కీలకమైన ప్రారంభ చిత్రంగా నిలిచింది. ఈ సినిమాతోనే రాజమౌళి దర్శకుడిగా వెండితెరకు పరిచయమయ్యారు. ఆ తర్వాత ‘సింహాద్రి’, ‘ఛత్రపతి’, ‘మగధీర’, ‘ఈగ’, ‘బాహుబలి’, ‘ఆర్ఆర్ఆర్’ వంటి చిత్రాలతో ఆయన తనదైన గుర్తింపు తెచ్చుకున్నారు. 25 ఏళ్ల క్రితం వచ్చిన ‘స్టూడెంట్ నంబర్ 1’ను గుర్తుచేసుకుంటూ రాజీవ్ కనకాల చేసిన పోస్ట్ ఇప్పుడు సినీ అభిమానుల దృష్టిని ఆకర్షిస్తోంది.
[Student No 1 25 Years, Rajeev Kanakala, Jr NTR Student No 1, SS Rajamouli Student No 1, Rajeev Kanakala Emotional Post, Student No 1 Anniversary, Rajeev Kanakala NTR Friendship]
హైదరాబాద్లోని యువతను ఇప్పుడు తీవ్రంగా కలవరపెడుతున్న అంశం ఏదైనా ఉందంటే అది అకాల బట్టతలే! ఒకప్పుడు 45 నుండి 50 సంవత్సరాలు దాటిన తర్వాత కనిపించే బట్టతల సమస్య, ఇప్పుడు 20 నుండి 29 ఏళ్ల చిన్న వయస్సులోనే అత్యంత వేగంగా ముసురుకుంటోంది. ఐటీ కారిడార్లు, స్టార్టప్లు, కార్పొరేట్ కంపెనీలలో పనిచేస్తున్న యువతీయువకులలో చాలామంది ఈ సమస్యతో నిత్యం మానసిక వేదనను అనుభవిస్తున్నారు. కేవలం 29 ఏళ్లకే తలపై జుట్టు విపరీతంగా పల్చబడిపోవడం, నుదుటి భాగం వెనక్కి వెళ్లడం వంటి లక్షణాలు కనిపిస్తుండటం తీవ్ర ఆందోళన కలిగిస్తోంది.
ఇటీవల వెలువడిన ఆరోగ్య అధ్యయన నివేదికల ప్రకారం, తెలంగాణలో ముఖ్యంగా హైదరాబాద్ మెట్రో నగరంలో ప్రతి 10 మంది పురుషులలో దాదాపు 6 నుండి 7 మంది ఏదో ఒక స్థాయి జుట్టు రాలే సమస్యతో బాధపడుతున్నారు. తెలంగాణా వ్యాప్తంగా జరిపిన ఆరోగ్య సర్వేలలో కేవలం ఒక్క ఏడాదలోనే ఉత్తమ జీర్ణ ఆరోగ్య శాతంలో 4.10 శాతం భారీ క్షీణత నమోదైంది. గతంలో 19.13 శాతంగా ఉన్న ఆరోగ్య సూచిక 15.03 శాతానికి పడిపోవడం, దేశంలోనే అత్యంత ఆందోళనకరమైన మార్పుగా వైద్య నిపుణులు పేర్కొంటున్నారు.
యువతలో బట్టతల వేగంగా రావడానికి ప్రధానంగా జీవనశైలి మార్పులే కారణమని చర్మ మరియు జుట్టు సంరక్షణ నిపుణులు స్పష్టం చేస్తున్నారు. సాఫ్ట్వేర్ రంగంలో పెరిగిన పని ఒత్తిడి, నైట్ షిఫ్ట్లు, వేళకాని వేళల్లో ఆహారం తినడం, నిద్రలేమి, రోజుకు 7 నుండి 8 గంటల నిద్ర కూడా సరిగ్గా లేకపోవడం జుట్టు కుదుళ్లను దారుణంగా దెబ్బతీస్తున్నాయి. దీనికి తోడు జంక్ ఫుడ్, ప్రాసెస్డ్ ఫుడ్స్ అధికంగా తీసుకోవడం వల్ల శరీరానికి అవసరమైన విటమిన్ బి12, ఐరన్, జింక్, ప్రొటీన్ల లోపం ఏర్పడి జుట్టు రాలడం వేగవంతమవుతోంది.
హైదరాబాద్లో లభించే నీటిలోని కఠినత్వం, కాలుష్యం మరియు ఆండ్రోజెనెటిక్ అలోపేసియా అనే జన్యుపరమైన అండ్రోజెన్ హార్మోన్ల వ్యత్యాసం కూడా ఈ సమస్యకు మరిన్ని వినాశకరమైన రెక్కలు తొడుగుతోంది. రోజూ సాధారణంగా 50 నుండి 100 వెంట్రుకలు రాలడం సహజమే అయినప్పటికీ, నిత్యం 150కి పైగా వెంట్రుకలు రాలుతుంటే దానిని తీవ్రమైన సంకేతంగా భావించాలి. ఈ భయంతో చాలామంది యువకులు రాత్రికి రాత్రే జుట్టు వస్తుందని చెప్పే ఫేక్ నూనెలు, సైన్స్ ప్రామాణికత లేని లోషన్లు వాడి ముఖాలు వాచిపోవడం, చర్మ వ్యాధులు కొనితెచ్చుకోవడం వంటి మోసాల బారిన పడుతున్నారు.
అకాల బట్టతలను నివారించాలంటే ప్రాథమిక స్థాయిలోనే తగిన జాగ్రత్తలు తీసుకోవాలని వైద్యులు హెచ్చరిస్తున్నారు. ప్రారంభ దశలోనే డాక్టర్లను సంప్రదించి ఫినాస్టరైడ్, మినాక్సిడిల్ లేదా పీఆర్పీ (PRP) చికిత్సల ద్వారా 80 శాతానికి పైగా జుట్టును కాపాడుకోవచ్చు. నిత్యం సమతుల్య ఆహారం తీసుకోవడం, యోగా లేదా ధ్యానంతో ఒత్తిడి తగ్గించుకోవడం, కనీసం 7 గంటల ప్రశాంతమైన నిద్రపోవడం ద్వారా ఈ సమస్యకు చెక్ పెట్టవచ్చని నిపుణులు సూచిస్తున్నారు.
[ Hyderabad, Telangana, Hair Loss, Premature Baldness, Hair Fall, Androgenetic Alopecia, Hair Health, Vitamin B12 Deficiency, Iron Deficiency, Hair Care ]
.webp)
పిల్లల ముందు తల్లిదండ్రులు ఎలా ఉండాలి ఎలా ఉండకూడదు.!
పిల్లల పెంపకం అనేది ఒక బాధ్యత మాత్రమే కాదు, అది ఒక నిరంతర ప్రయాణం. పిల్లలు తల్లిదండ్రులు చెప్పే మాటల కంటే వాళ్లు చేసే పనులనే ఎక్కువగా గమనిస్తారు, అనుకరిస్తారు. ఇంట్లో తల్లిదండ్రుల ప్రవర్తనే పిల్లల భవిష్యత్తుకు, వారి వ్యక్తిత్వానికి పునాది అవుతుంది. ఇంట్లో ఆత్మీయత, అనురాగం ఉన్నప్పుడే పిల్లలు శారీరకంగా, మానసికంగా బలంగా ఎదుగుతారు. అందుకే వారి ముందు తల్లిదండ్రులు ఎలా ప్రవర్తిస్తున్నారనేది చాలా ముఖ్యం. పిల్లల ఎదుట తల్లిదండ్రులు ఎలా ఉండాలి, ఎలాంటి పనులు చేయకూడదో వివరంగా తెలుసుకుంటే..
పిల్లల ముందు తల్లిదండ్రులు ఇలా ఉండాలి
ఆప్యాయత, గౌరవంతో మాట్లాడాలి..
ఇంట్లో తల్లిదండ్రులు ఒకరినొకరు గౌరవించుకుంటూ, ప్రేమగా మాట్లాడుకోవడం చూసినప్పుడు పిల్లల్లో నేర్చుకునే తత్వం, నమ్మకం పెరుగుతాయి. వారు కూడా ఇతరులతో అలాగే మర్యాదగా మాట్లాడటం అలవాటు చేసుకుంటారు.
చెప్పేది వినే ఓపిక ఉండాలి..
పిల్లలు స్కూల్ నుండి రాగానే లేదా ఏదైనా చెప్పాలనుకున్నప్పుడు వారి మాటలను శ్రద్ధగా వినాలి. తల్లిదండ్రులకు ఎంత పని ఉన్నా, వారి మాటలకు విలువ ఇస్తే తమ సమస్యలను తల్లిదండ్రుల దగ్గర దాచకుండా పంచుకుంటారు.
జీవనం..
తల్లిదండ్రులు పిల్లలకు ఎలాంటి మంచి అలవాట్లు ఉండాలని కోరుకుంటారో, మొదట తల్లిదండ్రులు కూడా వాటిని పాటించి చూపాలి. సమయపాలన, నిజాయితీ, తోటివారికి సహాయం చేయడం వంటి గుణాలను తల్లిదండ్రులను చూసే పిల్లలు నేర్చుకుంటారు.
ప్రోత్సాహం అందించాలి..
పిల్లలు ఏ చిన్న మంచి పని చేసినా లేదా ఆటల్లో, చదువులో ప్రయత్నించినా మెచ్చుకోవాలి. ఓడిపోయినప్పుడు నిరాశపడకుండా, మళ్లీ ప్రయత్నించేలా ధైర్యం చెప్పాలి.
శాంతంగా, సహనంతో ఉండాలి..
పరిస్థితులు ఎలా ఉన్నా ఇంట్లో ప్రశాంతమైన వాతావరణం ఉండేలా చూసుకోవాలి. తల్లిదండ్రులు కోపంగా కాకుండా సహనంతో నిర్ణయాలు తీసుకోవడం చూస్తే, పిల్లలు కూడా ఒత్తిడిని ఎలా తట్టుకోవాలో నేర్చుకుంటారు.
పిల్లల ముందు తల్లిదండ్రులు ఇలా ఉండకూడదు..
గొడవలు పడకూడదు..
తల్లిదండ్రులు పిల్లల ఎదుట అరుచుకోవడం, పెద్దగా గొడవపడటం అసలు చేయకూడదు. ఇది వారిని తీవ్ర భయానికి, ఆందోళనకు గురిచేస్తుంది. వారి మనస్సులో అభద్రతా భావం ఏర్పడుతుంది.
ఇతరులతో పోల్చకూడదు..
పక్కింటి పిల్లలతోనో లేదా తోబుట్టువులతోనో పోల్చి మాట్లాడకూడదు. నువ్వు దేనికి పనికిరావు అని తక్కువ చేసి మాట్లాడితే వారిలో ఆత్మవిశ్వాసం దెబ్బతింటుంది.
ఎప్పుడూ ఫోన్లకే పరిమితం కాకూడదు..
పిల్లల ముందు తల్లిదండ్రులు గంటల తరబడి మొబైల్ ఫోన్లు వాడటం, టీవీలు చూడటం తగ్గించాలి. తల్లిదండ్రులే ఫోన్ పట్టుకుని కూర్చుంటే, పిల్లలకు దూరంగా ఉండమని చెప్పే హక్కు తల్లిదండ్రులు కోల్పోతారు.
అబద్ధాలు చెప్పడం లేదా ఇతరులను దూషించడం..
తల్లిదండ్రులు తమకు తెలియకుండానే పిల్లల ముందు చిన్న చిన్న అబద్ధాలు చెప్పడం లేదా ఇతరుల గురించి చెడుగా మాట్లాడటం చేయకూడదు. అది చూసి పిల్లలు కూడా అబద్ధాలు చెప్పడం సహజమేనని అనుకుంటారు.
అతిగా కోప్పడటం లేదా కొట్టడం..
చిన్న చిన్న పొరపాట్లకు పిల్లలపై విరుచుకుపడటం, కొట్టడం చేయకూడదు. అలా చేస్తే వారిలో మొండితనం పెరుగుతుంది తప్ప మార్పు రాదు.
పిల్లలకు తల్లిదండ్రులు ఇచ్చే అతిపెద్ద బహుమతి డబ్బు, ఆస్తులు కాదు, ఒక మంచి, సురక్షితమైన వాతావరణం. ప్రేమ, సహనం, ఆప్యాయతలతో కూడిన పెంపకమే వారిని భవిష్యత్తులో ఉత్తమ పౌరులుగా తీర్చిదిద్దుతుంది.
*రూపశ్రీ.
మన భారతీయుల నిత్య జీవితంలో అన్నం లేని ఆహారాన్ని ఊహించుకోవడం కూడా కష్టమే. పొద్దున, మధ్యాహ్నం, రాత్రి అని తేడా లేకుండా ప్రతిరోజూ ప్లేట్ నిండా తెల్లటి పాలిష్ చేసిన బియ్యాన్ని తినడానికి అలవాటుపడిపోయాం. అయితే, రుచికి ఎంతో బాగుండే ఈ పాలిష్డ్ తెల్ల బియ్యం మన ఆరోగ్యానికి ఎంతటి చేటు చేస్తుందో అని తెలిస్తే ఎవరైనా సరే ముక్కున వేలేసుకోవాల్సిందే. ధాన్యం నుంచి లభించే పోషకాలను, పీచు పదార్థాన్ని పాలిషింగ్ ప్రక్రియ ద్వారా పూర్తిగా తొలగించి కేవలం పిండి పదార్థాన్ని మాత్రమే మిగిల్చే తెల్ల బియ్యం కంటే, తృణధాన్యాల వర్గానికి చెందిన బ్రౌన్ రైస్ (తవుడు తీయని బియ్యం) రోజూ తీసుకోవడం వల్ల అపారమైన ఆరోగ్య ప్రయోజనాలు లభిస్తాయని పోషకాహార నిపుణులు స్పష్టం చేస్తున్నారు.
ఆరోగ్యకరమైన జీవితాన్ని గడపాలనుకునే వారికి, ముఖ్యంగా ఆధునిక జీవనశైలి వ్యాధులతో బాధపడుతున్న వారికి బ్రౌన్ రైస్ ఒక దివ్యౌషధంగా పనిచేస్తుంది. తెల్ల బియ్యంతో పోలిస్తే బ్రౌన్ రైస్లో విటమిన్ బి1, విటమిన్ బి3, విటమిన్ బి6 వంటి అత్యవసర విటమిన్లు, అలాగే మాంగనీస్, మెగ్నీషియం, భాస్వరం, ఇనుము మరియు జింక్ వంటి ఖనిజ లవణాలు సమృద్ధిగా లభిస్తాయి. వీటన్నింటికీ మించి బ్రౌన్ రైస్లో లభించే అధిక పీచు పదార్థం (ఫైబర్) జీర్ణ వ్యవస్థ పనితీరును మెరుగుపరచడంలో కీలక పాత్ర పోషిస్తుంది. ఇది కడుపులో ఉండి నెమ్మదిగా అరుగుతుంది. కాబట్టి కొద్దిగా తిన్నా సరే కడుపు త్వరగా నిండిన భావన కలుగుతుంది. ఫలితంగా అతిగా తినే అలవాటు తగ్గి, బరువు తగ్గాలనుకునే వారికి మరియు ఊబకాయంతో బాధపడేవారికి బ్రౌన్ రైస్ ఒక అద్భుతమైన ఆహార ఎంపికగా మారుతుంది.
ప్రస్తుత కాలంలో చిన్న వయసులోనే చాలామందిని వేధిస్తున్న ప్రధాన సమస్య మధుమేహం లేదా టైప్ 2 డయాబెటిస్. తెల్లటి బియ్యం తిన్నప్పుడు అందులోని పిండి పదార్థం వేగంగా రక్తంలో గ్లూకోజ్గా మారి షుగర్ లెవెల్స్ను ఒక్కసారిగా పెంచేస్తుంది. కానీ బ్రౌన్ రైస్ యొక్క గ్లైసిమిక్ ఇండెక్స్ (GI) చాలా తక్కువగా ఉంటుంది. దీనిని ఆహారంగా తీసుకున్నప్పుడు రక్తంలో చక్కెర స్థాయిలు ఒకేసారి పెరగకుండా చాలా నెమ్మదిగా విడుదలవుతాయి. అందువల్ల డయాబెటిస్ బాధితులు బ్రౌన్ రైస్ను తమ రోజువారీ ఆహారంలో భాగం చేసుకోవడం ద్వారా రక్తంలో షుగర్ స్థాయిలను చాలా సులభంగా అదుపులో ఉంచుకోవచ్చు.
అంతేకాకుండా, హృదయ సంబంధిత వ్యాధులతో బాధపడుతున్న వారికి మరియు గుండె ఆరోగ్యాన్ని పటిష్టం చేసుకోవాలనుకునే వారికి బ్రౌన్ రైస్ ఎంతో మేలు చేస్తుంది. ఇందులో లభించే పీచు పదార్థం, మాంగనీస్ మరియు శక్తివంతమైన యాంటీఆక్సిడెంట్లు శరీరంలో పేరుకుపోయిన చెడు కొలెస్ట్రాల్ (LDL) స్థాయిలను తగ్గించి, మంచి కొలెస్ట్రాల్ను పెంచడంలో దోహదపడతాయి. ఇది రక్తనాళాల్లో కొవ్వు పేరుకుపోకుండా కాపాడి, రక్తపోటును (బిపి) అదుపులో ఉంచుతుంది. దీనివల్ల గుండెపోటు, పక్షవాతం వంటి తీవ్రమైన ముప్పుల నుంచి రక్షణ లభిస్తుంది. శరీరానికి అవసరమైన తక్షణ శక్తిని అందిస్తూ, మెదడు నాడీ వ్యవస్థను వేగవంతం చేయడంలో బ్రౌన్ రైస్ సహాయపడుతుంది. ప్రతిరోజూ ఒక పూట తెల్ల బియ్యానికి బదులుగా బ్రౌన్ రైస్ను అలవాటు చేసుకోవడం ద్వారా పరిపూర్ణ ఆరోగ్యవంతమైన జీవనాన్ని సొంతం చేసుకోవచ్చు.
[ Brown Rice, White Rice, Whole Grains, Dietary Fiber, Diabetes, Blood Sugar, Low Glycemic Index, Weight Management, Heart Health, Cholesterol ]
ఛాతిలో నొప్పి వస్తే అది గ్యాస్ సమస్యా? లేక గుండెపోటు లక్షణమా? ఈ రెండింటి మధ్య తేడాను ఎలా గుర్తించాలి? గుండెపోటు వచ్చినప్పుడు కనిపించే ముఖ్యమైన లక్షణాలు ఏమిటి? ఈ వీడియోలో కార్డియాలజిస్ట్ డాక్టర్ రాజేష్ నటువా గారు వివరంగా చెబుతున్నారు.
ఛాతీ మధ్యలో బరువుగా, బిగుతుగా లేదా పిండుతున్నట్టుగా అనిపించడం, నొప్పి ఎడమ చేయి, మెడ లేదా పొట్ట వైపు వ్యాపించడం వంటి లక్షణాలతో పాటు విపరీతమైన చెమటలు, శ్వాస తీసుకోవడంలో ఇబ్బంది, ఆందోళన, త్వరగా అలసిపోవడం వంటి సంకేతాలను కూడా తెలుసుకోండి.
ముఖ్యంగా డయాబెటిస్ ఉన్నవారు, 70 ఏళ్లు పైబడినవారు, మహిళల్లో కొన్నిసార్లు సాధారణ ఛాతినొప్పికి బదులుగా గ్యాస్ లేదా హార్ట్బర్న్లా లక్షణాలు కనిపించవచ్చు. డయాబెటిస్, అధిక రక్తపోటు, ఊబకాయం, పొగతాగడం, మద్యం వంటి గుండెపోటు ప్రమాద కారకాలు ఉన్నప్పుడు లక్షణాలను నిర్లక్ష్యం చేయకుండా వెంటనే వైద్య సహాయం తీసుకోవడం ఎందుకు ముఖ్యమో తెలుసుకోండి.
చిన్న వయసులోనే గుండెపోటు ఎందుకు వస్తోంది? జంక్ ఫుడ్, శారీరక శ్రమ తగ్గిపోవడం, అధిక బరువు, కుటుంబ చరిత్ర, జన్యుపరమైన కారణాలు, కొలెస్ట్రాల్ వంటి అంశాలు గుండె ఆరోగ్యంపై ఎలా ప్రభావం చూపుతాయో కూడా ఈ వీడియోలో తెలుసుకోవచ్చు.
ఛాతినొప్పిని సాధారణ గ్యాస్ సమస్యగా భావించే ముందు ఈ ముఖ్యమైన విషయాలను తప్పక తెలుసుకోండి.
మీ ఆరోగ్య సమస్య ఏదైనా... మా హెల్త్ యూట్యూబ్ ఛానల్లో సీనియర్ డాక్టర్స్ చెప్పిన సలహాలు... సూచనలు ఉన్నాయి. మా యూట్యూబ్ ఛానల్ కోసం ఇక్కడ క్లిక్ చేయండి 👉 TeluguOne Health (సబ్స్క్రైబ్ చేయడం మర్చిపోకండి!)
ఉదయాన్నే పరగడుపున నీరు తాగడం ఆరోగ్యానికి చాలా మంచిదని మన పెద్దలు, వైద్యులు ఎప్పుడూ చెబుతుంటారు. అయితే సాధారణంగా నిలబడి లేదా కుర్చీలో కూర్చుని నీరు తాగడం కంటే.. మలాసనంలో (స్క్వాట్ పొజిషన్) కూర్చుని నీరు తాగడం వల్ల రెట్టింపు ప్రయోజనాలు ఉంటాయని చెబుతున్నారు. ఇలా మలాసనంలో కూర్చుని ఉదయాన్నే నీరు ఎందుకు తాగాలి? దీని వెనుక ఉన్న అసలైన కారణాలు, ఆరోగ్య రహస్యాలు ఏమిటో వివరంగా తెలుసుకుంటే..
మలాసనం అంటే ఏమిటి?
మలాసనం అంటే నేలపై రెండు కాళ్లను ముందుకు చాపి, మోకాళ్లను వంచి, పిరుదులు నేలకు దగ్గరగా ఉండేలా కూర్చునే పద్ధతి. మనం పాతకాలంలో వాడే ఇండియన్ టాయిలెట్ లో కూర్చునే పద్ధతి కూడా ఇదే. ఈ భంగిమ మన శరీరానికి చాలా సహజమైనది.
మలాసనంలో కూర్చుని నీరు తాగడం వల్ల కలిగే లాభాల..
జీర్ణక్రియ వేగవంతం అవుతుంది..
మలాసనంలో కూర్చున్నప్పుడు మన పొట్ట భాగం మీద సహజమైన ఒత్తిడి పడుతుంది. ఈ సమయంలో నీరు తాగినప్పుడు, ఆ నీరు నేరుగా ప్రేగుల్లోకి సులభంగా వెళ్తుంది. దీనివల్ల జీర్ణవ్యవస్థ మేల్కొని, రాత్రి తిన్న ఆహారం బాగా అరిగిపోతుంది.
మలబద్ధకం సమస్య మాయం..
చాలామంది ఉదయాన్నే మలబద్ధకం సమస్యతో బాధపడుతుంటారు. మలాసనంలో కూర్చుని నీరు తాగడం వల్ల పెద్దప్రేగుపై సరైన ఒత్తిడి కలిగి, ప్రేగుల కదలికలు పెరుగుతాయి. దీంతో పొట్ట త్వరగా శుభ్రపడుతుంది. రోజూ ఇలా చేస్తే మలబద్ధకం, గ్యాస్, కడుపు ఉబ్బరం వంటి సమస్యలు దూరమవుతాయి.
శరీరంలోని వ్యర్థాలు బయటకు వెళ్తాయి..
రాత్రి సమయంలో మన శరీరం అంతర్గతంగా శుభ్రపడే ప్రక్రియ జరుగుతుంది. ఉదయాన్నే మలాసనంలో నీరు తాగడం వల్ల శరీరంలో పేరుకుపోయిన విష పదార్థాలు, వ్యర్థాలు మూత్రం , మలం ద్వారా బయటకు సులభంగా వెళ్ళిపోతాయి.
కిడ్నీలు ఆరోగ్యంగా ఉంటాయి..
నిలబడి నీరు తాగడం వల్ల నీరు వేగంగా కిడ్నీల గుండా ప్రవహించి, సరైన వడపోత జరగదు. కానీ మలాసనంలో కూర్చుని నీరు తాగినప్పుడు శరీరం నీటిని సరిగ్గా పీల్చుకుంటుంది. దీనివల్ల కిడ్నీల మీద భారం పడదు, మూత్రపిండాలు ఆరోగ్యంగా ఉంటాయి.
కీళ్ల నొప్పులు రావు..
నిలబడి నీరు తాగే అలవాటు ఉన్నవారికి భవిష్యత్తులో మోకాళ్ల నొప్పులు, కీళ్ల నొప్పులు వచ్చే అవకాశం ఉందని ఆయుర్వేదం చెబుతోంది. అదే కూర్చుని, ముఖ్యంగా మలాసనంలో నీరు తాగడం వల్ల శరీరంలోని ద్రవాల సమతుల్యత దెబ్బతినకుండా ఉంటుంది.
ఈ పద్ధతిని ఎలా పాటించాలి?
ఉదయాన్నే లేవగానే నోరు శుభ్రం చేసుకుని లేదా చేసుకోవడానికి ముందే ఒక లీటరు లేదా రెండు గ్లాసుల గోరువెచ్చని నీటిని తీసుకోవాలి.
నేలపై శుభ్రమైన చాప లేదా మ్యాట్ వేసుకుని మలాసనంలో కూర్చోవాలి.
నీటిని ఒక్కసారిగా వేగంగా తాగకుండా, ఒక్కో గుటక మెల్లగా ఆస్వాదిస్తూ తాగాలి.
నీరు తాగాక ఒక ఐదు నిమిషాలు అలాగే కూర్చుంటే పొట్టలో కదలికలు మొదలై, మలవిసర్జన సులభంగా జరుగుతుంది.
ఈ సమస్యలు ఉన్నవారు జాగ్రత్తలు తీసుకోవాలి..
మోకాళ్ల నొప్పులు తీవ్రంగా ఉన్నవారు, ఇటీవలే శస్త్రచికిత్సలు చేయించుకున్నవారు లేదా నడవడానికి ఇబ్బంది పడేవారు మలాసనంలో కూర్చోవడం కష్టం కావచ్చు. అలాంటి వారు మామూలుగా కుర్చీలో కూర్చుని గోరువెచ్చని నీరు తాగవచ్చు.
ఉదయాన్నే మలాసనంలో కూర్చుని నీరు తాగడం అనేది ఒక సహజమైన , అద్భుతమైన ఆరోగ్య అలవాటు. ఎలాంటి ఖర్చు లేకుండా మన శరీరాన్ని ఆరోగ్యంగా ఉంచుకోవడానికి ఈ చిన్న మార్పు ఎంతగానో ఉపయోగపడుతుంది.
*రూపశ్రీ.
గుండె ఆరోగ్యాన్ని జాగ్రత్తగా చూసుకోవడానికి డాక్టర్లు చెప్పిన సలహాలు..!
గుండె ఆరోగ్యాన్ని కాపాడుకోవడం అనేది ఒక్క రోజులో జరిగే పని కాదు. నేటి ఆధునిక జీవనశైలి, సరైన పోషకాహారం లేకపోవడం, శారీరక శ్రమ తగ్గడం వంటి అనేక కారణాల వల్ల చిన్న వయసులోనే గుండె సంబంధిత సమస్యలు పెరుగుతున్నాయి. నివేదికల ప్రకారం మన దేశంలో సంభవిస్తున్న మరణాలలో ఎక్కువ భాగం గుండె జబ్బుల వల్లే జరుగుతున్నాయని నిపుణులు హెచ్చరిస్తున్నారు. కేవలం సమస్య వచ్చిన తర్వాత జాగ్రత్తలు తీసుకోవడం కంటే, ముందే మన లైఫ్ స్టైల్ లో కొన్ని చిన్న మార్పులు చేసుకోవడం ద్వారా గుండెను సురక్షితంగా ఉంచుకోవచ్చని ప్రముఖ వైద్యులు సూచిస్తున్నారు. వాటి గురించి వివరంగా తెలుసుకుంటే..
చురుగ్గా ఉండటం..
బాగా వర్కవుట్లు చేయలేకపోయినా, రోజూ కొంత సమయం నడవడాన్ని అలవాటు చేసుకోవాలి. రోజంతా ఒకే చోట కూర్చుని పనిచేసే వారు మధ్యమధ్యలో లేచి కాసేపు అటుఇటు తిరగడం వల్ల శరీరంలో రక్తం సరఫరా మెరుగ్గా ఉంటుంది.
ఆహారం..
బరువు తగ్గడం కోసమే కాకుండా, శరీర జీవక్రియలను క్రమబద్ధీకరించే పౌష్టికాహారాన్ని ఎంచుకోవాలి. మనం ప్రతిరోజూ తీసుకునే ఆహారం ఎంత పరిమాణంలో ఉందో, అందులో ఎలాంటి పోషకాలు ఉన్నాయో గమనించడం చాలా అవసరం. దీర్ఘకాలంలో గుండెకు మేలు చేసే బాలెన్స్డ్ ఆహారాన్ని అలవాటు చేసుకోవడం మంచిది.
కండరాలను బలంగా ఉంచే వ్యాయామాలు..
వయసు పెరుగుతున్న కొద్దీ శరీరంలో కండరాల సాంద్రత తగ్గుతుంది. అందుకే స్ట్రెంగ్త్ ట్రైనింగ్ లేదా కండరాలను దృఢపరిచే వ్యాయామాలు చేయడం ద్వారా రక్తపోటు అదుపులో ఉంటుందని, ఇది గుండె ఆరోగ్యానికి ఎంతో రక్షణ ఇస్తుందని వైద్యులు చెబుతున్నారు.
మానసిక ఒత్తిడిని తగ్గించుకోవడం..
ఇప్పటి వేగవంతమైన జీవితంలో ఒత్తిడి చాలా సాధారణమైపోయింది. ఒత్తిడి గుండెపై తీవ్ర ప్రభావం చూపుతుంది. అందుకే మనస్సును, నాడీ వ్యవస్థను ప్రశాంతంగా ఉంచడానికి సంగీతం వినడం, ధ్యానం చేయడం, లోతైన శ్వాస తీసుకోవడం వంటివి చేయాలి. రోజులో కొంత సమయాన్ని మనస్సును తేలికపరిచే కార్యకలాపాల కోసం కేటాయించడం చాలా ఉపయోగకరం.
గుండెను ఆరోగ్యంగా ఉంచుకోవడానికి ఏవేవో ప్రయోగాలు చేయాల్సిన అవసరం లేదు. మన రోజువారీ అలవాట్లలో నడకను భాగం చేసుకోవడం, మంచి ఆహారం తీసుకోవడం, ఒత్తిడిని దూరం చేసుకోవడం వంటి చిన్న చిన్న మార్పుల ద్వారానే ఆరోగ్యకరమైన జీవితాన్ని పొందవచ్చని వైద్యులు చెబుతున్నారు.
*రూపశ్రీ.