LATEST NEWS
.webp)
ఆంధ్రప్రదేశ్ రాజకీయాల్లో దశాబ్దాల పాటు వైయస్ కుటుంబంతో అత్యంత సన్నిహితంగా మెలిగిన కీలక నేత విజయసాయి రెడ్డి, ఇప్పుడు సొంత పొలిటికల్ జర్నీ ప్రారంభించిన సంగతి విదితమే. వైసీపీ అధినేత జగన్ కు అత్యంత నమ్మకమైన చార్టర్డ్ అకౌంటెంట్‌గా, రాజకీయ వ్యూహకర్తగా పనిచేసిన ఆయన, పరివర్తన రాజనీతి పార్టీ (పీఆర్పీ) పేరుతో నూతన రాజకీయ పార్టీని స్థాపించి రాష్ట్ర రాజకీయాల్లో కలకలం రేపారు. వైయస్ కుటుంబ నీడ నుంచి బయటపడి, తనకంటూ ఒక స్వతంత్ర రాజకీయ అస్తిత్వాన్ని నిర్మించుకోవాలనే లక్ష్యంతో ఆయన క్షేత్రస్థాయిలో పార్టీ నిర్మాణ పనులను వేగవంతం చేశారు.
కొత్త పార్టీ ఆవిర్భావ వేదికపై విజయసాయి రెడ్డి ఊహించిన విధంగానే వైసీపీ అధినేత జగన్ పై విమర్శలు గుప్పించారు. జగన్ మత విశ్వాసాలను ప్రస్తావిస్తూ, క్రైస్తవ మతాన్ని ఆచరిస్తూనే రాజకీయ ప్రయోజనాల కోసం రెడ్డి సామాజిక వర్గ మద్దతును ఆశిస్తున్నారంటూ ఘాటు వ్యాఖ్యలు చేశారు.
ఈ వ్యాఖ్యలు వైసీపీ వర్గాలలో తీవ్ర ఆగ్రహాన్ని కలిగించాయి. సాయిరెడ్డి చేసిన ఈ విమర్శలకు, ఆయన కొత్త పార్టీకి వైసీపీ నుంచి ఎవరు, ఎలాంటి సమాధానం ఇస్తారనే అంశంపై రాజకీయ వర్గాల్లో ఉత్కంఠ నెలకొంది.
ఈ నేపథ్యంలో వైయస్ జగన్మోహన్ రెడ్డికి అత్యంత సన్నిహితుడైన చెవిరెడ్డి భాస్కర్ రెడ్డి వైసీపీ తరపున తొలిసారిగా విజయసాయి పార్టీపై స్పందించారు. అయితే, ఆయన తన స్పందనను చాలా సాధారణంగా, క్లుప్తంగా ముగించడమే కాకుండా విజయసాయి రెడ్డిని తేలికగా తీసుకున్నట్లు కనిపించింది.
ఇది కూడా చదవండి: విజయసాయి పెట్టబోయే కొత్త పార్టీ: చేరబోయే కొత్త నేత.. ఎవరో తెలుసా.?
సాయిరెడ్డి పేరును ఎక్కడా నేరుగా ప్రస్తావించకుండానే ఆయన సొంత పార్టీని చాలా తేలికగా తీసుకుంటున్నట్లు మాట్లాడారు. విజయసాయి పేరు నేరుగా ప్రస్తావించకుండా జగన్మోహన్ రెడ్డి అండదండలు ఉన్నంత కాలం కొంతమంది వ్యక్తులు తమ గురించి తాము ఎక్కువగా ఊహించుకుంటారని విమర్శించారు.
జగన్ కల్పించిన నమ్మకం, విశ్వసనీయత వల్లే వారికి రాజకీయ వేదిక లభించిందని, కానీ నేడు వారు పార్టీ కంటే తామే గొప్ప అని భ్రమపడుతున్నారని చెవిరెడ్డి అన్నారు. జగన్ లేకపోతే వ్యక్తిగతంగా వారికి ఎటువంటి గుర్తింపు, విలువ లేవనే విషయాన్ని గ్రహించలేకపోతున్నారని అన్నారు. ఇలాంటి ప్రాధాన్యత లేని, ప్రభావం చూపలేని చిన్న పార్టీల వల్ల వైసీపీకి వచ్చే నష్టం ఇసుమంతైనా ఉండదన్నారు.
మీకునచ్చవచ్చు: విజయసాయి కొత్త పార్టీ: వైసీపీకి జరిగే నష్ట మేంటి.. రాష్ట్ర రాజకీయాల్లో పీఆర్పీ ప్రభావమెంత.?
విజయసాయి కొత్త పార్టీ: వైసీపీ బీ టీమ్ అంటూ చర్చలు.!
[Vijaya Sai Reddy PRP Party, Chevireddy Reaction, YCP TeluguOn]
1999లో ఎయిర్‌పోర్టుల గురించి ఎవరూ పెద్దగా ఆలోచించని సమయంలోనే.. సీఎం చంద్రబాబు నాయుడు శంషాబాద్‌లో అంతర్జాతీయ విమానాశ్రయం నిర్మాణంపై దృష్టి పెట్టారు. నేడు ఆ విమానాశ్రయం వల్ల ఏటా రూ.75 వేల కోట్ల ఆర్థిక కార్యకలాపాలు జరుగుతున్నాయి” అని జీఎంఆర్ గ్రూప్ ఛైర్మన్ గ్రంధి మల్లికార్జున రావు అన్నారు.
ఏపీ పారిశ్రామిక భవిష్యత్తుకు సరికొత్త దిశ.!
విశాఖపట్నంలో జరుగుతున్న 31వ సీఐఐ భాగస్వామ్య సదస్సు–2026లో జీఎంఆర్ గ్రూప్ ఛైర్మన్ గ్రాంధి మల్లికార్జున రావు ప్రసంగించారు. ఆంధ్రప్రదేశ్‌లో పెట్టుబడులకు ఉన్న అవకాశాలు, రాష్ట్ర పారిశ్రామిక భవిష్యత్తు, ప్రభుత్వ విధానాలపై తన అభిప్రాయాలను వెల్లడించారు. ప్రపంచ వాణిజ్యం, సాంకేతికత, విశ్వాసం, నాయకత్వం కీలకంగా మారుతున్న ప్రస్తుత పరిస్థితుల్లో ఏపీకి అపారమైన అవకాశాలున్నాయని పేర్కొన్నారు.
పారిశ్రామిక ప్రగతితో యువతకు ఉపాధి.!
రాష్ట్రంలో అంతర్జాతీయ స్థాయి మౌలిక సదుపాయాలు, ఓడరేవులు, విమానాశ్రయాలు, కార్గో కనెక్టివిటీ అభివృద్ధి చెందితే ఏపీ ప్రపంచ వాణిజ్యంలో కీలక పాత్ర పోషిస్తుందని ఆయన అభిప్రాయపడ్డారు. ముఖ్యంగా పారిశ్రామిక రంగంలో పెట్టుబడులు పెరగడం వల్ల స్థానిక యువతకు పెద్దఎత్తున ఉద్యోగ, ఉపాధి అవకాశాలు లభిస్తాయని తెలిపారు. ఉద్యోగాల కోసం ఇతర రాష్ట్రాలకు, విదేశాలకు వలస వెళ్లాల్సిన అవసరం తగ్గుతుందని పేర్కొన్నారు.
చంద్రబాబు నాయకత్వంపై ప్రశంసలు.!
పెట్టుబడిదారులు ఒక రాష్ట్రంలో పెట్టుబడులు పెట్టాలంటే ప్రభుత్వంపై నమ్మకం, విధానాల్లో పారదర్శకత, నిర్ణయాల్లో వేగం ఎంతో ముఖ్యమని మల్లికార్జున రావు అన్నారు. ముఖ్యమంత్రి చంద్రబాబు నాయుడుకు ఉన్న ముందుచూపు, దీర్ఘకాలిక అభివృద్ధి లక్ష్యాలు పారిశ్రామికవేత్తల్లో విశ్వాసాన్ని పెంచుతున్నాయని ప్రశంసించారు. రాబోయే 25 ఏళ్ల భవిష్యత్తును దృష్టిలో పెట్టుకుని ప్రభుత్వం తీసుకుంటున్న నిర్ణయాలు రాష్ట్ర ప్రగతికి దోహదపడతాయని పేర్కొన్నారు.
పెట్టుబడులకు ఏపీ సరైన గమ్యస్థానం.!
కేంద్ర ప్రభుత్వంతో సమన్వయం చేసుకుంటూ రాష్ట్రాన్ని అభివృద్ధి పథంలో నడిపిస్తున్న తీరు అభినందనీయమన్నారు. బలమైన నాయకత్వం, వేగవంతమైన నిర్ణయాలు, ప్రభుత్వ సహకారం ఉన్న ఆంధ్రప్రదేశ్‌లో పెట్టుబడులు పెట్టేందుకు ఇదే సరైన సమయమని పారిశ్రామికవేత్తలకు పిలుపునిచ్చారు. రాష్ట్రంలో పరిశ్రమలు, మౌలిక సదుపాయాలు అభివృద్ధి చెందితే లక్షలాది కుటుంబాల ఆర్థిక పరిస్థితి మెరుగుపడటంతో పాటు యువతకు ఉజ్వల భవిష్యత్తు లభిస్తుందని ఆశాభావం వ్యక్తం చేశారు.
మీకు నచ్చవచ్చు: సజ్జనార్ యూనిఫామ్‌లో ఉన్న క్రిమినల్..సీబీఐ మాజీ డైరెక్టర్ సంచలన వ్యాఖ్యలు.!
మీకు నచ్చవచ్చు: హైదరాబాద్ పోలీస్ బాస్ మార్పు.. సజ్జనార్ స్థానంలో మహేశ్ భగవత్.!
[ CII Partnership Summit 2026, CM Chandrababu Naidu, GMR Group, Grandhi Mallikarjuna Rao, Shamshabad Airport, Hyderabad Airport ]
ఇంట్లో ఆడపిల్ల జన్మిస్తే ఆ ఇంటికి మహాలక్ష్మి వచ్చినట్టేనని పెద్దలు అంటారు. పంజాబ్‌లో చోటుచేసుకున్న ఒక అరుదైన ఘటన ఈ నానుడిని అక్షరాలా నిజం చేసింది. తీవ్ర ఆర్థిక ఇబ్బందుల్లో కూరుకుపోయిన ఒక పేద కుటుంబానికి, పుట్టిన పసిపాప అదృష్టాన్ని మోసుకొచ్చింది. చిన్నారి వెలుగు చూసిన ఒక్క రోజూ తిరగకముందే ఆ తండ్రిని కోట్లలో సంపద వరించింది.
పంజాబ్‌లోని మాన్సా జిల్లా బరేటా ప్రాంతానికి చెందిన యుధ్‌వీర్ సింగ్ వడ్రంగి పని చేస్తూ జీవనం సాగిస్తున్నాడు. రోజువారీ సంపాదనతో కుటుంబాన్ని నెట్టుకొస్తున్న అతనికి, ఇల్లు కట్టే క్రమంలో చేసిన అప్పులు పెరిగిపోయాయి. భార్య హర్మన్ కౌర్ గర్భవతిగా ఉన్న సమయంలో కుటుంబ పోషణ భారం మరింత భారంగా మారింది.
ఈ తరుణంలో నవంబర్ 4న భార్యను ఆసుపత్రికి తీసుకెళ్తున్న సమయంలో మార్గమధ్యంలో ఒక లాటరీ స్టాల్ కనిపించింది. భార్య వారించినప్పటికీ, ఆమె పేరు మీదే రూ. 200 పెట్టి ఒక ‘పంజాబ్ స్టేట్ డియర్ 200 మంత్లీ’ లాటరీ టికెట్‌ను యుధ్‌వీర్ కొనుగోలు చేశాడు. జీవితంలో తొలిసారి అతను ఈ ప్రయోగం చేయడం విశేషం.
ఆ తర్వాత నవంబర్ 6న హర్మన్ కౌర్ పండంటి ఆడబిడ్డకు జన్మనిచ్చింది. ఇంట్లో సిరిమల్లె లాంటి పాప అడుగుపెట్టడంతో ఆ దంపతుల ఆనందానికి అవధులు లేకుండా పోయాయి. అయితే, ఆ సంతోషం మరవకముందే మరుసటి రోజు అనగా నవంబర్ 7న వచ్చిన లాటరీ ఫలితాలు ఆ కుటుంబాన్ని నివ్వెరపరిచాయి.
ఇది కూడా చదవండి: హైదరాబాద్ పోలీస్ బాస్ మార్పు.. సజ్జనార్ స్థానంలో మహేశ్ భగవత్.!
యుధ్‌వీర్ కొన్న ఆ ఒక్క లాటరీ టికెట్‌కు నంబర్ వన్ ప్రైజ్ తగిలింది. ఏకంగా రూ. 1.5 కోట్ల భారీ బహుమతి ఆ కుటుంబం సొంతమైంది. బిడ్డ పుట్టిన 24 గంటలు కూడా గడవకముందే కోటీశ్వరులు కావడంతో బంధుమిత్రులు సైతం ఆశ్చర్యపోతున్నారు. తమ ఇంటికి సాక్షాత్తు మహాలక్ష్మి రూపంలో కూతురు వచ్చిందని భావించి ఆ దంపతులు చిన్నారికి ‘బర్కత్’ అని నామకరణం చేశారు.
ఈ అనూహ్య పరిణామంపై యుధ్‌వీర్ స్పందిస్తూ.. దేవుడు తమ కష్టాలను కనుమరులు చేసేందుకే బిడ్డ రూపంలో ఈ అదృష్టాన్ని ప్రసాదించాడని ఆనందం వ్యక్తం చేశాడు. వచ్చిన డబ్బుతో ముందుగా అప్పులన్నీ తీర్చేస్తానని, మిగిలిన మొత్తాన్ని కూతురి భవిష్యత్తు కోసం పక్కాగా పెట్టుబడి పెడతానని తెలిపాడు.
నిరుపేద కుటుంబంలో పుట్టిన ఆ చిన్నారి పుట్టుకతోనే ఇంట సంపదను నింపడం స్థానికంగా చర్చనీయాంశమైంది. ఈ అరుదైన సంఘటన ప్రస్తుతం సోషల్ మీడియాలో సైతం వైరల్ అవుతుండటంతో ఆ కుటుంబానికి అందరూ అభినందనలు తెలుపుతున్నారు. భవిష్యత్తులో ఆ పాప ఉన్నత చదువులు చదివి కుటుంబానికి మరింత పేరు తెస్తుందని స్థానికులు ఆశాభావం వ్యక్తం చేస్తున్నారు.
మీకు నచ్చవచ్చు: NVIDIA సీఈవో పదవికి జెన్సన్ హువాంగ్ రాజీనామా.. అసలు కారణం ఇదేనా.!
మీకు నచ్చవచ్చు: ఏపీకి కియా భారీ పెట్టుబడులు.. పెనుకొండలో మరో ప్లాంట్.!
[ Punjab State Dear Lottery, Mansa Bareta Punjab, Carpenter wins lottery, Punjab lottery winner,
15 crore lottery jackpot ]
.webp)
తెలంగాణ రాష్ట్రంలో పోలీస్ యంత్రాంగాన్ని ప్రక్షాళన చేసే దిశగా రాష్ట్ర ప్రభుత్వం అత్యంత కీలకమైన నిర్ణయం తీసుకుంది. ఇందులో భాగంగా రాష్ట్రవ్యాప్తంగా పలువురు సీనియర్ అధికారులను బదిలీ చేస్తూ అధికారిక ఉత్తర్వులు జారీ అయ్యాయి. పరిపాలనా సంస్కరణలు శాంతిభద్రతల పరిరక్షణ లక్ష్యంగా ఈ భారీ కసరత్తు చేపట్టినట్లు తెలుస్తోంది.
ఈ తాజా బదిలీల జాబితాలో మొత్తం 21 మంది ఐపీఎస్ అధికారులకు స్థానచలనం కల్పిస్తూ ప్రభుత్వం ఉత్తర్వులు వెలువరించింది. లా అండ్ ఆర్డర్, ఏసీబీ, సీఐడీ, మహిళా భద్రత, ట్రాఫిక్ విభాగాలతో పాటు పలు కీలక విభాగాధిపతులను మారుస్తూ తీసుకున్న ఈ నిర్ణయం రాజకీయ పోలీసు వర్గాల్లో తీవ్ర చర్చనీయాంశమైంది.
ఈ భారీ మార్పుల్లో భాగంగా హైదరాబాద్ పోలీస్ కమిషనరేట్‌కు నూతన సారథిని నియమించారు. ఇప్పటివరకు లా అండ్ ఆర్డర్ డీజీపీగా బాధ్యతలు నిర్వర్తించిన సీనియర్ ఐపీఎస్ అధికారి మహేష్ మురళీధర్ భగవత్‌ను హైదరాబాద్ నగర నూతన పోలీస్ కమిషనర్‌గా ప్రభుత్వం నియమించింది.
ఇప్పటివరకు హైదరాబాద్ సీపీగా సేవలు అందించిన ప్రముఖ ఐపీఎస్ అధికారి వీసీ సజ్జనార్‌ను అక్కడి నుంచి తప్పించి, తెలంగాణ ఫైర్, డిజాస్టర్ రెస్పాన్స్, ఎమర్జెన్సీ అండ్ సివిల్ డిఫెన్స్ విభాగం డైరెక్టర్ జనరల్‌గా (డీజీ) బదిలీ చేశారు. ఆయనకు అదనంగా స్పెషల్ ప్రొటెక్షన్ ఫోర్స్ (ఎస్పీఎఫ్) డీజీ బాధ్యతలను కూడా ప్రభుత్వం అప్పగించింది.
ఇక ఇతర కీలక నియామకాలను పరిశీలిస్తే, రాష్ట్ర శాంతిభద్రతల అదనపు డీజీపీగా అకున్ సబర్వాల్ నియమితులయ్యారు. ఆయనతో పాటు అవినీతి నిరోధక శాఖ (ఏసీబీ), సీఐడీ, జైళ్ల శాఖ, ఆర్టీసీ ట్రాఫిక్ మేనేజ్‌మెంట్ వంటి ప్రధాన విభాగాల్లోనూ ఉన్నత స్థాయి మార్పులు చోటు చేసుకున్నాయి.
ఇది కూడా చదవండి: ఏపీకి కియా భారీ పెట్టుబడులు.. పెనుకొండలో మరో ప్లాంట్.!
పరిపాలనా పరమైన అవసరాలు, అధికారుల పనితీరు సమర్థవంతమైన సేవలను అందించడమే లక్ష్యంగా ప్రభుత్వం ఈ నిర్ణయం తీసుకున్నట్లు అధికారిక వర్గాలు వెల్లడించాయి. గత కొంతకాలంగా రాష్ట్రంలో మారుతున్న పరిస్థితులకు అనుగుణంగా కీలక శాఖల్లో అనుభవజ్ఞులైన అధికారులకు బాధ్యతలు అప్పగించడం ప్రాధాన్యత సంతరించుకుంది.
కొత్తగా బాధ్యతలు చేపట్టిన ఉన్నత అధికారులు త్వరలోనే తమ విధుల్లో చేరనున్నారు. ఈ భారీ బదిలీల ద్వారా నూతన పోలీసు బాస్‌ల నేతృత్వంలో శాఖాపరమైన పనితీరు మరింత వేగవంతం అవుతుందని, ముఖ్యంగా నేరాల నియంత్రణ ప్రజా భద్రత విషయంలో కఠిన చర్యలు ఉంటాయని ప్రజలు మరియు వర్గాలు ఆశిస్తున్నాయి.
1. హైదరాబాద్ పోలీస్ కమిషనర్: మహేశ్ మురళీధర్ భగవత్ (1995 బ్యాచ్) ప్రస్తుతం డీజీపీ (లా అండ్ ఆర్డర్)గా ఉన్న ఆయనను హైదరాబాద్ పోలీస్ కమిషనర్‌గా నియమించారు. వీసీ సజ్జనార్ స్థానంలో బాధ్యతలు చేపట్టనున్నారు.
2. మహిళా భద్రత విభాగం డీజీపీ: డాక్టర్ సౌమ్య మిశ్రా (1994 బ్యాచ్). ప్రస్తుతం జైళ్ల శాఖ డీజీపీగా ఉన్న ఆమెను మహిళా భద్రత, షీ టీమ్స్, భరోసా విభాగాల డీజీపీగా నియమించారు. డీజీపీ ఆర్గనైజేషన్, డీజీపీ లీగల్ బాధ్యతలు కూడా అదనంగా అప్పగించారు.
3. జైళ్ల శాఖ డీజీపీ: స్వాతి లఖ్రా (1995 బ్యాచ్). డీజీపీ ఆర్గనైజేషన్, హోంగార్డ్స్ విభాగాల నుంచి జైళ్ల శాఖ డీజీపీగా బదిలీ చేశారు. డీజీపీ హోంగార్డ్స్ బాధ్యతలు అదనంగా అప్పగించారు.
4. ఏసీబీ డీజీపీ: చారు సిన్హా (1996 బ్యాచ్). ప్రస్తుతం సీఐడీ, మహిళా భద్రత, షీ టీమ్స్, భరోసా, ఏసీబీ బాధ్యతలు నిర్వహిస్తున్న ఆమెకు ఏసీబీ డీజీపీగా పూర్తి బాధ్యతలు అప్పగించారు. సీఐడీ డీజీపీగా అదనపు బాధ్యతలు కొనసాగుతాయి.
5. ఆర్టీసీ వైస్ చైర్మన్ అండ్ ఎండీ: డాక్టర్ అనిల్ కుమార్ (1996 బ్యాచ్). గ్రేహౌండ్స్, ఆక్టోపస్ డీజీపీగా ఉన్న ఆయనను తెలంగాణ రాష్ట్ర రోడ్డు రవాణా సంస్థ ఎండీగా నియమించారు.
6తెలంగాణ ఫైర్ సర్వీసెస్ డీజీ.. వీసీ సజ్జనార్(1996 బ్యాచ్). హైదరాబాద్ పోలీస్ కమిషనర్ పదవి నుంచి బదిలీ చేసి అగ్నిమాపక, విపత్తుల నిర్వహణ, అత్యవసర సేవలు, పౌర రక్షణ విభాగాల డీజీగా నియమించారు. ఎస్పీఎఫ్ డీజీ బాధ్యతలు అదనంగా అప్పగించారు.
7. పౌరసరఫరాల శాఖ కమిషనర్: వై. నాగిరెడ్డి (1997 బ్యాచ్). ఆర్టీసీ ఎండీ పదవి నుంచి బదిలీ చేసి పౌరసరఫరాల శాఖ కమిషనర్‌గా, ప్రభుత్వ ప్రత్యేక ప్రధాన కార్యదర్శిగా నియమించారు. పౌరసరఫరాల సంస్థ ఎండీ, లీగల్ మెట్రాలజీ కంట్రోలర్ బాధ్యతలు కూడా అదనంగా అప్పగించారు.
8. గ్రేహౌండ్స్, ఆక్టోపస్ డీజీపీ: విక్రమ్ సింగ్ మాన్ (1998 బ్యాచ్). ఫైర్ సర్వీసెస్ డీజీ పదవి నుంచి బదిలీ చేసి గ్రేహౌండ్స్, ఆక్టోపస్ డీజీపీగా నియమించారు. పోలీస్ హౌసింగ్ కార్పొరేషన్ డీజీపీ బాధ్యతలు అదనంగా అప్పగించారు.
9. ట్రాఫిక్ మేనేజ్‌మెంట్ డైరెక్టర్: ఎం. స్టీఫెన్ రవీంద్ర (1999 బ్యాచ్). పౌరసరఫరాల శాఖ నుంచి బదిలీ చేసి తెలంగాణ ట్రాఫిక్ మేనేజ్‌మెంట్, రోడ్ అండ్ రైల్ సేఫ్టీ బ్యూరో (టీజీ-టీమార్స్) డైరెక్టర్‌గా నియమించారు.
10. అదనపు డీజీపీ (లా అండ్ ఆర్డర్): అకున్ సబర్వాల్ (2001 బ్యాచ్). అదనపు డీజీపీగా నియమితులయ్యారు. కోఆర్డినేషన్, టెక్నికల్ సర్వీసెస్ (టి-స్పార్క్) బాధ్యతలు అదనంగా అప్పగించారు.
ఐజీ, డీఐజీ స్థాయిలోనూ కీలక మార్పులు.!
11. ఏసీబీ డైరెక్టర్: ఎస్. చంద్రశేఖర్ రెడ్డి (2004 బ్యాచ్). మల్టీ జోన్-1 ఐజీ నుంచి ఏసీబీ డైరెక్టర్‌గా బదిలీ.
12. మల్టీ జోన్-1 ఐజీ: కార్తికేయ (2006 బ్యాచ్). ఇంటెలిజెన్స్ ఐజీ నుంచి మల్టీ జోన్-1కు బదిలీ. ఐసీసీసీ డైరెక్టర్ బాధ్యతలు అదనంగా అప్పగించారు.!
13. రైల్వేస్ ఐజీ: కె. రమేష్ నాయుడు (2006 బ్యాచ్). రైల్వేస్ అండ్ రోడ్ సేఫ్టీ ఐజీ నుంచి రైల్వేస్ ఐజీగా నియామకం. టీజీ-టీమార్స్ డైరెక్టర్‌కు రిపోర్టు చేయనున్నారు.
14. రోడ్డు భద్రత, ట్రాఫిక్ జాయింట్ డైరెక్టర్: డి. జోయల్ డేవిస్ (2010 బ్యాచ్). హైదరాబాద్ ట్రాఫిక్ జాయింట్ కమిషనర్ నుంచి టీజీ-టీమార్స్‌కు బదిలీ. హైదరాబాద్ ట్రాఫిక్ జాయింట్ కమిషనర్ బాధ్యతలు అదనంగా కొనసాగుతాయి.
15. జోగులాంబ జోన్-7 డీఐజీ: జి. చందన దీప్తి (2012 బ్యాచ్). ఫ్యూచర్ సిటీ కమిషనరేట్ జాయింట్ కమిషనర్‌గా ఉన్న ఆమెకు జోగులాంబ జోన్-7 డీఐజీ బాధ్యతలు అదనంగా అప్పగించారు.
16. ఇంటెలిజెన్స్ డీఐజీ: ఆర్. భాస్కరన్ (2012 బ్యాచ్). సీఐ సెల్ డీఐజీగా ఉన్న ఆయనకు ఇంటెలిజెన్స్ డీఐజీ బాధ్యతలు అదనంగా అప్పగించారు.
17. బాసర జోన్-2 డీఐజీ: కె. నారాయణ నాయక్ (2009 బ్యాచ్). సీఐడీ, రాష్ట్ర నేర గణాంకాల విభాగం (ఎస్‌సీఆర్‌బీ) డీఐజీగా ఉన్న ఆయనకు బాసర జోన్-2 బాధ్యతలు అదనంగా అప్పగించారు.
18. డీఐజీ కోఆర్డినేషన్: ఎల్.ఎస్. చౌహాన్(2009 బ్యాచ్). బదిలీపై డీఐజీ కోఆర్డినేషన్‌గా నియమితులయ్యారు. చార్మినార్ జోన్-6 డీఐజీ బాధ్యతలు అదనంగా అప్పగించారు.
19. టీజీ-టీమార్స్ డిప్యూటీ డైరెక్టర్ (అడ్మిన్): శ్రీ బాలాదేవి (ఐపీఎస్, ఎస్‌పీఎస్). పోస్టింగ్ కోసం ఎదురుచూస్తున్న ఆమెకు ఈ బాధ్యతలు అప్పగించారు.
20. డీసీపీ, ఎస్‌ఎం అండ్ ఐటీ, హైదరాబాద్: వి. అరవిందబాబు (ఐపీఎస్, ఎస్‌పీఎస్). పోస్టింగ్ కోసం ఎదురుచూస్తున్న ఆయనను హైదరాబాద్ నగర పోలీస్ విభాగంలో నియమించారు.
అదనపు బాధ్యతలు.!
21. ఏడీజీపీ శిక్షణ: సంజయ్ కుమార్ జైన్ (1997 బ్యాచ్). టీజీఎస్పీ ఏడీజీపీగా కొనసాగుతూనే ఏడీజీపీ శిక్షణ బాధ్యతలు అదనంగా నిర్వహించనున్నారు.
మీకు నచ్చవచ్చు: NVIDIA సీఈవో పదవికి జెన్సన్ హువాంగ్ రాజీనామా.. అసలు కారణం ఇదేనా.!
మీకు నచ్చవచ్చు: మహిళల రాజకీయ, ఆర్థిక భాగస్వామ్యం మరింత పెరగాలి: సీఎం చంద్రబాబు
[ Telangana IPS Transfers, Mahesh Bhagwat, Akun Sabharwal, Hyderabad Police Commissioner, Telangana Police Reshuffle, VC Sajjanar ]
టెక్ ప్రపంచాన్ని దిగ్భ్రాంతికి గురిచేస్తూ ప్రముఖ కృత్రిమ మేధ గ్రాఫిక్స్ దిగ్గజం 'ఎన్విడియా' (NVIDIA) సంస్థలో సంచలన పరిణామం చోటుచేసుకుంది. ఆ సంస్థ చీఫ్ ఎగ్జిక్యూటివ్ ఆఫీసర్ (CEO) పదవికి జెన్సన్ హువాంగ్ అకస్మాత్తుగా రాజీనామా చేయడం కార్పొరేట్ వర్గాల్లో తీవ్ర చర్చనీయాంశమైంది.
అత్యంత ప్రతిష్టాత్మకమైన ఈ సంస్థను దశాబ్దాలుగా విజయవంతంగా ముందుకు నడిపిన ఆయన, ఇలాంటి కీలక తరుణంలో పదవి నుంచి వైదొలగడం టెక్ మార్కెట్లో తీవ్ర కలకలం రేపింది. ఈ అనూహ్య పరిణామం పెట్టుబడిదారులను, వినియోగదారులను ఒక్కసారిగా విస్మయానికి గురిచేసింది.
ఈ అనూహ్య నిర్ణయం వెనుక వ్యక్తిగత కారణాలు ఉన్నట్లు తెలుస్తోంది. చైనా దేశానికి చెందిన ఒక గూఢచారితో ఆయనకు వివాహేతర సంబంధం ఉందనే తీవ్ర ఆరోపణలు రావడంతో ఈ పరిణామాలు వేగంగా మారాయి. ఈ ఆరోపణల నేపథ్యంలో కంపెనీ ప్రతిష్టను దృష్టిలో ఉంచుకుని హువాంగ్ ఈ కఠిన నిర్ణయం తీసుకున్నట్లు సమాచారం.
ఈ వ్యవహారంపై ఎన్విడియా బోర్డు అత్యవసరంగా స్పందించింది. హువాంగ్ పై వచ్చిన ఆరోపణల నిజానిజాలను నిగ్గు తేల్చేందుకు ఒక స్వతంత్ర దర్యాప్తునకు ఆదేశించనున్నట్లు కంపెనీ యాజమాన్యం అధికారికంగా ప్రకటించింది. ఈ విచారణలో పూర్తి నిజాలు వెలుగులోకి వస్తాయని కంపెనీ వర్గాలు పేర్కొన్నాయి.
జెన్సన్ హువాంగ్ స్థానంలో కంపెనీ తాత్కాలిక సీఈవోగా ప్రస్తుత చీఫ్ ఫైనాన్షియల్ ఆఫీసర్ (CFO) కోలెట్ క్రెస్‌ను బోర్డు నియమించింది. ఆమె తక్షణమే బాధ్యతలు స్వీకరించి కంపెనీ నిర్వహణను పర్యవేక్షిస్తారని సంస్థ స్పష్టం చేసింది. ప్రస్తుత క్లిష్ట పరిస్థితుల్లో సంస్థ నౌకను సురక్షితంగా నడిపించే బాధ్యత ఆమెపై పడింది.
ఈ పరిణామాల ప్రభావం వాల్‌స్ట్రీట్ మార్కెట్లపై తీవ్రంగా పడింది. అమెరికా స్టాక్ మార్కెట్లో ఎన్విడియా షేర్లు భారీ నష్టాలను చవిచూశాయి. ఒక్కసారిగా షేర్ల విలువ పడిపోవడంతో మదుపరులు ఆందోళన చెందుతున్నారు. సంస్థ భవిష్యత్తు వ్యాపార వ్యూహాలపై ఇది ఏ రకమైన ప్రభావం చూపుతుందనే దానిపై మార్కెట్ నిపుణులు విశ్లేషణలు జరుపుతున్నారు.
టెక్ రంగంలో ఎన్విడియా సాధించిన విజయాల వెనుక హువాంగ్ కృషి ఎంతో ఉంది. ఇప్పుడు ఆయన నిష్క్రమణతో సంస్థ భవిష్యత్తు ఎలా ఉంటుందనేది ఆసక్తికరంగా మారింది. దర్యాప్తు నివేదిక వచ్చాక మరిన్ని కీలక విషయాలు బయటకు వచ్చే అవకాశం ఉంది.
రాబోయే రోజుల్లో కంపెనీ కొత్త నాయకత్వంలో ఎలాంటి నిర్ణయాలు తీసుకుంటుంది, మార్కెట్లో తన ఆధిపత్యాన్ని ఎలా నిలబెట్టుకుంటుంది అనేదానిపై సర్వత్రా ఉత్కంఠ నెలకొంది. స్టాక్ మార్కెట్ ఒడుదొడుకులను తట్టుకుని ఎన్విడియా తిరిగి పుంజుకుంటుందా లేదా అనేది రాబోయే కాలం తేల్చనుంది.
[ Nvidia CEO, Jensen Huang resignation, Colette Kress, Tech News Telugu, Nvidia stock market impact ]
ALSO ON TELUGUONE N E W S
.webp)
విజయ్ దేవరకొండ, రష్మిక మందన్న జంటగా నటించిన 'రణబాలి' ఇప్పుడు ఓటీటీలోకి వచ్చేసింది. థియేటర్లలో అక్టోబర్ 16న విడుదలైన ఈ పీరియాడిక్ యాక్షన్ డ్రామా.. నవంబర్ 13 నుంచి నెట్‌ఫ్లిక్స్‌లో స్ట్రీమింగ్ అవుతోంది. తెలుగు, హిందీ, తమిళం, కన్నడ, మలయాళం భాషల్లో అందుబాటులోకి వచ్చింది. పెళ్లి తర్వాత విజయ్, రష్మిక కలిసి నటించిన సినిమా కావడంతో ఈ మూవీపై ఓటీటీ ప్రేక్షకుల్లోనూ ఆసక్తి నెలకొంది.
'రణబాలి' విడుదలకు ముందు భారీ అంచనాలు ఏర్పడ్డాయి. ముఖ్యంగా విజయ్ దేవరకొండ, రాహుల్ సంకృత్యన్ కాంబినేషన్‌లో గతంలో వచ్చిన 'టాక్సీవాలా' మంచి విజయాన్ని అందుకోవడంతో ఈ సినిమాపై ఆసక్తి పెరిగింది. దీనికి తోడు 'గీత గోవిందం', 'డియర్ కామ్రేడ్' తర్వాత విజయ్, రష్మిక కలిసి నటించిన సినిమా కావడం మరో ప్రత్యేక ఆకర్షణగా నిలిచింది.
కానీ థియేటర్లలో మాత్రం సినిమాకు ఆశించిన స్థాయిలో స్పందన రాలేదు. బ్రిటిష్ పాలన కాలం, మద్రాస్ కరువు నేపథ్యంలో దర్శకుడు ఓ భారీ కథను చెప్పే ప్రయత్నం చేశారు. విజయ్ నటన, విజువల్స్‌కు ప్రశంసలు వచ్చినా.. కథనం నెమ్మదిగా సాగడం, సెకండాఫ్‌లో సాగదీత, ఎమోషనల్ కనెక్ట్ తగ్గడం వంటి అంశాలపై విమర్శలు వచ్చాయి. అయినప్పటికీ బాక్సాఫీస్ దగ్గర రూ.80 కోట్ల గ్రాస్ తో సత్తా చాటింది.
థియేటర్లలో చూడలేకపోయిన వారు ఇప్పుడు ఓటీటీలో సినిమాను చూసే అవకాశం రావడంతో ఆసక్తి చూపిస్తున్నారు. ముఖ్యంగా చారిత్రక నేపథ్యం, విజయ్ దేవరకొండ నటన, రష్మికతో కెమిస్ట్రీ, బ్రిటిష్ అధికారిగా ఆర్నాల్డ్ వోస్లూ నటన ఈ సినిమాకు ప్రధాన ఆకర్షణలు.
ఇది కూడా చదవండి: త్రివిక్రమ్, చినబాబు మధ్య విభేదాలు.. 'గాడ్ ఆఫ్ వార్' ఆగిపోయిందన్న వార్తలకు చెక్.!
ఓటీటీ ప్రేక్షకుల నుంచి రణబాలి సినిమాకి మంచి స్పందనే లభిస్తోంది. విజయ్ నటనను ప్రశంసిస్తున్నారు. అలాగే విజయ్-రష్మిక మధ్య సీన్స్ తో పాటు, యాక్షన్ సీన్స్, పతాక సన్నివేశాలు బాగున్నాయని కొనియాడుతున్నారు.
మొత్తానికి థియేటర్లలో నిరాశపరిచిన 'రణబాలి'కి ఓటీటీలో మంచి ఆదరణే లభిస్తోంది. ఇది బ్యాడ్ ఫిల్మ్ కాదని, ఇటీవల విజయ్ నుంచి సినిమాల్లో చాలా బెటర్ ఫిల్మ్ అనే కామెంట్స్ వినిపిస్తున్నాయి.
మీకు నచ్చవచ్చు:
శోభన్ బాబుకు స్టార్‌డమ్ తెచ్చిన మూవీ.. 'తాసిల్దార్ గారి అమ్మాయి' వెనుక ఇన్ని విశేషాలా.?
50 ఏళ్ల ‘ఊరుమ్మడి బతుకులు’.. స్టార్ హీరోలు లేకుండానే జాతీయ అవార్డు కొట్టిన సినిమా.!
[Ranabaali OTT Response, Netflix, Vijay Deverakonda, Rashmika Mandanna, Rahul Sankrityan]
సెల్యులాయిడ్ పై మలయాళ భామ అనశ్వర రాజన్ పెర్ఫార్మ్ చూస్తుంటే మండే ఎండ సైతం నిండు జాబిలిని తలపిస్తుంది. అంతలా తన క్యారక్టర్ లోకి పరకాయ ప్రవేశం చేసి మెస్మరైజ్ చేసి పడేస్తుంది. ప్రెజెంట్ థియేటర్ లో రన్ అవుతున్న ఇట్లు అర్జున ఒక ఉదాహరణ. ఈ నేపథ్యంలో రీసెంట్ గా అనశ్వర రాజన్ గురించి సినీ సర్కిల్స్ లో ,అభిమానుల్లో ఆసక్తికర చర్చ జరుగుతుంది.
2025 చివర్లో విడుదలైన ‘ఛాంపియన్’ తో టాలీవుడ్‌లోకి అడుగుపెట్టిన అనశ్వర, తొలి చిత్రంతోనే తెలుగు ప్రేక్షకులను తన క్యూట్ లుక్స్, అద్భుతమైన అభినయంతో కట్టిపడేసింది. బాక్సాఫీస్ వద్ద ఛాంపియన్ ఆశించిన స్థాయిలో ఆడకపోయినా, అనశ్వర నటనకి మాత్రం విమర్శకుల నుంచి ప్రశంసలు దక్కాయి.‘ఇట్లు అర్జున’ లో అనశ్వర నటనకి మంచి స్పందన లభిస్తోంది.
ప్రమోషన్లలో భాగంగా అనశ్వర ధరించిన చీరకట్టు, సంప్రదాయ దుస్తులు సోషల్ మీడియాలో విపరీతంగా వైరల్ అయ్యాయి. నెటిజన్లు అనశ్వరని 'టాలీవుడ్ న్యూ క్రష్’ అనే ట్యాగ్‌లైన్‌ ని అభిమానులు ట్రెండ్ చేస్తున్నారు. కెరీర్ గ్రాఫ్ చూస్తుంటే రాబోయే రోజుల్లో ఆమె టాలీవుడ్‌లో అగ్ర కథానాయికగా ఎదగడం ఖాయమని సినీ విశ్లేషకులు భావిస్తున్నారు. ఇప్పటికే ఆమె చేతిలో భారీ ప్రాజెక్టులు ఉన్నాయి.
ఇది కూడా చదవండి: ఓంలో సాయి పల్లవి క్యారక్టర్ కి ఇన్ స్పిరేషన్ ఎవరో తెలుసా!
ముఖ్యంగా మెగాస్టార్ చిరంజీవి ప్రతిష్టాత్మక చిత్రం ‘కాకా’లో అనశ్వర అమ్ములు’ గా కీ రోల్ పోషిస్తుంది. నెక్స్ట్ ఇయర్ జనవరి 13న సంక్రాంతి కానుకగా ప్రపంచవ్యాప్తంగా విడుదల కానుంది. అంతేకాకుండా, తెలుగు, తమిళ భాషల్లో తెరకెక్కుతున్న ‘7/జి రెయిన్‌బో కాలనీ 2’ చిత్రంలోనూ హీరోయిన్‌గా దక్షిణాది ప్రేక్షకులను అలరించడానికి సిద్ధమవుతోంది.
ఇక్కడే మెగా పవర్ స్టార్ రామ్ చరణ్ గతంలో చెప్పిన మాటలు ఇప్పుడు నిజమవుతున్నాయని అభిమానులు చర్చించుకుంటున్నారు. 2025 డిసెంబర్‌లో జరిగిన ‘ఛాంపియన్’ ట్రైలర్ లాంచ్ వేడుకకు ముఖ్య అతిథిగా హాజరైన రామ్ చరణ్, అనశ్వర డెడికేషన్ చూసి ఆశ్చర్యపోయారు. పరభాషా నటి అయినప్పటికీ తెలుగు నేర్చుకుని, తన రోల్ కి తానే స్వయంగా డబ్బింగ్ చెప్పుకోవడాన్ని ఆయన ప్రత్యేకంగా అభినందించారు. "ఈ సినిమా తర్వాత పెద్ద నిర్మాణ సంస్థలు, అగ్ర దర్శకుల నుంచి మీకు వరుస అవకాశాలు వస్తాయి, టాలీవుడ్‌లో మీకు అద్భుతమైన భవిష్యత్తు ఉంది" అని రామ్ చరణ్ అప్పట్లోనే జోస్యం చెప్పారు. అంతేకాదు, ఇటీవల జరిగిన ‘ఇట్లు అర్జున’మ్యూజికల్ కాన్సర్ట్‌లోనూ చరణ్ పాల్గొని, ‘కాకా’ సినిమాలో అనశ్వర నటన అద్భుతంగా ఉందని కొనియాడారు.
ఒకవైపు అభినయానికి ప్రాధాన్యమున్న రోల్స్ ఎంచుకుంటూనే, మరోవైపు చిరంజీవి వంటి అగ్ర హీరోల సినిమాల్లో భాగం కావడం అనశ్వర రాజన్ కెరీర్‌కు పెద్ద ప్లస్ పాయింట్‌గా మారింది. భాషపై పట్టు సాధించడం, సొంతంగా డబ్బింగ్ చెప్పుకోవడం, గ్లామర్ కంటే నటనకే ఎక్కువ ప్రాధాన్యత ఇవ్వడం వంటి లక్షణాలు ఆమెను మిగతా హీరోయిన్ల కంటే భిన్నంగా నిలబెడుతున్నాయి. ఇదే జోరు కొనసాగితే, రామ్ చరణ్ అన్నట్లుగానే రాబోయే రెండేళ్లలో అనశ్వర రాజన్ టాలీవుడ్ నంబర్ వన్ హీరోయిన్ రేసులో అగ్రస్థానంలో నిలవడం ఖాయమని సినీ వర్గాలు బలంగా విశ్వసిస్తున్నాయి.
ప్రస్తుతం ఆమె చేతిలో రవితేజ తులాభారం తో పాటు మరిన్ని క్రేజీ ప్రాజెక్ట్స్ లు ఉన్నాయి.ఏది ఏమైనా కాలం కలిసొస్తే అనశ్వర రాజన్ నెంబర్ వన్ చైర్ లో కూర్చోవడం పెద్ద కష్టమైన పని కాదు. ఎందుకంటే కాలాన్ని సైతం తన పెర్ఫార్మ్ తో తన ఆధీనంలోనే ఉంచుకోగలదు.
మీకు నచ్చవచ్చు: ఇట్లు అర్జున మూవీ రివ్యూ!
మీకు నచ్చవచ్చు: మాయ లేడీ మూవీ రివ్యూ!
[Anaswara Rajan, Itlu Arjuna, Chiranjeevi, Ram Charan, Aneesh]
Cast: Kishor Kadam, Ishita Deshmukh, Yogesh Sohoni, Nishad Bhoir, Anuj Prabhu, Suresh Vishwakarma, Dhruv Thoke
Crew:
Cinematography by Amalendu Chaudhary
Editing by Ashish Mhatre
Music by Ilaiyaraaja
Written & Directed by Santosh Davakhar
Produced by Santosh Davakhar, Diksha Davakhar
Gondhal got huge attention across the nation as it got selected as India's official entry for 99th Academy Awards, Oscars. The movie released in Telugu language on 13th November. The movie explores an 800-year tradition that happens in Maharashtra in villages during wedding. Let's discuss about this Marathi film in detail.
Plot:
Bhivaba (Kishor Kadam), a Gondhali, goes to perform at the big wedding of Ananda (Yogesh Sohoni) and Suman (Ishita Deshmukh). But he has an issue with how his daughter-in-law and son are talked about in the village. Mainly, about the fear of Patil (Suresh Vishwakarma) and Sarjerao (Nishad Bhoir). Anandrao is a very friendly and innocent person but people call him impotent. Suman is confused by this talk and she feels she lost an opportunity of being Patilbai as Sarjerao loves her.
Bhivaba advices her to not trust in Sarjerao and tells her that they are bad people. At the event, she is seen very flirtatious with Sarjerao and he challenges to give her Mu Maa, to a local person. Later, she meets Murali, Sahebrao (Anuj Prabhu) and falls in his lap. They both have been in love from a long time and her parents forced her to marry Ananda. She plans to elope with Saheb. Will they elope? Will Sarjerao let her slip away? What will happen in this Gondhal night event? Watch the film to know more.
Analysis:
Santosh Davakhar has created a very realistic village atmosphere to bring this tradition to big screen. His passion is visible in the first 25 minutes - Oner or One shot sequence. The movie tends to go downwards after this sequence even though it is a simple film that majorly focuses on bringing this tradition to life and connect it to the main story.
Also, the movie tends to focus more on the tradition than the story at times making audiences a little bit too restless after a point. Still, technical brilliance is top notch as sound design scores big. The instruments played at Gondhal and authentic voices are restored to give the similar experience that villagers experience at such events.
Also Read: Itllu Arjuna Movie Review
Still, movie falters at being an engaging narrative as the twists get darker, the narrative loses the spark it showcased in establishment. Not about continuing with oners but the culmination of events tend to be too convenient. Divine intervention is hinted at places while things tend to be more realistic to a level of being surreal. The flirtatious scenes, the repetitive nature of characters' interactions does tend to make too much to be involved.
Even the lovers of craft tend to think the movie does go overboard trying to be celebration of that art and tradition but loses the focus that the main characters and story had to bring into it. There are Macbeth parallels and performances are really excellent. Ilaiyaraaja score is perfection. While technically movie is sound and well crafted, the craft takes over too much and story appears pale in comparison.
Positives:
Representation of Tradition
Performances
Technical values
Music
Negatives:
Writing could've better
Feels too convenient
Twists appear predictable
Bottomline: Gondhal is not a ground-breaking achievement but its craft speaks more than the story!
Rating: 2.5/5
Check Out: DNK Movie Review
Naslen wraps his next film shooting
Disclaimer: The views/opinions expressed in this review are personal views/opinions shared by the writer and organisation does not hold a liability to them. Viewers' discretion is advised before reacting to them.
కిరణ్ అబ్బవరం హీరోగా నటిస్తూ, స్వీయ దర్శకత్వం వహిస్తున్న సినిమా 'రియాలిటీ'. ఈ సినిమా నుంచి విడుదలైన రెండో పాట 'రుత్తూ' ఇప్పుడు సంగీత ప్రియులను ఆకట్టుకుంటోంది. ముఖ్యంగా ప్రేమలో పడిన ఇద్దరి మనసుల్లో కలిగే అందమైన భావాలను చాలా సింపుల్‌గా, వినసొంపైన సంగీతంతో ఈ పాటలో చెప్పే ప్రయత్నం చేశారు.
ప్రేమలో పడితే ప్రపంచమే కొత్తగా కనిపిస్తుందా?. అవును.. ఈ పాటలో ప్రధానంగా కనిపించే భావం ఇదే. ఒకరిని చూసినప్పుడు కలిగే ఆనందం, వారి చిన్న చిన్న చూపుల్లోనే సంతోషాన్ని వెతుక్కోవడం, వాళ్లతో మాట్లాడిన క్షణాలను పదే పదే గుర్తు చేసుకోవడం.. ఇలా ప్రేమలో పడిన వ్యక్తి మనసులో జరిగే మార్పులను పూర్ణాచారి తన సాహిత్యంలో అందంగా ఆవిష్కరించారు.
సాధారణంగా మాస్ బీట్స్, ఫాస్ట్ రిథమ్స్‌తో పాటలను హిట్ చేయడంలో మ్యూజిక్ డైరెక్టర్ భీమ్స్ సిసిరోలియోకు మంచి గుర్తింపు ఉంది. కానీ 'రుత్తూ' పాటలో మాత్రం ఆయన తనలోని మరో సంగీత దర్శకుడిని పరిచయం చేశారు. పెద్దగా హడావుడి చేసే మ్యూజిక్ కాకుండా.. మెలోడీకి ప్రాధాన్యత ఇచ్చారు.
ఈ పాటకు కపిల్ కపిలన్ గాత్రం ప్రధాన ఆకర్షణగా నిలిచింది. ప్రేమలోని సున్నితమైన భావాలను పలికించడానికి ఆయన వాయిస్ చక్కగా సరిపోయింది. పాటలోని భావోద్వేగానికి తగ్గట్టుగా మృదువుగా పాడారు. ముఖ్యంగా మెలోడీని ఎంజాయ్ చేసే వారికి ఈ పాట మళ్లీ మళ్లీ వినాలనిపించేలా ఉంటుంది.
ఇది కూడా చదవండి: ఉన్నంతలో మనకున్నంతలో.. ‘భజగోవిందం’ పాట వెనుక ఉన్న గొప్ప అర్థం తెలుసా.?
పూర్ణాచారి సాహిత్యం, భీమ్స్ సంగీతం, కపిల్ కపిలన్ గాత్రం.. ఈ మూడు అంశాలు ఒకదానికొకటి చక్కగా కుదిరాయి. పాటలో కిరణ్ అబ్బవరం, దేవిక భట్ మధ్య కెమిస్ట్రీ కూడా సహజంగా కనిపిస్తోంది. కాలేజీ నేపథ్యంలో వచ్చే సన్నివేశాలు, బీచ్ దగ్గర రొమాంటిక్ మూమెంట్స్, ఫోన్ సంభాషణలు.. ఇవన్నీ ఒక అందమైన ప్రేమకథను గుర్తు చేస్తున్నాయి.
కిరణ్ అబ్బవరం ఈ సినిమాతో నటుడిగానే కాకుండా రచయిత, దర్శకుడిగా కూడా బాధ్యతలు తీసుకున్నారు. మధ్యతరగతి కుటుంబానికి చెందిన యువకుడి జీవితాన్ని చూపించబోతున్నారు. ఇప్పటికే ఈ సినిమా నుంచి వచ్చిన 'భజగోవిందం' పాట మంచి స్పందన తెచ్చుకుంది. ఇప్పుడు రెండో పాట 'రుత్తూ'తో మరోసారి సంగీత ప్రియులను ఆకట్టుకునే ప్రయత్నం చేశారు. డిసెంబర్ 25, 2026న క్రిస్మస్ కానుకగా ఈ సినిమా థియేటర్లలోకి రానుంది.
మీకు నచ్చవచ్చు:
ENE Repeat బతుకమ్మ సాంగ్.. శ్రేయా ఘోషల్ వాయిస్, చంద్రబోస్ లిరిక్స్ అదుర్స్.!
టెలిఫోన్ ధ్వనిలా నవ్వే దానా.. ఈ క్లాసిక్ రొమాంటిక్ సాంగ్ లిరిక్స్‌లో ఉన్న మ్యాజిక్ తెలుసా.?
[Rutthuu Song, Reality Movie, Kiran Abbavaram, Devika Bhatt, Bheems Ceciroleo]
సాయిపల్లవి.. ఎనీ క్యారక్టర్ మెస్మరైజ్ చేసి పడేయగలదు. రామాయణలో సీతగా బాక్స్ ఆఫీస్ ని షేక్ చేసే పనిలో ఉన్న సాయి పల్లవి ఈ నెల 20న ధనుష్ తో కలిసి 'ఓం' తో తమిళంతో పాటు పాన్ ఇండియా వ్యాప్తంగా అడుగుపెట్టనుంది.
సాయి పల్లవి పోలీస్ ఆఫీసర్ గా కనిపిస్తుండగా పోలీస్ ఆఫీసర్ గా ఇటీవల ఆమె లుక్ రిలీజ్ చేసినప్పుడు వైరల్ గా మారడంతో పాటు ఓం పై అంచనాలని పెంచేసింది.
ఆ క్యారక్టర్ వెనుక ఒక ఆసక్తికరమైన నిజం దాగుంది. తాజాగా ఇచ్చిన ఒక ఇంటర్వ్యూలో ఓం దర్శకుడు రాజ్‌కుమార్ పెరియసామి మాట్లాడుతు సాయిపల్లవి పోషించిన పోలీస్ క్యారక్టర్ పూర్తిగా కల్పితం కాదని, కేరళకు చెందిన రియల్ లైఫ్ ఐపీఎస్ ఆఫీసర్ మెరిన్ జోసెఫ్ జీవితం, ఆమె పనితీరు నుంచి స్ఫూర్తి పొంది సాయి పల్లవి క్యారెక్టర్‌ని డిజైన్ చేసినట్లు ఆయన స్పష్టం చేశారు.
కేరళ కేడర్‌కు చెందిన మెరిన్ జోసెఫ్ తన కెరీర్ ప్రారంభం నుంచే అత్యంత పిన్న వయస్సులో ఐపీఎస్ సాధించిన మహిళా అధికారిగా చరిత్ర సృష్టించారు. సివిల్ సర్వీసెస్ పరీక్షలో ఆమె 188వ ర్యాంకు సాధించారు. 2019లో కొల్లం పోలీస్ కమిషనర్‌గా ఉన్నప్పుడు ఆమె పేరు దేశవ్యాప్తంగా వినిపించింది. లింగ వివక్షపై ఆమె బహిరంగంగానే గళం విప్పారు.
ఇది కూడా చదవండి:ఇట్లు అర్జున మూవీ రివ్యూ
2016లో మహిళా ఐఏఎస్, ఐపీఎస్ అధికారులని అందం ఆధారంగా ర్యాంకులు ఇస్తూ వచ్చిన ఒక పత్రికా కథనాన్ని ఆమె తీవ్రంగా విమర్శించారు. అంతేకాకుండా, ఆమె ఎంచుకున్న కేసులు, విధి నిర్వహణలో చూపిన తెగింపు, రాజీ పడని తత్వం, ప్రజలతో మమేకమయ్యే విధానం ఎంతోమంది యువతకు ఆదర్శంగా నిలిచాయి.
దర్శకుడు రాజ్‌కుమార్ పెరిసామి మెరిన్ జోసెఫ్ పనితీరును నిశితంగా పరిశీలించి, ఒక మహిళా ఆఫీసర్ సమాజంలో ఎదుర్కొనే సవాళ్లను, వాటిని ధైర్యంగా ఎదుర్కొనే తీరును సాయిపల్లవి పాత్రలో ప్రతిబింబించేలా చేశారు. సినిమాలోని ప్రతి చిన్న సీన్‌లోనూ ఆ ఐపీఎస్ ఆఫీసర్ హావభావాలు, ఆమె నిలబడే తీరు, మాట్లాడే శైలిని సాయిపల్లవి అద్భుతంగా అనుకరించారు. దర్శకుడు కేవలం ఒక ఇన్స్పిరేషన్‌గా మాత్రమే తీసుకున్నప్పటికీ, సాయిపల్లవి తన అసాధారణమైన నటనతో ప్రాణం పోసినట్టుగా పరిశ్రమ వర్గాల టాక్.
మీకు నచ్చవచ్చు:మాయలేడి మూవీ రివ్యూ!
మీకు నచ్చవచ్చు:డిఎన్ కె రివ్యూ
[Sai Pallavi Om, Merin Joseph, rajkumar periasamy, Dhanush]
సినిమా షూటింగ్స్‌లో నటీనటులు ఎన్నో ప్రమాదాలను ఎదుర్కొంటుంటారు. కొన్ని సందర్భాల్లో చిన్న చిన్న గాయాలతో బయటపడితే, మరికొన్ని సంఘటనలు మాత్రం జీవితాంతం గుర్తుండిపోతాయి. అలాంటి భయంకరమైన అనుభవం తనకు ఎదురైందని హీరోయిన్ కాజల్ అగర్వాల్ తాజాగా వెల్లడించారు. కమల్ హాసన్ హీరోగా శంకర్ దర్శకత్వంలో తెరకెక్కిన 'ఇండియన్ 2' సినిమా షూటింగ్ సమయంలో తాను తృటిలో ప్రాణాపాయం నుంచి బయటపడ్డానని చెప్పారు. తన కళ్ల ముందే 100 అడుగుల భారీ క్రేన్ కూలిపోవడం, ఎవరో గుర్తుతెలియని వ్యక్తి తనను పక్కకు లాగడంతో ప్రాణాలతో బయటపడటం గురించి ఆమె వివరించారు.
2020 ఫిబ్రవరిలో చెన్నై సమీపంలోని ఈవీపీ ఫిల్మ్ సిటీలో 'ఇండియన్ 2' సినిమా షూటింగ్ జరుగుతోంది. ఆ సమయంలో ఒక భారీ యాక్షన్ సీక్వెన్స్ చిత్రీకరిస్తుండగా, లైటింగ్ ఏర్పాట్ల కోసం ఉపయోగిస్తున్న సుమారు 100 అడుగుల ఎత్తైన క్రేన్ ఒక్కసారిగా కుప్పకూలింది. ఈ ప్రమాదంలో అసిస్టెంట్ డైరెక్టర్ కృష్ణ, ఆర్ట్ అసిస్టెంట్ చంద్రన్, ప్రొడక్షన్ అసిస్టెంట్ మధు అనే ముగ్గురు సినిమా సిబ్బంది ప్రాణాలు కోల్పోయారు. మరో తొమ్మిది మంది గాయపడ్డారు. ఈ ప్రమాదం జరిగిన సమయంలో కాజల్ అగర్వాల్, కమల్ హాసన్ కూడా అక్కడే ఉన్నారు.
తాజాగా 'హ్యూమన్స్ ఆఫ్ బాంబే' ఇంటర్వ్యూలో పాల్గొన్న కాజల్ ఈ సంఘటనను గుర్తు చేసుకున్నారు. ఆ రోజు రాత్రి షూటింగ్ జరుగుతున్న సమయంలో తాను 80 ఏళ్ల వృద్ధురాలిగా కనిపించేందుకు ప్రోస్థెటిక్ మేకప్ వేసుకొని ఉన్నానని చెప్పారు. సాధారణంగా షూటింగ్ సమయంలో నటీనటులు మానిటర్ దగ్గర కూర్చుంటారు. ఆ రోజు కూడా తాను అక్కడే ఉన్నానని, ఒక్కసారిగా అందరూ పరుగులు తీయడం మొదలుపెట్టడంతో తాను కూడా ఏం జరుగుతుందో తెలియక పరుగెత్తానని చెప్పారు.
ఇది కూడా చదవండి: ‘DNK’ మూవీ రివ్యూ
అలా పరుగెత్తుతున్న సమయంలో ఒక కన్సోల్ టేబుల్‌కు తగిలి కింద పడిపోయానని, అసలు అందరూ ఎందుకు పరుగెడుతున్నారో తెలుసుకోవడానికి వెనక్కి తిరిగి చూశానని కాజల్ తెలిపారు. అప్పుడే తన వైపుగా 100 అడుగుల భారీ క్రేన్ కూలిపోతుండటం కనిపించిందట. అంతా క్షణాల్లో జరిగిపోయిందని, ఆ దృశ్యం చూసి ఒక్కసారిగా భయంతో స్తంభించిపోయానని చెప్పారు. అదే సమయంలో ఎవరో తనను బలంగా పక్కకు లాగారని, క్రేన్ తన పక్కనే పడిపోయిందని వెల్లడించారు.
ఆ తర్వాత తన స్టాఫ్ వచ్చి క్షేమంగా ఉన్నావా అని అడిగారని, తనను ఎవరు పక్కకు లాగారని వారిని అడిగానని కాజల్ చెప్పారు. అయితే తన స్టాఫ్‌లో ఎవరూ తన దగ్గర లేరని తెలిసిందట. అసలు ఆ సమయంలో తనను కాపాడింది ఎవరో ఇప్పటికీ తెలియదని, ఆ భగవంతుడే తనను కాపాడాడని నమ్ముతున్నానని చెప్పారు. ఈ సంఘటన తర్వాత చాలా రోజులు భయంతో పాటు ప్రాణాలతో బయటపడినందుకు కృతజ్ఞతతో ఉన్నానని, జీవితాన్ని చూసే విధానమే మారిపోయిందని ఆమె వెల్లడించారు.
మీకు నచ్చవచ్చు:
కంగనా రనౌత్‌తో రవిబాబు ప్రయోగం.. హిందీలో తొలి సినిమా ఎనౌన్స్ చేసిన డైరెక్టర్.!
ఐశ్వర్యారాయ్ అందం చూసి పోటీ నుంచి త‌ప్పుకోవాల‌నుకున్న మిస్ యూనివ‌ర్స్‌.!
[KajalAggarwal, Indian2, KamalHaasan, Shankar, Indian2Accident]
-సినిమా పేరు: మాయలేడీ
-నటీనటులు:రాకేష్ వర్రే, మధుమిత సర్కార్, సురేష్, ఇంద్రజ, సత్య, మధురిమ, లావణ్య రెడ్డి తదితరులు
-సినిమాటోగ్ర‌ఫీ: యదు రాధాకృష్ణన్
-ఎడిటింగ్: రవితేజా గిరజాలా
-మ్యూజిక్: విశాల్ చంద్రశేఖర్
-నిర్మాత: రాకేష్ వర్రే
-బ్యానర్: క్రేజీ ఆంట్స్ ప్రొడక్షన్
-రచన,దర్శకత్వం: ప్రశాంకర్
-రిలీజ్ డేట్ : నవంబర్ 13 ,2026
ప్రచార చిత్రాలతో క్రేజ్ తెచ్చుకున్న మూవీ 'మాయలేడి'. బాహుబాలి ఫేమ్ రాకేష్ వర్రే హీరో. నటనలో ఎన్నో అవార్డ్స్ గెలుచుకున్న బెంగాలీ భామ 'మధుమిత సర్కార్' హీరోయిన్ తో పాటు టైటిల్ రోల్. మరి మూవీ ఎలా ఉందో చూద్దాం.
కథ
రిషి( రాకేష్) ఆదర్శ భావాలు గల వ్యక్తి. సెల్ఫ్ డిఫెన్స్ సెంటర్ నడుపుతూ ఆడవాళ్లు సొసైటీ నుంచి ఏర్పడే ఇబ్బందుల వల్ల భయపడకుండా దైర్యంగా ఉండాలని మార్షల్ ఆర్ట్స్ లో ట్రైనింగ్ ఇస్తుంటాడు. తన భావాలకి, భావజాలానికి సరిపోయే అమ్మాయిని పెళ్లి చేసుకోవాలని, లేదంటే సింగిల్ గా ఉండాలని అనుకునే మెంటాలిటీ. ఆష(మధుమిత సర్కార్).. ఎవరైనా తమ లైఫ్ లో మెమొరీబిల్ గా భావించే వస్తువులని పోగొట్టుకుంటే వాటిని వెతికి ఇచ్చే సంస్థని నడుపుతూ ఉంటుంది. ఆ సంస్థ యొక్క ముఖ్య ఉద్దేశ్యం పదిశాతం కమర్షియల్, తొంబై శాతం ఎమోషనల్. చాలా మంచి తనం,పద్ధతి గల అమ్మాయి.రూప( మధుమిత సర్కార్) చాలా ఫాస్ట్ గర్ల్. నైట్ పబ్ లకి వెళ్లే రకం. ఫుల్ బాటిల్ మద్యం తాగే కెపాసిటీ తన సొంతం.తనని ఎవరైనా హర్ట్ చేసినా, తాను నా సొంతమే అనుకున్న వాళ్ళు ఇబ్బంది పెట్టినా చిన్న సైజు సైకోలో మారిపోయే రకం. ఆష, రూప ఇద్దరు రిషిని ప్రాణానికి ప్రాణంగా ప్రేమిస్తారు. రిషి కూడా ఇద్దరని అంతే ప్రాణంగా ప్రేమిస్తాడు.కానీ ఆ తర్వాత ఆష, రూప గురించి రిషికి ఒక భయంకరమైన నిజం తెలుస్తుంది. రిషికి ఆ ఇద్దరి గురించి తెలిసిన నిజం ఏంటి? ఆదర్శ భావాలు గల వ్యక్తి ఇద్దరిని ఎలా ప్రేమించాడు? అసలు మాయలేడి అంటే ఏంటి అనేదే ఈ చిత్రం.
ఎనాలసిస్
ముందుగా మాయలేడి అని ఎందుకు టైటిల్ గా ఫిక్స్ అయ్యారో తెలియదు. ఎందుకంటే కొంత మంది ప్రేక్షకులు మగ వాళ్ళని మోసం చేసే అమ్మాయి కాబట్టి ఆ టైటిల్ ఉంచారమో అనుకునే ప్రమాదం ఉంది. కాబట్టి క్రేజీ లేడీ లాంటి ఇన్నోసెంట్ టైటిల్స్ ని ఫిక్స్ అయ్యుండాల్సిందేమో. మూవీ విషయానికి వస్తే ఫస్ట్ నుంచి చివరి వరకు మంచి స్క్రీన్ ప్లే తో సాగింది. కాకపోతే ప్రీ క్లైమాక్స్, క్లైమాక్స్ పై మరింత శ్రద్ద పెట్టాల్సింది.
మాయలేడి లాంటి కథలకి ఎంటర్ టైన్ మెంట్ కోణంలోనే ఎండ్ చేయాలి. హీరో క్యారక్టరయిజేషన్ కూడా ఎంటర్ టైన్ మెంట్ కోణంలోనే ఎస్టాబ్లిష్ చేసి ఉండాల్సింది. మొదటి భాగంలో చూసుకుంటే హీరో ఇంట్రడక్షన్ సీన్స్, ఫ్యామిలీ సీన్స్ రొటీన్. ఎప్పుడైతే ఆషా క్యారక్టర్ ఎంటర్ అయ్యిందో మూవీకి మంచి బూస్టప్ వచ్చింది. ముఖ్యంగా ఆష నడిపే సంస్థ యొక్క కాన్సెప్ట్ సూపర్. ఆ బేస్ పైనే ఎంటర్ టైన్ మెంట్ కోణంలో రిషి, రిషి ఫ్రెండ్ గణేష్( సత్య) ఆషా మధ్య సీన్స్ బాగా ఎస్టాబ్లిష్ చేసుండాల్సింది. రూప, రిషి మధ్య సీన్స్ చాలా బాగున్నాయి.
ఇంటర్వెల్ ట్విస్ట్ అయితే ఒక రేంజ్. సెకండ్ హాఫ్ లో వచ్చిన చాలా ట్విస్ట్ లు మెస్మరైజ్ చేస్తాయి. ముఖ్యంగా ఆష, రూప మధ్య వేరియేషన్ తో నడిచిన కథనం, రిషి వెనక్కి వెళ్లిపోకుండా ప్రేమ కోసం నిలబడటం చాలా బాగుంది. ప్రీ క్లైమాక్స్ క్లైమాక్స్ విషయంలో మరింత శ్రద్ద చూపించాల్సింది.
నటీనటులు, సాంకేతిక నిపుణల పని తీరు
రిషి క్యారక్టర్ లో ఎన్ని రకాల వేరియేషన్స్ ఉన్నాయో, అన్నిటిలోను రాకేష్ వర్రే అద్భుతంగా పెర్ఫార్మ్ చేసాడు. కానీ హీరో కట్ అవుట్ లుక్ మాత్రం కలగలేదనేది నిజం. ఆష, రూపగా మధుమిత సర్కార్ అవార్డు విన్నింగ్ పెర్ఫార్మ్ ఇచ్చింది. అంతలా రెండు క్యారక్టర్ లలో మెస్మరైజ్ చేసే పెర్ఫార్మ్ తో సెల్యులాయిడ్ ని రఫ్ఫాడించింది. మూవీకి అతి పెద్ద బలంగా కూడా నిలిచింది. సత్య రొటీన్ కామెడీ. బాడీ లాంగ్వేజ్ మార్చుకోకపోతే బోర్ కొట్టేసే ప్రమాదం ఉంది. సురేష్ తో పాటు మిగతా క్యారెక్టర్స్ కూడా తమకి ఇచ్చిన క్యారెక్టర్స్ కి న్యాయం చేశారు. ప్రశాంకర్ దర్శకుడిగా భారీ స్థాయిలోనే మెప్పించాడు. రచయితగా హీరో బ్యాక్ గ్రౌండ్ పై మరింత శ్రద్ద చూపించాల్సింది. నిర్మాణ విలువలు, ఫొటోగ్రఫీ, బ్యాక్ గ్రౌండ్ స్కోర్ ప్రధాన హైలెట్.
బలాలు
1 .మధుమిత సర్కార్ వన్ ఉమెన్ షో
2 . దర్శకత్వం
బలహీనతలు
1 .క్లైమాక్స్
ప్రేక్షకులని పూర్తి స్థాయిలో మెప్పించడానికి వచ్చి, పర్వాలేదనిపించారు.. హీరోయిన్ క్యారక్టర్ ప్రధాన బలం.
రేటింగ్ 2 .5 /5
అరుణాచలం
.webp)
టాలీవుడ్‌లో ప్రస్తుతం ఎన్టీఆర్, త్రివిక్రమ్ కాంబినేషన్‌లో తెరకెక్కాల్సిన 'గాడ్ ఆఫ్ వార్' సినిమాపై ఆసక్తికరమైన చర్చ నడుస్తోంది. ఈ సినిమా ప్రకటన వచ్చినప్పటి నుంచి అభిమానుల్లో భారీ అంచనాలు ఉన్నాయి. అయితే గత రెండు రోజులుగా ఈ ప్రాజెక్ట్ గురించి కొన్ని రూమర్స్ సోషల్ మీడియాలో వైరల్ అవుతున్నాయి.
దర్శకుడు త్రివిక్రమ్, నిర్మాత చినబాబు మధ్య విభేదాలు వచ్చాయని.. దీంతో ఆయన హారిక అండ్ హాసిని క్రియేషన్స్ బ్యానర్ నుంచి త్రివిక్రమ్ బయటకు వచ్చేస్తున్నారనే ప్రచారం జరిగింది. ఈ క్రమంలో హారిక అండ్ హాసిని క్రియేషన్స్, ఎన్టీఆర్ ఆర్ట్స్ నిర్మాణంలో.. ఎన్టీఆర్‌తో త్రివిక్రమ్ చేయాల్సిన 'గాడ్ ఆఫ్ వార్' సినిమా కూడా ఆగిపోయే అవకాశం ఉందంటూ వార్తలు వచ్చాయి. దీంతో తారక్ అభిమానుల్లో ఆందోళన మొదలైంది.
కట్ చేస్తే.. ఈ రూమర్స్‌కు సమాధానం చెప్పేలా మూవీ టీమ్ తాజాగా ఓ ఫొటోను విడుదల చేసింది. ఇందులో నిర్మాత చినబాబు, ఎన్టీఆర్, త్రివిక్రమ్, కళ్యాణ్ రామ్ నలుగురూ కలిసి నవ్వుతూ కనిపించారు. దీంతో వీరి మధ్య విభేదాలు వచ్చాయన్న ప్రచారానికి ఈ ఒక్క ఫొటోతోనే గట్టి కౌంటర్ ఇచ్చినట్లయింది.
ఇక 'గాడ్ ఆఫ్ వార్' విషయానికి వస్తే.. ఇది సుబ్రహ్మణ్యస్వామి నేపథ్యంలో తెరకెక్కనున్న భారీ మైథలాజికల్ మూవీ. ఈ సినిమా స్క్రిప్ట్ ఇప్పటికే సిద్ధమైందని త్రివిక్రమ్ స్వయంగా గతంలో వెల్లడించారు. అంతేకాదు 'గాడ్ ఆఫ్ వార్'ను భారీ బడ్జెట్ తో తెరకెక్కించబోతున్నట్లు తెలుస్తోంది. 'వారణాసి' తర్వాత అత్యంత భారీ బడ్జెట్ తో రూపొందనున్న సినిమాగా ఇది నిలవనుంది అంటున్నారు.
ఇది కూడా చదవండి: ‘గాడ్ ఆఫ్ వార్’కి బ్రేక్.. చిరంజీవితో త్రివిక్రమ్ సినిమా.?
గతంలో ఎన్టీఆర్, త్రివిక్రమ్ కాంబినేషన్‌లో వచ్చిన 'అరవింద సమేత వీర రాఘవ' మంచి విజయాన్ని అందుకుంది. ఇప్పుడు వీరిద్దరూ మరోసారి కలవబోతుండటంతో ఈ సినిమాపై భారీ అంచనాలు ఉన్నాయి. ముఖ్యంగా త్రివిక్రమ్ తొలిసారి పౌరాణిక నేపథ్యాన్ని ఎంచుకోవడం, ఎన్టీఆర్ కార్తికేయుడి పాత్రలో కనిపించనుండటం సినిమాపై ఆసక్తిని పెంచుతోంది.
మొత్తానికి చినబాబు, త్రివిక్రమ్ మధ్య విభేదాలంటూ వచ్చిన వార్తలకు ఈ ఫొటోతో తెరపడింది. ఎన్టీఆర్ ప్రస్తుతం ప్రశాంత్ నీల్ దర్శకత్వంలో చేస్తున్న 'డ్రాగన్' పూర్తయిన తర్వాత ఈ భారీ ప్రాజెక్ట్ సెట్స్‌పైకి వెళ్లే అవకాశముంది.
మీకు నచ్చవచ్చు:
నిర్మాతగా మారుతున్న బాలయ్య కుమార్తె.. హీరో, డైరెక్టర్ ఎవరో తెలుసా.?
బాక్సాఫీస్ ప్రభంజనం.. 8 రోజుల్లోనే 1000 కోట్ల క్లబ్‌లోకి ‘రామాయణ’.!
[God Of War, Jr NTR, Trivikram Srinivas, Chinnababu, Kalyan Ram]
Cast: Aniesh, Anaswara Rajan, Vennela Kishore, Kalaiyarasan, Elango Kumaravel, Mukesh Rishi, Brahmaji
Crew:
Presented by King Nagarjuna
Written by Manasa Sharma, Mahesh Uppala
Music by S Thaman
Cinematography by Raja Mahadevan
Editing by Koti K
Directed by Mahesh Uppala
Produced by Venky Kudumula
Aniesh debuted with Itllu Arjuna and he received massive support from King Nagarjuna, Jr. NTR and Ram Charan. They endorsed his efforts to play a mute character. S Thaman gave his best score in recent times. Venky Kudumula debuted as producer and Mahesh Uppala as a director. The movie released on 13th November after long delays. Let's discuss about the movie in detail.
Plot:
Arjun (Aniesh) is a mute kid but his father (Mime Gopi) is a thief. Arjun grows under his wing as a person who is skilled in robbery and gets arrested during young age. He continously remains under high police surveilleance and suspicion. He falls in love with Keerthi (Anaswara Rajan) who stays a flat above his house. Entire society marks Arjun and his father as thieves but Arjun never leaves as he wants to just find one glance of Keerthi and talk to her closely at least once.
Keerthi finds her mother's attitude suffocating as she thinks playing according to society rules is the best. She wants to party, club and enjoy life but fears her mother too much. When her mother goes to training to Delhi and then plans to shift to US, Keerthi takes the opportunity to escape and live with freedom. Arjun becomes her go-to in helping her maintain the facade.
Meanwhile, Peddanna (Mukesh Rishi) gang tracks a pen drive for Rs.1000 crore transfer and his son is killed by his own henchman (Kalaiyarasan). Who robbed the pen-drive? What is the connection of all this to Arjun? Watch the film to know more.
Analysis:
Aniesh is very confident and matured in his performance as Arjun, who is differently abled and cannot talk. His dedication is visible in every micro moment. He learnt sign language, pulled off fun comic timing without talking, danced like a dream with grace and he is able to make audiences feel what he is trying to convey without words. He is a talent to look forward and his agility in fight scenes is also commendable.
Anaswara Rajan got a very common "heroine" dumb character but she managed to perform well in it. Her chemistry with Aniesh stands out as well. Kalaiyarasan, Mukesh Rishi, Vennela Kishore, Elango Kumaravel are good but Vennela Kishore punches could have been much better. Writing wise film takes many convenient twists and goes into a zone of complacency at places sticking to cliches.
Also Read: DNK Movie Review
Much better effort in bringing the twists together and building undercurrent tension would have worked wonders for the film. Mahesh Uppala is talented in framing and composing shots as there are many meta references, framing devices that he used to elevate the feel. But he could have trusted leading characters and designed them even better. Certain shots and frames excite a cinephile yet many seem to have been composed in a random manner.
The characters other than leads needed to be too larger-than-life for Aniesh to shine even better. At places, it feels like for the sake of comedy, the scenes have been diluted down further. Even the impossible tasks needed a certain build up rather than just giving feel like a game as if player entered a new level and suddenly, we are offered new information and task.
S Thaman did his best work in recent times as his songs and score are very good. Cinematography stands out as the composition of many frames is very fresh for TFI. Editing feels very random with several sequences feel over edited or re-written on edit table. Overall, Aniesh and Anaswara Rajan with Thaman's score make this romantic thriller a good watch.
Positives:
Aniesh's matured performance
Anaswara Rajan's cuteness
S Thaman's songs and BGM
Techncial values
Production values
Negatives:
Writing could've been better
Some set-up and pay-off feel little random
Undercurrent tension needed to be built better
Bottomline: Aniesh impresses with his talents and Itllu Arjuna becomes an easy watch.
Rating: 2.5/5
Check Out: NBK's voice to make Dada even more Dhamakhedar
Aniesh says Itllu Arjuna will be more grounded and realistic
Disclaimer: The views/opinions expressed in this review are personal views/opinions shared by the writer and organisation does not hold a liability to them. Viewers' discretion is advised before reacting to them.
నటీనటులు: మౌళి త‌నూజ్ ప్రశాంత్, సుస్మితా శెట్టి, అలీ, ర‌ఘుబాబు, గుండు సుద‌ర్శ‌న్‌, ర‌జిత, ప్రియ, భ‌ద్రం తదితరులు
సంగీతం: సింజిత్ ఎర్ర‌మిల్లి
సినిమాటోగ్ర‌ఫీ: సూర్య బాలాజీ
ఎడిటింగ్: శ్రీ‌ధ‌ర్ సోంప‌ల్లి
నిర్మాత‌లు: న‌వీన్ ఎర్నేని, వై.ర‌విశంక‌ర్‌
బ్యానర్: మైత్రి మూవీ మేకర్స్
రచన, దర్శకత్వం: శ్రీ‌ను కంభాల
విడుదల తేదీ: 13.11.2026
ఇటీవ‌లికాలంలో వస్తున్న మాస్, యాక్షన్, అతి వ‌యెలెన్స్ సినిమాల మ‌ధ్య‌లో కొన్ని కామెడీ సినిమాలు, యూత్‌కి న‌చ్చే అంశాల‌తో కూడిన సినిమాలు వ‌స్తున్నాయి. అలా వచ్చిన లిటిల్ హార్ట్స్ వంటి సినిమాలు ప్రేక్ష‌కాద‌ర‌ణ పొందాయి. తాజాగా కామెడీతోపాటు కొంత క్రైమ్‌ని కూడా మిక్స్ చేసి దొంగ నాకొడుకు(DNK) అనే డిఫ‌రెంట్ టైటిల్‌తో ఓ సినిమా ప్రేక్షకుల ముందుకు వచ్చింది. ఈ సినిమాలో మౌళి హీరోగా న‌టించాడు. ఇంత‌కుముందు అతను చేసిన సినిమాల‌కు ప్రేక్ష‌కాద‌ర‌ణ ఉండడంతో టాలీవుడ్‌లోనే పెద్ద నిర్మాణ సంస్థ అయిన మైత్రి మూవీ మేకర్స్ ఈ చిత్రాన్ని నిర్మించింది. దాంతో సినిమాకి హైప్ వచ్చింది. మరి ఈ సినిమా ఎలా ఉంది? దొంగ నా కొడుకు తన కామెడీతో ప్రేక్ష‌కుల్ని ఆక‌ట్టుకున్నాడా? అనేది ఈ స‌మీక్ష‌లో తెలుసుకుందాం
కథ:
అత‌ని పేరు ఈశ్వర్(మౌళి). చ‌దువు, సంధ్య లేకుండా గాలికి తిరుగుతూ బెట్టింగ్ యాప్‌ల‌లో డ‌బ్బు పోగొట్టుకుంటూ వుంటాడు. దాంతో అతనికి అప్పులు పెరిగిపోతాయి. అతనికి ఒక ప్రియురాలు ఉంటుంది. ఆమె దగ్గర ఉన్న బంగారాన్ని తీసుకొని తాక‌ట్టు పెట్టి మరీ బెట్టింగ్ పెడుతుంటాడు. ఈ విషయంలో ఆ అమ్మాయి త‌ల్లిదండ్రుల‌కు తెలుస్తుంది. అప్ప‌టివ‌ర‌కు తన కూతురు దగ్గర 10 ల‌క్ష‌ల వరకు ఈశ్వర్ తీసుకున్నాడ‌ని తేలుతుంది. ఆ డ‌బ్బు క‌ట్ట‌మ‌ని అత‌ని ఇంటికి వచ్చి గొడ‌వ చేస్తాడు ఆ అమ్మాయి తండ్రి. ఈ అప్పులు తీరాలంటే పెద్ద‌దేదో చెయ్యాల‌ని తన ఫ్రెండ్‌తో క‌ల‌సి ప్లాన్ చేస్తాడు. ఆ ఊళ్లో ఫేమ‌స్ అయిన గుండు బాస్ జ్యూయ‌ల‌రీలో దొంగ‌త‌నానికి వెళ‌తారు. అయితే అప్ప‌టికే ఆ షాప్‌ను ఎవరో దోచేస్తారు. ఆ తర్వాత అనుకోకుండా వారికి ఒక పెద్ద బ్యాగ్ దొరుకుతుంది. అందులో ఆ షాప్‌లో దోచుకున్న బంగారం క‌నిపిస్తుంది. ఆ బంగారాన్ని అమ్మాల‌ని ట్రై చేస్తారు. కానీ, అది రోల్డ్‌గోల్డ్ అని తేలుతుంది. అంతేకాదు, ఆ బ్యాగ్‌లో బంగారంతోపాటు మరో వ‌స్తువును చూసి షాక్ అవుతారు. ఆ బ్యాగ్ ఎవ‌రిది? అందులో రోల్డ్‌గోల్డ్ న‌గ‌ల‌ను ఎవరు పెట్టారు? ఆ బ్యాగ్‌లో ఉన్న మరో వ‌స్తువు ఏమిటి? ఆ బ్యాగ్ వల్ల ఈశ్వర్ ఎలాంటి ఇబ్బందులు ఎదుర్కొన్నాడు? ఆ గోల్డ్ షాప్‌లోని బంగారాన్ని దోచుకున్న అసలు దొంగ ఎవరు? అనేది మిగతా కథ.
విశ్లేష‌ణ:
ఇది అర్థం ప‌ర్థం లేని కథ, కథనం, డైలాగులతో రూపొందిన సినిమా. సినిమా ప్రారంభం నుంచి చివరి వరకు ఎలాంటి ఆసక్తి క‌లిగించ‌ని విధంగా తెర‌కెక్కించ‌డంలో డైరెక్టర్ హండ్రెడ్ ప‌ర్సెంట్ సక్సెస్ అయ్యాడు. ఏమాత్రం న‌వ్వు తెప్పించ‌ని కామెడీ సీన్స్‌తో, డైలాగులతో ప్రేక్షకుల స‌హ‌నాన్ని ప‌రీక్షించారు. పైగా ఒక్కో సీన్‌ను వీలైనంత లాగి బోర్ కొట్టించే ప్రయత్నం చేశారు. అన్నింటినీ మించి సినిమాలో నటించిన న‌టీన‌టులంతా తమ ఓవ‌ర్ యాక్ష‌న్‌తో ఇరిటేష‌న్ తెప్పించారు. అవ‌స‌రానికి మించి, అన‌వస‌రం అనిపించే ఎన్నో ట్విస్టుల‌తో సినిమాను ప‌రిగెత్తించాల‌నుకున్నాడు డైరెక్టర్. కానీ, థియేట‌ర్‌ని వ‌దిలి ప్రేక్షకులు బ‌య‌టికి ప‌రిగెత్తేలా ఆ సీన్స్ వచ్చాయని సినిమా చూస్తున్న‌వారికి తెలుస్తుంది. అన్నింటినీ మించి గే కామెడీతో ఆడియ‌న్స్‌ని ఎంట‌ర్‌టైన్ చెయ్యాల‌నుకున్న డైరెక్టర్ ప్లాన్ ఫెయిల్ అయింది.
నటీనటులు:
హీరో దగ్గర నుంచి మిగతా న‌టీన‌టులంతా డైరెక్టర్ చెప్పిన‌ట్టు చెయ్య‌డంలో సక్సెస్ అయ్యార‌ని చెప్పొచ్చు. ప్రతి ఆర్టిస్టుతో ఓవ‌ర్ యాక్షన్ చేయించ‌డంలో డైరెక్టర్ సక్సెస్ అయ్యాడు. ఫ‌లానా ఆర్టిస్టు బాగా చేశారని చెప్ప‌డానికి ఈ సినిమాలో ఏమీ లేదు.
సాంకేతిక నిపుణులు:
కథ, క‌థ‌నాలు ఎలా ఉన్నా సూర్య బాలాజీ ఫోటోగ్ర‌ఫీ బాగుంది. ప్రతి సీన్‌ను రిచ్‌గా చూపించే ప్రయత్నం చేశాడు. ఎడిటింగ్ విషయానికి వస్తే కొన్ని సీన్స్ లెంగ్త్ ఎక్కువ కావడం వల్ల ఆడియ‌న్స్‌కి విసుగు అనిపిస్తుంది. సంగీత ప‌రంగా సింజిత్ ఏమాత్రం ఆక‌ట్టుకోలేక‌పోయాడు. పాట‌లుగానీ, బ్యాక్‌గ్రౌండ్ స్కోర్‌గానీ సినిమాకి ఏమాత్రం ఉప‌యోగ‌ప‌డ‌లేదు. మైత్రి మూవీ మేకర్స్ ప్రొడక్షన్ వేల్యూస్ బాగానే ఉన్నాయి. డైరెక్టర్ గురించి చెప్పాలంటే కథ, స్క్రీన్‌ప్లే, మాటలు.. వీటిలో దేనిలోనూ ప్ర‌త్యేక‌త కనిపించలేదు. సినిమాలో హ‌డావిడి బాగా క‌నిపిస్తుంది కానీ, స‌బ్జెక్ట్‌లో అంత విషయం లేదు అనేది సినిమా ప్రారంభంలోనే తెలిసిపోతుంది. సినిమా ఎప్పుడు పూర్త‌వుతుందా, ఎప్పుడు థియేట‌ర్‌లో నుంచి బ‌య‌ట ప‌డ‌దామా అని ప్రేక్ష‌కుల్ని కంగారు పెట్ట‌డంలో మాత్రం డైరెక్టర్ శ్రీ‌ను కంభాల సక్సెస్ అయ్యాడు.
ఫైన‌ల్‌గా చెప్పాలంటే..
‘దొంగ నాకొడుకు’ ట్రైల‌ర్‌లో చెప్పిన‌ట్టుగానే ఇది MOST CHILLAR FILM OF THE YEAR.
రేటింగ్: 2/5
- జి.హ‌రా
[DNKMovieReview, DongaNakoduku, TeluguMovieReview, MythriMovieMakers]
ఎన్నికల వేళ జగన్ కు షాకుల మీద షాకులు తగులుతున్నాయి. ఇన్నాళ్లే జగన్ మాటే శాసనం అన్నట్లుగా అణిగిమణిగి ఉన్న వారంతా సరిగ్గా ఎన్నికల ముంగిట ధిక్కార స్వరం వినిపిస్తున్నారు. పార్టీపై తిరుగులేని పట్టు ఉందని భావిస్తున్న జగన్ కు ఆ పట్టు జారిపోవడం కళ్లముందు కనిపించేలా చేస్తున్నారు.
టికెట్ నిరాకరించిన, సిట్టింగ్ స్థానాన్ని మార్చిన ఎమ్మెల్యేలు, ఎంపీలు ఇప్పటికే పార్టీని వీడి వలసబాట పట్టారు. వారితో పాటు పెద్ద సంఖ్యలో క్యాడర్ కూడా పార్టీని వీడుతున్నారు. ఇక ఇప్పుడు నామినేటెడ్ పదవులలో ఉన్న వారి వంతు మొదలైనట్లు కనిపిస్తోంది. తనకు కానీ తన భర్తకు కానీ వచ్చే ఎన్నికలలో పోటీ చేసేందుకు టికెట్ ఇవ్వాలంటూ గత కొంత కాలంగా కోరుతూ వస్తున్న మహిళా కమిషన్ చైర్ పర్సన్ వాసిరెడ్డి పద్మ వంతు వచ్చింది. ఆమె కూడా రాజీనామా అస్త్రం సంధించారు.
జగన్ కు నమ్మిన బంటుగా గుర్తింపు పొందిన మహిళాకమిషన్ చైర్ పర్సన్ వాసి రెడ్డి పద్మ తన పదవికి రాజీనామా చేశారు. ఉరుములేని పిడుగులా, ఎటువంటి ముందస్తు సమాచారం లేకుండా తన రాజీనామా లేఖను సీఎం జగన్ కు పంపేశారు. పేరుకు తాను పార్టీకి కాదు, కేవలం మహిళా కమిషన్ చైర్మన్ పదవికి మాత్రమే రాజీనామా చేశాననీ, ఇక నుంచి వైసీపీ కోసం పని చేస్తాననీ వాసిరెడ్డి పద్మ చెబుతున్నప్పటికీ, ఆమె రాజీనామాకు కారణం అసంతృప్తేనని పార్టీ వర్గాలు బాహాటంగానే చెబుతున్నాయి.
చాలా కాలంగా వాసిరెడ్డి పద్మ వచ్చే ఎన్నికలలో పోటీ చేసేందుకు తనకు కానీ తన భక్తకు కానీ పార్టీ టికెట్ ఇవ్వాలని జగన్ ను కోరుతూ వస్తున్నారు. అయితే ఇప్పటి వరకూ జగన్ చూద్దాం.. చేద్దాం అన్నట్లుగా దాట వేస్తూనే వచ్చారు. ఇప్పుడిక వరుసగా అభ్యర్థల జాబితాలను జగన్ ప్రకటించేస్తుండటం, తనకు గానీ తన భర్తకు కానీ పార్టీ టికెట్ విషయంలో ఎటువంటి స్పస్టత ఇవ్వకపోవడంతో ఆమె మనస్తాపం చెంది పదవికి రాజీనామా చేసేశారని పార్టీ వర్గాలు చెబుతున్నాయి.
వాసిరెడ్డి పద్మ రాజకీయ ప్రవేశం ప్రజారాజ్యం పార్టీతో జరిగింది. 2009లో ఆమె ప్రజారాజ్యం పార్టీలో చేరారు. ఇలా చేరడంతోనే ఆమె ప్రజారాజ్యం అధికార ప్రతినిథిగా పదవి దక్కించుకున్నారు. ప్రజారాజ్యం కాంగ్రెస్ పార్టీలో విలీనం కావడంతో ఆమె 2012లో జగన్ పార్టీలో చేరారు. జగన్ కూడా ఆమెకు అధికార ప్రతినిథి పదవి ఇచ్చారు. 2019లో వైసీపీ అధికారంలోకి వచ్చిన తరువాత ఆమెను రాష్ట్ర మహిళా కమిషన్ చైర్ పర్సన్ గా నియమించారు. చైర్ పర్సన్ హోదాలో ఆమె జగన్ మెప్పు పొందేందుకు చేయగలిగినంతా చేశారు. ప్రతిపక్ష పార్టీ నేతలకు నోటీసులు ఇచ్చారు. ఏకంగా జనసేన అధినేత పవన్ కల్యాణ్ కు సైతం నోటీసులు జారీ చేశారు. వార్డు వలంటీర్లపై పవన్ కల్యాణ్ చేసిన వ్యాఖ్యలకు కమిషన్ ముందు హాజరై వివరణ ఇవ్వాలంటూ ఆమె పవన్ కు నోటీసులు జారీ చేసిన సంగతి తెలిసిందే. పవన్ హాజరు కాకపోవడంతో పోలీసులకు ఫిర్యాదు చేసి కేసు నమోదు చేయాలని ఆదేశించారు. ఇన్ని చేసినా వాసిరెడ్డి పద్మకు ఆమె కోరినట్లుగా పార్టీ టికెట్ లభించకపోవడంతో అలిగి పదవికి రాజీనామా చేశారని, ఇది జగన్ కు షాకేననీ పరిశీలకులు విశ్లేషిస్తున్నారు.
.webp)
సంసారంలో నిస్సంగత్వంతో ఎలా జీవించాలో గురువు బోధిస్తాడు. మనల్ని సంసారబంధాల నుండి విముక్తుల్ని చేయడానికి తోడ్పడతాడు. కానీ అనేక జన్మల సంస్కారాల వల్ల మనలో సంసారాసక్తి సన్నగిల్లకపోవడంతో గురుబోధ అవగాహన చేసుకొనే మనోపరిపక్వత కలగదు. ఒకరైతు తనకు చేసిన సేవలకు ప్రీతి చెందిన గురువు అతడికి స్వర్గ ప్రాప్తిని కలగజేయాలని అనుకుంటాడు. కానీ సంసారాసక్తి వల్ల ఆ రైతు ఆ అవకాశాన్ని వాయిదా వేసుకుంటూ వస్తాడు. చివరికి గురుకృప వల్ల ఆ రైతు స్వర్గ ప్రాప్తిని ఎలా పొందాడో ఈ కథ తెలియజేస్తుంది.
"ఒక మహాపురుషుడు ప్రయాణం చేస్తూ, డస్సిపోయాడు. గొంతు ఎండిపోయింది. దారిలో ఒక రైతు కనపడితే నీళ్ళు అర్థించాడు. ఆ రైతు మహాత్మునికి సకల ఉపచారాలూ చేశాడు. చిరిగిపోయిన ఆయన ఉత్తరీయాన్ని రైతు జాగ్రత్తగా కుట్టి బాగుచేశాడు. రైతు పరిచర్యలకు సంతసించిన ఆ మహాత్ముడు శాంతి, ఆనందాలకు నిలయమైన స్వర్గానికి తనతోపాటు రమ్మని అంటాడు. అందుకు ఆ రైతు 'గురువుగారూ! మీరు నా మీద చూపిన దయకు కృతజ్ఞుణ్ణి. కానీ నా పిల్లలు ఇంకా చిన్నవాళ్ళు. ఓ ఏడేళ్ళ వ్యవధి ఇవ్వండి' అని అడుగుతాడు. అందుకు గురువు అంగీకరించాడు.
సరిగ్గా ఏడేళ్ళ తర్వాత గురువు రైతును స్వర్గానికి తీసుకువెళ్ళడానికి వచ్చాడు. అప్పుడు రైతు 'అయ్యా! కడపటి కొడుకు కష్టాలకు అంతు లేదు. అన్ని జంఝాటాలనూ ఒక్కడే సంబాళించుకోలేకపోతున్నాడు. కాబట్టి మరో ఏడేళ్ళు గడువు ఇవ్వండి' అని గురువుని అడిగాడు. మరో ఏడేళ్ళ తరువాత గురువు వచ్చాడు. కానీ రైతు చనిపోయాడని తెలిసింది. చనిపోయిన ఆ రైతు ఎద్దుగా పుట్టాడని ఆ గురువు తన దివ్య దృష్టితో తెలుసుకున్నాడు. ఎద్దుగా పుట్టిన ఆ రైతు తన కొడుకు పొలాన్నే దున్నుతున్నాడు. అప్పుడు గురువు ఆ ఎద్దుపై మంత్ర జలం చిలకరించగానే ఎద్దు జన్మనెత్తిన రైతు 'నా కొడుకు పరిస్థితి మరి కాస్త మెరుగు పడనీయండి స్వామీ! మరో ఏడేళ్ళు గడువు ఇవ్వండి' అని అన్నాడు. ఇక చేసేది లేక వెనుదిరిగాడు గురువు. మరలా ఏడేళ్ళ తర్వాత వచ్చిన గురువుకు ఎద్దు చనిపోయిందని తెలిసింది. అది కుక్కగా పుట్టి కొడుకు ఇంటినీ, ఆస్తినీ కాపలా కాస్తోందని తన దివ్యదృష్టి ద్వారా తెలుసుకున్నాడు. గురువు. కుక్కగా పుట్టిన ఆ రైతు 'స్వామీ! నేను ఎంత దౌర్భాగ్యుణ్ణి. మీరు ఇంత దయ చూపుతున్నప్పటికీ మీతో స్వర్గమానం చేయలేకున్నాను. వీడికి ఆస్తిని కాపాడుకొనే దక్షత ఇంకా రాలేదు. కాబట్టి దయ చేసి మరో ఏడేళ్ళు వ్యవధి ఇవ్వండి' అని వేడుకున్నాడు.
గురువు ఏడేళ్ళ తరువాత మళ్ళీ వచ్చేసరికి కుక్క మరణించింది. అది త్రాచుపాముగా జన్మనెత్తి, ఇప్పుడు కొడుకు భూమిలో ఉన్న లంకెబిందెలకు పడగెత్తి కాపలా కాస్తోంది. గుప్త ధనం ఇక్కడ ఉందని కొడుకుకి ఎలా తెలియజేయాలా అని పాము ఆలోచిస్తున్నప్పుడు గురువు ఆ రైతుకొడుకును పిలుచుకు వచ్చి లంకె బిందెలు ఉన్న చోట తవ్వమన్నాడు. లంకె బిందెలు బయటపడ్డాయి. ఆ పైన ఆ పామును చంపమన్నాడు. అనంతరం శిష్యుణ్ణి తీసుకొని స్వర్గారోహణం చేశాడు గురువు. సంసారంలోని ఈతి బాధల నుండి శిష్యుణ్ణి ఉద్ధరిస్తాడు సద్గురువు. అలాంటి గురువు అందరికీ అవసరం.
*నిశ్శబ్ద.
ఏద‌యినా ఒక వ‌స్తువు ఇంట్లోంచి పోయిందంటేనే ఎంతో బాధ‌గా వుంటుంది. ఎంతో ఇష్ట‌ప‌డి కొనుక్కున్న వ‌స్తువు చేజారి ప‌డి ప‌గిలిపోయినా, దొంగ‌త‌నం జ‌రిగినా, ఎక్క‌డో మ‌ర్చిపోయినా చాలా బాధేస్తుంది. దాన్ని తిరిగి పొంద‌లేమ‌ని దిగులు ప‌ట్టుకుం టుంది. కానీ 101 ఏళ్ల చార్లెటి బిషాఫ్ కు ఎంతో ఇష్ట‌మ‌యిన పెయింటింగ్ రెండో ప్రపంచ యుద్ధ సమయంలో దూర‌మ‌యింది. 80 ఏళ్లు దాని కోసం ఎదురు చూడ‌గ‌లి గింది.
అదంటే మరి ఆమెకు ప్రాణ స‌మానం. చాలా కాలం దొరుకుతుంద‌ని, తర్వాత ఇక దొర‌కదేమో అనీ ఎంతో బాధ‌పడింది. ఫిదా సినిమాలో హీరోయిన్ చెప్పినట్లు ఆమె గట్టిగా అనుకుని ఉంటుంది. అందుకే కాస్త ఆలస్యమైనా.. కాస్తేంటి ఎనిమిది దశాబ్దాలు ఆలస్యమైనా ఆమె పెయింటింగ్ ఆమెకు దక్కింది. ఆ పెయింటింగ్ గ‌తేడాది ఆమెను చేరింది. ఆమెది నెద‌ర్లాండ్స్‌. ఆమె తండ్రి నెద‌ర్లాండ్స్‌లోని ఆర్నెహెమ్‌లో చిన్న‌పిల్ల‌ల ఆస్ప‌త్రి డైరెక్టర్. పోయి దొరికిన ఆ పెయింటింగ్ విషయానికి వస్తే.. అది 1683లో కాస్ప‌ర్ నెష‌ర్ వేసిన స్టీవెన్ ఓల్ట‌ర్స్ పెయింటింగ్.
రెండో ప్రపంచ యుద్ధ సమయంలో నాజీల ఆదేశాల‌ను చార్లెట్ తండ్రి వ్య‌తిరేకించారు. ఆయన ర‌హ‌స్య జీవనం సాగించేడు. కానీ ఈ పెయింటింగ్‌ని మాత్రం తన న‌గ‌రంలోని ఒక బ్యాంక్‌లో భ‌ద్ర ప‌ర‌చ‌మ‌ని ఇచ్చార‌ట. 1940లో నాజీలు నెద‌ర్లాండ్ పై దాడులు చేసినపుడు ఆ బ్యాంక్ మీద ప‌డి దోచుకున్నా రు. అప్పుడు ఈ పెయింటింగ్ కూడా తీసుకెళ్లారు. యుద్ధం అయిపోయిన తర్వాత ఈ పెయింటింగ్ ఎక్క‌డున్న‌దీ ఎవ‌రికీ తెలియ‌లేదు. చిత్రంగా 1950ల్లో డ‌స‌ల్‌డార్ష్ ఆర్ట్ గ్యాల‌రీలో అది ప్ర‌త్య‌క్ష‌మ‌యింది. 1969లో ఆమ్‌స్ట‌ర్‌డామ్‌లో దాన్ని వేలానికి తీసికెళ్లే ముందు దాన్ని ఆ ఆర్ట్ గ్యాల‌రీలో వుంద‌ని చూసిన‌వారు చెప్పారు. వేలంపాట తర్వాత మొత్తానికి ఆ పెయింటింగ్‌ను 1971లో ఒక క‌ళాపిపాసి తన దగ్గర పెట్టుకున్నాడు. ఆ తర్వాత 2021లో అది చార్లెటీని చేరింది.
మొత్తానికి వూహించ‌ని విధంగా ఎంతో కాలం దూర‌మ‌యిన గొప్ప క‌ళాఖండం తిరిగి తన వ‌ద్ద‌కు చేర‌డంలో చార్లెటీ ఆనందానికి అంతేలేదు. అంతే కదా.. పోయింద‌నుకున్న గొప్ప వ‌స్తువు తిరిగి చేరితే ఆ ఆనంద‌మే వేరు! అయితే చార్లెటీకి ఇపుడు ఆ పెయిం టింగ్‌ను భ‌ద్రంగా చూసుకునే ఆసక్తి వున్న‌ప్ప‌టికీ శక్తి సామ‌ర్ధ్యాలు లేవు. అందుక‌నే త్వ‌ర‌లో ఎవ‌రిక‌యినా అమ్మేసీ వచ్చిన సొమ్మును పిల్లలకు పంచుదామ‌నుకుంటోందిట! చార్లెటీ కుటుంబంలో అయిదుగురు అన్న‌ద‌మ్ములు అక్క‌చెల్లెళ్లు వున్నారు. అలాగే ఇర‌వై మంది పిల్లలు ఉన్నారు. అందరూ ఆమె అంటే ఎంతో ప్రేమ చూపుతున్నారు. అంద‌రం ఒకే కుటుంబం, చాలాకాలం తర్వాత ఇల్లు చేరిన క‌ళాఖండం మా కుటుంబానిది అన్నది చార్లెటీ!
.JPG)
ఓ వంక ఐదు రాష్ట్రాల అసెంబ్లీ ఎన్నికలు జరుగుతుంటే, మరో వంక జాతీయ స్థాయిలో, బీజేపీ, కాంగ్రెస్ పార్టీలకు తృతీయ ప్రత్యాన్మాయంగా థర్డ్ ఫ్రంట్ ఏర్పాటు ఆలోచనలు జోరందుకున్నాయి. ఇటీవల కాంగ్రెస్ పార్టీకి రాజీనామా చేసిన ఆ పార్టీ సీనియర్ నాయకుడు, పీసీ చాకో, నేషనలిస్ట్ కాంగ్రెస్ పార్టీ(ఎన్సీపీ)లో చేరారు.
చాకోను పార్టీలోకి ఆహ్వానిస్తూ, ఎన్సీపీ అధినేత శరద్ పవార్’ ఫ్రంట్ ఏర్పాటు గురించి ప్రత్యేకించి ఎలాంటి వ్యాఖ్యలు చేయలేదు కానీ, చాకో అలాంటి సంకేతాలు ఇచ్చారు. ప్రస్తుతం దేశంలో ఉన్న ఏ ఒక్కపార్టీ కూడా బీజేపీకి ప్రత్యాన్మాయం కాదని,సమీప భవిష్యత్ కాంగ్రెస్ సహా ఏ పార్టీ కూడా ఆ స్థాయికి ఎదిగే అవకాశాలు కూడా కనిపించడంలేదని అన్నారు. ఈ పరిస్థితుల్లో దేశంలోని బీజేపీ వ్యతిరేక పార్టీలన్నీ, ఏకమై, ఒకే గొడుగు కిందకు రావలసిన అవసరం ఉందని చాకో అన్నారు. అదే సమయంలో ప్రతిపక్షాలను ఏక తాటిపైకి తెచ్చే బాధ్యతను పవార్ తీసుకోవాలని సంకేత మాత్రంగా చెప్పారు. అంతే కాకుండా కాంగ్రెస్ పేరు ఎత్తకుండా బీజేపీ వ్యతిరేక శక్తులను ఏకం చేసే ఆలోచన ఆ పార్టీ నాయకత్వానికి లేదని నెహ్రూ గాంధీ ఫ్యామిలీ (సోనియా, రాహుల్, ప్రియాంక)ఆలోచనా ధోరణిని పరోక్షంగానే అయినా ఎండ కట్టారు.ఆ విధంగా పవార్ ఆ బాధ్యత తీసుకోవాలని చాకో సూచించారు. ఇందుకు సంబంధించి, పవార్ బహిరంగంగా ఎలాంటి వ్యాఖ్య చేయలేదు. అయితే, చాకో సహా మరికొందరు ‘సీనియర్’ కాంగ్రెస్ నాయకులు, అలాగే సిపిఎం, సిపిఐ నాయకులు కూడా పవార్’తో చాలా కాలంగా థర్డ్ ఫ్రంట్ విషయంగా చర్చలు జరుపుతున్నట్లు సమాచారం.
అయితే మహారాష్ట్రలో సంకీర్ణం మనుగడను దృష్టిలో ఉంచుకుని పవార్ ఆచితూచి అడుగులేస్తున్నట్లు తెలుస్తోంది. అందుకే చాకో పార్టీలో చేరిన సందర్భంలో కూడా ‘చాకో చేరికతో మహారాష్ట్రలోని మహా వికాస్ అగాడీ ప్రభుత్వానికి ఎలాంటి నష్టం జరగదని, పవార్ మహారాష్ట్ర సంకీర్ణ సర్కార్ ప్రస్తావన చేశారని విశ్లేషకులు పేర్కొంటున్నారు. మహారాష్ట్ర సంకీర్ణ ప్రభుత్వ మనుగడ గురించ్బి పవార్ ప్రత్యేకంగా పేర్కొనడం ద్వారా, ఆయన థర్డ్ ఫ్రంట్ విషయంలో వేచి చూసే ఆలోచనలో ఉన్నట్లు అర్థమవుతోందని కూడా రాజకీయ విశ్లేషకులు భావిస్తున్నారు. అయితే అదే ఎన్సీపీ అసెంబ్లీ ఎన్నికల జరుగతున్న కేరళలో, పశ్చిమ బెంగాల్లో కాంగ్రెస్ వ్యతిరేక పార్టీలకు మద్దతు ఇస్తోంది. దీన్ని బట్టి చూస్తే, ఎన్సీపీ - కాంగ్రెస్ మధ్య దూరం పెరుగుతోందని స్పష్టమవుతోంది. అయితే, థర్డ్ ఫ్రంట్ ఏర్పాటు ఏ రకంగా ముడి పడుతుంది అనే విషయంలో ఇంకా స్పష్టత రావలసి ఉంది. అలాగే, కాంగ్రెస్ లేకుండా జాతీయ స్త్గాయిలో బీజేపీ వ్యతిరేక కూటమిని ఏర్పాటు చేయడం వలన, వ్యతిరేక ఓటు చీలి అది మళ్ళీ బీజేపీకే మేలు చేస్తుందని, కాబట్టి, ప్రస్తుతం కాంగ్రెస్ సారధ్యంలోని యూపీఏని బలోపేతం చేయడమే ఉత్తమమనే అలోచన కూడా విపక్ష శిబిరం నుంచి వినవస్తోంది.
ఈ నేపధ్యంలోనే, ప్రస్తుతం యూపీఏ ఛైర్పర్సన్’గా ఉన్న సోనియా గాంధీ వయసు, అనారోగ్యం కారణంగా బాధ్యతల నుంచి తప్పుకుని పవార్’కు బాద్యతలు అప్పగించాలనే ప్రతిపాదన వచ్చిందని అంటున్నారు. అలాగే, ఇతర పార్టీలను, ముఖ్యంగా కాంగ్రెస్ నుంచి విడిపోయి సొంత కుంపటి పెట్టుకున్న మమతా బెనర్జీ సారధ్యంలోని తృణమూల్, జగన్మోహన్ రెడ్డి సారధ్యంలోని వైసీపీలను కలుపుకుని కూటమిని బలోపేతం చేయడం ద్వారా బీజేపీని దీటుగా ఎదుర్కోవచ్చనే ఆలోచనలు కూడా సాగుతున్నాయి. అయితే, ఇటు థర్డ్ ఫ్రంట్ ఏర్పాటు అయినా, యూపీఏని బలోపేతం చేయడమే అయినా, పవారే .. కేంద్ర బిందువు. ఆయన సారధ్యంలోనే ప్రత్యాన్మాయం అనేది విపక్ష శిభిరం నుంచి వినవస్తున్న ప్రస్తుత సమాచారం. మరి అదే జరిగితే రాహుల గాంధీ పరిస్థితి ఏమిటి ? గాంధీ నెహ్రూ కుటుంబం పరిస్థితి ఏమిటి? ఏ ప్రత్యేక ప్రాధాన్యత లేకుండా అందరిలో ఒకరిగా ఫస్ట్ ఫ్యామిలీ సర్దుకు పోతుందా? అంటే..చివరకు ఏమవుతుందో .. ఇప్పుడే చెప్పలేమని రాజకీయ విశ్లేషకులు భావిస్తున్నారు.
.JPG)
తెలంగాణ రాష్ట్ర బడ్జెట్ 2021-22ను ఆర్థిక మంత్రి హరీష్ రావు, ఈ నెల18న సభలో ప్రవేశ పెడతారు.కరోనా కారణంగా, ప్రస్తుత ఆర్థిక సంవత్సరం (2020-21)లో ఎదురైన ఆర్థిక ఇబ్బందుల నేపధ్యంగా ప్రవేశపెడుతున్న బడ్జెట్ కావడంతో సహజంగానే అందరిలోనూ ఆసక్తి నెలకొంది.
గతంలో అనేక సందర్భాలలో ముఖ్యమంత్రి కేసీఆర్,ఆర్థిక మంత్రి హరీశ రావు, కరోనా కారణంగా రాష్ట్ర ఆదాయం గణనీయంగా తగ్గిందని, పేర్కొన్నారు. అయితే, కరోనా నుంచి వేగంగా కోలుకుని, ఆర్థికంగా అంతే వేగంగా పుంజుకున్న రాష్ట్రాలలో తెలంగాణ ప్రధమ స్థానంలో ఉందని కేంద్ర ప్రభుత్వ ఆర్థిక సర్వే 2020-21 నివేదిక పేర్కొంది. పడిలేచిన కెరటంలా, తెలంగాణ ‘వీ’ ఆకారంలో ఆర్థికంగా నిలతొక్కుందని కేంద్రం జనవరి చివరి వారంలో విడుదల చేసిన ఆర్థిక సర్వేలో పేర్కొంది. అలాగే, రెవిన్యూ వసూళ్ళలో రాష్ట్రం కరోనా పూర్వస్థితికి చేరిందని కూడా సర్వే చెప్పింది.
అలాగే,రాష్ట్ర ఆర్థిక మంత్రి హరీష్ రావు కూడా ఈ మధ్య కాలంలో రాష్ట్ర ఆర్థిక పరిస్థితి పై సంతృప్తిని వ్యక్త పరిచారు. గత సంవత్సరమ జనవరి,ఫిబ్రవరి, మార్చి నెలలతో పోలిస్తే ఈ సంవత్సరం ఈ మూడు నెలల కాలంలో రాష్ట్ర ఆర్థిక వృద్ది రేటు 10 నుంచి 15 శాతం మెరుగ్గా ఉందని హరీష్ రావు ఒకటి రెండు ఇంటర్వ్యూలలో పేర్కొన్నారు.అలాగే, బడ్జెట్ విషయంలోనూ ఆయన చాల ఆశావహ దృక్పథంతోనే ఉన్నారు. బడ్జెట్ పాజిటివ్’గా ఉంటుదని, ఎవ్వరూ ఎలాంటి ఆందోళన చెందవలసిన అవసరం లేదని, సంక్షేమ పథకాలలో,ఇతరత్రా బడ్జెట్ కేటాయింపులలో ఎలాంటి కోతలు ఉండవని కూడా హరీష్ హామీ ఇచ్చారు. గత సంవత్సరంలో కొంత మేర హామీ ఇచ్చిన మేరకు అమలు చేయలేక పోయిన సొంత జాగాలలో డబల్ బెడ్ రూమ్ ఇళ్ళ నిర్మాణం, రుణ మాఫీ వంటి పథకాలను ఈ బడ్జెట్ ద్వారా అమలు చేస్తామని చెప్పారు.
అలాగే, అసెంబ్లీ బడ్జెట్ సమావేశాల సందర్భంగా గవర్నర్ తమిళి సై చేసిన ప్రసంగంలోనూ ఆశావహ దృక్పధమే వ్యక్తమైంది. ఆమె తమ ప్రసంగంలో, ప్రభుత్వం సంక్షేమ పథకాలకు పెద్ద పీట వేసిందని అన్నారు. ‘సంపద పంచాలి ,పేదలకు పంచాలి’ అనేది తమ ప్రభుత్వ విధానమని స్పష్టం చేశారు. అలాగే, పెరుగతున్న ఆదాయంలో అధికశాతం సంక్షేమానికే వెచ్చిస్తున్నామని స్పష్టం చేశారు. దీంతో బడ్జెట్’లో కొత్త పథకాలకు శ్రీకారం చుట్టే అవకాశం ఉంటుందా అన్న చర్చ జరుగుతోంది.
మరో వంక ఉద్యోగ వర్గాల్లో పీఆర్సీకి సంబంధించి ఆర్థిక మంత్రి తమ ప్రసంగంలో ప్రకటన చేస్తారా లేదా అనే ఆసక్తి నెలకొంది. అలాగే, సామాన్య ప్రజలు ఇటీవల పెరిగిన పెట్రోల్, డీజిల్, వంటగ్యాస్ ధరల భారం నుంచి మంత్రి హరీష్, ఏదైనా ఉపసమనం కలిపిస్తారా అని ఎదురు చూస్తున్నారు. గతంలో వైఎస్సార్ ముఖ్యమంత్రిగా ఉన్న సమయంలో సామాన్య ప్రజలపై వంటగ్యాస్ ధర భారాన్ని తగ్గించేందుకు కొంత మొత్తాన్ని, రూ.50(?) రాష్ట్ర ప్రభుత్వం తరపున సబ్సిడీగా ఇచ్చిన విషయాన్ని, అదే విధంగా అసెంబ్లీ ఎన్నికలు జరుగతున్న తమిళనాడులో డిఎంకే పార్టీ,తమ పార్టీని అధికారంలోకి వస్తే గ్యాస్ బండపై వంద రూపాయల సబ్సిడీ ఇస్తామని చేసిన వాగ్దానాన్ని గుర్తు చేస్తున్నారు.
ఇదిలా ఉంటే, ముఖ్యమంత్రి చంద్రశేఖర రావు, సోమవారం ఆర్థిక మంత్రి హరీష్ రావు, రాష్ట్ర ప్రభుత్వ ప్రధాన కార్యదర్శి సోమేశ్ కుమార్, ఆర్థిక శాఖ ముఖ్య కార్యదర్శి రామ కృష్ణా రావు,సలహాదారు జీఆర్ రెడ్డితో బడ్జెట్ పద్దులఫై సుదీర్ఘంగా చర్చించి తుది మెరుగులు దిద్దారు. బడ్జెట్ తుది రూపం సిద్దమైన నేపధ్యంలో ఆర్థిక శాఖ ప్రింటింగ్ ఏర్పాట్లు చేస్తోంది. ఈ నెల 18 ఉదయం మంత్రి వర్గం ఆమోదం పొందిన అనంతరం ఆర్థికమంత్రి హరీష్ రావు అదే రోజు రాష్ట్ర బడ్జెట్ 2021-22ను సభలో ప్రవేశ పెడతారు. 20, 22 తేదీల్లో బడ్జెట్‌పై సాధారణ చర్చ,23, 24, 25 తేదీల్లో బడ్జెట్ పద్దులపై చర్చ ఉంటుంది 26న ద్రవ్యవినిమయ బిల్లు (బడ్జెట్)పై చర్చ, సభామోదం ఉంటాయి.
అబద్ధాలు, అర్థ సత్యాలు, వ్యక్తిగత దూషణలు, అర్ధంపర్ధం లేని ఆరోపణలతో సుమారు నెలరోజులకు పైగా తెలంగాణలో సాగుతున్న పట్టభద్రుల ఎమ్మెల్సీ ఎన్నికల ప్రచారానికి శుక్రవారం సాయంత్రంతో తెర పడింది.రాష్ట్రంలోని మహబూబ్‌నగర్‌-హైదరాబాద్-రంగారెడ్డి పట్టభద్రుల నియోజకవర్గంతో పాటుగా,నల్లగొండ-ఖమ్మం-వరంగల్ స్థానానికి ఫిబ్రవరి 16 తేదీన నోటిఫికేషన్ వెలువడినా, ఎన్నికల ప్రచారం మాత్రం అంతకు చాలా ముందే అభ్యర్ధుల స్థాయిలో స్థానికంగా ఎన్నికల ప్రచారం ప్రారంభమైంది.
అధికార తెరాస, ఖమ్మం స్థానానికి సిట్టింగ్ ఎమ్మెల్సీ పల్లా రాజేశ్వర రెడ్డి పేరును ప్రకటించడంలో కొంచెం జాప్యం చేయడంతో పాటుగా, హైదరాబాద్ స్థానం నుంచి , పీవీ కుమార్తె వాణీ దేవి పేరును చివరి క్షణంలో తెరమీదకు తేవడంతో అంత వరకు కొంత స్తబ్దుగా సాగిన ప్రచారం ఆ తర్వాత వేడెక్కింది. ఉద్యోగ నియామకాల విషయంలో తెరాస కార్యనిర్వాహక అధ్యక్షుడు, మంత్రి కేటీఆర్ తప్పులో కాలేయడంతో విపక్షాలు, పోటీలో ఉన్న ప్రత్యర్ధులు, నిరుద్యోగ యువత, విద్యార్ధి సంఘాలు ఒకే సారి ఆయన మీద విరుచుకు పడ్డారు. ఆయన లెక్క తప్పని నిరుపిస్తం రమ్మని వరస సవాళ్ళు విసిరారు. దీంతో, మంత్రి నియామకా ఇష్యూని పక్కకు తప్పించేందుకు , ఐటీఐఆర్, వరంగల్ రైల్వే ఫ్యాక్టరీ వంటి సెంటిమెంటల్ ఇష్యూస్’ను తెరపైకి తెచ్చారు. అలాగే, కేంద్ర ప్రభుత్వంపై విమర్శల దాడిని పెంచారు. చివరకు పొరుగు రాష్ట్రానికి చెందిన విశాఖ ఉక్కు ఆందోళన కూడా ఎమ్మెల్సీ ఎన్నికల ప్రచారంలో భాగమైంది.
రెండు నియోజక వర్గాలలో గతంతో పోలిస్తే ఈసారి ఓటర్ల సంఖ్య రెట్టింపు అయింది. ఈసారి రెండు నియోజక వర్గాలలో కలిపి 10 లక్ష 36 వేల మంది తమ ఓటు హక్కును వినియోగించుకుంటారు. అలాగే, రెండు పట్ట భద్రుల నియోజక వర్గాల్లో 164 మంది అభ్యర్ధులు పోటీలో ఉన్నారు. గత ఎన్నికలతో పోలిస్తే ఇటు ఓటర్ల సంఖ్య, అటు అభ్యర్థుల సంఖ్యా రెట్టింపునకు పైగానే పెరగడంతో ఎన్నికలలో జోష్ పెరిగింది. దీనికితోడు అధికార, ప్రతిపక్ష పార్టీలు ప్రతిష్ఠాత్మకంగా తీసుకోవడంతో సాధారణ ఎన్నికలను తలపించే రీతిలో ప్రచారం సాగింది. ఎక్కువమంది అభ్యర్ధులు బరిలో ఉండడంతో, ప్రభుత్వ వ్యతిరేక ఓటు చీలి తమకే ప్రయోజనం జరుగుతుందని అధికార పార్టీ ఆశపడుతోంది .
దుబ్బాక, జీహెచ్‌ఎంసీ ఎన్నికల్లో చేదు ఫలితాలను చవిచూసిన టీఆర్‌ఎస్‌ పార్టీ ఎమ్మెల్సీ ఎన్నికలను అత్యంత ప్రతిష్ఠాత్మకంగా తీసుకుంది. ముఖ్యమంత్రి కేసీఆర్ స్వయంగా వ్యూహ రచన చేసి కేటీఆర్, హరీష్ సహా మంత్రులు,ఎమ్మెల్యేలకు స్పెసిఫిక్ బాధ్యతలు అప్పగించారు. అలాగే,కాంగ్రెస్ అభ్యర్థులు చిన్నారెడ్డి, రాములునాయక్‌లకు మద్దతుగా ఉత్తమ్, భట్టి, రేవంత్‌రెడ్డి, కోమటిరెడ్డి వెంకట్‌రెడ్డి తదితరులు విస్తృతంగా ప్రచారం చేశారు. బీజేపీ అభ్యర్థులు ఎన్.రాంచందర్‌రావు, ప్రేమేందర్‌రెడ్డిల తరఫున ఆ పార్టీ రాష్ట్ర అధ్యక్షుడు బండి సంజయ్, ఎంపీ అరవింద్ తదితరులు ప్రచారాన్ని వేడెక్కించారు.
ఖమ్మం స్థానం నుంచి ప్రత్యక్ష ఎన్నికల్లో తొలిసారి పోటీకి దిగిన కోదండరాంకు, టీజేఎస్ పార్టీకీ ఈ ఎన్నికలు కీలకంగా మారాయి. ఖమ్మ స్థానం నుంచి పోటీ చేస్తున్న తీన్మార్ మల్లన్న ముందస్తు వ్యూహంతో ప్రధాన పార్టీల అభ్యర్ధులకు ధీటుగా ప్రచారం సాగించారు. వామపక్షాల మద్దతుతో జయసారథి, తెలంగాణ ఇంటి పార్టీ అధ్యక్షుడు చెరుకు సుధాకర్, యువతెలంగాణ కార్యనిర్వాహక అధ్యక్షురాలు రాణీ రుద్రమ తదితరులు పోటీలో ఖమ్మం సీటును పట్టభద్రులు ఎవరికి పట్టం కడతారు అన్నది ప్రశ్నార్థకంగా మారింది. హైదరాబాద్ సీటు కూడా ఇటు అధికార తెరాసకు అటు సిట్టింగ్ సీటును నిలుపుకోవడం తో పాటుగా దుబ్బాక , జీహెచ్ఎంసి జోష్ ను కొనసాగించాలని ఆశ పడుతున్నబీజేలకే కూడా ఇజ్జత్ కీ సవాల్ గా మారింది. కాంగ్రెస్ అభ్యర్ధి పార్టీ సీనియర్ నాయకుడు సౌమ్యుడు, మాజీ మంత్రి చిన్నారెడ్డి, వామ పక్షాల మద్దతుతో పోటీ చేస్తున్న మాజీ ఎమ్మెల్సీ ప్రొఫెసర్ నాగేశ్వర్ కూడా గట్టి పోటీ ఇస్తున్నారు. సో.. చివరకు ఏమి జరుగుతుంది అంటే ఏదైనా జరగవచ్చును. ఈ నెల 14 వ తేదీన పోలింగ్ జరుగుతుంది.17 ఫలితాలు వస్తాయి .. అంతవరకు వెయిట్ అండ్ వాచ్ .
సహజంగా కష్టాల్లో ఉన్నపుడు ఎవరికైనా దేవుడు గుర్తు వస్తారు. లౌకిక వాద రాజకీయ నాయకులకు అయితే హటాత్తుగా తాము హిందువులం అనే విషయం జ్ఞప్తికి వస్తుంది. పశ్చిమ బెంగాల్ ముఖ్యమంత్రి, తృణమూల్ పార్టీ అధినాయకురాలు మమతా బెనర్జీకి కూడా తానూ హిందువును అనే విషయం ఇప్పుడు గుర్తుకొచ్చింది.
ఒకప్పుడు ఎర్ర జెండాను దిగ్విజయంగా ఎదిరించి, మార్క్సిస్టులను మట్టి కరిపించిన మమతా దీదీ ప్రస్తుతం, కాషాయ కూటమి నుంచి గట్టి సవాలును ఎదుర్కుంటున్నారు. వరసగా పదేళ్ళు పాలించడం వలన సహజంగా వచ్చిన ప్రభుత్వ వ్యతిరేకత కంటే, హిందూ ఓటు పోలరైజేషన్ ఆమెను మరింతగా భయపెడుతోంది. నిజానికి ఐదేళ్ళ క్రితం జరిగిన అసెంబ్లీ ఎన్నికల్లో కేవలం ఐదు శాతం కంటే తక్కువ ఓట్లు, మూడంటే మూడు అసెంబ్లీ సీట్లు మాత్రమే గెలుచుకున్న బీజేపీ.. 2019 లోక్ సభ ఎన్నికల్లో ఏకంగా 40 శాతం ఓట్లతో 18 స్థానాలు గెలుచుకుంది. ఈ మార్పు ఇంకా కొన్ని కారణాలు ఉంటే ఉండవచ్చును కానీ.. హిందువుల ఓటు పోలరైజ్ కావడమే ప్రధాన కారణం.
ఈ నేపధ్యంలోనే కాంగ్రెస్, తృణమూల్ కాంగ్రెస్ చివరకు కమ్యూనిస్టులు కూడా బీజేపీలో చేరారు. ఎన్నికల ప్రకటన వెలువడిన తర్వాత కూడా సిట్టింగ్ ఎమ్మెల్ల్యేలు సహా తృణమూల్ టికెట్ వచ్చిన నాయకులు కూడా బీజేపీలో చేరుతున్నారు. అనేక మంది ఇతర రంగాల ప్రముఖులు, ముఖ్యంగా ఇంతకాలం, బీజేపీని హిదుత్వ అనుకూల ‘అచ్చుత్’ (అంటారని) పార్టీగా చూసిన ‘సెక్యులర్’ ప్రముఖులు కాషాయం కప్పుకోవడంతో మమతా బెనర్జీకి కొంచెం అలస్యంగానే అయినా, తత్త్వం బోధపడింది. అందుకే ఆమె ఇప్పుడు గుళ్ళూ,గోపురాలకు తిరుగుతున్నారు. కార్యకర్తల సమావేశాల్లో తానూ హిందువునేనని, చెప్పుకుంటున్నారు.
నిజానికి ఇలా నేనూ హిందువునే అని సెక్యులర్ నేతలు బహిరంగంగా ప్రకటించుకోవడం మమతా బెనర్జీతోనే మొదలు కాలేదు. రాహుల్ గాంధీ తాను హిందువునని, జన్యుధారీ కశ్మీరీ బ్రాహ్మణుని అనీ.. తమ గోత్రం, ‘దత్తాత్రేయ’ గోత్రమని బహిరంగంగా ప్రకటించుకున్నారు. అలాగే కొద్ది రోజుల క్రితం ప్రియాంకా గాంధీ తానూ హిందువునని చెప్పుకునేందుకు ‘మౌని అమావాస్య’ సందర్భంగా అలహాబాద్ లో గంగా స్నానం చేశారు. గతంలోనూ ఆమె ఎన్నికలకు ముందు గంగా యాత్ర చేశారు. అంతవరకు ఎందుకు కొద్దిరోజుల క్రితం సిపిఐ నారాయణ విశాఖ స్వామి ఆశీస్సులు తీసుకున్నారు. చంద్రబాబు, జగన్ రెడ్డి, కేసీఆర్ ఇలా తెలుగు నేతలు అనేక మంది లౌకిక వాదానికి కాలం చెల్లిందన్న సత్యాన్ని గ్రహించి కావచ్చు ‘నేనూ హిందువును’ అంటూ ప్రకటించుకునేందుకు పోటీ పడుతున్నారు. రాముడిని తలచుకున్నా, జై శ్రీరామ్ అన్నా తమ లౌకిక వాదం మయలపడి పోతుందని భయపడిన నాయకులు ఇప్పుడు .. జై శ్రీరామ్ అనేందుకు కూడా వెనకాడడం లేదు.
దేశంలోని ఉత్తరాది రాష్ట్రాలలో అటు కాంగ్రెస్ ఇటు స్థానికంగా ఉన్న ప్రాంతీయ పార్టీలను మట్టి కరిపిస్తూ అధికారాన్ని కైవసం చేసుకుంటున్న బీజేపీ.. దక్షిణాదికి వచ్చేసరికి ఒక్క కర్ణాటకలో తప్ప ఇతర రాష్ట్రాలలో ఎన్ని ప్రయత్నాలు చేసినా ఏమాత్రం సక్సెస్ కాలేకపోతోంది. గత కొంత కాలంగా సబర్మలతో సహా అనేక అంశాలపై స్పందిస్తూ.. కేరళను టార్గెట్ చేస్తున్న బీజేపీ నాయకులు అక్కడ తమ జెండా ఎగరేయడానికి అన్ని ప్రయత్నాలు చేస్తున్నారు. తాజాగా పార్టీ పాలసీని కూడా పక్కన పెట్టి మెట్రో మ్యాన్ శ్రీధరన్ ను పార్టీలో చేర్చుకుని ఆయనే తమ సీఎం అభ్యర్థి అని ప్రకటించిన 24 గంటలలో యూ టర్న్ తీసుకున్నారు.
ఇది ఇలా ఉండగా ప్రస్తుతం సీఎంగా ఉన్న కమ్యూనిస్ట్ నేత పినరై విజయన్ పై గోల్డ్ స్మగ్లింగ్ ఆరోపణలు రావడంతో.. ఈ ఎన్నికలలో ఎల్డిఎఫ్ భవిష్యత్తుపై ప్రజలు ఏ తీర్పు ఇవ్వబోతున్నారనే ఉత్కంఠ సర్వత్రా నెలకొంది ఈ నేపథ్యంలో అక్షరాస్యతలో దేశంలోనే మొదటి స్థానంలో ఉన్న ఆ రాష్ట్ర ప్రజలు ఎవరిని ఆశీర్వదిస్తారు అనే అంశంపై ప్రముఖ మీడియా సంస్థ టైమ్స్ నౌ, సీ ఓటరుతో కలిసి ఒక సర్వేను నిర్వహించారు. ఈ సర్వే ప్రకారం చూస్తే పాపం కమలనాథులు అక్కడ పవర్ చేతికి రావటం అటుంచి కనీసం రెండు మూడు అసెంబ్లీ స్థానాల్లో గెలవటం కూడా కష్టమేనని ఆ సర్వే తేల్చి చెబుతోంది.
కేరళలో ఈసారి జరిగే అసెంబ్లీ ఎన్నికలలో బీజేపీ తన హవా చాటుతుందన్న ఆ పార్టీ నేతల మాటలలో ఎలాంటి నిజం లేదని.. ప్రస్తుతానికి అది ఏమాత్రం సాధ్యం కాదని ఈ తాజా సర్వే తేల్చి చెప్పింది. అంతేకాకుండా మొత్తం 140 స్థానాలు ఉన్న కేరళలో.. ప్రస్తుత సీఎం పినరయి విజయన్ నేతృత్వంలోని లెఫ్ట్డ్ డెమొక్రటిక్ ఫ్రంట్ కు 82 సీట్లు పక్కా అని.. ఆయనే తిరిగి అధికారాన్ని నిలబెట్టుకుంటాడని సర్వే చెపుతోంది. అదే సమయంలో కాంగ్రెస్ నేతృత్వంలోని యూనైటెడ్ డెమొక్రాటిక్ ఫ్రంట్ కు 56 నుంచి 60 వరకు సీట్లు వచ్చే అవకాశం ఉందని ఈ సర్వేలో తేలింది.
అంతేకాకుండా 2016 ఎన్నికలతో పోలిస్తే ఎల్ డీఎఫ్ ఓటింగ్ శాతం కూడా కొంత పెరగటం ఇక్కడ గమనార్హం. ప్రస్తుతం సీఎంగా ఉన్న విజయన్ మరోసారి సీఎం కావాలని 43.34 శాతం మంది మొగ్గు చూపినట్లుగా సర్వేలో తేలింది. కరోనా సమయంలో విజయన్ సీఎంగా బాగా పని చేసారని ఈ సర్వే పేర్కొంది. మరోపక్క దేశ ప్రధానిగా రాహుల్ గాంధీ ఉండాలని కేరళ ప్రజల్లో 55.84 శాతం మంది కోరుకుంటున్నట్లుగా ఈ సర్వే;లో తేలింది. అయితే కేరళలో ఎలాగైనా పాగా వేయాలని పట్టుదలతో కృషి చేస్తున్న బీజేపీకి ఈసారి కూడా నిరాశ తప్పదని ఈ సర్వేలో స్పష్టం అయింది. ఈ ఎన్నికలలో బీజేపీకి రెండు సీట్లు కూడా రావటం కూడా కష్టమేనని ఈ సర్వే తేల్చింది. అయితే ఎన్నికలకు ముందు ఇలాంటి సర్వేలు బయటకు రావడం.. తరువాత అందులో కొన్ని చతికిల పడడం మనం చూస్తూనే ఉన్నాం. మరి ఈ సర్వే ఫలితాలు నిజామా అవుతాయో లేదో తేలాలంటే కొద్దీ రోజులు వెయిట్ చేయాల్సిందే.
.jpg)
రాజకీయాలు అంటేనే అదో జూదం. పూలమ్మిన చోటనే కట్టెలు అమ్మవలసి రావచ్చును. అలాంటి పరిస్థితే వచ్చినా, తలవంచుకుని పోగలిగితేనే, ఎవరైనా రాజకీయాలలో రాణించగలరు. అలాకాదని, అలిమి కానిచోట, కూడా తామే అధికులమని భావిస్తే, ఎందుకూ కాకుండా పోతారు. అలాంటి వారు ఇద్దరూ కూడా ఇప్పుడు మన కళ్ళముందే ఉన్నారు.
జయలలిత జీవించి ఉన్నత కాలం, ఆమె నెచ్చలిగా పేరొందిన శశికళ, తమిళ రాజకీయాల్లో ఓ వెలుగువెలిగారు. కొన్ని విషయాల్లో జయలలిత కంటే, ఆమె మోర్ పవర్ఫుల్ లేడీ అనిపించుకున్నారు. ముఖ్యమంత్రులు, మంత్రులు కూడా ఆమె ముందు చేతులు కట్టుకుని నిలుచున్నారు.ఆమెకు పాదాభివందనాలు చేశారు. అలాగే జయ మరణం తర్వాత ఆమె పరిస్థితి ఏమిటో కూడా వేరే చెప్పవలసిన, అవసరం లేదు. జైలు పాలయ్యారు. సర్వం తానై నడిపించిన పార్టీ నుంచి బహిష్కరణకు గురయ్యారు. జయ ఉన్నంత వరకు తన వారుగా ఉన్న వారందరూ కానివారయ్యారు. ఒంటరిగా మిగిలారు.
నిజానికి నాలుగేళ్ళు జైలు జీవితం గడిపిన తర్వాత కూడా ఆమె తలచుకుంటే.. రాష్ట్ర రాజకీయాలలో, ముఖ్యంగా అధికారంలో ఉన్న డిఎంకే కూటమిలో అలజడి సృష్టించగలరు. ఎన్నికలలో ఆమె గెలవక పోవచ్చును కానీ.. తనను కాదన్న అన్నాడిఎంకేను ఓడించగలరు. అయిన ఆమె అందుకు విరుద్ధంగా రాజకీయాలకు వీడ్కోలు పలికి మౌనంగా పక్కకు తప్పుకున్నారు. రాజకీయ సన్యాసం ప్రకటించారు. ఉమ్మడి శతృవు డిఎంకే ను ఓడించేందుకు అన్నా డిఎంకే కూటమి పోటీ చేయాలని, కూటమి ఐక్యతను దెబ్బతీయరాదనే ఉద్దేశంతోనే ఆమె రాజకీయ సన్యాసం ప్రకటించారు.
శశికళ మౌనంగా వెళ్లి పోవడం వెనక ఇంకా అనేక కారణాలున్నా ,అసలు కారణం ఆమె, రాజకీయ విజ్ఞత, వివేకం. ఆమె జైలుకు వెళ్ళిన సమయంలో జయలలిత సమాధి వద్ద ఎంత కసిగా, కోపంగా ‘మౌన’ ప్రతిజ్ఞ చేశారో చూశా. అలాంటి ఆమె ఇప్పుడు ఇలా ‘మౌనం’గా వెనకడుగు వేశారంటే, అది ఆలోచించ వలసిన విషయమే.ఆమె వ్యుహతంకంగానే సంచలన నిర్ణయం తీసుకున్నారు. ఇప్పటికే అనేక మంది అనేక కోణాల్లో శశికళ సంచలన నిర్ణయాన్ని విశ్లేషించారు.జైలు జీవితం తర్వాత కూడా అన్నా డిఎంకే నాయకులు తనను అగ్రనేతగా అంగీకరించక పోవడం, అమిత్ షా చెప్పినా.. అన్నా డిఎంకే నాయకులు ఆమెను, మేనల్లుడు దినకరన్’ను కులం పేరున, కుటుంబం పేరున దూరం చేయడం, తిరిగి పార్టీలోకి తీసుకోకపోవడంతో ఆమె మనసు కష్టపెట్టుకుని, సన్యాస నిర్ణయం తీసుకున్నారని కొందరంటున్నారు. పార్టీ మీద పట్టు లేదని, చరిష్మా అసలే లేదని, అందుకే ఆమె అలా నిశ్శబ్ధంగా రాజకీయ సన్యాసం స్వీకరించారని ఇంకొందరు విశ్లేషించారు. ఈ విశ్లేషణలో కొంత నిజం ఉంటే ఉండవచ్చును.. కానీ ఆమె గతాన్ని, నైజాన్ని గుర్తు చేసుకుంటే ఆమె స్ట్రైక్ బ్యాక్ వ్యూహంతోనే ఒకడుగు వెనక్కివేశారని ఆమెతో సన్నిహితంగా మెలిగినవారు, ఆమె రాజకీయ చాణక్యం తెలిసిన వారు అంటారు.
నిజానికి జైలులో ఉన్న కాలంలో కానీ, జైలు నుంచి విడుదలై వచ్చిన తర్వాత కానీ, ఆమె రాజకీయ సన్యాసం వైపు అడుగులు వేస్తున్నట్లు కనిపించలేదు. బెంగుళూరు జైలు నుంచి విడుదలై చెన్నైలో ప్రవేశించిన నప్పుడు ఆమె పెద్ద కాన్వాయ్ తో తమ కారుకు అన్నాడిఎంకే జెండాతోనే ఎంటరయ్యారు. అలా ఎంట్రీలోనే రాజకీయ ఆకాంక్షను వెంట తెచ్చుకున్నారు. చివరకు ‘సన్యాస’ ప్రకట చేసే వరకు కూడా ఆమె రాజకీయ కార్యకలాపాలు సాగిస్తూనే ఉన్నారు. అటు ఢిల్లీని ఇటు చెన్నైనికూడా కదిల్చారు. అంతేకాదు, రాజకీయాలపై విరక్తితో కాదు, రాజకీయ కసితో, ఉమ్మడి శత్రువు (డిఎంకే) ను ఓడించేందుకే తాను రాజకీయాలనుంచి తపుకుంటున్నట్లు చెప్పారు.
సో .. సన్యాసం తీసుకోవాలనే ఆలోచన, రాజకీయవ్యూహం లోంచి పుట్టిందే కానీ,వైరాగ్యంతో పుట్టింది కాదు ,అన్నవిశ్లేషణ వాస్తవానికి ఇంకొంత దగ్గరగా ఉందని అనుకోవచ్చును. ఇది ‘కామా’నే కాని ‘ఫుల్స్టాప్’ కాదని అంటున్నారు. ముఖ్యమంత్రి ఎడప్పాడి కే. పళని స్వామి (ఈపీఎస్) ఆమెను పార్టీలోకి అనుమతిస్తే తన కుర్చికీ ఎసరు పెడతారనే భయంతోనే,, ఆమె ఎంట్రీని అడ్డుకున్నారు. ఉప ముఖ్యమంత్రి పన్నీర్ సెల్వం, శశికళ ఒకే సామజిక వర్గానికి చెందిన వారు కావడం కూడా, ముఖ్యమంత్రి ఈపీఎస్’ భయానికి కారణంగా పేర్కొంటారు. అందుకే ఆయన, ‘మన్నార్గుడి’ ఫ్యామిలీని బూచిగా చూపించి, ఆమెను దూరంగా ఉంచారని పార్టీలో ఒక వర్గం గట్టిగా విశ్వసిస్తుంది. అయితే ఆమె శక్తియుక్తులను కూడతీసుకుని పులిలా పంజా విసిరేందుకే ఆమె వ్యూహాత్మకంగా ఒక అడుగు వెనక్కి వేశారు కావచ్చును అని కూడా, తమిళ రాజకీయ వర్గాల్లో ఒక చర్చ జరుగుతోంది.
గతంలో ఆమె జయలలితతో విబేధాలు వచ్చిన సమయంలో కూడా ఇలాగే కొద్ది కాలం మౌనంగా తెర చాటుకు వెళ్లి పోయారు. కొద్ది కాలంలోనే మళ్ళీ ‘పోయస్ గార్డెన్’లో ప్రత్యక్షమయ్యారు. జయలలిత స్వయంగా ఆమెను వెనక్కి పిలుపించుకోవలసిన పరిస్థితులను సృష్టించారు. అలా మళ్ళీ చక్రం తిప్పారు. జయలలిత మరణం వరకు ఆమె అందరికీ చిన్నమ్మగా అమ్మకు పెద్దమ్మగా సర్వం తానై నిలిచారు. చివరకు జయ అంత్యక్రియల్లో కూడా ఆమెదే పై చేయిగా కనిపించింది.
జయలలిత చనిపోయిన సందర్భంలోనే అన్నా డిఎంకే ఎమ్మెల్ల్యేలో సుమారు 30 మంది వరకు ఆమెకు మద్దతుగా ఉన్నారన్న వార్తలొచ్చాయి. నిజానికి,ఇప్పటికి కూడా ఒక్క అన్నా డిఎంకే లోనేకాదు,డిఎంకే ఇతర పార్టీలలో కూడా ఆమె అవసరం ఉన్న వాళ్ళు ఉన్నారు. కొన్ని కొన్ని నియోజకవర్గాల్లో ‘మన్నార్గుడి’ ఫ్యామిలీ మద్దతు లేకుండా గెలిచే అవకాశం లేదు.
ఇవ్వన్నీ నిజమే అయినా.. అన్నీ ఉండి, ఎవరు లేని శశికళలో, ఇంకా ఎవరి కోసం తాపత్రయ పడాలి? అనే ప్రశ్న జనించి ఉంటే, ఆమె రాజకీయ సన్యాసం నిజం కావచ్చును. ఎందుకంటే ఆమె నెచ్చలి, జయలిత లేరు, భర్త అంతకంటే ముందే చనిపోయారు, పిల్లలు లేరు... పైగా నాలుగేళ్ళ జైలు జీవితం ఆమెలో మార్పు తెచ్చి ఉండవచ్చును. ఈ వయస్సులో తనవారంటూ ఎవరు లేని తనకు రాజకీయాలు ఎందుకు ? శేష జీవితాన్ని ఇలా సాగిద్దామనే ఆలోచన నిజంగా వచ్చి ఉంటే, ఆమె సన్యాసం సత్యం అయినా కావచ్చును, కాకపోనూ వచ్చును. కానీ శశికళ... ఆమెను అర్థం చేసుకోవడం, అంచనా వేయడం , అంత తేలిగ్గా అయ్యే పని కాదు..
కాంగ్రెస్ పార్టీలో రగులుతున్న అంతర్యుద్ధం కొత్త పుంతలు తొక్కుతోంది. మరిన్ని మలుపులు తిరుగుతోంది.ఇటీవల జమ్మూలో సమావేసమైన జీ 23 నాయకులు అసమ్మతి స్వరాన్ని పెంచారు. కాంగ్రెస్ అధినాయకత్వం పై నేరుగా అస్త్రాలు సంధించారు. రాహుల్ గాంధీ పేరు చెప్పకుండానే, ఆయన నాయకత్వానికి పనికిరాడని తేల్చి చెప్పారు. ఎవరైనా పార్టీ అధ్యక్షుడు అయితే కావచ్చును, కానీ, ప్రజానాయకుడు కాలేడని, రాహుల గాంధీ ప్రజానాయకుడు కాదు కాలేరు,అని ప్రధానమంత్రి నరేంద్ర మోదీ తరచూ రాహుల్ గాంధీని ఉద్దేశించి చేసే ‘నామ్’ధారీ వ్యంగ్యాస్త్రాన్నే కాంగ్రెస్ సీనియర్ నాయకులు కూడా సందించారు.
ఇక అక్కడి నుంచి విధేయ, అసమ్మతి వర్గాల మధ్య మాటల యుద్ధం ఎదో ఒక రూపంలో సాగుతూనే వుంది. అదే క్రమంలో పశ్చిమ బెంగాల్ అసెంబ్లీ ఎన్నికల్లో కాంగ్రెస్ పార్టీ, కరుడు కట్టిన ముస్లిం మతోన్మాది, అబ్బాస్ సిద్దిఖీతో కాంగ్రెస్ పార్టీ చేతులు కలపడం అసమ్మతి నాయకులకు మరో అస్త్రాన్ని అందించింది. విషయంలోకి వెళితే, ఇటీవల పశ్చిమ బెంగాల్ అసెంబ్లీ ఎన్నికల ప్రచారంలో భాగంగా లోక్’సభలో కాంగ్రెస్ పక్ష నాయకుడు, పశ్చిమ బెంగాల్ పీసీసీ అధ్యక్షుడు అధీర్’రంజన్ చౌదరి, ముస్లిం మత ప్రచారకుడు, అబ్బాస్ సిద్దిఖీతో వేదిక పంచుకున్నారు.అంతకు ముందే వామ పక్ష కూటమితో పొత్తు కుదుర్చుకున్న కాంగ్రెస్ పార్టీ, సిద్ధిఖీ సారధ్యంలోని ఇండియన్ సెక్యులర్ ఫ్రంట్ (ఐఎస్ఎఫ్)ను కూటమిలో చేర్చుకుంది. ఇలా కాంగ్రెస్ వర్కింగ్ కమిటీ (సీడబ్ల్యూసీ) అమోదం లేకుండా మతోన్మాద ఐఎస్ఎఫ్’ తో ఎన్నికల పొత్తు పెట్టుకోవడం ఆ పార్టీ నాయకుడు,సిద్ధిఖీతో పీసీసీ చీఫ్ వేదిక పంచుకోవడం పై అసమ్మతి నేతలు మండి పడుతున్నారు.
ఇలా సిద్దిఖీతో వేదిక పంచుకోవడం పార్టీ మౌలిక సిద్ధాంతాలకు వ్యతిరేకం అంటూ అసమ్మతి వర్గానికి చెందిన కీలక నేత, రాజ్యసభ సభ్యుడు,ఆనంద్ శర్మ మండిపడ్డారు. అంతే కాదు, సిద్ధిఖీ సారధ్యంలోని ఇండియన్ సెక్యులర్ ఫ్రంట్ (ఐఎస్ఎఫ్)తో జనవరిలో కుదుర్చుకున్న పొత్తుకు కాంగ్రెస్ వర్కింగ్ కమిటీ (సీడబ్ల్యూసీ)అమోదం లేదని ఆనంద్ శర్మ, అభ్యంతరం వ్యక్త చేశారు. పార్టీ విశ్వసించే లౌకిక వాదానికి కాంగ్రెస్ అధిష్టానం తీసుకున్న నిర్ణయం గొడ్డలి పెట్టని ఆయన తీవ్రంగా స్పందించారు.
శర్మ వ్యాఖ్యలపై అధీర్ రంజన్ చౌదరి అంతే ఘాటుగా ప్రతిస్పందించారు. “నిజాలు తెలుసుకోండి ఆనంద్ శర్మ జీ” అంటూ ఆయన వరుస ట్వీట్లు చేశారు. వ్యక్తిగత ప్రయోజనాలు ప‌క్క‌న‌పెట్టి, ప్ర‌ధానిని పొగిడి టైమ్ వేస్ట్ చేయ‌కండంటూ ఆయన ఓ ట్వీట్లో అన్నారు. ఆనంద్ శర్మ అన‌వ‌స‌రంగా కాంగ్రెస్‌ను లక్ష్యంగా చేసుకుంటున్నార‌ని, ఈ అంశాన్ని పెద్ద‌ది చేసి చూపిస్తున్నార‌ని విమర్శించారు. ఆయన ఉద్దేశాలు స‌రైన‌వే అయితే నేరుగా తనతో మాట్లాడ వలసిందని అన్నారు. బెంగాల్లో సీపీఐ(ఎం) కూటమికి నేతృత్వం వ‌హిస్తోంది. అందులో కాంగ్రెస్ ఓ భాగం. మ‌త‌తత్వ, విభజన రాజకీయాలు చేస్తున్న బీజేపీకి చెక్ పెట్ట‌డానికే ఈ కూటమి అని మరో ట్వీట్లో అధిర్ రంజన్ అన్నారు. అక్కడతోనూ ఆగలేదు ... ట్వీట్ల మీద ట్వీట్లు సంధిస్తూ, ఆనంద్ శర్మ, బీజేపీ మత విభజన, అజెండాను బలపరుస్తున్నారని, పరోక్షంగా జీ23 నాయకులు బీజేపీకి ప్రయోజనం చేకూరుస్తున్నారని ఆరోపించారు.అంతే కాదు, క్షేత్ర స్థాయి వాస్తవ పరిస్థితులు తెలియకుండా, ఆనంద్ శర్మ పార్టీ మీద దండెత్తడం ఉచితం కాదని చౌదరి ఎదురుదాడి చేశారు.
అసమ్మతిలో అసమ్మతి. ఇదలా ఉంటే, కాంగ్రెస్ పార్టీ సమూల పక్షాళన కోరుతూ సోనియా గాంధీకి,గత సంవత్సరం జీ 23గా ప్రాచుర్యం పొందిన సీనియర్ నాయకులు రాసిన లేఖపై సంతకాలు చేసిన నాయకుల్లో నలుగురు,జమ్మూలోసమావేసమైన నాయకుల తాజా నిర్ణయాలు, వ్యాఖ్యలు,విమర్శల పట్ల అసంతృప్తిని వ్యక్త పరిచారు. గత సంవత్సరం సోనియా గాంధీకి రాసిన లేఖలో ప్రస్తావించిన అంశాలకు కట్టుబడి ఉన్నామని, అయితే, జీ 23లోని కొందరు సహచరులు, ఇటీవల గీతదాటి చేస్తున్న వ్యాఖ్యలు, విమర్శలను తాము సమర్ధించడం లేదని ఆ నలుగురు పేర్కొన్నారు. ఇందులో ముఖ్యంగా, రాజ్యసభ మాజీ డిప్యూటీ చైర్మన్, పీజే కురియన్ అయితే, “కాంగ్రెస్ పార్టీని బలోపేతం చేసేందుకు అవసరమైన సంస్కరణలు తెచ్చేందుకు చేసే ప్రయత్నాలను పూర్తిగా సమర్దిస్తాను, కానీ, ‘లక్ష్మణ రేఖ’ దాటితే ఒప్పుకునేది లేదు”అని అసమ్మతిలో అసమ్మతికి తెర తీశారు.అలాగే, ఢిల్లీ మాజీ ముఖ్యమంత్రి షీలా దీక్షిత్ కుమారడు, మాజీ ఎంపీ సందీప్ దీక్షిత్,మధ్య ప్రదేశ్ సీనియర్ కాంగ్రెస్ నాయకుడు అజయ్ సింగ్’ కూడా గులాం నబీ ఆజాద్, కపిల్ సిబల్, ఆనంద్ శర్మ, మనీష్ తివారీ వంటి జీ 23 కీలక నేతలు అధినాయకత్వంపై చేసిన వ్యాఖ్యలను తప్పు పట్టారు. అలాగే, పార్టీ సీనియర్ నాయకుడు కేంద్ర మాజీమంత్రి వీరప్ప మొయిలీ కూడా,గత సంవత్సరం పార్టీ సీనియర్ నాయకులు ఒక పరిమిత లక్ష్యంతో సోనియా గాంధీకి లేఖ రాయడం జరిగిందని, ఆ పేరున జరుగతున్న కార్యక్రమాలు లేఖ సంకల్పానికి విరుద్ధమని అన్నారు.
జీ 23 కార్యకలాపాలపై రాహుల్ గాంధీ కూడా పరోక్షగా స్పందించారు, ఒకప్పుడు ఎన్ఎస్’యుఐ, యూత్ కాంగ్రెస్’ కు సంస్థాగత ఎన్నికలు వద్దన్న వారే ఇప్పుడు ఇంకోలా మాట్లాడుతున్నారని పరోక్షంగానే అయినా సంస్థాగత ఎన్నికలు నిర్వహించడంతో పాటుగా, పార్టీ పక్షాలనకు తమ కుటుంబం వ్యతిరేకం కాదని, అందుకు సిద్ధంగా ఉన్నామని చెప్పారు. ఈ నేపధ్యంలో కాంగ్రెస్ పార్టీలో చెలరిగిన కలకలం ఇక ముందు ఏమవుతుందో .. ఇంకెన్ని మలుపులు తిరుగుతోందో ..చూడవలసిందే కానీ ఉహించలేము.
పంచతంత్రంగా పిలుచుకుంటున్న ఐదు రాష్టాల అసెంబ్లీ ఎన్నికల్లో అద్భతం జరగబోతోంది. కేంద్ర ఎన్నికల సంఘం నాలుగు రాష్ట్రాలు, కేంద్రపాలిత ప్రాంతం పుదుచ్చేరి అసెంబ్లీ ఎన్నికల షెడ్యూలు ప్రకటించిన వెంటనే, వివిధ సంస్థలు అసెంబ్లీ ఎన్నికలు జరిగే అస్సాం. పశ్చిమబెంగాల్, తమిళనాడు రాష్ట్రాలతో పాటుగా కేరళలోనూ ఒపీనియన్ పోల్స్ నిర్వహించాయి. ఆ ఒపీనియన్ పోల్ ఫలితాలు నిజంగా నిజం అయితే, కేరళలో మళ్ళీ సీపీఎం సారధ్యంలోని వామపక్ష కూటమి అధికారంలోకి వస్తుంది. ఇదే ఆ అద్భుతం.
ఎందుకంటే, గత నాలుగు దశాబ్దాలలో కేరళ అసెంబ్లీ ఎన్నికల్లో ఒకే కూటమి వరసగా రెండవసారి అధికారంలోకి వచ్చిన చరిత్ర లేనే లేదు. ఒక సారి ఎల్డీఎఫ్ అధికారంలోకి వస్తే ఐదేళ్ళ తర్వాత కాంగ్రెస్ సారధ్యంలోని ఐక్య ప్రజాస్వామ్య కూటమి(యూడీఎఫ్) అధికారంలోకి రావడం, దేవభుమిలో దైవ నిర్ణయమా అన్నట్లుగా ప్రతి ఎన్నికల్లోనూ అధికారం చేతులు మారుతూ వస్తోంది. అలాంటిది, ఈసారి ఒపీనియన్ పోల్స్ నిజమై వరసగా రెండవసారి వామపక్ష కూటమి అధికారంలోకి వస్తే, అది చరిత్రే అవుతుంది.
ఇక ఒపీనియన్ పోల్స్ విషయానికి వస్తే, జాతీయ న్యూస్ ఛానెల్ ఏబీపీ, సీ ఓటర్ సంస్థలు సంయుక్తంగా ఒపీనియన్ పోల్స్ నిర్వహించాయి. ఈ సర్వే ప్రకారం, 140 స్థానాలున్న కేరళ అసెంబ్లీలో వామపక్ష కూటమికి 83 నుంచి 91 స్థానాలు, యూడీఎఫ్ కూటమికి 47 నుంచి 55 స్థానాలు మాత్రమే దక్కుతాయని తెలుస్తోంది. కాంగ్రెస్ అగ్రనేత రాహుల్ గాంధీ ప్రాతినిధ్యం వహిస్తున్న రాష్ట్రంలో ఇలా జాతకాలు తిరగబడడంపై సోషల్ మీడియాలో,’లెగ్ మహిమ’ లాంటి జోక్స్ ట్రోలవుతున్నాయి. అయితే 2016లో జరిగిన ఎన్నికల్లో కేవలం 47 సీట్లకే పరిమితం అయిన కాంగ్రెస్’కు ఈసారి ఒకటీ అరా సీట్లు ఎక్కువస్తే, రావచ్చును. అదే కాంగ్రెస్’కు కాసింత ఊరట. అదలా ఉంటే, పశ్చిమ బెంగాల్లో సైతం పట్టు సాధించిన బీజేపే, కేరళలో మాత్రం పట్టు కాదు కదా, పట్టుమని పది సీట్లు తెచ్చుకునే స్థితిలో లేదు. నిజానికి, దేశంలో బీజేపీకి అసలు ఏ మాత్రం మింగుడు పడని రాష్ట్రాలు ఎవైన ఉన్నాయంటే కేరళ, ఆంధ్ర ప్రదేశ్ రాష్ట్రాల పేర్లే ప్రముఖంగా వినిపిస్తాయి. ఈ సారి కూడా కమల దళం కేరళలో కాలు పెట్టె పరిస్తి లేదని సర్వే ఫలితాలు చెపుతున్నారు. ఎప్పటిలానే ఇప్పడు కూడా బీజేపీకి సున్నా నుంచి రెండు సీట్లు వచ్చే అవకాశం ఉందని, సర్వేస్వరుల అభిప్రాయంగా ఉంది. కేరళలో మొత్తం 140 స్థానాలకు ఏప్రిల్ 6 తేదీన ఒకే విడతలో పోలింగ్ జరుగుతుంది. మే 2 తేదీన ఫలితాలు వెలువడతాయి. కేరళ ఎలక్షన్ పై యావత్ దేశం ఆసక్తి కనబరుస్తోంది.
కేంద్ర ఎన్నికలసంఘం ‘పాంచ్ పటాక’ గంట కొట్టింది. అస్సాం, పశ్చిమ బెంగాల్, కేరళ, తమిళనాడు రాష్ట్రాలు, పుదుచ్చేరి కేంద్ర పాలిత ప్రాంతాల అసెంబ్లీ ఎన్నికల షెడ్యూలును కేంద్ర ఎన్నికల సంఘం విడుదలచేసింది. ఎన్నికల గంట మోగడంతో మొదలైన మరో భారత ‘మినీ’ సంగ్రామానికి మే 12 తేదీన జరిగే ఓట్ల లెక్కింపుతో తెర పడుతుంది.ఈలోగా వివిధ అంచల్లో పోలింగ్ జరుగుతుంది. నాలుగు రాష్ట్రాలు, ఒక కేంద్ర పాలిత ప్రాంతం ఓటరు తీర్పుకు వెళుతున్నా, అందరి దృష్టి, ముఖ్యంగా ప్రాంతీయ పార్టీల ఏలుబడిలో ఉన్న ఉభయ తెలుగు రాష్ట్రాలు, మరీ ముఖ్యంగా ఇప్పటికే బీజేపీ కన్నుపడిన తెలంగాణ రాష్ట్ర ప్రజలు, రాజకీయ పార్టీల దుష్టి మాత్రం పశ్చిమ బెంగాల్ పైనే వుంది.
పశ్చిమ బెంగాల్లో ‘అద్భుతం’ జరిగి బీజేపీ విజయం సాధిస్తే, ఇక కమల దళం ఫోకస్, తెలంగాణకు షిఫ్ట్ అవుతుంది. ఇది అందరికీ తెలిసిన బహిరంగ రహస్యం. ఈ నేపధ్యంలో బెంగాల్ అసెంబ్లీ ఎన్నికల ఫలితాలు ఎలా ఉంటాయి అనే విషయంలో రాష్ట్ర రాజకీయ వర్గాల్లో జోరుగా చర్చ జరుగుతోంది. బెంగాల్లో బీజేపీ గెలిస్తే, ఇప్పటికే అంతర్గత కుటుంబ కలహాలతో సతమతవుతున్న తెరాస నాయకత్వానికి మరిన్నితిప్పలు తప్పవన్న మాట అంతఃపుర వర్గాలలో సైతం వినవస్తోంది.
పశ్చిమ బెంగాల్’లో ఎలాగైతే కమలదళం ఓ వంక తమ ట్రేడ్ మార్క్, హిందుత్వ రాజకీయాలు సాగిస్తూ, మరో వైపు నుంచి ‘ఆకర్ష్’ అస్త్రంతో అధికార పార్టీని నిర్వీర్యం చేసిన విధంగానే, ఇక్కడ కూడా ఫిరాయింపులను ప్రోత్సహింఛి పార్టీని నిట్టనిలువునా చీల్చే ప్రమాదాన్ని కొట్టివేయలేమని పార్టీ వర్గాలు కూడా అనుమానం వ్యక్త పరుస్తున్నాయి.
ఇప్పటికే తెలంగాణ బీజేపీ నాయకులు 30 మంది తెరాస ఎమ్మెల్యేలు తమ టచ్ లో ఉన్నారని బెదిరిస్తున్నారు.అది నిజం అయినా కాకపోయినా..తెరాసలో అసంతృప్తి అగ్గి రగులుతోందనేది మాత్రం ఎవరూ కాదనలేని నిజం. అంతే కాకుండా రాష్ట్రానికి వచ్చిన కేంద్రనాయకులు ఎవరిని పలకరించినా, నెక్స్ట్ టార్గెట్ తెలంగాణ అని ఎలాంటి సషబిషలు లేకుండా కుండబద్దలు కొడుతున్నారు.అందుకే, బెంగాల్లో బీజేపీ గెలిస్తే.. అనే ఊహా కూడా గులాబీ గూటిలో గుబులు పుట్టిస్తోంది. అయితే, బెగాల్’లో బీజేపీ గెలిస్తే ఒక్క తెలంగాణలోనే కాదు, దేశ రాజకీయ వాతావరణంలోనే పెను మార్పులు చోటు చేసుకుంటున్నాయని రాజకీయ విశ్లేషకులు భావిస్తున్నారు. అలాగే, దేశ ముఖ చిత్రంలో కూడా పెను మార్పులు తప్పవని అంటున్నారు. అయితే రాజకీయాలలో ఎప్పుడు ఏం జరుగుతుందో.. ఎవరూహించెదరు..
చలికాలం ప్రారంభం కాగానే వాతావరణంలో వచ్చే మార్పుల కారణంగా అనేక రకాల ఆరోగ్య సమస్యలు మనల్ని చుట్టుముడుతుంటాయి. ముఖ్యంగా ఈ శీతాకాలంలో జీర్ణక్రియ మందగించడం వల్ల చాలామందిలో మలబద్ధకం సమస్య ఎక్కువగా వేధిస్తుంటుంది. ఈ సమస్య నుంచి తక్షణ ఉపశమనం పొందడానికి మార్కెట్లో విరివిగా లభించే క్యాప్సికమ్ లేదా బెల్ పెప్పర్ ఒక అద్భుతమైన ఎంపిక.
క్యాప్సికమ్‌లో తగినంత నీటి శాతం మరియు డైటరీ ఫైబర్ (పీచు పదార్థం) సమృద్ధిగా ఉండటం వల్ల జీర్ణవ్యవస్థ పనితీరు మెరుగవుతుంది. చలికాలంలో తరచూ క్యాప్సికమ్ తినటం వల్ల ప్రేగు కదలికలు సక్రమంగా సాగి మలబద్ధకం వంటి ఇబ్బందులను సమర్థవంతంగా నివారించవచ్చు.
సాధారణంగా చలికాలంలో శారీరక శ్రమ తగ్గి చాలామంది బరువు పెరిగే అవకాశం ఉంది. అయితే క్యాప్సికమ్‌లో కేలరీలు చాలా తక్కువగా మరియు ఫైబర్ అధికంగా ఉండటం వల్ల ఇది బరువును అదుపులో ఉంచడంలో కీలక పాత్ర పోషిస్తుంది. దీనిని ఆహారంలో భాగం చేసుకోవడం ద్వారా ఎక్కువసేపు కడుపు నిండిన భావన కలుగుతుంది, తద్వారా అతిగా తినడాన్ని (ઓવర్‌ఈటింగ్) సులభంగా తగ్గించవచ్చు. ఇది ఎలాంటి అదనపు కొవ్వును చేరనివ్వకుండా ఆరోగ్యకరమైన రీతిలో శరీరాన్ని ఫిట్‌గా ఉంచుతుంది.
ఈ శీతాకాలపు కూరగాయలో విటమిన్ సి మరియు శక్తివంతమైన యాంటీఆక్సిడెంట్లు పుష్కలంగా లభిస్తాయి. ఇవి కాలానుగుణంగా వచ్చే వ్యాధులు, వైరల్ ఇన్ఫెక్షన్లతో పోరాడే రోగనిరోధక శక్తిని (ఇమ్యూనిటీ) శరీరానికి అందిస్తాయి. అంతేకాకుండా, ఫ్రీ రాడికల్స్ వల్ల కణాలకు జరిగే నష్టాన్ని ఈ యాంటీఆక్సిడెంట్లు సమర్థవంతంగా అడ్డుకుంటాయి. దీనివల్ల శరీరం దృఢంగా మారడమే కాకుండా చర్మం కూడా కాంతివంతంగా మారుతుంది.
ఇది కూడా చదవండి:డయాబెటిస్ ఉన్నవారు బార్లీ నీళ్లు తాగవచ్చా? నిపుణులు ఏం చెప్తున్నారంటే!
క్యాప్సికమ్‌లో ఉండే పొటాషియం రక్తపోటును (బ్లడ్ ప్రెజర్) అదుపులో ఉంచడంలో ఎంతగానో సహాయపడుతుంది. ఇది గుండె కండరాలను బలోపేతం చేసి, గుండె జబ్బుల ముప్పును గణనీయంగా తగ్గిస్తుంది. అలాగే శరీరంలో ఐరన్ లోపాన్ని తగ్గించడంలోనూ క్యాప్సికమ్ తోడ్పడుతుంది. ఇది రక్తహీనత (అనీమియా) సమస్యను ఎదుర్కొనేందుకు శరీరానికి అవసరమైన సహజమైన పోషకాలను అందిస్తుంది.
శరీరంలో రోగనిరోధక శక్తిని పెంచడంతో పాటు కంటి చూపును మెరుగుపరచడంలోనూ క్యాప్సికమ్ బాగా పనిచేస్తుంది. ఇందులో ఉండే విటమిన్ ఎ మరియు బీటా క్యారోటిన్ కంటి ఆరోగ్యాన్ని రక్షించి, వయసురీత్యా వచ్చే దృష్టి లోపాలను దూరం చేస్తాయి. చలికాలంలో కూరల్లో, సలాడ్స్‌లో లేదా వేడివేడి సూప్స్‌లో క్యాప్సికమ్‌ను భాగం చేసుకోవడం ద్వారా అద్భుతమైన రుచితో పాటు పరిపూర్ణమైన ఆరోగ్యాన్ని సులభంగా సొంతం చేసుకోవచ్చు.
మీకు నచ్చవచ్చు:ఆంధ్ర స్టైల్ ఎండు రొయ్యల కారం పొడి.. పర్ఫెక్ట్ కొలతలతో సులభంగా తయారుచేయండి!
దిష్టి కాయ కాదు.. రోగాలను తరిమికొట్టే సంజీవని: బూడిద గుమ్మడి జ్యూస్ నిజాలు!
Capsicum Health Benefits, Bell Peppers Immunity, Vitamin C Rich Foods, Nutrition Facts Of Capsicum, Healthy Vegetable Tips, Doctor Health Advice, Health Tips In Telugu.
(13).webp)
వాతావరణం చల్లగా మారినప్పుడు వేడివేడిగా ఏదైనా రుచికరమైనది తినాలనిపించడం సహజం. అలాంటి సమయంలో గుప్పెడు నల్ల శెనగలను ఉడకబెట్టి గుగ్గిళ్లుగా చేసుకుని తింటే ఆ రుచే వేరు. ఇది కేవలం రుచిని అందించడమే కాకుండా, శరీరానికి అద్భుతమైన ఆరోగ్యాన్ని చేకూరుస్తుంది. ఎందుకంటే నల్ల శెనగలు పోషకాల ఖజానాగా నిలుస్తాయి. వీటిలో శరీరానికి అవసరమైన ప్రొటీన్లు, విటమిన్లు, ఫైబర్, మెగ్నీషియం వంటి ఎన్నో పోషక విలువలు పుష్కలంగా లభిస్తాయి. ఇవి గుండె ఆరోగ్యాన్ని మెరుగుపరచడంలోనూ, శరీరాన్ని దృఢంగా ఉంచడంలోనూ కీలక పాత్ర పోషిస్తాయి.
సాధారణంగా మనం బలం కోసం కేజీల కొద్ది మటన్ లేదా లీటర్ల కొద్దీ పాలను తీసుకుంటూ ఉంటాం. కానీ, కేవలం రెండు గుప్పెళ్ల నల్ల శెనగ గుగ్గిళ్లను క్రమం తప్పకుండా తీసుకుంటే హాస్పిటల్స్ చుట్టూ తిరగాల్సిన అవసరమే ఉండదని ఆరోగ్య నిపుణులు చెబుతున్నారు. ఈ నల్ల శెనగలు అంతటి అద్భుతమైన శక్తిని ఇస్తాయి. మీరు వీటిని మీ ఆహారంలో వారంలో కనీసం రెండు నుంచి మూడు సార్లు తింటే రోజంతా ఉత్సాహంగా, ఆరోగ్యంగా ఉండవచ్చు. కాబట్టి ఈ అపురూపమైన శక్తి వనరును అస్సలు మిస్ కాకుండా మీ డైట్‌లో భాగం చేసుకోండి.
శక్తి నిల్వల విషయానికి వస్తే, ఒక కోడిగుడ్డు ద్వారా మనకు కేవలం 72 కేలరీల శక్తి మాత్రమే లభిస్తుంది. కానీ, శెనగ గుగ్గిళ్ల విషయానికి వస్తే, కేవలం 100 గ్రాముల శెనగలు ఏకంగా 340 నుంచి 350 కేలరీల శక్తిని శరీరానికి అందిస్తాయి. అంటే కేజీ మటన్ తిన్నా రానటువంటి శక్తి కంటే నాలుగు రెట్లకు పైగా బలం ఈ నల్ల శెనగల గుగ్గిళ్లలో నిక్షిప్తమై ఉంది. ఉదాహరణకు, సోయా చిక్కుడు గింజలను పరిశీలిస్తే, 20 గ్రాముల సోయాలో కేవలం 200 కేలరీల శక్తి మాత్రమే లభిస్తుంది. దీన్ని బట్టి నల్ల శెనగలు ఎంతటి శక్తివంతమైన ఆహారమో అర్థం చేసుకోవచ్చు.
మనం ఖరీదైన మటన్ మరియు లీటర్ల కొద్దీ పాల కోసం పెట్టే ఖర్చుతో పోలిస్తే, ఈ నల్ల శెనగలకు పెట్టే ఖర్చు చాలా తక్కువ మరియు ఎంతో లాభదాయకం. వీటిని రోజువారీ ఆహారంలో చేర్చుకోవడం వల్ల పిల్లలు శారీరకంగా, మానసికంగా ఆరోగ్యంగా ఎదుగుతారు. అనారోగ్యాల బారిన పడకుండా ఉంటూ వివిధ రకాల మందుల మీద ఆధారపడాల్సిన దుస్థితి తప్పుతుంది. ఈ పోషకాహారాన్ని పిల్లలకు అలవాటు చేస్తే, వారు ఇతర జంక్ ఫుడ్స్ మరియు అనారోగ్యకరమైన చిరుతిళ్ల వైపు వెళ్లకుండా ఉంటారు.
ఇది కూడా చదవండి:చక్కెర బదులు బెల్లం వాడుతున్నారా? డాక్టర్ల షాకింగ్ హెచ్చరిక!
మన నిత్య జీవితంలో బొబ్బర్లతో పాటు నల్ల శెనగలను కూడా సులభంగా ఆహారంలో తీసుకోవచ్చు. ఇవి మార్కెట్లో ఎప్పుడూ అందుబాటులో ఉండటంతో పాటు చాలా తక్కువ ధరకే లభిస్తాయి. వీటిని సరిగ్గా ఉడకబెట్టి, తగిన మోతాదులో తీసుకోవడం వల్ల శరీరానికి కావలసిన కండరాల బలం, రోగ నిరోధక శక్తి ఇట్టే అందుతాయి. రోజువారీ పనుల్లో అలసటను తగ్గించి, శరీరాన్ని రోజంతా యాక్టివ్‌గా ఉంచడంలో ఇవి అద్భుతంగా పనిచేస్తాయి.
అయితే, ఏదైనా సరే పరిమితంగా తీసుకోవడం ఆరోగ్యానికి మంచిది. ఈ ఆహారపు అలవాట్లను మీ దైనందిన జీవితంలో పాటించే ముందు మీ శరీర తత్వానికి తగినట్లుగా వైద్యుల లేదా పోషకాహార నిపుణుల సలహా తీసుకోవడం చాలా ముఖ్యం. ఇక్కడ అందించిన సమగ్ర వివరాలు కేవలం మీ ప్రాథమిక అవగాహన కోసం మాత్రమే. ఒకవేళ మీకు ఆరోగ్యరీత్యా ఎలాంటి ప్రత్యేక సమస్యలు ఉన్నా నేరుగా వైద్య నిపుణులను సంప్రదించడం ఎప్పుడూ శ్రేయస్కరం.
మీకు నచ్చవచ్చు:మహిళల ఆరోగ్యం కోసం దివ్యౌషధం! ఐరన్, కాల్షియంతో నిండిన రుచికరమైన లడ్డూ!
పిల్లల మెదడుపై స్క్రీన్ టైమ్ దాడి: పరిశోధనల్లో వెల్లడైన షాకింగ్ నిజాలు!
Black Chickpeas Benefits, Kala Chana Energy, Soaked Black Gram, High Protein Vegetarian Foods, Stamina Boosting Diet, Doctor Health Advice, Health Tips In Telugu.
కంటిచూపును సహజంగా మెరుగుపరచుకోవడానికి మరియు ముఖానికి అడ్డుగా ఉన్న కళ్ళద్దాలను పూర్తిగా పక్కన పెట్టడానికి కొన్ని జీవనశైలి మార్పులు మరియు సహజ పోషకాహారం ఎంతగానో సహాయపడతాయని నిపుణులు వెల్లడిస్తున్నారు. నేటి ఆధునిక డిజిటల్ యుగంలో సెల్ ఫోన్‌లు, కంప్యూటర్లు మన దైనందిన జీవితంలో కీలక భాగంగా మారినప్పటికీ, వాటి నుంచి వెలువడే కాంతి కళ్ళపై తీవ్రమైన ఒత్తిడిని కలిగిస్తుంది. ముఖ్యంగా, తక్కువ వెలుతురులో చిన్న అక్షరాలను ఎక్కువసేపు చూడటం కంటిచూపును తీవ్రంగా దెబ్బతీస్తుంది. అత్యవసర పనులు, మెసేజ్‌ల కోసం స్మార్ట్‌ఫోన్‌ను వాడినా, ఎక్కువ సమయం కూర్చుని చేసే పనులను ల్యాప్‌టాప్ లేదా పెద్ద స్క్రీన్‌లపై చేయడం వల్ల కళ్ళకు పడే శ్రమ చాలా వరకు తగ్గుతుంది.
కంటి ఆరోగ్యానికి తగినంత నిద్ర తీసుకోవడం అత్యంత ప్రాముఖ్యమైన రెండవ నియమం. శరీరానికి సరిపడా విశ్రాంతి లేకపోవడం వల్ల వార్తాపత్రికలలోని చిన్న అక్షరాలు స్పష్టంగా కనిపించకపోవడం, కళ్ళకు శ్రమ పెరగడం వంటి సమస్యలు ఉత్పన్నమవుతాయి. నిద్రపోతున్న సమయంలో కంటి లోపలి లెన్సులు, రక్తనాళాలు మరియు ఇతర సూక్ష్మ వ్యవస్థలు విశ్రాంతి తీసుకుని పూర్తిగా రీఛార్జ్ అవుతాయి. ప్రస్తుత బిజీ జీవనశైలిలో కనీసం ఆరు నుండి ఏడు గంటల నిద్ర కూడా కరువవుతోంది, కానీ ప్రతిరోజూ కనీసం 7 నుండి 8 గంటల గాఢ నిద్రను తప్పనిసరిగా అలవాటు చేసుకోవాలి.
వీలైనప్పుడల్లా పగటిపూట కూడా 1 నుండి 1.5 గంటల పాటు చిన్న కునుకు తీయడం కంటి ఆరోగ్యానికి ఎంతో ప్రయోజనకరంగా ఉంటుందని నిపుణులు సూచిస్తున్నారు. పిల్లలకు కూడా తగినంత నిద్రపోయే వాతావరణం కల్పించడం ద్వారా వారి చిన్న వయసులోనే కంటిచూపు పదునుగా ఉండేలా కాపాడుకోవచ్చు. ఇక మూడవ ముఖ్యమైన అంశం విటమిన్ 'ఏ' సమృద్ధిగా లభించే పౌష్టికాహారాన్ని తీసుకోవడం. కంటిచూపు మెరుగుదలకు విటమిన్ 'ఏ' అత్యవసరమైన పోషకం కాగా, మునగాకు మరియు కరివేపాకు వంటివి దీనికి అద్భుతమైన సహజ వనరులుగా పనిచేస్తాయి.
క్యారెట్, టమోటా, బీట్‌రూట్, కీరా దోస, పొట్లకాయ, సొరకాయ, బీరకాయ వంటి తాజా కూరగాయలతో తయారుచేసే వెజిటబుల్ జ్యూస్‌లలో కొద్దిగా కరివేపాకు లేదా మునగాకు రసాన్ని జోడించి తీసుకోవచ్చు. మునగాకు పచ్చిగా తినడం ఇష్టం లేని వారు దానిని పప్పులలో, ఫ్రైలలో లేదా రోటీల పిండిలో కలిపి సులభంగా తమ ఆహారంలో భాగం చేసుకోవచ్చు. ప్రతిరోజూ మధ్యాహ్న భోజనంలో కనీసం ఒక ఆకుకూరను చేర్చుకోవడం తప్పనిసరి అని, ఆకుకూరలలో లభించే 'బీటా కెరోటిన్' కాలేయంలో విటమిన్‌గా మారుతుందని నిపుణులు స్పష్టం చేస్తున్నారు.
ఇది కూడా చదవండి:ప్రపంచంలోనే తొలిసారి! డయాబెటిస్‌ను నయం చేసే గిఫ్ట్ బ్యాక్టీరియా.. చైనా శాస్త్రవేత్తల ప్రయోగం!
ఇది కంటికి రక్త ప్రసరణను మెరుగుపరిచి, ఐరన్‌ను అందించడం ద్వారా కంటిచూపును వేగంగా వృద్ధి చేస్తుంది. అలాగే డిన్నర్ సమయంలో ఉడికించిన ఆహారాలకు బదులుగా తాజా పండ్లు, నానబెట్టిన డ్రై నట్స్ మరియు డ్రై ఫ్రూట్స్ వంటి సహజ సిద్ధమైన ఆహారాలను తీసుకోవడం వలన శరీరానికి పోషకాలు పూర్తిస్థాయిలో అందుతాయి. ఈ సహజ ఆహారాలలో లభించే శక్తివంతమైన యాంటీ ఆక్సిడెంట్లు కంటి కణజాలం దెబ్బతినకుండా రక్షణ కల్పిస్తాయి.
ఈ సరళమైన మూడు నియమాలను క్రమం తప్పకుండా పాటిస్తే, కాలక్రమేణా కంటిచూపు అద్భుతంగా మెరుగుపడుతుందని నిపుణులు భరోసా ఇస్తున్నారు. క్రమంగా కళ్ళద్దాల పవర్‌ను తగ్గించుకుంటూ, చివరకు వాటిని పూర్తిగా వదిలించుకునే అవకాశం ఈ సహజ జీవనశైలి ద్వారా లభిస్తుందని నమ్ముతారు. ఆరోగ్యకరమైన మునగాకు ఆధారిత ఆహారపు అలవాట్లతో కళ్ళను కాపాడుకుంటూ నిత్యం స్పష్టమైన చూపును సొంతం చేసుకోండి.
మీకు నచ్చవచ్చు:పాము కాటుకు గురైన వ్యక్తిని నిద్రపోనివ్వకూడదా? సైన్స్ ఏం చెబుతోందంటే!
బ్యాంక్ నిర్లక్ష్యం: చిన్న తప్పుతో చర్చి ఖాతా సీజ్.. అప్పుల్లో మునిగిన గ్రామీణులు!
Drumstick Leaves Benefits, Improve Eyesight Naturally, Moringa Leaves For Eyes, Natural Vision Remedies, Eye Health Foods, Doctor Health Advice, Health Tips In Telugu.
.webp)
ప్రస్తుత రోజుల్లో చిన్న వయసులోనే చాలామంది కీళ్ల నొప్పులు, మోకాళ్ల నొప్పులతో బాధపడుతున్నారు. వయసు పెరిగిన తర్వాత మాత్రమే వచ్చే సమస్యగా భావించే ఆర్థరైటిస్ ఇప్పుడు యువతలో కూడా కనిపిస్తోంది. అసలు చిన్న వయసులోనే కీళ్ల నొప్పులు రావడానికి కారణాలేంటి? రుమటాయిడ్ ఆర్థరైటిస్ (Rheumatoid Arthritis) అంటే ఏమిటి? ఈ సమస్యకు వ్యాయామానికి ఉన్న సంబంధం ఏమిటి? కీళ్ల ఆరోగ్యాన్ని కాపాడుకోవడానికి ఎలాంటి జాగ్రత్తలు తీసుకోవాలి?
కీళ్లు మన శరీర కదలికలకు ఎంతో కీలకం. నడవడం, మెట్లు ఎక్కడం, కూర్చోవడం, నిలబడటం వంటి రోజువారీ పనులన్నీ కీళ్ల సహకారంతోనే సాధ్యమవుతాయి. అయితే శారీరక శ్రమ తగ్గడం, ఎక్కువసేపు ఒకే చోట కూర్చోవడం, సరైన వ్యాయామం లేకపోవడం వంటి కారణాలు కీళ్ల ఆరోగ్యంపై ప్రభావం చూపవచ్చు. ముఖ్యంగా మోకాళ్లపై ఒత్తిడి పెరిగినప్పుడు నొప్పి, బిగుతుగా అనిపించడం, కదలికల్లో ఇబ్బంది వంటి సమస్యలు ఎదురవుతాయి.
కీళ్ల నొప్పులు రాకుండా ఉండటానికి, మోకాళ్ల ఆరోగ్యాన్ని మెరుగుపరుచుకోవడానికి రోజువారీ వ్యాయామం ఎంతో ఉపయోగపడుతుంది.
ఈ వీడియోలో Dr. Bhaskarకీళ్ల ఆరోగ్యం, ఆర్థరైటిస్, రుమటాయిడ్ ఆర్థరైటిస్ గురించి ముఖ్యమైన విషయాలను వివరించారు. అలాగే మోకాళ్ల కదలికలు మెరుగుపడటానికి, కండరాలు బలపడటానికి, కీళ్లపై ఒత్తిడిని తగ్గించుకోవడానికి ఉపయోగపడే ఐదు వ్యాయామాల గురించి తెలియజేశారు.
ఈ ఐదు వ్యాయామాలను ఎలా చేయాలి? వాటిని రోజువారీ జీవితంలో ఎలా భాగం చేసుకోవాలి? కీళ్ల నొప్పులతో బాధపడేవారు వ్యాయామం చేసేటప్పుడు ఎలాంటి జాగ్రత్తలు తీసుకోవాలి? ఇప్పటికే ఆర్థరైటిస్ సమస్య ఉన్నవారు ఎలాంటి వ్యాయామాలను ఎంచుకోవాలి? అనే విషయాలను ఈ వీడియోలో తెలుసుకోవచ్చు.
ఇది కూడా చదవండి పిండికూరతో కిడ్నీ రాళ్లు కరుగుతాయా.. డాక్టర్ ఏం చెబుతున్నారు
కీళ్ల నొప్పులు ఉన్న ప్రతి ఒక్కరికీ ఒకే రకమైన వ్యాయామాలు సరిపోవు. ముఖ్యంగా రుమటాయిడ్ ఆర్థరైటిస్ లేదా తీవ్రమైన మోకాళ్ల నొప్పులతో బాధపడేవారు వైద్యుల సలహా తీసుకున్న తర్వాతే తమకు తగిన వ్యాయామాలను ఎంచుకోవాలి. నొప్పి పెరిగేలా బలవంతంగా వ్యాయామాలు చేయకూడదు.
కీళ్ల ఆరోగ్యాన్ని కాపాడుకోవడానికి, మోకాళ్ల నొప్పుల పట్ల అవగాహన పెంచుకోవడానికి డాక్టర్ భాస్కర్ అందిస్తున్న ఈ విలువైన సమాచారాన్ని పూర్తిగా తెలుసుకోండి.
మరిన్ని ఆరోగ్య విషయాలు, నిపుణుల సలహాలు, ఉపయోగకరమైన సమాచార వీడియోల కోసం TeluguOne Healthను ఫాలో అవ్వండి.
మనం రోజూ తినే ఆహారంలో కొన్ని కాంబినేషన్స్ ట్రై చేస్తుంటాం. కానీ ఏ ఆహార పదార్థాన్ని వేటితో కలిపి తింటే మన శరీరానికి ఎక్కువ పోషకాలు అందుతాయనే విషయం మీద చాలామందికి స్పష్టత ఉండదు. మనం తినే వాటిలో కొన్ని కాంబినేషన్ లు ఆరోగ్యానికి అద్భుతమైన ఫలితాలను ఇస్తాయి. అలాంటి కొన్ని అరుదైన , అత్యంత ప్రయోజనకరమైన ఫుడ్ కాంబినేషన్ లు ఏవో.. వాటిని తినడం వల్ల కలిగే ప్రయోజనం ఏమిటో గురించి వివరంగా తెలుసుకుంటే..
పుచ్చకాయ.. ఉప్పు..
మనలో చాలా మందికి పుచ్చకాయ అనగానే గుర్తుకు వచ్చేది కేవలం తియ్యటి రుచి మాత్రమే. అయితే పుచ్చకాయ ముక్కల మీద కొద్దిగా ఉప్పు చల్లుకొని తింటే దాని రుచితో పాటు ఆరోగ్య ప్రయోజనాలు కూడా రెట్టింపు అవుతాయి. పుచ్చకాయలో పొటాషియం సమృద్ధిగా ఉంటుంది. అలాగే ఉప్పులో సోడియం లభిస్తుంది. ఈ రెండు కలిసి శరీరంలో ఎలక్ట్రోలైట్స్ సమతుల్యంగా ఉండేలా చూస్తాయి. ముఖ్యంగా ఎండకాలంలో లేదా వర్కవుట్లు చేసిన తర్వాత ఈ కాంబినేషన్ శరీరాన్ని తక్షణ శక్తితో పాటు హైడ్రేట్ గా ఉంచడానికి చాలా బాగా సహాయపడుతుంది.
బాదం..డార్క్ చాక్లెట్..
బాదం పప్పులను డార్క్ చాక్లెట్ తో కలిపి తీసుకోవడం మరొక మంచి అలవాటు. బాదం పప్పులో శరీరానికి అవసరమైన ఆరోగ్యకరమైన కొవ్వులు , విటమిన్ ఈ లభిస్తాయి. అలాగే డార్క్ చాక్లెట్లో యాంటీ ఆక్సిడెంట్స్ గుణాలు ఎక్కువగా ఉండే ఫ్లావనాయిడ్స్ ఉంటాయి. ఈ రెండింటి కలయిక శరీరంలో యాంటీ ఆక్సిడెంట్స్ శక్తిని గణనీయంగా పెంచుతుంది. ఇది గుండె ఆరోగ్యానికి ఎంతో మేలు చేస్తుంది , గుండె సంబంధిత సమస్యలు రాకుండా రక్షించడంలో కీలక పాత్ర పోషిస్తుంది.
ఓట్స్.. పెరుగు..
ఉదయం పూట బ్రేక్ ఫాస్ట్ లో ఓట్స్ తినడం చాలా మందికి అలవాటు. అయితే ఈ ఓట్స్ ను పెరుగుతో కలిపి తీసుకోవడం ద్వారా జీర్ణ వ్యవస్థకు అద్భుతమైన లాభాలు కలుగుతాయి. ఓట్స్ లో ప్రీబయోటిక్స్ ఉంటాయి. అలాగే పెరుగులో మంచి బ్యాక్టీరియాను అందించే ప్రోబయోటిక్స్ ఉంటాయి. ఈ రెండు కలిసి కడుపులోని జీర్ణక్రియను మెరుగుపరచడంలో , గట్ హెల్త్ ని ఆరోగ్యంగా ఉంచడంలో అద్భుతంగా పనిచేస్తాయి. పొట్టకు సంబంధించిన సమస్యలు ఉన్నవారికి ఈ ఆహార కాంబినేషన్ మంచి ఫలితాన్ని ఇస్తుంది.
ఇది కూడా చదవండి మీకు తెలుసా ..ఈ విటమిన్లు లోపిస్తే లివర్ దెబ్బతింటుంది..!
గ్రీన్ టీ.. నిమ్మరసం..
బరువు తగ్గాలనుకునేవారు లేదా ఆరోగ్యం మీద శ్రద్ధ పెట్టేవారు గ్రీన్ టీ తాగడం సాధారణం. అయితే గ్రీన్ టీ లో కొద్దిగా నిమ్మరసం పిండుకొని తాగితే దాని ప్రయోజనాలు పూర్తిగా శరీరానికి అందుతాయి. నిమ్మకాయలో ఉండే విటమిన్ సి గ్రీన్ టీ లోని యాంటీ ఆక్సిడెంట్లను శరీరం వేగంగా గ్రహించేలా సహాయపడుతుంది. సాధారణంగా గ్రీన్ టీ తాగడం వల్ల అందే పోషకాలు నిమ్మకాయ కలవడం వల్ల మరింత మెరుగ్గా పనిచేస్తాయి.
పసుపు పాలు.. మిరియాల పొడి..
మన ఇంట్లో తరచూ చేసుకునే పాలలో చిటికెడు పసుపు వేసుకొని తాగడం మన సాంప్రదాయం. అయితే ఈ పసుపు పాలలో చిటికెడు మిరియాల పొడి కూడా కలిపితే ఫలితం మరింత ఎక్కువగా ఉంటుంది. మిరియాలలో పైపరిన్ అనే గుణం ఉంటుంది. ఇది పసుపులోని కర్క్యుమిన్ అనే మూలకాన్ని శరీరం త్వరగా , పూర్తిగా గ్రహించడానికి సహాయపడుతుంది. దీనివల్ల శరీరంలో రోగ నిరోధక శక్తి పెరగడంతో పాటు ఎముకల నొప్పులు , ఇతర ఆరోగ్య సమస్యల నుంచి మంచి ఉపశమనం లభిస్తుంది.
ఆరోగ్యకరమైన జీవితాన్ని గడపడానికి మనం తినే ఆహారంలో చిన్న చిన్న మార్పులు చేసుకుంటే సరిపోతుంది. ఏ ఆహారాన్ని ఏ పదార్థంతో కలిపి తినాలో తెలుసుకొని పాటిస్తే శరీరం ఆరోగ్యంగా ఉండటంతో పాటు రోగాల బారిన పడకుండా కాపాడుకోవచ్చు. ఈ అద్భుతమైన ఆహార కాంబినేషన్ లను దైనందిన జీవితంలో భాగం చేసుకొని పూర్తి ఆరోగ్యాన్ని సొంతం చేసుకోండి.
*రూపశ్రీ.
మీకు నచ్చవచ్చు ఇలా చేస్తే చాలు... పిల్లలు ఫోన్ పక్కన పెట్టి పుస్తకాలంటే ఇష్టపడతారు..!
.webp)
ప్రతిరోజూ ఉదయం గొంతుకు హాయిగా ఉండేలా వేడి వేడిగా టీ తాగి రోజును ప్రారంభించడం చాలా మందికి అలవాటు. అయితే ఆ రొటీన్ టీకి బదులుగా అప్పుడప్పుడు కొన్ని సుగంధ ద్రవ్యాలు , మూలికలను జోడించి తయారు చేసుకునే పానీయాలు శరీరానికి ఎంతో మేలు చేస్తాయి. వీటిని హెర్బల్ టీలు అని అంటారు.
మన వంటింట్లో సులభంగా లభించే మసాలా దినుసులతోనే ఈ టీల ను తయారు చేసుకుని తాగవచ్చు. అలా వంటిట్లో ఉండే మసాలా దినుసుల్లో అనాస పువ్వు కూడా ఒకటి. ఈ అనాస పువ్వుతో తయారు చేసే టీ ఆరోగ్యానికి ఎన్నో అద్భుతమైన ప్రయోజనాలను అందిస్తుంది. ఈ చిన్న పువ్వు కేవలం వంటకాలకు రుచిని ఇవ్వడమే కాకుండా, అనేక ఆరోగ్య సమస్యలకు సహజసిద్ధమైన ఔషధంగా పనిచేస్తుంది. ఈ టీ తాగడం వల్ల కలిగే ఆరోగ్య ప్రయోజనాలు ఏమిటో తెలుసుకుంటే..
అనాస పువ్వు టీ..
ప్రస్తుత కాలంలో మారుతున్న వాతావరణ పరిస్థితుల కారణంగా వైరల్ ఫీవర్స్ , ఇతర ఇన్ఫెక్షన్లు త్వరగా వ్యాపిస్తుంటాయి. ఇలాంటి సమయంలో శరీర రోగనిరోధక శక్తిని పెంపొందించుకోవడం చాలా ముఖ్యం. జ్వరం లేదా ఏదైనా వైరస్ లేదా శ్వాసకోశ సమస్యలు తలెత్తినప్పుడు ప్రకృతి మనకు ప్రసాదించిన అనాస పువ్వును ఉపయోగించి సులభంగా హెర్బల్ టీ తయారు చేసుకోవచ్చు. అనాస పువ్వును చిన్న ముక్కలుగా చేసి, నీటిలో మరిగించి టీలా తయారు చేసుకుని తాగడం వల్ల శరీరానికి మంచి ఉపశమనం లభిస్తుంది.
ప్రయోజనాలు..
వైరల్ ఫీవర్.. శ్వాసకోశ సమస్యలు..
వాతావరణం మారినప్పుడు వచ్చే జలుబు, దగ్గు, వైరస్ జ్వరాలు సర్వసాధారణం. అనాస పువ్వులో యాంటీ వైరల్ , యాంటీ మైక్రోబయల్ గుణాలు పుష్కలంగా ఉంటాయి. ఇవి శరీరంలోకి ప్రవేశించే హానికారక వైరస్‌లతో పోరాడటానికి సహాయపడతాయి. శ్వాసనాళాల్లో చేరిన శ్లేష్మాన్ని కరిగించి, గొంతు నొప్పి , ఊపిరితిత్తుల ఇబ్బంది నుంచి త్వరగా ఉపశమనం కలిగిస్తాయి.
జీర్ణక్రియ ..
తిన్న ఆహారం సరిగా అరగకపోవడం, గ్యాస్, కడుపు ఉబ్బరం, అజీర్తి వంటి సమస్యలతో బాధపడేవారికి ఈ టీ చాలా బాగా పనిచేస్తుంది. అనాస పువ్వులోని పోషకాలు జీర్ణవ్యవస్థను ఉత్తేజపరిచి, జీర్ణక్రియ సజావుగా సాగేలా చేస్తాయి. భోజనం తర్వాత లేదా ఉదయం పూట ఈ టీ తాగడం వల్ల పొట్ట తేలికగా ఉంటుంది.
ఇది కూడా చదవండి షుగర్ పేషెంట్లు తప్పక తెలుసుకోవాలి ! ముఖ్యమైన డాక్టర్ సూచనలు
రోగనిరోధక శక్తి పెంపు..
శరీరంలో ఇమ్యూనిటీ తక్కువగా ఉంటే చిన్నచిన్న అనారోగ్యాలు కూడా త్వరగా చుట్టుముడతాయి. అనాస పువ్వు టీలో ఉండే యాంటీ ఆక్సిడెంట్లు శరీర రోగనిరోధక శక్తిని బలోపేతం చేస్తాయి. రోజూ దీన్ని తీసుకోవడం వల్ల శరీరం శక్తివంతంగా మారుతుంది , ఇన్ఫెక్షన్ల బారిన పడకుండా రక్షణ లభిస్తుంది.
కీళ్ల నొప్పులు, వాపులు తగ్గించడం..
శరీరంలో ఎక్కడైనా వాపులు లేదా కీళ్ల నొప్పులు ఉన్నప్పుడు ఈ టీ సహజ నివారణగా పనిచేస్తుంది. దీనిలో ఉండే కొన్ని ప్రత్యేక సమ్మేళనాలు శరీరంలో మంటను, వాపులను తగ్గించడంలో సహాయపడతాయి. వయసు మళ్లిన వాళ్ళలో లేదా కీళ్ల నొప్పులతో ఇబ్బంది పడేవారికి ఇది మంచి ఉపశమనాన్ని ఇస్తుంది.
మానసిక ప్రశాంతత , నిద్రలేమి నివారణ..
రోజంతా పడిన అలసట, ఒత్తిడి కారణంగా రాత్రిపూట సరిగ్గా నిద్ర పట్టకపోవడం జరుగుతుంది. అనాస పువ్వు టీలో ఉండే సువాసన , మృదువైన గుణాలు నాడీ వ్యవస్థను ప్రశాంతపరుస్తాయి. ఇది మనసును రిలాక్స్ చేసి చక్కగా నిద్ర పట్టేలా సహాయపడుతుంది.
చర్మ సౌందర్యం..
శరీరంలో వ్యర్థాలు పేరుకుపోవడం వల్ల మొటిమలు, చర్మ సమస్యలు వస్తుంటాయి. ఈ హెర్బల్ టీ శరీరాన్ని శుభ్రపరిచి, రక్తాన్ని శుద్ధి చేయడంలో సహాయపడుతుంది. దీనివల్ల చర్మం కాంతివంతంగా మారడానికి దోహదపడుతుంది.
*రూపశ్రీ.
మీకు నచ్చవచ్చు థైరాయిడ్ PCOS గట్ హెల్త్.. వీటి మధ్య సంబంధం ఏమిటి.!
మహిళలు అస్సలు నిర్లక్ష్యం చేయకూడని అండాశయ క్యాన్సర్ లక్షణాలివే!
What Happens to Your Body When You Drink Star Anise Tea,Amazing Benefits Revealed,Star Anise Tea,Amazing Benefits for Your Body