LATEST NEWS
హైదరాబాదు నగరంలో తీవ్ర సంచలనం సృష్టించిన మాజీ డీజీపీ వినయ్ రంజన్ రాయ్ సతీమణి తనూజ హత్య కేసులో తెలంగాణ స్పెషల్ టీం కీలక పురోగతి సాధించారు. ఈ కేసులో ప్రధాన నిందితురాలిగా ఉన్న ఇంటి పనిమనిషి కల్పనతో పాటు మరో ముగ్గురు నేపాలీ ముఠా సభ్యులను పోలీసులు అదుపులోకి తీసుకున్నారు. దాదాపు ఆరు నెలలుగా నిందితుల కోసం గాలిస్తున్న తెలంగాణ ప్రత్యేక బృందాలు ఎట్టకేలకు వారిని పట్టుకున్నాయి. ప్రస్తుతం నిందితులను విచారిస్తూ కేసుకు సంబంధించిన వివరాలను సేకరిస్తున్నాయి. పక్కా ప్రణాళికతో హత్య.. బంగారం, నగదు దోపిడీ జూబ్లీహిల్స్‌లోని ప్రశాసన్ నగర్‌లో నివాసం ఉంటున్న మాజీ డీజీపీ వినయ్ రంజన్ రాయ్ కుటుంబానికి ఇంటి పనిమనిషిగా కల్పన పనిచేసేది.
నేపాల్‌కు చెందిన కల్పనతో పాటు మరికొందరు కలిసి ఇంట్లో భారీగా ఉన్న బంగారు ఆభరణాలు, నగదును దోచుకోవాలని పథకం రచించారు. ఇందులో భాగంగా మాజీ డీజీపీ కుటుంబంపై నిఘా పెట్టి, తమకు అనుకూలమైన సమయం కోసం ఎదురు చూశారు. మే 8న తనూజ దారుణ హత్యఈ క్రమంలో మే 8న తనూజ ఇంట్లో ఒంటరిగా ఉంది .అదే అదునుగా భావించిన నిందితులు ఒక్కసారిగా ఆమెపై దాడి చేశారు. ఈ దాడిలో తనూజ ప్రాణాలు కోల్పోయారు. అనంతరం ఇంట్లో ఉన్న విలువైన బంగారు ఆభరణాలు, నగదును దోచుకుని నిందితులు అక్కడి నుంచి పరారయ్యారు.
ఈ ఘటన హైదరాబాద్ నగరంలో తీవ్ర సంచలనం సృష్టించిన విషయం తెలిసిందే...నేపాల్‌కు పరార్.. ఆరు నెలలుగా పోలీసుల వేటహత్య విషయం తెలుసుకున్న పోలీసులు వెంటనే రంగంలోకి దిగి నిందితుల కోసం గాలింపు చర్యలు చేపట్టారు. అయితే అప్పటికే నిందితులు నేపాల్‌కు పారిపోయారు. దీంతో తెలంగాణ పోలీసులు ప్రత్యేక బృందాలను ఏర్పాటు చేసి వారి ఆచూకీ కోసం విస్తృతంగా గాలించారు. దాదాపు ఆరు నెలల పాటు కొనసాగిన ఈ వేటలో నలుగురు నేపాల్ ముఠా సభ్యులను అదుపులోకి తీసుకున్నారు.మరో ముగ్గురి కోసం గాలింపు ముమ్మరం ఈ కేసుతో సంబంధం ఉన్న మరో ముగ్గురు నిందితులు నేపాల్‌లో ఉన్నట్లు గుర్తించిన పోలీసులు వారి కోసం గాలింపు చర్యలను ముమ్మరం చేశారు. పరారీలో ఉన్న వారిని పట్టుకోవడంతో పాటు, దోచుకున్న బంగారు ఆభరణాలు, నగదును స్వాధీనం చేసుకునేందుకు పోలీసులు చర్యలు చేపట్టారు. మిగిలిన నిందితులు పట్టుబడితే ఈ హత్య కేసుకు సంబంధించిన మరిన్ని వివరాలు వెలుగులోకి వచ్చే అవకాశం ఉంది.
[ Former DGP Wife Murder Case, Tanuja Murder Case, Vinay Ranjan Rai, Hyderabad Crime News, Jubilee Hills Murder Case, Kalpana Arrest, Nepal Gang Arrest, Telangana Police, Hyderabad Murder Case, Prashasan Nagar Crime, DGP Wife Murder, Six Months Police Investigation, Gold and Cash Robbery, Hyderabad Breaking News, Telangana Crime News ]
.webp)
పండుగకు చెల్లిని ఇంటికి తీసుకెళ్లాలని వచ్చాడు.. కుటుంబమంతా కలిసి ఆనందంగా పండుగ జరుపుకోవాలని ఆశపడ్డాడు. కానీ, చెల్లితో కలిసి బయల్దేరిన ఆ ప్రయాణమే ఇద్దరికీ చివరి ప్రయాణమైంది. రోడ్డు ప్రమాదం రూపంలో మృత్యువు కబళించడంతో అన్నాచెల్లెలిద్దరూ ప్రాణాలు కోల్పోయారు. తల్లిని కోల్పోయిన నాలుగేళ్ల చిన్నారి ఆస్పత్రిలో చికిత్స పొందుతోంది. పండుగ వేళ రెండు కుటుంబాల్లో తీరని విషాదాన్ని నింపిన ఈ ఘటన హైదరాబాద్ సమీపంలో చోటుచేసుకుంది.
అన్నాచెల్లెల అనుబంధం ఎంతో అపురూపమైనది. పండుగ వచ్చిందంటే ఆ బంధంలోని ఆప్యాయతలు, అనురాగాలు మరింత గుర్తుకొస్తాయి. చెల్లిని ఇంటికి తీసుకెళ్లి కుటుంబ సభ్యులందరితో కలిసి పండుగ జరుపుకోవాలని ఆ అన్న ఆశపడ్డాడు. కానీ, విధి ఆడిన వింత నాటకంలో ఆ అన్నాచెల్లెలిద్దరూ తిరిగిరాని లోకాలకు వెళ్లిపోయారు. పండుగ సందడితో కళకళలాడాల్సిన ఆ ఇళ్లలో ఇప్పుడు కన్నీళ్లే మిగిలాయి.
హైదరాబాద్‌లోని హయత్‌నగర్‌ సమీపంలో విజయవాడ జాతీయ రహదారిపై ఈ విషాద ఘటన చోటుచేసుకుంది. రంగారెడ్డి జిల్లా పెద్దఅంబర్‌పేట్‌కు చెందిన నవీన్.. ఎల్బీనగర్‌లో నివసిస్తున్న తన చెల్లెలు రేఖను దసరా పండుగ సందర్భంగా ఇంటికి తీసుకెళ్లేందుకు స్కూటీపై బయల్దేరాడు. రేఖ నాలుగేళ్ల కుమార్తె కూడా వారితో పాటు ఉంది. పండుగను కుటుంబ సభ్యుల మధ్య సంతోషంగా గడపాలన్న ఆశతో ముగ్గురూ ప్రయాణం ప్రారంభించారు.
అయితే, మార్గమధ్యంలో వేగంగా వచ్చిన థార్ కారు వారి స్కూటీని ఢీకొట్టింది. ఈ ప్రమాద తీవ్రతకు నవీన్, రేఖ రోడ్డుపై పడిపోయి తీవ్రంగా గాయపడ్డారు. దురదృష్టవశాత్తూ వారిద్దరూ అక్కడికక్కడే ప్రాణాలు కోల్పోయారు. చిన్నారి తీవ్రంగా గాయపడటంతో పోలీసులు వెంటనే ఆస్పత్రికి తరలించారు. ప్రస్తుతం ఆ చిన్నారి చికిత్స పొందుతోంది.
కాసేపట్లో ఇంటికి చేరుకుని పండుగ సందడిలో మునిగిపోవాల్సిన అన్నాచెల్లెలు.. క్షణాల్లో విగతజీవులుగా మారడం వారి కుటుంబ సభ్యులను తీవ్ర విషాదంలోకి నెట్టింది. తల్లిని కోల్పోయిన నాలుగేళ్ల చిన్నారి పరిస్థితి మరింత హృదయవిదారకంగా మారింది. అమ్మానాన్నల ఆప్యాయతలు పూర్తిగా అర్థం చేసుకోలేని వయసులోనే ఆ చిన్నారి ఇంతటి విషాదాన్ని ఎదుర్కోవడం స్థానికులను కలచివేసింది.
ఈ ప్రమాదం కారణంగా విజయవాడ జాతీయ రహదారిపై భారీగా ట్రాఫిక్ స్తంభించింది. సమాచారం అందుకున్న పోలీసులు ఘటనా స్థలానికి చేరుకుని సహాయక చర్యలు చేపట్టారు. మృతదేహాలను పోస్టుమార్టం నిమిత్తం ప్రభుత్వ ఆస్పత్రికి తరలించి కేసు నమోదు చేశారు. ప్రమాదానికి గల కారణాలపై దర్యాప్తు ప్రారంభించారు. ప్రమాదానికి కారణమైన థార్ కారు ఓ పోలీసు అధికారికి చెందినదన్న సమాచారం ప్రచారంలో ఉన్నప్పటికీ, దీనిపై అధికారిక నిర్ధారణ రావాల్సి ఉంది.
పండుగ పూట ఇంటికి చేరుకోవాల్సిన అన్నాచెల్లెలు విగతజీవులుగా తిరిగిరావడంతో కుటుంబ సభ్యుల రోదనలు మిన్నంటాయి. ఆనందంగా గడపాల్సిన పండుగ విషాదంగా మారింది. చెల్లిని ఇంటికి తీసుకెళ్లాలన్న అన్న ఆశ నెరవేరకుండానే ఆ బంధం శాశ్వతంగా తెగిపోయింది. ఈ ఘటన మరోసారి రహదారి భద్రత, అతివేగం వల్ల కలిగే ప్రమాదాలపై ఆందోళన కలిగిస్తోంది.
[ Hyderabad Road Accident, Hayathnagar Accident, Brother Sister Death, Dussehra Tragedy, Thar Car Accident, Pedda Amberpet News, LB Nagar Accident, Four Year Old Girl Injured, Vijayawada National Highway Accident, Telangana Road Accident ]
ఆంధ్రప్రదేశ్ రాజకీయాల్లో ఎప్పుడూ చర్చనీయాంశంగా ఉండే బెజవాడ రాజకీయం మరోసారి వేడెక్కింది. విజయవాడ మున్సిపల్ కార్పొరేషన్ ఎన్నికల వేళ రాజకీయ సమీకరణాలు వేగంగా మారుతున్నాయి. ఇందులో భాగంగానే ప్రముఖ రాజకీయ నాయకుడు, మాజీ ఎమ్మెల్యే వంగవీటి రాధాకృష్ణ కీలక పరిణామాల మధ్య జనసేన పార్టీ తరఫున విజయవాడ మేయర్ అభ్యర్థిగా తన నామినేషన్‌ను అధికారికంగా దాఖలు చేశారు. గత కొంతకాలంగా రాష్ట్ర రాజకీయాల్లో జరుగుతున్న మార్పుల నేపథ్యంలో, రాధాకృష్ణ ఎంట్రీ ఇప్పుడు సర్వత్ర ఉత్కంఠను రేకెత్తిస్తోంది.
కూటమి (TDP, జనసేన, బీజేపీ) ఉమ్మడి ఆమోదంతో ఆయన ఈ ఎన్నికల బరిలో నిలిచారు. నామినేషన్ దాఖలు చేసేందుకు రాధాకృష్ణ భారీ సంఖ్యలో కూటమి నాయకులు, కార్యకర్తలు, అభిమానులతో కలిసి ఘనంగా ర్యాలీ నిర్వహించారు. వేలాదిగా తరలివచ్చిన జనసేన, తెలుగుదేశం, బీజేపీ శ్రేణుల నినాదాలతో విజయవాడ వీధులు దద్దరిల్లాయి. అనంతరం రిటర్నింగ్ అధికారి కార్యాలయానికి చేరుకుని ఆయన తన నామినేషన్ పత్రాలను సమర్పించారు. ఈ ఎన్నికల సందర్భంగా ఇటు రాజకీయ వర్గాల్లోనూ, అటు ప్రజల్లోనూ భారీ అంచనాలు నెలకొన్నాయి.
నామినేషన్ దాఖలు చేసిన అనంతరం వంగవీటి రాధాకృష్ణ మీడియాతో మాట్లాడుతూ తన భవిష్యత్తు కార్యాచరణను స్పష్టం చేశారు. ముఖ్యమంత్రి నారా చంద్రబాబు నాయుడు, ఉప ముఖ్యమంత్రి పవన్ కల్యాణ్ ఆశీస్సులతో పాటు, నగరంలోని కూటమి ఎమ్మెల్యేల పూర్తి సహకారంతో విజయవాడ నగర సర్వతోముఖాభివృద్ధికి కృషి చేస్తానని ఆయన ధీమా వ్యక్తం చేశారు. ప్రజల ఆశీర్వాదంతో బెజవాడను మరింత సుందరంగా తీర్చిదిద్ది, నగర ప్రజలకు మెరుగైన మౌలిక వసతులు అందిస్తామని ఆయన హామీ ఇచ్చారు.
ఈ ఎన్నికల్లో జనసేన పార్టీ ప్రకటించిన తొలి జాబితాలో విజయవాడ మేయర్ అభ్యర్థిగా వంగవీటి రాధా పేరు ఖరారైనప్పటి నుంచి రాజకీయ సమీకరణాలు ఒక్కసారిగా మారిపోయాయి. అభ్యర్థుల ఎంపిక ప్రక్రియలో భాగంగా పార్టీ అధినేత పవన్ కల్యాణ్ ప్రత్యేక బృందాలను రంగంలోకి దించి, క్షేత్రస్థాయిలో సర్వేలు నిర్వహించినట్లు సమాచారం. ప్రజల అభిప్రాయాలు, అభ్యర్థుల ప్రజాదరణ, స్థానిక మద్దతును బేరీజు వేసుకున్న తర్వాతే ఈ కీలక నిర్ణయం తీసుకున్నట్లు తెలుస్తోంది.
బెజవాడ రాజకీయాల్లో వంగవీటి కుటుంబానికి ఉన్న ప్రత్యేక చరిత్ర, భావోద్వేగాలతో కూడిన అనుబంధం దృష్ట్యా ఈ ఎన్నికలు మరింత ప్రాధాన్యత సంతరించుకున్నాయి. కూటమి బలంతో మేయర్ పీఠాన్ని కైవసం చేసుకోవాలని జనసేన పార్టీ వ్యూహాత్మకంగా అడుగులు వేస్తోంది. రాధాకృష్ణ లాంటి బలమైన నాయకుడు బరిలో ఉండటంతో విజయవాడ కార్పొరేషన్ పోరు రసవత్తరంగా మారింది. రానున్న రోజుల్లో ప్రచారం మరింత జోరందుకునే అవకాశం ఉంది. బెజవాడ పీఠం ఎవరికి దక్కుతుందనే ఉత్కంఠ ఇప్పుడు సర్వత్రా నెలకొంది.
[ Vangaveeti Radha, Vijayawada Mayor Candidate, Janasena Party, AP Municipal Elections, Vangaveeti Radhakrishna Nomination, Bezawada Politics, TDP Janasena BJP Alliance, AP Local Body Elections, Vangaveeti Radhakrishna Nomination ]
పశ్చిమ బెంగాల్ రాజధాని కోల్‌కతాలో దుర్గాపూజ ఉత్సవాల వేళ తీవ్ర విషాదం చోటుచేసుకుంది. ఉత్తర కోల్‌కతాలోని చోర్‌బగాన్ సార్వజనిన్ దుర్గాపూజ మండపం వద్ద జరిగిన తొక్కిసలాటలో 19 మంది ప్రాణాలు కోల్పోగా.. మరో 25 మంది గాయపడ్డారు. ఈ ఘటనతో బాధిత కుటుంబాల్లో తీవ్ర విషాదం నెలకొంది. క్షతగాత్రులను నగరంలోని వివిధ ఆసుపత్రులకు తరలించి చికిత్స అందిస్తున్నారు.
శనివారం సాయంత్రం దుర్గామాతను దర్శించుకునేందుకు పెద్ద సంఖ్యలో భక్తులు మండపం వద్దకు చేరుకున్నారు. ఈ క్రమంలో ఆకస్మికంగా భారీ వర్షం కురవడంతో భక్తులు తలదాచుకునేందుకు పరుగులు తీశారు. అదే సమయంలో మండపం వద్ద తప్పుడు ప్రకటనలు చేయడంతో గందరగోళం నెలకొని, రద్దీ ఒక్కసారిగా పెరిగినట్లు ప్రాథమిక దర్యాప్తులో వెల్లడైంది. ఇరుకైన ప్రవేశ, నిష్క్రమణ మార్గాలు, భద్రతా సిబ్బంది కొరత, జనసమూహాన్ని నియంత్రించడంలో వైఫల్యం కూడా తొక్కిసలాటకు కారణమైనట్లు అనుమానిస్తున్నారు.
ఘటనపై సమాచారం అందుకున్న పోలీసులు, సహాయక సిబ్బంది వెంటనే రంగంలోకి దిగి సహాయక చర్యలు చేపట్టారు. తొలుత 14 మందిని అదుపులోకి తీసుకున్న పోలీసులు.. విచారణ అనంతరం పూజా కమిటీ నిర్వాహకులు, ప్రైవేట్ సెక్యూరిటీ సిబ్బంది సహా ఏడుగురిని అరెస్ట్ చేశారు. అరెస్టయిన వారిలో పూజా కమిటీ కార్యదర్శి, ఉపాధ్యక్షుడు కూడా ఉన్నారు. ఈ ఘటనపై పోలీసులు సుమోటోగా కేసు నమోదు చేసి, హత్యకు సమానం కాని నరహత్యకు సంబంధించిన అభియోగాలు మోపారు.
ఈ దుర్ఘటన నేపథ్యంలో కేంద్ర హోంమంత్రి అమిత్ షా కోల్‌కతాలో తన ముందుగా నిర్ణయించుకున్న కార్యక్రమాలను వాయిదా వేసుకున్నారు. బాధితులను పరామర్శించి, వారి ఆరోగ్య పరిస్థితిని అడిగి తెలుసుకున్నారు. పశ్చిమ బెంగాల్ ముఖ్యమంత్రి సువేందు అధికారి, రాష్ట్ర గవర్నర్ ఆర్.ఎన్. రవి, ఆరోగ్య శాఖ మంత్రి కూడా ఆసుపత్రుల్లో చికిత్స పొందుతున్న క్షతగాత్రులను పరామర్శించారు.
మరోవైపు, ఘటనపై సమగ్ర విచారణ జరిపేందుకు కలకత్తా హైకోర్టు సిట్టింగ్ జడ్జి నేతృత్వంలో ప్రత్యేక దర్యాప్తు బృందాన్ని (సిట్), ఫ్యాక్ట్ ఫైండింగ్ కమిటీని ఏర్పాటు చేస్తున్నట్లు ప్రభుత్వం ప్రకటించింది. సిట్‌లో స్పెషల్ టాస్క్‌ఫోర్స్‌ (ఎస్‌టీఎఫ్‌), క్రిమినల్ ఇన్వెస్టిగేషన్ డిపార్ట్‌మెంట్‌ (సీఐడీ) సహా ఇతర దర్యాప్తు సంస్థల అధికారులు సభ్యులుగా ఉండనున్నారు.
మృతుల కుటుంబాలకు రాష్ట్ర ప్రభుత్వం ఒక్కొక్కరికి రూ.25 లక్షల పరిహారంతో పాటు, కుటుంబంలో ఒకరికి ప్రభుత్వ ఉద్యోగం కల్పిస్తామని హామీ ఇచ్చింది. గాయపడిన వారికి అయ్యే పూర్తి వైద్య ఖర్చులను కూడా ప్రభుత్వమే భరిస్తుందని ప్రకటించింది. కేంద్ర ప్రభుత్వం ప్రధానమంత్రి సహాయ నిధి నుంచి మృతుల కుటుంబాలకు ఒక్కొక్కరికి రూ.2 లక్షల చొప్పున ఆర్థిక సాయం ప్రకటించింది.పండుగ వేళ జరిగిన ఈ ఘోర దుర్ఘటన కోల్‌కతాలో తీవ్ర విషాదాన్ని నింపింది. భక్తుల రద్దీని నియంత్రించడంలో నిర్లక్ష్యం జరిగిందా? భద్రతా ఏర్పాట్లలో లోపాలే ప్రాణనష్టానికి కారణమయ్యాయా? అనే అంశాలపై దర్యాప్తు కొనసాగుతోంది.
[ Kolkata Stampede, Kolkata Durga Puja Tragedy, West Bengal, Chorbagan Durga Puja, 19 Dead, 25 Injured, Amit Shah, Suvendu Adhikari, Kolkata Police, Durga Puja Stampede, SIT Investigation, Calcutta High Court, West Bengal Government, PM Relief Fund, Compensation to Victims, Kolkata Breaking News, Durga Puja Accident, Amit Shah ]
పండుగ వేళ ఆ కళాశాలలో నవ్వులు విరిశాయి.. స్నేహితుల సందడి, దాండియా నృత్యాలతో ప్రాంగణమంతా కోలాహలంగా మారింది. అంతలోనే ఊహించని ప్రమాదం ఆ ఆనందాన్ని ఆవిరి చేసింది. క్షణాల వ్యవధిలోనే సంతోషాల మధ్య మృత్యువు చొరబడింది. పండుగ సంబరాలు విషాదంగా మారాయి. చివరకు ఇద్దరు విద్యార్థుల ప్రాణాలు గాలిలో కలిసిపోయాయి. హైదరాబాద్ శివారులోని నాదర్‌గుల్‌లో ఉన్న ఎంవీఎస్ఆర్ ఇంజినీరింగ్ కళాశాలలో బతుకమ్మ పండుగ సందర్భంగా నిర్వహించిన దాండియా వేడుకల్లో ఈ ఘోర ప్రమాదం చోటుచేసుకుంది. విద్యార్థినీ విద్యార్థులంతా ఎంతో ఉత్సాహంగా నృత్యాలు చేస్తూ సంబరాల్లో మునిగిపోయారు. అంతా సంతోషంగా సాగుతున్న సమయంలో ఒక్కసారిగా లైటింగ్ పోల్ కూలి విద్యార్థులపై పడింది. దీంతో అక్కడున్న వారిలో పలువురు గాయపడ్డారు. అదే సమయంలో మంటలు చెలరేగడంతో కళాశాల ప్రాంగణంలో ఒక్కసారిగా భయాందోళనలు నెలకొన్నాయి.
ఈ ప్రమాదంలో వనపర్తికి చెందిన సోనీ అనే విద్యార్థిని అక్కడికక్కడే ప్రాణాలు కోల్పోయినట్లు సమాచారం. మరో విద్యార్థి తీవ్ర గాయాలతో ఆసుపత్రిలో చికిత్స పొందుతూ మృతి చెందాడు. ఎంతో ఉత్సాహంగా పండుగలో పాల్గొన్న విద్యార్థులు ఇలా ప్రమాదానికి గురికావడం తోటి విద్యార్థులను, వారి కుటుంబ సభ్యులను తీవ్ర విషాదంలోకి నెట్టింది. ప్రమాదంలో గాయపడిన విద్యార్థులను వెంటనే సమీప ఆసుపత్రులకు తరలించారు. సోనీ సోదరితో పాటు మరో ఐదుగురి పరిస్థితి విషమంగా ఉండటంతో వారిని ఎల్బీనగర్‌లోని కామినేని ఆసుపత్రికి తరలించినట్లు సమాచారం. ప్రమాదం గురించి తెలిసిన వెంటనే పోలీసులు, అగ్నిమాపక సిబ్బంది ఘటనా స్థలానికి చేరుకుని సహాయక చర్యలు చేపట్టారు. మంటలను అదుపులోకి తీసుకొచ్చేందుకు ప్రయత్నించారు.
ఈ ప్రమాదంలో సుమారు 25 మంది విద్యార్థినులకు గాయాలయ్యాయి..తల, చేతులు, కాళ్లు, మెడ భాగాల్లో గాయాల య్యాయి.. ఈ ప్రమాదంలో సోనీ వనపర్తి చెందిన విద్యార్థిని మృతి చెందింది.. సోనీ చౌదరి తో పాటు మరో నలుగురి పరిస్థితి విషమంగా ఉండడంతో వారందరినీ కామినేని ఆసుపత్రికి తరలించారు..మిగతా బాధితులకు ప్రత్యూష ఆసుపత్రిలో చికిత్స అందిస్తున్నారు..కళాశాల యాజమాన్యం నిర్లక్ష్యమే ప్రమాదానికి కారణ మంటూ ఆరోపణలు వెల్లువెత్తుతున్నాయి..ఈ కార్యక్రమంలో భద్రతా ఏర్పాట్లు సరిగా చేయలేదంటూ విద్యార్థులు ఆగ్రహం వ్యక్తం చేస్తున్నారు...గాయపడిన విద్యార్థినులందరికీ మెరుగైన వైద్యం అందించాలని డిమాండ్ చేస్తున్నారు.నాదర్‌గుల్‌ ఎంవీఎస్ఆర్ ఇంజినీరింగ్ కళాశాలలో ప్రమాదం జరిగి విద్యార్థి మృతి చెందడంపై ముఖ్యమంత్రి రేవంత్ రెడ్డి దిగ్భ్రాంతి వ్యక్తంచేశారు.విద్యార్థి కుటుంబానికి సీఎం సంతాపం తెలిపారు.. గాయపడిన విద్యార్థులకు మెరుగైన వైద్యం అందించాలని సూచించారు...ప్రమాదానికి బాధ్యులైన వారిని గుర్తించి కఠిన చర్యలు తీసుకోవాలని ముఖ్యమంత్రి రేవంత్ రెడ్డి అధికారులను ఆదేశించారు.
పండుగ వేళ తమ పిల్లలు సంతోషంగా గడుపుతున్నారని భావించిన తల్లిదండ్రులకు ఈ ఘటన తీరని విషాదాన్ని మిగిల్చింది. కొద్దిసేపటి క్రితం వరకు స్నేహితులతో కలిసి నవ్వుతూ, నృత్యాలు చేసిన విద్యార్థులు.. ఒక్కసారిగా ప్రమాదం బారిన పడటంతో కళాశాల ప్రాంగణమంతా విషాదఛాయలు అలుముకున్నాయి. అయితే, అసలు లైటింగ్ పోల్ ఎందుకు కూలింది? మంటలు ఎలా చెలరేగాయి? వేడుకల నిర్వహణలో భద్రతా ప్రమాణాలు పాటించారా? అనే ప్రశ్నలు ఇప్పుడు తలెత్తుతున్నాయి. ఈ ప్రమాదానికి గల కారణాలపై అధికారులు విచారణ జరిపితేనే పూర్తి వివరాలు వెల్లడయ్యే అవకాశం ఉంది. పండుగ సంబరాల మధ్య చోటుచేసుకున్న ఈ విషాదం.. విద్యార్థుల భద్రతపై మరోసారి ఆందోళన కలిగిస్తోంది. రెండు కుటుంబాల్లో తీరని శోకాన్ని నింపిన ఈ ఘటనపై పూర్తి వివరాలు, గాయపడిన విద్యార్థుల ఆరోగ్య పరిస్థితిపై అధికారిక సమాచారం తెలియాల్సి ఉంది.
[ MVSR Engineering College, Dandiya Event Accident, Dandiya Tragedy, Student Deaths, Lighting Pole Collapse, Batukamma Celebrations, Nadargul Accident, Hyderabad News, Telangana News, College Event Accident, Students Injured, Kamineni Hospital, Fire Accident, Campus Safety, Breaking News ]
ALSO ON TELUGUONE N E W S
.WEBP)
టాలీవుడ్‌లో అభిమానులు ఎంతో ఇష్టపడే జంటల్లో రష్మిక మందన్న, విజయ్ దేవరకొండ జంట ఒకటి. వెండితెరపై ‘గీత గోవిందం’, ‘డియర్ కామ్రేడ్’ సినిమాలతో ఆకట్టుకున్న ఈ జంట.. నిజ జీవితంలోనూ ఒక్కటై అభిమానులకు సంతోషాన్ని పంచింది. ఈ ఏడాది ఫిబ్రవరి 26న వివాహ బంధంలోకి అడుగుపెట్టిన వీరిద్దరూ తాజాగా ‘కాఫీ విత్ కరణ్’ టాక్ షోలో సందడి చేయబోతున్నారు. ఈ సందర్భంగా విడుదలైన ప్రోమోలో తమ పెళ్లి గురించి ఆసక్తికర విషయాలను పంచుకోవడంతో పాటు సరదాగా మాట్లాడుకున్న తీరు ఇప్పుడు చర్చనీయాంశంగా మారింది.
ఈ ప్రోమోలో కరణ్ జోహార్.. మీ ఇద్దరిలో ఎవరు ముందుగా పెళ్లి ప్రపోజల్ చేశారని అడిగారు. దీనికి విజయ్ స్పందిస్తూ.. రష్మికే తనను పెళ్లి చేసుకుందామని అడిగిందని, అలా ఒకటి కాదు రెండు కాదు.. దాదాపు 100 సార్లు అడిగిందని సరదాగా చెప్పాడు. దీంతో కరణ్ నిజంగానే అన్ని సార్లు అడిగావా అని రష్మికను ప్రశ్నించగా.. “ఒక ఏడాది మొత్తం అడిగాను” అంటూ ఆమె నవ్వుతూ సమాధానమిచ్చింది. వీరిద్దరి మధ్య జరిగిన ఈ సరదా సంభాషణ ప్రోమోలో ప్రత్యేక ఆకర్షణగా నిలిచింది.
ఇక ఇదే షోలో మరో ఆసక్తికరమైన సందర్భం కూడా చోటుచేసుకుంది. రష్మికతో పాటు విజయ్‌కు తెరపై మంచి కెమిస్ట్రీ ఉన్న మరో నటుడు ఎవరని కరణ్ అడిగితే.. రష్మిక వెంటనే “ఇంకెవరూ లేరు” అన్నట్టుగా స్పందించింది. దీనికి విజయ్ నవ్వుతూ.. “వివాహంలో 101వ నియమం.. భార్యతో ఏకీభవించాలి” అని చమత్కరించాడు. అలాగే ర్యాపిడ్ ఫైర్ రౌండ్‌లో అల్లు అర్జున్, రణ్‌బీర్ కపూర్‌లలో ఎవరిని ఎంచుకుంటారని అడగ్గా.. రష్మిక అల్లు అర్జున్ పేరును చెప్పింది. ఈ సంభాషణలు అభిమానులను ఆకట్టుకుంటున్నాయి.
ప్రస్తుతం రష్మిక, విజయ్ కలిసి నటించిన ‘రణబాలి’ సినిమా కూడా ప్రేక్షకుల ముందుకు రావడంతో ఈ జంట గురించి మరోసారి చర్చ జరుగుతోంది. తెరపై తమ కెమిస్ట్రీతో అభిమానులను ఆకట్టుకున్న ఈ ఇద్దరూ.. నిజ జీవితంలోని సరదా కబుర్లతోనూ అలరిస్తున్నారు. ‘కాఫీ విత్ కరణ్’లో వీరిద్దరూ పంచుకోనున్న మరిన్ని విషయాల కోసం అభిమానులు ఆసక్తిగా ఎదురుచూస్తున్నారు.
[Rashmika Mandanna, Vijay Deverakonda, Rashmika Vijay Wedding, Koffee With Karan 9, Rashmika Marriage Proposal, Vijay Deverakonda Interview, Rashmika Vijay Viral Promo, Ranabaali Movie]
సూపర్‌స్టార్ మహేశ్‌బాబు, దర్శకధీరుడు ఎస్.ఎస్.రాజమౌళి కాంబినేషన్‌లో తెరకెక్కుతున్న ‘వారణాసి’పై భారీ అంచనాలు ఉన్నాయి. ఈ సినిమా కోసం మహేశ్ అభిమానులతో పాటు సినీ ప్రేక్షకులు కూడా ఆసక్తిగా ఎదురుచూస్తున్నారు. ఇప్పటికే ఈ చిత్రాన్ని 2027 ఏప్రిల్ 7న ప్రపంచవ్యాప్తంగా విడుదల చేయనున్నట్లు ప్రకటించారు. అయితే తాజాగా ఈ సినిమా విడుదల వాయిదా పడే అవకాశముందంటూ వార్తలు ప్రచారంలోకి రావడంతో మరోసారి చర్చ మొదలైంది.
రాజమౌళి సినిమా అంటే భారీ స్థాయిలో చిత్రీకరణ, విజువల్ ఎఫెక్ట్స్, పోస్ట్ ప్రొడక్షన్ పనులకు ఎక్కువ సమయం కేటాయించడం సహజం. ‘వారణాసి’ కూడా భారీ బడ్జెట్‌తో తెరకెక్కుతున్న చిత్రం కావడంతో పనులన్నీ అనుకున్న సమయానికి పూర్తవుతాయా? అనే సందేహాలు వ్యక్తమవుతున్నాయి. అయితే, సినిమా విడుదల తేదీ మారుతుందంటూ వస్తున్న వార్తలకు సంబంధించి చిత్రబృందం నుంచి ఇప్పటివరకు అధికారిక ప్రకటన వెలువడలేదు. కాబట్టి వాయిదా ఖరారైందని చెప్పడానికి ఇంకా ఆధారాలు లేవు.
ఇదిలా ఉంటే.. ఈ సినిమాలో మహేశ్ బాబు ‘రుద్ర’ పాత్రలో కనిపించనుండగా, ప్రియాంక చోప్రా మందాకిని పాత్రను పోషిస్తున్నారు. పృథ్వీరాజ్ సుకుమారన్ ప్రతినాయకుడిగా నటిస్తున్నారు. టైమ్ ట్రావెల్, అడ్వెంచర్ అంశాలతో కూడిన ఈ చిత్రం అంతర్జాతీయ స్థాయిలో ప్రేక్షకులను ఆకట్టుకునేలా రూపొందుతోంది. ఇప్పటికే విడుదలైన ప్రచార చిత్రాలు, గ్లింప్స్ సినిమాపై అంచనాలను పెంచాయి.
ప్రస్తుతం ‘వారణాసి’ విడుదల తేదీపై వస్తున్న వార్తలు నిజమవుతాయా? లేక ముందుగా ప్రకటించినట్లుగానే ఏప్రిల్ 7, 2027న ప్రేక్షకుల ముందుకు వస్తుందా? అన్నది తెలియాలంటే చిత్రబృందం నుంచి అధికారిక ప్రకటన వచ్చే వరకు వేచి చూడాల్సిందే. ఏది ఏమైనా సినీవ‌ర్గాల్లో, సోషల్ మీడియాలో వారణాసి రిలీజ్ వాయిదాపై చర్చ మాత్రం జరుగుతోంది.
[Mahesh Babu Varanasi, Varanasi Release Date, SS Rajamouli Varanasi Movie, Varanasi Movie Postponement, Mahesh Babu Upcoming Movie, Varanasi Latest News, Varanasi April 2027 Release, Priyanka Chopra Varanasi]
మెగాస్టార్ చిరంజీవి సినిమాల విషయంలో అభిమానుల్లో ఎప్పుడూ ఆసక్తి ఉంటుంది. ఆయన ఎవరితో సినిమా చేయబోతున్నారు? ఎలాంటి కథను ఎంచుకుంటున్నారు? అనే విషయాలు తరచూ చర్చనీయాంశంగా మారుతుంటాయి. ఈ నేపథ్యంలో తాజాగా చిరంజీవి, తమిళ దర్శకుడు కార్తీక్ సుబ్బరాజ్ కాంబినేషన్‌లో ఓ సినిమా రాబోతోందనే వార్తలకు మరింత బలం చేకూరింది. రజినీకాంత్‌తో ‘పేట’ వంటి సినిమాను తెరకెక్కించిన కార్తీక్ సుబ్బరాజ్.. చిరంజీవికి కథ వినిపించినట్లు స్వయంగా వెల్లడించారు. దీంతో ఈ క్రేజీ కాంబినేషన్‌పై మెగా అభిమానుల్లో ఆసక్తి పెరిగింది.
ఇటీవల ‘పర్మిట్ రూమ్’ అనే పాడ్‌కాస్ట్‌లో పాల్గొన్న కార్తీక్ సుబ్బరాజ్ ఈ విషయాన్ని వెల్లడించారు. “చిరంజీవి గారికి ఒక కథ వినిపించాను. అయితే, ఇప్పటివరకు ఏదీ ఖరారు కాలేదు. ఆయనతో కలిసి పనిచేస్తానని ఆశిస్తున్నాను” అని తెలిపారు. దీంతో చిరంజీవి కోసం కార్తీక్ ఓ కథను సిద్ధం చేసి వినిపించిన విషయం స్పష్టమైంది. అయితే, ఈ ప్రాజెక్టుకు సంబంధించి మెగాస్టార్ ఇంకా తుది నిర్ణయం తీసుకోలేదని దర్శకుడి మాటలను బట్టి అర్థమవుతోంది.
‘పిజ్జా’, ‘జిగర్తాండ’, ‘మహాన్’ వంటి విభిన్నమైన చిత్రాలతో గుర్తింపు తెచ్చుకున్న కార్తీక్ సుబ్బరాజ్.. రజినీకాంత్‌తో ‘పేట’ చిత్రాన్ని తెరకెక్కించి ప్రేక్షకులను ఆకట్టుకున్నారు. తన సినిమాల్లో కొత్త తరహా కథనం, స్టైలిష్ మేకింగ్‌కు ప్రాధాన్యం ఇచ్చే ఆయన.. చిరంజీవితో సినిమా చేస్తే ఎలాంటి కథను ఎంచుకుంటారన్న ఆసక్తి నెలకొంది. గతంలో వీరిద్దరి కాంబినేషన్‌పై వార్తలు వచ్చినప్పటికీ, ఇప్పుడు దర్శకుడే కథ చెప్పినట్లు వెల్లడించడంతో చర్చ మళ్లీ మొదలైంది.
ప్రస్తుతం చిరంజీవి తన ఇతర సినిమా పనులతో బిజీగా ఉన్నారు. మరోవైపు కార్తీక్ సుబ్బరాజ్ కూడా తన ప్రాజెక్టులతో ముందుకు సాగుతున్నారు. ఈ నేపథ్యంలో వీరిద్దరి సినిమా ఎప్పుడు పట్టాలెక్కుతుంది? చిరంజీవి ఈ కథకు గ్రీన్ సిగ్నల్ ఇస్తారా? అన్నది తెలియాల్సి ఉంది. ప్రస్తుతానికి కథ వినిపించిన విషయం మాత్రమే అధికారికంగా వెల్లడైంది. సినిమా ఖరారైనట్లు మాత్రం ఇంకా ప్రకటన రాలేదు.
[Chiranjeevi, Karthik Subbaraj, Chiranjeevi Karthik Subbaraj Movie, Petta Director, Karthik Subbaraj Latest News, Megastar Chiranjeevi Upcoming Movies, Chiranjeevi New Movie]
నవరాత్రి పర్వదినాన్ని పురస్కరించుకుని బిర్లా స్టూడియోస్, టెంపుల్ టౌన్ పిక్చర్స్ సంయుక్తంగా నిర్మిస్తున్న భక్తిరస చిత్రం ‘కనకదుర్గ’ నుంచి తొలి పాట ‘అమ్మ కనకదుర్గ’ను విజయవాడలో విడుదల చేశారు. ప్రముఖ సంగీత దర్శకుడు తమన్ స్వరపరిచిన ఈ పాటను జీ మ్యూజిక్ కంపెనీ ప్రేక్షకుల ముందుకు తీసుకొచ్చింది. తమన్ ఎస్ సంగీతం అందించిన ఈ పాటకు సిరాశ్రీ సాహిత్యం అందించారు. కనకదుర్గమ్మ దివ్య అనుగ్రహం, శక్తి, ఆధ్యాత్మిక విశిష్టతను చాటిచెప్పేలా ఈ పాటను రూపొందించారు. భక్తి ప్రధానంగా తెరకెక్కుతోన్న ఈ చిత్రంలోని అంతర్లీన భావాన్ని ఈ పాట ఆవిష్కరిస్తోంది.
విజయవాడలో ఈ పాటను విడుదల చేయడం వెనుక ప్రత్యేకమైన కారణం ఉంది. శ్రీ కనకదుర్గమ్మవారి ప్రసిద్ధ ఆలయం ఉన్న ఈ నగరానికి అమ్మవారితో విడదీయలేని ఆధ్యాత్మిక అనుబంధం ఉంది. ముఖ్యంగా నవరాత్రులు, భవానీ దీక్షల సమయంలో లక్షలాది మంది భక్తులు అమ్మవారిని దర్శించుకుంటారు. అలాంటి పవిత్ర నగరంలో ఈ పాటను విడుదల చేయడం ద్వారా, అమ్మవారిపై ప్రజలకు ఉన్న భక్తి విశ్వాసాలను ఈ పాటతో ముడిపెట్టారు. సినిమా సంగీత ప్రయాణానికి శ్రీకారం చుడుతున్న ఈ పాట, అమ్మవారి పట్ల భక్తులకున్న ఆరాధనా భావానికి ప్రతిబింబంగా నిలుస్తోంది.
మ్యూజిక్ డైరెక్టర్ తమన్‌కు ఈ పాట ఎంతో ప్రత్యేకమైనది. కనకదుర్గమ్మవారికి పరమ భక్తుడైన తమన్, అమ్మవారి దర్శనం కోసం తరచూ విజయవాడకు వెళ్తుంటారు. ఆ భక్తి భావమే ఈ పాటలోనూ ప్రతిబింబించింది. మధురమైన స్వరాలు, అర్థవంతమైన సాహిత్యంతో రూపొందిన ‘అమ్మ కనకదుర్గ’ గీతం.. భక్తుడు అమ్మవారిని ప్రార్థించే భావోద్వేగాన్ని ఆవిష్కరిస్తోంది. సినిమా పరిధిని దాటి, అమ్మవారిపై భక్తులకు ఉన్న ఆరాధనా భావాన్ని సంగీత రూపంలో ఈ పాట చాటిచెబుతోంది.
ఈ చిత్రంలో అల్లరి నరేశ్, కాజల్ చౌదరి ప్రధాన పాత్రల్లో నటిస్తున్నారు. ప్రదీప్ మద్దాలి దర్శకత్వం వహిస్తుండగా, బీవీఎస్ రవి కథను అందించారు. అమ్మవారి ఆధ్యాత్మిక విశిష్టత నేపథ్యంలో భక్తి, యాక్షన్, భావోద్వేగాల కలయికగా ఈ చిత్రాన్ని రూపొందిస్తున్నారు. తాజాగా విడుదలైన తొలి పాట.. అమ్మవారిపై భక్తి విశ్వాసాలను ప్రతిబింబిస్తూ సినిమా ప్రపంచాన్ని ప్రేక్షకులకు పరిచయం చేస్తోంది.
భవానీ దీక్ష సంప్రదాయంతో ఈ సినిమాకు ఉన్న అనుబంధం.. అల్లరి నరేశ్ తన పాత్ర కోసం సిద్ధమైన తీరులోనూ కనిపించింది. షూటింగ్ సమయంలో ఆయన దీక్ష నియమాలను పాటిస్తూ క్రమశిక్షణతో కూడిన జీవనశైలిని అనుసరించారు. ఇందులో భాగంగా మాంసాహారాన్ని తీసుకోలేదు. చెప్పుల‌ను ధ‌రించ‌లేదు.
విజయవాడలో నిర్వహించిన ప్రత్యేక కార్యక్రమంలో చిత్ర బృందం సమక్షంలో ఈ పాటను విడుదల చేశారు. ‘అమ్మ కనకదుర్గ’ పాటతో సినిమా ప్రమోషన్లకు శ్రీకారం చుట్టిన చిత్ర బృందం.. భక్తి, సంగీతానికి ప్రాధాన్యమిస్తూ ప్రేక్షకులకు చేరువయ్యే ప్రయత్నం చేస్తోంది. ఈ సందర్భంగా..
హీరో అల్లరి నరేష్ మాట్లాడుతూ “అమ్మవారి ఉత్సవాల్లో పాల్గొనడం చాలా సంతోషంగా ఉంది. మా నాన్నఈవీవీ సత్యనారాయణ గారు విజయవాడ కనకదుర్గమ్మకు పరమ భక్తులు. నేను ఇప్పటివరకు ఎన్నో డిఫరెంట్ జోనర్స్ మూవీస్ చేశాను. అయితే తొలిసారి ‘కనకదుర్గ’ అనే భక్తిరస చిత్రంలో నటిస్తున్నాను. అందుకే ఈ వేడుకను నిర్వహించడానికి విజయవాడ సరైన వేదిక అని భావించాం. ఈ నవరాత్రుల్లో ఎక్కడ చూసినా మార్మోగిపోయేలా ఒక పాటను కంపోజ్ చేయాలని తమన్ గారిని కోరాను. ఆయన అద్భుతమైన పాటను అందించారు. ఈ కార్యక్రమాన్ని ఇంత చక్కగా ముందుకు తీసుకెళ్లడంలో సహకరించిన బీవీఎస్ రవి గారికి, అజిత్ ఠాకూర్ గారికి, సునీల్ చైనాని గారికి నా కృతజ్ఞతలు. అలాగే మా దర్శకుడు ప్రదీప్ మద్దాలి గారికి, పాటల రచయిత సిరాశ్రీ గారికి ప్రత్యేక ధన్యవాదాలు. సినిమా షూటింగ్ పూర్తయింది. సినిమా త్వరలోనే ప్రేక్షకుల ముందుకు వచ్చేందుకు సిద్ధమవుతోంది” అని అన్నారు.
బిర్లా స్టూడియోస్ సహ నిర్మాత సునీల్ చైనాని మాట్లాడుతూ.. “కనకదుర్గమ్మవారి భక్తి విశ్వాసాలతో ముడిపడిన విజయవాడలో, నవరాత్రుల పవిత్ర సమయంలో ‘అమ్మ కనకదుర్గ’ పాటను విడుదల చేయడం ఎంతో ప్రత్యేకం. తమన్ త‌న‌దైన శైలిలో ఈ పాటకు ప్రాణం పోశారు. సినిమాలో కీలకమైన భక్తి భావాన్ని, ఆధ్యాత్మికతను తన సంగీతంతో అద్భుతంగా ఆవిష్కరించారు. అమ్మవారి ఆలయంలోనే ఆమెను కీర్తిస్తూ రూపొందించిన ఈ పాటను ప్రేక్షకుల ముందుకు తీసుకొస్తున్నాం. ఈ సందర్భంగా కనకదుర్గమ్మవారి ఆశీస్సులు కోరుకుంటున్నాం” అన్నారు.
టెంపుల్ టౌన్ పిక్చర్స్ నిర్మాతలు అజిత్ ఠాకూర్, బీవీఎస్ రవి మాట్లాడుతూ.. “అమ్మవారితో ఎంతో ఆధ్యాత్మిక అనుబంధం ఉన్న విజయవాడలో ‘అమ్మ కనకదుర్గ’ పాటను విడుదల చేయడం మాకు ఎంతో ప్రత్యేకమైన సందర్భం. తమన్ ఎస్ సంగీతం, సిరాశ్రీ సాహిత్యం ఈ పాటలో కనకదుర్గమ్మవారి భక్తి భావాన్ని, దివ్యశక్తిని అద్భుతంగా ఆవిష్కరించాయి. ఈ పాట భక్తుల హృదయాల్లో ప్రత్యేక స్థానం సంపాదించుకోవడంతో పాటు, వారి ప్రార్థనలు, పండుగ వేడుకల్లో భాగం కావాలని కోరుకుంటున్నాం. భక్తి విశ్వాసాల నేపథ్యంలో రూపొందిస్తున్న ఈ కథను ప్రేక్షకుల ముందుకు తీసుకెళ్లే మా ప్రయాణంలో ఈ పాట విడుదల ఒక అర్థవంతమైన తొలి అడుగు” అన్నారు.
జీ మ్యూజిక్ కంపెనీ చీఫ్ బిజినెస్ ఆఫీసర్ సుజల్ పరేఖ్ మాట్లాడుతూ “సంగీతానికి భాష, సంస్కృతి, తరాలకు అతీతంగా ప్రజలను అనుసంధానించే శక్తి ఉందని జీ మ్యూజిక్ కంపెనీ విశ్వసిస్తుంది. ‘అమ్మ కనకదుర్గ’ పాట కనకదుర్గమ్మవారి ఆధ్యాత్మిక విశిష్టతను, భక్తి సంగీతానికి ఉన్న శక్తిని చాటిచెబుతుంది. ఈ పాటను ప్రేక్షకుల ముందుకు తీసుకొచ్చేందుకు బిర్లా స్టూడియోస్, టెంపుల్ టౌన్ పిక్చర్స్‌తో కలిసి పనిచేయడం సంతోషంగా ఉంది. ఈ గీతం నవరాత్రి వేడుకల్లో, భక్తులు అమ్మవారిని స్మరించుకునే సందర్భాల్లో ఒక ప్రత్యేక భాగం కావాలని ఆశిస్తున్నాం” అని అన్నారు.
సంగీత దర్శకుడు తమన్ మాట్లాడుతూ.. “కనకదుర్గమ్మవారు నా హృదయంలో ఎప్పుడూ ఎంతో పవిత్రమైన స్థానంలో ఉంటారు. అందుకే ‘కనకదుర్గ’ చిత్రం నాకు చాలా ప్రత్యేకం. ‘అమ్మ కనకదుర్గ’ పాటకు సంగీతం అందించడం నాకు ఎంతో సంతృప్తినిచ్చింది. ఈ పాట కేవలం ఓ సంగీత రచనలా కాకుండా.. భక్తుడు అమ్మవారిని ప్రార్థించే సమయంలో కలిగే గాఢమైన భావోద్వేగాన్ని, అమ్మవారి అపారమైన శక్తిని, కరుణను ప్రతిబింబించేలా ఉండాలని కోరుకున్నాను. అమ్మవారి దర్శనం కోసం తరచూ వచ్చే విజయవాడలో ఈ పాటను విడుదల చేయడం మరింత ప్రత్యేకంగా అనిపిస్తోంది. ఈ గీతం ప్రతి భక్తుడి హృదయాన్ని తాకి, వారి ప్రార్థనలు, పండుగ వేడుకల్లో భాగం కావాలని మనస్ఫూర్తిగా కోరుకుంటున్నాను” అని అన్నారు. ‘అమ్మ కనకదుర్గ’ పాట ప్రస్తుతం జీ మ్యూజిక్ కంపెనీ యూట్యూబ్ ఛానెల్‌తో పాటు ప్రముఖ మ్యూజిక్ స్ట్రీమింగ్ ప్లాట్‌ఫామ్స్‌లో అందుబాటులో ఉంది.
[amma kanaka durgaa song release, allari naresh movie kanaka durga, music director thaman, amma kanaka durga song release in vijayawada]
పాన్ ఇండియా స్టార్ ప్రభాస్ అభిమానులు ఎంతో ఆసక్తిగా ఎదురుచూస్తున్న సినిమాల్లో ‘స్పిరిట్’ ఒకటి. ‘అర్జున్ రెడ్డి’, ‘యానిమల్’ చిత్రాలతో ప్రత్యేక గుర్తింపు తెచ్చుకున్న దర్శకుడు సందీప్ రెడ్డి వంగా ఈ సినిమాను తెరకెక్కిస్తున్నారు. ప్రభాస్‌ను పవర్ఫుల్ పోలీస్ ఆఫీసర్ పాత్రలో చూపించబోతుండటంతో ఈ ప్రాజెక్టుపై భారీ అంచనాలు ఉన్నాయి. అయితే తాజాగా ఈ సినిమా విడుదల తేదీలో మార్పు చోటుచేసుకుంది. మొదట 2027 మార్చి 5న విడుదల చేయాలని నిర్ణయించగా.. ఇప్పుడు అదే ఏడాది అక్టోబర్ 29న ప్రపంచవ్యాప్తంగా థియేటర్లలోకి తీసుకురానున్నట్లు దర్శకుడు సందీప్ రెడ్డి వంగా ప్రకటించారు.
ఈ సందర్భంగా ప్రభాస్ కొత్త లుక్‌తో కూడిన పోస్టర్‌ను కూడా సందీప్ రెడ్డి వంగా విడుదల చేశారు. సోషల్ మీడియాలో ఈ పోస్టర్‌ను పంచుకుంటూ.. 2027 దీపావళికి ‘స్పిరిట్’ ప్రపంచవ్యాప్తంగా విడుదల కానున్నట్లు వెల్లడించారు. దీంతో ప్రభాస్ అభిమానుల్లో సినిమాపై ఆసక్తి మరింత పెరిగింది. అయితే విడుదల తేదీని మార్చడానికి గల కారణాలను చిత్రబృందం అధికారికంగా వెల్లడించలేదు.
ఇదిలా ఉంటే.. ‘స్పిరిట్’ కొత్త విడుదల తేదీతో మరో భారీ సినిమాతో పోటీ పడే పరిస్థితి ఏర్పడింది. నితేశ్ తివారీ దర్శకత్వంలో రణ్‌బీర్ కపూర్ ప్రధాన పాత్రలో తెరకెక్కుతున్న ‘రామాయణం పార్ట్ 2’ కూడా 2027 దీపావళి సందర్భంగా విడుదల కానున్నట్లు ప్రకటించారు. దీంతో ఈ రెండు భారీ చిత్రాలు ఒకే పండుగ సీజన్‌లో ప్రేక్షకుల ముందుకు వచ్చే అవకాశముంది. అయితే రెండింటి మధ్య నేరుగా ఒకే రోజున పోటీ ఉంటుందా లేదా అన్నది భవిష్యత్తులో స్పష్టత రావాల్సి ఉంది.
ప్రభాస్ సరసన త్రిప్తి డిమ్రి నటిస్తున్న ‘స్పిరిట్’లో వివేక్ ఒబెరాయ్, ప్రకాశ్ రాజ్ తదితరులు కీలక పాత్రలు పోషిస్తున్నారు. సందీప్ రెడ్డి వంగా మార్క్ యాక్షన్, ప్రభాస్ కొత్త అవతారం ఈ సినిమాకు ప్రధాన ఆకర్షణలుగా నిలవనున్నాయి. మరోవైపు ‘రామాయణం పార్ట్ 2’పై కూడా భారీ అంచనాలు ఉన్నాయి. మరి 2027 దీపావళి బాక్సాఫీస్ బరిలో ఈ రెండు చిత్రాల్లో ఏది పైచేయి సాధిస్తుందో చూడాలి.
[Prabhas Spirit Movie, Spirit Release Date, Prabhas Spirit New Release Date, Sandeep Reddy Vanga, Spirit Movie Postponed, Spirit Movie 2027, Prabhas Upcoming Movies, Ramayana Part 2, Spirit vs Ramayana 2]
సూపర్‌స్టార్ రజినీకాంత్ బాక్సాఫీస్ స్టామినా మరోసారి నిరూపితమైంది. ఆయన హీరోగా నెల్సన్ దిలీప్‌కుమార్ దర్శకత్వంలో తెరకెక్కిన ‘జైలర్ 2’ సినిమా వసూళ్లలో దూసుకుపోతోంది. అక్టోబర్ 15న ప్రేక్షకుల ముందుకు వచ్చిన ఈ చిత్రం.. విడుదలైన మూడు రోజుల్లోనే ప్రపంచవ్యాప్తంగా రూ.300 కోట్ల మార్కును దాటింది. ట్రేడ్ వర్గాల సమాచారం ప్రకారం, తొలి మూడు రోజుల్లో ఈ సినిమా ప్రపంచవ్యాప్తంగా సుమారు రూ.317 కోట్లకు పైగా గ్రాస్ వసూళ్లు సాధించింది.
ఇక ఇండియాలోనూ ‘జైలర్ 2’ మంచి వసూళ్లను రాబడుతోంది. తొలి మూడు రోజుల్లో దేశీయంగా ఈ సినిమా నెట్ కలెక్షన్లు రూ.144 కోట్లకు చేరగా.. గ్రాస్ వసూళ్లు రూ.169 కోట్లకు పైగా నమోదయ్యాయి. ముఖ్యంగా శనివారం వసూళ్లు శుక్రవారంతో పోలిస్తే పెరగడం విశేషం. మూడో రోజు ఒక్క ఇండియాలోనే రూ.47.80 కోట్ల నెట్ వసూళ్లు వచ్చినట్లు ట్రేడ్ లెక్కలు చెబుతున్నాయి.
భాషల వారీగా చూస్తే తమిళ వెర్షన్ అత్యధిక వసూళ్లతో ముందంజలో ఉంది. తెలుగు వెర్షన్ కూడా మంచి వసూళ్లను సాధిస్తోంది. మూడో రోజు తమిళ వెర్షన్‌కు రూ.34.60 కోట్లు రాగా, తెలుగు వెర్షన్ రూ.8.50 కోట్ల నెట్ వసూళ్లు సాధించినట్లు నివేదికలు వెల్లడించాయి. విదేశీ మార్కెట్లలోనూ ఈ సినిమాకు భారీ స్పందన రావడంతో ప్రపంచవ్యాప్త వసూళ్లు వేగంగా పెరిగాయి.
రజినీకాంత్‌తో పాటు భారీ తారాగణం, నెల్సన్ దిలీప్‌కుమార్ దర్శకత్వం, అనిరుధ్ రవిచందర్ సంగీతం ఈ సినిమాపై ప్రేక్షకుల్లో ఆసక్తిని పెంచాయి. మూడు రోజుల్లోనే రూ.300 కోట్లకు పైగా వసూళ్లు సాధించిన ‘జైలర్ 2’.. రాబోయే రోజుల్లో మరెన్ని రికార్డులను అందుకుంటుందన్నది ఆసక్తికరంగా మారింది. అయితే ఇవి ప్రస్తుతం ట్రేడ్ వర్గాలు వెల్లడించిన వసూళ్ల అంచనాలు కావడంతో, తుది లెక్కల్లో మార్పులు ఉండే అవకాశం ఉంది.
[Jailer 2 Box Office Collection, Rajinikanth Jailer 2, Jailer 2 Worldwide Collection, Jailer 2 300 Crore, Jailer 2 Day 3 Collection, Nelson Dilipkumar, Rajinikanth Latest Movie, Jailer 2 Telugu Collection]
పిఎన్ఎస్ ప్రొడక్షన్స్ బ్యానర్ లో ప్రొడక్షన్ నెంబర్ 1 గా తెరకెక్కుతున్న చిత్రం షూటింగ్ పూర్తి చేసుకొని పోస్ట్ ప్రొడక్షన్ కార్యక్రమాలు జరుపుకుంటుంది, సత్యనారాయణ నాగుల నిర్మాతగా స్కంద దర్శకత్వంలో రూపొందుతున్న ఈ సినిమాలో ధనరాజ్, హ్యాపీడేస్ ఫేమ్ వంశీ చాగంటి ముఖ్య పాత్రల్లో నటిస్తున్నారు.
సస్పెన్స్ క్రైమ్ థ్రిల్లర్ నేపథ్యంలో నిర్మితమవుతున్న ఈ సినిమాలో సాకీ రాయ్ హీరోయిన్, అప్పాజీ అంబరీష, దయానంద్ రెడ్డి, ప్రశాంత్, పద్మారావ్, కేశవి, షారుక్ అలి, మాస్టర్ కృతిక్ తదితరులు నటిస్తున్నారు.
జి కృష్ణ ఎగ్జిక్యూటివ్ ప్రొడ్యూసర్ గా వ్యవహారిస్తున్న ఈ సినిమాకు రాహుల్ శ్రీవాస్తవ్ సినిమాటోగ్రఫీ అందిస్తున్నారు అలాగే సాయి కార్తీక్ సంగీతం, హరి ఎడిటర్ గా చేస్తున్నారు.
దర్శకుడు స్కంద అన్ని వర్గాల ప్రేక్షకులను అలరించే విధంగా ఈ సినిమాను తీస్తున్నారు, నిర్మాత సత్యనారాయణ నాగుల ఈ చిత్రాన్ని ప్రతిష్టాత్మాకంగా నిర్మిస్తున్నారు, త్వరలో ఈ చిత్ర టైటిల్ ఫస్ట్ లుక్ విడుదల కానున్నాయి.
[dhanraj new movie, vamshi chaganti new movie, heroine saki roy]
శ్రీ మహా సుబ్రహ్మణ్య వేదవేదాంగ విద్యాపీఠమ్ వద్ద నందమూరి బసవ రామ తారకం ఎన్టీఆర్ చారిటబుల్ ట్రస్ట్ నుండి వస్త్ర పంపిణీ చేయడం జరిగింది. హైదరాబాద్‌లోని తొర్రూర్ వద్ద ఉన్న ఈ విద్యాపీఠమ్ వద్ద దసరా నవరాత్రుల సందర్భంగా నందమూరి మోహన రూపా, నందమూరి శ్రీమంతుని చైర్మన్ నందమూరి మోహన కృష్ణ ఆధ్వర్యంలో విద్యాపీఠమ్ లోని పెద్ద వారికి, విద్యార్థులకు అందరికీ తమ స్వహస్తాలతో వస్త్రాలను అందచేసి ఈ కార్యక్రమాన్ని చేయడం జరిగింది. ఈ విద్యాపీఠమ్ లోని విద్యార్థులకు మన భారత దేశపు సంప్రదాయాలు, సంస్కృతి, విలువలు నేర్పిస్తూ భవిష్యత్ తరాలను తీర్చిదిద్దే ఈ గురుకులంలోని వారికి వస్త్రాలను అందచేశారు. ఈ సందర్భంగా నందమూరి మోహన రూపా, నందమూరి శ్రీమంతుని అక్కడ ఉన్న ముత్తైదువులకు నమస్కారం చేసుకోగా వేదపండితులు వారిని ఆశీర్వదించారు.
ఈ సందర్భంగా అక్కడ ఉండే పండితులు మాట్లాడుతూ... "నందమూరి బసవ రామ తారకం ఎన్టీఆర్ చారిటబుల్ ట్రస్ట్ ద్వారా శ్రీ మహా సుబ్రహ్మణ్య వేదవేదాంగ విద్యాపీఠమ్ నందు వస్త్ర పంపిణీ చేసిన శ్రీ నందమూరి మోహన కృష్ణ గారికి, నందమూరి మోహన రూపా గారికి, నందమూరి గారికి ధన్యవాదాలు తెలుపుకుంటున్నాము. ఇటువంటి మహానుభావుల దాతల సహాయంతో విద్యార్థులకు అన్ని సౌకర్యాలు లభిస్తున్నాయి. అమ్మవారు వీరిని సహాయం చేయమని పంపినట్లు అనుకుంటున్నాము. మా దాతలు సుఖసంతోషాలతో ఆరోగ్యంగా ఉండాలని కోరుకుంటూ అమ్మవారిని ప్రార్థిస్తున్నాము" అన్నారు.
[nandamuri family at veda vedanga vidya peetham, sri maha subrahmanya veda vedanga vidya peetham, nandmuri mohana krishna, nandamuri mohana roopa, nandamuri srimanthuni]
Telugu Film Industry is once again heading towards a phase of release date reshuffles, with reports suggesting that Mahesh Babu and SS Rajamouli’s Varanasi might be postponed from its planned April 7, 2027 release. If the reports turn out to be true, the development could trigger a fresh round of changes to the release calendar, with several big-budget and medium-budget films potentially reconsidering their dates.
Varanasi has been positioned as one of the biggest releases of 2027, with the Ugadi holiday window expected to give the film a major theatrical opening. However, reports suggesting that the film might not arrive as planned have already sparked discussions about which film could occupy the April slot. Prabhas’ Fauzi, which was earlier planned for December 4, is reportedly being considered for an April release if Varanasi moves out of the window.
Meanwhile, Rajinikanth’s Dharman is also said to be moving away from its earlier Pongal release plan, with reports suggesting a late-April 2027 release. Prabhas’ Spirit, on the other hand, has locked October 29, 2027, for Diwali. While these developments involve different films and release windows, they underline the uncertainty surrounding the theatrical calendar.
The bigger concern is the domino effect these changes could create. When a major film postpones, other producers who have locked dates around festivals, holidays and distribution plans may have to rethink their strategies. Medium-budget films could be particularly affected, as securing a favourable release window without facing competition from major star-driven projects is already a challenge.
TFI has seen this cycle of postponements and release date adjustments several times, and the latest reports suggest that the industry could be heading towards another such phase. If Varanasi moves away from April 7, the consequences could extend well beyond one film, forcing several other biggies and medium-budget projects to revisit their theatrical plans. For now, the reported changes remain unconfirmed by the respective makers.
Disclaimer: The news article is written based on information shared by various sources. The organisation is not responsible for the factual nature of them. While we do try to do thorough research at times people could misguide. So, we would encourage viewers' discretion before reacting to them.
Prabhas and Sandeep Reddy Vanga’s Spirit is set to arrive in theatres worldwide on October 29, 2027, with the makers locking the Diwali release date for the highly anticipated action drama. The film marks the first collaboration between the superstar and the director, raising expectations for a larger-than-life action spectacle.
Prabhas plays a police officer with one bad habit — an intolerance for injustice — in a character that promises to present him in a different light. Sandeep Reddy Vanga is crafting a distinctive look for the actor, with long hair and a lean, strong frame. The first look has already generated considerable buzz, particularly around the character’s intriguing description.
The film’s shoot is progressing as planned, with the makers taking their time to bring Vanga’s vision to the screen while accommodating Prabhas’ commitments. Rather than rushing towards an earlier release, the team is targeting Diwali 2027 for what is expected to be an intense, high-impact action drama.
Triptii Dimri plays the female lead, while Vivek Oberoi has a prominent role. Harshavardhan Rameshwar is composing the music, with Bhadrakali Pictures and T-Series producing the film on a grand scale. With its distinctive lead character and the combination of Prabhas and Vanga, Spirit is gearing up for a major worldwide theatrical release.
Disclaimer: The news article is written based on information shared by various sources. The organisation is not responsible for the factual nature of them. While we do try to do thorough research at times people could misguide. So, we would encourage viewers' discretion before reacting to them.
ఎన్నికల వేళ జగన్ కు షాకుల మీద షాకులు తగులుతున్నాయి. ఇన్నాళ్లే జగన్ మాటే శాసనం అన్నట్లుగా అణిగిమణిగి ఉన్న వారంతా సరిగ్గా ఎన్నికల ముంగిట ధిక్కార స్వరం వినిపిస్తున్నారు. పార్టీపై తిరుగులేని పట్టు ఉందని భావిస్తున్న జగన్ కు ఆ పట్టు జారిపోవడం కళ్లముందు కనిపించేలా చేస్తున్నారు.
టికెట్ నిరాకరించిన, సిట్టింగ్ స్థానాన్ని మార్చిన ఎమ్మెల్యేలు, ఎంపీలు ఇప్పటికే పార్టీని వీడి వలసబాట పట్టారు. వారితో పాటు పెద్ద సంఖ్యలో క్యాడర్ కూడా పార్టీని వీడుతున్నారు. ఇక ఇప్పుడు నామినేటెడ్ పదవులలో ఉన్న వారి వంతు మొదలైనట్లు కనిపిస్తోంది. తనకు కానీ తన భర్తకు కానీ వచ్చే ఎన్నికలలో పోటీ చేసేందుకు టికెట్ ఇవ్వాలంటూ గత కొంత కాలంగా కోరుతూ వస్తున్న మహిళా కమిషన్ చైర్ పర్సన్ వాసిరెడ్డి పద్మ వంతు వచ్చింది. ఆమె కూడా రాజీనామా అస్త్రం సంధించారు.
జగన్ కు నమ్మిన బంటుగా గుర్తింపు పొందిన మహిళాకమిషన్ చైర్ పర్సన్ వాసి రెడ్డి పద్మ తన పదవికి రాజీనామా చేశారు. ఉరుములేని పిడుగులా, ఎటువంటి ముందస్తు సమాచారం లేకుండా తన రాజీనామా లేఖను సీఎం జగన్ కు పంపేశారు. పేరుకు తాను పార్టీకి కాదు, కేవలం మహిళా కమిషన్ చైర్మన్ పదవికి మాత్రమే రాజీనామా చేశాననీ, ఇక నుంచి వైసీపీ కోసం పని చేస్తాననీ వాసిరెడ్డి పద్మ చెబుతున్నప్పటికీ, ఆమె రాజీనామాకు కారణం అసంతృప్తేనని పార్టీ వర్గాలు బాహాటంగానే చెబుతున్నాయి.
చాలా కాలంగా వాసిరెడ్డి పద్మ వచ్చే ఎన్నికలలో పోటీ చేసేందుకు తనకు కానీ తన భక్తకు కానీ పార్టీ టికెట్ ఇవ్వాలని జగన్ ను కోరుతూ వస్తున్నారు. అయితే ఇప్పటి వరకూ జగన్ చూద్దాం.. చేద్దాం అన్నట్లుగా దాట వేస్తూనే వచ్చారు. ఇప్పుడిక వరుసగా అభ్యర్థల జాబితాలను జగన్ ప్రకటించేస్తుండటం, తనకు గానీ తన భర్తకు కానీ పార్టీ టికెట్ విషయంలో ఎటువంటి స్పస్టత ఇవ్వకపోవడంతో ఆమె మనస్తాపం చెంది పదవికి రాజీనామా చేసేశారని పార్టీ వర్గాలు చెబుతున్నాయి.
వాసిరెడ్డి పద్మ రాజకీయ ప్రవేశం ప్రజారాజ్యం పార్టీతో జరిగింది. 2009లో ఆమె ప్రజారాజ్యం పార్టీలో చేరారు. ఇలా చేరడంతోనే ఆమె ప్రజారాజ్యం అధికార ప్రతినిథిగా పదవి దక్కించుకున్నారు. ప్రజారాజ్యం కాంగ్రెస్ పార్టీలో విలీనం కావడంతో ఆమె 2012లో జగన్ పార్టీలో చేరారు. జగన్ కూడా ఆమెకు అధికార ప్రతినిథి పదవి ఇచ్చారు. 2019లో వైసీపీ అధికారంలోకి వచ్చిన తరువాత ఆమెను రాష్ట్ర మహిళా కమిషన్ చైర్ పర్సన్ గా నియమించారు. చైర్ పర్సన్ హోదాలో ఆమె జగన్ మెప్పు పొందేందుకు చేయగలిగినంతా చేశారు. ప్రతిపక్ష పార్టీ నేతలకు నోటీసులు ఇచ్చారు. ఏకంగా జనసేన అధినేత పవన్ కల్యాణ్ కు సైతం నోటీసులు జారీ చేశారు. వార్డు వలంటీర్లపై పవన్ కల్యాణ్ చేసిన వ్యాఖ్యలకు కమిషన్ ముందు హాజరై వివరణ ఇవ్వాలంటూ ఆమె పవన్ కు నోటీసులు జారీ చేసిన సంగతి తెలిసిందే. పవన్ హాజరు కాకపోవడంతో పోలీసులకు ఫిర్యాదు చేసి కేసు నమోదు చేయాలని ఆదేశించారు. ఇన్ని చేసినా వాసిరెడ్డి పద్మకు ఆమె కోరినట్లుగా పార్టీ టికెట్ లభించకపోవడంతో అలిగి పదవికి రాజీనామా చేశారని, ఇది జగన్ కు షాకేననీ పరిశీలకులు విశ్లేషిస్తున్నారు.
.webp)
సంసారంలో నిస్సంగత్వంతో ఎలా జీవించాలో గురువు బోధిస్తాడు. మనల్ని సంసారబంధాల నుండి విముక్తుల్ని చేయడానికి తోడ్పడతాడు. కానీ అనేక జన్మల సంస్కారాల వల్ల మనలో సంసారాసక్తి సన్నగిల్లకపోవడంతో గురుబోధ అవగాహన చేసుకొనే మనోపరిపక్వత కలగదు. ఒకరైతు తనకు చేసిన సేవలకు ప్రీతి చెందిన గురువు అతడికి స్వర్గ ప్రాప్తిని కలగజేయాలని అనుకుంటాడు. కానీ సంసారాసక్తి వల్ల ఆ రైతు ఆ అవకాశాన్ని వాయిదా వేసుకుంటూ వస్తాడు. చివరికి గురుకృప వల్ల ఆ రైతు స్వర్గ ప్రాప్తిని ఎలా పొందాడో ఈ కథ తెలియజేస్తుంది.
"ఒక మహాపురుషుడు ప్రయాణం చేస్తూ, డస్సిపోయాడు. గొంతు ఎండిపోయింది. దారిలో ఒక రైతు కనపడితే నీళ్ళు అర్థించాడు. ఆ రైతు మహాత్మునికి సకల ఉపచారాలూ చేశాడు. చిరిగిపోయిన ఆయన ఉత్తరీయాన్ని రైతు జాగ్రత్తగా కుట్టి బాగుచేశాడు. రైతు పరిచర్యలకు సంతసించిన ఆ మహాత్ముడు శాంతి, ఆనందాలకు నిలయమైన స్వర్గానికి తనతోపాటు రమ్మని అంటాడు. అందుకు ఆ రైతు 'గురువుగారూ! మీరు నా మీద చూపిన దయకు కృతజ్ఞుణ్ణి. కానీ నా పిల్లలు ఇంకా చిన్నవాళ్ళు. ఓ ఏడేళ్ళ వ్యవధి ఇవ్వండి' అని అడుగుతాడు. అందుకు గురువు అంగీకరించాడు.
సరిగ్గా ఏడేళ్ళ తర్వాత గురువు రైతును స్వర్గానికి తీసుకువెళ్ళడానికి వచ్చాడు. అప్పుడు రైతు 'అయ్యా! కడపటి కొడుకు కష్టాలకు అంతు లేదు. అన్ని జంఝాటాలనూ ఒక్కడే సంబాళించుకోలేకపోతున్నాడు. కాబట్టి మరో ఏడేళ్ళు గడువు ఇవ్వండి' అని గురువుని అడిగాడు. మరో ఏడేళ్ళ తరువాత గురువు వచ్చాడు. కానీ రైతు చనిపోయాడని తెలిసింది. చనిపోయిన ఆ రైతు ఎద్దుగా పుట్టాడని ఆ గురువు తన దివ్య దృష్టితో తెలుసుకున్నాడు. ఎద్దుగా పుట్టిన ఆ రైతు తన కొడుకు పొలాన్నే దున్నుతున్నాడు. అప్పుడు గురువు ఆ ఎద్దుపై మంత్ర జలం చిలకరించగానే ఎద్దు జన్మనెత్తిన రైతు 'నా కొడుకు పరిస్థితి మరి కాస్త మెరుగు పడనీయండి స్వామీ! మరో ఏడేళ్ళు గడువు ఇవ్వండి' అని అన్నాడు. ఇక చేసేది లేక వెనుదిరిగాడు గురువు. మరలా ఏడేళ్ళ తర్వాత వచ్చిన గురువుకు ఎద్దు చనిపోయిందని తెలిసింది. అది కుక్కగా పుట్టి కొడుకు ఇంటినీ, ఆస్తినీ కాపలా కాస్తోందని తన దివ్యదృష్టి ద్వారా తెలుసుకున్నాడు. గురువు. కుక్కగా పుట్టిన ఆ రైతు 'స్వామీ! నేను ఎంత దౌర్భాగ్యుణ్ణి. మీరు ఇంత దయ చూపుతున్నప్పటికీ మీతో స్వర్గమానం చేయలేకున్నాను. వీడికి ఆస్తిని కాపాడుకొనే దక్షత ఇంకా రాలేదు. కాబట్టి దయ చేసి మరో ఏడేళ్ళు వ్యవధి ఇవ్వండి' అని వేడుకున్నాడు.
గురువు ఏడేళ్ళ తరువాత మళ్ళీ వచ్చేసరికి కుక్క మరణించింది. అది త్రాచుపాముగా జన్మనెత్తి, ఇప్పుడు కొడుకు భూమిలో ఉన్న లంకెబిందెలకు పడగెత్తి కాపలా కాస్తోంది. గుప్త ధనం ఇక్కడ ఉందని కొడుకుకి ఎలా తెలియజేయాలా అని పాము ఆలోచిస్తున్నప్పుడు గురువు ఆ రైతుకొడుకును పిలుచుకు వచ్చి లంకె బిందెలు ఉన్న చోట తవ్వమన్నాడు. లంకె బిందెలు బయటపడ్డాయి. ఆ పైన ఆ పామును చంపమన్నాడు. అనంతరం శిష్యుణ్ణి తీసుకొని స్వర్గారోహణం చేశాడు గురువు. సంసారంలోని ఈతి బాధల నుండి శిష్యుణ్ణి ఉద్ధరిస్తాడు సద్గురువు. అలాంటి గురువు అందరికీ అవసరం.
*నిశ్శబ్ద.
ఏద‌యినా ఒక వ‌స్తువు ఇంట్లోంచి పోయిందంటేనే ఎంతో బాధ‌గా వుంటుంది. ఎంతో ఇష్ట‌ప‌డి కొనుక్కున్న వ‌స్తువు చేజారి ప‌డి ప‌గిలిపోయినా, దొంగ‌త‌నం జ‌రిగినా, ఎక్క‌డో మ‌ర్చిపోయినా చాలా బాధేస్తుంది. దాన్ని తిరిగి పొంద‌లేమ‌ని దిగులు ప‌ట్టుకుం టుంది. కానీ 101 ఏళ్ల చార్లెటి బిషాఫ్ కు ఎంతో ఇష్ట‌మ‌యిన పెయింటింగ్ రెండో ప్రపంచ యుద్ధ సమయంలో దూర‌మ‌యింది. 80 ఏళ్లు దాని కోసం ఎదురు చూడ‌గ‌లి గింది.
అదంటే మరి ఆమెకు ప్రాణ సమానం. చాలా కాలం దొరుకుతుంద‌ని, తర్వాత ఇక దొర‌కదేమో అనీ ఎంతో బాధ‌పడింది. ఫిదా సినిమాలో హీరోయిన్ చెప్పినట్లు ఆమె గట్టిగా అనుకుని ఉంటుంది. అందుకే కాస్త ఆలస్యమైనా.. కాస్తేంటి ఎనిమిది దశాబ్దాలు ఆలస్యమైనా ఆమె పెయింటింగ్ ఆమెకు దక్కింది. ఆ పెయింటింగ్ గ‌తేడాది ఆమెను చేరింది. ఆమెది నెద‌ర్లాండ్స్‌. ఆమె తండ్రి నెద‌ర్లాండ్స్‌లోని ఆర్నెహెమ్‌లో చిన్న‌పిల్ల‌ల ఆస్ప‌త్రి డైరెక్టర్. పోయి దొరికిన ఆ పెయింటింగ్ విషయానికి వస్తే.. అది 1683లో కాస్ప‌ర్ నెష‌ర్ వేసిన స్టీవెన్ ఓల్ట‌ర్స్ పెయింటింగ్.
రెండో ప్రపంచ యుద్ధ సమయంలో నాజీల ఆదేశాల‌ను చార్లెట్ తండ్రి వ్య‌తిరేకించారు. ఆయన ర‌హ‌స్య జీవ‌నం సాగించేడు. కానీ ఈ పెయింటింగ్‌ని మాత్రం తన నగరంలోని ఒక బ్యాంక్‌లో భ‌ద్ర ప‌ర‌చ‌మ‌ని ఇచ్చార‌ట. 1940లో నాజీలు నెద‌ర్లాండ్ పై దాడులు చేసినపుడు ఆ బ్యాంక్ మీద ప‌డి దోచుకున్నా రు. అప్పుడు ఈ పెయింటింగ్ కూడా తీసుకెళ్లారు. యుద్ధం అయిపోయిన తర్వాత ఈ పెయింటింగ్ ఎక్క‌డున్న‌దీ ఎవ‌రికీ తెలియ‌లేదు. చిత్రంగా 1950ల్లో డ‌స‌ల్‌డార్ష్ ఆర్ట్ గ్యాల‌రీలో అది ప్ర‌త్య‌క్ష‌మ‌యింది. 1969లో ఆమ్‌స్ట‌ర్‌డామ్‌లో దాన్ని వేలానికి తీసికెళ్లే ముందు దాన్ని ఆ ఆర్ట్ గ్యాల‌రీలో వుంద‌ని చూసిన‌వారు చెప్పారు. వేలంపాట తర్వాత మొత్తానికి ఆ పెయింటింగ్‌ను 1971లో ఒక క‌ళాపిపాసి తన దగ్గర పెట్టుకున్నాడు. ఆ తర్వాత 2021లో అది చార్లెటీని చేరింది.
మొత్తానికి వూహించ‌ని విధంగా ఎంతో కాలం దూర‌మ‌యిన గొప్ప క‌ళాఖండం తిరిగి తన వద్దకు చేర‌డంలో చార్లెటీ ఆనందానికి అంతేలేదు. అంతే కదా.. పోయింద‌నుకున్న గొప్ప వ‌స్తువు తిరిగి చేరితే ఆ ఆనంద‌మే వేరు! అయితే చార్లెటీకి ఇపుడు ఆ పెయిం టింగ్‌ను భ‌ద్రంగా చూసుకునే ఆసక్తి వున్న‌ప్ప‌టికీ శక్తి సామ‌ర్ధ్యాలు లేవు. అందుక‌నే త్వరలో ఎవ‌రిక‌యినా అమ్మేసీ వచ్చిన సొమ్మును పిల్ల‌ల‌కు పంచుదామ‌నుకుంటోందిట! చార్లెటీ కుటుంబంలో అయిదుగురు అన్న‌ద‌మ్ములు అక్క‌చెల్లెళ్లు వున్నారు. అలాగే ఇర‌వై మంది పిల్లలు ఉన్నారు. అందరూ ఆమె అంటే ఎంతో ప్రేమ చూపుతున్నారు. అంద‌రం ఒకే కుటుంబం, చాలాకాలం తర్వాత ఇల్లు చేరిన క‌ళాఖండం మా కుటుంబానిది అన్నది చార్లెటీ!
.JPG)
ఓ వంక ఐదు రాష్ట్రాల అసెంబ్లీ ఎన్నికలు జరుగుతుంటే, మరో వంక జాతీయ స్థాయిలో, బీజేపీ, కాంగ్రెస్ పార్టీలకు తృతీయ ప్రత్యాన్మాయంగా థర్డ్ ఫ్రంట్ ఏర్పాటు ఆలోచనలు జోరందుకున్నాయి. ఇటీవల కాంగ్రెస్ పార్టీకి రాజీనామా చేసిన ఆ పార్టీ సీనియర్ నాయకుడు, పీసీ చాకో, నేషనలిస్ట్ కాంగ్రెస్ పార్టీ(ఎన్సీపీ)లో చేరారు.
చాకోను పార్టీలోకి ఆహ్వానిస్తూ, ఎన్సీపీ అధినేత శరద్ పవార్’ ఫ్రంట్ ఏర్పాటు గురించి ప్రత్యేకించి ఎలాంటి వ్యాఖ్యలు చేయలేదు కానీ, చాకో అలాంటి సంకేతాలు ఇచ్చారు. ప్రస్తుతం దేశంలో ఉన్న ఏ ఒక్కపార్టీ కూడా బీజేపీకి ప్రత్యాన్మాయం కాదని,సమీప భవిష్యత్ కాంగ్రెస్ సహా ఏ పార్టీ కూడా ఆ స్థాయికి ఎదిగే అవకాశాలు కూడా కనిపించడంలేదని అన్నారు. ఈ పరిస్థితుల్లో దేశంలోని బీజేపీ వ్యతిరేక పార్టీలన్నీ, ఏకమై, ఒకే గొడుగు కిందకు రావలసిన అవసరం ఉందని చాకో అన్నారు. అదే సమయంలో ప్రతిపక్షాలను ఏక తాటిపైకి తెచ్చే బాధ్యతను పవార్ తీసుకోవాలని సంకేత మాత్రంగా చెప్పారు. అంతే కాకుండా కాంగ్రెస్ పేరు ఎత్తకుండా బీజేపీ వ్యతిరేక శక్తులను ఏకం చేసే ఆలోచన ఆ పార్టీ నాయకత్వానికి లేదని నెహ్రూ గాంధీ ఫ్యామిలీ (సోనియా, రాహుల్, ప్రియాంక)ఆలోచనా ధోరణిని పరోక్షంగానే అయినా ఎండ కట్టారు.ఆ విధంగా పవార్ ఆ బాధ్యత తీసుకోవాలని చాకో సూచించారు. ఇందుకు సంబంధించి, పవార్ బహిరంగంగా ఎలాంటి వ్యాఖ్య చేయలేదు. అయితే, చాకో సహా మరికొందరు ‘సీనియర్’ కాంగ్రెస్ నాయకులు, అలాగే సిపిఎం, సిపిఐ నాయకులు కూడా పవార్’తో చాలా కాలంగా థర్డ్ ఫ్రంట్ విషయంగా చర్చలు జరుపుతున్నట్లు సమాచారం.
అయితే మహారాష్ట్రలో సంకీర్ణం మనుగడను దృష్టిలో ఉంచుకుని పవార్ ఆచితూచి అడుగులేస్తున్నట్లు తెలుస్తోంది. అందుకే చాకో పార్టీలో చేరిన సందర్భంలో కూడా ‘చాకో చేరికతో మహారాష్ట్రలోని మహా వికాస్ అగాడీ ప్రభుత్వానికి ఎలాంటి నష్టం జరగదని, పవార్ మహారాష్ట్ర సంకీర్ణ సర్కార్ ప్రస్తావన చేశారని విశ్లేషకులు పేర్కొంటున్నారు. మహారాష్ట్ర సంకీర్ణ ప్రభుత్వ మనుగడ గురించ్బి పవార్ ప్రత్యేకంగా పేర్కొనడం ద్వారా, ఆయన థర్డ్ ఫ్రంట్ విషయంలో వేచి చూసే ఆలోచనలో ఉన్నట్లు అర్థమవుతోందని కూడా రాజకీయ విశ్లేషకులు భావిస్తున్నారు. అయితే అదే ఎన్సీపీ అసెంబ్లీ ఎన్నికల జరుగతున్న కేరళలో, పశ్చిమ బెంగాల్లో కాంగ్రెస్ వ్యతిరేక పార్టీలకు మద్దతు ఇస్తోంది. దీన్ని బట్టి చూస్తే, ఎన్సీపీ - కాంగ్రెస్ మధ్య దూరం పెరుగుతోందని స్పష్టమవుతోంది. అయితే, థర్డ్ ఫ్రంట్ ఏర్పాటు ఏ రకంగా ముడి పడుతుంది అనే విషయంలో ఇంకా స్పష్టత రావలసి ఉంది. అలాగే, కాంగ్రెస్ లేకుండా జాతీయ స్త్గాయిలో బీజేపీ వ్యతిరేక కూటమిని ఏర్పాటు చేయడం వలన, వ్యతిరేక ఓటు చీలి అది మళ్ళీ బీజేపీకే మేలు చేస్తుందని, కాబట్టి, ప్రస్తుతం కాంగ్రెస్ సారధ్యంలోని యూపీఏని బలోపేతం చేయడమే ఉత్తమమనే అలోచన కూడా విపక్ష శిబిరం నుంచి వినవస్తోంది.
ఈ నేపధ్యంలోనే, ప్రస్తుతం యూపీఏ ఛైర్పర్సన్’గా ఉన్న సోనియా గాంధీ వయసు, అనారోగ్యం కారణంగా బాధ్యతల నుంచి తప్పుకుని పవార్’కు బాద్యతలు అప్పగించాలనే ప్రతిపాదన వచ్చిందని అంటున్నారు. అలాగే, ఇతర పార్టీలను, ముఖ్యంగా కాంగ్రెస్ నుంచి విడిపోయి సొంత కుంపటి పెట్టుకున్న మమతా బెనర్జీ సారధ్యంలోని తృణమూల్, జగన్మోహన్ రెడ్డి సారధ్యంలోని వైసీపీలను కలుపుకుని కూటమిని బలోపేతం చేయడం ద్వారా బీజేపీని దీటుగా ఎదుర్కోవచ్చనే ఆలోచనలు కూడా సాగుతున్నాయి. అయితే, ఇటు థర్డ్ ఫ్రంట్ ఏర్పాటు అయినా, యూపీఏని బలోపేతం చేయడమే అయినా, పవారే .. కేంద్ర బిందువు. ఆయన సారధ్యంలోనే ప్రత్యాన్మాయం అనేది విపక్ష శిభిరం నుంచి వినవస్తున్న ప్రస్తుత సమాచారం. మరి అదే జరిగితే రాహుల గాంధీ పరిస్థితి ఏమిటి ? గాంధీ నెహ్రూ కుటుంబం పరిస్థితి ఏమిటి? ఏ ప్రత్యేక ప్రాధాన్యత లేకుండా అందరిలో ఒకరిగా ఫస్ట్ ఫ్యామిలీ సర్దుకు పోతుందా? అంటే..చివరకు ఏమవుతుందో .. ఇప్పుడే చెప్పలేమని రాజకీయ విశ్లేషకులు భావిస్తున్నారు.
.JPG)
తెలంగాణ రాష్ట్ర బడ్జెట్ 2021-22ను ఆర్థిక మంత్రి హరీష్ రావు, ఈ నెల18న సభలో ప్రవేశ పెడతారు.కరోనా కారణంగా, ప్రస్తుత ఆర్థిక సంవత్సరం (2020-21)లో ఎదురైన ఆర్థిక ఇబ్బందుల నేపధ్యంగా ప్రవేశపెడుతున్న బడ్జెట్ కావడంతో సహజంగానే అందరిలోనూ ఆసక్తి నెలకొంది.
గతంలో అనేక సందర్భాలలో ముఖ్యమంత్రి కేసీఆర్,ఆర్థిక మంత్రి హరీశ రావు, కరోనా కారణంగా రాష్ట్ర ఆదాయం గణనీయంగా తగ్గిందని, పేర్కొన్నారు. అయితే, కరోనా నుంచి వేగంగా కోలుకుని, ఆర్థికంగా అంతే వేగంగా పుంజుకున్న రాష్ట్రాలలో తెలంగాణ ప్రధమ స్థానంలో ఉందని కేంద్ర ప్రభుత్వ ఆర్థిక సర్వే 2020-21 నివేదిక పేర్కొంది. పడిలేచిన కెరటంలా, తెలంగాణ ‘వీ’ ఆకారంలో ఆర్థికంగా నిలతొక్కుందని కేంద్రం జనవరి చివరి వారంలో విడుదల చేసిన ఆర్థిక సర్వేలో పేర్కొంది. అలాగే, రెవిన్యూ వసూళ్ళలో రాష్ట్రం కరోనా పూర్వస్థితికి చేరిందని కూడా సర్వే చెప్పింది.
అలాగే,రాష్ట్ర ఆర్థిక మంత్రి హరీష్ రావు కూడా ఈ మధ్య కాలంలో రాష్ట్ర ఆర్థిక పరిస్థితి పై సంతృప్తిని వ్యక్త పరిచారు. గత సంవత్సరమ జనవరి,ఫిబ్రవరి, మార్చి నెలలతో పోలిస్తే ఈ సంవత్సరం ఈ మూడు నెలల కాలంలో రాష్ట్ర ఆర్థిక వృద్ది రేటు 10 నుంచి 15 శాతం మెరుగ్గా ఉందని హరీష్ రావు ఒకటి రెండు ఇంటర్వ్యూలలో పేర్కొన్నారు.అలాగే, బడ్జెట్ విషయంలోనూ ఆయన చాల ఆశావహ దృక్పథంతోనే ఉన్నారు. బడ్జెట్ పాజిటివ్’గా ఉంటుదని, ఎవ్వరూ ఎలాంటి ఆందోళన చెందవలసిన అవసరం లేదని, సంక్షేమ పథకాలలో,ఇతరత్రా బడ్జెట్ కేటాయింపులలో ఎలాంటి కోతలు ఉండవని కూడా హరీష్ హామీ ఇచ్చారు. గత సంవత్సరంలో కొంత మేర హామీ ఇచ్చిన మేరకు అమలు చేయలేక పోయిన సొంత జాగాలలో డబల్ బెడ్ రూమ్ ఇళ్ళ నిర్మాణం, రుణ మాఫీ వంటి పథకాలను ఈ బడ్జెట్ ద్వారా అమలు చేస్తామని చెప్పారు.
అలాగే, అసెంబ్లీ బడ్జెట్ సమావేశాల సందర్భంగా గవర్నర్ తమిళి సై చేసిన ప్రసంగంలోనూ ఆశావహ దృక్పధమే వ్యక్తమైంది. ఆమె తమ ప్రసంగంలో, ప్రభుత్వం సంక్షేమ పథకాలకు పెద్ద పీట వేసిందని అన్నారు. ‘సంపద పంచాలి ,పేదలకు పంచాలి’ అనేది తమ ప్రభుత్వ విధానమని స్పష్టం చేశారు. అలాగే, పెరుగతున్న ఆదాయంలో అధికశాతం సంక్షేమానికే వెచ్చిస్తున్నామని స్పష్టం చేశారు. దీంతో బడ్జెట్’లో కొత్త పథకాలకు శ్రీకారం చుట్టే అవకాశం ఉంటుందా అన్న చర్చ జరుగుతోంది.
మరో వంక ఉద్యోగ వర్గాల్లో పీఆర్సీకి సంబంధించి ఆర్థిక మంత్రి తమ ప్రసంగంలో ప్రకటన చేస్తారా లేదా అనే ఆసక్తి నెలకొంది. అలాగే, సామాన్య ప్రజలు ఇటీవల పెరిగిన పెట్రోల్, డీజిల్, వంటగ్యాస్ ధరల భారం నుంచి మంత్రి హరీష్, ఏదైనా ఉపసమనం కలిపిస్తారా అని ఎదురు చూస్తున్నారు. గతంలో వైఎస్సార్ ముఖ్యమంత్రిగా ఉన్న సమయంలో సామాన్య ప్రజలపై వంటగ్యాస్ ధర భారాన్ని తగ్గించేందుకు కొంత మొత్తాన్ని, రూ.50(?) రాష్ట్ర ప్రభుత్వం తరపున సబ్సిడీగా ఇచ్చిన విషయాన్ని, అదే విధంగా అసెంబ్లీ ఎన్నికలు జరుగతున్న తమిళనాడులో డిఎంకే పార్టీ,తమ పార్టీని అధికారంలోకి వస్తే గ్యాస్ బండపై వంద రూపాయల సబ్సిడీ ఇస్తామని చేసిన వాగ్దానాన్ని గుర్తు చేస్తున్నారు.
ఇదిలా ఉంటే, ముఖ్యమంత్రి చంద్రశేఖర రావు, సోమవారం ఆర్థిక మంత్రి హరీష్ రావు, రాష్ట్ర ప్రభుత్వ ప్రధాన కార్యదర్శి సోమేశ్ కుమార్, ఆర్థిక శాఖ ముఖ్య కార్యదర్శి రామ కృష్ణా రావు,సలహాదారు జీఆర్ రెడ్డితో బడ్జెట్ పద్దులఫై సుదీర్ఘంగా చర్చించి తుది మెరుగులు దిద్దారు. బడ్జెట్ తుది రూపం సిద్దమైన నేపధ్యంలో ఆర్థిక శాఖ ప్రింటింగ్ ఏర్పాట్లు చేస్తోంది. ఈ నెల 18 ఉదయం మంత్రి వర్గం ఆమోదం పొందిన అనంతరం ఆర్థికమంత్రి హరీష్ రావు అదే రోజు రాష్ట్ర బడ్జెట్ 2021-22ను సభలో ప్రవేశ పెడతారు. 20, 22 తేదీల్లో బడ్జెట్‌పై సాధారణ చర్చ,23, 24, 25 తేదీల్లో బడ్జెట్ పద్దులపై చర్చ ఉంటుంది 26న ద్రవ్యవినిమయ బిల్లు (బడ్జెట్)పై చర్చ, సభామోదం ఉంటాయి.
అబద్ధాలు, అర్థ సత్యాలు, వ్యక్తిగత దూషణలు, అర్ధంపర్ధం లేని ఆరోపణలతో సుమారు నెలరోజులకు పైగా తెలంగాణలో సాగుతున్న పట్టభద్రుల ఎమ్మెల్సీ ఎన్నికల ప్రచారానికి శుక్రవారం సాయంత్రంతో తెర పడింది.రాష్ట్రంలోని మహబూబ్‌నగర్‌-హైదరాబాద్-రంగారెడ్డి పట్టభద్రుల నియోజకవర్గంతో పాటుగా,నల్లగొండ-ఖమ్మం-వరంగల్ స్థానానికి ఫిబ్రవరి 16 తేదీన నోటిఫికేషన్ వెలువడినా, ఎన్నికల ప్రచారం మాత్రం అంతకు చాలా ముందే అభ్యర్ధుల స్థాయిలో స్థానికంగా ఎన్నికల ప్రచారం ప్రారంభమైంది.
అధికార తెరాస, ఖమ్మం స్థానానికి సిట్టింగ్ ఎమ్మెల్సీ పల్లా రాజేశ్వర రెడ్డి పేరును ప్రకటించడంలో కొంచెం జాప్యం చేయడంతో పాటుగా, హైదరాబాద్ స్థానం నుంచి , పీవీ కుమార్తె వాణీ దేవి పేరును చివరి క్షణంలో తెరమీదకు తేవడంతో అంత వరకు కొంత స్తబ్దుగా సాగిన ప్రచారం ఆ తర్వాత వేడెక్కింది. ఉద్యోగ నియామకాల విషయంలో తెరాస కార్యనిర్వాహక అధ్యక్షుడు, మంత్రి కేటీఆర్ తప్పులో కాలేయడంతో విపక్షాలు, పోటీలో ఉన్న ప్రత్యర్ధులు, నిరుద్యోగ యువత, విద్యార్ధి సంఘాలు ఒకే సారి ఆయన మీద విరుచుకు పడ్డారు. ఆయన లెక్క తప్పని నిరుపిస్తం రమ్మని వరస సవాళ్ళు విసిరారు. దీంతో, మంత్రి నియామకా ఇష్యూని పక్కకు తప్పించేందుకు , ఐటీఐఆర్, వరంగల్ రైల్వే ఫ్యాక్టరీ వంటి సెంటిమెంటల్ ఇష్యూస్’ను తెరపైకి తెచ్చారు. అలాగే, కేంద్ర ప్రభుత్వంపై విమర్శల దాడిని పెంచారు. చివరకు పొరుగు రాష్ట్రానికి చెందిన విశాఖ ఉక్కు ఆందోళన కూడా ఎమ్మెల్సీ ఎన్నికల ప్రచారంలో భాగమైంది.
రెండు నియోజక వర్గాలలో గతంతో పోలిస్తే ఈసారి ఓటర్ల సంఖ్య రెట్టింపు అయింది. ఈసారి రెండు నియోజక వర్గాలలో కలిపి 10 లక్ష 36 వేల మంది తమ ఓటు హక్కును వినియోగించుకుంటారు. అలాగే, రెండు పట్ట భద్రుల నియోజక వర్గాల్లో 164 మంది అభ్యర్ధులు పోటీలో ఉన్నారు. గత ఎన్నికలతో పోలిస్తే ఇటు ఓటర్ల సంఖ్య, అటు అభ్యర్థుల సంఖ్యా రెట్టింపునకు పైగానే పెరగడంతో ఎన్నికలలో జోష్ పెరిగింది. దీనికితోడు అధికార, ప్రతిపక్ష పార్టీలు ప్రతిష్ఠాత్మకంగా తీసుకోవడంతో సాధారణ ఎన్నికలను తలపించే రీతిలో ప్రచారం సాగింది. ఎక్కువమంది అభ్యర్ధులు బరిలో ఉండడంతో, ప్రభుత్వ వ్యతిరేక ఓటు చీలి తమకే ప్రయోజనం జరుగుతుందని అధికార పార్టీ ఆశపడుతోంది .
దుబ్బాక, జీహెచ్‌ఎంసీ ఎన్నికల్లో చేదు ఫలితాలను చవిచూసిన టీఆర్‌ఎస్‌ పార్టీ ఎమ్మెల్సీ ఎన్నికలను అత్యంత ప్రతిష్ఠాత్మకంగా తీసుకుంది. ముఖ్యమంత్రి కేసీఆర్ స్వయంగా వ్యూహ రచన చేసి కేటీఆర్, హరీష్ సహా మంత్రులు,ఎమ్మెల్యేలకు స్పెసిఫిక్ బాధ్యతలు అప్పగించారు. అలాగే,కాంగ్రెస్ అభ్యర్థులు చిన్నారెడ్డి, రాములునాయక్‌లకు మద్దతుగా ఉత్తమ్, భట్టి, రేవంత్‌రెడ్డి, కోమటిరెడ్డి వెంకట్‌రెడ్డి తదితరులు విస్తృతంగా ప్రచారం చేశారు. బీజేపీ అభ్యర్థులు ఎన్.రాంచందర్‌రావు, ప్రేమేందర్‌రెడ్డిల తరఫున ఆ పార్టీ రాష్ట్ర అధ్యక్షుడు బండి సంజయ్, ఎంపీ అరవింద్ తదితరులు ప్రచారాన్ని వేడెక్కించారు.
ఖమ్మం స్థానం నుంచి ప్రత్యక్ష ఎన్నికల్లో తొలిసారి పోటీకి దిగిన కోదండరాంకు, టీజేఎస్ పార్టీకీ ఈ ఎన్నికలు కీలకంగా మారాయి. ఖమ్మ స్థానం నుంచి పోటీ చేస్తున్న తీన్మార్ మల్లన్న ముందస్తు వ్యూహంతో ప్రధాన పార్టీల అభ్యర్ధులకు ధీటుగా ప్రచారం సాగించారు. వామపక్షాల మద్దతుతో జయసారథి, తెలంగాణ ఇంటి పార్టీ అధ్యక్షుడు చెరుకు సుధాకర్, యువతెలంగాణ కార్యనిర్వాహక అధ్యక్షురాలు రాణీ రుద్రమ తదితరులు పోటీలో ఖమ్మం సీటును పట్టభద్రులు ఎవరికి పట్టం కడతారు అన్నది ప్రశ్నార్థకంగా మారింది. హైదరాబాద్ సీటు కూడా ఇటు అధికార తెరాసకు అటు సిట్టింగ్ సీటును నిలుపుకోవడం తో పాటుగా దుబ్బాక , జీహెచ్ఎంసి జోష్ ను కొనసాగించాలని ఆశ పడుతున్నబీజేలకే కూడా ఇజ్జత్ కీ సవాల్ గా మారింది. కాంగ్రెస్ అభ్యర్ధి పార్టీ సీనియర్ నాయకుడు సౌమ్యుడు, మాజీ మంత్రి చిన్నారెడ్డి, వామ పక్షాల మద్దతుతో పోటీ చేస్తున్న మాజీ ఎమ్మెల్సీ ప్రొఫెసర్ నాగేశ్వర్ కూడా గట్టి పోటీ ఇస్తున్నారు. సో.. చివరకు ఏమి జరుగుతుంది అంటే ఏదైనా జరగవచ్చును. ఈ నెల 14 వ తేదీన పోలింగ్ జరుగుతుంది.17 ఫలితాలు వస్తాయి .. అంతవరకు వెయిట్ అండ్ వాచ్ .
సహజంగా కష్టాల్లో ఉన్నపుడు ఎవరికైనా దేవుడు గుర్తు వస్తారు. లౌకిక వాద రాజకీయ నాయకులకు అయితే హటాత్తుగా తాము హిందువులం అనే విషయం జ్ఞప్తికి వస్తుంది. పశ్చిమ బెంగాల్ ముఖ్యమంత్రి, తృణమూల్ పార్టీ అధినాయకురాలు మమతా బెనర్జీకి కూడా తానూ హిందువును అనే విషయం ఇప్పుడు గుర్తుకొచ్చింది.
ఒకప్పుడు ఎర్ర జెండాను దిగ్విజయంగా ఎదిరించి, మార్క్సిస్టులను మట్టి కరిపించిన మమతా దీదీ ప్రస్తుతం, కాషాయ కూటమి నుంచి గట్టి సవాలును ఎదుర్కుంటున్నారు. వరసగా పదేళ్ళు పాలించడం వలన సహజంగా వచ్చిన ప్రభుత్వ వ్యతిరేకత కంటే, హిందూ ఓటు పోలరైజేషన్ ఆమెను మరింతగా భయపెడుతోంది. నిజానికి ఐదేళ్ళ క్రితం జరిగిన అసెంబ్లీ ఎన్నికల్లో కేవలం ఐదు శాతం కంటే తక్కువ ఓట్లు, మూడంటే మూడు అసెంబ్లీ సీట్లు మాత్రమే గెలుచుకున్న బీజేపీ.. 2019 లోక్ సభ ఎన్నికల్లో ఏకంగా 40 శాతం ఓట్లతో 18 స్థానాలు గెలుచుకుంది. ఈ మార్పు ఇంకా కొన్ని కారణాలు ఉంటే ఉండవచ్చును కానీ.. హిందువుల ఓటు పోలరైజ్ కావడమే ప్రధాన కారణం.
ఈ నేపధ్యంలోనే కాంగ్రెస్, తృణమూల్ కాంగ్రెస్ చివరకు కమ్యూనిస్టులు కూడా బీజేపీలో చేరారు. ఎన్నికల ప్రకటన వెలువడిన తర్వాత కూడా సిట్టింగ్ ఎమ్మెల్ల్యేలు సహా తృణమూల్ టికెట్ వచ్చిన నాయకులు కూడా బీజేపీలో చేరుతున్నారు. అనేక మంది ఇతర రంగాల ప్రముఖులు, ముఖ్యంగా ఇంతకాలం, బీజేపీని హిదుత్వ అనుకూల ‘అచ్చుత్’ (అంటారని) పార్టీగా చూసిన ‘సెక్యులర్’ ప్రముఖులు కాషాయం కప్పుకోవడంతో మమతా బెనర్జీకి కొంచెం అలస్యంగానే అయినా, తత్త్వం బోధపడింది. అందుకే ఆమె ఇప్పుడు గుళ్ళూ,గోపురాలకు తిరుగుతున్నారు. కార్యకర్తల సమావేశాల్లో తానూ హిందువునేనని, చెప్పుకుంటున్నారు.
నిజానికి ఇలా నేనూ హిందువునే అని సెక్యులర్ నేతలు బహిరంగంగా ప్రకటించుకోవడం మమతా బెనర్జీతోనే మొదలు కాలేదు. రాహుల్ గాంధీ తాను హిందువునని, జన్యుధారీ కశ్మీరీ బ్రాహ్మణుని అనీ.. తమ గోత్రం, ‘దత్తాత్రేయ’ గోత్రమని బహిరంగంగా ప్రకటించుకున్నారు. అలాగే కొద్ది రోజుల క్రితం ప్రియాంకా గాంధీ తానూ హిందువునని చెప్పుకునేందుకు ‘మౌని అమావాస్య’ సందర్భంగా అలహాబాద్ లో గంగా స్నానం చేశారు. గతంలోనూ ఆమె ఎన్నికలకు ముందు గంగా యాత్ర చేశారు. అంతవరకు ఎందుకు కొద్దిరోజుల క్రితం సిపిఐ నారాయణ విశాఖ స్వామి ఆశీస్సులు తీసుకున్నారు. చంద్రబాబు, జగన్ రెడ్డి, కేసీఆర్ ఇలా తెలుగు నేతలు అనేక మంది లౌకిక వాదానికి కాలం చెల్లిందన్న సత్యాన్ని గ్రహించి కావచ్చు ‘నేనూ హిందువును’ అంటూ ప్రకటించుకునేందుకు పోటీ పడుతున్నారు. రాముడిని తలచుకున్నా, జై శ్రీరామ్ అన్నా తమ లౌకిక వాదం మయలపడి పోతుందని భయపడిన నాయకులు ఇప్పుడు .. జై శ్రీరామ్ అనేందుకు కూడా వెనకాడడం లేదు.
దేశంలోని ఉత్తరాది రాష్ట్రాలలో అటు కాంగ్రెస్ ఇటు స్థానికంగా ఉన్న ప్రాంతీయ పార్టీలను మట్టి కరిపిస్తూ అధికారాన్ని కైవసం చేసుకుంటున్న బీజేపీ.. దక్షిణాదికి వచ్చేసరికి ఒక్క కర్ణాటకలో తప్ప ఇతర రాష్ట్రాలలో ఎన్ని ప్రయత్నాలు చేసినా ఏమాత్రం సక్సెస్ కాలేకపోతోంది. గత కొంత కాలంగా సబర్మలతో సహా అనేక అంశాలపై స్పందిస్తూ.. కేరళను టార్గెట్ చేస్తున్న బీజేపీ నాయకులు అక్కడ తమ జెండా ఎగరేయడానికి అన్ని ప్రయత్నాలు చేస్తున్నారు. తాజాగా పార్టీ పాలసీని కూడా పక్కన పెట్టి మెట్రో మ్యాన్ శ్రీధరన్ ను పార్టీలో చేర్చుకుని ఆయనే తమ సీఎం అభ్యర్థి అని ప్రకటించిన 24 గంటలలో యూ టర్న్ తీసుకున్నారు.
ఇది ఇలా ఉండగా ప్రస్తుతం సీఎంగా ఉన్న కమ్యూనిస్ట్ నేత పినరై విజయన్ పై గోల్డ్ స్మగ్లింగ్ ఆరోపణలు రావడంతో.. ఈ ఎన్నికలలో ఎల్డిఎఫ్ భవిష్యత్తుపై ప్రజలు ఏ తీర్పు ఇవ్వబోతున్నారనే ఉత్కంఠ సర్వత్రా నెలకొంది ఈ నేపథ్యంలో అక్షరాస్యతలో దేశంలోనే మొదటి స్థానంలో ఉన్న ఆ రాష్ట్ర ప్రజలు ఎవరిని ఆశీర్వదిస్తారు అనే అంశంపై ప్రముఖ మీడియా సంస్థ టైమ్స్ నౌ, సీ ఓటరుతో కలిసి ఒక సర్వేను నిర్వహించారు. ఈ సర్వే ప్రకారం చూస్తే పాపం కమలనాథులు అక్కడ పవర్ చేతికి రావటం అటుంచి కనీసం రెండు మూడు అసెంబ్లీ స్థానాల్లో గెలవటం కూడా కష్టమేనని ఆ సర్వే తేల్చి చెబుతోంది.
కేరళలో ఈసారి జరిగే అసెంబ్లీ ఎన్నికలలో బీజేపీ తన హవా చాటుతుందన్న ఆ పార్టీ నేతల మాటలలో ఎలాంటి నిజం లేదని.. ప్రస్తుతానికి అది ఏమాత్రం సాధ్యం కాదని ఈ తాజా సర్వే తేల్చి చెప్పింది. అంతేకాకుండా మొత్తం 140 స్థానాలు ఉన్న కేరళలో.. ప్రస్తుత సీఎం పినరయి విజయన్ నేతృత్వంలోని లెఫ్ట్డ్ డెమొక్రటిక్ ఫ్రంట్ కు 82 సీట్లు పక్కా అని.. ఆయనే తిరిగి అధికారాన్ని నిలబెట్టుకుంటాడని సర్వే చెపుతోంది. అదే సమయంలో కాంగ్రెస్ నేతృత్వంలోని యూనైటెడ్ డెమొక్రాటిక్ ఫ్రంట్ కు 56 నుంచి 60 వరకు సీట్లు వచ్చే అవకాశం ఉందని ఈ సర్వేలో తేలింది.
అంతేకాకుండా 2016 ఎన్నికలతో పోలిస్తే ఎల్ డీఎఫ్ ఓటింగ్ శాతం కూడా కొంత పెరగటం ఇక్కడ గమనార్హం. ప్రస్తుతం సీఎంగా ఉన్న విజయన్ మరోసారి సీఎం కావాలని 43.34 శాతం మంది మొగ్గు చూపినట్లుగా సర్వేలో తేలింది. కరోనా సమయంలో విజయన్ సీఎంగా బాగా పని చేసారని ఈ సర్వే పేర్కొంది. మరోపక్క దేశ ప్రధానిగా రాహుల్ గాంధీ ఉండాలని కేరళ ప్రజల్లో 55.84 శాతం మంది కోరుకుంటున్నట్లుగా ఈ సర్వే;లో తేలింది. అయితే కేరళలో ఎలాగైనా పాగా వేయాలని పట్టుదలతో కృషి చేస్తున్న బీజేపీకి ఈసారి కూడా నిరాశ తప్పదని ఈ సర్వేలో స్పష్టం అయింది. ఈ ఎన్నికలలో బీజేపీకి రెండు సీట్లు కూడా రావటం కూడా కష్టమేనని ఈ సర్వే తేల్చింది. అయితే ఎన్నికలకు ముందు ఇలాంటి సర్వేలు బయటకు రావడం.. తరువాత అందులో కొన్ని చతికిల పడడం మనం చూస్తూనే ఉన్నాం. మరి ఈ సర్వే ఫలితాలు నిజామా అవుతాయో లేదో తేలాలంటే కొద్దీ రోజులు వెయిట్ చేయాల్సిందే.
.jpg)
రాజకీయాలు అంటేనే అదో జూదం. పూలమ్మిన చోటనే కట్టెలు అమ్మవలసి రావచ్చును. అలాంటి పరిస్థితే వచ్చినా, తలవంచుకుని పోగలిగితేనే, ఎవరైనా రాజకీయాలలో రాణించగలరు. అలాకాదని, అలిమి కానిచోట, కూడా తామే అధికులమని భావిస్తే, ఎందుకూ కాకుండా పోతారు. అలాంటి వారు ఇద్దరూ కూడా ఇప్పుడు మన కళ్ళముందే ఉన్నారు.
జయలలిత జీవించి ఉన్నత కాలం, ఆమె నెచ్చలిగా పేరొందిన శశికళ, తమిళ రాజకీయాల్లో ఓ వెలుగువెలిగారు. కొన్ని విషయాల్లో జయలలిత కంటే, ఆమె మోర్ పవర్ఫుల్ లేడీ అనిపించుకున్నారు. ముఖ్యమంత్రులు, మంత్రులు కూడా ఆమె ముందు చేతులు కట్టుకుని నిలుచున్నారు.ఆమెకు పాదాభివందనాలు చేశారు. అలాగే జయ మరణం తర్వాత ఆమె పరిస్థితి ఏమిటో కూడా వేరే చెప్పవలసిన, అవసరం లేదు. జైలు పాలయ్యారు. సర్వం తానై నడిపించిన పార్టీ నుంచి బహిష్కరణకు గురయ్యారు. జయ ఉన్నంత వరకు తన వారుగా ఉన్న వారందరూ కానివారయ్యారు. ఒంటరిగా మిగిలారు.
నిజానికి నాలుగేళ్ళు జైలు జీవితం గడిపిన తర్వాత కూడా ఆమె తలచుకుంటే.. రాష్ట్ర రాజకీయాలలో, ముఖ్యంగా అధికారంలో ఉన్న డిఎంకే కూటమిలో అలజడి సృష్టించగలరు. ఎన్నికలలో ఆమె గెలవక పోవచ్చును కానీ.. తనను కాదన్న అన్నాడిఎంకేను ఓడించగలరు. అయిన ఆమె అందుకు విరుద్ధంగా రాజకీయాలకు వీడ్కోలు పలికి మౌనంగా పక్కకు తప్పుకున్నారు. రాజకీయ సన్యాసం ప్రకటించారు. ఉమ్మడి శతృవు డిఎంకే ను ఓడించేందుకు అన్నా డిఎంకే కూటమి పోటీ చేయాలని, కూటమి ఐక్యతను దెబ్బతీయరాదనే ఉద్దేశంతోనే ఆమె రాజకీయ సన్యాసం ప్రకటించారు.
శశికళ మౌనంగా వెళ్లి పోవడం వెనక ఇంకా అనేక కారణాలున్నా ,అసలు కారణం ఆమె, రాజకీయ విజ్ఞత, వివేకం. ఆమె జైలుకు వెళ్ళిన సమయంలో జయలలిత సమాధి వద్ద ఎంత కసిగా, కోపంగా ‘మౌన’ ప్రతిజ్ఞ చేశారో చూశా. అలాంటి ఆమె ఇప్పుడు ఇలా ‘మౌనం’గా వెనకడుగు వేశారంటే, అది ఆలోచించ వలసిన విషయమే.ఆమె వ్యుహతంకంగానే సంచలన నిర్ణయం తీసుకున్నారు. ఇప్పటికే అనేక మంది అనేక కోణాల్లో శశికళ సంచలన నిర్ణయాన్ని విశ్లేషించారు.జైలు జీవితం తర్వాత కూడా అన్నా డిఎంకే నాయకులు తనను అగ్రనేతగా అంగీకరించక పోవడం, అమిత్ షా చెప్పినా.. అన్నా డిఎంకే నాయకులు ఆమెను, మేనల్లుడు దినకరన్’ను కులం పేరున, కుటుంబం పేరున దూరం చేయడం, తిరిగి పార్టీలోకి తీసుకోకపోవడంతో ఆమె మనసు కష్టపెట్టుకుని, సన్యాస నిర్ణయం తీసుకున్నారని కొందరంటున్నారు. పార్టీ మీద పట్టు లేదని, చరిష్మా అసలే లేదని, అందుకే ఆమె అలా నిశ్శబ్ధంగా రాజకీయ సన్యాసం స్వీకరించారని ఇంకొందరు విశ్లేషించారు. ఈ విశ్లేషణలో కొంత నిజం ఉంటే ఉండవచ్చును.. కానీ ఆమె గతాన్ని, నైజాన్ని గుర్తు చేసుకుంటే ఆమె స్ట్రైక్ బ్యాక్ వ్యూహంతోనే ఒకడుగు వెనక్కివేశారని ఆమెతో సన్నిహితంగా మెలిగినవారు, ఆమె రాజకీయ చాణక్యం తెలిసిన వారు అంటారు.
నిజానికి జైలులో ఉన్న కాలంలో కానీ, జైలు నుంచి విడుదలై వచ్చిన తర్వాత కానీ, ఆమె రాజకీయ సన్యాసం వైపు అడుగులు వేస్తున్నట్లు కనిపించలేదు. బెంగుళూరు జైలు నుంచి విడుదలై చెన్నైలో ప్రవేశించిన నప్పుడు ఆమె పెద్ద కాన్వాయ్ తో తమ కారుకు అన్నాడిఎంకే జెండాతోనే ఎంటరయ్యారు. అలా ఎంట్రీలోనే రాజకీయ ఆకాంక్షను వెంట తెచ్చుకున్నారు. చివరకు ‘సన్యాస’ ప్రకట చేసే వరకు కూడా ఆమె రాజకీయ కార్యకలాపాలు సాగిస్తూనే ఉన్నారు. అటు ఢిల్లీని ఇటు చెన్నైనికూడా కదిల్చారు. అంతేకాదు, రాజకీయాలపై విరక్తితో కాదు, రాజకీయ కసితో, ఉమ్మడి శత్రువు (డిఎంకే) ను ఓడించేందుకే తాను రాజకీయాలనుంచి తపుకుంటున్నట్లు చెప్పారు.
సో .. సన్యాసం తీసుకోవాలనే ఆలోచన, రాజకీయవ్యూహం లోంచి పుట్టిందే కానీ,వైరాగ్యంతో పుట్టింది కాదు ,అన్నవిశ్లేషణ వాస్తవానికి ఇంకొంత దగ్గరగా ఉందని అనుకోవచ్చును. ఇది ‘కామా’నే కాని ‘ఫుల్స్టాప్’ కాదని అంటున్నారు. ముఖ్యమంత్రి ఎడప్పాడి కే. పళని స్వామి (ఈపీఎస్) ఆమెను పార్టీలోకి అనుమతిస్తే తన కుర్చికీ ఎసరు పెడతారనే భయంతోనే,, ఆమె ఎంట్రీని అడ్డుకున్నారు. ఉప ముఖ్యమంత్రి పన్నీర్ సెల్వం, శశికళ ఒకే సామజిక వర్గానికి చెందిన వారు కావడం కూడా, ముఖ్యమంత్రి ఈపీఎస్’ భయానికి కారణంగా పేర్కొంటారు. అందుకే ఆయన, ‘మన్నార్గుడి’ ఫ్యామిలీని బూచిగా చూపించి, ఆమెను దూరంగా ఉంచారని పార్టీలో ఒక వర్గం గట్టిగా విశ్వసిస్తుంది. అయితే ఆమె శక్తియుక్తులను కూడతీసుకుని పులిలా పంజా విసిరేందుకే ఆమె వ్యూహాత్మకంగా ఒక అడుగు వెనక్కి వేశారు కావచ్చును అని కూడా, తమిళ రాజకీయ వర్గాల్లో ఒక చర్చ జరుగుతోంది.
గతంలో ఆమె జయలలితతో విబేధాలు వచ్చిన సమయంలో కూడా ఇలాగే కొద్ది కాలం మౌనంగా తెర చాటుకు వెళ్లి పోయారు. కొద్ది కాలంలోనే మళ్ళీ ‘పోయస్ గార్డెన్’లో ప్రత్యక్షమయ్యారు. జయలలిత స్వయంగా ఆమెను వెనక్కి పిలుపించుకోవలసిన పరిస్థితులను సృష్టించారు. అలా మళ్ళీ చక్రం తిప్పారు. జయలలిత మరణం వరకు ఆమె అందరికీ చిన్నమ్మగా అమ్మకు పెద్దమ్మగా సర్వం తానై నిలిచారు. చివరకు జయ అంత్యక్రియల్లో కూడా ఆమెదే పై చేయిగా కనిపించింది.
జయలలిత చనిపోయిన సందర్భంలోనే అన్నా డిఎంకే ఎమ్మెల్ల్యేలో సుమారు 30 మంది వరకు ఆమెకు మద్దతుగా ఉన్నారన్న వార్తలొచ్చాయి. నిజానికి,ఇప్పటికి కూడా ఒక్క అన్నా డిఎంకే లోనేకాదు,డిఎంకే ఇతర పార్టీలలో కూడా ఆమె అవసరం ఉన్న వాళ్ళు ఉన్నారు. కొన్ని కొన్ని నియోజకవర్గాల్లో ‘మన్నార్గుడి’ ఫ్యామిలీ మద్దతు లేకుండా గెలిచే అవకాశం లేదు.
ఇవ్వన్నీ నిజమే అయినా.. అన్నీ ఉండి, ఎవరు లేని శశికళలో, ఇంకా ఎవరి కోసం తాపత్రయ పడాలి? అనే ప్రశ్న జనించి ఉంటే, ఆమె రాజకీయ సన్యాసం నిజం కావచ్చును. ఎందుకంటే ఆమె నెచ్చలి, జయలిత లేరు, భర్త అంతకంటే ముందే చనిపోయారు, పిల్లలు లేరు... పైగా నాలుగేళ్ళ జైలు జీవితం ఆమెలో మార్పు తెచ్చి ఉండవచ్చును. ఈ వయస్సులో తనవారంటూ ఎవరు లేని తనకు రాజకీయాలు ఎందుకు ? శేష జీవితాన్ని ఇలా సాగిద్దామనే ఆలోచన నిజంగా వచ్చి ఉంటే, ఆమె సన్యాసం సత్యం అయినా కావచ్చును, కాకపోనూ వచ్చును. కానీ శశికళ... ఆమెను అర్థం చేసుకోవడం, అంచనా వేయడం , అంత తేలిగ్గా అయ్యే పని కాదు..
కాంగ్రెస్ పార్టీలో రగులుతున్న అంతర్యుద్ధం కొత్త పుంతలు తొక్కుతోంది. మరిన్ని మలుపులు తిరుగుతోంది.ఇటీవల జమ్మూలో సమావేసమైన జీ 23 నాయకులు అసమ్మతి స్వరాన్ని పెంచారు. కాంగ్రెస్ అధినాయకత్వం పై నేరుగా అస్త్రాలు సంధించారు. రాహుల్ గాంధీ పేరు చెప్పకుండానే, ఆయన నాయకత్వానికి పనికిరాడని తేల్చి చెప్పారు. ఎవరైనా పార్టీ అధ్యక్షుడు అయితే కావచ్చును, కానీ, ప్రజానాయకుడు కాలేడని, రాహుల గాంధీ ప్రజానాయకుడు కాదు కాలేరు,అని ప్రధానమంత్రి నరేంద్ర మోదీ తరచూ రాహుల్ గాంధీని ఉద్దేశించి చేసే ‘నామ్’ధారీ వ్యంగ్యాస్త్రాన్నే కాంగ్రెస్ సీనియర్ నాయకులు కూడా సందించారు.
ఇక అక్కడి నుంచి విధేయ, అసమ్మతి వర్గాల మధ్య మాటల యుద్ధం ఎదో ఒక రూపంలో సాగుతూనే వుంది. అదే క్రమంలో పశ్చిమ బెంగాల్ అసెంబ్లీ ఎన్నికల్లో కాంగ్రెస్ పార్టీ, కరుడు కట్టిన ముస్లిం మతోన్మాది, అబ్బాస్ సిద్దిఖీతో కాంగ్రెస్ పార్టీ చేతులు కలపడం అసమ్మతి నాయకులకు మరో అస్త్రాన్ని అందించింది. విషయంలోకి వెళితే, ఇటీవల పశ్చిమ బెంగాల్ అసెంబ్లీ ఎన్నికల ప్రచారంలో భాగంగా లోక్’సభలో కాంగ్రెస్ పక్ష నాయకుడు, పశ్చిమ బెంగాల్ పీసీసీ అధ్యక్షుడు అధీర్’రంజన్ చౌదరి, ముస్లిం మత ప్రచారకుడు, అబ్బాస్ సిద్దిఖీతో వేదిక పంచుకున్నారు.అంతకు ముందే వామ పక్ష కూటమితో పొత్తు కుదుర్చుకున్న కాంగ్రెస్ పార్టీ, సిద్ధిఖీ సారధ్యంలోని ఇండియన్ సెక్యులర్ ఫ్రంట్ (ఐఎస్ఎఫ్)ను కూటమిలో చేర్చుకుంది. ఇలా కాంగ్రెస్ వర్కింగ్ కమిటీ (సీడబ్ల్యూసీ) అమోదం లేకుండా మతోన్మాద ఐఎస్ఎఫ్’ తో ఎన్నికల పొత్తు పెట్టుకోవడం ఆ పార్టీ నాయకుడు,సిద్ధిఖీతో పీసీసీ చీఫ్ వేదిక పంచుకోవడం పై అసమ్మతి నేతలు మండి పడుతున్నారు.
ఇలా సిద్దిఖీతో వేదిక పంచుకోవడం పార్టీ మౌలిక సిద్ధాంతాలకు వ్యతిరేకం అంటూ అసమ్మతి వర్గానికి చెందిన కీలక నేత, రాజ్యసభ సభ్యుడు,ఆనంద్ శర్మ మండిపడ్డారు. అంతే కాదు, సిద్ధిఖీ సారధ్యంలోని ఇండియన్ సెక్యులర్ ఫ్రంట్ (ఐఎస్ఎఫ్)తో జనవరిలో కుదుర్చుకున్న పొత్తుకు కాంగ్రెస్ వర్కింగ్ కమిటీ (సీడబ్ల్యూసీ)అమోదం లేదని ఆనంద్ శర్మ, అభ్యంతరం వ్యక్త చేశారు. పార్టీ విశ్వసించే లౌకిక వాదానికి కాంగ్రెస్ అధిష్టానం తీసుకున్న నిర్ణయం గొడ్డలి పెట్టని ఆయన తీవ్రంగా స్పందించారు.
శర్మ వ్యాఖ్యలపై అధీర్ రంజన్ చౌదరి అంతే ఘాటుగా ప్రతిస్పందించారు. “నిజాలు తెలుసుకోండి ఆనంద్ శర్మ జీ” అంటూ ఆయన వ‌రుస ట్వీట్లు చేశారు. వ్యక్తిగత ప్రయోజనాలు ప‌క్క‌న‌పెట్టి, ప్ర‌ధానిని పొగిడి టైమ్ వేస్ట్ చేయ‌కండంటూ ఆయన ఓ ట్వీట్లో అన్నారు. ఆనంద్ శర్మ అన‌వ‌స‌రంగా కాంగ్రెస్‌ను ల‌క్ష్యంగా చేసుకుంటున్నార‌ని, ఈ అంశాన్ని పెద్ద‌ది చేసి చూపిస్తున్నార‌ని విమ‌ర్శించారు. ఆయన ఉద్దేశాలు స‌రైన‌వే అయితే నేరుగా తనతో మాట్లాడ వలసిందని అన్నారు. బెంగాల్లో సీపీఐ(ఎం) కూటమికి నేతృత్వం వ‌హిస్తోంది. అందులో కాంగ్రెస్ ఓ భాగం. మ‌త‌తత్వ, విభజన రాజకీయాలు చేస్తున్న బీజేపీకి చెక్ పెట్ట‌డానికే ఈ కూటమి అని మరో ట్వీట్లో అధిర్ రంజన్ అన్నారు. అక్కడతోనూ ఆగలేదు ... ట్వీట్ల మీద ట్వీట్లు సంధిస్తూ, ఆనంద్ శర్మ, బీజేపీ మత విభజన, అజెండాను బలపరుస్తున్నారని, పరోక్షంగా జీ23 నాయకులు బీజేపీకి ప్రయోజనం చేకూరుస్తున్నారని ఆరోపించారు.అంతే కాదు, క్షేత్ర స్థాయి వాస్తవ పరిస్థితులు తెలియకుండా, ఆనంద్ శర్మ పార్టీ మీద దండెత్తడం ఉచితం కాదని చౌదరి ఎదురుదాడి చేశారు.
అసమ్మతిలో అసమ్మతి. ఇదలా ఉంటే, కాంగ్రెస్ పార్టీ సమూల పక్షాళన కోరుతూ సోనియా గాంధీకి,గత సంవత్సరం జీ 23గా ప్రాచుర్యం పొందిన సీనియర్ నాయకులు రాసిన లేఖపై సంతకాలు చేసిన నాయకుల్లో నలుగురు,జమ్మూలోసమావేసమైన నాయకుల తాజా నిర్ణయాలు, వ్యాఖ్యలు,విమర్శల పట్ల అసంతృప్తిని వ్యక్త పరిచారు. గత సంవత్సరం సోనియా గాంధీకి రాసిన లేఖలో ప్రస్తావించిన అంశాలకు కట్టుబడి ఉన్నామని, అయితే, జీ 23లోని కొందరు సహచరులు, ఇటీవల గీతదాటి చేస్తున్న వ్యాఖ్యలు, విమర్శలను తాము సమర్ధించడం లేదని ఆ నలుగురు పేర్కొన్నారు. ఇందులో ముఖ్యంగా, రాజ్యసభ మాజీ డిప్యూటీ చైర్మన్, పీజే కురియన్ అయితే, “కాంగ్రెస్ పార్టీని బలోపేతం చేసేందుకు అవసరమైన సంస్కరణలు తెచ్చేందుకు చేసే ప్రయత్నాలను పూర్తిగా సమర్దిస్తాను, కానీ, ‘లక్ష్మణ రేఖ’ దాటితే ఒప్పుకునేది లేదు”అని అసమ్మతిలో అసమ్మతికి తెర తీశారు.అలాగే, ఢిల్లీ మాజీ ముఖ్యమంత్రి షీలా దీక్షిత్ కుమారడు, మాజీ ఎంపీ సందీప్ దీక్షిత్,మధ్య ప్రదేశ్ సీనియర్ కాంగ్రెస్ నాయకుడు అజయ్ సింగ్’ కూడా గులాం నబీ ఆజాద్, కపిల్ సిబల్, ఆనంద్ శర్మ, మనీష్ తివారీ వంటి జీ 23 కీలక నేతలు అధినాయకత్వంపై చేసిన వ్యాఖ్యలను తప్పు పట్టారు. అలాగే, పార్టీ సీనియర్ నాయకుడు కేంద్ర మాజీమంత్రి వీరప్ప మొయిలీ కూడా,గత సంవత్సరం పార్టీ సీనియర్ నాయకులు ఒక పరిమిత లక్ష్యంతో సోనియా గాంధీకి లేఖ రాయడం జరిగిందని, ఆ పేరున జరుగతున్న కార్యక్రమాలు లేఖ సంకల్పానికి విరుద్ధమని అన్నారు.
జీ 23 కార్యకలాపాలపై రాహుల్ గాంధీ కూడా పరోక్షగా స్పందించారు, ఒకప్పుడు ఎన్ఎస్’యుఐ, యూత్ కాంగ్రెస్’ కు సంస్థాగత ఎన్నికలు వద్దన్న వారే ఇప్పుడు ఇంకోలా మాట్లాడుతున్నారని పరోక్షంగానే అయినా సంస్థాగత ఎన్నికలు నిర్వహించడంతో పాటుగా, పార్టీ పక్షాలనకు తమ కుటుంబం వ్యతిరేకం కాదని, అందుకు సిద్ధంగా ఉన్నామని చెప్పారు. ఈ నేపధ్యంలో కాంగ్రెస్ పార్టీలో చెలరిగిన కలకలం ఇక ముందు ఏమవుతుందో .. ఇంకెన్ని మలుపులు తిరుగుతోందో ..చూడవలసిందే కానీ ఉహించలేము.
పంచతంత్రంగా పిలుచుకుంటున్న ఐదు రాష్టాల అసెంబ్లీ ఎన్నికల్లో అద్భతం జరగబోతోంది. కేంద్ర ఎన్నికల సంఘం నాలుగు రాష్ట్రాలు, కేంద్రపాలిత ప్రాంతం పుదుచ్చేరి అసెంబ్లీ ఎన్నికల షెడ్యూలు ప్రకటించిన వెంటనే, వివిధ సంస్థలు అసెంబ్లీ ఎన్నికలు జరిగే అస్సాం. పశ్చిమబెంగాల్, తమిళనాడు రాష్ట్రాలతో పాటుగా కేరళలోనూ ఒపీనియన్ పోల్స్ నిర్వహించాయి. ఆ ఒపీనియన్ పోల్ ఫలితాలు నిజంగా నిజం అయితే, కేరళలో మళ్ళీ సీపీఎం సారధ్యంలోని వామపక్ష కూటమి అధికారంలోకి వస్తుంది. ఇదే ఆ అద్భుతం.
ఎందుకంటే, గత నాలుగు దశాబ్దాలలో కేరళ అసెంబ్లీ ఎన్నికల్లో ఒకే కూటమి వరసగా రెండవసారి అధికారంలోకి వచ్చిన చరిత్ర లేనే లేదు. ఒక సారి ఎల్డీఎఫ్ అధికారంలోకి వస్తే ఐదేళ్ళ తర్వాత కాంగ్రెస్ సారధ్యంలోని ఐక్య ప్రజాస్వామ్య కూటమి(యూడీఎఫ్) అధికారంలోకి రావడం, దేవభుమిలో దైవ నిర్ణయమా అన్నట్లుగా ప్రతి ఎన్నికల్లోనూ అధికారం చేతులు మారుతూ వస్తోంది. అలాంటిది, ఈసారి ఒపీనియన్ పోల్స్ నిజమై వరసగా రెండవసారి వామపక్ష కూటమి అధికారంలోకి వస్తే, అది చరిత్రే అవుతుంది.
ఇక ఒపీనియన్ పోల్స్ విషయానికి వస్తే, జాతీయ న్యూస్ ఛానెల్ ఏబీపీ, సీ ఓటర్ సంస్థలు సంయుక్తంగా ఒపీనియన్ పోల్స్ నిర్వహించాయి. ఈ సర్వే ప్రకారం, 140 స్థానాలున్న కేరళ అసెంబ్లీలో వామపక్ష కూటమికి 83 నుంచి 91 స్థానాలు, యూడీఎఫ్ కూటమికి 47 నుంచి 55 స్థానాలు మాత్రమే దక్కుతాయని తెలుస్తోంది. కాంగ్రెస్ అగ్రనేత రాహుల్ గాంధీ ప్రాతినిధ్యం వహిస్తున్న రాష్ట్రంలో ఇలా జాతకాలు తిరగబడడంపై సోషల్ మీడియాలో,’లెగ్ మహిమ’ లాంటి జోక్స్ ట్రోలవుతున్నాయి. అయితే 2016లో జరిగిన ఎన్నికల్లో కేవలం 47 సీట్లకే పరిమితం అయిన కాంగ్రెస్’కు ఈసారి ఒకటీ అరా సీట్లు ఎక్కువస్తే, రావచ్చును. అదే కాంగ్రెస్’కు కాసింత ఊరట. అదలా ఉంటే, పశ్చిమ బెంగాల్లో సైతం పట్టు సాధించిన బీజేపే, కేరళలో మాత్రం పట్టు కాదు కదా, పట్టుమని పది సీట్లు తెచ్చుకునే స్థితిలో లేదు. నిజానికి, దేశంలో బీజేపీకి అసలు ఏ మాత్రం మింగుడు పడని రాష్ట్రాలు ఎవైన ఉన్నాయంటే కేరళ, ఆంధ్ర ప్రదేశ్ రాష్ట్రాల పేర్లే ప్రముఖంగా వినిపిస్తాయి. ఈ సారి కూడా కమల దళం కేరళలో కాలు పెట్టె పరిస్తి లేదని సర్వే ఫలితాలు చెపుతున్నారు. ఎప్పటిలానే ఇప్పడు కూడా బీజేపీకి సున్నా నుంచి రెండు సీట్లు వచ్చే అవకాశం ఉందని, సర్వేస్వరుల అభిప్రాయంగా ఉంది. కేరళలో మొత్తం 140 స్థానాలకు ఏప్రిల్ 6 తేదీన ఒకే విడతలో పోలింగ్ జరుగుతుంది. మే 2 తేదీన ఫలితాలు వెలువడతాయి. కేరళ ఎలక్షన్ పై యావత్ దేశం ఆసక్తి కనబరుస్తోంది.
కేంద్ర ఎన్నికలసంఘం ‘పాంచ్ పటాక’ గంట కొట్టింది. అస్సాం, పశ్చిమ బెంగాల్, కేరళ, తమిళనాడు రాష్ట్రాలు, పుదుచ్చేరి కేంద్ర పాలిత ప్రాంతాల అసెంబ్లీ ఎన్నికల షెడ్యూలును కేంద్ర ఎన్నికల సంఘం విడుదలచేసింది. ఎన్నికల గంట మోగడంతో మొదలైన మరో భారత ‘మినీ’ సంగ్రామానికి మే 12 తేదీన జరిగే ఓట్ల లెక్కింపుతో తెర పడుతుంది.ఈలోగా వివిధ అంచల్లో పోలింగ్ జరుగుతుంది. నాలుగు రాష్ట్రాలు, ఒక కేంద్ర పాలిత ప్రాంతం ఓటరు తీర్పుకు వెళుతున్నా, అందరి దృష్టి, ముఖ్యంగా ప్రాంతీయ పార్టీల ఏలుబడిలో ఉన్న ఉభయ తెలుగు రాష్ట్రాలు, మరీ ముఖ్యంగా ఇప్పటికే బీజేపీ కన్నుపడిన తెలంగాణ రాష్ట్ర ప్రజలు, రాజకీయ పార్టీల దుష్టి మాత్రం పశ్చిమ బెంగాల్ పైనే వుంది.
పశ్చిమ బెంగాల్లో ‘అద్భుతం’ జరిగి బీజేపీ విజయం సాధిస్తే, ఇక కమల దళం ఫోకస్, తెలంగాణకు షిఫ్ట్ అవుతుంది. ఇది అందరికీ తెలిసిన బహిరంగ రహస్యం. ఈ నేపధ్యంలో బెంగాల్ అసెంబ్లీ ఎన్నికల ఫలితాలు ఎలా ఉంటాయి అనే విషయంలో రాష్ట్ర రాజకీయ వర్గాల్లో జోరుగా చర్చ జరుగుతోంది. బెంగాల్లో బీజేపీ గెలిస్తే, ఇప్పటికే అంతర్గత కుటుంబ కలహాలతో సతమతవుతున్న తెరాస నాయకత్వానికి మరిన్నితిప్పలు తప్పవన్న మాట అంతఃపుర వర్గాలలో సైతం వినవస్తోంది.
పశ్చిమ బెంగాల్’లో ఎలాగైతే కమలదళం ఓ వంక తమ ట్రేడ్ మార్క్, హిందుత్వ రాజకీయాలు సాగిస్తూ, మరో వైపు నుంచి ‘ఆకర్ష్’ అస్త్రంతో అధికార పార్టీని నిర్వీర్యం చేసిన విధంగానే, ఇక్కడ కూడా ఫిరాయింపులను ప్రోత్సహింఛి పార్టీని నిట్టనిలువునా చీల్చే ప్రమాదాన్ని కొట్టివేయలేమని పార్టీ వర్గాలు కూడా అనుమానం వ్యక్త పరుస్తున్నాయి.
ఇప్పటికే తెలంగాణ బీజేపీ నాయకులు 30 మంది తెరాస ఎమ్మెల్యేలు తమ టచ్ లో ఉన్నారని బెదిరిస్తున్నారు.అది నిజం అయినా కాకపోయినా..తెరాసలో అసంతృప్తి అగ్గి రగులుతోందనేది మాత్రం ఎవరూ కాదనలేని నిజం. అంతే కాకుండా రాష్ట్రానికి వచ్చిన కేంద్రనాయకులు ఎవరిని పలకరించినా, నెక్స్ట్ టార్గెట్ తెలంగాణ అని ఎలాంటి సషబిషలు లేకుండా కుండబద్దలు కొడుతున్నారు.అందుకే, బెంగాల్లో బీజేపీ గెలిస్తే.. అనే ఊహా కూడా గులాబీ గూటిలో గుబులు పుట్టిస్తోంది. అయితే, బెగాల్’లో బీజేపీ గెలిస్తే ఒక్క తెలంగాణలోనే కాదు, దేశ రాజకీయ వాతావరణంలోనే పెను మార్పులు చోటు చేసుకుంటున్నాయని రాజకీయ విశ్లేషకులు భావిస్తున్నారు. అలాగే, దేశ ముఖ చిత్రంలో కూడా పెను మార్పులు తప్పవని అంటున్నారు. అయితే రాజకీయాలలో ఎప్పుడు ఏం జరుగుతుందో.. ఎవరూహించెదరు..
మన భారతీయ సంప్రదాయంలో వంటశాలలో లభించే ప్రతి దినుసు వెనుక అద్భుతమైన ఆరోగ్య రహస్యాలు దాగి ఉన్నాయి. ముఖ్యంగా పల్లెటూర్లలో ఎక్కడ చూసినా కనిపించే వేప చెట్టు, అలాగే ప్రతి కూరలోనూ సువాసనను, రుచిని పెంచే కరివేపాకు మన శరీరానికి అందించే మేలు అంతా ఇంతా కాదు. అయితే పోషక విలువలు మరియు ఆరోగ్య ప్రయోజనాల విషయంలో కరివేపాకు మరియు వేప ఆకులలో ఏది ముందుంటుంది? ఏది మనకు ఎక్కువ ప్రయోజనకరంగా ఉంటుంది అనే అంశంపై చాలా మందిలో సందేహాలు ఉంటాయి. వాస్తవానికి ఈ రెండు ఆకులూ వేర్వేరు విశిష్టతలను కలిగి ఉండి, మన ఆరోగ్యానికి రెండు కళ్లలా పనిచేస్తాయి. కమ్మని వాసనతో ఆహారానికి రుచినిచ్చే కరివేపాకు కేవలం వంటలకే పరిమితం కాకుండా, శరీరానికి శక్తినిచ్చే అద్భుతమైన ఔషధ ఖజానాగా పనిచేస్తుంది. కరివేపాకులో విటమిన్ ఎ, బి, సి, ఇ లతో పాటు బీటా కెరోటిన్, ఐరన్ మరియు క్యాల్షియం వంటి ఎన్నో విలువైన పోషకాలు సమృద్ధిగా నిండి ఉన్నాయి. మనం సాధారణంగా భోజనం చేసేటప్పుడు కరివేపాకును తీసి పక్కన పడేస్తుంటాం, కానీ అలా చేయడం వల్ల ఎన్నో పోషకాలను కోల్పోతున్నాము. ఉదయాన్నే పరగడుపున 5 నుండి 6 తాజా కరివేపాకులను నమిలి తినడం వల్ల లేదా రోజువారీ వంటల్లో 8 నుండి 12 తాజా కరివేపాకులను విధిగా వాడటం వల్ల జీర్ణక్రియ అద్భుతంగా మెరుగుపడుతుంది. అంతేకాకుండా, మధుమేహం లేదా షుగర్ వ్యాధి ఉన్నవారికి రక్తంలో చక్కెర స్థాయిలను అదుపులో ఉంచడంలో ఇది ఎంతగానో సహకరిస్తుంది. శరీరంలోని చెడు కొలెస్ట్రాల్‌ను తగ్గించడంలో, కురుల ఆరోగ్యానికి మరియు చర్మ సౌందర్యాన్ని కాపాడుకోవడంలో కరివేపాకు పోషించే పాత్ర అద్భుతం.
మరోవైపు చేదుగా ఉండే వేప ఆకు ఆరోగ్యానికి అక్షరాలా అమృతంలా పనిచేస్తుంది. చేదుగా ఉండేదే ఆరోగ్యానికి ఎంతో మంచిది అనే సామెత వేప విషయానికి వస్తే అక్షరాలా నిజమవుతుంది. వేప చెట్టుకు సంబంధించి పుల్ల దగ్గర నుంచి ఆకుల వరకు అన్నీ మనకు ఏదో ఒక విధంగా ఉపయోగపడుతూనే ఉంటాయి. వేప ఆకులో నింబిన్, అజాడిరాక్టిన్, క్వెర్సెటిన్ వంటి సుమారు 140కి పైగా శక్తివంతమైన బయోయాక్టివ్ సమ్మేళనాలు నిండి ఉంటాయి. ఇవి యాంటీ బ్యాక్టీరియల్, యాంటీ ఫంగల్, యాంటీ వైరల్ మరియు యాంటీ ఇన్ఫ్లమేటరీ గుణాలను కలిగి ఉండి, మన శరీరానికి ఒక పటిష్టమైన రక్షణ కవచంలా పనిచేస్తాయి. పూర్వకాలం నుండి చర్మ వ్యాధులకు, దీర్ఘకాలిక జ్వరాలకు మరియు వివిధ ఇన్ఫెక్షన్లకు వేపను అత్యుత్తమ ప్రాచీన వైద్యంగా వాడుకుంటూ వస్తున్నారు. ఉదయం నిద్రలేవగానే పరగడుపున 4 నుండి 8 లేత వేప ఆకులను నమిలి తినడం లేదా ఆకులను మెత్తగా మిక్సీ పట్టి జ్యూస్ లాగా తీసుకోవడం వల్ల రక్తం శుద్ధి అవుతుంది. అంతేకాకుండా దీనివల్ల శరీర రోగనిరోధక శక్తి ఎన్నో రెట్లు పెరుగుతుంది. మనకు రోజూ పచ్చి ఆకులు అందుబాటులో లేకపోతే, కరివేపాకు మరియు వేప ఆకులను విడివిడిగా ఎండబెట్టి లేదా దోరగా వేయించి చక్కటి పొడిలా తయారు చేసుకుని డబ్బాలో నిల్వ చేసుకోవచ్చు. ఈ పొడిని వంటల్లో లేదా వివిధ హెల్దీ డ్రింక్స్ లో కలుపుకుని వాడటం ద్వారా ఎలాంటి సైడ్ ఎఫెక్ట్స్ లేకుండా అద్భుతమైన ఆరోగ్య ప్రయోజనాలను పొందవచ్చు. కరివేపాకు జీర్ణక్రియను, కొలెస్ట్రాల్ నియంత్రణను, జుట్టు అందాన్ని కాపాడితే, వేప ఆకులు రక్తాన్ని శుద్ధి చేసి రోగనిరోధక శక్తిని అజేయంగా మలుస్తాయి. కాబట్టి ఈ రెండింటిలో ఏది గొప్ప అంటే, రెండూ వాటికవే సాటి అని నిపుణులు చెబుతున్నారు.
curry leaves vs neem leaves, benefits of curry leaves, benefits of neem leaves, curry leaves for hair growth, neem for skin and diabetes, herbal health remedies, neem vs curry leaves comparison.
మారిన ఆధునిక జీవన విధానం, పెరిగిన కాలుష్యం, మనం తీసుకునే ఆహారపు అలవాట్లలో లోపాల కారణంగా గ్యాస్ట్రిక్ మరియు అల్సర్ సమస్యలు ఈ రోజుల్లో చిన్న వయసు వారి నుండి పెద్దల వరకు అందరినీ తీవ్రంగా వేధిస్తున్నాయి. నిజానికి, ఈ పొట్ట సంబంధిత సమస్యలను వంటింట్లో లభించే కొన్ని సహజమైన పదార్థాలతో సులభంగా నయం చేసుకోవచ్చు. ముఖ్యంగా, నాలుగు వారాల పాటు క్రమం తప్పకుండా ఎక్కువగా మజ్జిగ తీసుకోవడం వల్ల శరీరంలో రోగనిరోధక శక్తి గణనీయంగా పెరుగుతుంది. మజ్జిగలో ఉండే లాక్టిక్ యాసిడ్ కంటెంట్ మరియు పులియబెట్టిన గంజి రూపంలో తీసుకుంటే కడుపులోని చెడు బ్యాక్టీరియా పూర్తిగా నశించి, గ్యాస్ట్రిక్ మరియు అల్సర్ సమస్యల నుంచి వేగంగా ఉపశమనం లభిస్తుంది.
అలాగే, విటమిన్ సి సమృద్ధిగా ఉండే పదార్థాలు కడుపులో ఏర్పడే పుండ్లను లేదా అల్సర్లను త్వరగా నయం చేయడానికి ఎంతోగాను సహాయపడతాయి. రోజు విడిచి రోజు ఒక గ్లాసు తాజా క్యాబేజీ రసం తీసుకోవడం ఆరోగ్యానికి చాలా మంచిది. ఇక తేనెలో ఉండే ప్రత్యేక హైడ్రోజన్ పెరాక్సైడ్ ఉత్పత్తి చేసే గుణాలు అల్సర్‌ను కలిగించే హానికరమైన బ్యాక్టీరియాతో సమర్థవంతంగా పోరాడతాయి. అందుకోసం ఒక గ్లాసు గోరువెచ్చని నీటిలో ఒక స్పూన్ తేనె కలుపుకుని రోజుకు రెండుసార్లు తాగడం మంచిది. దీనివల్ల పొట్టలో మంట తగ్గి జీర్ణక్రియ సజావుగా సాగుతుంది.
అంతేకాకుండా, వెల్లుల్లిలో ఉండే అల్లిసిన్ అనే శక్తివంతమైన కాంపౌండ్ పెప్టిక్ అల్సర్లను నివారించడంలో అద్భుతంగా పనిచేస్తుంది. ప్రతిరోజూ రెండు లేదా మూడు వెల్లుల్లి రెబ్బలను నేరుగా తినడం ఆరోగ్యానికి చాలా ప్రయోజనకరంగా ఉంటుంది. పసుపులోని కర్కుమిన్ అద్భుతమైన యాంటీ ఇన్ఫ్లమేటరీ మరియు యాంటీ ఆక్సిడెంట్‌లా పనిచేసి, అల్సర్లను కలిగించే బ్యాక్టీరియా మళ్లీ పెరగకుండా అడ్డుకుంటుంది. గోరువెచ్చని నీటిలో చిటికెడు పసుపు, కొద్దిగా తేనె కలిపి తీసుకోవడం వల్ల అద్భుతమైన ఫలితాలను పొందవచ్చు.
ఇక జీర్ణక్రియను మెరుగుపరచడంలో మెంతులు, జీలకర్ర, ఆవాల కషాయం కూడా ప్రముఖ పాత్ర పోషిస్తాయి. మెంతి ఆకులను నీటిలో ఉడికించి ఆ నీటిని వడగట్టి కొద్దిగా ఉప్పు కలిపి తాగితే ఉపశమనం ఉంటుంది. గ్యాస్ట్రిక్ మరియు అల్సర్‌తో బాధపడేవారికి తరచుగా వచ్చే త్రేన్పులు, నోటి దుర్వాసనను తగ్గించడంలో ఆవాల కషాయం చాలా ప్రభావవంతంగా పనిచేస్తుంది. వీటిలోని యాంటీ బ్యాక్టీరియల్ పదార్థాలు స్టమక్ అల్సర్ మరింత పెరగకుండా ముందే నివారిస్తాయి. అలాగే స్వచ్ఛమైన కొబ్బరినీళ్లలోని సహజ మినరల్స్ పొట్టను లోపలి నుంచి శుభ్రపరిచి, చల్లబరిచి అల్సర్ తీవ్రతను తగ్గిస్తాయి. ఈ చిన్నపాటి ఆహారపు మార్పులు, వేళకు భోజనం చేయడం, తగినంత విశ్రాంతి తీసుకోవడం, పీచు పదార్థాలు ఉండే ఆహారాన్ని తీసుకోవడం ద్వారా ఈ సమస్యల నుంచి శాశ్వతంగా బయటపడవచ్చు.
stomach burning remedies, acidity home remedies, gastric problem quick relief, natural acid reflux treatment, gas bloating home remedies, how to cure stomach burning, digestive health tips.
.webp)
మన వంటింట్లో లభించే ఆరోగ్యకరమైన కూరగాయలలో బీరకాయ ముందు వరుసలో ఉంటుంది. వేసవి కాలంలో లేదా ఒంట్లో వేడి ఎక్కువగా ఉన్న రోజుల్లో శరీరాన్ని చల్లబరిచే అద్భుతమైన వంటకాల్లో బీరకాయ పెరుగు కూర ప్రత్యేక స్థానం సంపాదించుకుంది. సాధారణంగా బీరకాయను పాలు పోసి, పెసరపప్పుతో లేదా ఎగ్ వేసి రకరకాలుగా వండుతుంటాం. కానీ పెరుగుతో బీరకాయ కూర వండుకోవడం చాలా సులభం మాత్రమే కాకుండా, అద్భుతమైన రుచిని ఇస్తుంది. ఈ ఆరోగ్యకరమైన రెసిపీ తయారీకి మనకు కేవలం కొన్ని సాధారణ పదార్థాలు మాత్రమే సరిపోతాయి. ఈ వంటకం కోసం ముఖ్యంగా 2 కప్పుల తాజా బీరకాయ ముక్కలు, 3 కప్పుల పెరుగు, రుచికి సరిపడా ఉప్పు, అర టేబుల్ స్పూన్ పసుపు, కొద్దిగా అల్లం పేస్ట్, 1 టీ స్పూన్ కారం, 2 నుంచి 3 పచ్చిమిర్చి, 10 కరివేపాకులు, కొద్దిగా కొత్తిమీర, పోపు కోసం తగినంత నూనె, ఆవాలు, మినపప్పు, జీలకర్ర మరియు ఎండుమిర్చి అవసరమవుతాయి.
ఈ రుచికరమైన కూరను తయారు చేసేందుకు ముందుగా బీరకాయలను శుభ్రంగా కడిగి, పీచు తీసి చిన్న చిన్న ముక్కలుగా కట్ చేసుకోవాలి. ఒక పాత్రలో కొద్దిగా నూనె వేసి బీరకాయ ముక్కలను వేయించుకోవాలి లేదా కొద్దిగా నీళ్లు, ఉప్పు, పసుపు వేసి ముక్కలు మెత్తబడే వరకు ఉడికించుకోవాలి. అలా ఉడికించిన బీరకాయ ముక్కలను పక్కన పెట్టుకోవాలి. ఇప్పుడు మరో గిన్నెలో 3 కప్పుల పెరుగు తీసుకుని, అందులో కొద్దిగా నీళ్లు కలిపి చిక్కటి మజ్జిగలా తయారు చేసుకోవాలి. ఆ మజ్జిగలో ముందుగా ఉడికించి పెట్టుకున్న బీరకాయ ముక్కలను వేసి బాగా కలపాలి. ఆ తర్వాత స్టవ్ మీద మీడియం మంటపై ఈ మిశ్రమాన్ని కొద్దిసేపు ఉడికించాలి. అయితే పెరుగును ఎక్కువసేపు మరగనివ్వకూడదు, లేదంటే పెరుగు విరిగిపోయే అవకాశం ఉంది కాబట్టి తగు జాగ్రత్త తీసుకోవాలి.
ఇప్పుడు ఈ కూరకు సరిపడే పోపు సిద్ధం చేసుకోవాలి. ఒక చిన్న కడాయిలో సరిపడా నూనె వేడి చేసి, ఆవాలు, మినపప్పు, జీలకర్ర, ఎండుమిర్చి, కరివేపాకులు, చీల్చిన పచ్చిమిర్చి ముక్కలు మరియు కొద్దిగా అల్లం పేస్ట్ వేసి మంచి వాసన వచ్చే వరకు వేయించుకోవాలి. ఇలా సిద్ధం చేసుకున్న సువాసనల పోపును ముందుగా తయారు చేసి పెట్టుకున్న పెరుగు కూరలో వేసి చక్కగా కలపాలి. చివరగా సన్నగా తరిగిన కొత్తిమీర తరుగును చల్లుకుంటే ఎంతో కమ్మనైన, ఆరోగ్యకరమైన బీరకాయ పెరుగు కూర సిద్ధమవుతుంది. ఈ కూరను వేడి వేడి అన్నంతో కలిపి తింటే ఆ రుచే వేరుగా ఉంటుంది. శరీరానికి ఎంతో చల్లదనాన్ని ఇచ్చే ఈ సంప్రదాయ వంటకాన్ని ఇంట్లోని సాధారణ పదార్థాలతోనే ఎంతో సులభంగా తయారు చేసుకోవచ్చు. ఒక్కసారి ఈ పద్ధతిలో ట్రై చేస్తే కుటుంబంలోని అందరూ ఎంతో ఇష్టంగా తింటారు మరియు మళ్లీ మళ్లీ చేయమని అడుగుతారు.
Beerakaya perugu kura, ridge gourd curd curry recipe, healthy ridge gourd recipe, Andhra style ridge gourd curry, beerakaya recipes, yogurt ridge gourd curry, easy vegetarian curries.
.webp)
షుగర్ వ్యాధి ఉన్నవారిలో కిడ్నీ సమస్యలు ఎందుకు వచ్చే అవకాశం ఉంది? రక్తంలో చక్కెర స్థాయిలు ఎక్కువ కాలం నియంత్రణలో లేకపోతే మూత్రపిండాల పనితీరుపై ఎలాంటి ప్రభావం పడుతుంది? కిడ్నీలు ఆరోగ్యంగా ఉండాలంటే ఎలాంటి జాగ్రత్తలు తీసుకోవాలి? ఈ విషయాలను తెలుసుకోవడం ప్రతి డయాబెటిస్ పేషెంట్‌కు ఎంతో ముఖ్యం.
ఈ TeluguOne Health వీడియోలో డాక్టర్ చిట్టిబొట్ల మధుసూదన శర్మ షుగర్ వ్యాధి, కిడ్నీల ఆరోగ్యం, సంప్రదాయ వైద్య విధానాల్లో ఉపయోగించే ఔషధ మొక్కల గురించి వివరిస్తారు. ముఖ్యంగా తెల్ల గలిజేరు అని పిలిచే పునర్నవ మొక్క, పల్లేరు గింజలు, పండ్ల సంప్రదాయ ఉపయోగాల గురించి తెలుసుకోవచ్చు. ఈ మూలికలను సంప్రదాయ వైద్యంలో ఎలా పరిగణిస్తారు, వాటిని ఉపయోగించేటప్పుడు ఎలాంటి జాగ్రత్తలు అవసరమో తెలుసుకోవచ్చు.
డయాబెటిస్ వల్ల కిడ్నీలపై ఎలాంటి ప్రభావం పడవచ్చు? షుగర్ పేషెంట్లు మూత్రపిండాల ఆరోగ్యాన్ని కాపాడుకోవడానికి ఎలాంటి జాగ్రత్తలు పాటించాలి? పునర్నవ (తెల్ల గలిజేరు) మొక్కకు సంప్రదాయ వైద్యంలో ఉన్న ప్రాధాన్యత ఏమిటి? పల్లేరు గింజలు, పండ్లను సంప్రదాయ వైద్య విధానాల్లో ఎలా ఉపయోగిస్తారు? మూలికలతో తయారుచేసే ఔషధాలను వాడేటప్పుడు ఎలాంటి జాగ్రత్తలు తీసుకోవాలి? కిడ్నీ సమస్యలను ముందుగానే గుర్తించడానికి వైద్య పరీక్షలు ఎందుకు ముఖ్యం? వంటి అంశాలను ఈ వీడియోలో తెలుసుకోవచ్చు.
డయాబెటిస్ ఉన్నవారు కిడ్నీల ఆరోగ్యంపై ప్రత్యేక శ్రద్ధ చూపాలి. రక్తంలో గ్లూకోజ్ స్థాయిలను నియంత్రణలో ఉంచుకోవడం, వైద్యుల సూచనల ప్రకారం మందులు వాడటం, అవసరమైన కిడ్నీ పరీక్షలు చేయించుకోవడం చాలా ముఖ్యం. కిడ్నీ సమస్యలు ప్రారంభ దశలో ఉన్నప్పుడు స్పష్టమైన లక్షణాలు కనిపించకపోవచ్చు. అందువల్ల క్రమం తప్పకుండా వైద్య పరీక్షలు చేయించుకోవాలి.
షుగర్ వ్యాధి ఉన్నవారు తమ కిడ్నీలను ఆరోగ్యంగా ఉంచుకోవడానికి తీసుకోవాల్సిన జాగ్రత్తలు, పునర్నవ మరియు పల్లేరు గురించి మరిన్ని వివరాలు తెలుసుకోవడానికి డాక్టర్ చిట్టిబొట్ల మధుసూదన శర్మ వివరణతో కూడిన ఈ TeluguOne Health వీడియోను పూర్తిగా చూడండి.
గమనిక:
ఈ వీడియోలోని సమాచారం ఆరోగ్య అవగాహన కోసం మాత్రమే. మూలికలు కిడ్నీ వ్యాధులను నయం చేస్తాయని నిర్ధారిత ఆధారాలు లేవు. వైద్యుల సూచన లేకుండా షుగర్ మందులను ఆపకండి లేదా మూలికలను వైద్య చికిత్సకు ప్రత్యామ్నాయంగా ఉపయోగించకండి.
ఆరోగ్యంగా ఉండాలని చాలామంది విటమిన్ సప్లిమెంట్లు, ఇతర మందులు వాడుతుంటారు. అయితే ఏ మందును ఎంత మోతాదులో తీసుకోవాలి? ఎన్ని రోజులు వాడాలి? ఇతర మందులతో కలిపి తీసుకోవచ్చా? అనే విషయాలు తెలుసుకోకుండా మందులు వాడితే అనవసరమైన ఆరోగ్య సమస్యలు ఎదురయ్యే అవకాశం ఉంది. ముఖ్యంగా Vitamin D, Vitamin B12 వంటి సప్లిమెంట్లను వైద్యుల సూచనల మేరకు తీసుకోవడం ఎంతో ముఖ్యం.
మందులు వాడేటప్పుడు చేసే చిన్న పొరపాట్లు కూడా ఆరోగ్యంపై ప్రభావం చూపవచ్చు. వైద్యులకు తమ ఆరోగ్య సమస్యలను పూర్తిగా చెప్పకపోవడం, వాడుతున్న మందుల వివరాలను తెలియజేయకపోవడం, సొంతంగా మందుల మోతాదును మార్చుకోవడం వంటి అలవాట్లు చికిత్సకు ఆటంకం కలిగించవచ్చు.
ప్రపంచ రోగుల భద్రతా దినోత్సవం (World Patient Safety Day) సందర్భంగా, రోగుల భద్రతకు సంబంధించిన ముఖ్యమైన విషయాలను హోమియోపతి వైద్యులు డాక్టర్ ప్రవీణ్ కుమార్ ఈ వీడియోలో వివరించారు.
Vitamin D, B12 సప్లిమెంట్లు వాడేటప్పుడు ఏం జాగ్రత్తలు తీసుకోవాలి?
Vitamin D శరీరంలో కాల్షియం శోషణకు, ఎముకల ఆరోగ్యానికి ముఖ్యమైనది. Vitamin B12 నరాల పనితీరుకు, ఎర్ర రక్తకణాల తయారీకి అవసరం. ఈ విటమిన్ల లోపం ఉన్నప్పుడు వైద్యులు తగిన పరీక్షలు చేసి, అవసరాన్ని బట్టి సప్లిమెంట్లను సూచించవచ్చు.
అయితే ఈ మందులను ఎక్కువ మోతాదులో తీసుకుంటే త్వరగా ఆరోగ్యం మెరుగుపడుతుందని భావించడం సరైంది కాదు. ముఖ్యంగా Vitamin D అధిక మోతాదులో తీసుకోవడం వల్ల రక్తంలో కాల్షియం స్థాయులు పెరిగి ఆరోగ్య సమస్యలు రావచ్చు. అందువల్ల వైద్యుల సలహా లేకుండా మోతాదును పెంచడం లేదా ఎక్కువకాలం కొనసాగించడం చేయకూడదు.
వైద్యులకు మీ ఆరోగ్య సమస్యలను ఎందుకు పూర్తిగా చెప్పాలి?
కొంతమంది తమకు ఉన్న లక్షణాలను, గతంలో ఎదురైన ఆరోగ్య సమస్యలను లేదా ప్రస్తుతం వాడుతున్న మందులను వైద్యులకు పూర్తిగా తెలియజేయరు. మరికొందరు ఇతరుల సలహాతో మందులు వాడుతుంటారు. ఇలాంటి వివరాలు దాచడం వల్ల సరైన చికిత్స నిర్ణయించడంలో ఇబ్బందులు ఎదురవుతాయి.
మీకు ఉన్న లక్షణాలు, అలర్జీలు, ఇప్పటికే వాడుతున్న మందులు, విటమిన్ సప్లిమెంట్లు, గతంలో తీసుకున్న చికిత్సల గురించి వైద్యులకు స్పష్టంగా చెప్పాలి. ఈ సమాచారం సరైన చికిత్స అందించడానికి, మందుల మధ్య అవాంఛిత ప్రతిచర్యల ప్రమాదాన్ని తగ్గించడానికి ఉపయోగపడుతుంది.
మందుల మోతాదులో చేసే పొరపాట్లు ఎంత ప్రమాదకరం?
వైద్యులు సూచించిన మోతాదు కంటే ఎక్కువగా లేదా తక్కువగా మందులు తీసుకోవడం, సమయానికి తీసుకోకపోవడం, ఒకరి మందులను మరొకరు వాడటం వంటి పొరపాట్లను నివారించాలి. మందుల పేర్లు, మోతాదు, తీసుకోవాల్సిన సమయం, వాడే కాలం గురించి స్పష్టత లేకపోతే వైద్యుడిని లేదా ఫార్మసిస్ట్‌ను అడిగి తెలుసుకోవాలి.
మందుల వల్ల ఏవైనా అసాధారణ లక్షణాలు కనిపిస్తే వాటిని నిర్లక్ష్యం చేయకుండా వైద్యులను సంప్రదించాలి. వైద్యుల సలహా లేకుండా సూచించిన చికిత్సను నిలిపివేయడం లేదా మోతాదును మార్చడం కూడా సరికాదు.
రోగుల భద్రతలో మన బాధ్యత ఏమిటి?
రోగుల భద్రత అనేది వైద్యుల బాధ్యత మాత్రమే కాదు. రోగులు కూడా తమ ఆరోగ్యం గురించి అవగాహన కలిగి ఉండాలి. మందుల వివరాలను సరిచూసుకోవడం, వైద్యులు సూచించిన విధంగా వాడటం, సందేహాలు ఉంటే అడగడం, అవసరమైన పరీక్షలు చేయించుకోవడం వంటి అలవాట్లు చికిత్సను మరింత సురక్షితంగా మార్చడంలో సహాయపడతాయి.
ప్రపంచ రోగుల భద్రతా దినోత్సవం సందర్భంగా డాక్టర్ ప్రవీణ్ కుమార్ అందించే ఈ వీడియోలో Vitamin D, Vitamin B12 మందుల వినియోగంలో తీసుకోవాల్సిన జాగ్రత్తలు, వైద్యులకు ఆరోగ్య వివరాలను చెప్పడం ఎందుకు అవసరం, మందుల మోతాదులో పొరపాట్లను ఎలా నివారించాలి, సురక్షితమైన చికిత్స కోసం రోగులు పాటించాల్సిన పద్ధతులు వంటి ముఖ్యమైన విషయాలను తెలుసుకోండి.
గమనిక: ఈ సమాచారం ఆరోగ్య అవగాహన కోసం మాత్రమే. మీ ఆరోగ్య పరిస్థితికి అనుగుణంగా మందులు, విటమిన్ సప్లిమెంట్లు వాడేందుకు వైద్యులను సంప్రదించండి. వైద్యుల సూచన లేకుండా మందుల మోతాదును మార్చవద్దు.
శరీర సౌందర్యాన్ని కాపాడుకోవడానికి , చిన్నచిన్న అనారోగ్య సమస్యలను తగ్గించుకోవడానికి మన పెద్దలు ఎన్నో రకాల గృహ వైద్యాలను సూచించారు. అలాంటి వాటిలో నాభిలో నూనె వేసుకోవడం అనేది చాలా కాలంగా వస్తున్న ఒక సాంప్రదాయ పద్ధతి. ముఖ్యంగా శీతాకాలం లేదా మారుతున్న కాలానికి తగినట్లుగా చర్మం పొడిబారడం, పెదవులు పగిలిపోవడం వంటి సమస్యలు సర్వసాధారణం. ఈ నేపథ్యంలో రాత్రి పడుకునే ముందు నాభిలో కొన్ని చుక్కల ఆవనూనె రాసుకోవడం వల్ల ఎలాంటి ప్రయోజనాలు కలుగుతాయి, దాని వెనుక ఉన్న వాస్తవాలు ఏమిటో వివరంగా తెలుసుకుంటే..
చర్మానికి తేమను అందిస్తుంది..
సాంప్రదాయం వైద్యంలో, ఇంటి చిట్కాలలోనూ, రోజువారీ అలవాట్ల లోనూ నాభికి నూనె రాయడం వల్ల శరీరానికి ఎంతో మేలు జరుగుతుందని నమ్ముతారు. ఆవనూనెలో సహజ సిద్ధమైన కొవ్వు ఆమ్లాలు, విటమిన్ ఇ వంటి పోషకాలు పుష్కలంగా ఉంటాయి. ఇవి చర్మానికి అవసరమైన తేమను అందించడంలో సహాయపడతాయి. రాత్రి సమయంలో నిద్రపోయే ముందు బొడ్డు ప్రాంతంలో ఆవనూనెను రాసుకోవడం ద్వారా చర్మం లోపలి నుండి పోషణ పొందుతుంది. ఆయుర్వేదంలో శరీరానికి నూనెతో మర్దన చేయడం ఆరోగ్యానికి మంచిదని చెబుతారు.
పొడి చర్మానికి రక్షణ..
మారుతున్న వాతావరణం కారణంగా చాలా మందిలో చర్మం తేమను కోల్పోయి పొడిబారుతుంది. దీనివల్ల చర్మంపై పీచు వలె గరుకుగా మారడం, లాగడం వంటి సమస్యలు వస్తాయి. ఇలాంటి సమయంలో ఆవనూనెలో ఉండే కొవ్వు పదార్థాలు చర్మం పైపొరను మృదువుగా మార్చడానికి సహాయపడతాయి. కేవలం నాభి చుట్టూ మాత్రమే కాకుండా, ఈ నూనె రాయడం వల్ల శరీరంలోని ఇతర భాగాల చర్మానికి కూడా మంచి అనుభూతి కలుగుతుంది. అయితే తీవ్రమైన పొడి చర్మం ఉన్నవారు నేరుగా మంచి మాయిశ్చరైజర్లను ఉపయోగించడం మరింత వేగంగా ఫలితాన్ని ఇస్తుంది.
పగిలిన పెదాలను రిపేర్ చేస్తుంది..
చలికాలం లేదా ఎండ తీవ్రత కారణంగా పెదవులు పగిలిపోవడం చాలా మందిలో కనిపిస్తుంది. పెదవులు పగిలి రక్తం రావడం లేదా ఇబ్బందిగా అనిపించడం జరుగుతుంది. ప్రతిరోజూ రాత్రి పడుకునే ముందు నాభిలో రెండు లేదా మూడు చుక్కల ఆవనూనె వేసి సున్నితంగా మర్దన చేయడం వల్ల పెదవులు పొడిబారకుండా మృదువుగా మారుతాయని చెబుతారు. అయితే దీనితో పాటు పెదవుల సంరక్షణ కోసం సాధారణ లిప్ బామ్ లేదా పెట్రోలియం జెల్లీని ఉపయోగించడం కూడా మంచి ఫలితాలను ఇస్తుంది.
జీర్ణవ్యవస్థ కు మంచిది..
జీర్ణవ్యవస్థ విషయానికి వస్తే, కడుపులో తేలికపాటి అసౌకర్యం లేదా నొప్పిగా ఉన్నప్పుడు పొట్ట భాగంలో గోరువెచ్చని నూనెతో మర్దన చేయడం వల్ల ఉపశమనం లభిస్తుంది. ఆవనూనె వంటి వాటితో మసాజ్ చేయడం వల్ల ఆ ప్రాంతంలో రక్త ప్రసరణ మెరుగుపడుతుంది. దీనివల్ల కండరాలు రిలాక్స్ అవ్వడానికి సహాయపడుతుంది.
మహిళల నెలసరిలో..
ముఖ్యంగా మహిళలకు నెలసరి సమయాల్లో పొత్తికడుపులో వచ్చే నొప్పుల నుంచి ఉపశమనం పొందడానికి ఈ పద్ధతి కొంత వరకు మానసిక ప్రశాంతతను , మంచి నిద్రను ఇస్తుంది.
ఎలా ఉపయోగించాలి?
ఆవనూనెను నాభిలో ఎలా ఉపయోగించాలనే సరైన పద్ధతిని తెలుసుకోవడం చాలా ముఖ్యం. రాత్రి పడుకునే ముందు నాభి ప్రాంతాన్ని శుభ్రంగా కడిగి పొడిగా ఉంచుకోవాలి. ఆ తర్వాత రెండు నుంచి మూడు చుక్కల ఆవనూనెను తీసుకుని, నాభిలో , దాని చుట్టూ ఉన్న చర్మంపై సున్నితంగా రాయాలి. దీనిని చాలా గట్టిగా రుద్దాల్సిన అవసరం లేదు అలాగే అతిగా నూనె పోయాల్సిన పని కూడా లేదు. కొద్దిపాటి నూనెతో సున్నితంగా మర్దన చేస్తే సరిపోతుంది.
అయితే ఈ పద్ధతి అందరికీ ఒకేలా సరిపోతుంది అని చెప్పలేము. సున్నితమైన చర్మం ఉన్నవారికి లేదా ఆవనూనె పడని వారికి దీనివల్ల చికాకు, ఎరుపుదనం, దురద లేదా అలర్జీ వచ్చే అవకాశం ఉంటుంది. ఒకవేళ నూనె రాసిన తర్వాత ఏమైనా అసౌకర్యంగా అనిపిస్తే వెంటనే కడిగివేయాలి. ఎలాంటి సమస్యలు లేనివారు ఈ చిట్కాను పాటిస్తూ చర్మాన్ని సంరక్షించుకోవచ్చు.
*రూపశ్రీ.