వైవియస్ చౌదరి దర్శకత్వంలో తెరకెక్కుతున్న "రేయ్" ఆడియో విడుదల కార్యక్రమం నిన్న హైదరాబాద్ లో ఘనంగా జరిగింది. ఈ కార్యక్రమంలో చౌదరి మాట్లాడుతూ... "స్వర్గీయ నందమూరి తారకరామారావు గారి ఆదర్శంతో సినిమాల్లోకొచ్చి, ఈరోజు ఈ స్థాయిలో ఉన్నాను. నేను మీలాగే పవన్ అభిమానిని. నా తొలి చిత్రాన్ని ఆయనతోనే చేయాలనుకున్నాను కానీ కుదర్లేదు. నిజాయితీగా నడుచుకోవడం, నిస్వార్థంగా సహాయం చేయడం, ఎంత పెద్దదైనా సాధించగలమనే మనో ధైర్యం పవన్ కళ్యాణ్ లక్షణాలు. అదే హ్యుమనిజం.. అదే పవనిజం. తనకంటూ ఓ బాణీని ఏర్పాటు చేసుకున్న నటుడు పవన్. ఒక పెద్ద కుటుంబం నుంచి వచ్చినా తనకంటూ ఓ ప్రత్యేక ఇమేజ్ ను ఏర్పరచుకున్నారు. తేజ్ చాలా బాగా నటించాడు. చక్రి అద్భుతమైన సంగీతం అందించాడు" అని అన్నారు.