యువరాజ్ ఆరు బంతుల్లో ఆరు సిక్సులు.. ఫ్లింటాఫ్ అలా అన్నందుకే కొట్టాను..
Published on: Fri Apr 29, 2016 4:20PM
డాషింగ్ బ్యాట్స్ మెన్ యువరాజ్ సింగ్ ఒకే ఓవర్లో ఆరు బంతులకు ఆరు సిక్సులు కొట్టి రికార్డ్ సృష్టించిన సంగతి తెలిసిందే. దాదాపు తొమ్మిదేళ్ల క్రితం జరిగిన దీనికి ఎప్పటికీ మరచిపోలేము. అయితే తాను ఆరు సిక్సులు కొట్టడానికి గల కారణం ఏంటో చెప్పాడు. తొలి టీ20 ప్రపంచకప్ లో ఇంగ్లాండ్ తో మ్యాచ్ జరుగుతుండగా.. స్టువార్ట్ బ్రాడ్ ఓవర్లో యువరాజ్ వరుసగా ఆరు సిక్సులు కొట్టాడు. అయితే దీనికి అదే జట్టులో ఉన్న ప్లింటాఫ్ తో జరిగిన గొడవే కారణమంటూ అసలు ఏం జరిగిందో చెప్పాడు. ఫ్లింటాఫ్ బౌలింగ్లో రెండు ఫోర్లు కొట్టానని, అవి చెత్త షాట్లంటూ ఓ బూతు పదం అతను వాడాడని, నేనూ ఓ బూతు తిట్టానని.. దానికి ఏం మాట్లాడావని అతను తనని అడిగాడని, దానికి తాను ఘాటుగానే.. నువ్వు సరిగ్గానే విన్నావని చెప్పానని తెలిపాడు. దానికి అతను 'నీ గొంతు కోస్తానని' తనను అన్నాడని యువీ చెప్పాడు. దీనికి కోపం కట్టలు తెచ్చుకొని వచ్చిందని దానికి ప్రతి బాల్ బౌండరీ దాటించాలని అనుకున్నా అని చెప్పాడు.
