దివంగత మాజీ ముఖ్యమంత్రి వై.ఎస్. రాజశేఖర రెడ్డి మరణంపై కొత్తగా అనుమానాలు మొదలయ్యాయి. ఈయన మరణంలో ఎవరి ప్రమేయం లేదని గతంలో తేల్చినా స్వయంగా ఆయన సతీమణి వై.ఎస్. విజయమ్మ కొట్టగా తనకు అనుమానాలున్నాయని రెండేళ్ళు గడిచిన తరువాత ప్రకటించారు. అసస్లు ఈ ప్రకటన అర్థరహితమని కొందరు కొట్టేస్తున్నారు. అయితే ఇది రాజకీయ కుత్రలాంటిదేనని ఆయన మరణంలో సాంకేతిక లోపం తప్పించి ఇతర అంశాలేవీ తమ దృష్టికి రాలేదని అప్పట్లో ప్రభుత్వం ప్రకటించింది. ఇదే విషయాన్ని గుర్తు చేస్తూనే పీసీసీ చీఫ్ బొత్సా సత్యనారాయణ వై.ఎస్.ఆర్. కాంగ్రెస్ నాయకులు కావాలనే ఈ ఆరోపణ చేసి రాజకీయ లబ్ది పొందాలనుకుంటున్నారన్నారు. అయితే వాస్తవానికి వై.ఎస్. హఠాత్తుగా మాయమవటం, వాతావరణ సమస్య, తరువాత దగ్ధమవటం, ఆయన శరీరాన్ని కూడా గుర్తించలేకపోవటం వంటి పలు అంశాలు ఇంకా అభిమానుల్లో ఆక్రోశాన్ని రగులుస్తూనే ఉన్నాయి. ఉప ఎన్నికల తరువాతైనా ఈ రగడకు పుల్ స్టాప్ పెట్టేందుకు ప్రభుత్వం పూనుకోవాలని రాజకీయ మేథావులు ప్రభుత్వాన్ని కోరుతున్నారు.