వైకాపా ఎమ్మెల్యేని లోపలేశారు

ప్రస్తుతం ఆంధ్రప్రదేశ్ వ్యాప్తంగా వైఎస్సార్సీపీ నాయకులు చంద్రబాబు మీద మాటల దాడి చేయడానికి, ఆయన చేసే ప్రతి పనిలో తప్పులు వెతికి నానా యాగీ చేయడానికి సిద్ధంగా వున్నారు. ఎక్కడ చిన్న మేటర్ దొరికినా కోతి పుండును బ్రహ్మరాక్షసి చేయడానికి రెడీగా వున్నారు. దీనిలో భాగంగా గుంటూరులో ఒక ఇష్యూ లేవదీశారు. ఆంధ్రప్రదేశ్ ముఖ్యమంత్రిగా చంద్రబాబు ప్రమాణస్వీకారం సందర్భంగా గుంటూరు బస్టాండ్ సెంటర్లోని దుకాణాలు అడ్డొచ్చే అవకాశం ఉందంటూ వాటిని తొలగించేందుకు స్థానిక అధికారులు పోలీసుల సహకారంతో ప్రయత్నించారు. ఈ విషయం తెలుసుకున్న గుంటూరు తూర్పు నియోజకవర్గం ఎమ్మెల్యే షేక్ మహ్మద్ ముస్తఫా తన అనుచరులతో అక్కడకు చేరుకుని వారిని అడ్డుకునే ప్రయత్నం చేశారు. దీంతో పోలీసులకు, ఎమ్మెల్యేకు మధ్య వాగ్వాదం చోటుచేసుకుంది. దాంతో ఎమ్మెల్యేను గుంటూరు పోలీసులు అరెస్టు చేసి లోపలేశారు.