వైసీపీ నాయకులకు తమ పార్టీ ఎన్నికలలో ఎందుకు ఓడిపోయిందో ఇన్నాళ్ళకు తెలిసినట్టుంది. టాలీవుడ్ స్టార్ పవన్ కల్యాణ్ కారణంగానే మొన్నటి ఎన్నికల్లో ఆంధ్రప్రదేశ్లో తెలుగుదేశం పార్టీ అధికారంలోకి వచ్చిందని, పవన్ కళ్యాణ్ కారణంగానే తమ పార్టీ ఓడిపోయిందని నగరి శాసనసభ్యురాలు, వైసీపీ నాయకురాలు రోజా అన్నారు. మంగళవారం చిత్తూరులో రోజా విలేకరులతో మాట్లాడుతూ రాష్ట్ర ప్రభుత్వంపై విరుచుకుపడిన సందర్భంగా ఈ టాపిక్ తీసుకొచ్చారు. రైతుల రుణమాఫీపై ఆంధ్రప్రదేశ్ ముఖ్యమంత్రి చంద్రబాబు ప్రకటన తమకు అర్థం కావడం లేదని రోజా చెప్పారు. రుణమాఫీ విషయంలో చంద్రబాబు రైతులను మభ్యపెట్టడానికే ప్రయత్నిస్తున్నారని ఆరోపించారు.