4న జైలుకి జగన్!
Published on: Wed Jul 3, 2024 10:57AM
ఈనెల 4న మాజీ ముఖ్యమంత్రి జగన్ జైలుకి వెళ్ళబోతున్నారు. జగన్ జైలుకు వెళ్ళబోతున్నారు అంటే, ఆయన చేసిన నేరాలకు శిక్ష అనుభవించడానికి అనుకుంటున్నారా? కాదు.. దానికి ఇంకా కొంచెం టైమ్ వుంది. కాకపోతే, జగన్ ఈనెల 4న జైలుకు వెళ్ళబోతున్న మాట మాత్రం నిజం. జగన్ నెల్లూరు జైలుకు వెళ్ళనున్నారు. అక్కడ సెంట్రల్ జైల్లో వున్న మాచర్ల మాజీ ఎమ్మెల్యే పిన్నెల్లి రామకృష్ణారెడ్డిని కలవనున్నారు. జైల్లో మానసికంగా క్రుంగిపోయి వున్న పిన్నెల్లి రామకృష్ణారెడ్డిని ఓదార్చి, ధైర్యం చెప్పనున్నారు. ఈవీఎంలను ధ్వంసం చేయడం, పోలింగ్ సందర్భంగా అరాచకం సృష్టించడం వల్ల పిన్నెల్లి జైలుపాలయ్యారు. పిన్నెల్లి చేసిన నేరాలకు గాను పోలీసులకు 10 సెక్షన్ల కింద కేసులు నమోదు చేశారు. ఆయనకు కనీసం ఏడేళ్ళ జైలు శిక్ష పడే అవకాశం వుంది. ఈ నేపథ్యంలో్ జగన్ జైలుకు వెళ్ళిమరీ పిన్నెల్లిని కలవబోవడం చర్చనీయాంశమైంది.


