రోజాపై పరువునష్టం దావా..
Published on: Wed Jan 27, 2016 11:28AM
.jpg)
టీడీపీ ఎమ్మెల్యే అనితపై వైసీపీ ఫైర్ బ్రాండ్ రోజా అనుచిత వ్యాఖ్యలు చేసిన సంగతి తెలిసిందే. ఆమె చేసిన వ్యాఖ్యలకు గాను అనిత మరోసారి రోజాపై విరుచుకుపడ్డారు. రోజా తనపై చేసిన వ్యాఖ్యలకు తాను మానసికంగా చాలా బాధ పడ్డానని.. రోజా తీవ్రవాది కన్నా ప్రమాదకారి అని.. ఆమె అసెంబ్లీలో అలా రెచ్చిపోతుంటే ఆపార్టీ అధినేత ఆమెను నియంత్రించకుండా నిమ్మకు నీరెత్తినట్టు కూర్చోవడం ఏంటో తనకు అర్ధం కావట్లేదని అన్నారు. అంతేకాదు రోజా తనపై చేసిన వ్యాఖ్యలకుగాను ఆమెపై పరువు నష్టం దావా వేస్తానని అన్నారు. భవిష్యత్తులో ఇలాంటి వ్యాఖ్యలు చేయకుండా ఉండాలంటే ఇలానే చేయాలని.. అందుకే తనపై కోటి రూపాయల పరువు నష్టం దావా వేస్తానని తెలిపారు. దానికి సంబంధించిన నోటీసులు కూడా రోజాకు పంపినట్టు ఆమె తెలిపారు. మరి రోజా ఎలా స్పందిస్తుందో..


