వైసీపీ ఎమ్మెల్యే రోజా అసెంబ్లీలో అనుచిత వ్యాఖ్యలు చేసిందన్న ఆరోపణకు గాను స్పీకర్ కోడెల ఆమెను సంవత్సరంపాటు సస్పెండ్ చేసిన సంగతి తెలిసిందే. దీంతో అటు అధికార పార్టీకి.. ప్రతిపక్ష పార్టీకి మధ్య మాటల యుద్ధాలు జరుగుతున్నాయి. ఈ నేపథ్యంలో రోజా కూడా తనపై చేస్తున్న విమర్శల గురించి మాట్లాడుతూ అధికార పార్టీపై ప్రశ్నలు కురిపించింది. అధికార పార్టీ తనపై..తాను వాడుతున్న భాషపై అనవసరంగా విమర్శలు చేస్తుందని.. తాను గతంలో టీడీపీలో ఉన్నప్పుడు కూడా ఇదే బాషను ఉపయోగించా.. ఇప్పుడు అదే బాషను ఉపయోగించా.. అప్పుడు తప్పనిపించనిది.. ఇప్పుడు ఎలా తప్పనిపిస్తుంది అని ప్రశ్నించారు. అంతేకాదు కాల్ మనీ గురించి కూడా ఆమె మాట్లాడుతూ.. ప్రభుత్వాలు రుణాలు ఇవ్వకపోవడం వల్లే ప్రజలు వడ్డీ వ్యాపారులను ఆశ్రయిస్తున్నారని.. ఇదే అదనుగా చూసుకొని వారు ఇలాంటి అక్రమాలకు పాల్పడుతున్నారని అన్నారు.