TeluguOne Health
● # Tweets

Download the TeluguOne App

Choose your platform to continue

టీఆర్ఎస్ 'ప్రగతి నివేదన సభ' ఏర్పాట్ల వద్ద వైసీపీ ఎమ్మెల్యే..!!

Published on: Tue Aug 28, 2018 5:22PM

 

టీఆర్ఎస్ పార్టీ ఇబ్రహీంపట్నం సమీపంలోని కొంగర కలాన్ వద్ద 'ప్రగతి నివేదన' పేరుతో సెప్టెంబర్ 2 న భారీ బహిరంగ సభ పెడుతున్న విషయం తెలిసిందే.. ఈ సభకోసం అక్కడ భారీ ఏర్పాట్లు జరుగుతున్నాయి.. అయితే ఆ ఏర్పాట్ల వద్ద ఓ ఆసక్తికరమైన సంఘటన జరిగింది.. వైసీపీ ఎమ్మెల్యే ఒకరు దర్శనమిచ్చారు.. ఆయన ఎవరో కాదు చిత్తూరు జిల్లా చంద్రగిరికి చెందిన వైసీపీ ఎమ్మెల్యే చెవిరెడ్డి భాస్కర్ రెడ్డి.. ప్రగతి నివేదన సభ వద్ద ఏర్పాట్లను పరిశీలీంచడానికి హైదరాబాద్ మేయర్ బొంతు రామ్మోహన్ అక్కడే వున్నారు.. దీంతో ఆయన్ని కలవడానికి ఇక్కడికి వచ్చినట్లు చెవిరెడ్డి తెలిపారు.. వ్యక్తిగత పనిపైనే మేయర్ ను కలిసినట్లు ఇందులో రాజకీయాలేమీ లేవని అన్నారు.. మరోవైపు, చెవిరెడ్డికి సంబంధించిన వాహనాలును ఈ సభా ఏర్పాట్ల కోసం వాడుతున్నారని.. దీంతో వాటి వ్యవహారాలను చూసుకోడానికే ఆయన ఇక్కడికి వచ్చినట్లు తెలుస్తోంది.. కేవలం బిజినెస్ పనుల్లో భాగంగానే చెవిరెడ్డి అక్కడికి వెళ్లినట్టు సమాచారం.